नवीं दिल्ली दे नैशनल सटेडीअम नाल मेरीआं अनेकां यादां जुड़ीआं होईआं हन। इह सटेडीअम इंडीआ गेट दे साहमणे 1951 दीआं पहिलीआं एशिआई खेडां समें उसारिआ गिआ सी। इस दे पिछवाड़े पुराणे किले दे खंडर हन ते अग्गे विशाल खुल्ल्हे लाअन हन। हरा भरा घाह, रंग बरंगे फुल्ल, पाणी दे फुहारे, वड्डे हौज, इंडीआ गेट ते राशटरपती भवन दीआं शानदार इमारतां हन। इथे ही रिपबलिक डेअ दी परेड हुंदी है। असीं कालज दे अथलीट हफ़ते `च इक्क दो वार नैशनल सटेडीअम विच्च वी प्रैकटिस करन जांदे सां। 1962 विच्च जकारता दीआं एशिआई खेडां लई भारत दे अथलीटां दा कोचिंग कैंप वी उथे ही लग्गा सी। उसे कोचिंग कैंप विच्च मेरा पहिली वार सटार अथलीटां नूं मिलण दा सबब्ब बणिआ अते मैं खेडां ते खिडारीआं बारे लिखण लई प्रेरिआ गिआ।
मेरी डाइरी विच्च उदों दा लिखिआ इक्क नोट है-इक पुसतक पंजाबीआं दी ‘फिज़ीकल कलचर’ यानी सरीरक सभिआचार `ते होवे। मनुख्ख दा सथूल रूप सरीर ही है। साडी सारी सोचणी सरीरां दे वजूद करके है। जुस्सा, कसरतां, खेडां, सरीर दी कारगुज़ारी ते हंढणसारता। सरीर दा ज़ोर, हुसन ते सरीर दी सडौलता। इनहां सारीआं गल्लां दी चरचा उस पुसतक विच्च होवे। पंजाबी जुस्सिआं दा होरनां लोकां दे जुस्सिआं नाल तुलनातमिक अधिऐन कीता जावे। इह सारा कुझ्झ खोजीआं ते विचारवानां दे विचारन दा विशा है।

मेरी खेड लेखणी दे बीज मेरे मन `च नैशनल सटेडीअम आउंदिआं जांदिआं फुटे सन। मैनूं याद है उह दिन जिद्दण नैशनल सटेडीअम विच्च मैं पहिली वार मिलखा सिंघ ते मख्खण सिंघ होरां नूं आपणीआं अख्खां साहवें सामरतख्ख दौड़दे वेखिआ सी। प्रदुम्मण सिंघ ते बलकार सिंघ डिसकस सुट्ट हटे तां उनहां नाल गल्लां कीतीआं सन। उथे कई सटार अथलीटां नाल मेल होइआ सी। उस तों पहिलां मैं उनहां दीआं तसवीरां ही वेखीआं सन जां उनहां बारे लग्गीआं अख़बारी सुरखीआं पहड़ीआं सन। उथे उनहां दे पहिली वार रज्ज के दरशन होए सन।

