1983-84 दी गल्ल है। उहनीं दिनीं मैं ‘सचित्तर कौमी एकता’ लई ‘खेड मैदान `चों’ कालम लिखदा सां। गुरदेव सिंघ मान ‘मौजी ठाकर’ दे नां थल्ले ‘कुंडा खोल्ह बसंतरीए’ लिखदा सी। उहदे विच्च हासा-खेडा सी। जिस लेखक दीआं लिखतां `च हासा-खेडा होवे पाठक दिलचसपी नाल पहड़दे हन। जदों मान पक्के तौर `ते कैनेडा चला गिआ तां उहदा कालम बंद हो गिआ। कौमी एकता दे ऐडीटर राजिंदर सिंघ नूं पता सी कि मैं पिंड दा जंमपल हां ते उदों रहिंदा वी पिंड ढुड्डीके विच्च ही सां। उस नें मैनूं प्रेरिआ, “तुसीं पिंड दे अमलीआं बारे लिखो। सुणिऐं उनहां दीआं गल्लां बातां दिलचसप हुंदीऐं।”

मैं खेडां ते खिडारीआं बारे लिखदिआं कहाणीआं लिखणीआं छड्ड चुक्का सां ते मेरा वी दिल करदा सी कि कलम किसे होर पासे वी अज़मावां। मौजी ठाकर दा आपणा रंग सी। मैं आपणे रंग विच्च ‘पिंड दी सत्थ `चों’ कालम लिखणा शुरू कर लिआ जो जनवरी 1984 तों ‘पहिरेदार’ दे नां हेठ कौमी एकता विच्च छपण लग्गा। पहिरेदार दा नां मैनूं इस लई वरतणा पिआ किउंकि मेरे आपणे नां हेठ उसे ही रसाले विच्च इक्क होर कालम छपदा सी। पहिरेदार नें मेरे नां दी दोहर वी बचा लई ते पाठकां नूं जगाउंदे रहिण लई पहिरा वी दुआ दित्ता। मैं इक्क पातर जागर अमली लिआ, दूजा घतित्ती ते तीजा जुगती। जागर गल्ल तोरदा सी, घतित्ती मसला खहड़ा करदा सी ते जुगती मसला हल्ल करन दी जुगत दस्सदा सी।

मैं वीह साल आपणे पिंड चकर ते वीह साल ढुड्डीके रिहा हां। सत्त साल बारडर दे छोटे जिहे पिंड कोठे विच्च गुज़ारे हन। उस पिंड विच्च राए सिख्ख वधेरे सन। इक्क साल मुकतसर ते पंज साल दिल्ली रिहा हां। पंज छे साल दुआबे दे पिंड मुकंदपुर `च रहि के हुण सत्त अठ्ठ सालां तों ज़िआदा समां कैनेडा विच्च गुज़ार रिहां। साल `च दो कु महीने मेरे तोरे फेरे विच्च लंघ जांदे हन। इउं मैं छोटे ते वड्डे पिंडां तों लै के देश विदेश दे वड्डे शहिरां दा वसनीक रिहा हां। काफी दुनीआ घुंम लई है। हर थां दा आपणा असर पैंदै। चकर ते ढुड्डीके दा असर मेरे `ते कुझ्झ वधेरे ही है। इह पिंड मालवे दे गहड़ हन। ‘पिंड दी सत्थ `चों’ कालम दा पहिला आरटीकल मैं ‘फिलम नहीं टेलर’ दे सिरलेख हेठ इनहां पिंडां नूं मुख्ख रख्ख के ही लिखिआ सी। पुछ्छ गिछ्छ मैं ढुड्डीके `चों कीती पर पिंड दा नां पाउण दी थां लिखिआ सी:

-पंजाब दे बारां हज़ार पिंडां `चों इह इक्क नमूने दा पिंड है। इस पिंड `च हर रोज़ सौ अख़बार पहड़े जांदे हन ते सौ बोतलां ही शराब दीआं पीतीआं जांदीआं हन। शराब `च पच्ची बोतलां ठेके दीआं हुंदीआं हन ते तिंन पीपे देसी दारू दे। इंज ही पच्ची अख़बार अंगरेज़ी दे हुंदे हन ते बाकी पंजाबी दे। पंजाह साल पहिलां पिंड दी पहड़न समग्गरी किस्से ते गुटके हुंदी सी। गुटके तां हालां वी काइम हन पर किस्से भालिआं वी नहीं लभ्भदे।

