पिंड विच्च मेरी पहिली पछाण बाबा पाला सिओं दे पोते वजों सी। जे मैं कोई माअरका मारदा तां उह पाला सिओं दे पोते दा वज्जदा। मेरे नां नूं कोई नहीं सी जाणदा। मैं वी आपणा नां दस्सण दी थां पाला सिओं दा पोता दस्सदा। साडे बाबे होरीं तिंन भरा सन। वड्डा पोल्हा सिंघ, विचकारला रतन सिंघ ते छोटा पाला सिंघ। उनहां दे पिता वरिआम सिंघ होरीं चार भाई सन। उनहां दे बाप भगवान सिंघ दा मैनूं नहीं पता कि उह किंने भरा सन ते किंनिआं दे औलाद होई? भगवान सिंघ दे पिता सुंदर सिंघ दा वी पता नहीं कि उनहां दे बाप दा किड्डा परिवार सी? मैं हाले इह वी पता नहीं ला सकिआ कि साडा किहड़ा वडेरा माझे दी सरहाली तों उठ के मालवे दे पिंड चकर आइआ सी ते कदों आइआ सी?

इह तत्थ खोज दा मुथाज है कि साडे वड्डवडेरे हिंदूआं तों सिख्ख कदों बणे? इतिहास तां इहो दस्सदा है कि साडे वड्डवडेरे हिंदू जाट सन जो मुसलमान बणनों बच गए ते सिख्ख सज गए। साडे गोत दे संधू जट्ट हिंदू वी हन, मुसलमान वी हन ते सिख्ख वी हन। एधर शहीद भगत सिंघ संधू सी, ओधर किस्साकार कादरयार संधू, भाई बाला संधू ते भारत दा साबका प्रधान मंतरी चौधरी चरन सिंघ वी संधू सी। बाकी गोतां दा वी इहो हाल है। अज्ज जिहड़े लोक हिंदू, मुसलमान जां सिख्खां दे नां `ते लड़ी मरी जांदे हन उह भुल्ल गए हन कि उनहां दे वडवडेरे इको पिओ दे पुत्त सन!

बाबा पाला सिंघ दा मैनूं पहड़ाउण लिखाउण `च सभ तों वध्ध रोल सी। उह बेशक सिध्धे सादे किसान सन पर दूरदरशी सन। विद्दिआ दे महत्तव नूं ख़ूब समझदे सन। किहा करदे सन कि विद्दिआ बंदे दा सभ वधीआ गहिणा है। जीहदे कोल इलम है उहदे कोल सारा कुछ है ते उह कदे भुख्खा नहीं मर सकदा। उनहां नें साडे पिता नूं पहड़ाउण दी पूरी वाह लाई सी पर बापू अठ्ठवीं `चों फेल्ह हो के पहड़ाई अध्ध विचकारे छड्ड गिआ सी। बाबे दीआं पुत्तर नूं पहड़ाउण दीआं रीझां विचे रहि गईआं सन जो किसे हद्द तक पोते नूं पहड़ा के पूरीआं कीतीआं गईआं। उह किरती किसान होण दे नाल निशकाम सेवा वाले गुरू दे सिख्ख दी अजिही ज़िंदगी जीवे कि आपणा नाम पिछ्छे छड्ड गए। अज्ज वी पिंड दे लोक उनहां दा नां भले पुरश वजों लैंदे हन।

साडा वड्डा बाबा पोल्हा सिंघ वीहवीं सदी दे शुरू विच्च कैनेडा चला गिआ सी। मैं उस दे फोटो ही वेखे हन। उह बड़ा बणदा फब्बदा जुआन सी ते मुढ्ढले पंजाबी कैनेडीअनां विचों सी। कुझ्झ सालां बाअद उह पिंड मुड़िआ तां उस नूं नमूनीआ हो गिआ जिस नाल उस दी म्रितू हो गई। मैं अकसर सोचदां जे बाबा पोल्हा सिंघ तीहविआं विच्च नां गुज़रदा तां साडे तिंनां ही बाबिआं दा लाणा कदों दा कैनेडीअन बणिआ हुंदा। संभव सी मेरा जनम कैनेडा `च हुंदा ते मेरी जीवन गाथा होर हुंदी। अचानक वापरीआं घटनावां परिवारां दे भविख्ख दा कांटा बदल दिंदीआं हन। मैं तां वैसे ही कांटे बदलदा रिहां हां।

