मैं जदों मुकंदपुर गिआ तां मन `च कई तौखले सन। मैनूं पैसे धेले दा हिसाब किताब नहीं सी आउंदा। मैं इस नूं बाणीआं दे करन वाला महाजनी कंम समझदा सां। इसे करके मैं ढुड्डीके कालज विच्च बरसर नहीं सां बणिआ। पर प्रिंसीपली करदिआं तां नित्त ही बिल्लां नाल वाह पैणा सी। मैनूं घर दिआं नें सावधान कीता सी, “होर नां किते ग़लत थां दसख़त कर बैठीं ते पिछ्छों तरीकां भुगतदा रहीं।”

मैनूं बजटां, सैंकशनां, कुटेशनां, आरडरां ते बिल्लां दा सिलसिला गुंझलदार लग्गदा सी। मैं इस कजीए `च पैण तों हमेशां कंनी कतराउंदा सी। पर अमरदीप कालज विच्च मेरे नसीबां नूं नसीब चंद गुरू नां दा तजरबेकार सुपरडंट मिल गिआ जो पुराणा फौजी ते अकाऊंटैंसी विच्च बड़ा माहिर सी। उस नें कालज दे लेखे नूं दरुसत रख्खण विच्च मेरी पूरी मदद कीती जिस करके आडिट नें कदे कोई इतराज़ नां उठाइआ। मेरी तरीकां भुगतण दी नौबत फिर किथों आउणी सी? मैं इह कहि के तुरिआ सां कि प्रिंसीपली `चों नां कुझ्झ कमा के घरे लिआउणै ते नां घरों कुझ्झ जाण देणै। घर दे मैनूं कमाउण वाले नूं तां जाणदे ही सन। उनहां नूं खदशा सी कि प्रिंसीपली करदा होर नां किते हिस्से आउंदे सिआड़ ई धरा आवे!

प्रिंसीपली करन वेले दीआं कुझ्झ गल्लां दा ज़िकर करना दिलचसप होवेगा। पहिलां मैं इकल्ला ही कालज दी इक्क नुकरे बणी कोठी विच्च रहिण लग्गा सां। कोई नौकर चाकर नहीं सी रख्खिआ। फज़ूल खरची तों जु बचणा सी। मैनूं खुद रोटी पका लैण दा तजरबा सी। दिल्ली विच्च जदों मैं गिआन सिंघ संधू नाल कुझ्झ समां पंजाबी बाग विच्च रिहा सां तां असीं आपणा रोटी टुक्क आप ही कर लैंदे सां। प्रो.गिआन संधू दाल सबज़ी बणा लैंदा सी ते मैं आटा गुंनह के फुलके लाह लैंदा सां। पहिलां तां फुलके विंग तड़िंगे ही बणदे सन फिर गोल वी बणन लग्ग पए ते फुल्ल वी जांदे सन। बंदा सभ कुझ्झ कर सकदै पर करदा उही कुझ्झ है जो उस नूं करना पवे। बंदे जे होर सारे कंम करन दे योग हो सकदे हन तां रोटी पकाउण दे योग किउं नहीं हो सकदे? मैनूं आपणी रोटी आप पका लैण जां गरम कर लैण दी तां कोई औख नहीं सी पर आए गए वेले अजीब लग्गदा सी कि चंगा प्रिंसीपल ऐ जिहड़ा रोटीआं वी आप ही लाहुंदै!

फिर मैं कालज विच्च सेवादारनी बणी इक्क माई तों रोटी लुहाउण लग्ग पिआ। उस नूं चाबी फड़ा के कोठी भेज दिंदा। उह दाल सबज़ी नाल मक्की दीआं अठ्ठ दस रोटीआं लाह दिंदी। उही रोटीआं मैं गरम कर के दुपहिरे ते रात नूं खा लैंदा ते दहीं `च सवेरे चूर वी के खांदा जो बड़ीआं सुआद लग्गदीआं। काले लूण ते कालीआं मिरचां वाली शीशी कोल ही पई हुंदी सी। नाल लस्सी पी लैंदा। इह मेरे बचपन दा बरेक फासट सी जो बचपन दी याद दुआउंदा। साग मैं पिंडों लै आउंदा सी जिस नूं तड़का ला के खांदा। `कल्ले बंदे दी रोटी दा किंना कु कंम हुंदै? नाले डा.जौहल दी रीस नाल मैं वी इको कौली `चों रोटी खाण लग्ग पिआ सां।

