हवाई जहाज़ अठत्ती हज़ार फुट्ट दी उचाई उते छे सौ मील घंटे दी रफ़तार नाल उड्ड रिहा सी। आदमी दी तोर तों दो सौ गुणां तेज़। मेरे मन दे फुरने होर वी तेज़ उड रहे सन। उह मिंटां सकिंटां `च चंन तारिआं तक दीआं उडारीआं मार रहे सन। पल `च पिंड पहुंचदे पल `च कैनेडा। मेरी सीट दे साहमणे लग्गी टी.वी.दी सकरीन उते उडदे जहाज़ दी सथिती दिसी जांदी सी। सकरीन उते धरती दा नकशा आई जांदा सी जिस उते शहिरां दे नां सन, जंगल बेले सन ते झीलां दा नीला पाणी सी। बारी तों बाहर असगाह असमान विखाई दे रिहा सी जिस दी निलत्तण विच्च हलकी सफ़ैद धुंद पसरी होई सी। छिपदे सूरज दी लाली नें पछ्छम वल्ल दा अंबर सूहा कर दित्ता सी। अनंत अकाश विच्च जहाज दी बुलंद अवाज़ गूंज रही सी ते उह हवा `च तैरदा जांदा सी। अध्ध असमाने उडण परीआं चाह पाणी वरताअ रहीआं सन।

जहाज़ टोरांटो तों उडिआ सी जिस नें वैनकूवर जा के उतरना सी। चार घंटे सतवंजा मिंट दी उडाण सी। मुड़दी वारी इहो पंध चार घंटे सताई मिंटां विच्च तहि हो जाणा सी। उडाण दे अध्धे घंटे दा फरक हवाई जहाज़ दे तेज़ जां हौली होण दा नहीं, धरती दे घुंमदी ते तुरदी होण करके सी। जदों जहाज़ पूरब तों पछ्छम वल्ल नूं उडदे हन तां वध्ध समां लैंदे हन जद कि पछ्छम तों पूरब वल्ल नूं उडदिआं घट्ट समां लग्गदा है। कैनेडा तों पंजाब विच्च आपणे पिंड जाणा होवे तां दो तरीकां बदल जांदीआं हन पर दिल्ली ते अंम्रितसरों जिस तरीक नूं जहाज़ चहड़ीए उसे तरीक टोरांटो पुज्ज जाईदै। इह पूरब वल्ल तरीक पहिलां चहड़ जाण कारन हुंदै। पंजाब दे अख़बार पछ्छमी पंजाबी पूरबी पंजाबीआं दे जागण तों पहिलां ही इंटरनैट्ट उते पहड़ लैंदे हन हालां कि उथे दिन कई घंटे पछड़ के चहड़दा है। सूचना दी तेज़ रफ़तारी नें दुनीआं मुठ्ठी विच्च कर लई है। गुआंढी नूं पता लग्गण तों पहिलां ही ख़बर सारे जग्ग विच्च नशर हो जांदी है। हवाई जहाज़ां नें कोई दूरी, दूरी नहीं रहिण दित्ती।

हवाई जहाज़ हुण असमानी टैकसीआं बण गए हन। मैनूं इनहां हवाई टैकसीआं उते चहड़न दे अकसर मौके मिलदे हन। हर साल इक्क गेड़ा इंडीआ-कैनेडा दा लग्ग जांदै ते पंज सत्त गेड़े टोरांटो तों वैनकूवर ते होर शहिरां दे लग्ग जांदे हन। ऐतकीं मेरा चार वार वैनकूवर जाण दा सबब्ब बणिआ। मई विच्च खालसा दीवान सुसाइटी दे खेड मेले उते गिआ ते तिंनां दिनां बाअद वापस परत आइआ। दूजी वार रंगीन रसाले “खेड संसार” दे मैनेजिंग ऐडीटर संतोख सिंघ मंडेर दे मुंडे दी शादी उते गिआ ते सिआटल दा खेड मेला वेख के मुड़िआ। तीजी वार निऊ वैस्सटमिनसटर दे गुरदवारा सुखसागर दे प्रबंधकां नें मैनूं आपणे कबड्डी टूरनामैंट उते सद्दिआ। तद वी मैं तीजे दिन मुड़न दी कीती। पर ऐतकीं मैं वैनकूवर वल्ल दस दिन गुज़ार के मुड़िआ हां ते जीअ करदा है कि आपणी फेरी दा हाल चाल होरनां नूं दस्सां। दस्सां कि मैं की कुझ्झ वेख के मुड़िआ हां? बंदा वांढे जा के आवे तां कुझ्झ नां कुझ्झ तां दस्सदा ई ए।

