अज्ज कल्ल्ह अमरीका तों पंजाब आइआ होइआ हां। बड़े चिर बाअद मन ‘च रीझ आई कि अज्ज बाबा शाह इनाइत अली जी दी दरगाह `ते नतमसतक होण पिंड तां जाणा ही है किउं नां नाल ही आपणे खेतां दा गेड़ा लाइआ जावे। चेतिआं विच वसे उनहां खेतां नूं मुड़ तों मिलिआ जावे जिहड़े अकसर ही मेरे सुपनिआं विच आउंदे अते मैनूं आपणी मोह भिज्जी गलवक्कड़ी विच लैंदे। इही खेत जिनहां विच मेरा बचपन अते जवानी दे दिन बीते। खेत जिनहां विच हल्ल वाहिआ सी।

कदे झोना वी लाइआ ते झाड़िआ। कणक दी वाढी कीती अते फiळआं नाल गहाई वी। बहुत ही पिआरीआं अते असीम यादां नूं नविआउण दी तमंना ही मैनूं उनहां राहां वल्ल लै तुरी जिनहां नूं दिन विच कई वार पैदल गाहुंदिआं वी थकावट नहीं सी हुंदी।

मैं ऐकटिवा ‘ते मंड नूं जांदी पक्की सड़क ‘ते पै गिआ जिहड़ी धुस्सी बंनह तक्क जांदी है। कदे इह पहे कच्चे अते धुध्धल भरे सन जिनहां ‘ते मंड विच पशू चारन लई लिजाइआ करदा सां। धुस्सी बंनह तों उतर के जद निगाह मारी तां सारे मंड विच फ़सलां लहिरा रहीआं सन। लहिरां झोना लग्गा होइआ सी भावें कई खेतां विच कमाद वी सी। दस्सदे नें पिछले साल बिआस दरिआ विच अजेहा हहड़ आइआ कि मंड विच कमाद तों बगैर सारीआं ही फ़सलां मारीआं गईआं। दरअसल इस विच मनुख्ख दा लालची सुभाअ कुझ हद्द तीक कसूरवार है। मैनूं याद है कि धुस्सी बंनह दे कोल इक नाळा वगदा हुंदा सी जिस विच दरिआ दा पाणी अकसर ही वगदा रहिंदा अते असीं पशू चारन लई इह नाळा पार करदे सां। पर उस नाळे दा कोई नामो-निशान ही नहीं। असीं आपणे खेत वड्डे करन दी ख़ातर पाणी दे कुदरती वहाअ नूं रोकण तों वी गुरेज़ नहीं करदे अते इस अवग्गिआ कारन उछ्छलिआ बिआस तबाही तां मचाऊगा ही। मंड विच वी जद सबमरसीबल मोटरां लाउण दी नौबत आ जावे तां आउण वाले वकत दा अंदाज़ा सहिजे ही लग्ग जांदा। कदे समां ही कि नाळे दे कंढे हत्थ नाल रेत पुट्टिआं पाणी नें सिंम आउणा अते असीं सिमट चारदिआं पाणी पी लैणा। बिआस दे कंढे वी पाणी मुल्ल विकेगा, अजेहा वकत बहुत जलदी आउण वाला है।

वापस धुस्सी बंनह ‘ते चहड़दिआं याद आउंदा इस दे दोहीं पासीं सफ़ैदिआं दे हरा कचूर जंगल जो धुस्सी बंनह दी मज़बूती वी सी अते कुदरती वातावरण नूं संतुलित करन विच साज़गार वी। हुण जंगलात महिकमे अते सथानक लोकां दीआं नापाक कोशिशां सदका रहि गए नें विरले विरले सफ़ैदे।

