कवीशर करनैल सिंघ पारस दे जथे नूं मैं निक्का हुंदा वेखदा ते सुणदा रिहा सां। उह साडे पिंड पोह सुदी सत्तवीं दे नगर कीरतन उते आउंदे। उनहां दी कवीशरी दे बोल साडे बाल मनां उते उकरे जांदे। बड़ी उच्ची आवाज़ हुंदी सी रणजीत सिंघ सिध्धवां दी। उह कंन `ते हत्थ रख्ख के दोहरा लाउंदा। फिर पारस ते चंद सिंघ जंडी `कठ्ठे अते रणजीत सिंघ `कल्ला वारी वारी बंद सुणाउंदे। बाहां कढ्ढ के कवीशरी करदे-लग्गजे सभा `च फुल्लझड़ी छंदां दी …। कदे गाउंदे-भरदे मिठास शाइरां दी ज़ुबान `च … ते कदे-बिन विद्दिआ दे है करतूतां पशूआं दीआं `नहेरा ढोणे भारत वरश दीआं …।

रिटाइर होण पिछ्छों मैं कैनेडा दा परवासी बणिआ तां टोरांटो दे बरैंपटन शहिर विच्च मेरा अध्धी सदी बाअद करनैल सिंघ पारस नाल मेल गेल होण लग्गा। असीं दोंह चहुं हफ़तीं शाम नूं मिलदे। उस दीआं गल्लां बड़ीआं दिलचसप हुंदीआं। कमाल दी याद शकती सी उस दी। जुआनी वेले दे जोड़े छंद बुढ्ढेवारे वी ज़ुबानी याद सन। लोर विच्च आइआ उह मैनूं मेरे पिंड दीआं गुझ्झीआं गल्लां दस्सण लग्ग पैंदा। नगर कीरतन पिछ्छों जीहदे जीहदे घर दारू पीण दीआं महिफ़लां लाईआं हुंदीआं उनहां दी कथा करदा। फिर उनहां दा हाल चाल पुछ्छदा। पुछ्छदा मल्ल दा ते मिक्कर दा की हाल ऐ? नाले सरपंच लख्खा सिओं दा। उनहां चों जिऊंदे तां घट्ट ही हुंदे। जदों मैं उनहां दे मरन बारे दस्सदा तां उह अफसोस करदा कहिंदा, “बंदे बड़े रौणकी सी। पीण खाण दी ते गल्लां दी लड़ी नी सी टुट्टण दिंदे।” मैं मन `च कहिंदा, “कोई नां बापू, आपणा अफसोस वी लोक इहो जिहीआं गल्लां कर के ई करनगे!”

उहदीआं कुझ्झ अलोकार गल्लां पाठकां नाल करन नूं दिल कर आइआ है। उस नें सारी उमर रज्ज के दारू पीती ते दब्ब के कवीशरी कीती। इक्क वार सत्त दिन ताप चहड़िआ रिहा पर उह शराब पी के सत्ते दिन अखाड़ा लाउंदा रिहा। इक्क वार उह रामूवाले तों दौड़ के ही मुकतसर चला गिआ सी। उह किसे सकूल विच्च नहीं सी पहड़िआ। इक्क साध तों गुरमुखी दे अख्खर सिख्खे अते अनेकां किस्से ते प्रसंग लिखे। मोगे दे किशन सिंघ हमीर सिंघ नूं चाह दी बाटी बदले दित्ता किस्सा ‘दहूद बादशाह’ पौणे दो लख्ख तों उते विकिआ। सारे किस्से ते प्रसंग तां दस लख्ख तों वी वध्ध विके होणगे। उनहां दे रिकारड वी लख्खां दी गिणती विच्च विके।

पारस नें मद्दोके दे गुरदवारे `चों अंम्रित छकिआ सी पर सिंघां वाला कछहिरा इक्क दिन वी नहीं सी पाइआ। इक्क वार बुरज कलारे दे गुरदवारे दिवान लाउण गिआ तां रात नूं उहदी चोरी फड़ी गई। उह उहदे सिरहाणे थल्ले रख्खी ‘प्रीत लड़ी’ सी। फिर उस नूं नासतक समझ के गुरदवारे `चों कढ्ढ दित्ता गिआ।

>

जदों उहदी शराब मूलों वध गई तां मोगे दे इक्क हकीम नें पंजाह कु साल दी उमर `च बिमार होए पारस नूं किहा सी-जे बचणा तां शराब पीणी छड्ड दे। उस नें पीणी छड्ड दित्ती पर जदों मरन लग्गा तां फिर पी बैठा बई हुण काहदा डर ऐ! मरन दी थां उह नब्बे सालां नूं तां टप्प ही गिऐ ते कोई पता नहीं होर किंना चिर पीवे ते जीवे!