प्रिंसीपल दी पदवी तों रिटाइर हो के मैं किसे कंम दे बंनहण विच्च नहीं सां बझ्झा। बझ्झ जांदा तां बाहर अंदर निकलणा मुशकल हो जांदा। इहो कारन है कि मैं घुंम फिर के दुनीआं वेख रिहां। पिछले चाली सालां तों खेडां ते खिडारीआं बारे लिखणा मेरे एना कंम आइआ है कि मैनूं हर साल दस पंदरां खेड मेले वेखण दे सद्दे मिल जांदे हन। उनहां मेलिआं `च मैं माड़ी मोटी कुमैंटरी कर दिंदा हां ते पिछ्छों उनहां बारे लिख के पहिलां अख़बारां रसालिआं ते पिछ्छों किताबां विच्च छाप दिंदा हां। इंज खेड मेले दा रिकारड संभालिआ जांदा है ते उह खेड इतिहास दा अंग बण जांदा है। वैसे पंजाबीआं दा आम वरतारा है कि उह माअहरके तां बड़े वड्डे मार लैंदे हन पर उनहां दा रिकारड नहीं रख्खदे। उनहां दीआं मारीआं मल्लां फिर आईआं गईआं हो जांदीआं हन।

इस वार मैनूं खेड मेले दी थां माण सनमान दे सद्दे सन। इक्क सद्दा सिआटल दी माझा ऐसोसीएशन वल्लों ते दूजा ढुड्डीके कालज दी कैनेडीअन विदिआरथी ऐसोसीएशन वल्लों सी। दोहां दे डिनर समागम हफ़ते दे फरक नाल सन जिस करके मैनूं हफ़ते तों वध्ध समां वैनकूवर वल्ल रहिणा पैणा सी। हवाई जहाज़ चहड़न तों पहिलां मैं संतोख सिंघ मंडेर नूं फोन कीता कि उह मैनूं वैनकूवर दे हवाई अड्डे `तों चक्कण आ जावे। कैनेडा विच्च हुण लैण दी थां चक्कण शबद ही वरतिआ जा रिहै। कई एथों तक वी हमदरदी जता दिंदे हन, “मित्तरा कंम नां छड्डीं। मैं ही तेरी घर वाली नूं चक्क लूं!” हुण तां फिलमां दे नां वी चक्क दे इंडीआ वरगे रख्खे जा रहे हन।

मंडेर कैलेफोरनीआं वल्ल गिआ होइआ सी। फोन उते कहिण लग्गा, “मैं सैनहोज़े तों जहाज़ चहड़न लग्गां। तुहाडे वैनकूवर पहुंचण तों पहिलां पहुंच जावांगा।” जेबी फोनां नें इह तां मौज बणा दित्ती है कि कोई देस परदेस किते वी होवे उहदे नाल गल्ल कीती जा सकदी है। पर इनहां डब्बीआं जिहीआं नें बहुत सारे बंदे तंग वी बहुत कीते होए नें। इह बिंदे झट्टे कतूरे वांग भौंक पैंदीआं नें ते किसे नूं नां चज्ज नाल खाण पीण दिंदीआं नें ते नां नहाउण धोण दिंदीआं नें। कईआं दे हत्थ हमेशां ई कंनां `ते रहिंदे नें जिवें कलीआं ला रहे होण!

मैं रात वेले वैनकूवर पहुंचिआ ते दुनीआं दे अव्वल नंबर ऐलाने शहिर दीआं रंग बरंगीआं जगदीआं बत्तीआं दा अदभुत्त नज़ारा माणिआं। पहिलां पहिल हवाई जहाज़ां दे लैंड करन समें मुसाफ़िर ताड़ीआं मारिआ करदे सन पर हुण अजिहा घट्ट ही करदे हन। उडाणां आम जु हो गईआं होईआं। कई बंदिआं नूं तां हर हफ़ते जां हर रोज़ ही जहाज़े चहड़ना पैंदै। उह किथे किथे ताड़ीआं मारी जाण? मैं आपणा बैग लै के हवाई अड्डे तों बाहर निकलिआ ही सां कि मंडेर दा लड़का ते नूंह मैनूं लैण आ पुज्जे। मंडेर नें सिआटल तों जहाज़ों उत्तर के कार राहीं वैनकूवर आउणा सी। उस नूं बारडर उते काफी समां लग्ग गिआ सी। उसे नें फोन कर के आपणे पुत्तर गगन नूं अग्गों भेज दित्ता सी।

