तन मन ते धन नाल खेडां `च योगदान पाउण वाले पंजाबी परिवारां विच्च हकीमपुर दे पुरेवाल परिवार दा नां माण नाल लिआ जांदा है। हकीमपुर ज़िला नवां शहिर दा इतिहासक पिंड है जिस नूं सिख्खां दे तिंन गुरूआं दी चरन छोह प्रापत है। उथे सौ कु साल पहिलां साधारन किसान सुंदर सिंघ दे घर ऊधम सिंघ दा जनम होइआ सी। ऊधम सिंघ वड्डा हो के पहिलां हौलीआं ते पिछों भारीआं मूंगलीआं फेरन लग्गा। फिर उह भारे वट्टिआं, वेलणिआं ते बोरीआं दे बाले कढ्ढण लग्ग पिआ। उहदी ताकत दीआं धुंमां दूर बार दे इलाकिआं तक पै गईआं। उह गड्डे `ते मूंगलीआं ते वट्टे लद्ददा ते मेलिआं विच्च भार चुक्कण दे जौहर विखाउंदा। बलबीर सिंघ कंवल नें लिखिआ है कि बाबा ऊधम सिंघ दीआं मूंगलीआं दा भार पुराणे 21 मण 15 सेर सी।

कहिंदे हन कि जदों ऊधम सिंघ दीआं मूंगलीआं ते वट्टे किसे होर तों नां चुक्के गए तां उस नें उह ननकाणा साहिब जा के गुरदवारे रख्ख दित्ते। इक्क कैंठा ते पंज सौ रुपिआ वी रख्ख दित्ता कि जिहड़ा जुआन इह भार चुक्केगा उस नूं इनाम दित्ता जावेगा। 1965 विच्च उस दा दिहांत होइआ ते उस दे जींदे जीअ कोई उहदा भार नां चुक्क सकिआ।

बाबा ऊधम सिंघ दे घर हरबंस सिंघ नें जनम लिआ जिस नें टरांसपोरट विच्च चंगा नामणा खट्टिआ। उह छिंझां `ते जांदा ते पहिलवानां नूं इनाम दिंदा। उस दा विआह पिंड मजारी दी बीबी सुरजीत कौर नाल होइआ जिस दी कुख्खों 4 नवंबर 1943 नूं मलकीत सिंघ दा जनम होइआ। उस दे पिता ते बाबे नें उस नूं पहिलवान बणाउण दी ठाण लई। उह पुरेवाल परिवार दा लाडला फरज़ंद सी जिस नूं खुल्ल्ही डुल्ल्ही खुराक नाल पालिआ गिआ। बाबा उस नूं बिला नागा कसरत कराउंदा। वड्डा हो के उह घोल घुलण ते कबड्डी खेडण लग्गा। उह सिख्ख नैशनल कालज बंगा विच्च पहड़दा सी जदों कुशती दे आपणे वज़न विच्च आल इंडीआ यूनीवरसिटीज़ दा चैंपीअन बणिआ। कबड्डी दी खेड विच्च वी उनहां दे कालज दी टीम यूनीवरसिटी विच्च चोटी `ते रही ते पिंडां दे वड्डे टूरनामैंट जित्तण लग्गी। उह 1970 विच्च कैनेडा चला गिआ ते उथे वी कबड्डी खेडदा ते कुशतीआं विच्च दिलचसपी लैंदा रिहा।

1947 विच्च माता सुरजीत कौर दी कुख्खों दूजे पुत्तर चरन सिंघ नें जनम लिआ। उह जुस्से दा निग्गर सी ते वड्डे भरा दी रीस नाल कबड्डी खेडण लग्ग पिआ। सिख्ख नैशनल कालज बंगा ते जलंधर दे लाइलपुर खालसा कालज विच्च पहड़दिआं उनहां दी टीम नें यूनीवरसिटी दी कबड्डी चैंपीअनशिप जित्ती। जगतपुर दे राज पध्धरी कबड्डी टूरनामैंट `च उस नूं मालवे दा मशहूर जाफी नछत्तर ढांडी वी नां डक्क सकिआ। उह खेड दी पूरी फारम विच्च सी जदों 1970 विच्च कैनेडा चला गिआ ते उथे वड्डे वीर मलकीत सिंघ नाल ज़ोर अज़माई करन लग्गा। उह दब्ब के कंम करदे ते विहले वेले कबड्डी खेडदे। <>b1975 विच्च कैनेडा दे पहिले कबड्डी टूरनामैंट `च उस नूं बैस्सट रेडर ऐलानिआ गिआ। कैनेडा विच्च उस नें 1983 तक कबड्डी खेडी।