वापस पिंड नूं मुड़दिआं मैं आपणे खूह नूं जांदी पही वल्ल मोड़ कट्टिआ तां आळे दुआले दे खेतां दे लालच कारन पही वी सुंगड़ के पगडंडी ही बण गई। हैरानी इस गल्ल दी कि साडे खेत तों अग्गे खूह नूं जांदी पही दा तां नामो-निशान ही नहीं। इह हुण खेतां दा हिस्सा बण चुक्की सी। जद मैं आपणी मोटर ‘ते पहुंचिआं तां मन बहुत उदास हो गिआ। कदे इस मोटर ‘ते मेरा बाप हनेरे-सवेरे इक चक्कर ज़रूर लाउंदा सी। उस नें कनाल कु जगहा ख़ाली रख्खणी तां कि गरमीआं अते सरदीआं दीआं सबज़ीआं लाईआं जाण। कई वार तां उह सवेरे सवेरे साडे लई साग, मेथी, बाथू, पालक जां गाजरां/मूळीआं/शलगम आदि लै के सवखते ही साईकल ‘ते कपूरथले आ जाइआ करदे सन। पर हुण इह बीते दी गल्ल हो गई है। सारे खेतां विच झोना लग्गा होइआ सी अते खहड़े पाणी दे हुंमहस कारन दम वी घुट्टदा सी। कदे इह मोटर धरती ‘ते सी, फिर खूही पुट्ट के लाई अते हुण कुझ दिन पहिलां ही सबमरसीबल मोटर लाई है तां जो धरती विचले पाणी दी हरेक बूंद नूं वी निचोड़िआ जा सके। पंजाब दे ज़िआदातर बलाक डारक ज़ोन विच आ चुक्के हन। जेकर असीं खेती दीआं तरजीहां नूं नां बदलिआ तां कुझ कु सालां विच पंजाब दा मारूथल विच तबदील होणा तैअ है। मुफ़त बिजली नें जित्थे बिजली दी संजमी वरतों नूं विसार दित्ता है, उत्थे हर वेले आटोमैटिक चल्लदीआं मोटरां कारन पाणी दी बेलोड़ी अते बेतहाशा वरतों नें पंज-आब नूं आब विहूणा करन विच कोई कसर नहीं छड्डी। की सरकार मुफ़त बिजली देणा बंद नहीं कर सकदी तां कि पंजाब दा पाणी तां बच जावे।

मोटर कोल सिरफ़ इक सफ़ैदे दा बूटा है। बाप दा हत्थीं लाए अंब अते जामण, फ़सल दी पैदावार वधाउण दी मनुख्खी लालच दा शिकार हो गए। इस मोटर ‘ते अंब दे बूटे तों मिलिआ पक्किआ अंब ही सी जदों मेरे बाप नें मैनूं ‘केरां दित्ता तां निमन नज़म पैदा होई सी;

मां दी मौत तों बाअद

पहिली वार मैं पिंड आइआ हां।

कंध ‘ते लटकदी मां दी तसवीर

मेरे नाल गल्लां ही नहीं करदी

ते मैं कमरे दी चुप्प विच घिरिआ

चुप्प ही हो जांदा हां।

मेरी चुप्प नूं तोड़दी है

घर वड़दे बाप दे पैरां दी बिड़क

उह अंदर लंघ आउंदा है

ते मैनूं देख के

आपणे बोझे विच अंब कढ्ढदिआं कहिंदा है,

“अज्ज नवें खूह वाले अंब तों

आह पक्का अंब लभ्भा सी

लै फड़ चूप लै”

ते मैं बाप दे झुरड़ीआं भरे हत्थ ‘चों

अंब फड़दिआं सोचदा हां

कि

मां दी मौत तों बाअद

बाप

मां वी बण गिआ है।

ते हुण कदे नहीं मिलणी बाप दे रीझ नाल लाए अंब दी छोह, उस दे पक्के अंब चूपण दा अनंद। रसभरीआं जामणां लई तरसणा सिरफ़ मेरे ही हिस्से नहीं आइआ सगों अगली पीहड़ी वी उस वकत नूं तरसेगी जद बरसातां विच रसीआं जामणां खांदिआं जीभ जामणी हो जांदी सी।