मेरे जनम वेले घर दी आरथिक हालत निसबतन पतली सी। हो सकदै आरथिक पख्खों अमीर घर `च जंम के मैं विगड़ जांदा ते पहड़दा ही नां। भरी होई जेब नाल फैलसूफ़ीआं `च पै जांदा अते आपणी ते मापिआं दी बदनामी वाधू दी कराउंदा। पैसे धेले दी अमीरी नाल ज़रूरी नहीं कि सारा कुझ्झ ठीक ठाक हो जांदा होवे। माइआ नाल कई खराबीआं वी पैदा हो जांदीआं हन। कहिंदे हन कि पैसा तां कंजरां कोल वी बहुत हुंदै पर उह चंगे बंदे नहीं हुंदे। बड़े बड़े धनवान लोकां दीआं खराबीआं दे किस्से हर रोज़ पहड़ी सुणी दे हन। पैसा वी बंदे दी खुराक वांग ओना कु ही चाहीदै जिंने दी लोड़ होवे। वाधू पैसा वाधू खुराक वांग बदहज़मी पैदा करदै।

जिंनीआं कु समस्सिआवां लोड़ तों घट्ट धन मिलण दीआं हन लोड़ तों वध्ध धन मिलण दीआं उस तों वी वध्ध हन। पर समझदा कोई कोई है। किसे विदवान नें लिखिआ है-जिहड़े लोक इह सोचदे हन कि धन सभ कुझ्झ कर सकदा है उहनां `ते शक्क कीता जा सकदा है कि उह सभ कुझ्झ धन लई ही करनगे ते बहुत कुझ्झ बुरा वी करनगे। शाह हुसैन नें तां सिरे दी गल्ल कीती है-जिस धन दा तूं गरब करेनैं सो नालि नां चलसन दंमां, लख्खां अते करोड़ां वाले से पउसण वस्स जंमां।

बचपन `च हंढाई तंगी नें मैनूं संजम नाल जिउणा सिखाइआ जीहदे नाल मैं हुण तक सुखी हां। मैं थोहड़ीआं सुख सहूलतां नाल वी सौखा रहि सकदा हां। बहुत लोक हन जिहड़े बहुत सारीआं सहूलतां नाल वी सौखे नहीं रहिंदे। हुंदे सुंदे ‘मर गए, मर गए’ करदे रहिंदे हन। उह लोड़ तों वध्ध ते वड्डे मकान बणाई/खरीदी जाणगे। जिनहां नूं लोड़ है उनहां नूं झुग्गी झोंपड़ी वी नहीं जुड़दी। कईआं तों पहिले कपड़े पा नहीं हुंदे पर नवें खरीद के ढेर लाई जाणगे। लोड़ जोगा भोजन खाधा नहीं जांदा, पलेटां होर डक्क लैणगे ते फिर जूठा छड्डणगे। पहिली सवारी चंगी भली हुंदी है पर वाधू विखावे लई नवीं कार जां कोई होर सवारी लिआ खहड़ाउणगे। इस नूं अमीरी नहीं किहा जा सकदा सगों अंदरली ग़रीबी दा ही विखावा हुंदै। बहुते बंदे विखावे दी बिमारी दा बुरी तरहां शिकार हन। बंदा विखावे दी अमीरी नालों अंदरली अमीरी नाल भरपूर होवे तां वधेरे सुखी रहि सकदै।

