संसार विच्च सैंकड़े खेडां खेडीआं जांदीआं हन। कई खेडां कई कई मुलकां विच्च मकबूल हन। उहनां दे खेड मुकाबलिआं दा बाकाइदा सिसटम है। विशव पध्धर उते खेडां ते खिडारीआं नूं दो वरगां विच्च वंडिआ गिआ है। इक्क ऐमेचिओर यानी शौकीआ ते दूजे प्रोफैशनल यानी पेशावर। शौकीआ खिडारी उह गिणे जांदे हन जिहड़े खेड दे पैसे नां वट्टण ते केवल शौक लई खेडां `च भाग लैण। केवल मनोरंजन लई जां ऐकसेलैंस हासल करन लई खेड मुकाबलिआं `च जूझण। खेड दा कोई इवज़ाना नां लैण। इस दे उलट पेशावर खिडारी पैसिआं जां होर लोभ लालचां पिछ्छे खेडां खेडदे हन। उंज दिनो दिन शौकीआ ते पेशावर खिडारीआं विचकार लकीर कढ्ढणी औखी हो रही है। शौकीआ खिडारीआं नूं खेडां बदले सिध्धे पैसे देण दी थां विंगे टेढे ढंग नाल नकद इनामां राहीं दित्ते जाण लग्ग पए हन।

कईआं नूं शाइद पता होवे जां नां विशव दीआं सरवोतम ओलंपिक खेडां दा गोलड मैडल सोने दा मैडल नहीं हुंदा। उह साधारन धात दा मैडल हुंदा है जिस उते सुनहिरी झाल फेरी हुंदी है। जे उह किसे सुनिआरे नूं वेचिआ जावे तां तांबे दा भाअ वी मसीं मिलदा है। खेडां कराउण वाली कौमांतरी ओलंपिक कमेटी मैडल जित्तण वाले खिडारीआं नूं कोई नकद इनाम नहीं दिंदी। उह तां जेतूआं दे समर्रथक ही हुंदे हन जिहड़े विंगे टेढे ढंग नाल जेतूआं दी माली मदद करदे हन।

इक समां सी जदों महान अथलीट जिम थोरपे नूं पेशावर खिडारी गरदान के उस दे जित्ते होए ओलंपिक खेडां दे सोन तमग़े वापस लै लए गए सन ते जेतूआं दी सूची विचों उस दा नां मेट दित्ता गिआ सी। अमरीका दे उस अथलीट नें 1912 दीआं ओलंपिक खेडां दे पैंटैथलोन ते डिकैथलोन मुकाबलिआं `चों सोने दे दो तमग़े जित्ते सन। उस नूं दुनीआं दा सभ तों तकड़ा अथलीट मंनिआ गिआ सी। पर बाअद विच्च किसे मुख़बर नें मुख़बरी कर दित्ती कि जिम थोरपे दो साल पहिलां किते कुझ्झ पैसिआं बदले बेसबाल खेडी सी।

जिम थोरपे नें बथेरे वासते पाए कि उदों उस नूं पता नहीं सी कि इंज करन नाल उह पेशावर खिडारी गिणिआ जावेगा। अग्गों तों उह सुचेत रहेगा। पर उहनीं दिनीं शौकीआ खिडारी वाला नियम एनी सखती नाल लागू कीता गिआ कि जुआन हो रहे जिम दे जित्ते होए तमग़े वापस लै लए गए उहदा नां काली सूची विच्च पा दित्ता गिआ। फिर उह मंदे हाल जीविआ ते शिकारी कुत्तिआं बराबर दौड़ के चार पैसे कमाउंदा रिहा। कदे उस नें खेतां `च दिहाड़ीआं कीतीआं ते कदे रातां दी चौकीदारी कीती। 1932 `च जदों लास एंजलस विच्च ओलंपिक खेडां होईआं तां उस कोल टिकट लैण जोगे पैसे नहीं सन। अख़ीर उह शराबी हो के मरिआ।

उहदे मरन तों कई वरहे पिछ्छों 1983 विच्च कौमांतरी ओलंपिक कमेटी नें आपणा पहिला फैसला बदलदिआं उहदे जित्ते होए मैडल उहदे परिवार नूं वापस कर दित्ते ते जिम थोरपे दा नां मुड़ जेतूआं दी सूची विच्च चाहड़ दित्ता गिआ।