-इथे दो गुरदुआरे हन, दो डाकटर ते दो ही झटकई हन। झटकई हर रोज़ दो बक्करे वढ्ढदे हन, डाकटर दो सौ टीके ठोकदे हन ते गुरदुआरिआं दे भाई जी वी साल `च दो सौ पाठां नूं पुज्ज जांदे हन। डाकटरां दे टीकिआं नाल बंदे बचदे हन ते जिहड़े मर जाण भाईआं दी अरदास नाल उनहां दे भोग पैंदे हन। आमदन डाकटरां नूं वी बथेरी है ते घट्ट गुरदुआरिआं नूं वी नहीं।

-इह पिंड हुण कुक्कड़ां दीआं बांगां ते पंछीआं दी चहिचहाट नहीं जागदा। होरनां पिंडां वांग इहनूं वी गुरदुआरिआं दे लाऊड सपीकर ही जगाउंदे हन। गुरदुआरे दा भाई तड़कसार रब्ब दा नां लै के आखदा है, “उठो भाई, अं्रिमत वेला हो गिआ। घड़ी उते चार वज्जे हन। सावधान होवो। इशनान पाणी करो ते प्रमातमां दा नां लओ।”

-दिन भर दी करड़ी मुशक्कत मगरों घूक सुत्ते कामिआं नूं तड़कसार दीआं आवाज़ां आरां वांग चुभ्भदीआं हन ते उह मन `च भाई जी नूं गाल्हां कढ्ढण लग्गदे हन। ओधर लाऊड सपीकर तों ढोलकी छैणिआं दी खड़कार उच्ची हुंदी है ते एधर कच्ची नींदे जागे कामे बुड़बुड़ करदे हन, “अध्धी रात तक मछ्छर नी टिकण दिंदा ते तड़के ई इह सिरी राग ला बहिंदे आ। रब्ब दा नां भला हौली नी लिआ जांदा?”

-कुझ सालां तों नशे वालीआं गोलीआं खाण ते दवाईआं पीण दा तोरा तुर पिआ है। अजिहे कंमां विच्च अठ्ठवीं फेल्ह ‘डाकटरां’ दी पूरी मिलवरतण है। नशे वालीआं गोलीआं खाण पिछ्छों अख्खां मिचण लग्ग पैंदीआं हन। अमली सड़क उते बलद-मूतणीआं बणाउंदा तुरदा है। उस वेले टरक्क वी उहदे वासते रसता छड्ड के लंघदे हन बई अमली किते ऐकसीडैंट नां कर देवे। टरक्क दा नुकसान नां होजे! नशा उतों दी हो जावे तां गोलीआं दा डक्किआ अमली मूंह भार डिग्गदा है ते डिग्गिआ पिआ ई नशा खेड़दा रहिंदा है। जिहड़े अमली गोलीआं खाण दी थां शीशी `चों दुआई पींदे हन उहनां दीआं अख्खां मिच्चदीआं नहीं सगों होर टड्डीदीआं हन। नशे दी चहड़ाई विच्च मूंह भार डिग्गण दी थां उह अख्खां टड्डी बैक गेअर मारदे हन ते धौण परने डिग्गदे हन। भेती बंदे डिग्गे पए अमली दी ‘पुज़ीशन’ वेख ई दस्स दिंदे हन कि माई दे लाल नें गोलीआं खाधीआं सन जां शीशी `चों दुआई पीती सी!

