दहिशत दे दिन सन। पुलिस नौजुआन मुंडे चुक्क रही सी ते दहिशती फिरौती दीआं चिठ्ठीआं लिख रहे सन। ठाणेदार सुनेहा भेजदा सी, “मुंडा तुहाडा कतल मंनी बैठै। ऐने पैसे लै आओ, नहीं तां मुकाबला तिआर ई ऐ।” दहिशतीआं दा लिखिआ हुंदा सी, “सानूं हथिआरां दी लोड़ ऐ। ऐने पैसे फलाणी थां धर दिओ, नहीं तां अकाल पुरख दा सद्दा आइआ समझो।”

मैनूं जरनैल सिंघ हलवारा दे दसखतां वाली चिठ्ठी मिली कि साढे उणताली हज़ार रुपए गुरदुआरा नानकसर कलेरां दे चहड़दे पासे रख्खो। उथे जगराओं नूं जाण वाले बाबा नंद सिंघ मारग दा बोरड लग्गा है। उहदे हेठों तिंन इट्टां पुट्टणीआं ते रुपए रख्ख के इट्टां चिण देणीआं। बोरड `ते खालिसतान ज़िंदाबाद लिख देणा। जे किसे नूं दस्सिआ तां सारे परिवार नूं सोध दित्ता जाऊ। चिठ्ठी उते नकशा बणा के समझाइआ होइआ सी कि पैसे इस जगहा रख्खणे हन। चिठ्ठी बरंग सी जो घर दिआं नें दूणे पैणे दे के छुडाई सी।

पक्की तारीख तां याद नहीं पर महीना मई 1986 दा सी। उस साल मैं नवां सकूटर लिआ सी। मैं मसां साईकल तों सकूटर उते पुज्जा सां। असीं ट्रैकटर नाल चल्लण वाली कंबाईन लै रख्खी सी। जदों कंबाईन दी वाढी आई तां मेरा भरा अरजन मैथों सकूटर लै गिआ तां जो कंबाईन दे नाल रख्खिआ जा सके। कंबाईन चलाउंदिआं तुरत फुरत दे कंम पैणे सन जो सकूटर नाल छेती हो जाणे सन। पर सकूटर एडी वड्डी बिपता खहड़ी कर देवेगा इहदा किसे नूं चित चेता ही नहीं सी।

इक दिन साडी कंबाईन मल्ल्हे दे खेतां विच्च चल्ल रही सी कि घरों कोई चीज़ वसत लिआउण दा कंम पै गिआ। अरजन सकूटर लै के चकर नूं चल्ल पिआ। जिथे संत बलबीर सिंघ सीचेवाल नें गुरदवारा संतोखसर बणवाइआ है उथे उदों उजाड़ जगहा पई सी। उधरों दो बंदे आए ते चकर वाले राह उते आण खहड़े होए। उनहां नें अरजन नूं हत्थ दे के रोकिआ। अरजन नें समझिआ शाइद ढिल्ले मठ्ठे अमली होण ते सकूटर `ते चहड़ना चाहुंदे होण। उस नें सकूटर रोक लिआ पर कलच्च ते बरेक नप्पी सटारट ही रख्खिआ। उस नें आप ही किहा, “मैं चकर तक चल्लिआं, बहिणा तां पिछ्छे बहि-जो।”

पर उनहां दा इरादा सकूटर खोहण दा सी। इक्क जणे नें झोले `च हत्थ पाइआ ते दूजा सकूटर नूं हत्थ पाउण लग्गा तां अरजन उनहां कोलों सकूटर दौड़ा लिआइआ। सूए दे पुल उते पिंड दे कुझ्झ बंदे ताश खेड रहे सन। उस नें उनहां नूं दस्सिआ कि राह `च लुटेरे उस दा सकूटर खोहण पै गए सन। उसे वेले कई बंदे `कठ्ठे हो गए ते जीप लै के लुटेरिआं नूं लभ्भण लग्गे। उह दो घंटे जीप घुमाई फिरे पर लुटेरे हत्थ नां आए।

