जिवें संसारपुर नूं हाकी खिडारीआं दा पिंड किहा जांदै उवें ढुड्डीके नूं लिखारीआं दा पिंड किहा जा सकदै। इस पिंड नाल संबंधित दरजन कु लेखक हन जिनहां दीआं डेढ सौ तों वध्ध किताबां छप चुक्कीआं हन। लंमा समां ढुड्डीके रहिण कारन मैनूं वी ढुड्डीके दा ही समझिआ जांदा है। मेरीआं लिखतां उते ढुड्डीके दे पौण पाणी दा खासा प्रभाव है। ऐन उवें जिवें रामपुरी शाइरां `ते नहिर सरहंद दे पाणी दा असर है। इह गल्ल उह ख़ुद कहिंदे हन। कहिंदे हन कि जिहड़ा रामपुर दा पाणी पी लवे उह शाइर बण ई जांदै। इओं ई कहि सकदे आं कि जिहड़ा ढुड्डीके दी हवा `च साह लै लवे उह माड़ा मोटा लेखक बण ई जांदै।

1865 विच्च ढुड्डीके दे कच्चे कोठे `च लाला लाजपत राए दा जनम होइआ सी। उस नें राजनीतक सरगरमीआं दे नाल कई किताबां वी लिखीआं। उस नूं ढुड्डीके दा पहिला लेखक कहि सकदे हां। उह बुलारा वी बहुत तकड़ा सी। 1919 `च जसवंत सिंघ गिल्ल दा जनम होइआ जीहने आपणे नां नाल ‘कंवल’ दा तख़ल्लस जोड़िआ। एसे साल अंम्रिता जंमी जीहदे नां नाल प्रीतम जुड़िआ। इंदरा वी इसे साल जंमी सी जो मगरों इंदरा गांधी बणी। उह तां रब्ब नूं पिआरीआं हो गईआं हन पर कंवल अजे काइम है। उस नें 1940 दे आस पास लिखणा शुरू कीता सी ते हुण तक लिखी जांदा है। उस दीआं किताबां दी गिणती सठ्ठां तों टप्प गई है। किहा जांदै कि उह पंजाबी विच्च सभ तों वध्ध राइलटी कमाउण वाला लेखक है।

2007 दी गल्ल है। लाहौर बुक्क शाप वाले जीवन सिंघ दा लड़का तेजिंदरबीर सिंघ मैनूं कहिण लग्गा, “पापा जी नें कंवल साहिब दे कुझ्झ नावल छापे सन। फिर पता नहीं की गल्ल होई कि उनहां नें कोई होर किताब छपणी नहीं दित्ती। रब्ब जाणे की रोस सी? पापा जी तां गुज़र गए हन। असीं चाहुने आं कि कंवल साहिब नूं फिर छापीए। इस कंम `च तुसीं साडी मदद करो। राइलटी बारे जिवें उह कहिणगे कर लवांगे।”

तेजिंदरबीर नूं कितों पता लग्ग चुक्का सी कि कंवल नें नवीं पुसतक ‘पुंनिआ दा चानण’ लिखी है। उह अगाऊं राइलटी देण नूं तिआर सी। असीं नावलकार शिवचरन जग्गी दी माता दे भोग उते कुस्से नूं जाणा सी। मैं किहा, “चल मुड़दे होए कंवल साहिब नूं वी मिलदे आवांगे।” उस नें पैसे जेब `च पाए ते कार कुस्से नूं तोर लई। मुड़ के ढुड्डीके आए तां कंवल घर ही सी। रसमी गल्लां बातां तों बाअद बीर नें पहिली ऐडीशन दा सठ्ठ हज़ार देण दी गल्ल कीती। कंवल नें किहा, “मैं किसे होर नूं हां करी बैठां। पहिलां उस नूं पुछ्छणा पएगा।” बीर नें उदों ही आपणा सैल्ल फोन मिला दित्ता पर अग्गों उस नाल गल्ल नां हो सकी। बीर पेशगी वीह हज़ार नाल मत्था टेकणा चाहुंदा सी। कंवल नें समां मंगिआ ते किहा, “मैं खुद लुधिआणे दुकान `ते आवांगा।” बीर मगर पिआ रिहा ते ‘पुंनिआ दा चानण’ प्रकाशत कर के पिछ्छों लिहा। मैं मन `च किहा, “कौण कहिंदै पंजाबी साहितकारां नूं कोलों पैसे दे के किताबां छपाउणीआं पैंदीऐं? पर शरत ऐ कि कलम `च जान होवे।”