पुरेवाल परिवार विच्च गुरजीत सिंघ दा जनम 8 जून 1955 नूं होइआ। मुकंदपुर दे हाई सकूल विच्च पहड़दिआं ही उह कबड्डी दा तकड़ा खिडारी बण गिआ ते सकूलां दी सटेट चैंपीअनशिप विच्च खेडिआ। उनहां दी टीम पंजाब विच्च दूजे सथान उते रही। पहिलां उह सिख्ख नैशनल कालज बंगा विच्च कबड्डी खेडिआ ते फिर उच्चपध्धरी कबड्डी खेडण लई लाइलपुर खालसा कालज जलंधर जा दाखल होइआ। उथे फाईनल विच्च उनहां दी टीम दा मैच नडाले कालज दी टीम नाल पिआ जिस विच्च बलविंदर फिड्डू वरगे खिडारी खेड रहे सन। गुरजीत होरां दी टीम नें यूनीवरसिटी दी चैंपीअनशिप जित्त लई। उह दोहां कालजां दीआं टीमां दा कपतान सी। उस नें इंटर यूनीवरसिटी चैंपीअनशिप विच्च गुरू नानक देव यूनीवरसिटी दी नुमाइंदगी कीती। 1977 विच्च उह वी आपणे वड्डे भरावां कोल कैनेडा चला गिआ।

तिंने भरा कबड्डी दे खिडारी होण कारन उनहां नें कैनेडा विच्च वी कबड्डी शुरू कर लई। अज्ज कैनेडा विच्च कबड्डी दा जो मुकाम है उस दीआं जहड़ां पुरेवाल भरावां नें लाईआं सन। जेकर उनहां नूं कैनेडा दी कबड्डी दे पितामा किहा जावे तां कोई अतकथनी नहीं। 1977-78 विच्च इंगलैंड दी कबड्डी टीम कैनेडा विच्च मैच खेडण आई। एधर कैनेडा दी टीम विच्च तिंने भरा खेडे ते गुरजीत नूं बैस्सट रेडर ऐलानिआं गिआ। 1978-79 विच्च तिंने भरा पूरी तिआरी विच्च सन ते कैनेडा दी टीम नें इंगलैंड विच्च खेडण जाणा सी। इंगलैंड दे दरशकां नूं वी पता लग्ग जाणा सी कि पुरेवाल भरावां दी खेड किस मुकाम उते है? इंगलैंड रवाना होण तों इक्क हफ़ता पहिलां उनहां दे पिता स.हरबंस सिंघ पुरेवाल दा दिहांत हो गिआ जिस करके उह इंगलैंड खेडण नां जा सके।

1980 विच्च उनहां नें फारम लै लिआ ते तिंने भरा फारम दे कंमां विच्च मसरूफ़ हो गए। मलकीत सिंघ नें कबड्डी खेडणी छड्ड दित्ती जद कि चरन ते गुरजीत 1983 तक खेडदे रहे। गुरजीत 1988 विच्च पिंड परत के वी कबड्डी खेडिआ ते आपणे पिंड विच्च कबड्डी दी टीम खहड़ी कीती।