मंडेर दा घर सर्री दी रिवर रोड उते है जिस नूं हुण मैं आपणा बाहरला घर समझण लग्ग पिआं। उंज उह अजाइब घर दा भुलेखा पाउंदा है किउंकि उहदे विच्च दुनीआं भर दीआं खेड निशानीआं, झंडे, सिक्के, किताबां ते अजाइब वसतां संभालीआं होईआं हन। किधरे पुराणी अफ़गानी बंदूक लटक रही है ते किधरे मिसलां वेले दी खालसई तलवार। किधरे यादगारी फोटो हन ते किधरे बारां सिंगे हिरन दा सिर टंगिआ होइऐ। वड्डी बैठक दा कोई खूंजा खाली नहीं जिथे कोई यादगार वसत नां शिंगारी होवे। मैं कई वार हस्सदिआं किहा है, “इहनूं वेखण दी हुण टिकट ला दे। उहदे नाल तेरा कैमरा वी चलदा रहेगा! उंज तां अगले फोटो खिचा के पासे हुंदे आ।”

अगले दिन असीं इंडो-कैनेडीअन टाइमज़ दे दफतर गए जिथे इस दे संपादक बीबी रुपिंदर ते हरजीत बैंस नाल खुल्ल्हीआं गल्लां होईआं। इंडो-कैनेडीअन टाइमज़ सोहणी दख्ख वाला मुकंमल मैगज़ीन है जिस दा मैटर पहड़नयोग ते संभालणयोग हुंदै। इह हाले वी मुल्ल विकदै ते डाक राहीं दूर नेड़े भेजिआ जांदै। मैं इस मैगज़ीन नाल 1990 तों जुड़िआ होइआं जदों मैं आपणी अमरीका फेरी इस विच्च लड़ीवार छपवाई सी। फिर बातां वतन दीआं कालम लिखदा रिहा। उदों इस दे बानी संपादक तारा सिंघ हेअर जींदे सन जिनहां नें बड़ी मिहतन, लगन ते हिंमत नाल इस परचे नूं पक्के पैरीं खहड़ा कीता। इह परचा उत्तरी अमरीका दे पंजाबी मीडीए विच्च बाबे बोहड़ वाला सथान रख्खदा है ते मुफ़त दे अख़बारां दी हनहेरी विच्च वी अडोल चल्ली जा रिहै।

शाम नूं फुलवाड़ी मैगज़ीन वाला गुरदीप सिंघ मल्ल्ही मिल पिआ। उह बड़ा हसमुख्ख नौजुआन है ते कैनेडा दे पहिले पग्ग वाले ऐम्म.पी.गुरबख़श सिंघ मल्ल्ही दा पेंडू है। गुरबख़श सिंघ दो साल साडे कोल ढुड्डीके कालज विच्च पहड़िआ होण कारन मैनूं हमेशां उहदे विच्च दिलचसपी रही है। फुलवाड़ी दे दफ़तर विच्च गुरबख़श सिंघ दीआं गल्लां चल्ल पईआं। गल्लां गल्लां विच्च उस दे बचपन दे नां दा पता लग्गा। छोटे हुंदिआं हरेक दा कोई नां कोई वख्खरा नां धरिआ हुंदै। इक्क वार सकूल दे मासटर नें गुरबख़श सिंघ दा नां पुछ्छ लिआ। उस नें समझिआ शाइद जनम तरीक पुछ्छी है। उह उठ्ठ के कहिण लग्गा, “जी अकतूबर।” उस तों पिछ्छों मासटर उस नूं अकतूबर सिंघ कहि के बुलाउंदा रिहा ते उह वी अकतूबर सिंघ दे नां `ते हाज़री बोलदा रिहा। मासटर तों डरदा उह आपणा असली नां वी नां दस्स सकिआ। इह ग़लती उदों दरुसत होई जदों इमतिहान वासते दाखला फारम भरे गए। वैसे उस दा नां अकतूबर सिंघ ही पक्क जांदा तां कैनेडा दी पारलीमैंट दे मैंबरां नूं बुलाउणा सौखा हो जांदा!

