जिवें मैं पटिआले नूं चल्लिआ मुकतसर उतर गिआ सां ते अंम्रितसर दी बस्स लंघ जाण कारन दिल्ली चला गिआ सां उवें ढुड्डीके कालज दी थां अमरदीप कालज मुकंदपुर दा प्रिंसीपल जा बणिआ। जदों ढुड्डीके `च कालज खुल्ल्हणा सी तां प्रो.प्रीतम सिंघ नें जसवंत सिंघ कंवल होरां नूं सलाह दित्ती सी कि पिंडां दे प्रोफैसर ते प्रिंसीपल रख्खिओ। शहिरीआं नें पिंड विच्च नहीं टिकणा। इसे सलाह सदका कंवल नें मैनूं दिल्ली दी पोसट तों पट्ट के ढुड्डीके लिआंदा सी। उदों खुल्ल्ह के तां गल्ल नहीं सी होई कि समां पा के मैनूं ढुड्डीके कालज दा प्रिंसीपल बणा दित्ता जावेगा पर अंदरखाते ज़रूर सी कि जदों मेरा तजरबा प्रिंसीपल बणन जोगा हो गिआ तां मैनूं पहिल दित्ती जावेगी।

मैं ढुड्डीके दे लाला लाजपत राए कालज दा प्रिंसीपल बण वी जांदा जेकर उस कालज नूं पंजाब सरकार आपणे अधिकार विच्च नां लैंदी। दो साल मैं दिल्ली विच्च पहड़ाइआ सी ते अठ्ठ साल ढुड्डीके पहड़ा के मेरा तजरबा दस साल दा हो जाणा सी जो प्रिंसीपल लग्गण लई घट्टोघट्ट योगता सी। जदों मेरा तजरबा दस साल दा होण लग्गा तां 1975 विच्च ढुड्डीके दा कालज पंजाब सरकार नूं सौंप दित्ता गिआ। साडे सटाफ नूं सरकारी कालजां दे लैकचरारां दी सूची विच्च सभ तों पिछ्छे ला दित्ता गिआ। सानूं पिछले तजरबे दा लाभ नां मिलिआ ते साडी सीनीआरटी बहुत पिछ्छे चली गई। इंज ढुड्डीके कालज दे किसे वी लैकचरार दी कोई संभावना नां रही कि उह सरकारी कालज दा प्रिंसीपल बण सकदा।

कालज दे सरकारी बण जाण नाल वधेरे लैकचरार बदलीआं करवा के शहिरी कालजां विच्च चले गए ते असीं नेड़े दे पिंडां वाले ही पेंडू कालज जोगे रहि गए। पोसटां खाली रहिण कारन पेंडू सरकारी कालज पंजाब रोडवेज़ दी पुराणी बस्स वरगा बणदा गिआ जिस बारे किसे अमली नें किहा सी-इह तां पहीए लग्गे करके माड़ी मोटी रिहड़ी फिरदी ऐ नहीं तां कदों दी खाधी पीती जांदी! मैं ढुड्डीके कालज दा कारजकारी प्रिंसीपल तां आम ही बणदा रिहा पर पूरा प्रिंसीपल बणना विचे रहि गिआ।

1983 विच्च गुरू नानक कालज मोगे दा प्रिंसीपल रख्खण लई ऐड छपी तां मैं वी अरज़ी दे दित्ती। उह कालज श्रोमणी गुरदवारा प्रबंधक कमेटी दे अधीन सी। उस कालज दा प्रिंसीपल बणन लई मेरे `च इक्क कमी वी सी। मैं आपणी दाहड़ी माड़ी मोटी ठप्प लैंदा सां जो मैं अरज़ी देण सार ही ठप्पणी बंद कर दित्ती। एनी कु सिआणप तां वरतणी ही पैणी सी नहीं तां जथेदारां नें पतित समझ के ही जवाब दे देणा सी। उंज मैं दाहड़ी सुआरदा इस तरहां सां कि सरसरी वेखण वालिआं नूं घट्ट ही पता लग्गण दिंदा सां। मेरे वरगे होर वी बथेरे हन जिहड़े बेढब्बे वाल खिच्च तराश के साबत सरूप दिसदे रहिंदे हन। उह हैन वी बड़े वड्डे अहुदिआं उते। मेरी दाहड़ी `च उदों दो चार धौले ही आए सन। मैं उह वी नां पुट्टे हालांकि उस उमर विच्च पुट्टणे बणदे सन। उदों बताली तरताली सालां दी उमर सी मेरी। कड़ा मैं पा लैंदा सां ते लिखण वेले लाह वी लैंदा सां। ऐवें मेज़ `ते खड़कदा जु रहिंदा सी। उद्दण तों मैं उह वी पक्के तौर `ते पाई रख्खिआ। आखिआ अड़िक्का बणदा तां बणी जावे पर इह सिख्ख होण दी पक्की निशानी है। अगलिआं दी नज़र सिध्धी बांह `ते पैणी ऐं।