उस दे सिआसतदान पुत्तर बलवंत सिंघ रामूवालीए नें पारस दे 90वें जनम दिन `ते किहा सी कि मोगे तों जगरावां वाली सड़क `ते ओने डरंम लुक्क दे नी पए होणे जिंने डरंम साडा बापू शराब दे पी गिआ होवेगा! ऐडीआं वड्डीआं गल्लां करनीआं वी उहने आपणे बापू तों ही सिख्खीऐं। कवीशरां दी गल्ल सुणी ही तद जांदी है जे उह वधा चहड़ा के सुणाउण।

करनैल सिंघ पारस नें मैनूं पहिली मुलाकात विच्च ही ट्रेलर विखा दित्ता सी कि कैनेडा आ के मैं मण पक्का तां पी गिआ होऊं शहिद ते कुइंटल खा गिआ होऊं सौगी! मैं मन `च किहा सी, “हई शाबाशे! जे मण मण दीआं गल्लां कवीशर नहीं करनगे तां असीं किथों करांगे? कवीशर तां माड़े मोटे नहीं माण, पारस तां फिर वी साडा श्रोमणी कवीशर ऐ!” अजे उहने पौणी सदी `च पीती दारू दा हिसाब दस्सण लग्गणा सी पर मैं गल्लां दा रुख होर पासे मोड़दिआं पुछ्छिआ सी, “थोडे जथे नूं किंने पैसे मिलदे सी `खाड़ा लाउण दे? वंड वंडाई किवें करदे सी?”

उस नें दस्सिआ सी कि पहिलां उहनां दे जथे नूं इक्क `खाड़े दे सठ्ठ रुपए मिलदे सी। दस साल सठ्ठ रुपए ई भाअ रिहा ते नाल इक्क बोतल। सठ्ठां `चों वीह रुपए रणजीत दे, साढे सतारां चंद दे ते साढे बाई उस दे हिस्से आउंदे सी। उतले ढाई रुपए छंद जोड़न दा बोनस सी। उह किहा करदा सी, मैनूं गाल्ह लग्गे जे मैं जेब `च पैसे हुंदिआं किसे होर नूं शराब `ते खरचण देवां। आम जट्ट दस दिन `कठ्ठे नी कट्ट सकदे पर पारस दे जथे विच्च तिंन जट्टां नें चाली वरहे `कठ्ठिआं कवीशरी कीती। उह `कठ्ठे खांदे पींदे रहे पर कदे कोई झगड़ा झेड़ा नी कीता। जीहदे घर दा खाणा खांदे उनहां दी नूंह धी दा सिर पलोसदिआं बणदा सरदा पिआर दे जांदे। फिर उह घर उनहां दे आउण जाण दा पड़ाअ बण जांदा।

पारस मैनूं दस्सदा कि हुण मैं बंधेज `च दारू पीनां। डाकटर नें सत्तर ऐम्म.ऐल्ल.बंनही ऐं पर मैं पझंतर पा लैनां। डाकटर किहड़ा कोल बैठा देखदा? इह ढाई औंस बणदी ऐ। आए गए तों दस पंदरां ऐम्म.ऐल्ल.दा लालच होर हो जांदै। उह मैनूं फोन करदा कि कई दिन हो गए मिले नूं। जदों लोट लग्गे आ जीं, पर आईं आथण नूं। मैं सैर करदा चला जांदा। जदों सत्त वज्जदे तां उह मेज़ दा दराज़ खोल्हदा, बेबी आइल वाली पलासटिक दी लंमी पतली शीशी कढ्ढदा जीहदे `च ‘शकती वाटर’ भरिआ हुंदा। फिर शीशी दा लक्क घुट्ट के औंसां ते मिलीलीटरां दे लाल निशान वाले मग्ग `च धारां मारदा ते चानण वल्ल मग्ग कर के वेखदा कि पझंतर मिलीलीटर तों घट्ट तां नहीं? फिर इक्क धार होर मार के कहिंदा, “चल्ल इह बोनस सही। अज्ज तूं मिलण आ गिऐं, अज्ज नब्बे मिलीलीटर ही सही।” पर हुंदी उह सौ मिलीलीटर सी। लाल लकीर साफ दिसदी सी।