वैनकूवर दे नाल ही पिट्ट मीडोज़ विखे हकीमपुर दे पुरेवाल भरावां मलकीत सिंघ, चरन सिंघ ते गुरजीत सिंघ होरां दा बड़ा तकड़ा कारोबार है। उनहां नें सैंकड़े लोड़वंदां नूं आपणे फारम ते कैनरी उते रुज़ग़ार दित्ता होइऐ जिनहां `च कई घरों लाचार होए बुढ्ढे ते बुहड़ीआं वी हन। उनहां दीआं असीसां सदका पुरेवालां दा बिज़नस वध फुल्ल रिहै ते उह दान पुंन करन दे नाल हकीमपुर पेंडू ओलंपिकस वरगा पुरेवाल खेड मेला वी कराउंदे हन। उनहां दे पिंड कोल मुकंदपुर दे अमरदीप कालज विच्च मैं प्रिंसीपल रिहा होण कारन मेरा उनहां वल्ल आउण जाण है। उनहां दा निओंदा हुंदै कि जदों वी वैनकूवर जावां तां मैं उनहां नूं ज़रूर मिल के आवां। इक्क शाम असीं उनहां दी प्राहुणचारी माणी ते तिंनां भरावां तों जुआनी वेले दीआं कबड्डी खेडण ते कुशती करन दीआं गल्लां सुणीआं। गल्लां करदे असीं हकीमपुर ते मुकंदपुर दीआं गलीआं गाहुंदे फिरे। उनहां दा आपस विच्च इतफ़ाक होरनां जट्ट भरावां लई मिसाल है। उह आपणे पिता स.हरबंस सिंघ पुरेवाल ते माता सुरजीत कौर दी याद विच्च तेई चौवी फरवरी 2008 नूं हकीमपुर `च सतहारवां पुरेवाल खेड मेला करवा रहे हन। उनहां दा सारे खेड प्रेमीआं नूं निघ्घा सद्दा है कि हुम हुमा के पुज्जण।

27 अकतूबर नूं सिआटल विच्च माझा ऐसोसीएशन दा डिनर समागम सी जिस लई मैनूं उचेचा सद्दिआ गिआ सी। मंडेर नें सर्री तों गड्डी हक्की ते अमरीका दा बारडर लंघ के असीं दिन छिपदे नूं सिआटल जा पुज्जे। आले दुआले दीआं पहाड़ीआं ते झीलां अख्खां नूं तरावट बखशदीआं रहीआं। इह ढाई तिंन घंटे दा सफ़र हमेशां ही बड़ा अनंदमई हुंदै ते मैनूं सिआटल दी जूह विच्च जा के बलवंत गारगी याद आ जांदै। उह विज़टिंग प्रोफैसर बण के सिआटल दी यूनीवरसिटी विच्च डरामा पहड़ाउण आइआ सी पर पंजाह साल दी उमर विच्च आपणी वीह कु सालां दी विदिआरथण जीनी नूं विआह के होर ही डरामा कर गिआ! इस डरामे दा अगला ऐकट सी कि दो बच्चे जंमण पिछ्छों उनहां दा तोड़ विछोड़ा। इहदा विसथार उस नें आपणी पुसतक नंगी धुप्प विच्च दित्ता है। गारगी तां परलोक सिधार चुक्कै पर जीनी दा कोई पता नहीं कि हुण किहड़े हालां विच्च है?

सिआटल विच्च पंजाबीआं दी गिणती पिछले कुझ्झ सालां तों वाहवा हो गई है ते उह आपणे खेड मेले ते धारमिक उतसव बड़े चाअ नाल मनाउण लग्गे हन। शहिर दे हरेक हिस्से विच्च कोई नां कोई पग्ग वाला बंदा टक्कर जांदै। टैकसीआं दा बहुता कारोबार पंजाबीआं दे हत्थां विच्च है। उथों दे इक्क लोक कवी नें कुझ्झ साल पहिलां सिआटल दे पंजाबी टैकसी डराईवरां दीआं बहिवतां बारे मैनूं इक्क कविता दित्ती सी जो मैथों आसे पासे हो गई है। उस विच्च उह किसे नूं कलहिरी मोर कहिंदा है, किसे नूं भानीमार ते किसे नूं जानी चोर आखदा है। किसे दी लिमोज़ीन नूं लुड्डण मलाह दी बेड़ी नाल मेलदा है ते किसे दी टैकसी नूं यारां दा यक्का दस्सदा है। मैनूं अफसोस है कि मैं उस दी कविता गुआ बैठां नहीं तां हूबहू छाप के पाठकां दा दिल परचाउंदा।

