निक्का हुंदा मैं ढड्ड खड़कदी सुणदा तां उह `चूहड़चक्क-ढुड्डीके, चूहड़चक्क-ढुड्डीके’ करदी लग्गदी। चूहड़चक्क ते ढुड्डीके दा नां इट्ट खड़िक्के वांग खड़कदा। असीं माल डंगर चारदे मुंडे आपणीआं खब्बीआं मुठ्ठां मीच के, उहनां उते सज्जे हत्थ दीआं उंगलां मार के सोहण सिंघ सीतल दे ढाडी जथे दीआं रीसां करदे। पर मूंहों सीतल दे प्रसंग दी थां `चूहड़चक्क-ढुड्डीके’ ही कहिंदे। सीतल दा जथा इक्क वार साडे पिंड आइआ सी ते असीं उस दी रीस नाल आपणीआं मुठ्ठां दीआं ढड्डां वजाउण लग्ग पए सां।

उदों की पता सी कि मैं आपणी वधेरे उमर ढुड्डीके कट्टांगा। जो कुझ्झ मैं ढुड्डीके दे विदिआरथीआं नूं सकिआ, ढुड्डीके नें उस तों किते वध्ध मोड़ के मैनूं मालामाल कीता। मेरे कोल ढुड्डीके दीआं यादां दा अमुक्क खज़ाना है। ढुड्डीके दे वैल्लीआं, अमलीआं, छड़िआं, बुहड़िआं ते बहुभांते कामरेडां दे किस्से मुक्कण वाले नहीं। इथे मैं कुझ्झ इक्क यादां ही सांझीआं करांगा। कदे ढुड्डीके वैल्लीआं-बदमाशां ते विहलड़ां दा पिंड वज्जदा सी। वेले कुवेले गोलीआं चल्ल जांदीआं। उदों नां कोई सड़क लग्गदी सी ते नां चौथी तों `गांह सकूल सी। ढुड्डीके रिशता करन वाले कई वार सोचदे कि मुंडा वैल्लीआं नाल नां बहिंदा उठदा होवे? हालां कि इह पिंड गदर पारटी दा सब सैंटर सी अते गदरी बाबिआं ते देशभगतां दा जनमदाता सी। पर पुठ्ठे कंमां `च पए बंदिआं नें इहदी मशहूरी कुझ्झ होर तरहां दी कर दित्ती सी।

कंवल दे नावल ‘पूरनमाशी’ विचला नवां पिंड असल विच्च ढुड्डीके ही है। उहदे पातर दिआला, जगीर ते रूप होरीं ढुड्डीके दे ही हड्ड मास दे बंदे सन। रूप कौलू पत्ती वाले गुलज़ारे दा दूजा रूप सी। ढुड्डीके दीआं निआंईआं, पथकणां, वगदे खूह ते आले दुआले दे पिंडां दा कंवल नें ख़ूब नकशा खिच्चिआ है। निआईं `च वगदा खूह हुण सुक्का पिआ है ते उहदे नाल ही कंवल दा घर है। मद्दोके दा गुरदवारा अते कपूरे ते किली चाहलां दे मेले विखाए हन। तखाणवध्ध ते बुट्टर विच्च उस दे पातर तुरे फिरदे रहे हन। उस सूए उतों दी मैं सैंकड़े वार लंघिआ हां जिथों कंवल दा नाइक लंघिआ सी। कंवल दी चहड़ाई मालवे दे पेंडू किसानी जीवन नूं चितरन नाल होई सी। कई नवें लेखक इस लई वी ढुड्डीके गेड़ा मारदे रहे कि वेखीए उह किहो जिही धरती है जिथे कंवल दे पातर विचरदे रहे।

जदों अमरदीप मैमोरीअल कालज मुकंदपुर दा प्रिंसीपल रख्खण लई मेरी इंटरविऊ होई तां प्रबंधक कमेटी दे चेअरमैन डा.जौहल नें कुझ्झ ग़ैर रसमी गल्लां वी पुछ्छीआं। पुछ्छिआ कि पहड़ाई लिखाई तों बिनां कोई होर योगता होवे तां उह वी दस्सो। मैं किहा, “जौहल साहिब, सरटीफिकेट तां तुसीं वेख ई लए नें। मेरे कोल इक्क ख़ास डिगरी वी है।” उनहां नें पुछ्छिआ, “उह किहड़ी?” मैं किहा, “मैं ढुड्डीके पास हां!”

