अजे दिन दा चानण लाहौर दे पिंडे नूं सुनहिरी किरनां दे पोटिआं नाल सहिला ही रिहा सी जदों असीं चाह पाणी पी के ‘मसऊद ख़द्दर पोश टरस्सट’ वाले समागम तों विहले वी हो गए। रघबीर सिंघ दी पतनी सुलेखा नें मैनूं इशारा कीता कि जे जगतार हुरीं मंन जाण तां आपां अनारकली बाज़ार वल्ल शहिर दा इक गेड़ा ही कढ्ढ आईए। उमर गनी अज्ज लाहौर विच ही रुक गिआ सी। कार साडे कोल सी। जगतार नूं तां असां मना ही लैणा सी।
उमर गनी दी वड्डी कार विच मैं, रघबीर ते सुलेखा पिछ्छे बैठे ते जगतार ते उमर गनी डराईवर वाली सीट दे नाल। गड्डी लाहौर दीआं सड़कां उते तैर रही सी। सड़कां ‘ते कारां, टैकसीआं, थरी-वील्हरां दी भीड़ सी। फुट्ट-पाथां उते लोक पाकिसतान दा कौमी लिबास कुड़ता-सलवार पहिनीं भीड़ां दे रूप विच तुरे फिरदे सन। लाहौर विच चल्लण वाले थरी-वील्हरां दी पिछली तिंनां वाली सीट ‘ते मसां दो बंदिआं दे बैठण जोगी जगहा हुंदी है। तीजा बंदा मसां फस के ही बैठदा है। ‘होर नूं होरी दी’ दे अखाण मुताबक कल्ल्ह इक थरी-वील्हर वाला पुछ्छण लग्गा, ‘सरदार जी! उधर सुणाओ रिकशिआं दा ते किराए भाड़े दा। साडा तां ऐहनां मोटर साईकल रिकशा वालिआं कंम खराब कर दित्ता ए।’’
अकसर थरी-वील्हर वाले सवारी तों उहदे मुकाम ‘ते पुज्जण दे उक्के-पक्के पैसे लैंदे हन ते ‘सालम’ रिकशा करदे हन जद कि मोटर-साईकल नाल चल्लण वाले उस रिकशे दीआं टांगे दीआं सीटां वांग अग्गे-पिछ्छे सीटां होण करके ते रसते विच सवारीआं लाहे-चहड़ाए जाण दी छोट होण करके बहुतीआं सवारीआं उस विच सौखे हो के बैठण नूं पहिल दिंदीआं नें। थोहड़े चिर तों चल्ले इस मोटर साईकल रिकशा नें थरी-वील्हरां दी अजारेदारी ख़तम कर दित्ती सी ते इसे नाराज़गी विचों ही बोल रिहा सी उह थरी-वील्हर वाला। उमर गनी ते जगतार अग्गे बैठे समें समें सूचना दिंदे जा रहे सन: मिऊज़ीअम, ज़िला कचहिरीआं, हज़रत दाता गंज बख़श दी यादगार ते वड्डा डाकख़ाना। असीं लंघदीआं इमारतां ते लोकां दी भीड़ नूं नज़रां विच सथिर करन दी असफ़ल कोशिश करदे।
अनारकली दे नज़दीक जा के गड्डी पारक करनी सी। सड़कां ‘ते ही इक पासे पारकिंग दा प्रबंध सी। असीं गड्डी पारक करके हेठां उतरे तां मुंडे नें ‘पारकिंग फीस’ पंज रुपए मंगी। उमर गनी कोल खुल्ल्हे पंज रुपए नहीं सन ते महिमान निवाज़ी नूं मुख्ख रख्खदिआं उह सानूं पैसे खरचण नहीं सी दिंदा। उस नें मुंडे नूं वड्डा नोट फड़ाइआ पर उह ‘पंजां दा नोट’ ही लैण ‘ते बज़िद्द सी। उमर गनी उस नूं पिआर नाल मनाउण दी कोशिश कर रिहा सी। साडे वी किसे कोल पंज दा नोट नहीं सी। जदों सभ नें ही उस कोल आपणी बेवसी प्रगट कीती तां उस नें खिझ्झ के आखिआ, ‘‘ऐडीआं-ऐडीआं कारां लै के आ जांदे नें ते जेब विच पंजां दा नोट वी नहीं हुंदा।’’
असीं उस दी इस अजीब ज़िद ते टिप्पणी उते हस्सदे अनारकली बाज़ार नूं तुर पए। इथे जहांगीर नें आपणी दासी प्रेमिका अनारकली दी यादगार बणवाई सी ते उस दे नां उते ही इस बाज़ार दा नां ‘अनारकली बाज़ार’ प्रसिध्ध हो गिआ। बड़ा नां सुणिआ सी इस बाज़ार दा ते हुण सभ तों वड्डी ख़ुशी इहो सी कि असीं इस इतिहासक बाज़ार दीआं खुल्ल्हीआं सड़कां ‘ते घुंम रहे सां। दोहीं पासीं दुकानां विच गाहकां दी भीड़ सी। ख़ूबसूरत लाहौरनां शाम दे वकत पहिन-पच्चर के ख़रीददारी लई निकलीआं सन। किसे किसे औरत नें ही परदा कीता होइआ सी। सुलेखा ते रघबीर सिंघ पाकिसतान दा कौमी लिबास सलवार-कमीज़ खरीदणा चाहुंदे सन। असीं इक शोअ-रूम विच दाख़ल होए तां शोअ-रूम दे मालक नें ‘जी आइआ’ आख के साडी मंग पूरी करन लई इक विशेश सेलज़मैन दी डिऊटी लाई। उह सानूं शोअ-रूम दे उपरले हिस्से विच लै गिआ। वख्ख-वख्ख रंगां विच झम-झम करदे सूट शीशे दीआं अलमारीआं विच टंगे होए सन।
