तुरदा मैं किसे होर थां नूं सी पहुंचदा किसे होर थां सी। महिंदरा कालज पटिआले तों ऐम्म.ए.करन चल्लिआ मुकतसर बी.ऐड्ड करन उत्तर गिआ सां। ख़ालसा कालज अंम्रितसर नूं चल्लिआ तां टरक्क वाला मैनूं ख़ालसा कालज दिल्ली लै गिआ। फौज `च भरती हुंदा मैं लैकचरार लग्गा तां दिल्ली दे कालज दी नौकरी छड्ड के पिंड ढुड्डीके दे कालज विच्च आ गिआ। 1983 विच्च गुरू नानक कालज मोगा दी प्रिंसीपली मिली तां जवाब दे दित्ता पर 1996 विच्च मुकंदपुर दे अमरदीप शेरगिल्ल मैमोरीअल कालज दी प्रिंसीपली आ कीती। अमरीका पक्के होण दा मौका खुंझा के पिछ्छों कैनेडा दा पक्का वसनीक बण गिआ। कहाणीआं लिखदा खेडां ते खिडारीआं बारे लिखण दी डरिबलिंग कर गिआ। कोई पता नहीं किसे दिन नावल लिखण बैठ जावां। की पता किधर नूं मूंह मोड़ लवां?

दिल्ली तों ढुड्डीके आउण दी कहाणी कुझ्झ इस तरहां है। जदों मैं फाज़िलका कालज विच्च पहड़दा सां तां जसवंत सिंघ कंवल दा नावल ‘पूरनमाशी’ पहड़िआ। उस उमर विच्च उहदी लिखत दा मेरे `ते जादू हो गिआ। होर वी बथेरिआं `ते होइआ। डा.जसवंत गिल्ल ऐवें तां नहीं सी कंवल नूं चिठ्ठीआं लिखण लग्गी। असीं कालज विच्च कवी दरबार रख्खिआ तां कंवल नूं प्रधानगी लई सद्दा पत्तर देण ढुड्डीके गए। मेरा पिंड ढुड्डीके दे नेड़े होण कारन चंगी सिआण गिआण हो गई। ‘रात बाकी है’ पहड़िआ तां कंवल दा जादू सिर चहड़ के बोलिआ। किहा जांदै कि जिंने मुंडे उस नावल नें कामरेड बणाए उने शाइद समुच्ची पारटी वी नां बणा सकी होवे।

दिल्लीओं मैं पिंड आउंदा तां आपणे आड़ी कामरेड महिंदर सिंघ चकर नाल ढुड्डीके कंवल नूं मिलण चला जांदा। चकरों ढुड्डीके बारां मील है। रसते `च लोपों ते दौधर दो ही पिंड आउंदे हन। कंवल सानूं दस्सदा कि ढुड्डीके बलराज साहनी वी आउंदा हुंदै। उस नें आपणे दोवें सफ़रनामे ‘मेरा रूसी सफ़रनामा’ ते ‘मेरा पाकिसतानी सफ़रनामा’ ढुड्डीके बहि के लिखे हन। असीं हैरान हुंदे कि ऐडा वड्डा फिलमी ऐकटर ढुड्डीके की करन आउंदै? हैरानी इस गल्ल दी वी सी कि कंवल दे दस्सण मूजब बलराज साहनी आपणी लिखत सिध्धी टाईप करदा सी। बाअद विच्च बलराज साहनी नें इह गल्ल मैनूं खुद वी दस्सी सी। उंज उस दी गुरमुखी दी हत्थलिखत वी बड़ी सोहणी सी जो इक्क चिठ्ठी दे रूप विच्च मैं काफी देर संभाली रख्खी।

पाली, पूरनमाशी, रात बाकी है, जीवन कणीआं ते सच्च नूं फासी वरगीआं पुसतकां दे पातर, द्रिश ते बलराज साहनी बारे गल्लां नें मेरे मन `च ढुड्डीके लई रुमांस पैदा कर दित्ता सी। झनां दे बेले वरगी खिच्च पैदा हो गई हो गई सी। चहड़दी उमरे बंदे नूं इस तरहां ही खिच्चां पै जांदीआं हन।