दो साल पहिलां सिआटल दे मझैलां नें आपसी मेल गेल लई माझा ऐसोसीएशन आफ़ वशिंगटन बणाई सी जिस दा ऐतकीं दूजा सालाना समागम सी। मैनूं टोरांटो तों सद्दिआ गिआ सी, अजीत सिंघ संधू नूं कैलेफोरनीआं तों ते प्रिं.महिंदर सिंघ ढिल्लों अंम्रितसर तों आए सन। समागम विच्च वख्ख वख्ख बुलारिआं नें आपसी सांझ ते प्रेम पिआर दीआं गल्लां कीतीआं ते माझे दी विशेशता दा ज़िकर कीता। मैं भावें माझे दा वसनीक नहीं सां पर मेरे वड्डवडेरे माझे दे पिंड सरहाली तों उठ्ठ के आए होण कारन मैनूं वी मझैल ही मंन लिआ गिआ। उथे मेरा माण सनमान होइआ जिस नूं मैं निज्ज दी थां पंजाबी विच्च लिख रही कलम दा सनमान मंनिआं। ऐसोसीएशन दे प्रधान जे.सेखों बड़े रूह वाले सज्जण लग्गे जिहड़े सुखजिंदर सिंघ रंधावा ते गुरचरन सिंघ ढिल्लों नाल मिल के रसाला महिक वी कढ्ढदे हन। डिनर समागमां विच्च जिवें हुंदा ही है खाण पीण होइआ, गिध्धे भंगड़े पए ते परिवारां दा आपसी मेल गेल होइआ। नौजुआनां नूं चंगे पासे लाउण दीआं विओंतां बणाईआं गईआं ते पारटी देर रात गए ख़तम होई।

अगले दिन गुरबिंदर बाजवे दे घर परौंठा पारटी सी जिथे पंज छे परिवार `कठ्ठे बैठे ते पंजाब वरगा ठुक्क बझ्झ गिआ। उथों असीं गुरदवारे गए जिथे दो सौ तों वध्ध बच्चे पंजाबी पहड़ रहे सन। जेकर इह रीस सारे गुरूघरां विच्च तुर पवे तां पंजाब तों विछड़े पंजाबी बच्चे वी आपणे सभ्भिआचार नाल जुड़े रहि सकदे हन। उथों परमिंदर सिंघ सानूं आपणे घर लै गिआ ते चाह पाणी पीण उपरंत असीं सेखों होरां वल्ल चले गए जिनहां नें घुमा फिरा के शहिर ते सिआटल दा बीच विखाइआ। समुंदर कंढे छल्लां आ जा रहीआं सन ते किशतीआं तैर रहीआं सन। लक्कड़ां दीआं धूणीआं बल रहीआं सन जिनहां उते मास भुंनिआं जा रिहा सी। इह शिकारीआं वाला रुमांस सी जिस दा अनंद सैर सपाटे दे शुकीन माण रहे सन। परहां सिआटल दी सपेस नीडल सी ते उस तों परहां हवाई जहाज़ां दा मिऊज़म ते कारखाना। कुझ्झ इमारतां सपेस नीडल तों वी उच्चीआं उसर गईआं सन।

साडा रात दा खाणा कुलवंत सिंघ शाह वल्ल सी जिस नें होरनां दे नाल कबड्डी दे आशक चंने आलमगीरीए नूं वी सद्दिआ होइआ सी। उस तों पता लग्गा कि उह अमरीका दी कबड्डी फैडरेशन बणा रहे हन ते उहदे लई तिआर कीते विधान दी कापी वी उस नें मैनूं विखाई। रोटी खा के विहले होए तां मैं सौ जाण दे हक्क विच्च सां पर संतोख मंडेर कहि रिहा सी, “आपां हुणे चल्लदे आं। जा के कंम वी करनैं। नाले हुण सड़कां विहलीआं हन। दिने तां बारडर `ते ई अध्धा घंटा लग्ग जावेगा।”

मैनूं की इतराज़ हो सकदा सी? कार मंडेर नें चलाउणी सी। मैं तां गड्डी विच्च वी सौं सकदा सां। कैसट `ते गाणे गूंजदे आए, मेरीआं अख्खां मिचदीआं रहीआं ते उदों जा के खुल्ल्हीआं जदों कैनेडा दा बारडर आ गिआ। दिन दे मुकाबले रात नूं बारडर उते वाकिआ ई विहल सी। उथे पंज मिंट वी नां लग्गे ते असीं सर्री घर आ सुत्ते।