इक कौली वाली गल्ल वी सुण लओ। कालज दे बानी गुरचरन सिंघ शेरगिल्ल दी माता करम कौर नें डा.जौहल नूं ते मैनूं इक्क दिन आपणे घर खाणे `ते सद्दिआ। माता नें दो थालीआं विच्च तिंन तिंन कौलीआं दाल सबज़ी दीआं रख्ख के रोटी परोसी। डा.जौहल नें रोटी खाण तों पहिलां मैनूं किहा कि मैं तिंनां कौलीआं `चों इक्क इक बुरकी ला के दस्सां कि किहड़ी `च सभ तों वध्ध सुआद दाल सबज़ी ऐ? उनहां नें सपश्शट कीता कि मैं इको कौली `चों दाल जां सबज़ी ला के खानां। जे इक्क खा के उतों दी दूजी खा लवां तां पहिली दा सुआद वी मारिआ जांदै। मैं मन `च किहा, जे डा.जौहल दी रीस सारे कर लैण तां रसोई दे अध्धे कंम मुक्क जाण ते भाडिआं दा खिलारा वी ख़तम हो जावे।

जदों जौहल साहिब नें कालज आउणा हुंदा सी तां मैं मुकंदपुर दे हलवाई तों ताज़ी कलाकंद मंगवा रख्खदा सी। कलाकंद उनहां दे बड़ी पसंद सी ते दिल दे मरीज़ हो के वी वाहवा खा जांदे सन। डराई फरूट `चों सौगी दी मुठ्ठ भरदे सन जिस करके उह छेती मुक्क जांदी सी। लग्गदा सी शक्कर घिओ दी कसर उह कलाकंद ते सौगी खा के कढ्ढदे सी। चाह उह दुध्ध तों बिनां पसंद करदे सी पर बाहर जिहो जिही मिलदी सी पी लैंदे सी। मुकंदपुर दे पाणी नूं उह ख़ास तौर `ते सलाहुंदे। उह आपणे नाल आए सज्जणां नूं कहिंदे, “मुकंदपुर दा पाणी वी वधीआ ते कलाकंद वी वधीआ।” मैं आखदा, “जौहल साहिब दे सहुरिआं दे जु होए!” उह खाण पीण `च कोई उचेच नहीं सन कराउंदे। उनहां वरगी सादगी मैं बड़े घट्ट बंदिआं विच्च वेखी है। बिसकुट चाह `च डुबो के उह आप वी खा लैंदे ते जकण वालिआं नूं कहिंदे-डुबो लओ, वेखदे की ओं?

इक वार उनहां दा गोडा दुखण लग्ग पिआ ते मेरा लक्क नां सिध्धा होवे। जुआनी `च डंड बैठकां कढ्ढण वालिआं दा सरिआ पिआ सी। उधरों श्रोमणी कमेटी दे प्रधान जथेदार गुरचरन सिंघ टौहड़ा नें कालज विच्च सटेडीअम दा नींह पत्थर रख्खण आउणा सी। टौहड़ा घोड़े वांग तुर रिहा सी जद कि असीं ढीचक मार रहे सां। समागम मुक्का तां डा.जौहल नें हकीमपुर दे बिल्लू बाज़ीगर नूं बुलवाइआ जिस नें मालश कर के गोडा तां चलदा कर दित्ता पर मेरा लक्क फिर वी सिध्धा नां हो सकिआ। जौहल साहिब दा गोडा मंने दंने डाकटरां तों ठीक नहीं सी हुंदा पर हकीमपुर दा बाज़ीगर ठीक कर दिंदा सी। उह जदों मुकंदपुर आउंदे तां अकसर बिल्लू बाज़ीगर तों गोडे दी मालश करवा के जांदे। उनहां दे तजरबे अनुसार गिट्टे गोडिआं दे इलाज लई डाकटरां नालों बाज़ीगरां दा देसी ढंग बिहतर सी। इह गल्ल उनहां नें होर वी कईआं नूं दस्स छड्डी सी।