इंटरविऊ वाले दिन अठ्ठ दस उमीदवार मोगे पुज्जे। दोंह दे तां गातरे वी पाए होए सन। उंज की पता विचों उह वी मेरे वरगे ई होण? गातरे कुझ्झ दिन पहिलां विखावे लई ही पाए होण! खालसा कालज अंम्रितसर तों आइआ इक्क सिंघ आपणे आप नूं संत भिंडरांवाले दा बंदा दस्स रिहा सी। मैं सोचण लग्गा जिथे भिंडरांवाले दे बंदे पहुंच जाण उथे होर किसे दा की बणनैं? फिर वी इंटरविऊ तां होणी ही सी। इंटरविऊ बोरड विच्च गिआनी लाल सिंघ, डा.गुरबचन सिंघ तालिब, मुबारक सिंघ, डा.मनमोहन सिंघ, प्रिं.बलजीत सिंघ गरेवाल ते शो्रमणी कमेटी दे सकत्तर भान सिंघ बैठे सन। उनहां नें तिंन उमीदवारां दी चोण कीती। पहिले नंबर `ते डा.गुरदेव सिंघ दिओल नूं रख्खिआ, दूजे `ते मैनूं ते तीजे उते डा.धालीवाल नूं।

डा.गुरदेव सिंघ पहिलां ही किसे कालज दा प्रिंसीपल लग्गा होइआ सी। उस नें कमेटी दीआं शरतां उते प्रिंसीपल लग्गण तों इनकार कर दित्ता। फिर मैनूं नियुकती पत्तर दित्ता गिआ कि इक्क महीने विच्च प्रिंसीपल दी पदवी संभाल लवां। मैं चाहुंदा सां कि सरकारी नौकरी `चों डैपूटेशन उते प्राईवेट नौकरी विच्च जावां जिस दी मैनूं महिकमे नें आगिआ नां दित्ती। सरकारी नौकरी तों असतीफ़ा दे के ही मैं गुरू नानक कालज मोगे दा प्रिंसीपल बण सकदा सां जिहड़ा कि बड़ा रिसकी कदम सी। की पता श्रोमणी कमेटी वाले मेरे खाण पीण ते साबत सरूप नां रहिण वाले पिछोकड़ नूं लै के कदों मैनूं नौकरी `चों कढ्ढ देण? प्रिंसीपलां दे प्रोफैसरां नाल पेचे पैंदे ही रहिंदे हन। कोई बुरी `ते आइआ प्रोफैसर कमेटी नूं कहि सकदा सी-इहदीआं लिखतां पहड़ लओ। खाण पीण बारे साफ लिखिऐ। इह किधरला गुरू दा सिख्ख ऐ!

दिल्ली मैनूं कंवल नें छुडाई सी ते ढुड्डीके कालज सरकार नें सांभ लिआ सी। सरकारी नौकरी अजे अठ्ठ साल दी होई सी। छड्ड दिंदा तां उहदा वी कुछ नहीं सी मिलणा। मैनूं मेरे साथीआं नें समझाइआ कि इस हालत विच्च सरकारी नौकरी तों असतीफ़ा देणा आपणे पैरीं आप कुहाड़ा मारनैं। उनहां नूं आपणी महिफ़ल दा इक्क बंदा खुस्स जाण दा झोरा सी। मेरी पतनी वी पूरा हुंघारा नहीं सी भर रही कि मैं मोगे जांदा रहां। उह ढुड्डीके दे सीनीअर सैकंडरी सकूल `च पहड़ाउंदी सी ते बच्चे वी ढुड्डीके पहड़ी जांदे सन। इह समझ लओ कि ढुड्डीके किते वध्ध मौजां सन। मैं श्रोमणी कमेटी दे सकत्तर नूं लिख के दे दित्ता कि निज्जी कारनां करके मैं गुरू नानक कालज मोगे दे प्रिंसीपल दी पदवी नहीं संभाल सकदा। डा.दिओल ते मेरे इनकार पिछ्छों नियुकती पत्तर डा.धालीवाल नूं दे दित्ता गिआ जिस नूं दहिशत दे दौर `च पुलिस नें फड़ लिआ ते उह अकाल चलाणा कर गिआ।