आळे-दुआले झात मारदा हां इंज जापदा जिवें खेतां दा मुहांदरा मनुख्ख दी सवै-मारू बिरती नूं प्रगटाअ रहे होण। कई वार लालची बंदा इनहां खेतां विच आपणिआं दीआं कबरां वी पुट्ट लैंदा। भड़ोलिआं नूं भरन वालीआं फ़सलां पैदा करन वाले खेतां विच हुण ख़ुदकुशीआं किउं उग्गण लग्ग पईआं, असीं इह विचारिआ ही नहीं? असीं कणक ते झोने दे चक्कर विच अजेहे फस गए कि घर दीआं हत्थीं उगाईआं सबज़ीआं दी थां मंडी दीआं ज़हिरीलीआं सबज़ीआं खाण लग्ग पए। घर विच लवेरा रख्खण दी बजाए दोधी कोलों नकली/ मिलावटी दुध्ध लैणा मुनासब समझण लग्ग पए। इह वी सोचण दी गल्ल है कि पंजाब विच दुधारू पशूआं दी गिणती तां घट रही है पर दुध्ध दी वधी मंग किवें पूरी हुंदी? ज़ाहिर है नकली दुध्ध दा कारोबार बहुत ज़ोरां-शोरां नाल चल्ल रिहा है। सबज़ीआं, ख़रबूजे ते हदवाणे उगाउण वाले ज़िमींदारां दा निज्जी तौर ‘ते इह मंनणा है कि उह ज़हिरीले सपरेअ ते खादां दी बहुतात नाल उगाईआं चीज़ां आप नहीं खांदे सगों इह सभ कुझ मंडी लई ही हुंदा है। मतलब कि ज़हिर दा वपार ख़ूब करो। पर इस ज़हिर तों तुसीं किंना कु चिर आपणे परिवार नूं बचाउगे? की असीं कनाल कु जगहा विच आपणी लोड़ दीआं सबज़ीआं नहीं उगा सकदे? की असीं आपणे परिवार दी चंगेरी सिहत लई इक लवेरी गां रख्खण तों वी अपंग हो गए? किरत-बिरती दे पंजाबीआं विच किरत तों मुनकरी नें पंजाबीआं दी पछाण नूं बहुत वड्डा खोरा लाइआ है अते साडा समाजिक ताणा-बाणा जरजरी हो गिआ है।

मोटर ‘ते खहड़िआं ही जद मेरी नज़र उज्जड़े खूह दी तरसयोग हालत ‘ते जांदी है तां मन मसोसिआ जांदा है। कदे इस खूह दे चौगिरदे विच अंब, जामण, बोहड़, पिप्पल आदि दरख़तां दी झिड़ी हुंदी सी अते इस दा ठंढा ठार पाणी गरमीआं विच बहुत राहत दिंदा सी। इस दे औळू विच आप वी नहाउणा अते पशूआं नूं वी नहाउणा। गाटी ‘ते बैठ के खूह नूं वाहुण दी बादशाही सवारी दा लुतफ़ साहवें अजोकी कार दी सवारी दा की मुकाबला। बरसातां दे दिनां विच खूह दा पाणी धरती तों सिरफ़ दस कु फुट्ट ही नीवां हुंदा सी। असीं खूह विच छालां मारनीआं, टुभ्भीआं लाउणीआं ते फिर टिंडां राही उप्पर आ जाणा। इस खेड विच ही असां दुपहिरां कट्ट लैणीआं। बहुत ही अणभोल अते पिआरीआं यादां दी रील मन दे पिछवाड़े चल्लण लग्गी। कदे इस खूह ‘ते धूणी बाल के छल्लीआं भुंन के खाणा अते कदे गंने चूपदिआं चूपदिआं छिल्लां दी ढेरी ला देणा। उनहां समिआं विच तुसीं किसे वी खेत विचों गंन भंन सकदे सी, छल्लीआं तोड़ के भुंन सकदे सी। कोई रोक-टोक नहीं सी। हुण तां उह दिन सिरफ़ बीते दी मिठ्ठी जिही याद नें। बीते विच परतणा असंभव हुंदा जद तुसीं वध्ध उपजाऊ करन दी दौड़ विच आपणी विरासत तों बहुत दूर चले जावो।

दरअसल इह खूह सांझां अते सत्थां दा सथान हुंदे। इत्थे ही मजलसां अते महिफ़लां सजदीआं। पींघां झूटीआं जांदीआं। इस दी संघणी छां अते मिठ्ठड़े पाणी नाल ज़िंदगी नूं सहिजता, संतोखी पुणा, शुकराने अते सबर वरगीआं दातां नसीब हुंदीआं। इह सभ कुझ विसर जावे तां मनुख्ख तां हाबड़ जाणा सुभावक।