बाबा पाला सिंघ दा जनम उनीवीं सदी दे अंतले सालां विच्च होइआ सी। जदों उनहां नूं सुतंतरता संगरामीएं वजों तामर पत्तर मिलणा सी तां मैं फारम उते अंदाज़े नाल ही उनहां दी जनम तारीख 15 अगस्सत 1890 भर दित्ती सी। हो सकदै उमर दो चार साल वध्ध भरी गई होवे। बाबे वेले साडे पिंड `च सकूल नहीं सी बणिआ जिस करके उनहां नें गुरमुखी दे अख्खर गुरदवारे दे भाई जी तों सिख्खे सन। सकूल/कालज विच्च पहड़दिआं मैनूं बाबे दीआं लिखीआं चिठ्ठीआं मिलदीआं सन जिनहां दी लिखाई पुराणीआं पोथीआं दी लिखत वरगी हुंदी सी। शबद जोड़ां दीआं ग़लतीआं नहीं सन हुंदीआं जिवें कि अज्ज कल्ल्ह दे विदिआरथी करदे हन। बाबे नें बचपन विच्च ही गुरबाणी दा पाठ करना सिख्ख लिआ सी ते उह पाठी बण गए सन।

बाबे दे पाठी होण कारन साडे घर विच्च गुटके ते पोथीआं पईआं हुंदीआं सन। मेरीआं पहिलीआं पाठ पुसतकां गुटके ते पोथीआं ही सन। जदों साडा बाप कमिऊनिसट पारटी दा मैंबर बणिआ तां कामरेडां दे पहड़न वाले किताबचे ते रसाले साडे घर आउणे शुरू हो गए। साडे पिता दा पहिला नां हरदिआल सिंघ सी पर बाअद विच्च बाबू सिंघ हो गिआ। कहिंदे हन कि जदों उह लाहौरों डराईवरी सिख्ख के मुड़े तां बाबूआं वरगे लग्गदे सन जिस करके उहदा नां ही बाबू पक्क गिआ। साडे घर बापू दा जो पासपोरट पिआ है उहदे विच्च उनहां दा नां हरदिआल सिंघ है पर कागज़ां विच्च साडी वलदीअत बाबू सिंघ ही है। हो सकदै कमिऊनिसट बणन करके नाम बदलणा पिआ होवे।

बाबा पाला सिंघ तकड़े जुस्से दे मालक सन। कद्द पंज फुट्ट दस इंच सी। उह तुरदे बहुत तेज़ सन ते किरसाणे कंम नूं बड़े तकड़े सन। दिहाड़ी विच्च पौणी घुमां कणक वढ्ढ दिंदे सन। जिथे जांदे तुर के जांदे भावें पंजाह कोह दूर बठिंडे जाणा पवे। तड़के तिंन वजे उठ के उह मैनूं वीह किलोमीटर दूर जगराओं तों रेल गड्डी चहड़ाउण जांदे, सौदा सूत लै के वापस मुड़दे ते फिर सारा दिन खेतां `च कंम करदे। पैरीं धौड़ी दी जुत्ती पाई हुंदी सी जो तुरदिआं उह लाह वी लैंदे तां कि छेती घस नां जावे। उनहां नें सारी उमर नां शराब पीती, नां मीट खाधा ते नां आंडा। साडा बापू वी अरध सोफी सी। साडी पंजां ही भरावां दी उह गल्ल है कि मिल जावे तां हां है नहीं तां नांह। वड्डे भाई नें कुझ्झ समें लई गातरा पा लिआ सी पर उह गातरे वाली रहित मरिआदा काइम नां रख्ख सकिआ।