26 जून 2006 नूं आपणा नब्बेवां जनम दिन कैनेडा `च मना के उह मौज नाल मरन लई रामूवाले चला गिआ। सिआणे बिआणे परवासी इस तरहां ही करदे हन। मैनूं वी मरना नेड़े दिसिआ तां शाइद मैं वी एवें ई करां। परदेसां `च मरन दा उह सुख किथे जो जंमण वाले देश `च मिलदै! परदेसां `च मरन वालिआं दे तां मगरलिआं नूं वी दो दो मरने करने पैंदे हन जिनहां नाल उनहां दा वी मरन हो जांदै। देश `च इको मरने नाल सर जांदा ते मरना वी विदेशां वांग महिंगा नहीं पैंदा। नां देह दी सांभ संभाल ते नां कोई ढोआ ढुआई!

पिछले सिआल मैं ते कबड्डी दा कुमैंटेटर मख्खण सिंघ बिमार पए पारस दा हाल चाल पुछ्छण रामूवाले गए। उह बड़े तिहु तपाक नाल मिलिआ। हत्थ वी चुंमे ते मत्था वी चुंमिआ। पर कंनां नूं लाई मशीन नाल वी उहनूं चज्ज नाल नहीं सी सुणदा। फिर उह सानूं खांदिआं पींदिआं नूं वेखदा रिहा। कदे कदे किसे गल्ल दा हुंघारा वी भर दिंदा जिवें गल्ल सुण गई होवे। असीं विदा होण लग्गे तां उस नें हउके वरगा लंमा साह लै के किहा, “सरवण सिआं, ज़िंदगी जिऊण दा सुआद उदों तक ई ऐ जदों तक्क सुआद बणे रहिण। जदों सुआद ई मर जाण फिर काहदा जीणा?”

मैनूं किसे दानशवर दा किहा कथन याद आइआ कि जीवन दा आधार डीज़ाइर यानी ख़ाहिश है। डीज़ाइर नूं इछ्छावां तों लै के रीझां ते चावां तक जिंने मरज़ी नां दित्ते जा सकदे हन। पूरब वाले इछावां नूं मारन ते सवरग सिधारन उते ज़ोर दिंदे आ रहे हन जद कि पछ्छम वाले इछावां दी पूरती लई जो नहीं सो कर रहे हन। दुखी उह वी हन ते दुखी इह वी हन। सुखी उह हन जो इछावां नूं ज़ाबते `च रख्खदे, हसंदिआं खेलंदिआं पैनंदिआं खावंदिआं मुकती प्रापत करदे हन।

* * *

17 जुलाई 2004 नूं मैं योगी हरभजन सिंघ दे दरशन कीते सन। उह पलंघ उते पिआ सी। सफैद वसतरां विच्च लिपटिआ ते पैरां `ते पट्टीआं बझ्झीआं होईआं। दरशन अभिलाशीआं नूं दस्सिआ जांदा सी कि कोई उस दे पैर नां छोहे। उस नूं कोई नामुराद रोग सी जिस दा लंमा इलाज चल्ल रिहा सी। कमरा काफी खल्ल्हा सी ते गुंबदनुमा छत्त `चों निघ्घी रौशनी पैंदी सी। उस दीआं अख्खां साहमणे गुरू रामदास जी ते श्री हरिमंदर साहिब दे वड्डअकारी चित्तर सन। गुरबाणी दा पाठ ते कीरतन धीमी सुर `च हुंदा रहिंदा सी।