इक दिन मैं की वेखदां कि पंजाब दे साबका मुख्ख मंतरी स.हरचरन सिंघ बराड़ दी पतनी सरदारनी गुरबिंदर कौर बराड़ कालज दे दफतर विच्च आ पधारी। मैं उस नूं बहुत साल पहिलां मुकतसर वेखिआ होइआ सी। उदों उह जुआन सी। हुण भारे जुस्से कारन मैं मसां पछाण सकिआ। उहदे नाल इक्क बाडी गारड ते इक्क नौकराणी सी। उह आखण लग्गी, “मैनूं डा.जौहल नें दस्सिऐ कि इथे कोई बाज़ीगर ऐ जिहड़ा हड्डीआं दा सिआणा ऐं। मेरी रीहड़ दी हड्डी `च प्राबलम ऐ। मैं उस नूं मिलणै।” नाले पुछ्छण लग्गी, “डा.जौहल नहीं आए?”

 

जौहल साहिब दा फोन आ गिआ सी कि अज्ज उनहां नें कालज विच्च आउणा है पर इह नहीं सी दस्सिआ कि सरदारनी गुरबिंदर कौर बराड़ वी आवेगी। मैं इक्क सेवादार नूं भेज के बिल्लू नूं बुला लिआ जिस नूं हकीमपुरीए बिल्ली ही कहिंदे सन। बाज़ीगर दे आउण तक डा.जौहल वी आ गए। बिल्लू नें सरहों दा तेल मंगा लिआ। दफतर दे नाल लग्गवें कमरे विच्च उदों बैड्ड नहीं सी लग्गा हुंदा। भुंजे दरी उते लेटणा सरदारनी नूं मुशकल सी। मैं सलाह दित्ती कि कोठी चले चल्लो, उथे बैड्ड उते लेट के मालश करवा लैणी। सरदारनी दा कोठी तक तुर के जाणा वी मुशकल सी जिस करके कार विच्च बिठा के लिजाणा पिआ।

पिछ्छे तुरे जांदे बिल्लू नूं जदों दस्सिआ कि सरदारनी मुख्ख मंतरी दे घर वाली है तां उह मालश करनो डर गिआ। आखण लग्गा, मैं तां गिट्टे गोडिआं दी मालश ई करदां, रीहड़ दी नहीं। असल विच्च उस नें भारी जुस्सा वेख के लख्खण ला लिआ सी कि इह उहदे वस्स दा रोग नहीं। उह नांह विच्च सिर मारी जा रिहा सी। पर डा.जौहल दे ज़ोर देण उते कि एनी दूरों आए ऐ, मालश ई करनी ऐं, माड़ी मोटी कर देईं, तां उह जकदा जिहा तिआर हो गिआ। मैं आपणी नूंह नूं मदद लई बैड्ड रूम विच्च भेज दित्ता ते आप असीं लाबी `च बहि के नतीजे दी उडीक करन लग्गे। साडी हैरानी दी हद्द नां रही जदों मालश कराउण पिछों मिसज़ बराड़ नें बाहर आ के किहा, “मैनूं काफी आराम आ गिऐ। हुण मैं तुर सकदी आं!”