आम धारना है कि इक्क पीहड़ी खेडां विच्च दिलचसपी लैंदी है ते दूजी दी दिलचसपी घट जांदी है। पर पुरेवाल परिवार दी चौथी पीहड़ी वी खेडां विच्च उनी ही सरगरम है। उनहां दे परिवार विच्च जुस्से तकड़े बणाउण दा शौक जद्दी पुशती तुरिआ आ रिहै। उह शुध खुराक ते मिहनत करन उते बल दिंदे आ रहे हन। मलकीत सिंघ दे लड़के गुरदावर सिंघ ते हरमन सिंघ कबड्डी दे तकड़े खिडारी हन। दोहें कबड्डी दे उच्च पध्धरी मैच खेडदे रहे हन। हरमन नें तां फिड्डू ते हरजीत बराड़ नूं वी जफ्फे ला दित्ते सन जिनहां उते हज़ारां डालरां दा इनाम सी। चरन सिंघ दा लड़का चमकौर सिंघ पहिलां कबड्डी खेडण लग्गा सी पर उच्चे कद्द काठ कारन अमरीकन फुट्टबाल वल्ल खिच्चिआ गिआ।

गुरजीत सिंघ दे लड़के परमिंदर पैरी ते तजिंदर टैरी कुशतीआं `च बड़े चमके हन। पैरी बी.सी.दे सकूलां दा चैंपीअन बणिआं ते सारे कैनेडा विच्च दूजे सथान उते रिहा। हुण उह कबड्डी दा तकड़ा खिडारी है जिस नूं रौकी आफ़ दा यीअर दा ख़िताब मिलिआ है। टैरी नें वी कुशतीआं विच्च बी.सी.दी चैंपीअनशिप जित्त लई है ते नैशनल विच्च वी जित्त मंच `ते चहड़िआ है। उस नें कैनेडा दी कुशती टीम दा मैंबर बण के किऊबा दा टूर लाइआ है। उह हकीमपुर दे पुरेवाल खेड मेले विच्च भारत कुमार दा टाईटल वी जित्त चुक्का है। उमीद है इह नौजुआन खेडां विच्च पुरेवाल परिवार दा नां होर वी रौशन करनगे।

जिथे पुरेवाल परिवार दे मैंबर ख़ुद खेडां खेडदे आ रहे हन उथे उनहां नें सवरगी हरबंस सिंघ पुरेवाल दी याद विच्च वड्डे इनामां वाला पेंडू खेड मेला कराउणा वी शुरू कीता होइऐ। 1988 तों इह खेड मेला हकीमपुर ते जगतपुर विचकार बणे निरंजण सिंघ यादगारी सटेडीअम विच्च कराइआ जांदा है। पुरेवाल आपणी किरत कमाई दा दसवंध खेडां उते ही खरचदा हन। पिछले साल मनाए गए पुरेवाल खेड मेले दा बजट चाली लख्ख रुपए तों उपर सी ते 22-24 फरवरी 2008 नूं मनाए जा रहे अठहारवें मेले दा खरच होर वी वध्ध होवेगा। पुरेवाल भरा सिरफ आपणे पिता जी दी याद विच्च मनाए जांदे खेड मेले `ते ही आपणी किरत कमाई नहीं लाउंदे सगों कैनेडा विच्च हुंदे खेड मेलिआं दी वी दिल खोल्ह के मदद करदे हन। ऐतकीं उनहां नें टोरांटो दे वरलड कबड्डी कप्प समें भारत दी कबड्डी टीम सपांसर कीती सी। खालसा दीवान सुसाइटी दे खेड मेलिआं विच्च वी उनहां दा भरवां योगदान हुंदा है।

उह खेडां दे मैगज़ीन खेड संसार दे वी थंमह हन। उनहां दी हल्लाशेरी नाल ही इह रसाला शुरू होइआ सी। उनहां नें बी.सी.कबड्डी ऐंड कलचरल संसथा बणाई है जिस नें तिंन सौ साला खालसा खेड मेला करवाइआ सी। पुरेवाल भरा आपणे सहियोगी सतनाम सिंघ जौहल नाल स्री गुरू हरगोबिंद कुशती अखाड़ा चला रहे हन जिस अखाड़े दा पहिलवान डेनीअल इगाली उरफ़ तूफ़ान सिंघ ओलंपिक चैंपीअन बण चुक्का है। उस अखाड़े नूं पंमा रेरू, बुध्ध सिंघ धलेता, प्रशोतम हेअर, अजीत हेअर, अमरीक संघेड़ा ते होर दोसतां मित्तरां दा सहियोग वी हासल है। उथे चाली पंजाह पहिलवान रोज़ाना सिखलाई लैंदे हन। उनहां नूं पहिलां रूसी कोच जौरज उरबी कोचिंग दिंदा सी ते हुण अफ़ग़ानिसतान दा कोच मुहंमद कियूम पक्के तौर `ते ट्रेनिंग दिंदा है। उह ख़ुद वी इंटरनैशनल पध्धर दा पहिलवान रिहै।