पर हुण तां गल्लां ही होर हन। हुण खिडारी लख्खां रुपिआं दे इनाम हासल करदे हन ते फिर वी आपणे आप नूं शौकीआ खिडारी अखवाउंदे हन। इस तों तां इहो जापदा है कि उह दिन दूर नहीं जदों शौकीआ ते पेशावर खिडारीआं विचकारली लीक असलों मेट दित्ती जावेगी।

शौकीआ खिडारीआं दीआं खेडां संबंधी विशव पध्धर उते अंतरराशटरी ओलंपिक कमेटी सरबउच्च जथेबंदी है। इहो जथेबंदी कुल दुनीआं दीआं खेडां यानी ओलंपिक खेडां करवाउंदी है। पेशावर खिडारीआं दीआं आपणी कलब्बां, ऐसोसीएशनां ते फैडरेशनां हन। जिहड़े खिडारी पेशावर बण जाण उनहां नूं फिर ओलंपिक खेडां विच्च भाग नहीं लैण दिता जांदा। बथेरे मुक्केबाज़, पहिलवान ते लाअन टैनिस बग़ैरा दे खिडारी हन जिहड़े ओलंपिक खेडां `च भाग लैणों वंचित रहे। पिछले कुझ्झ सालां तों कौमांतरी ओलंपिक कमेटी पेशावर खिडारीआं बारे काफी लचकदार होई है।

अंतरराशटरी ओलंपिक कमेटी 23 जून 1894 नूं होंद विच्च आई सी। फरांस दा बैरिन दि कूबरतिन इस दा बानी प्रधान सी। उस दा उदेश सी कि खेडां राहीं सारी दुनीआं दे मुलकां नूं इक्क लड़ी विच्च परोइआ जावे जिस नाल आपणी प्रेम ते भाईचारक सांझ वधे। उस दा कथन सी, “खिडारीआं दा आदान परदान सभ तों सच्चा ते सुच्चा वपार है। खिडारी देशां दे सभ तों वधीआ दूत सिध्ध हो सकदे हन।”

कूबरतिन दा मत्त सी कि खेडां `च नामणा खट्टण लई नौजुआन उसारू मुकाबले दी भावना नाल आपणे आप नूं होर तकड़े करनगे। इंज दुनीआं दिनो दिन होर तकड़ी, सुंदर ते प्रेम भावना वाली बणदी जावेगी। इस नेक उदेश नूं मुख्ख रख्खदिआं वख्ख वख्ख मुलकां विच्च ओलंपिक लहिर फैलणी शुरू हो गई।

भारत विच्च ओलंपिक लहिर वीहवीं सदी दे वीहविआं विचकार आई। 1927 विच्च कलकत्ते अंतरसूबाई अथलैटिक मीट होई जिथे इंडीअन ओलंपिक ऐसोसीएशन दी सथापना कीती गई। सर दोराब टाटा इस दे पहिले प्रधान ते ए.जी.नोहरीन पहिले आनरेरी सकत्तर बणे। उसे साल इंडीअन ओलंपिक ऐसोसीएशन नूं कौमांतरी ओलंपिक कमेटी वल्लों मानता मिल गई। हौली हौली हिंदोसतान दे वख्ख वख्ख सूबिआं ते रिआसतां विच्च सूबाई ओलंपिक ऐसोसीएशनां होंद विच्च आउंदीआं गईआं ते इंडीअन ओलंपिक ऐसोसीएशन नाल जुड़दीआं गईआं।

1928 विच्च पटिआले दे महाराजा भूपिंदर सिंघ इंडीअन ओलंपिक सभा दे प्रधान ते प्रो.गुरू दत्त सोंधी आनरेरी सकत्तर चुणे गए। पटिआले दे शाही घराणे दी देश दे खेड प्रबंध नूं विशेश देण है। 1938 विच्च महाराजा भूपिंदर सिंघ दे परलोक सिधार जाण पिछ्छों उहनां दे पुत्तर महाराजा यादविंदर सिंघ आपणे पिता दी थां प्रधान बणे। उह बाअद विच्च एशिआई खेड संघ दे वी प्रधान रहे। 1960 विच्च भारत सरकार नें खेडां विकास लई सरब भारती खेड कौंसल दी सिरजणा कर के महाराजा यादविंदर सिंघ नूं उस दा चेअरमैन थाप दित्ता। नवां अहुदा संभालण लई उस नूं भारती ओलंपिक ऐसोसीएशन तों असतीफ़ा देणा पिआ ते उहनां दी थां उहदे भरा राजा भलिंदर सिंघ परधान चुणे गए। अज्ज कल्ल्ह सुरेश कलमादी प्रधान है ते राजा भलिंदर दा लड़का रणधीर सिंघ आनरेरी सकत्तर है।