जदों जैतो दा मोरचा लग्गा तां साडा बाबा तीह कु सालां दा सी। उस दा विआह चंद कौर नाल हो चुक्का सी ते साडा बाप साडी अंमा दी गोद विच्च सी। साडे पिंड प्रचारक आए ते उनहां सिंघां दे नां मंगण लग्गे जिहड़े जैतो दे मोरचे वासते शहीदी जथे `च शामल होणा चाहुंदे सन। शहीदी जथे अंम्रितसर तों चलदे सन ते पिंडां विच्च पड़ाअ करदे जैतो जा के ग्रिफतारीआं दिंदे सन। जथिआं नूं शहीदी जथे इस लई कहिंदे सन पहिले जथे उते गोली चल्ल चुक्की सी ते कई सिंघ शहीद हो चुक्के सन। अंगरेज़ सरकार नें दहिशत पा रख्खी सी कि जिहड़ा सिंघ जथे विच्च शामल होवेगा उह गोली नाल मारिआ जा सकदै। बाबा पाला सिंघ ते पिंड दे पंज छे सिंघां नें आपणे नां शहीदी जथे विच्च शामल होण लई लिखा दित्ते सन।

जिद्दण जथे विच्च जाण दा दिन आइआ तां नां लिखाउण वाले सिंघ सूए दे पुल उते `कठ्ठे होए। उथे उह जकोतकी विच्च पै गए। कुझ्झ कहिण चल्लीए ते कुझ्झ पैर मल्लण लग्ग पए। इक्क जणा घर नूं मुड़िआ तां बाबा पाला सिंघ नें किहा, “मैं तां बचन कर के हुण पिछ्छे नहीं मुड़ना। जीहने आउणा मेरे नाल आ जे, जीहने पिछ्छे मुड़ना पिछ्छे मुड़ जे।” उह अरदास कर के अग्गे तुर पए। चार सिंघ उहनां मगर लग्ग तुरे। पंज सौ सिंघां दे जथे उते गोली तां नां चल्ली पर लाठी चारज हो गिआ जिस विच्च साडे बाबे दी इक्क बांह भज्ज गई जो विंगी बझ्झी ते अख़ीर तक सिध्धी नां होई। ग्रिफतार कीते जथे नूं नाभे दी जेल्ह विच्च डक्क दित्ता गिआ। सत्त महीने बाबे ते उस दे साथीआं नूं जेल्ह विच्च रहिणा पिआ। जेल्ह विचों उनहां नें सुनेहा भेज दित्ता सी कि कोई साडी मुलाकात नूं नां आवे जद कि अंमा चाहुंदी सी कि उह आपणे सिर दा सांईं वेख आवे ते पुत्तर दा मूंह विखा लिआवे।

कई वार मैं सोचदां कि साधारन लोक ही हुंदे हन जिनहां अंदर कुरबानी ते संघरश दा ज़ज़बा ठाठां मार रिहा हुंदै जद कि रज्जे पुज्जे ते तेज़तरार बंदे अजिहे मौके टालमटोल कर जांदे हन। पंजाब विच्च जिंनीआं वी लहिरां चल्लीआं आम कर के सरदे पुज्जदे आगू बचदे रहे नें ते साधारन वरकर सिर धड़ दीआं लाउंदे रहे नें।

जेल्ह तों रिहाअ हो के बाबा पाला सिंघ नें मुड़ खेतीबाड़ी ते कबीलदारी आ संभाली। उनहां नूं पाठ करन दी जो लगन बचपन विच्च लग्गी सी जेल्ह विच्च होर परपक्क हो गई अते उह श्री गुरू गरंथ साहिब दे पाठी बण गए। मैं आपणी अठत्ती साल दी उमर तक आपणे बाबे दी संगत माणी है ते वेखिआ है कि उह आपणा किरसाणा कंम रीझ नाल करदिआं विचों विहल कढ्ढ के अखंड पाठ दी रौल लाउंदे रहे सन। उह हमेशां घरों खाणा खा के जांदे सन ते पाठ कराउण वाले घर दी रोटी खाण तों गुरेज़ करदे सन। बाबे दा कहिणा सी कि पाठ दा कोई इवज़ाना नहीं लैणा चाहीदा ते पुंन अरथी पाठ करना चाहीदै। साडे बाबे नें पिंड `च चाली साल अखंड पाठां दीआं रौलां लाईआं पर किसे तों कोई कपड़ा लीड़ा, खाध समग्गरी जां पैसा वसूल नहीं सी कीता। शाइद इसे लई पिंड दे पुराणे बंदे कहिंदे हन कि साडा परिवार बाबा पाला सिओं दी कीती निशकाम सेवा दी खट्टी खा रिहै।

