सोलां ते सतारां जून नूं मालटन दा वइलडवुड्ड पारक छपार दा मेला बणिआ रिहा। किधरे कबड्डीआं पईआं, किधरे बासकटबाल दे मैच होए ते किधरे वालीबाल ते सौकर खेडी जांदी रही। कुझ्झ अथलैटिकस दे ईवैंट वी होए ते मैचां दी कुमैंटरी दे नाल खेड सभ्भिआचार दीआं होर गल्लां वी हुंदीआं रहीआं। लंगर चलाउण वाले लंगर वरताउंदे रहे ते कई बेली कारां दीआं डिक्कीआं वल्ल वी गेड़े मारनो नहीं हटे। पंजाबीआं नूं मेले `च `कठ्ठे करन दा सबब्ब बणाइआ देशभगत सपोरटस कलब्ब नें जिस दा इह तेतीवां खेड मेला सी जो ऐतकीं शहीद भगत सिंघ दे सौवें जनम साल नूं समरपित सी। इसे कलब्ब नें 1975 विच्च पंजाबीआं दीआं खेडां दा पहिला टूरनामैंट शुरू कीता सी। टोरांटो दा पहिला वरलड कबड्डी कप्प कराउण दी पहिल मैटरो सपोरटस कलब्ब नें कीती सी।

देशभगत सपोरटस ऐंड कलचरल सुसाइटी दा उदेश है कि खेडां ते सभिआचारक सरगरमीआं नाल लोकां नूं बिहतर जीवन जीण दा संदेश दित्ता जावे। लोकां दा चंगेरा मनोरंजन कीता जावे तां कि उह भैड़े ते माड़े मनोरंजन तों बच सकण। बिनां शक्क खेडां खिडाउणा सिहतमंद मनोरंजन है ते जे इस विच्च किसे पासे तों कमी आउंदी होवे तां उस नूं दूर करना साडा सभनां दा सांझा फरज़ है। मैं इह खेड मेला अख्खीं वेखिआ है ते इस दा अनुसाशन वेख के मन ख़ुश होइआ है। पंजाबी दरशकां नें जिस ज़ाबते दा सबूत दित्ता इह होरनां खेड मेलिआं लई वी मिसाल है। इस गल्लों प्रबंधक वी वधाई दे हक्कदार हन ते दरशक उनहां तों वी वध्ध परसंसा दे पातर हन। कोई खेड मेला तद ही कामयाब हुंदै जेकर दरशक वी अनुसाशन विच्च रहि के मिलवरतण देण।

उंज तां सारीआं ही खेडां विच्च खिडारीआं दी भरवीं शमूलीअत सी पर कबड्डी मैचां नें हमेशां वांग वधेरे दरशकां नूं खिच्च पाई। इस खेड मेले विच्च टोरांटो दे पहिले तिंन खेड मेलिआं तों वधेरे `कठ्ठ होइआ। इहदा कारन इह वी हो सकदै कि टिकट कोई नहीं सी ते पारक पंजाबीआं दी भरवीं वसों दे कोल सी। वाइलडवुड्ड पारक विचले खेड मेले हमेशां ही वधेरे भरदे हन। शनीवार दा दिन होण दे बावजूद चार हज़ार दे करीब दरशक कबड्डी दे मैच वेखण ढुक्के। कबड्डी दे टूरनामैंट विच्च अठ्ठ कलब्ब आपणीआं टीमां लै के आए जिनहां विच्च चाली कु खिडारी पंजाब तों मंगाए होए सन ते बाकी कैनेडा ते अमरीका दे पक्के बशिंदे सन। इक्की साल तों घट्ट उमर दे खिडारीआं दीआं चार टीमां सन ते छोटे बच्चिआं दीआं दो टीमां। कबड्डी दे कुल्ल गिआरां मैच खेडे गए।

गिआरां वजे शुरू होए पहिले दौर दे कबड्डी मैचां विचों आज़ाद, मैगा सिटी, टोरांटो पंजाबी ते हैमिलनटन पंजाबी कलब्बां आपो आपणे मैच हार के टूरनामैंट तों बाहर हो गईआं। सैमी फाईनल मैचां विच्च इंटरनैशनल कलब्ब नें मैटरो कलब्ब नूं 37-35 अते यंग कलब्ब नें पंजाब सपोरटस कलब्ब नूं 44-32 अंकां नाल हरा के फाईनल विच्च दाखला पाइआ। फाईनल मैच इंटरनैशनल पंजाबी कलब्ब नें यंग कलब्ब नूं 42-34 अंकां नाल पिछाड़ के लगातार तीजी वार जित्तिआ ते हैट ट्रिक्क मारिआ। संदीप नूं सरवोतम धावी ते गोपी नूं अव्वल जाफी ऐलानिआ गिआ। दारा सिंघ गरेवाल, मख्खण सिंघ, मख्खण अली, इकबाल सुंबल, मख्खण बराड़ ते मैं माईक तों वारीआं लैंदे रहे पर हसाउणे सुखचैन बराड़ दी वारी नां आ सकी। घुग्गी गरेवाल दारे दे अंग संग रिहा। रछपाल बराड़ फोटू खिच्ची गिआ ते बब्बी मंडेर लिखण लई नुकते नोट करदा रिहा। पंजाब तों कबड्डी दा साबका खिडारी मख्खण सिंघ डीपी, पाकिसतान तों इकबाल मलिक ते इंगलैंड तों कबड्डी प्रमोटर अमरजीत सिंघ हंसरा उचेचे पुज्जे। गुरबखश सिंघ मल्ल्ही, विक्क ढिल्लों ते विक्की ढिल्लों अते वख्ख वख्ख शोहबिआं दे बहुत सारे मोहतबर सज्जणां नें खेड मेले दी रौणक वधाई जिनहां नूं जी आइआं वी किहा जांदा रिहा ते धंनवाद वी कीता जांदा रिहा।