कुझ दिन अरजन दी बहादरी दीआं गल्लां हुंदीआं रहीआं बई उस नें लुटेरिआं दा भैअ नहीं सी मंनिआ। कोई डरू बंदा हुंदा तां चुप्प कर के सकूटर फड़ा देणा सी बई अगले खाड़कू होणगे। लुटेरिआं दा खाड़कूआं करके ई डर सी। उह झोले `च हत्थ पा के पिसतौल दा डरावा दिंदे ते मोटर साईकल खोह के तित्तर हो जांदे। मैं वी अरजन दे इस कारनामे नूं सलाह रिहा सां ते सोच रिहा सां कि उहदी ख़बर अख़बारां नूं भेजणी चाहीदी है तां जो लोक खाड़कूआं दे भेस `च फिरदे लुटेरिआं तों नां डरन।

कुझ दिनां बाअद ढुड्डीके `च इक्क ख़ास घटना वापर गई। मेरी डिऊटी साइंस कालज जगराओं दे इमतिहानी सैंटर विच्च सी। तद तक सकूटर मेरे पास पुज्ज गिआ सी। छे कु वजे मैं चूहड़चक्क विच्च दी ढुड्डीके आइआ। बाहर फिरनी उते पुलिस नें पिंड नूं घेरा पाइआ होइआ सी। दो सिपाहीआं नें मेरे सकूटर दी तलाशी लई ते पूरी पुछ्छ गिछ्छ कर के पिंड `च जाण दित्ता।

घर पहुंचिआ तां पतनी नें दस्सिआ कि दिने इक्क मुंडा आपणे घर आइआ सी। उह डरिआ होइआ सी ते कहिंदा सी मैं चकरों आं। घर उदों मेरी भतीजी ते दोवें पुत्तर ही सन। उह अध्धी छुट्टी वेले रोटी खाण आए सन। पर पतनी अजे सकूल विच्च ही सी। उस नें बच्चिआं तों लोपों जाण वाली बस्स दा टाईम पुछ्छिआ ते जगविंदर नूं बस्स अड्डे तक नाल ई तोर लिआ। जांदा होइआ उह आपणी नवीं जुत्ती लाह गिआ ते घर पईआं चपलां पा गिआ। कहि गिआ कि जदों पिंड गए तां जुत्ती साडे घर पुचा दिओ ते चपलां लै आइओ। चपलां उहने इह कहिंदिआं पाईआं सन कि जुत्ती उहदे लग्गदी सी। पर मैं नवीं जुत्ती वेख के सोचीं पै गिआ कि विचों कोई होर गल्ल नां होवे?

गल्ल सच्चमुच्च ही होर सी। पता लग्गा कि दो खाड़कूआं नें चकर दे उस नौजुआन दा सकूटर फड़ लिआ सी ते उस नूं नाल ई सकूटर `ते बिठा लिआ सी। ढुड्डीके दी फिरनी `ते सकूटर गरम हो के बंद हो गिआ। उह तिंने जणे उत्तरे ते सकूटर नूं रोहड़न लग्गे। सकूटर दी टोकरी `च उनहां दे हथिआर लकोए सन। चूहड़चक्क दे मोड़ `ते अग्गों आउंदे दो सिपाही सहिज भाअ ई टक्कर पए। उह वैसे ही पुछ्छ बैठे कि तुसीं तिंन जणे सकूटर नाल किवें? इह तां पिछ्छों पता लग्गा कि उनहां `च इक्क जरनैल सिंघ हलवारा सी ते दूजा वी कोई मशहूर खाड़कू सी। उनहां दोवां नें हथिआर चुक्के ते हवा `च फाइर करदे उडंतर होए। सकूटर वाला नौजुआन सकूटर छड्ड के पिंड दीआं बीहीआं `च पै गिआ। उहदे मगर सिपाही लग्ग गए।