दुनीआं दे खेड प्रबंध दा सही जाइज़ा लैण लई ओलंपिक ऐसोसीएशनां ते खेड फैडरेशनां दे रोल नूं समझणा पवेगा। कौमांतरी ओलंपिक कमेटी दीआं शाखावां हेठां नगर पध्धर तक हुंदीआं हन। किसे नगर दे खेड प्रेमी सथानक पध्धर `ते ओलंपिक खेड सभा बणाउंदे हन। अजिहीआं खेड इकाईआं फिर ज़िल्हा पध्धर दी ओलंपिक सभा बणाउंदीआं हन जिस दा प्रधान आम कर के ज़िल्हे दा डिपटी कमिशनर हुंदा है। ज़िल्हा ओलंपिक ऐसोसीएशनां मिल के सूबाई पध्धर दी ओलंपिक ऐसोसीएशन चुणदीआं हन। जिवें पंजाब ओलंपिक ऐसोसीएशन जां ओनटारीओ ओलंपिक ऐसोसीएशन। फिर राजां दीआं ओलंपिक सभावां मुलक दी ओलंपिक सभा चुणदीआं हन। अग्गों मुलकी ओलंपिक ऐसोसीएशनां दे नुमाइंदे अंतर राशटरी ओलंपिक कमेटी दी चोण करदे हन। इस समें कौमांतरी ओलंपिक कमेटी दे लगभग दो सौ मैंबर हन।

जिवें कौमांतरी ओलंपिक कमेटी दुनीआं दी सरबउच्च खेड जथेबंदी है उवें ओलंपिक ऐसोसीएशनां आपो आपणे खेतर विच्च सरबउच्च हन। खेड ऐसोसीएशनां जां फैडरेशनां उहनां दे अधीन हुंदीआं हन। जां इओं कहि लओ कि खेड जथेबंदीआं दी नत्थ ओलंपिक सभावां दे हत्थ हुंदी है।

वख्ख वख्ख खेडां दीआं विशव पध्धर उते अंतरराशटरी खेड फैडरेशनां बणीआं हुंदीआं हन जिवें अंतरराशटरी हाकी फैडरेशन जां फुटबाल जां वालीबाल आदि फैडरेशनां। अंतरराशटरी खेड फैडरेशनां नाल मुलकी खेड फैडरेशनां ते मुलकी खेड फैडरेशनां नाल सूबाई खेड ऐसोसीएशनां संबंधित हुंदीआं हन। सारीआं कौमांतरी खेड फैडरेशनां कौमांतरी ओलंपिक कमेटी दे अधीन कंम करदीआं हन। कौमांतरी ओलंपिक कमेटी इक्क ख़ुदमुखतार संगठन है। इहदा दरजा यू.ऐन्न.ओ.वरगा है।

किसे कौमांतरी खेड फैडरेशन दा कंम संबंधित खेड नाल जुड़िआ हुंदा है। संबंधित खेड दा विकास करना, खेड दे नियम बणाउणे, बदलणे, लागू करने, कौमांतरी पध्धर दीआं खेड चैंपीअनशिपां कराउणीआं, रैफरी, जज्ज ते अंपाइर तिआर करने, उनहां दा टैस्सट लैणा ते खेड संबंधी पए झगड़े झेड़े सुलझाउणे आदि कारज हुंदे हन। इंज ही मुलकी खेड फैडरेशनां मुलक पध्धर उते अते सूबाई खेड ऐसोसीएशनां सूबा पध्धर उते अजिहे कारज करदीआं हन। जिस पध्धर दी खेड ऐसोसीएशन जां फैडरेशन हुंदी है उसे पध्धर दी ओलंपिक ऐसोसीएशन जां कमेटी उस दी निगरानी करदी है। उह उस नूं बेनियमी नहीं करन दिंदी।