जौहल साहिब समझ गए कि जिहड़ा बंदा ढुड्डीके `च लंमा समां रहि आइऐ ते सुख्ख सांद नाल रहि आइऐ उह मुकंदपुर वी रहि सकेगा। असल विच्च उह किसे अजिहे प्रिंसीपल दी ही तलाश विच्च सन जो पेंडू कालज चला सके। बाकी गल्लां उनहां नें कंवल तों पुछ्छ लईआं सन। जे मेरे कोल पिंड दे कालज दा तजरबा नां हुंदा तां मैं मुकंदपुर कालज दे सटाफ नूं नाल लै के विदिआरथीआं दी गिणती तिंन सौ तों गिआरां सौ तक नां पुचा सकदा। ढुड्डीके दी रहिणी बहिणी नें मैनूं किते वी वसण रसण जोगा बणा दित्ता सी। उथों दे चंगे माड़े बंदिआं दी संगत कर के मैं चंगे बंदिआं तों बिनां माड़े बंदिआं नाल वी निभण जोगा हो गिआ सां।

ढुड्डीके नूं पहिलां ज़िला फिरोज़पुर लग्गदा सी, फिर फरीदकोट ते हुण मोगा लग्गदा है। इह मोगा-जगराओं सड़क उते अजीतवाल तों चार किलोमीटर दख्खण वल्ल है। इस दे आले दुआले चूहड़चक्क, डांगीआं, दौधर, मद्दोके, तखाणवध्ध, नत्थूवाला, झंडेआणा, मटवाणी, अजीतवाल ते किली चाहलां पिंड हन। ढुड्डीके ते चूहड़चक्क विचकार तां हुण इक्क किलोमीटर दा फासला ही रहि गिआ है। इनहां पिंडां विच्च कई देशभगत बाबे होए जिनहां नें देश दी आज़ादी लई कैदां कट्टीआं ते फाहे लग्गे। इनहां पिंडां नूं सज़ा देण लई अंगरेज़ सरकार नें ताजीरी चौकी बिठाई रख्खी जिस दा मतलब सी कि चौकी दे अमले फैले दा खरचा पिंड वासीआं नूं देणा पैंदा सी। मुलक आज़ाद होइआ तां चौकी दा जुरमाना भारत सरकार नें वापस मोड़िआ जो लाला लाजपत राए कालज `ते लग्गा।

दूर दे लोकां नूं बहुत घट्ट पता है कि ढुड्डीके, लाला लाजपत राए तों बिनां, गदरी बाबिआं दा वी पिंड है। बाबा ईशर सिंघ, बाबा रूड़ सिंघ, बाबा पाखर सिंघ, बाबा पाला सिंघ वड्डा, बाबा पाला सिंघ छोटा, बाबा तरलोक सिंघ, भाई महिंदर सिंघ ते बाबा शाम सिंघ इथे ही पैदा होए। ढुड्डीके तों लागले पिंडां नूं जांदीआं सड़कां दे नां हुण इनहां बाबिआं दे नावां उते ही हन।

 

लाला लाजपत राए दा जनम बेशक 28 जनवरी 1865 नूं ढुड्डीके दे इक्क कच्चे कोठे विच्च होइआ सी पर खोला बणे उस कोठे दा पता 1955 विच्च लग्गा सी। उसे साल कंवल होरां नें पिंड दे नौजुआनां दी इक्क कलचरल सुसाइटी बणाई ते सरपंच राम सिंघ नाल मिल के पिंड विकास दे प्रोगराम उलीके। फिर कंवल वी सरपंच बणिआ। ढुड्डीके `च बेसिक ट्रेनिंग सकूल, हाइर सैकंडरी सकूल, रूरल इंडसट्रीअल ऐसटेट, डाक घर, तार घर, फोन सेवा, पाणी दी टैंकी ते मुढ्ढले सिहत केंदर दीआं सहूलतां 1963 तक होंद विच्च आ गईआं सन। रहिंदी कसर कालज नें कढ्ढ दित्ती। जिहड़ा पिंड कदे वैल्लीआं दा गहड़ वज्जदा सी लेखकां ते पहड़े लिखिआं दा माडरन पिंड किहा जाण लग्गा।