फिर मैं सोचण लग्गा कि कंवल दे नावलां नूं तां बहुत राइलटी मिली होवेगी। ख़ास कर के ‘पूरनमाशी’ ‘रात बाकी है’ ते ‘लहू दी लोअ’ वरगे नावलां नूं, जिनहां दीआं कई कई ऐडीशनां छपीआं हन। सानूं ढुड्डीके कालज दे प्रोफैसरां नूं उदों इनकम टैकस नहीं सी लग्गदा जदों कंवल नूं राइलटी दा लग्गदा सी। कंवल नें खेती करनी बहुत पहिलां छड्ड दित्ती सी। उस नें कलम दे सिरों आपणीआं चारे लड़कीआं नूं चंडीगहड़ दे होसटलां विच्च भेज के ऐम्म.ऐस्स सी.तक दी पहड़ाई कराई, विआहीआं वरीआं ते परिवारक ज़िंमेवारीआं निभाईआं। इह वख्खरी गल्ल है कि संत सिंघ सेखों दे लड़के वांग कंवल दा लड़का सरबजीत सिंघ वी दसवीं तों अगांह नहीं लंघ सकिआ। लंघ जांदा तां भावें पी ऐच्च.डी तक पहड़ी जांदा।

सिआणे कहिंदे हन कि संगत दा बंदे `ते बड़ा प्रभाव पैंदै। ढुड्डीके रहिंदिआं मेरे उते कई लेखकां दी संगत दा प्रभाव पिआ। ढुड्डीके दी साहित सभा काफी सरगरम सी। उस दीआं महीनेवार बैठकां विच्च सथानक लेखकां दे नाल उघ्घे लेखक वी आउंदे सन। कंवल हर साल किताब छपवाउंदा सी अते किताब दे मुख बंद थल्ले लिखदा सी तुहाडा बाई-जसवंत सिंघ कंवल, पिंड ते डाक घर ढुड्डीके, तहिसील मोगा, ज़िला फिरोज़पुर। उस दे सिरनावें `ते उस नूं चिठ्ठीआं वी बहुत आउंदीआं। उह वी पोसट कारड उते कुझ्झ सतरां विच्च उत्तर दिंदा। इओं उस दा पाठकां नाल संपरक वधदा रहिंदा। पाठक ते लेखक कंवल नूं मिलण ढुड्डीके आउंदे रहिंदे। उनहां `चों कईआं नाल मेरा वी मेल हो जांदा। ढुड्डीके इक्क तरहां लेखकां दा सकूल बणिआ रिहा ते लेखक वधदे गए।

कंवल तों बिनां डा.जसवंत गिल्ल, कवी दरशन गिल्ल, डा.अजीत सिंघ दिल्ली, हरी सिंघ ढुड्डीके, नरिंदरपाल शरमा, जोगिंदर नहिरू, प्रो.कंवलजीत सिंघ, मासटर गुरचरन सिंघ, अछ्छर सिंघ ते संदेशी सभ ढुड्डीके दे हन। ‘ढुड्डीके दे गदरी बाबे’ लिखण वाला प्रिं.धरम सिंघ सहोता ते मारकसवादी लेखक प्रो.गुरमीत सिंघ टिवाणा वी ढुड्डीके दे आखे जांदे हन। कुझ्झ नवें उठदे लेखक वी हन। कहाणीकार सुजान सिंघ साहित सभा ढुड्डीके विच्च आउंदा रिहा ते फिर लाजपत राए कालज दा प्रिंसीपल लग्गा रिहा। उहदे वेले ढुड्डीके `च लेखकां दा आउण जाण होर वी वध गिआ सी। संतोख सिंघ धीर तों लै के जगजीत सिंघ अनंद तक सभ आउंदे जांदे सन। गुरशरन सिंघ नें कई डरामे ढुड्डीके `च सटेज कीते। उथे कवी दरबार लग्गदे ते गोशटीआं हुंदीआं। कहिंदे कहाउंदे लेखक ते प्रकाशक कंवल नूं मिलण आउंदे।