ढुड्डीके दीआं बीहीआं तों अणजाण उह नौजुआन इक्क बीही `च जा घिरिआ जो अग्गों बंद सी। सिपाही वी किसे होर बीही पै गए। उथे उस नौजुआन नें इक्क बंदे नूं दस्सिआ कि उहदा सकूटर खोहिआ गिआ सी। सिपाही उहदे मगर ऐवें ई पए होए नें ते उहदी जान ख़तरे विच्च है। उस नें आपणा पिंड चकर दस्सिआ। आखिआ बई कोई उहनूं बचा लवे। उह बंदा पुराणा फौजी सी। उस नें किहा कि एथे थोडे पिंड दा प्रोफैसर रहिंदै। चल्ल मैं तैनूं उहनां दे घर छड्ड आउनां।

उह मेरी ते पतनी दी ग़ैर हाज़री विच्च साडे घर आ गिआ। आपणे पिंड बारे दस्स दित्ता। भतीजी नें पिंड दे मुंडे लई चाह बणाई पर डर दे मारे उस तों चाह पीती नां गई। चौदां कु सालां दे मेरे पुत्तर जगविंदर नूं उहने मूहरे तोर लिआ ते आप मगर तुर पिआ। अजीतवाल वल्ल दे बस्स अड्डे `ते नाका लग्गा होइआ सी। पुलिस पिंड नूं घेरा पा रही सी ते वाहणां दी तलाशी लई जा रही सी। लोपों वल्लों मोगे नूं जाण वाली बस्स, अड्डे उते खहड़ी होई तां दो सिपाही इह पुछ्छण लई पिछली बारी चहड़े कि ढुड्डीके तों तां नी कोई चहड़िआ? सिपाहीआं दे मगर ही उह नौजुआन बस्स `ते चहड़ गिआ ते अछोपले जिहे मगरली सीट `ते बहि गिआ। सिपाहीआं नूं कोई पता नां लग्गा। इओं उह वी बच के निकल गिआ। घेरा पिंड नूं दिन छिपदे तक पिआ रिहा ते घरां दीआं तलाशीआं वी हुंदीआं रहीआं। साडा घर तलाशी तों बच गिआ नहीं तां संभव सी बच्चे नवीं जुत्ती बारे दस्स बहिंदे।

साडे पिंड दा उह नौजुआन उस दिन तां पुलिस दे हत्थ आउणों बच गिआ पर बाअद विच्च फड़िआ गिआ ते जुआनी दे कई वरहे जेल्ह विच्च गाल के रिहाअ होइआ। उस दे सकूटर विचों उहदे कागज़ पत्तर निकल आए सन जिनहां तों उस दे सिरनावें दा पता लग्ग गिआ सी। पुलिस चकर गई तां घर वाले वी परेशान हो गए। उह आपणे लड़के बारे पुलिस तों पुछ्छ रहे सन ते पुलिस घर दिआं तों लड़के बारे पुछ्छ रही सी। अगले दिन मैं उहदी जुत्ती लै के पिंड गिआ कि उहनां दे घर दे आवां। पर पिंड `च तां उस नौजुआन बारे डौंडी पिट्टी पई सी। कोई पता नी सी कि उह जिऊंदा सी जां मार दित्ता गिआ सी। कहाणी होर ही बणदी वेख के मैं जुत्ती सकूटर दी डिक्की `च पाई ते वापस मोड़ लिआइआ। जे मैं जुत्ती देण घर चला जांदा तां खुद फस जाणा सी कि दस्स हुण उह नौजुआन किथे है?

मैनूं डर खाण लग्गा कि पुलिस मेरी पुछ्छ गिछ्छ कर सकदी है कि उह नौजुआन तुहाडे घर किवें आइआ सी? ढुड्डीके दे कई बंदिआं नूं इस गल्ल दा पता सी ते गल्ल पुलिस तक वी जा सकदी सी। मैं सारी गल्ल जसवंत सिंघ कंवल नूं जा दस्सी ते पुछ्छिआ, “हुण की करां?”