मैं उदों ढुड्डीके लैकचरार सां जदों मेरा विआह होइआ। विआह तों पहिलां मैं पिंडों साईकल `ते पहड़ाउण आ जांदा सां। मेरी पतनी हलवारे पहड़ाउंदी सी जिस नूं पिंडों हलवारे जाणा मुशकल सी। असीं आपणी रहाइश पहिलां जगराओं ते फिर मुल्लांपुर रख्ख लई। हरजीत हलवारे पहड़ा के मुड़ आउंदी ते मैं ढुड्डीके पहड़ा के मुड़ जांदा। तिंन कु साल इस तरहां ही लंघे। 30 जून 1971 नूं साडे घर पुत्तर नें जनम लिआ। 1972 विच्च हरजीत नें हलवारे दे सैंटरल सकूल दी नौकरी छड्ड दित्ती ते पंजाब सरकार दी नौकरी लै लई। बदली वी ढुड्डीके दी करा लई ते असीं ढुड्डीके ही रहिण लग्गे।

पहिलां असीं सरपंच राम सिंघ दे भरा दे घर `च रहे। उनहां दा विहड़ा सांझा सी ते उपर चुबारे नूं चहड़दीआं पौड़ीआं बिनां जंगले दे सन। पहड़ाउण जाण लग्गिआं सानूं डर लग्गिआ करे कि साडा साल कु दा पुत्तर पौड़ीआं तों नां रुहड़ जावे। इक्क दिन इह डर मैं सरपंच दी पतनी कोल परगट कर बैठा जिस नूं असीं माता जी कहिंदे सां। माता कहिण लग्गी, “वे भाई सरवण सिआं, ऐवें नां फिकर करी जाह। मेरे तां अठ्ठे पुत्त एनहां पौड़ीआं `ते ई चहड़दे रहे आ। विचे आह शिंदर, विचे बग्गू ते विचे धीदो। वीह आरीं डिग्गे होणगे पर किसे दा वाल विंगा नी होइआ।” मैं मन `च सोचिआ, “माता कहिंदी तां सच्च ऐ। पर किथे अठ्ठ ते किथे इक? उहदे तां इक्क दे रुहड़न पिछ्छों वी सत्तां नें रहि जाणा सी पर साडा तां इको रुहड़न नाल ही कंम तमाम हो जाणा सी!”

फिर असीं इक्क कैनेडीअन परिवार दे घर रहिण लग्गे। घर दे मालक दा नां सरदारा सिंघ गिल्ल सी पर पतनी पिछ्छे पिंड रहिंदी रही होण कारन घर दा नां ‘सोधां का घर’ वज्जदा सी। इक्क वार मेरा मासड़ मैनूं मिलण आइआ। उस नूं दस्सिआ होइआ सी कि ढुड्डीके आ के सोधां का घर पुछ्छ लवे। उस नें सोधां दा नां इज़्ज़त माण नाल लैंदिआं सत्थ `च बैठे बंदिआं तों पुछ्छिआ, “सोधां बाहमणी का घर किधर ऐ?” बंदिआं `च हासा छिड़ पिआ बई इहने सोधां जट्टी आपणे कोलों ई सोधां बाहमणी बणा धरी ऐ! इह गल्ल उवें ही सी जिवें साडे पिंड जुआले दा नां जुल्ली पै गिआ सी ते नंबरदारी मिलण पिछ्छों वी जुल्ली नंबरदार ही पक्किआ रिहा। बाहरों आए किसे बंदे नें अदब नाल उस नूं ‘जुल्ल सिआं’ कहि के सासरी काल बुलाई तां उह कहिण लग्गा, “सासरी काल तां सासरी काल। पर इह दस्स जुल्ली दा जुल्ल तैं आवदे कोलों जोड़िआ जां पिंड दे किसे बंदे नें दस्सिऐ?”

जदों असीं पहिली वार ढुड्डीके गए सां तां कंवल निआईं वाले खेत `च बणाई बैठक विच्च मिलिआ सी। उहदे अग्गे इक्क सीमैंट दा बणिआ बैंच हुंदा सी जिस दी हुण कोई निशानी नहीं। आले दुआले खेत सन ते रुख्ख सन। उथे मोर पैलां पाउंदे ते मोरनीआं तुरीआं फिरदीआं। रुख्खां उते पंछी चहिकदे। उस माहौल `च कंवल तां लिखदा ही सी, बलराज साहनी वी बंबई तों ढुड्डीके आ के आपणे सफ़रनामे सिध्धे टाईप करदा। इक्क वार मेरे मूंहों लफ़ज़ ‘बठ्ठल’ निकलिआ तां बलराज साहनी नें उह लफ़ज़ तिंन चार वार बोल के आपणे टेप रिकारड विच्च भर लिआ। कंवल जदों किते बैठक `च बैठा अक्क जांदा सी तां बाहर वट्टां अते इथों तक कि सिविआं दे शांत माहौल `च लिखण जा बैठदा सी। बलराज साहनी गलीआं `च गेड़े दिंदा सी ते सत्थां `च अमलीआं दीआं गल्लां शौक नाल सुणदा हुंघारे भरदा सी।