जदों आतम हमराही नत्थूवाले रहिंदा सी तां ढुड्डीके उस दा पक्का अड्डा हुंदा सी। गोल मोल जुस्से नाल उह तुरदा नहीं रुहड़दा लग्गदा सी। मोगे दा देस राज मोगे दी लिखारी सभा दे मैंबर आपणे नाल लिआउंदा। जगराओं तों केसर सिंघ नीर आपणे साथीआं नूं लै आउंदा। दौधर दा भाग सिंघ उपाशक तां सी ही गुआंढी। करमजीत कुस्सा ढुड्डीके दे गेड़े कढ्ढदा रहिंदा। जगतार पपीहा, शिव कुमार, तरसेम पुरेवाल, शेर जंग जांगली, निरंजण तसनीम, जगतार सिंघ बरनाला ते हर वेले ई इक्क अख्ख मीची रख्खण वाला फोटोगराफर हरभजन बटालवी शौक नाल कंवल नूं मिलण आउंदे। बलराज साहनी दा ज़िकर मैं कर ई चुक्कां। कंवल नें इक्क वार ढुड्डीके `च लेखकां दी कानफरंस कीती सी जिस विच्च गिआनी हीरा सिंघ दरद ते संत सिंघ सेखों तों लै के पंजाबी दे उघ्घे लेखक ढुड्डीके दी इक्क धरमशाला `च `कठ्ठे होए सन। उनहां नें पंजाबी सूबे दा मता पास कीता सी। कंवल करके ढुड्डीके साहितक सरगरमीआं दा गहड़ रिहा जिस नाल नवें लेखकां नूं काफी कुझ्झ सिख्खण दा मौका मिलिआ।

हुण जदों मैं ढुड्डीके तों दूर टोरांटो `च बैठा हां तां मैनूं नावल ‘लहू दी लोअ’ याद आ रिहै। कंवल नें नावल ‘लहू दी लोअ’ लिखिआ तां देश विच्च ऐमरजैंसी लग्ग गई सी ते कोई प्रकाशक उस नूं छापण दा जेरा नहीं सी कर रिहा। कंवल नें इक्क छापेखाने `च चोरी छिपे कुझ्झ सफ़े कंपोज़ कराउणे ते परूफ सांभ लैणे। फिर सारे नावल दे परूफ दो तिंन फाईलां `च लुको के मलाइआ नूं चाले पा दित्ते। मलाइआ विच्च इक्क चीने दे छापेखाने तों परूफां दीआं पलेटां नाल ‘लहू दी लोअ’ छापी गई। गिणती दीआं कुझ्झ किताबां भारत विच्च समग्गल होईआं पर बहुतीआं विदेशां विच्च भेजीआं गईआं। कंवल नें घर दिआं नूं कहि रख्खिआ सी कि उस नूं किसे वेले वी जेल्ह जाणा पै सकदै। पर उस दे जेल्ह जाण तों पहिलां ही ऐमरजैंसी चुक्की गई।

ऐमरजैंसी हटी तां आरसी पबलिशरज़ नें ‘लहू दी लोअ’ प्रकाशित कीती जिस दी रिकारड तोड़ विकरी होई। मलाइआ वाली छाप दा मुल्ल तीह रुपए सी जद कि आरसी नें कीमत पंदरां रुपए रख्खी सी। मैनूं उह द्रिश याद है जदों पंजाब खेतीबाड़ी यूनीवरसिटी दे किसान मेले विच्च ‘लहू दी लोअ’ लैण वालिआं दा धक्का पै रिहा सी। कईआं नें तीह तीह रुपए हत्थां `च फड़े होए सन। जदों सटाल वाले तीहां दी थां पंदरां रुपिआं `च किताब दिंदे तां उह पुछ्छदे, “इह असली ‘लहू दी लोअ’ ऐ?” उनहां भाणे असली दा मुल्ल तां तीह रुपए सी। इह पंदरां वाली किते नकली नां होवे!