1967 विच्च ढुड्डीके `च कालज खुल्ल्हिआ तां प्रो.प्रीतम सिंघ पटिआला नें कंवल होरां नूं सलाह दित्ती कि पेंडू पिछोकड़ दे प्रोफैसर रख्खिओ किउंकि शहिरीआं नें मौका मिलण `ते दौड़ जाणा। ढुड्डीके दा कवी दरशन गिल्ल उदों किसे सरकारी कालज विच्च अंगरेज़ी दा लैकचरार सी। पिंड वालिआं नें उस नूं आपणे पिंड विच्च ही लग्गण लई किहा। पहिलां तां उह मंन गिआ पर जदों उहदे घर वाली नां मंनी तां उस नूं वी नांह करनी पई। उस नें ते अजीत सिंघ पंछी नें कंवल कोल मेरा नां लै दित्ता कि उहनूं दिल्ली तों ढुड्डीके लै आओ। दिल्ली वाला डा.अजीत सिंघ वी ढुड्डीके दा ही है। पहिलां उह कहाणीआं लिखदा सी ते आपणे नां नाल पंछी लाउंदा सी। फिर उस नें पंछी उडा दित्ता ते डा.लिखण लग्ग पिआ।

असीं ढुड्डीके कंवल नूं मिलण गए तां उस नें मैथों ढुड्डीके दे लाजपत राए सैंटेनरी कालज लई अरज़ी लिखवा लई। उथे पहिलां पंजाब यूनीवरसिटी दे प्रो.राम सिंघ नूं प्रिंसीपल रख्खिआ जा रिहा सी पर बाअद विच्च दख्खणी भारत दे ऐल्ल.रामाचंदरन नूं प्रिंसीपल रख्खिआ गिआ। लाला लाजपत राए जनम सथान मैमोरीअल जिस नूं पिंड वाले ‘लाले दी जगहा’ कहिंदे हन उथे लैकचरारां दी इंटरविऊ होई। 24 जून 1967 दा दिन सी। चोण कमेटी विच्च लाला जी दा साथी ते कालज कमेटी दा कारजकारी प्रधान लाला मोहन लाल, प्रिं.रामाचंदरन, सकत्तर सत्तपाल गरोवर, जसवंत सिंघ कंवल ते चूहड़चक्क दा जथेदार भजन सिंघ सिध्धू बैठे सन। जथेदार हरेक कैंडीडेट नूं पुछ्छदा, “सच्चो सच्च दस्स, शराब पी लैनैं?” हरेक ई कहि दिंदा, “नहीं जी, मैं तां नहीं जी पींदा।” इहो गल्ल इंटरविऊ दे के आइआ उमीदवार होरनां नूं आ दस्सदा।

मेरी वारी आई तां जथेदार नें पुछ्छिआ, “थोडे पिंड सिध्धू हैगे?” मैं किहा, “हां जी हैगे।” फिर पुछ्छण लग्गा, “तूं किनहां `चों ऐं?” किउंकि मेरे नां नाल कोई गोत नहीं सी लिखिआ होइआ, इस लई जथेदार तसल्ली करनी चाहुंदा सी कि इह भाई जट्ट वी है? मैं आखिआ, “मैं संधूआं `चों आं।” उस नें फिर उही पीण वाला सुआल पुछ्छिआ। मैं किहा, “मैनूं तुहाडे सुआल दी समझ नहीं आई।” मैं पऊआ पी के इक्क मण दी थां नौं मण मैकसीकन कणक दा बीज लै आइआ सां। पीती `ते परदा किवें पाउंदा? कंवल नें विचों ई किहा, “चलो छड्डो, कोई होर सुआल पुछ्छो।”