मिलखा सिंघ सौ मीटर दीआं सपरिंटां लाउंदा उडदा लग्गदा सी। उहदा चिट्टा कछ्छा हवा `च फराटे मारदा सी। उहदे बुल्ल्ह हवा `च हिलदे ते उनहां `चों ‘छक्क छक्क’ दी शूक पैंदी सी। उहदा छांटिआ होइआ जुस्सा भख के तांबे रंगा होइआ पिआ सी। उस दीआं मुछ्छां निक्कीआं सन, दाहड़ी ठप्पी होई ते जूड़ा वड्डा सी। मख्खण सिंघ दो सौ मीटर दी दौड़ लाउंदा नज़रीं पिआ सी। टरैक दी टेढ उते ऐं लग्गा सी जिवें लाटू वांग टेढा हो के घुंमदा जांदा होवे। बलकार सिंघ दी बांह दा हुल्हारा दे के सुट्टी डिसकस हवा `च तारीआं लाउंदी जांदी सी ते दूर सारे जा के डिग्गदी सी। प्रदुम्मण सिंघ जटके मखौल करदिआं आपणे कुइंटल दे जुस्से नाल पैरां तों सिर तक हस्स रिहा सी। गुरबचन सिंघ रंधावा लत्त चुक्क के ते ताड़ी मार के खिड़दा सी। मील दी दौड़ वाला महिंदर सिंघ टरैक विच्च रेवीए पिआ फिरदा सी। वड्डे अथलीटां नूं वेख के असीं छोटे अथलीट बड़े प्रभावत होए सां। उनहां नाल गल्लां कर के आपणे आप नूं वड्डभागे समझण लग्ग पए सां।

मैं दिल्ली विच्च पंज साल दे करीब रिहा ते अनेकां वार नैशनल सटेडीअम गिआ। कदे प्रैकटिस करन, कदे अथलैटिक मीट वेखण ते कदे किसे खिडारी नूं मिलण। मैं नैशनल चैंपीअन खिडारीआं नूं कदे सटेडीअम दीआं पौड़ीआं `ते बहि के मिलदा ते कदे उनहां दे कमरिआं विच्च जा के गल्लां बातां नोट करदा। उह गल्लां मेरी खेड लेखणी दा मसाला बणदीआं गईआं। नैशनल सटेडीअम, खिडारीआं दा मक्का सी जिथे देश भर दे खिडारी सिजदा करन आउंदे। उथे सानूं नैशनल कोचां कोलों कोचिंग दे गुर सिख्खण दा वी मौका मिलदा। उथे असीं माड़ा मोटा मुकाबला वी करदे।

दिल्ली विच्च इक्क जट्ट सिख्ख ऐसोसीएशन बणी होई सी। उहदीआं सालाना खेडां नैशनल सटेडीअम विच्च हुंदीआं सन। इक्क वार मैं उनहां खेडां विच्च बैस्सट अथलीट बणिआ तां मेरे लई रिशते दी पुछ्छ गिछ्छ शुरू हो गई सी। पर मेरी दिलचसपी पहिलां लैकचरार लग्गण दी सी। उस ऐसोसीएशन दा इक्क मकसद इह वी सी कि दिल्ली विच्च वसदे जट्ट परिवार इक्क दूजे दे सिआणू होण ते उनहां दे नौजुआन बच्चिआं नूं इक्क दूजे दा पता लग्गे। विदेश मंतरी सवरन सिंघ नें मैनूं बैस्सट अथलीट दा प्राईज़ दित्ता सी ते मेरी पहड़ाई लिखाई बारे पुछ्छिआ सी। उथे मैनूं चूहड़चक्क दा लछमण सिंघ गिल्ल मिलिआ जो साडे हलके दा ऐम्म.ऐल्ल.ए.सी ते राजौरी गारडन विच्च रहि के ठेकेदारी करदा सी। उस नें मेरे नाल बड़ी अपणत्त जिताई ते आपणे घर आउण दा सद्दा दित्ता। बाअद विच्च उह पंजाब दा मुख्ख मंतरी बणिआ ते पंजाबी नूं राज भाशा बणाइआ।