असीं ‘खेड संसार’ मैगज़ीन लई माइक सहाइता `कठ्ठी करन दे टूर उते सां। मेरे नाल संतोख सिंघ मंडेर ते पहिलवान करतार सिंघ दा भरा गुरचरन सिंघ ढिल्लों वी सी। बेकरज़फीलड वाले नाज़र सिंघ कूनर नाल असीं वी योगी दे मुंडे दे विआह `च शामल होण लई निऊ मैकसीको दे शहिर ऐसपीनोला चले गए। कूनर नें योगी दे कमरे `च चिट्ट भेजी तां सानूं अंदर बुला लिआ गिआ। अंदर गए तां सिंघ साहिब जथेदार जोगिंदर सिंघ वेदांती, जथेदार तरलोचण सिंघ, संत दलजीत सिंघ शिकागो, पंजाबी यूनीवरसिटी वाला प्रो.बलकार सिंघ ते कुझ्झ होर सज्जण बैठे सन। असीं फतिह बुलाई तां योगी नें सानूं सिआण लिआ। कूनर तां मिलदा ही रहिंदा सी, मैं दूजी वार मिल रिहा सां ते संतोख मंडेर नें कई वार उस दे फोटो खिच्चे सन। मंडेर नें फिर फोटो खिच्चण दी आगिआ मंगी तां योगी नें मुसकरांदिआं किहा, “टौहड़ा फोटो खिचा के मर गिआ सी, वेखिओ किते मेरे नाल वी ओही नां होवे?”

उस दे इनहां बोलां नाल कमरे दा माहौल हासे खेड़े नाल भर गिआ। योगी वी खुल्ल्ह के हस्सिआ जिस नाल उस दीआं अख्खां चमक उठ्ठीआं। मंडेर नें कैमरा फोकस कर लिआ ते योगी नें वी सिरहाणे दी मदद नाल सिर उच्चा कीता। साडे कोल आपणे मैगज़ीन ‘खेड संसार’ दी कापी सी। मैं मैगज़ीन योगी जी नूं भेंट कीता तां उस नें पिआर नाल सिर पलोसदिआं अशीरवाद दित्ती कि इह वधे फुल्ले। जुआनी विच्च उह वी तकड़ा खिडारी रिहा सी। उस नें किहा कि खेडां दे इस मैगज़ीन राहीं चंगी सिहत दा सुनेहा देणा।

असीं अध्धा कु घंटा उथे बैठे। सारा समां उह गहड़के नाल गल्लां करदा रिहा। उस दी आवाज़ विच्च गूंज सी ते हासे विच्च खेड़ा सी। लग्गदा ई नहीं सी कि बंदा बिमार है। उहदीआं मोटीआं अख्खां सुनेहे दिंदीआं जापदीआं सन। लंमा सफैद दाहड़ा छाती उते पसरिआ होइआ सी। असीं विआह दीआं वधाईआं दे के ते जलद सिहतयाबी दी कामना कर के विदा लई। कुझ्झ दिनां बाअद पता लग्गा कि उह परलोक सिधार गिआ। कुदरत दे लेखे वी लख्खीं हन। पारस पिआकड़ होण दे बावजूद नब्बे सालां तों उते जिओं रिहै जद कि योगी हरभजन सिंघ, योगी हो के वी पझंतर साल ही जिओं सकिआ! इहो गल्ल सकाच दे दो पैग्ग लाउण वाले खुशवंत सिंघ दी है। उह मर गिआं दीआं गल्लां तां करी जा रिहै पर आप मरदा मरदा वी नहीं मर रिहा। मौत मेरी दहिलीज़ `ते लिख के वी मौत नूं चोर भुलाई देई जा रिहै!

योगी भजन दा जनम 28 अगस्सत 1929 नूं ज़िल्हा गुजरांवाले विच्च होइआ सी। बचपन विच्च आम मुंडिआं वांग शरारतां कीतीआं। गुजरांवाले, डलहौज़ी ते चंडीगहड़ विच्च पहड़ाई कीती। हाकी फुटबाल खेडण ते बी.ए.करन पिछ्छों दिल्ली कसटम विभाग विच्च नौकरी कर लई। बीबी इंदरजीत कौर नाल विआह कराइआ ते तिंन बच्चिआं दा बाप बणिआ। 1969 विच्च कसटम दी नावें वाली नौकरी नूं लत्त मार के कैनेडा दे शहिर टोरांटो जा पुज्जा ते फिर कैलेफोरनीआ चला गिआ। उह छोटे हुंदिआं ही कुंडलिनी योगा दा माहिर बण गिआ सी। पहिलां उस नें कैनेडा ते पिछ्छों अमरीका विच्च योगा दीआं कलासां लाईआं, लैकचर कीते ते नाल सिख्ख धरम दा प्रचार करन लग्गा।