पुरेवाल भरावां नें आपणी माता सुरजीत कौर दी याद विच्च इक्क अवारड सथापित कीता है जो हर साल कौमांतरी पध्धर दी पंजाबण खिडारन नूं दित्ता जा रिहै। इस तों बिनां उह हर साल पुरेवाल खेड मेले `ते खेड लेखकां, पुराणे खिडारीआं ते कलाकारां दा वी माण सनमान करदे हन। खेड पुसतकां छापण विच्च वी माइक सहाइता दिंदे हन ते हज़ारां रुपिआ दीआं पुसतकां आपणे खेड मेले विच्च खेड निशानीआं वजों वंडदे हन। उनहां नें अमरदीप सिंघ शेरगिल्ल मैमोरीअल कालज मुकंदपुर नूं वी बणदा सरदा दान दित्ता है। उह पंजाब सरकार नाल बराबर दा हिस्सा पाउण लई तिआर हन जेकर पंजाब दा खेड विभाग जगतपुर दे सटेडीअम विच्च कोचिंग सैंटर शुरू करे।

वैनकूवर दे नाल ही पिटमीडोज़ विच्च उनहां दा बलिऊ बेरी फारम ते वड्डी केनरी है जिथे सैंकड़िआं दी गिणती विच्च पंजाबी कामे कंम करदे हन। उनहां नें वडेरी उमर दे बंदिआं नूं रुज़गार दे के उनहां नूं सवैमान दी ज़िंदगी दित्ती है। हुण उनहां नूं किसे अग्गे हत्थ नहीं अड्डणे पैंदे। उनहां दे फारम उते लंगर चलदा रहिंदा है। पुरेवाल परिवार दीआं बीबीआं गिआन कौर, गुरदेव कौर ते बलविंदर कौर सेवा भाव वालीआं घरेलू सिंघणीआं हन। पुरेवाल फारम उते आए गए महिमानां दा मेला लग्गिआ रहिंदा है ते बीबीआं दी प्राहुणचारी मिसाली है। गुरू महाराज दी मिहर नाल चुल्ल्हे सदा तपदे रहिंदे हन।

खेड मेले तां पंजाब विच्च बहुत लग्गण लग्ग पए हन पर हकीमपुर दे पुरेवाल खेड मेले दी रीस नहीं। उथे चोटी दी कबड्डी ते रुसतमी कुशतीआं दे नाल कई विरासती ते आधुनिक खेडां दे मुकाबले हुंदे हन। गिध्धे भंगड़े पैंदे हन ते निहंगां दी नेज़ाबाज़ी नज़ारे बंनह दिंदी है। गतका पारटीआं अड्ड आपणे जोहर विखाउंदीआं हन ते पतंगबाज़ वख्ख आपणे हुनर दा प्रदरशन करदे हन। किधरे हलट दौड़ां लग्गदीआं हन ते किधरे बैल गड्डीआं दीआं दौड़ां धूड़ां उडाउंदीआं दिसदीआं हन। कुत्तिआं दीआं दौड़ां दी आपणी रेल बणी हुंदी है। बाज़ीगरां दे जान हूलवें करतब तिंने दिन मेलीआं नूं मुगध करी रख्खदे हन। मीडीए नें पुरेवाल मेले नूं लख्खां दे इनामां वाला एशीआ दा सभ तों वड्डा इनामी पेंडू खेड मेला कहि के वडिआइआ है। पुरेवाल परिवार दा सभ नूं खुल्ल्हा सद्दा है कि उह पुरेवाल खेड मेला वेखण आउण ते हकीमपुरीआं नूं धंनवादी बणाउण। अठहारवें पुरेवाल खेड मेले दे कई ईवैंट यादगारी होणगे जो देर तक गल्लां कराउणगे।