कबड्डी मैचां दे कई ऐसे जफ्फे हुंदे नें जिहड़े लंमा समां नहीं भुल्लदे। कबड्डी दे आशक फिर उहनां जफ्फिआं दीआं गल्लां करदे रहिंदे नें। किरपाल साध ते बिल्लू राजेआणीएं दे गुट्ट दी फड़ाई दीआं गल्लां अज्ज वी हुंदीआं हन। हठूर दे छांगे दा शुरू कीता कैंची मारन दा दाअ अज्ज वी कबड्डी दा सभ तों तकड़ा दाअ मंनिआ जांदै। तोखी दी बंदा टप्प जाण दी छाल दा वी कोई लेखा नहीं सी ते हरजीत किते हत्थ नहीं सी पैण दिंदा। कोई जाफी लत्तां फड़दै, कोई बगलां भरदै ते कोई गुट्ट फड़ के कैंची मारदै। कई धावी नूं धक्के नाल हेठां सुट्ट के उते बहि जांदे नें। देशभगत कलब्ब दे कबड्डी टूरनामैंट दा सभ तों तकड़ा जफ्फा काके घणीवाल दा रिहा जिस नें कई दाअ मार के कबड्डी दे सटार खिडारी संदीप लल्लीआं नूं डक्किआ ते दरशकां नें ताड़ीआं नाल सारा पारक गुंजा दित्ता।

इंटरनैशनल कलब्ब ते यंग कलब्ब दरमिआन फाईनल मैच समें यंग कलब्ब नें आपणे जाफीआं लई हरेक जफ्फे दा पंज सौ डालर इनाम ऐलान दित्ता सी। यंग दे चार जफ्फे लग्गे पर इंटरनैशनल दे जाफी अठ्ठ जफ्फे ला के जेतू रहे। नोटां दीआं गुत्थीआं नाल खेडण ते खिडाउण वाले इंटरनैशनल कलब्ब नें टोरांटो दे चार टूरनामैंटां `चों तिंन कप्प जित्त लए हन। उनहां नें मंने दंने जाफी बिट्टू दुगाल नूं वी वीज़ा लुआ लिआ है ते उह वी हुण उनहां दी टीम विच्च शामल हो गिआ है।

अज्ज कल्ल्ह इक्क गीत गूंजदै-कप्प ओहीओ जित्तणगे जिनहां दे डौलिआं पट्टां विच्च जानां। हुण किसे नूं इह वी लिखणा पवेगा कि डौलिआं ते पट्टां विच्च जानां वाले खिडारी ओही कलब्ब खरीद सकणगे जिनहां दीआं ज़ेबां विच्च वी जान होई। पता नहीं इस गल्ल विच्च किंनी कु सच्चाई है पर दस्सण वाले नें दाअवे नाल दस्सिआ है कि इंटरनैशनल दे तिंन रेडर संदीप, दुल्ला ते किंदा ऐतकीं लख्ख डालर `च पए हन। जे उह लख्ख `च पए हन तां बाकी किहड़ा घट्ट होणगे?

इह वी पता लग्गा है कि टोरांटो दे कबड्डी मेलिआं दा कुल खरचा वीह लख्ख डालर नूं ढुक्कण वालै। हैरानी दी गल्ल है कि एना पैसा खरचण दे बावजूद वी कलब्बां वाले कबड्डी दे खिडारीआं दा डोप टैसट करन तों झिजक रहे हन। आखदे हन कि टैस्सट करन नाल खिडारी नाराज़ हो जाणगे। ओ भले लोको! नाराज़ तां ओही होणगे जिहड़े वरजित डरग्गां लैंदे होणगे, दूजे तां सगों ख़ुश होणगे। डोप टैस्सट उनहां खिडारीआं दी वी मंग है जिहड़े बिनां ‘बूसटरां’ दे देसी खुराकां खा के खेडदे नें। ओधर फैडरेशनां ऐलान करी जांदीआं नें ते साडे वरगिआं कोलों लिखवाई जांदीआं नें पई डोप टैस्सट ज़रूर करांगे पर अमल अजे तक मुलतवी होई जांदै। कथित ‘ताकत वधाऊ’ पर सिहत लई घातक दवाईआं वरतण वाले खिडारीआं नूं आपणे कलब्बां वल्लों खिडाई जाण नाल कबड्डी दी कोई प्रमोशन नहीं होणी सगों कबड्डी दा नुकसान ही होणा है। ओलंपिक खेडां दे मैडीकल कमिशन नें खिडारीआं लई वरजित दवाईआं दी सूची छापी होई है ते दुनीआं दे मानता प्रापत खेड मुकाबलिआं `च उस खिडारी नूं रद्द कर दित्ता जांदा है जीहने उनहां `चों किसे इक्क दवाई दी वी वरतों कीती होवे।