पर जथेदार नें खंघूरा मार के फिर उही सुआल कीता, “काका, तूं जट्टां दा मुंडैं। मैं पुछ्छदां, घुट्ट पी वी लैनैं?” मैनूं लग्गा कि इह भाई ओसे दे हक्क `च भुगतू जिहड़ा इहनूं पिआऊ। मैं आखिआ, “जदों आखोगे प्रोगराम बणा लवांगे। बाकी कंवल साहिब नाल सलाह कर लिओ।” कंवल नें ताड़ी मार दित्ती, “किउं भजन सिआं, होर वी कुछ पुछ्छणै?” मैं झूठ बोलणो वी बच गिआ ते सच्ची गल्ल वी नां दस्सी। मैनूं नियुकती पत्तर मिल गिआ। उसे दिन इक्क होर नियुकती पत्तर डी.आर.भट्टी नूं मिलिआ जिस दा पूरा नां धंना राम भट्टी है। बाअद विच्च उह आई.पी.ऐस्स.अफसर बण गिआ ते डी.जी.पी.पंजाब दे उच्च अहुदे तों रिटाइर होइआ। उह हर साल उस कमरे नूं वेखण आउंदा जिथे उस नें फिज़िकस पहड़ाउणी शुरू कीती सी। असीं तरसेम लाल दे खोखे `च जा के चाह पींदे ते घरों लिआंदी रोटी खांदे। उदों उस नूं घोगिआं दी दुकान किहा जांदा सी।

8 जुलाई 67 नूं ढुड्डीके कालज दी पहड़ाई शुरू होई ते अगस्सत 67 विच्च कंवल मलाइआ सिंघापुर दे टूर `ते चला गिआ। मैं दिल्ली लई ओदर गिआ ते बिनां किसे नूं दस्से ढुड्डीके कालज तों असतीफ़ा दे के खालसा कालज दिल्ली जा हाज़री दित्ती। मैं आपणे नाल दे लैकचरार जसमेल सिंघ, सुदरशन सल्होतरा, भिंदर सोही ते हंस राज नूं वी नां दस्सिआ जिनहां नाल खाण पीण सांझा सी। कंवल वापस आइआ तां मैनूं ढुड्डीके तों टिभ्भ गिआ सुण के खिझ गिआ। उस नें मैनूं मिलण लई सुनेहा भेजिआ ते मिहणे मारन लग्गा, “जे पिंडां दे पहड़िआं नें पिंडां `च नहीं पहड़ाउणा ते शहिरां दी अंगूरी चरनी ऐं तां थोनूं पहड़ाउण दा की फाइदा होइआ? मेरी मंने तां अजे वी दिल्ली छड्ड के पिंड मुड़ आ।”

मेरी मंगेतर हरजीत हलवारे एअर फोरस दे सैंटरल सकूल विच्च अधिआपका सी ते मैं उहदी बदली दिल्ली कराउण बारे सोचिआ होइआ सी। पर कंवल दे मिहणिआं नें कोई पेश नां जाण दित्ती। कालज दे विदिआरथी वी मैनूं वापस लिआउण दी मंग कर रहे सन। मैं मुड़ के ढुड्डीके कालज विच्च आउण दी हामी भर दित्ती। जदों मैं आपणा असतीफ़ा ख़ालसा कालज दिल्ली दे प्रिं.गुरबचन सिंघ बल्ल कोल लै के गिआ तां उस नें अजिहा करन तों रोकिआ ते आखिआ, “तूं अजे निआणैं। तैनूं नहीं पता इस कालज दी पक्की पोसट तैनूं किवें मिली ऐ? एथे तरक्की करेंगा। मुड़ के पिंड चला गिआ तां सारी उमर पछताएंगा।” पर मैं इहो कही गिआ कि मैं ढुड्डीके वालिआं नूं ‘हां’ कहि के आइआं ते हुण मुक्कर नी सकदा।

अख़ीर प्रिं.बल्ल नें मेरी हूहड़मत्त बारे किहा, “ओनली ए जाट अर ए फूल कैन डू दिस्स।” मैं आखिआ, “सर, तुहाडा अध्धा फिकरा बिलकुल सही है।” ते मैं दिल्ली नूं फतिह बुला के ढुड्डीके आ मोरचा मल्लिआ। अज्ज मैं सोचदां, जे पिंड नां आउंदा ते दिल्ली दी नौकरी करी जांदा तां डा.सतिंदर सिंघ नूर वरगिआं दी थां हुंदा। दिल्ली दा पाणी पींदिआं पता नहीं की कुझ्झ बणदा? हो सकदै 1984 दे सिख्ख कतलेआम `च मारिआ जांदा जिवें साहित सभा दा प्रधान गिआनी कुलदीप सिंघ मारिआ गिआ। सिख्ख सटूडैंटस फैडरेशन दा प्रधान सां, की पता सिआसत विच्च चला जांदा?