फिर मैं मन बणाइआ कि जदों मेरी नौकरी सरकारी पैनशन जोगी हो जावेगी तद ही किसे कालज दी प्रिंसीपली लई कोशिश करांगा। मैं उणत्ती साल ढुड्डीके दे कालज विच्च पहड़ाउंदा ते प्रिंसीपलां दी ग़ैरहाज़री विच्च आफीशीएटिंग प्रिंसीपल दी डिऊटी निभाउंदा रिहा। इह डिऊटी मैनूं वार वार निभाउणी पैंदी किउंकि ढुड्डीके कालज विच्च वधेरे कर के रिटाइरमैंट दे नेड़े ढुक्के, नवें प्रमोट होए प्रिंसीपल ही नियुकत हुंदे ते हाज़री भर के रिटाइर होण लई ही आउंदे सन। प्रिंसीपल दे दफतर विच्च बोरड उते अजिहे कई प्रिंसीपलां दा नां दरज है जो इक्क महीने तों छे महीने तक ही प्रिंसीपल रहे ते इहदे विचों वी उह हफ़ता दो हफ़ते ही कालज विच्च आए।

मेरा प्रभाव आम कर के साऊ बंदे दा है। पर मैं एना साऊ वी नहीं जिंना बाहरों दिसदा हां। इक्क प्रिंसीपल नाल तां मेरा पंगा वी पै गिआ सी। उस दा तजरबा केवल अठ्ठ साल दा सी पर राखवें कोटे कारन उह प्रिंसीपल प्रमोट हो गिआ सी। तजरबे, उमर ते पहड़ाई करके मैं उस तों सीनीअर सां पर उह ‘बौस’ बण के विखाउंदा सी। मैनूं उह ‘ऊईं’ समझदा सी। कहिंदा सी बौस बौस ई हुंदै। उह ढुड्डीके घट्ट आउंदा सी ते जलंधर वध्ध रहिंदा सी। जलंधर जाण लग्गा मैनूं ज़बानी ही आख दिंदा सी कि कालज संभालणा। इक्क दिन मैं कहि दित्ता कि लिख के दे जाइआ करो तां कि मैं तुहाडी ग़ैर हाज़री विच्च पूरी ज़िंमेवारी नाल कालज संभाल सकां। उह कहिण लग्गा, “सरकारी कालजां विच्च इस तरहां नहीं हुंदा।” मैं किहा, “सरकारी कालजां विच्च इस तरहां ही हुंदै। प्राईवेट कालजां विच्च भावें कोई करे भावें नां करे।” उहनूं आपणी फरलो ख़तरे विच्च पैंदी जापी। लिख के देण नाल तां उहदीआं छुट्टीआं बहिंदे मुक्क जाणीआं सन।

कालज दा दरद रख्खण वाले टीचिंग सटाफ नूं इस गल्ल दा वी ग़िला सी कि उह फरलो मारन दे नाल कालज दे सेवादार वी जलंधर आपणी कोठी दा कंम कराउण लै जांदा सी। दो कु वार ही उस नें मैनूं लिख के दित्ता कि मैं आऊट आफ़ सटेशन चल्लिआं ते मैं उहदी थां आफीशीएट करां। फिर उस नें आपणे वरगा ही इक्क जूनीअन लैकचरार लभ्भ लिआ ते आपणी ग़ैर हाज़री विच्च उस नूं कुरसी उते बिठाउण लग्ग पिआ। गल्ल वधदी वधदी वध गई। प्रिंसीपल नें डी.पी.आई.कालजां नूं लिख के भेज दित्ता कि सरवण सिंघ, दरशन सिंघ गिल्ल ते दरशन सिंघ धालीवाल नूं ढुड्डीके कालज `चों तुरत बदल दित्ता जावे किउंकि इह मेरी ऐडमिनिसट्रेशन विच्च अड़िक्का डाहुंदे हन। सरकारी कालजां दे प्रिंसीपलां कोल इहो वड्डा हथिआर हुंदै कि उह आपणे कालजां `चों अणभाउंदे लैकचरारां दीआं बदलीआं करवा देण।