लहू दी लोअ नूं भाशा विभाग पंजाब नें इनाम ऐलानिआ तां ख़बर पहड़ के कालज दे प्रोफैसर कंवल कोलों पारटी लैण गए। पर उह तां इनाम सवीकार करन तों इनकार करन दा प्रैस्स नोट लिखी बैठा सी। उस नें साफ किहा कि जिहड़ी सरकार नौजुआनां दी कातल है मैं उस दा इनाम किवें लै सकदां? भाशा मंतरी सुखदेव सिंघ ढींडसा दे कहिण `ते वी उह इनाम लैण लई नां मंनिआ। इस बारे अख़बारां `च बहिस चलदी रही। कईआं नें कंवल दे सटैंड नूं ठीक किहा ते कईआं नें ग़लत। इक्क लेख मैं वी लिखिआ ‘लहू दी लोअ कोलों’ जो नवां ज़माना विच्च छपण नाल बहिस मुक्की।

पंजाबी साहित्त अकाडमी नें कंवल नूं करतार सिंघ धालीवाल पुरसकार देण दा फैसला कर लिआ पर ऐलान इस लई नां कीता किते भाशा विभाग दे इनाम वांग ठुकरा नां देवे। अकाडमी दे सकत्तर प्रो.परमिंदर सिंघ ते गुरभजन गिल्ल सवख्खते ई मेरे कोल ढुड्डीके आए कि चलो कंवल नूं मिलणै। कंवल दे घर गए तां उह घर नहीं सी। अगले दिन पुरसकार भेटा कीते जाणे सन। मेरी डिऊटी लग्गी कि कंवल नूं लै के लुधिआणे पुज्जणा है। कंवल, डा.जसवंत गिल्ल ते मैं समें सिर अकाडमी दे दफतर विच्च जा पुज्जे। जदों पता लग्गा कि पुरसकार पंजाब दे गवरनर हत्थों दुआए जाणे हन तां कंवल फिर विटर गिआ कि उह वी सरकार दा मुखी है। उदों प्रो.प्रीतम सिंघ अकाडमी दे प्रधान सन। कंवल नूं मसां मनाइआ गिआ कि इनाम लै लओ, गवरनर सरकार दा मुखी नहीं हुंदा, संविधानक मुखी हुंदै।

मैनूं डा.जसवंत गिल्ल वी याद आ रही है। उह वीह साल दे करीब ढुड्डीके रही। उह चंडीगहड़ लागे सरकारी डिसपैंसरी विच्च डाकटर सी। पंजाहविआं सठ्ठविआं विच्च किसे लड़की दा ऐम्म.बी.बी.ऐस्स.होणा महिणे रख्खदा सी। सरकारी नौकरी `च आ के वी उस नें विआह नहीं सी करवाइआ ते नावल ‘रात बाकी है’ पहड़ के कंवल नाल चिठ्ठी पत्तर शुरू कर लिआ सी। कुझ्झ सालां बाअद नौकरी छड्ड के उह कंवल कोल ही ढुड्डीके रहिण लग्ग पई सी। उस नें सिहत बारे अनेकां किताबां लिखीआं जो बड़ीआं मकबूल होईआं। उह सालां बध्धी ‘प्रीत लड़ी’ विच्च लिखदी रही सी। उस दा रंग गोरा सी, कद्द समध्धर सी ते बोल बाणी बड़ी मिठ्ठी सी। कंवल दी किताब ‘पुंनिआ दा चानण’ डा.जसवंत गिल्ल बारे ही है जिस विच्च उनहां दे आपसी संबंधां दा विसथार है।

इक दिन कहाणीकार गुरदेव रुपाणा दिल्ली तों ढुड्डीके मिलण आ गिआ। उस नें कई कहाणीआं कमाल दीआं लिखीआं हन। जदों मैं दिल्ली सां तां उहदे नाल मेरी चंगी आड़ी सी। असीं इक्क दूजे दीआं लिखतां पहड़दे सुणदे सां ते हस्सदे खेडदे सां। उहदे कोल हासे मज़ाक दा बेअंत मसाला सी जिस नाल जिथे जांदा छहिबर ला दिंदा। हसदे हसाउंदे दीआं अख्खां मिच जांदीआं। अध्धीआं गल्लां तां उह करदा ही अध्धीआं अख्खां मीच के सी। दारू पी के सूटा लाउंदा तां धूंएं दे कुंडल बणा दिंदा। तुरदा तां इओं लग्गदा जिवें खिडौणा चाबी दे के छड्डिआ होवे। निक्के निक्के पैर ते निक्के निक्के कदम। सुणिऐं हुण बुढ्ढे बारे मुड़ के रुपाणे आ गिऐ। जिद्दण ढुड्डीके आइआ सी तां आउंदा ई पुछ्छण लग्ग पिआ सी, “हैगी आ घुट्ट?” घुट्ट पीण दी देर सी कि तरारे `च हो के कहिण लग्गा, “चल विखा हुण लेखकां दा पिंड।”