जट्ट सिख्ख ऐसोसीएशन दी पिकनिक विच्च गुलज़ार सिंघ संधू ते राज गिल्ल वरगे लेखक वी शामल हुंदे। मैं ते मेरा मित्तर गिआन सिंघ संधू मोटर साईकल `ते चहड़ के जांदे। गिआन सिंघ आपणे सवा छे फुटे कद्द नाल कईआं दीआं नज़रां दा केंदर हुंदा। उह दिल्ली यूनीवरसिटी दा गोलड मैडलिसट सी। नैशनल सटेडीअम विच्च इक्क वार आसा सिंघ मसताना ते परकाश कौर नूं सद्दिआ गिआ सी। मसताने नें अख्खां मीच के ते सिर हिला के गाइआ सी-साडे खेतीं खिड़ी बहार कुड़े खेतां वल्ल गेड़ा मार कुड़े, ओ हो‥ओ हो …। परकाश कौर दा गीत सी-काले रंग दा परांदा साडे सज्जणां लिआंदा, नी मैं चुंम चुंम रख्खदी फिरां, ते पब्बां भार नच्चदी फिरां …। उदों बहि के जां खहड़ के ई गाउण दा रिवाज़ हुंदा सी। हुण वांग टपूसीआं मार के गाउण दा नहीं। हुण तां कई इस तरहां गाउंदे हन जिवें मख्ख लड़दी होवे!

नैशनल सटेडीअम दा उह द्रिश वी मेरीआं अख्खां अग्गे तरो ताज़ा है जिस नूं आधार बणा के फिलम `चक्क दे इंडीआ’ बणी है। 1982 विच्च नौवीआं एशिआई खेडां 1951 दीआं पहिलीआं एशिआई खेडां तों बाअद दूजी वार दिल्ली होईआं सन। बलबीर सिंघ सीनीअर भारती हाकी टीम दा मैनेजर ते मुख्ख कोच सी ते बलबीर सिंघ जूनीअर उस दा सहाइक सी। बलबीर सिंघ होरीं मीडीए नूं कहि चुक्के सन कि ऐतकीं गोलड मैडल साडा है। भारती टीम पूरी तिआरी विच्च सी ते उस दा फाईनल मैच पाकिसतान दी टीम विरुध्ध हो रिहा सी। मैं ‘पंजाबी ट्रिबिऊन’ अख़बार लई एशिआई खेडां कवर करन गिआ होइआ सां। भारत ते पाकिसतान दे मैच बारे मैं सुरख़ी लिखी सी-साहनां दा भेड़ अज्ज।

उद्दण नैशनल सटेडीअम दे दरां मूहरे धक्का पै रिहा सी। टिकटां दी बलैक ज़ोरां उते सी। जिहड़े अंदर नहीं सन जा सके उह टी.वी.दीआं सकरीनां मूहरे जा बैठे सन। भारत वासीआं नूं आपणे देश विच्च हो रिहा हाकी दा फाईनल मैच जित्त लैण दी पूरी आस सी। लख्खां रुपिआं दीआं शरतां लग्गीआं होईआं सन। भारती टीम नें पंज मैचां विच्च चुताली गोल कीते सन ते उहदे उलट केवल तिंन गोल होए सन। पाकिसतानी वी उडणे सप्प सन। उनहां नें चार मैचां विच्च तीह गोल कर के आपणे सिर इको गोल होण दित्ता सी। प्रैस सैंटर विच्च मेरी सीट कुमैंटेटर जसदेव सिंघ दे पिछ्छे सी। असीं आपस विच्च गल्लां कर रहे सां जदों खेडां दी प्रबंधक कमेटी दा प्रधान केंदरी मंतरी बूटा सिंघ तिरंगीआं झंडीआं दे कई टोकरिआं नाल साडे अग्गों दी लंघिआ। फिर झंडीआं दरशकां विच्च वंडीआं जाण लग्गीआं।