ढुड्डीके किसे समें वैलीआं दे पिंड वजों मशहूर सी। फिर इस दी मशहूरी देशभगतां, गदरी बाबिआं, अकाली सूरबीरां, कामरेडां, लेखकां ते लाजपत राए मेले वाले पिंड वजों होई। हुण इह पंजाब दा माडल पिंड है जिस विच्च शहिरां वरगीआं सहूलतां हन। शुरू विच्च मैं आपणे पिंडों साईकल उते ढुड्डीके आउण लग्गा सी। कालज दीआं इमारतां उस्सर रहीआं सन जिनहां दी निगरानी चूहड़चक्क दा बलवंत सिंघ भठ्ठे वाला करदा सी। उहदे सफैद वसतर पाए हुंदे ते उह सफैद दाहड़ी `चों दुध्ध चिट्टे दंदां नाल हस्सदा। मद्दोके दे बाबा सुच्चा सिंघ नें उहनीं दिनीं दस हज़ार दे दान नाल इक्क कमरा पाइआ सी। इक्क कमरे दी सेवा दौधर वाले अमर सिंघ नें ते इक्क दी ढुड्डीके दे बेसी गिल्ल नें कराई सी। उदों दा दस हज़ार रुपिआ हुण दे दो लख्ख तों वी वध्ध सी। इक्क लबारटरी हाल दी सेवा निरंजण सिंघ कैनेडीअन नें आपणे पिता गदरी बाबा पाखर सिंघ नमित्त करवाई सी।

ढुड्डीके विच्च लाला लाजपत राए कालज नां बणदा जे लाला मोहन लाल असलीअत नां दस्सदे। पहिलां पहिल इह प्रचार दित्ता गिआ सी कि लाला लाजपत राए दा जनम जगराओं होइआ सी किउंकि उथे उनहां दे पिता राधा किशन अधिआपक लग्गे होए सन। पर जलंधर दे लाला मोहन लाल ऐम्म.ऐल्ल.सी.नें सिध्ध कीता कि लाजपत राए दा जनम उस दे नानके पिंड ढुड्डीके दे इक्क कच्चे कोठे विच्च 28 जनवरी 1865 नूं माता गुलाब देवी दी कुख्खों होइआ सी। पहिलां राम सिंघ ते पिछ्छों जसवंत सिंघ कंवल पिंड दे सरपंच सन। उनहां नें पिंड वासीआं दे सहियोग नाल लाले दे नां उते पिंड दा विकास करन दीआं सकीमां बणा लईआं। 28 जनवरी 1956 नूं लाला जी दे जनम दिवस `ते पहिली पबलिक कानफरंस कीती गई।

जुलाई 1959 विच्च स्री लाल बहादर शाशत्री ढुड्डीके आए। पिंड दे लोकां नें उनहां नूं किहा कि लाला लाजपत राए मैमोरीअल दा नींह पत्थर रख्खण लई राशटरपती डा.राजिंदर प्रशाद नूं बेनती कीती जावे। राशटरपती डा.राजिंदर प्रशाद नें लाला जी दे जनम सथान मैमोरीअल दी बुनिआद रख्खी ते लाला जी दी पहिली जनम शताबदी मौके 28 जनवरी 1965 नूं उस समें दे प्रधान मंतरी लाल बहादर शाशत्री नें मैमोरीअल दा उदघाटन कीता। उसे दिन लाजपत राए सैंटेनरी कालज दा नींह पत्थर प्रधान मंतरी दे कर कमलां नाल रख्खिआ गिआ। किहा जांदै कि सीमैंट वाले तसले दी तिख्खी चुंझ नाल शाशत्री जी दी उंगल `ते झरीट आ गई सी जिस नाल खूंन दीआं कुझ्झ बूंदां वी नींह विच्च पै गईआं। इह वरणनयोग है कि कालज लई ज़मीन कौलू पत्ती दे इक्क साधारन किसान बचन सिंघ नें इह कहि के दित्ती सी कि मैं तां सकूल दा मूंह वी नहीं देख सकिआ। चलो `गांह दीआं पीहड़ीआं तां कालज दा मूंह देखणगीआं।