-पिंड दे खेतां विच्च बिजली दीआं मोटरां तां सौ दे करीब लग्गीआं होईआं हन पर बिजली उनहां `च लंगे डंग ई आउंदी है। इहो कारन है कि झोना पालण लई हरेक बिजली दी मोटर नाल किसानां नूं डीज़ल इंजण रख्खणा पैंदा है। टिऊवैल्लां दा पाणी थल्ले ई थल्ले तुरिआ जांदा है ते पाणी चुक्कण वाले पख्खे हरेक साल होर हिठांह करने पैंदे हन। इहो चाला रिहा तां होर कुझ्झ सालां तक पंजाब दीआं उपजाऊ ज़मीनां दी रामसत्त हो जावेगी।

-पिंड `च पंजाह दे करीब मासटर ते मुलाज़म हन। डराईवर वी हन ते कंडक्कटर वी हन जो आथण दी बस्स ‘डक्के’ ई आउंदे हन। उनहां नें राह विचले ठेके ही बस्स अड्डे बणा धरे हन। जिद्दण तनखाह मिली होवे उद्दण ठेके दा हाता मासटरां नाल भर जांदा है ते उह माड़ी शराब बदले ठेकेदार नूं सलोक सुणाउंदे हन। फिर सरकार नूं गाल्हां कढ्ढदे हन कि उह शराब तां महिंगी करी जांदी है पर तनखाह ओनी नहीं वधाउंदी।

-तंगी कारन नित्त पंजाह मण दुध्ध पिंडों शहिर जांदा है ते दुध्ध वेचण वाले घर पाणी पी के डंग सारदे हन। कई दुध्ध दा डोलणा डेअरी लिजांदे हन ते ठेके तों अधीआ डब्ब `च टुंग लिआउंदे हन। बची होई भान दीआं पकौड़ीआं लै लैंदे हन। सभ तों औखा छोटा किसान है। उस तों घट्ट औखे सांझी ते दिहाड़ीए हन। सभ तों सौखा डेरे दा साध है। सभ तों हौले वज़न दे बंदे अमली हन ते सभ तों भारे गुरदुआरिआं दे गरंथी। सभ तों बहुते निआणे विहड़े वालिआं दे हन जिनहां दी सिआण ई नहीं आउंदी बई किहड़ा कौण ऐं? सारे इको जिहे ही लग्गदे हन। सिआण तां तद आवे जे दोंह चहुं सालां दी वित्थ होवे! परिवार नियोजन वाले आपणा ज़ोर लाई जादे हन ते जंमण वाले आपणा। शरींह दे पहिले पत्ते सुक्कण नहीं दिंदे कि उतों दी होर बंनहा दिंदे हन।

-जदों दीआं लिंक सड़कां बणीआं हन, सौ सौ सवारी इक्क इक बस्स उते चहड़दी है। कहिंदे नें बस्सां फिर वी घाटे `च चलदीआं हन। डोडे पी के सत्थ `च आइआ जागर अमली इक्क दिन नशा खिड़े तों कहिण लग्गा, “आह रोडवेज़ दीआं बस्सां नूं हेठां तों `तांह तक वीह जणे खाण आले आ। इह तां पहीए लग्गे करके माड़ी मोटी रुहड़ी फिरदी आ नहीं तां कदों दी खाधी पीती जांदी!”

आरटीकल दे अख़ीर `च मैं लिखिआ सी-इह टेलर है, फिलम फेर सही। फिर मैं फिलम दीआं रील्हां विखाउण लग्गा। पेंडू वरतारे दीआं कई परतां सन। किधरे गाउण वाली दा शरहेआम लग्गिआ `खाड़ा सी ते किधरे मुख़बर दी गुझ्झी मुख़बरी सी। किधरे बाबे रोडू दे डेरे खुल्ल्हा वरतदा शराब दा लंगर सी ते किधरे मंड `च झल्लां उहले कशीद कीती जांदी रूड़ी मारका दा छेवां दरिआ सी। विचे फीम दीआं गल्लां सन, विचे डोडिआं दीआं ते विचे अखंड पाठां दीआं। किते मंडी दी लुट्ट सी, किते पुलिस दी ते किते चोरां दे यार सन। जट्टां दी औखी जूंन दीआं बहुड़ीआं ते भंडां दा हासा तमाशा सी। भानीमारां दी करतूत तों लै के कलजुगी अदालतां दे कलजुगी फैसले सन। विचे ज़रदे दा हमला सी, विचे नशे दीआं गोलीआं ते विचे कंबाईनां दी वाढी सी। हाहड़ी सौणी खेतां दे कामिआं `च मणां मूंह फीम लग्ग जाण दा वेरवा सी। किधरे तंगी दीआं गल्लां सन ते किधरे ज़ोरावरां दा सत्तीं वीहीं सौ सी। जागर अमली आपणीआं छड्डी जांदा सी ते गिआना जुगती आपणीआं। पहड़े लिखे बंदे धूणी दुआले वख्ख धुखदे सन। किहरे कैनेडीअन दा आपणा दुख्ख सी ते महिंगे कारीगर दा आपणा। पिंड दी सत्थ `च अमलीआं ते खाड़कूआं दीआं भांत सुभांतीआं गल्लां हुंदीआं सन।