जदों इस गल्ल दा पिंड वालिआं नूं पता लग्गा तां उनहां दा वफ़द डी.पी.आई.नूं जा मिलिआ। उस समें प्रो.गुरसेवक सिंघ डी.पी.आई.सन जो खेडां नाल जुड़े ते हाकी दी खेड दे इंटरनैशनल अंपाइर सन। मैं खेड लेखक होण कारन उनहां नाल वाकफ़ी कढ्ढी ते कालज दी असली हकीकत दस्सी। उनहां नें जाइंट डाइरैकटर प्रसाशन नूं पुछ्छ पड़ताल करन लई ढुड्डीके कालज भेज दित्ता। उस दी रिपोरट उते पहिलां प्रिंसीपल नूं बदलिआ गिआ। फिर दरशन गिल्ल ते दरशन धालीवाल नूं बदल के साडी तिख्खड़ी खिंडा दित्ती। मैनूं प्रो.गुरसेवक सिंघ नें किहा, “तूं खेड लेखक ऐं। तेरी जगहा महिंदरा कालज पटिआले जां सपोरटस कालज जलंधर ऐ। दस्स किथे जाणै?” मैं आखिआ, “पिंड दी थां शहिरी सटेशन देण लई तुहाडी मिहरबानी। पर मैं तां दिल्ली छड्ड के ढुड्डीके आइआं सां। ढुड्डीके ई टिकिआ रहिण दिओ तां वधेरे धंनवादी होवांगा। नाले साडा कपल केस ऐ। मेरी पतनी वी सरकारी नौकरी विच्च ढुड्डीके ई पहड़ाउंदी ऐ।” ते उनहां नें मेरी बदली करन दी थां मैनूं ढुड्डीके ई टिकिआ रहिण दित्ता।

जदों ढुड्डीके कालज सथानक कमेटी दे प्रबंध विच्च सी तां बहुत वधीआ चल्ल रिहा सी। इस नें खेडां, पहड़ाई ते सभिआचारक सरगरमीआं विच्च चंगी भल्ल खट्ट लई सी। कमेटी नूं कालज चलाउण लई सिरफ पैसे दी ही थुड़ सी जिस करके कालज पंजाब सरकार नूं सौंपणा पिआ सी। उदों पचंनवें फीसदी सरकारी गरांट नहीं सी मिलण लग्गी। जे मिलदी हुंदी तां ढुड्डीके दा इलाका आपणे हत्थीं उसारिआ कालज शाइद सरकार दे हवाले नां करदा। मैं वी फिर ढुड्डीके कालज तों ही रिटाइर हुंदा ते मेरा अंन जल दुआबे दे पिंड मुकंदपुर दा नां बणदा।

1994 विच्च स.गुरचरन सिंघ शेरगिल्ल दे सपुत्तर अमरदीप दी याद विच्च मुकंदपुर विखे कालज खोल्हिआ गिआ। प्रसिध्ध अरथशासत्री ते पंजाबी यूनीवरसिटी पटिआला दे साबका वाईस चांसलर डा.सरदारा सिंघ जौहल उस कालज दी प्रबंधक कमेटी दे चेअरमैन सन। अकादमिक हलकिआ विच्च उस कालज नूं डा.जौहल दा कालज ही किहा जांदा सी। उस दा पहिला प्रिंसीपल डा.नरिंदर सिंघ भुल्लर नूं बणाइआ गिआ सी। डा.भुल्लर लाइलपुर खालसा कालज जलंधर `चों छुट्टी लै के मुकंदपुर आइआ सी। उस नें बड़ी मिहतन नाल कालज दा मुढ्ढ बंनहिआ पर दो सालां विच्च विदिआरथी साढे चार सौ तों घट के सवा तिंन सौ रहि गए। उस दा दिल टुट्ट गिआ। डा.भुल्लर नूं उंज वी दिल दा रोग सी। उह डा.जौहल होरां नूं दस्से बिनां ही वापस लाइलपुर खालसा कालज परत गिआ ते नौकरी दौरान ही कालवस हो गिआ।