शुरू विच्च जदों मैं कालज पहड़ाउण जांदा तां राह `च रोटी लई जांदीआं बहूआं मेरे तों घुंड कढ्ढदीआं। उदों घुंड दा रिवाज ढुड्डीके वरगे अगांहवधू पिंड विच्च वी हुंदा सी। उदों दीआं गल्लां याद कर के अज्ज वी हासा आउंदा है। इक्क दिन मैं कालज विच्च पहड़ा के साईकल उते आपणे पिंड नूं जा रिहा सां। उदों ढुड्डीके तों दौधर तक पक्का टोटा सी ते अगांह कच्चा राह सी। टोटे उते घाह खोतण वालीआं चार पंज जणीआं बरोबराबर जा रहीआं सन। दातीआं रंबे उनहां दे हत्थां विच्च सन, पल्लीआं कछ्छां विच्च ते उह इक्क दूजी नूं छेड़दीआं जांदीआं सन। मैं साईकल दी टल्ली वजाउंदा रिहा पर उनहां रकानां नें राह नां दित्ता। टल्ली उनहां नूं चंगी भली सुण रही सी पर उह इक्क दूजी नूं कूहणीआं मारदीआं सारी सड़क मल्ली गईआं। मैं साईकल कच्चे लाह के अग्गे लंघाउण विच्च ही सिआणप समझी। जदों मैं बराबर दी साईकल लंघाउण लग्गा तां इक्क कुड़ी नें बांह कढ्ढी ते चहिकदी होई बोली, “इआ, टल्ली तां तेरी बोलदी ई नहीं।”

मेरी टल्ली जिहड़ी माड़ी मोटी बोलदी सी कुड़ीआं दे हासे नें चुप्प करा दित्ती। उनहां दा हासा मैनूं दूर तक टल्ली वांग सुणदा रिहा।

बचन सिंघ जिस दे खेतां विच्च कालज बणिआ सी नंगे पिंडे तेड़ परना बंनही मिलदा सी। उहदा जुस्सा मुगदर वरगा सी ते सिर उते जटूरीआं सन। उह मुहड़को मुहड़की होइआ हुंदा ते उहदा तेलीआ पिंडा तांबे दे बुत्त वांग चमकदा। बाअद विच्च सटेडीअम लई होर ज़मीन चाहीदी सी जो उस नें खुल्ल्हदिली नाल दे दित्ती ते आपणे खेतां `चों मिट्टी चुका के भरत वी पुआ दित्ता। मैं कई वार सोचदां कि साडे साधारन किसानां दे दिल किंने खुल्ल्हे हुंदे नें! बेशक्क पिंड वालिआं नें उस नूं पंचाइती ज़मीन `चों इवज़ाना दित्ता पर गल्ल तां उस दिन दी है जिद्दण सिख्खिआ मंतरी प्रबोध चंदर नें किहा सी, “पहिलां ज़मीन दिओ, फिर सरकार कालज दी मनज़ूरी देवेगी।” इकठ्ठ `च बैठे बचन सिंघ नें उठ्ठ के हिक्क थापड़ी सी, “मेरी ज़मीन हाज़र ऐ।” फिर प्रबोध चंदर नें आखिआ सी, “कालज दा ऐलान मैं मुख्ख मंतरी नूं पुछ्छ के करांगा।” बचन सिंघ दा कहिणा सी, “मैं किहड़ा घर आली नूं पुछ्छिआ? जिवें मैं ज़मीन दा अलाण करदां ओवें तूं वी कालज दा कर।” ते सिख्खिआ मंतरी नूं खहड़े पैर कालज मनज़ूर करन दा ऐलान करना पिआ सी।

सुरगां विच्च वासा होवे उस भले पुरश दा। बचन सिंघ दे नां दा कालज दी किसे कंध जां इमारत उते कोई पत्थर नहीं लग्गा। जेकर उह मौके `ते ज़मीन नां दिंदा तां संभव सी कि ढुड्डीके दा कालज होरनां पिंडां वांग पछड़ के होंद विच्च आउंदा। इह वी संभव सी कि तद तक मैं पक्का दिल्ली वाला बण गिआ हुंदा ते कंवल दे मिहणे मेरे `ते कोई असर नां कर सकदे।