फिर उह आपणे सरदार जी ते बादल साहिब विचकार लड़ी चोण दीआं गल्लां करदी रही ते दोहां सरदारां नूं सलाहुंदी रही। अध्धा पौणा घंटा उस नें घरेलू गल्लां कीतीआं। मैं वी मुकतसर विच्च बिताए दिनां दा ज़िकर कीता। चाह पाणी पीण उपरंत उह पुछ्छण लग्गी कि हुण मालश करवाउण किद्दण आवां? जौहल साहिब नें किहा, “बिल्लू ई चंडीगहड़ पहुंच जावेगा।” सरदारनी बराड़ किहा कि मेरा डराईवर इहनां नूं आ के लै जिआ करेगा ते छड्ड जाइआ करेगा।” डा.जौहल नें हस्सदिआं किहा, “गड्डी छोटी भेजणी। वड्डी बाज़ीगर दी बीही `च नहीं मुड़नी।”

बिल्लू हफ़ते दो हफ़तीं चंडीगहड़ जांदा ते आ के दस्सदा कि मेरी बड़ी सेवा हुंदी ऐ। उह बराड़ साहिब नाल होईआं गल्लां सुणाउंदा ते पिंड `च दस्सदा कि मैं मुख्ख मंतरी नूं मिल के आइआं। सरदारनी गुरबिंदर कौर दा तां पता नहीं पूरा इलाज होइआ जां नहीं पर बिल्लू बाज़ीगर दी मुकंदपुर दे ठाणे विच्च एनी चल्लण लग्ग पई कि आपणे मुंडे नूं बाहर भेजण लई एजंट कोल फसे पैसे पूरे दे पूरे कढा गिआ।

इक दिन हाई कोरट दे इक्क जज्ज दी पतनी मिसिज़ के.आतमा राम मुकंदपुर आ वज्जी। उह कालजां दी डी.पी.आई.रहि चुक्की सी ते मैं उस नूं पछाणदा सां। उहदा वी गोडा खहड़ चल्लिआ सी जो बिल्लू दी मालश नाल फिर रवां हो गिआ। मालश करवा के उह बिल्लू नूं पुछ्छण लग्गी, “मैं गड्डी खुद चलावां जां डराईवर चलावे?” बिल्लू दी थां मैं ही किहा, “मैडम चंगा रहेगा जे हाले तुहाडा डराईवर ही चलावे। अजे गोडे नूं पूरा आराम करन दिओ।”

मैनूं दिल्ली तक तों फोन आउण लग्ग पए कि तुहाडे कोल हड्डीआं दे इलाज दा माहिर है। असीं इलाज कराउणा चाहुंदे हां। की मुकंदपुर विच्च कोई चंगा होटल है जिथे रिहा जा सके? मैं अग्गों की कहिंदा? मेरा लक्क तां बिल्लू नें मरोड़ा दे के होर वी दुखण ला दित्ता सी जो लुधिआणे दे इक्क माली दीआं मालशां नाल मसां ठीक होइआ सी। इहो कारन सी कि मैं जौहल साहिब वांग किसे नूं बिल्लू तों इलाज कराउण दी सिफारश नहीं सी करदा। ढुड्डीके कालज विच्च पहड़े कैनेडा दे मैंबर पारलीमैंट गुरबख़श सिंघ मल्ल्ही नें वी आपणा लक्क सिध्धा कराउण लई बिल्लू कोल जाण बारे किहा सी पर मैं आपणी मिसाल दे के रोक दित्ता सी कि होर नां किते कैनेडा जाणो ई रहिजे!