मैच शुरू होण तों इक्क घंटा पहिलां ही सारा सटेडीअम कंढिआं तक भर गिआ सी। उद्दण सुरख्खिआ प्रबंध एने करड़े सन कि गारडां नें पत्तर प्रेरकां दीआं फाईलां वी तिंन तिंन थाईं फोलीआं। राशटरपती गिआनी ज़ैल सिंघ, उप राशटरपती मुहंमद हदाइतुल्ला, प्रधान मंतरी इंदरा गांधी ते सपीकर बलराम जाखड़ समेत अनेकां मंतरी ते मोहतबर सज्जण विशेश विअकतीआं वालीआं सीटां `ते बिराजमान सन। फिलमी हीरो अमिताभ बच्चन दरशकां दा धिआन बदोबदी खिच्च रिहा सी। हरिआणे दा मुख्ख मंतरी भजन लाल श्रीमती इंदरा गांधी वल्ल अहुल रिहा सी जिवें इह दस्सण लई मौका भालदा होवे कि वेख लओ बीबी जी, अग्गे दिल्ली विच्च हाकी दे मैच उते अध्धो सुध पग्गां वाले हुंदे नें। ऐतकीं कोई टावां विरला ई नज़र आउंदा है। मैं पग्गां वालिआं नूं हरिआणे विच्च दी नहीं लंघण दित्ता!

मैच शुरू होइआ तां पौड़ीआं तिरंगे झंडे झंडीआं नाल रंगीआं पईआं सन। सटैडां उते दरशकां दी हल्लाशेरी ते बल्ले बल्ले दा एना शोर सी जिवें सटेडीअम `च भुचाल आ गिआ होवे। जदों भारती खिडारी गेंद लै के पाकिसतान दी डी वल्ल वध्धदे तां झंडीआं उच्चीआं हो जांदीआं ते शोर दीआं लहिरां अंबरीं जा चहड़दीआं। शुरू विच्च भारती टीम खेडी वी बहुत चहड़ के। जदों चौथे ही मिंट `च भारती टीम दे कपतान ज़फ़र इकबाल नें गोल कीता तां हज़ारां किलकारीआं गूंजीआं। इथों तक कि कई दरशक ख़ुशी विच्च इक्क दूजे उते डिग्गे। भारती टीम दी चहड़त सोलां मिंट तक बरकरार रही। जिंनी हल्लाशेरी उहनूं दरशकां वल्लों मिली, घट्ट ही किसे टीम नूं मिली होवेगी।

पर सतहारवें मिंट `च कलीमउल्ला नें अचानक ही गोल लाहिआ तां पौड़ीआं उतला शोर गुल्ल इक्क दम सौं गिआ ते भारती टीम दी जिवें फूक ई निकल गई। उनहीवें मिंट `च पाकिसतान दी टीम नें इक्क होर गोल कीता तां जाणो दरशकां दे मापे ही मर गए ते तिरंगीआं झंडीआं झग्गिआं हेठ लुक गईआं। जसदेव सिंघ नें पिछ्छे धौण मोड़ के सानूं आखिआ, “मैं सरदार बूटा सिंघ होरां नूं पहिलां ही किहा सी कि आपां होसट आं ते आपां नूं इह झंडीआं वंडणा शोभा नहीं दिंदा।”

जिवें जिवें मैच अग्गे वधिआ पाकिसतानी खिडारी होर चहड़दे गए। भारत दा गोलकीपर मीर रंजन नेगी अग्गे वध के गेंद रोकण दी कोशिश करदा पर डाज खा जांदा ते गोल करा बहिंदा। पाकिसतानी टीम नें उतोड़ुती सत्त गोल कीते ते भारती टीम नूं उहदे ही घर उहदे हमाइतीआं दे साहमणे एनी नमोशी भरी हार दित्ती कि भारती खिडारीआं दे आउसान ही मारे गए। गोलकीपर नेगी नूं दरशकां दे ताहने मिहणे सुणने पए ते भारती खिडारी चोरां वांग सटेडीअम `चों अलोप होए। मुख्ख कोच बलबीर सिंघ किंनी ही देर डौर भौरा बैंच उते बैठा रिहा जिवें ख़ौफ़नाक सुफ़ना वेखिआ होवे। दूजे पासे पाकिसतानी खिडारी जित्त दे जशन मनाउंदे मैदान विच्च मेल्हदे ते मुसकणीआं वंडदे फिरे।