साडे बाबे नें लंमी भरपूर ज़िंदगी बतीत कीती। मैं उहनां नूं कदे तैश जां क्रोध विच्च आए नहीं वेखिआ। कदे साबण नाल नहाउंदे वी नहीं वेखिआ हालां कि असीं सारे ही साबण वरतण लग्ग पए सां। केसी इशनान उह लस्सी जां दहीं नाल करदे ते सरहों दा तेल ला लैंदे। सिआल विच्च मेथिआं दी पंजीरी खांदे ते हमेशां तौड़ी दा कहड़िआ दुध्ध पींदे। चोरी करन, झूठ बोलण ते बचन तों फिरन नूं बुरा समझदे। उह गुरदवारे दी प्रबंधक कमेटी विच्च वी सेवा करदे रहे। मैं अनेकां वार उनहां नाल धारमिक समागमां `ते गिआ ते उह मैनूं बचपन तों ही सटेजां उते चहड़ाउंदे रहे। मैं जदों छुट्टीआं `च पिंड आउंदा तां खेत रोटी लै के जांदा जिथे उह सत्तर साल तों वड्डी उमर दे हो के वी खेती दा कंम कर रहे हुंदे। उह नितनेम दे अभिआसी सन ते हर इक्क नूं सिंघ दे नां नाल बुलाउंदे सन। इथों तक कि मैनूं वी सरवण सिआं कहिंदे।

साडी अंमा चंद कौर सरबत्त दा भला मंगण वाली माई सी जिस दा आखरी साहां तक कोई वी दंद नहीं सी हिल्लिआ। उह छोलिआं दे दाणे पतासिआं वांग चब्बदी ते किक्कर दी दातण करदी। शाइद उहदा ही विरसा होवे कि मेरे दंद अजे तक काइम हन। आख़री उमरे साडी दादी खसखस दी चूंढी लैण लग्ग पई सी। मैं जदों वी पिंड आउंदा तां उहदे लई अख्खां दी दवाई ते खसखस ज़रूर लै के आउंदा। उह अस्सी साल दे करीब जीवी ते 1975 विच्च परलोक सिधारी।

बाबा पाला सिंघ दे चार धीआं सन ते इक्क पुत्तर। अग्गों असीं पंज भरा हां ते तिंन भैणां। सभ तों वड्डा शेर सिंघ है जो दिआलपुरा भाईका वाली ज़मीन उते आपणे दोहां पुत्तरां नाल खेती करदै। उथे असीं ससते भावां विच्च चंगी ज़मीन खरीद लई सी। उह अमरीकन बण गिआ सी पर अमरीका विच्च जीअ नहीं लाइआ। दूजे थां मैं हां ते आपणे दोहां पुत्तरां बारे दस्स ही चुक्कां। तीजा भरा दरशन सिंघ वी अमरीकन बणिआ होइऐ पर पिंड विच्च खेतीबाड़ी संभालदै ते उस दा लड़का डा.बलवंत सिंघ संधू दाखे कालज विच्च लैकचरार है। उस नें कुझ्झ किताबां वी लिखीआं हन। भजन सिंघ ऐम्म.ए करन पिछ्छों अमरीका `च विआहिआ गिआ सी ते 1984 तों अमरीकन है। उस दे इक्क पुॅ्ॅतर है ते इक्क धी। सभ तों छोटा अरजन सिंघ ते उस दे दोवें पुत्तर वी मिरकणीएं हन।

साडी माता करतार कौर 1993 विच्च सुरगवास हो गई सी। पिता 1996 विच्च परलोक सिधारे। बाबा पाला सिंघ जो सुतंतरता संगरामीए सन सुतंतरता दिवस उते ही 15 अगस्सत 1978 नूं गुरपुरी बिराजे ते उज्जल मुख्खड़े नाल गुरू दे सनमुख होए।