प्रिंसीपली करदिआं मैनूं वाईस चांसलरां, मंतरीआं ते होर वड्डे बंदिआं नूं मिलण दे मौके मिलदे रहे। मुख्ख मंतरी स.प्रकाश सिंघ बादल कालज विच्च आए ते कहि गए कि इस कालज नूं पेंडू यूनीवरसिटी दे तौर `ते विकसित कीता गिआ तां मैं ज़ाती तौर `ते इक्क करोड़ रुपिआ देवांगा। उनहां नें कालज दी रज्ज के सिफत सलाह कीती। बाअद विच्च मुख्ख मंतरी कैपटन अमरिंदर सिंघ वी कालज विच्च पधारे। प्रिंसीपल बणन सदका मेरी जाण पछाण दा दाइरा खुल्ल्हदा गिआ ते पहुंच वधदी गई। प्रिंसीपल होण करके ही मैं गुरू नानक देव यूनीवरसिटी अंम्रितसर दा सैनेटर बणिआ ते कुझ्झ समां सिंडीकेट दा मैंबर रिहा। जथेदार तोता सिंघ दे सिख्खिआ मंतरी होण समें मैनूं दो सालां लई पंजाब सकूल सिख्खिआ बोरड दा मैंबर बणा दित्ता गिआ। कुझ्झ मित्तरां नें किहा कि मैं सकूल बोरड दा चेअरमैन जां वाईस चेअरमैन बणन दा जुगाड़ करां जो मैनूं करना नहीं सी आउंदा ते नां ही मैं कर सकिआ। मैं प्रिंसीपली तों रिटाइर हो के सुतंतर तौर `ते विचरना ते देश विदेश घुंमदिआं खुल्ल्ह के लिखणा चाहुंदा सां।

मैं सतुंशट सां कि बतौर प्रिंसीपल मैनूं कामयाब मंनिआ जा रिहै हालां कि मेरे `च कई कमीआं सन। मैं आपणे कंम तों अवेसले सटाफ मैंबरां नूं रुख्खा बोल बहिंदा सां ते लिखत पहड़त विच्च नहीं सी पैंदा। उनहां `च इक्क दो सटाफ़ मैंबर अजे वी मेरे नाल नाराज़ हन। मैं कुझ्झ इल्लती विदिआरथीआं नूं बाहों फड़ के झंजोड़ दित्ता सी। जे उह अग्गों हत्थ चुक्क लैंदे तां फिर की हुंदा? मैं कई वार जज़बाती हो के तैश विच्च आइआ जो किसे वी प्रिंसीपल लई शोभा देण वाली गल्ल नहीं सी। मैं कामयाब प्रिंसीपल ज़रूर बणिआ पर इक्क आदरशक प्रिंसीपल नहीं बण सकिआ। मैं आए गए महिमानां नाल दारू पी लैंदा सां पर विदिआरथीआं नूं मत्तां दिंदा सां कि नशिआं तों बचो। मैनूं चाहीदा सी कि मौलवी दे गुड़ छड्डण वांग प्रिंसीपली दौरान दारू नां पींदा।

पर जे उक्का ई नां पींदा तां बरमिंघम विच्च उह ठुक्क नां बझ्झदी जो कालज दे जीवन मैंबरां दी पारटी विच्च बझ्झी। 1999 विच्च कालज दी ओवरसीज़ कमेटी वल्लों बरमिंघम विच्च फंड रेज़िंग डिनर सी। मैनूं मुख्ख महिमान वजों सद्दिआ गिआ सी। जदों मैं डिनर हाल विच्च पुज्जा तां लगभग सारे ही बीअर बत्तिआं विच्च मसत सन। इक्क दोंह नें मैनूं सुल्हा मारी पर मैं निमरता सहित नांह कर दित्ती। मैं कालज बारे भाशण जु देणा सी। जद मै कालज दी गल्ल कर लई तां सरूर `च आए सरोतिआं नूं किहा, “मैं देखण नूं ई गिआनी जिहा लग्गदां, विचों तुहाडे वरगा ई आं। कुझ्झ सज्जणां नें आउंदिआं गलास पेश कीता सी। गलास दा टाईम तां हुण लंघ गिआ। तुहाडी खुशी लई चलो गलासी ही सही।” माहौल मुताबिक कही गल्ल दा अजिहा असर होइआ कि कई मैंबर इहो कही जाण, “यार प्रिंसीपल होवे तां इहो जिहा ही होवे!”

मैं इह वी कहि दित्ता, “कालज विच्च मै दारू वड़न नही दिंदा। पर जदों तुसीं कालज वेखण आओगे तां आले दुआले दे खूहां उते दब्बी ज़रूर मिलेगी।” एनी गल्ल नाल उनहां दा नशा दूण सवाइआ हो गिआ ते कालज लई फंड होर वी वध गिआ।