उस नें `कल्लिआं एना कंम कीता जिंना सिख्खां दी किसे संसथा नें वी नहीं कीता। धरती दे दूजे पासे उस नें सिख्ख धरम दा अजिहा बूटा लाइआ जो वध फुल्ल रिहै। हज़ारां गोरे गोरीआं सिख्ख धरम दे पैरोकार बण चुक्के हन। काली नसल दे लोक वी सिख्ख धरम ग्रहिण करन लग्ग पए हन। इह योगी हरभजन सिंघ दा क्रिशमा है कि अमरीका दी रिआसत निऊ मैकसीको दा शहिर ऐसपीनोला सिख्खां दा दूजा अंम्रितसर बणदा जा रिहै। असीं उस शहिर दे गेड़े कढ्ढदिआं महिसूस कीता जिवें पंजाब दे ही किसे धरम सथान दी यातरा कर रहे होईए। उथों दी सथानक भाशा सपैनिश है। गोरे दाहड़ीआं रख्खी ते पग्गां बंनही फिरदे अते गोरीआं पंजाबी पुशाकां पाई चुंनीआं लई फिरदीआं हन। उह इक्क दूजे नूं मिलण समें फतिह बुलाउंदे हन अते कारां विच्च गुरबाणी दे शबद ते कीरतन दीआं धुनां गूंजदीआं हन।

उथे गुरू रामदास भवन बणिआ होइआ है जिस दे दरवाज़े उते लिखिआ है-सिख्ख धरमा आफ़ निऊ मैकसीको। अग्गे लिखिआ है-वैलकम टू दा ऐंड आफ़ अरथ। उथे सिंघां दी तोप पई है, खंडे वाला निशान साहिब झूल रिहै ते नाल ही अमरीका दा झंडा लहिरा रिहै। अकाल सकिउरिटी दे दफतर हन जिस दे सकिउरिटी गारडां दी गिणती हज़ारां विच्च है। पंजाब दीआं टाहलीआं ते निंमां वरगे रुख्ख हन जिनहां विच्च मोर पैलां पाउंदे हन। योगी वल्लों चलाईआं कारपोरेशनां ते कंपनीआं हन जिनहां दा अरबां रुपए दा कारोबार है। उस नें सिख्खी दा दाइरा वधाइआ जो समें दी लोड़ सी। समें दी मंग है कि सिख्ख धरम नूं योगी हरभजन सिंघ वाली सिख्खी दी माडरन छोह दित्ती जावे।

1995 विच्च जदों मैं योगी नूं पहिली वार लास एंजलस विच्च मिलिआ सां तां उस नें बड़ीआं खुल्ल्हीआं गल्लां कीतीआं सन। उस दीआं गल्लां विच्च मड़क वी सी ते रड़क वी सी। उस नें दीन दीआं गल्लां करन दे नाल दुनीआदारी दे फक्कड़ वी तोले। उस नें दस्सिआ सी कि दिल्ली `च कसटम दी चोरी फड़न लई उस नें इक्क दल्ला गंढिआ होइआ सी। उह उस नूं अधीआ खरीदण लई वीह रुपए दिंदा सी ते अधीए पिछ्छे उह चोरां नूं फड़ा दिआ करदा सी। उस नें किहा कि उह दुनीआदारी विच्च किसे नालों घट्ट नहीं सी। मैनूं उस दीआं गल्लां बड़ीआं दिलचसप लग्गीआं सन जिहड़ीआं अज्ज वी याद आ रहीआं हन। उह औरत नूं गरभवती जां हामला कहिण दी थां गभ्भण कहि रिहा सी।

गुरूघर विच्च उस नें नफ़ीस अंगरेज़ी विच्च भाशन दित्ता सी पर अंदर बैठक विच्च उह पूरे पंजाबी रंग विच्च सी। उह गल्लां करदिआं ठुल्ल्हीआं गाल्हां दा पलेथण वी लाई जांदा सी। इक्क गोरी सिंघणी उस नूं खाणा खुआ रही सी ते सफैद दाहड़ी `ते डुल्हदे दाल दहीं दे तुपके नैपकिन नाल साफ कर रही सी। असीं भुंजे पंगत विच्च बैठ के लंगर छकिआ सी पर उह सिंघासण वाली कुरसी `ते बैठा छक रिहा सी।