कौमांतरी ओलंपिक कमेटी तों थल्ले महांदीपां दे ओलंपिक संघ हन जो एशिआई, यूरपी, पान-अमैरीकन, ओशनीआं ते अफरीकी खेडां कराउंदे हन।

ओलंपिक सभावां किउंकि ख़ुदमुखतार सभावां हुंदीआं हन इस लई संबंधित सरकारां नूं उहनां दी बणतर ते कंम काज विच्च दखल देणा वरजित हुंदा है। इहो कारन सी कि कई मुलकां दीआं सरकारां वल्लों मासको दीआं ओलंपिक खेडां दा बाईकाट करन दे बावजूद उथों दीआं ओलंपिक ऐसोसीएशनां नें आपणे खिडारी ओलंपिक खेडां विच्च हिस्सा लैण लई मासको भेजे। मिसाल वजों बरतानीआं दी सरकार नें बरतानवी ओलंपिक ऐसोसीएशन नूं सलाह दित्ती सी कि देश दी राजनीती अनुसार बरतानीआं दे खिडारी मासको नां जाण। पर ऐसोसीएशन नें खिडारी मासको भेजे ते उह मैडल वी जित्ते। इह वख्खरी गल्ल है बरतानीआं दा झंडा नां लहिराइआ गिआ ते उहदी ओलंपिक परचम लहिराइआ गिआ।

मुलकी सरकारां खेडां दी तरक्की लई आपणीआं खेड कौंसलां बणा लैंदीआं हन जो सरकारां ते ओलंपिक ऐसोसीएशनां विचाले ताल मेल रख्खदीआं हन। खेड कौंसलां राहीं सरकारां ओलंपिक ऐसोसीएशनां नूं माली ते होर कई परकार दी सहाइता ज़रूर दिंदीआं रहिंदीआं हन पर दखल नहीं दे सकदीआं।

कौमांतरी ओलंपिक कमेटी वल्लों ओलंपिक खेडां कराउण दी ज़िंमेवारी किसे मुलक नूं नहीं सगों किसे शहिर नूं सौंपी जांदी है जिस दा मुखी शहिर दा मेअर हुंदा है। उस शहिर दी प्रबंधक कमेटी सरकार दे सहियोग नाल खेडां नूं नेपरे चाहड़दी है। दुनीआं दे अजिहे खेड प्रबंध दी बुनिआदी गल्ल इह है कि ओलंपिक लहिर सरकारां तों आज़ाद है। सरकारां इस नूं सहियोग तां दे सकदीआं हन पर इस दे कंम कार ते नियमां विच्च दखल नहीं दे सकदीआं।

पंजाब दी देसी खेड कबड्डी खिडाउण वाले अकसर कहिंदे हन कि उह कबड्डी नूं ओलंपिक खेडां विच्च शामल करा देणगे। अजिहा करना है तां उनहां नूं कबड्डी नैशनल सटाईल वांग सूबाई कबड्डी ऐसोसीएशनां, मुलकी कबड्डी फैडरेशनां ते कौमांतरी कबड्डी फैडरेशन बणाउण दी लोड़ पवेगी। इनहां नूं संबंधित सूबाई ओलंपिक सभावां ते मुलकी ओलंपिक ऐसोसीएशनां नाल जोड़ना ते उनहां दी निगरानी विच्च कारज करना पवेगा। कबड्डी दे खिडारी जां कलब्ब जो आपणीआं टीमां दे नां अमरीका, आसट्रेलीआ, कैनेडा, इंडीआ, पाकिसतान, नारवे, इटली, यू.के.आदि वरत रहे हन इह ग़लत हन। मुलक दा नां वरतण दा उनहां नूं कोई अधिकार नहीं। किसे वी देश दा नां वरतण दा अधिकार उथों दी मुलकी ओलंपिक ऐसोसीएशन ते मुलकी खेड फैडरेशन कोल है। जे कबड्डी वाले वीर पंजाब दी सभ तों मकबूल खेड नूं मुलकी, महांदीपी ते कौमांतरी पध्धर दी खेड बणाउणी चाहुंदे हन तां उनहां दुनीआं दा खेड प्रबंध ज़रूर जाण लैणा चाहीदै। उह इह वी निरणा कर लैण कि कबड्डी नूं शौकीआ खेड रख्खणा है जां डबलयू डबलयू कुशतीआं वांग पेशावर खेड बणाउणा है।