कईआं नूं शाइद इस गल्ल दा इलम नहीं कि ऐनाबौलिक सटेरौइडज़ दी मुख्ख किसम टैस्सटोसटैरौन लैण नाल पठ्ठे तां मज़बूत हुंदे हन पर इस दे साईड ईफैकट बहुत बुरे हन। इस नाल मुंडिआं दे मंमे वध सकदे हन, पतालू सुंगड़ सकदे हन ते उह सपरम भाव बच्चे दा बीज पैदा करनों जवाब दे सकदे हन। गंज पै सकदै ते सरीर दे वाल वध जां झड़ सकदे हन। भुख्ख वध सकदी है ते मर सकदी है। मूंह `ते फिणसीआं हो सकदीऐं, जिगर खराब हो सकदै ते जिगर दा कैंसर वी हो सकदै। माड़ा कलैस्सटरोल वध सकदै अते बंदा गुस्सेखोरा ते धकड़ बण सकदै। उह गुंम सुंम वी हो सकदै ते सदा लई डरग्ग दा ग़ुलाम वी हो सकदै।

टीके लई सरिंज दी ग़लत वरतों नाल लाग दी बिमारी वी लग्ग सकदी ऐ जीहदे नाल एडज़ ते हैपीटाईटस वी हो सकदी है। करीएटीन हाईडरेट पठ्ठिआं `च ताकत तां भरदा है पर ढिड्ड `च खल्लीआं पा सकदै अते उलटीआं ते जुलाब वी ला सकदै। अचानक पठ्ठे खिच्चे जाण `ते खिडारी बहुड़ीआं पाउण लग्गदै। एनीआं चंदरीआं अलामतां दा वी कई खिडारी डर नहीं मंनदे ते जिथे ठहिरदे हन उथों टीके लाउण दीआं सरिंजां ते खाली शीशीआं लभ्भीआं जा सकदीआं हन। भेती बंदे दसदे हन कि कई खिडारी घोड़िआं नूं लग्गण वाले टीके लुआ बहिंदे हन ते बंदिआं तों घोड़े बण जांदे हन। वरजित दवाईआं खिडारीआं ते कलब्बां नूं पैंदीआं वी बड़ीआं महिंगीआं हन। इक्क टीका ही दस्सदे हन कि सौ डालर `च ठुकदै।

कबड्डी दे धनंतर खिडारी डीपी मख्खण सिंघ नाल गल्लां होईआं तां उस नें अंदरली गल्ल दस्सी। अखे कई खिडारी कहिंदे हन, टीकिआं नाल भावें जान निकलजे पर धंन धंन होजे `केरां। बाहरों डालरां ते पौंडां दीआं झोलीआं भर के मुड़ीए। इह तां होर वी ख़तरनाक है कि कबड्डी दे कुझ्झ खिडारी जान दा रिसक लैण लई वी तिआर हन ते कुझ्झ कलब्ब उनहां दी हौंसला अफज़ाई कर रहे हन! कल्ल्ह नूं कोई अपाहज हो गिआ जां वड्डा भाणा वरत गिआ तां कौण ज़िंमेवार होवेगा? हैरानी इस गल्ल दी वी है कि उह किहड़े नीम हकीम ते दवाखाने हन जो वरजित दवाईआं योग डाकटर दी परची तों बिनां ही देई जांदे हन? कबड्डी प्रेमीआं नूं इस पासे गंभीरता नाल सोचणा चाहीदै। कप्प जित्तण लई सिहत दी बली नहीं दित्ती जाण देणी चाहीदी। कप्प जित्तण वाले खिडारीआं दे डोप टैस्सट तां हर हालत विच्च कीते जाणे चाहीदे हन तां जो लोकां नूं पता लग्ग सके कि सही खुराक खा के ते मिहनतां मार के जेतू बणे हन जां टीके लुआ के? कबड्डी दे पुराणे खिडारी देसी खुराकां खा के वीह वीह साल वधीआ कबड्डी खेडदे रहे हन ते हुण बुढ्ढेवारे वी काइम हन। नविआं नूं उनहां तों ही कुझ्झ सिख्ख लैणा चाहीदै।