कंवल कोल इक्क कुरसी ते मेज़ सठ्ठ सत्तर साल पुराणे हन। उह पिंड दे इक्क कारीगर नें बणा के दित्ते सन। कंवल नूं वहिम वरगा विशवास है कि उह उसे मेज़-कुरसी `ते ही चज्ज नाल लिख सकदै। इक्क वार मैं उस कुरसी `ते बैठा तां पुराणी ढिचकूं ढिचकूं करदी कुरसी दा मेरे भार नाल जड़ाका पै चल्लिआ सी। इह तां पतला पतंग कंवल ही है जिहड़ा फालां फूलां ला के आपणा डंग सारी जांदै। आतम हमराही वरगे लेखक हेठां इस कुरसी नें दो साल नहीं सी कढ्ढणे ते गुरभजन गिल्ल तां बहिण सार ही लै बहिंदा! उह कुरसी ते मेज़ हाले वी बरांडे विच्च जां टाहली हेठां पए हुंदे हन। कंवल उनहां उते हज़ारां घंटे बैठिआ है ते हज़ारां सफ़े लिखे हन। पंजाह तों वध्ध किताबां लिख दित्तीआं हन। ऊधम सिंघ, प्रिथीपाल ते सुरजीत होरां दीआं सैंकड़े गोल करन वालीआं हाकीआं तां पंजाबी संभाल नहीं सके, की पता कंवल दी कुरसी कोई पंजाबी संभाल ही लवे। उंज पंजाबीआं `च अजिहीआं यादगारी वसतां संभालण दी अजे रीत नहीं तुरी।

पूरनमाशी दीआं रातां नूं कुझ्झ लैकचरर सैर सपाटा करन निकल तुरदे सी। कदे कदे कंवल वी नाल हुंदा सी। इक्क वार असीं टांगा किराए `ते कीता ते ढलदी रात तक सड़कां `ते घुंमदे रहे। पुंनिआ दे चंन दी चानणी पैलीआं, वट्टां बंनिआं, वाहे सुहागे खेतां ते छप्पड़ां टोभिआं `ते डुल्ल्हदी रही। कंवल आपणीआं जीवन-यादां सुणाउंदा गिआ। कंवल दीआं लिखतां विच्च ही रुमांस नहीं उहदीआं गल्लां विच्च वी रुमांस है।

कंवल नें शराब पीणी छड्ड दित्ती सी। कई सालां बाअद उह बीअर दी घुट्ट भरन लग्गा तां असीं अस्सू कत्ते दी पूरनमाशी मनाउण लग्गे। इक्क वार असीं खाण पीण दा समान लै के चूहड़चक्क वल्ल नूं निकले। सूए दे पुल `ते बहि के नुकल पाणी करन लग्गे तां कंवल नें किहा, “एथे नी ठीक। एथे लोकां दा आउण जाण ऐं। नाले वारस शाह नें वी किहै-वारस शाह लुकाईए जग्ग कोलों भावें आपणा ही गुड़ खाईए सी।”

असीं सूए पै के कौंकिआं वल्ल नूं चल्ल पए। कंवल कहे, “ओथे महिफ़ल लावांगे जिथे सूए दे पाणी `च चंद दा मूंह दिसे।” असीं काफी दूर तक तुरदे गए पर चंद दा मूंह पाणी विच्च नां दिसिआ। सूए दी ओधरली बंनी `ते तां भावें असीं जगराओं तक तुरे जांदे चंद नें पाणी `च विखाई नहीं सी देणा। हार के डांगीआं नूं जांदी कस्सी मुड़े तां चौड़े पाट विच्च चंद दा मूंह पाणी विच्च विखाई देण लग्गा। इह महिफ़ल लाउण लई कंवल दी मनपसंद थां सी। फिर मोमबत्तीआं जगीआं ते वारी सिर आपो आपणीआं रचनावां सुणाउण दा गेड़ तुरिआ। बहिस होण लग्गी जो दो प्रोफैसरां `च एनी भख गई कि उह उलझण वाले हो गए। जदों नौबत गल पैण दी आई तां कंवल कस्सी दी पुली उते जा चहड़िआ ते दुहाई पाउण लग्गा, “कर जाओ चुप्प, नहीं मै लग्गां पाणी `च छाल मारन!” शुकर है कंवल अजे ज़िंदा है ते ढुड्डीके दीआं यादां वी ज़िंदा हन। उनहां यादां दी ढड्ड अजे वी खड़कदी है।