मैं पंजाब दा पेंडू जनजीवन झीतां विच्च दी विखाउण दी कोशिश कीती सी। झीतां `चों सभ कुझ्झ तां नहीं दिसदा पर जो दिस पैंदै उहदा आपणा ‘नज़ारा’ हुंदै। मेलिआं विच्च जिंदा डानस दे पंडालां दीआं विरलां विचों नच्चण वालीआं दीआं लत्तां ते गुत्तां दे झाके लैंदे दरशक ऐवें तां नहीं पुलसीआं तों डंडे खांदे फिरदे। असीं ख़ुद बी.ऐड्ड.`च पहड़दिआं मुकतसर दे मेले `च खाधे सन। इह वख्खरी गल्ल है कि मगरों कहिंदे रहे, “लै हुण इमतिहानां तक नी डोलदे!”

‘जट्ट दी जूंन’ वाले लेख `च मैं इक्क डाइरी दा ज़िकर कीता सी। उहदे `च जट्ट दे खरचे लिखे होए सन। खेतां विच्च खाद, नदीन नाशक दवाई, डंगरां दे मूंह-खुर दा इलाज, पिंड दी ढाल, खुसरिआं दा लाग ते सरकारी ‘सहूलतां’ लैण लई वढ्ढी देण दे खरचे तां होणे ही होए। दिहाड़ीआं नूं फसे फसाए फीम वी खुआउणी होई ते सरकार दा मामला वी तारना होइआ। महाराज नूं मत्था टेकण ते गाउण वाली तों नोट वारन दी गल्ल वी समझ आई। पर ‘ढट्टे दी चहड़ाई पंदरां रुपए’ दा खरचा समझ नां आइआ। उहनां दिनां `च पंदरां रुपए अज्ज दे डूढ सौ वरगे सन।

‘ढट्टे दी चहड़ाई’ वाले अख्खर उठाल के पहिलां तां मैनूं जट्ट दी सादा बिआनी उते हासा आइआ। फिर मैं सोचिआ कि इह कोई दोगली नसल दा ढट्टा होवेगा, ज़राइती यूनीवरसिटी दा। ओथों दे दोगले ढट्टे मैं वी वेखे होए सन पर इह तां रेट ई बहुत ज़िआदा सी। मैं पुछ्छिआ, “बाई जी, किहड़े ढट्टे तों गऊ हरी कराई सी?” उहने किहा, “किसे तों वी नी। आपणे कोल तां गां ई कोई नी ते हरी किथों कराउणी सी?” “फेर आह ढट्टे दी चहड़ाई वाला खरचा काहदा होइआ?” मैं हैरान हो के पुछ्छिआ सी।

उहने घरोड़ के दस्सिआ सी, “इह ढट्टा आपणी पैली दा उजाड़ा करदा सी। असीं दस बारां घर तां बाहले ई औखे सी। सहुरे नूं बथेरा भजाइआ पर इह अजिहा गिझ्झिआ कि मुड़ मुड़ के खेतां `च आ जांदा। हार के इक्क टरक्क `च चहड़ाइआ ते डराईवर नूं आखिआ बई सौ मील दूर जा के लाहीं। रुपईआ तां डूढ सौ लग्ग गिआ पर मुड़ के उह ढट्टा नी देखिआ। हिस्से बहिंदे सानूं पंदरां पंदरां रुपए आए। तां ही तां लिखिऐ बई ढट्टे दी चहड़ाई पंदरां रुपए।”