उस नें सोच विचार के आखिआ कि आपां खुद ई महिणे ठाणे जा के पुलिस नूं सारी गल्ल दिंने आं ते जुत्ती वी ओथे ई जमहां करा आउने आं। चकर दे मुंडे दा पता तां पुलिस नूं लग्ग ई गिऐ। शाइद इहदे विच्च ई उहदा भला होवे। असीं जुत्ती डिक्की `च पाई ते सकूटर उते महिणे चले गए। सारी गल्ल विसथार नाल दस्सी ते जुत्ती ठाणे जमहां करा दित्ती। कंवल दा रिवालवर वैबले सकाट वी ठाणे जमहां कराइआ होइआ सी। उह वी वेख लिआ कि हैगा। तुरन लग्गे तां ठाणेदार नें किहा, “मैं हनहेरे पए ढुड्डीके आवांगा। प्रोफैसर साहिब दे बच्चिआं तों इक्क फोटो दी शनाख़त कराउणी ऐं।” कंवल नें किहा, “आ जाणा। पर प्रोफैसर साहिब वल्ल जाण दी थां मेरे वल्ल आउणा।”

रात नूं ठाणेदार कंवल कोल आइआ। कंवल नें उस कोलों फोटो लै के साडे घर दा बूहा आ खड़काइआ। बच्चे अजे जागदे सन। फोटो वेखणसार बच्चिआं नें दस्स दित्ता कि एहो नौजुआन सी जिहड़ा उस दिन घर आइआ सी। ठाणेदार दी तसल्ली हो गई ते सारी कहाणी समझ विच्च आ गई। साडे पिंड दा उह नौजुआन बेकसूरा सी पर पता नहीं सी लग्ग रिहा कि हुण है किथे? उधर नौजुआन कोल पुलिस मगर लग्गी वेख के लुके रहिण तों बिनां कोई चारा नहीं सी। पुलिस दे हत्थ आ जांदा तां पता नी की करदे? समां बड़ा भैड़ा सी। घर बैठिआं दे सिर कतल पै रहे सन।

मैं अजे पहिली बिपता तों छुटकारा पाइआ ही सी कि दूजी होर वी वड्डी बिपता आ पई। इह इक्क तरहां मौत दे वरंट सन। मेरे भरा दरशन नें इक्क बरंग लफाफ़े वाली चिठ्ठी मैनूं लिआ दित्ती। कहिण लग्गा, “बहुत माड़ी ख़बर ऐ, पहड़ के देख लै।” चिठ्ठी ताश दी डब्बी कु जिड्डे पकौड़ीआं पाउण वरगे लफाफ़े विच्च बंद सी। उते मेरे नां नाल प्रोफैसर लिख के घर गुरदुआरे दे कोल लिखिआ सी। पिंड ते डाकखाना ख़ास चकर सी। सिरनावें दा कोई भुलेखा नहीं सी। डाकीए नें बरंग लफाफ़े दे पैसे लए सन। भरा चिठ्ठी पहड़न सार ही मेरे कोल ढुड्डीके पहुंच गिआ सी।

मैं चिठ्ठी खोल्ही तां लिखतुम जरनैल सिंघ हलवारा लिखिआ होइआ सी। लिखिआ सी कि तुहाडे भरा नें सानूं सकूटर नहीं सी दित्ता ते उलटा जीप साडे मगर लाई सी। असीं पिड़ां विच्च लुक छिप के मसां जान बचाई। लुकदिआं छिपदिआं साडे तिंन हथिआर पिड़ां `च रहिगे जिनहां दी कीमत साढे उणताली हज़ार रुपए बणदी है। सज़ा तां तुहानूं वड्डी देणी सी पर गुरू राखा। असीं ढुड्डीके तुहाडे दोहां पुत्तरां नूं मारन गए सी पर उस दिन सकूटर दग़ा दे गिआ। अकाल पुरख नें ई तुहाडे बच्चे बचाए ऐ। हुण घट्ट सज़ा एहो ऐ कि तिंन हथिआर जां साढे उणताली हज़ार रुपए नानकसर दे गुरदुआरे कोल बाबा नंद सिंघ मारग दे बोरड हेठां रख्ख दिओ नहीं तां अकाल पुरख दा सद्दा आइआ समझो। जे कोई चुसती चलाकी कीती तां सारे परिवार नूं सोध दित्ता जावेगा।