आळे-दुआले निगाह मारी तां चारे पासे खेत तलाब बणे होए। कुझ विच झोना लग्ग चुक्का अते कुझ विच लाइआ जा रिहा। झोना लाउण वाले अते टरैकटर नाल वी कद्दू करन वाले परवासी मज़दूर। किधरे नहीं नज़र आउंदा कोई पंजाबी जो पनीरी पुट्टदा होवे, टरैकटर नाल कद्दू कर रिहा होवे जां खेत विच गेड़ा लाउण ही आइआ होवे। कदे समां सी कि झोना सारा परिवार रल के लाउंदा, कोई पनीरी पुट्टदा, कोई पनीरी फड़ाउंदा, कोई खूह वाहुंदा। सारा परिवार सवेर तों शाम तीक किरत करदे, खेतां दे किरत योगी बणे, खेतां विच वस्सदे रब्ब दा रूप लग्गदे। पंजाबीआं विचों किरत करन दी आदत दा ख़तम हो जाणा ख़तरनाक रुझान। इस नें साडी पंजाबीअत दा कीता है अजेहा नुकसान कि इस दी भरपाई वी संभव नहीं। अफ़सोस इस गल्ल दा कि आपणे ही खेत विच कंम करन तों आकी होए इही नौजवान जद बाहरले मुलकां विच चले जांदे नें तां हर तरहां दा कंम करन लई तरले करदे हन।

बीते अते मौजूदा हालतां दी निरख़-परख विचों पैदा होए बहुत सारे प्रशन मन विच पैदा होए कि इह किउं हो गिआ? की पंजाब किसे साज़िश दा शिकार हो गिआ? की हरी क्रांती दे नाम हेठ पंजाब कोलों उस दे कुदरती सरोत वी खोह लए गए, पंजाबीआं दी सिहत वी खोह लई अते पंजाबीआं दे पल्ले रहि गए हसपताल अते फरटिलिटी सैंटर? की पंजाब विच जाण बुझ्झ के तां नहीं नशिआं दा जाल विछा के पंजाबी जवानी दा घाण कीता जा रिहा? की पंजाबी विदिआरथीआं दा बेतहाशा अते बेलोड़ा परवास, पंजाब विचों पंजाबी, पंजाबीअत अते पंजाबी मुहांदरे नूं मिटाउण दी कोई कोझी चाल तां नहीं? की इस वरतारे लई असीं पंजाबी ही तां कसूरवार नहीं? की पंजाबी मानसिकता नूं वरगलाइआ जा रिहा है? की पंजाब उजाड़े दे राह ‘ते सरपट दौड़ रिहा ए? की पंजाबीआं विच सवै-चेतना मर चुक्की है? की पंजाबीआं दी भविख्खमुखी सोच जंगाली जा चुक्की है?

ते मन विच कुझ बोल गूंजण लग्गे;

अज्ज बुझ्झे मन नाल खेतों हो के आइआ हां।

बाप दे सुक्क गए अंब नूं रो के आइआ हां।

लभ्भण गिआ सी बीते समें दे नकशां नूं,

अंदर बैठा भरम वी खोह के आइआ हां।

सोचिआ सी मैं फ़सलां दी गलवक्कड़ी दा,

खेतीं उग्गीआं कबरां छोह के आइआ हां।

वट्टां, बंने, खेत सी सूली लटक रहे,

बाप दी लाई बुरजी छोह के आइआं हां।

खूह, आड़, किआरा सुपनीं आउंदे सी,

उनहां दी महड़ी ते हंझू चो के आइआ हां।

मन ‘च वस्सदीआं अल्हड़ जहीआं यादां नूं

खारे पाणी दे नाल धो के आइआ हां।

टाहली, ज़ामन ते चिड़ीआं दीआं कबरां ‘ते,

हुबकीं रोंदिआं मूक खलो के आइआ हां।

सोच रिहा हां काहतों उत्थे जाणा सी,

रूह दे चैन ‘च पीड़ परो के आइआ हां।

ते इनहां सोचां विच गवाचिआ जद मैं पिंड विचले घर पहुंचिआ तां लोहड़े दी गरमी नें मैनूं हालों-बेहाल कीता होइआ सी किउंकि मैं कदे सोचिआ वी नहीं सी कि पंजाब दा तापमान वी लगभग 50 डिगरी सैंटीगरेड तीक पहुंच जावेगा।

रब्ब ख़ैर करे!