मैं सकूटर `ते बिठा के ढुड्डीके दा गेड़ा कढ्ढिआ। फिर आपणे पिंड चकर नूं लै तुरिआ। जिथे किते नलका आउंदा उथे घुट्ट होर लग्ग जांदी। चकर दा निशान साहिब वेख के आखी जावे, “बल्ले बल्ले किंना उच्चा!” मैं सोचां, “मूड `च ऐ, किते उते चहड़न नूं नां आख देवे!” पिंडों मुड़दिआं मल्ल्हे आए तां करमजीत कुस्सा मिल गिआ। उह वी अग्गों टल्ली सी। होर पी के जदों उह घिलबिल्लीआं बुलाउण लग्गे तां रुपाणे नूं मैं सकूटर `ते बिठाल लिआ। रसूलपुर ते दौधर विचाले बहुत भारा बोहड़ आउंदै। रुपाणा आखे, “सकूटर रोक, मैं इहनूं जफ्फी पाउणी ऐं। इहो जिहा बोहड़ देखे नूं तां मुद्दतां ई हो गईआं। मैं बोहड़ नूं जफ्फी पाउनां तूं फोटो खिच्च।”

फोटोआं खिच्चदे खिचाउंदे जदों नहिर `ते आए तां कहिंदा, “नहिर `च छालां लाईए।” नहिर उते रुकणा मैं ख़तरे तों खाली नां समझिआ। मारधाड़ दा दौर सी। कोई सकूटर खोह के नहिर `च रोहड़ सकदा सी। ढुड्डीके पहुंचे तां रोटी टुक्क तिआर सी। पर उह कुझ्झ वी खाण पीण जोगा नहीं सी रिहा।

करमजीत कुस्सा बड़ा होणहार नावलकार सी। उह अकसर मेरे कोल ढुड्डीके आउंदा सी ते मैं वी कुस्से जा आउंदा सां। जदों मैं चकर रहिण लग्गा तां गुआंढी पिंड दा होण कारन आउणा जाणा होर वी सुखाला हो गिआ। उहदी पीणी खराब सी जो उस नूं छेती ही लै बैठी। इक्क शाम मैं सैर नूं निकलिआ तां किसे नें दस्सिआ कि कुस्सा खाले `च टेढा होइआ पिऐ। मैं तुरत उहदे कोल पुज्जा। उहदा सकूटर इक्क पासे सटैंड `ते खहड़ा सी ते आप उह सुक्के खाले `च मूधे मूंह पिआ सी। हिलाइआ जुलाइआ तां उस नें अध्धीआं कु अख्खां पुट्टीआं पर मैनूं सिआणन तों सिर फेर दित्ता। उसे मौके हठूर चौकी दी पुलिस पारटी आ गई। ठाणेदार नें पुछ्छगिछ्छ कीती तां उह कहिण लग्गा, “मैं करमजीत कुस्सां!” ठाणेदार ठाणीदारी `ते आइआ तां कुस्से नें हौली देणे मैनूं किहा, “एस बलाअ तों बचाअ।” मैं ठाणेदार नूं आखिआ, “इहनूं मंदे बोल नां बोलो। इह साडा बहुत वड्डा नावलकार ऐ। इहदे नावल ऐम्म.ए.`च पहड़ाए जांदे आ। तुसीं जाओ, मैं इहनूं संभाल लवांगा।”

उद्दण तां मैं उहनूं संभाल लिआ पर उह आपणे आप नूं संभालण जोगा नां हो सकिआ ते छेती ही कूच कर गिआ। बाअद विच्च उहदी पतनी सतविंदर कुस्सा नें उहदे बारे इक्क किताब लिखी जिस दा नां `चारे कूंडां ढूंडीआं’ रख्खिआ।