पाठक अंदाज़ा ला सकदे हन कि मेरा की हाल होइआ होवेगा? सच्चमुच्च ही मैं बहुत डर गिआ सां। खाणा पीणा विसर गिआ सी। एना शुकर सी कि बच्चे बच गए सन। जे उस दिन सकूटर नां विगड़दा तां …। मन `च बड़े बुरे ख़िआल आउण लग्गे। की पिंड दा मुंडा बच्चिआं दी शनाखत करन लई नाल लिआंदा होऊ? पर बच्चे तां सगों उस नूं बचाउण विच्च सहाई होए। वाह रब्बा! की नें तेरीआं कुदरतां! !

मैं चिठ्ठी लै के महिणे ठाणे गिआ। ठाणेदार नें चिठ्ठी पहड़ के उपरले अफसरां नूं मिलण नूं किहा ते राखी लई ठाणिओं हथिआर देण दी पेशकश कीती। फिर मैं फरीदकोट दे ऐस्स.ऐस्स.पी.नूं मिलण चला गिआ। उह उथे है नहीं सी पर मैनूं ज़िल्हे दा डिपटी कमिशनर भूपिंदर सिंघ मिल गिआ। उह साडे कालज विच्च आइआ सी जिस करके कुझ्झ जाण पछाण हो गई सी। मेरीआं गल्लां सुण के ते चिठ्ठी पहड़ के उस नें इक्क होर गल्ल दस्सी। फरीदकोट दी सी.आई.डी.इस सिट्टे `ते पहुंची सी कि जिहड़े खाड़कू ढुड्डीके तों भज्जे सन उह असल विच्च उसे दिन लोपों दे इक्क समागम विच्च जाण वाले मंतरी मलकीत सिंघ सिध्धू ते मंडीबोरड दे चेअरमैन जथेदार तोता सिंघ `ते हमला करन चल्ले सन। सकूटर खराब हो जाण कारन हमला नहीं हो सकिआ। चिठ्ठी नूं नीझ नाल वेखदिआं उस नें किहा इह जाअहली लग्गदी ऐ।

मैं वी चिठ्ठी नीझ नाल वेखी परखी। मेरे नां दा सस्सा घुंडी पा के लिखिआ सी ते सिंघ दा सस्सा दो सिध्धीआं लकीरां नूं सिध्धी लकीर नाल मिला के लिखिआ गिआ सी। जरनैल दा लल्ला होर तरहां पाइआ होइआ सी ते हलवारे दा होर तरहां। साफ ज़ाहर सी कि लिखण वाले नें लिखाई पछाणी जाण दे डरों अजिहा कीता सी। होर वी कई अख्खर किते किवें लिखे सन ते किते किवें। मैनूं वी चिठ्ठी जाअहली लग्गण लग्ग पई। मेरा डर भउ चुक्किआ गिआ। निडर होइआ मैं मन `च आखण लग्गा, “लिखण वाले पतंदर नें साढे उणताली हज़ार इओं लिखे ऐ जिवें बाटे दे बूटां वाले रुपईआं नाल पचंनवें पैसे लिखदे ऐ!”

चिठ्ठी नें होर कुछ तां नां कीता पर मेरा रिवालवर दा लसंस बणवा दित्ता। रिवालवर खरीदण बारे मैं इक्क दिन जसवंत सिंघ कंवल दी सलाह पुछ्छ बैठा। उह कहिण लग्गा, “मेरा वैबले सकाट विकाऊ ऐ। तूं होरनां नालों हज़ार घट्ट दे देईं।” कंवल दी इस उछ्छल नाल मैं खुश हो गिआ पर देर रात तक सोचदा रिहा कि जिस बलाअ तों कंवल वरगा लेखक खहिड़ा छुडा रिहै उहनूं मैं आपणे गल किउं पुआवां? सोच विचार के मैं आपणा लसंस ही रद्द करवा दित्ता। कंवल दा रिवालवर पता नहीं विक सकिआ जां नहीं पर मैं वैबले सकाट खरीद के पता नहीं किड्डी वड्डी होर बिपता सहेड़नों बच गिआ।