हुण वी कदे कदे ढुड्डीके विच्च दी ते कालज दे अग्गिओं लंघण दा सबब्ब बण जांदै। पिछले सिआल मैं पंजाब गिआ तां सवेरे सवेरे ढुड्डीके कालज अग्गिओं लंघण दा मौका मिलिआ। साडी कार दे सटीरीओ `ते गीत गूंज रिहा सी-धुंद पैंदी लोहड़े दी, मेरा अंग अंग जांदा ठरदा, सीटी मार अरजना वे, भुल्लगी मोड़ गुलाबो घर दा …। बाहर धुंद सी ते पोह माघ दी ठंढ विच्च अंग सच्चमुच्च ठरी जांदे सन। गिल्ल हरदीप दी आवाज़ विच्च लोहड़े दा दरद सी। हाणी नूं मिलण दी विआकुलता सी। मेरे लई समें सथान दा मेल वी कमाल दा सी। असीं मद्दोके तों ढुड्डीके विच्च दी मुकंदपुर जाणा सी। मैं कार कालज दे मुख्ख दुआर अग्गे रुकवा लई। कैसट वज्जी जा रही सी-सीटी मार अरजना वे …।

मैनूं अरजन वी याद आ गिआ ते हरदीप वी। उह दोवें ढुड्डीके कालज दे विदिआरथी सन। कौंकिआं दा अरजन कबड्डी दा तकड़ा खिडारी सी जीहदीआं धुंमां दूर वलाइतां तक पईआं रहीआं। कोकरी दा गिल्ल हरदीप वी पंज साल ढुड्डीके कालज विच्च पहड़िआ ते ढुड्डीके ही विआहिआ गिआ सी। उह पहड़ाई विच्च हुशिआर विदिआरथी सी ते मूंह नाल मोगा रोडवेज़ दी लारी सटारट करन दी नकल लाइआ करदी सी। उह मूंह दी आवाज़ नाल ही रेस वधाउंदा घटाउंदा ते कंडकटर दी सीटी मारदा। सारे हस्स हस्स लोट पोट हुंदे। विआह करवा के उस नें कैनेडा जाणा सी इस लई मैं उस नूं हजामत सिख्खण दी सलाह दित्ती सी। मैनूं पता सी कि कैनेडा विच्च सैलून वाले होरनां नालों वध्ध डालर कमाउंदे हन।

कैनेडा जा के उस नें सच्चमुच्च ही सैलून खोल्ह लिआ ते परिवार दे सारे जीआं नूं आहरे ला दित्ता। जट्टां नें पीणी दारू वाले गीत नाल उस नें बथेरे जट्टां दे सिर मुंने ते करीं किते मेल रब्बा दिल्ली ते लाहौर दा गीत नाल, दिल्ली दख्खण तक मशहूर हो गिआ। उहदी गद्दर ते गहड़कवीं आवाज़ विच्च मालवा कूकदा लग्गदा है।

कालज दे गेट अग्गे रुके नूं मैनूं अनेकां यादां आईआं ते मेरा सिर सिजदे विच्च झुक गिआ। इह उह जगहा सी जिथे मेरीआं हज़ारां पैड़ां होईआं सन। जिथे मैं बड़े चंगे दिन माणे सन। जिथों दे कण कण नाल मेरी सांझ पै गई सी। जीअ कीता उथों दी मिट्टी नूं चुंमां। मैनूं याद आइआ मेरा विदिआरथी जगजीत चूहड़चक्क जिस नें कहाणीआं लिखीआं, फिलमां `च पापड़ वेले ते जदों कुझ्झ सौखा होइआ तां कैनेडा तों चूहड़चक्क मुड़दिआं राह विच्च ही प्राण तिआग गिआ। जगजीत दे नाल शमशेर संधू वी ढुड्डीके आउंदा। इक्क वार असीं तिंनां नें आपणीआं पंज पंज कहाणीआं चुण के सांझी किताब छपाउण दी सकीम बणाई सी पर उह सिरे नहीं चहड़ी। मैं ढुड्डीके दीआं यादां विच्च खो गिआ सां ते भुल्ल गिआ सां कि अग्गे मुकंदपुर वी जाणा है।