अग्गे जा के मैं लिखिआ सी-तिख्खे सिआसतदान कहिंदे हन कि पंजाब दे किसान कणक, झोने ते नरमे दे करोड़ां अरबां रुपए वट्टदे हन। पर उह इह नहीं दस्सदे कि पंजाब दे किसान उही करोड़ां अरबां रुपए तेल, खाद, बिजली, मशीनरी, कीड़ेमार ते नदीन नाशक दवाईआं खरीददिआं खरचदे हन। उह अरबां रुपए आउंदे जांदे ही वेखदे हन ते विचों उनहां दी हालत उस मरासी वरगी है जीहने तीहां रुपईआं दी टैर लई सी। उह हज़ार दा वछेरा लैण लई आपणी टैर नूं इलाके दे सभ तों वधीआ घोड़े नाल मिलाउण लै गिआ। घोड़े नाल मिला के तुरन लग्गा तां घोड़े दे मालक नें तीह रुपए मंगे। मरासी नें किहा, “मोतीआं आलिआ, पल्ले तां धेला नी। इह टैर तीहां दी लई सी। जे पैसे लए बिनां तेरा उक्का नी सरदा तां एहो टैर किल्ले बंनह लै।”

घोड़े दे मालक नें टैर आपणे किल्ले बंनह लई। मरासी निंमोझूणा हो के तुरन लग्गा तां मालक नें पुछ्छिआ, “तीहां दी तेरी टैर सी। हरी करा के तीहां `च ई तूं दे चल्लिऐं। तैनूं विचों की बचिआ?”

मरासी नें बड़ी बेपरवाही नाल किहा, “सरदारा बचणा बचाउणा की आ? तेरे बच्चे जींदे रहिण। चल मैं इओं समझ-लूं बई तीहां `च हरी हुंदी देख-ली!”

सज्जणां मित्तरां दी फ़रमाइश उते मैं 1984 तों 86 तक लिखे तीह कु आरटीकल छांटे जिनहां नूं लाहौर बुक्क शाप वाले जीवन सिंघ नें ‘पिंड दी सत्थ `चों’ नां दी पुसतक विच्च प्रकाशत कीता। उस किताब दी हुण कोई कापी मारकिट विच्च नहीं मिलदी। मैं वी उस दी सोध सुधाई करनों सुसती करदा आ रिहां ते होर ऐडीशन नहीं छपवा रिहा। उस विच्च अमलीआं दीआं गल्लां दा कोई अंत नहीं सी। मैं ‘सत्थ विच्च डरामे’ नां दे लेख `च लिखिआ सी:

-जागर अमली होरीं कंडे `च होए `कठ्ठ `च बैठे सन। उनहां नें डबल मावे छके होए सन। डरामे शुरू होण तों पहिलां जागर नें आपणा ट्रेलर चाहड़ रख्खिआ सी, “मैं फौजी तों अख़बार सुण के आइआं। उहदे `च लिखिऐ बई `मरीका आले ऐहो जिआ बंब बणाई जांदे आ जिहड़ा कुल खलकत दा नाश कर-दू। बस्स अमली ई बचणगे। ऊं तां चंगा ई होऊ, सोफीआं तों किसे नें लैणा वी की आ? उह तां हुण वी मरिआं अरगे ई आ।”

-कोलों इक्क सोफी गल्ल कट्ट के बोलिआ, “जागरा किउं फक्कड़ तोली जानैं? जदों बंब चल्लिआ तां विचे सोफी मरनगे ते विचे अमली। भला इउं वी कदे होइआ बई बंब चल्ले तों अध्धे मर जाण ते अध्धे बच जाण?” जागर पब्बां भार हुंदिआं आखण लग्गा, “हुंदा किउं नी? आपां जदों कणक `ते सपरेअ करदे आं तां नदीन मर जांदा ते कणक बची रहिंदी आ। जदों बंब चल्लिआ, सोफीआं नें गुल्ली डंडे अंगूं सिर सिट्ट जाणा। आह जिहड़े इनकलाब जिंदाबाद करी जांदे आ विचे इह जाणगे!”