इस तत्थ दा बहुत घट्ट लोकां नूं पता होवेगा कि पाकिसतान दी जिहड़ी टीम दिल्ली दे नैशनल सटेडीअम विच्च भारती टीम नूं 7-1 गोलां दे वड्डे फरक नाल हरा गई सी उह कुझ्झ ही दिनां मगरों आसट्रेलीआ दे इक्क कौमांतरी टूरनामैंट विच्च भारत दी टीम हत्थों हार गई सी। पर जो कलंक भारती टीम नें एशिआई खेडां विच्च खट्टिआ सी उह धोता नां जा सकिआ। विचारा गोलकीपर मीर चंदन नेगी तां ज़िआदा ही नेणहिआ गिआ। उस दे शहिर मुंबई विच्च वी उस दी बेइज़ती कीती गई। कईआं नें तां इथों तक इलज़ाम ला दित्ते कि उस नें गोल कराउण दे पाकिसतानीआं तों पैसे लए सन। नेगी आपणी खेड हत्थों पहिलां ही परेशान सी। इहो जिहे इलज़ाम सुण के उहदी जो हालत होई होवेगी उहदा दुख्ख उही जाणदा सी।

नेगी चाहुंदा सी कि उह आपणे उते लग्गा कलंक किसे तरहां धो सके। आख़र इह बिध 1998 दीआं एशिआई खेडां समें बणी। मीर रंजन नेगी भारती हाकी टीम दा कोच बणिआ ते भारती टीम नें पाकिसतान दी टीम नूं हरा के हाकी दा गोलड मैडल जित्त लिआ। नेगी उते देश दी हाकी टीम नाल गद्दारी करन दीआं जो तोहमतां लाईआं गईआं सन उस दा जवाब उस नें देश दी हाकी टीम नूं जिता के दित्ता। फिलम `चक्क दे इंडीआ’ दी कहाणी वी इहो है। फिलम दा हीरो शाहरुख़ ख़ान वी भारती टीम दा गोलची बण के गोल करवा बैठदा है। उहदे उते ऊजां लग्गदीआं हन। फिर उह भारती कुड़ीआं दी हाकी टीम दा कोच बण के टीम नूं वरलड कप्प जिताउंदा होइआ उनहां ऊजां दा जवाब दिंदा है। उस नूं गद्दार कहिण वाले समझ जांदे हन कि उह देश दा गदार नहीं सगों असली देशभगत है।

फिलम `चक्क दे इंडीआ’ नें भारती लोकां दे कौमी जज़बे नूं जिंना उभारिआ उहदा हां पख्खी नतीजा निकलिआ। फिलम दे प्रदरशन पिछ्छों भारती हाकी टीम नें बड़ी शान नाल एशीआ हाकी कप्प जित्तिआ। एशीआ कप्प समें चक्क दे इंडीआ दे गीतां दीआं टेपां वज्जदीआं रहीआं ते हल्लाशेरी गूंजदी रही। हाकी कप्प दी जित्त दे कुझ्झ दिनां पिछ्छों ही भारती टीम नें वीह ओवरां वाला वरलड क्रिकट जित्त लिआ। शतरंज दी खेड विच्च वी भारत नें विशव चैंपीअनशिप जित्ती ते फुट्टबाल दी खेड विच्च वी भारत दे जूनीअर खिडारीआं नें बड़ी होणहारी विखाई। किसे वी खेड दी जित्त हार विच्च खिडारीआं दे मनो बल दा बड़ा रोल हुंदा है जिहड़ा फिलम चक्क दे इंडीआ नें वधाइआ।

नेगी नूं नैशनल सटेडीअम सत्त गोल खाण करके याद रहेगा, शाहरुख़ खान नूं नेगी उते बणाई फिलम करके याद होवेगा पर मैनूं खेडां ते खिडारीआं बारे लिखण दी चिणग लाउण करके याद है।