मई 1996 विच्च अमरदीप मैमोरीअल कालज दा प्रिंसीपल रख्खण लई इशतिहार अख़बारां `च छपिआ। मैं उहनीं दिनीं आर.ऐस्स.डी.कालज फिरोज़पुर ईवैलूएशन सैंटर `च बैठा इमतिहानी परचे वेख रिहा सां। मैं इशतिहार पहड़िआ पर उदों मैनूं पता नहीं सी कि मुकंदपुर है किथे? पता करके मैं इक्क दिन कालज वेख आइआ ते कंवल साहिब नाल सलाह कर के अरज़ी भेज दित्ती। तद तक्क मेरी सरकारी नौकरी इक्की साल दी हो चुक्की सी ते दो साल दी होर रहिंदी सी। अगाऊं रिटाइरमैंट लै के वी मैं पैनशन लै सकदा सां। उदों तक मेरी पतनी हाई सकूल दी मुख्ख अधिआपका बण चुक्की सी। साडे दोवें पुत्तर पहड़ के नौकरी जोगे हो गए सन ते असीं आपणे पिंड चकर रहिण लग्ग पए सां। मैं चकरों ढुड्डीके आउंदा अते सटाफ ते विदिआरथीआं तों सख्खणे पए कालज दा गेड़ा मार के मुड़ जांदा। सरकारी नौकरी दीआं विहलीआं खाण दे मानसिक भार नाल कई वार मेरी नींद उचाट हो जांदी।

मैं शिदत नाल सोचदा कि मैनूं किसे कालज दा प्रिंसीपल बणना चाहीदै तां कि रिटाइर होण तों पहिलां कुझ्झ चंगा कर सकां ते सौखा मर सकां। डा.जौहल किसे अजिहे प्रिंसीपल दी भाल विच्च सन जिहड़ा पिंड विच्च टिक सके ते पेंडू मानसिकता नूं समझदा होवे। उनहां दा मेल जसवंत सिंघ कंवल नाल हो गिआ ते कंवल नें मेरी सिफ़ारश कर दित्ती। मैनूं नहीं पता कि जौहल साहिब उस तों पहिलां मेरे बारे कुझ्झ जाणदे सन जां नहीं पर कंवल नूं उनहां नें कहि दित्ता कि सानूं इहो जिहा बंदा ई चाहीदै। नाल इह वी किहा कि इंटरविऊ दी तिआरी कर के आवे।

तिआरी मैं इहो कीती कि देसी जुत्ती ते सादे कपड़े पा के बस्स चहड़िआ अते लुधिआणे ते फिलौर विच्च दी हुंदा होइआ मुकंदपुर जा पुज्जा। प्रिंसीपल दे रहिण लई बणाई कोठी विच्च इंटरविऊ होइआ। डा.जौहल नाल गुरू नानक देव यूनीवरसिटी दे वाईस चांसलर ते डी.पी.आई.दे नुमाइंदे बैठे सन। कालज दी प्रबंधक कमेटी दा सकत्तर डा.अमरजीत सिंघ वी हाज़र सी। अकादमिक सुआलां पिछ्छों मैनूं पुछ्छिआ गिआ कि मुकंदपुर रहि पउगे? मैं आखिआ, “मैनूं मुकंदपुर ते ढुड्डीके `च कोई फरक नहीं लग्गदा। जे ओथे रहिंदा रिहां तां एथे किओं नहीं रहि सकदा?”

मैनूं चलदी इंटरविऊ विच्च ही कहि दित्ता गिआ कि कालज दा गेड़ा कढ्ढ के वेख लओ ते आपणा मन बणा लओ। मन मेरा पहिलां ही बणिआ होइआ सी। डा.अमरजीत सिंघ नें कालज दे उसर रहे कैंपस विच्च मेरा चक्कर लुआइआ ते साडे मुड़दिआं नूं बोरड नें मेरी चोण दा फैसला कर लिआ सी। ढुड्डीके दी थां मेरे करमां विच्च मुकंदपुर कालज दी प्रिंसीपली लिखी सी।