उस नौजवान नें आपणे साथीआं दी मदद नाल सानूं वख्ख वख्ख सूट विखाउणे शुरू कीते। रघबीर सिंघ रोज़-मरा दी वरतों लई सूट ख़रीदणा चाहुंदा सी। उस नौजवान नें कीमत दी गल्ल उहदे आपणे उते ही छड्डदिआं रंग दी चोण करन लई किहा।
‘‘तुसीं साडे ख़ास महिमान हो। तुहाथों वध्ध कीमत दा सोच वी नहीं सकदे।’’
उस नें सूट दा शाइद साढे तिंन सौ जां चार सौ रुपिआ मंगिआ ते तिंन सौ विच सहिजे ही मंन गिआ। इस भाअ तां इह कीमत कुझ वी नहीं सी। भारती सिक्के दी कीमत मुताबक सवा दो सौ रुपए वी नहीं सन बणदे। मेरा मन वी फुरक पिआ। रंग ते कप्पड़े दी चोण करदिआं काफ़ी समां लग्ग चुक्का सी। मेरी वारी होर ज़िआदा देर नां लग्ग जावे, इस लई जगतार नें किहा, ‘‘यार छेती करो।’’
मैं ते उमर गनी खड़ोते सां। नौजवान नें पहिले ही दो-तिंन सूट विखाए। रंग मेरी नज़र नूं जच गए सन। मैं होर सूट कढ्ढण तों उस नूं मनहा कर दित्ता। उमर गनी मेरी इस तुरंत चोण उते बहुत ख़ुश होइआ।
‘‘असल गल्ल तां नज़र नूं जचण दी हुंदी है। भावें सौ-पीस वेखो जे नज़र नूं नहीं जचदा तां कोई अरथ नहीं। इंज पहिले पीस ही नज़र नूं चंगे लग्ग जाण तां होर वेखा-विखाई दी की लोड़?’’
इह आख के मैं टंगे होए सूटां विचो इक सूट पसंद कीता। करीम रंग दा ते उपर नसवारी कढाई वाली वासकट। मैं सोचिआ आपणे पुत्तर सुपनदीप लई ख़रीद लवां।
‘‘दिल करदै तां सुपन लई ख़रीद लवो। रघबीर हुरीं अगले महीने कैनेडा जा रहे नें। सुपन वासते सूट लई जाणगे’’ सुलेखा नें किहा।
मैं भाअ पुछ्छिआ। उस नें अठारां सौ रुपए दस्सिआ। कर-करा के उह चौदां सौ रुपए नूं देणा मंन गिआ। मेरे मन विच दुबिधा सी कि पता नहीं सुपनदीप इस नूं पहिनणा पसंद वी करे जां नां। सुलेखा नें किहा, ‘‘जे बारां सौ दा देणा ए तां वेख लै।’’
उस नूं सौदा मनज़ूर नहीं सी। हेठां आए तां पैसे देंदिआं असीं काउंटर ‘ते  बैठे बज़ुरग नूं उस सूट बारे आखिआ तां उह मुंडे नूं कहिण लग्गा, ‘‘वेख लै, जे लग्गी कीमत बारां सौ तक है तां दे देह, सरदार हुरां किहड़ा रोज़-रोज़ आउणै।’’
पर मुंडा नां मंनिआ। शाइद उस नूं सच्च-मुच्च ही घाटा पैंदा सी।
दुकानदार नें आखिआ, ‘‘सरदार जी! इंडीआ जा के वी याद करोगे, होर सूट लै आउंदे तां चंगा सी।’’
ख़रीददारी करन विच मैं तां बिलकुल अनाड़ी हां। मैनूं भाअ-भत्ता करना नहीं आउंदा। मैं सुलेखा कोल आपणी पतनी दीआं चुंनीआं दा इक थान खरीद के लिआउण दी इछ्छा दा प्रगटावा कीता। उस नें दस्सिआ कि उह पहिलां दुपहिर वेले दिल्ली दीआं प्रोफैसर अरौतां नाल अनारकली दा गेड़ा कढ्ढ गई सी। उस नूं इक दुकान दा वी पता सी जिथों इक निसचित रेट ‘ते उनहां औरतां नें थान ख़रीदिआ सी। अनारकली दे मुख्ख बाज़ार दे विचो-विच, साईडां उत्ते छोटे-छोटे बाज़ार निकलदे हन। असीं इक छोटे बाज़ार विचों मोढे खहिंदी भीड़ विचों लंघ के उस ख़ास दुकान ‘ते जा खड़ोते। सुलेखा नें शुध कप्पड़े दीआं चुंनीआं मंगीआं ते दाअवा कीता कि उस नूं कप्पड़े दी पछाण अते कीमत दा पता है। ठीक थान वेख के उस नें रेट पुछ्छिआ। दुकान वाले नें सोलां सौ रुपए दस्सिआ। सुलेखा नें किहा, ‘‘अजे दुपहिर वेले इहदे नाल दा थान असीं अठ्ठ सौ विच लै के गए हां।’’
‘‘की गल्ल करदे ओ भैण जी! कप्पड़ा ते वेखो हत्थ ला के… उस रेट विच वी है नें…आह वेखो।’’ उस नें इक होर थान सुलेखा अग्गे सुट्टिआ। सुलेखा नें उस थान वल्ल बेमालूमी झात मार के पहिले थान उते मुड़ हत्थ रख्खिआ, ‘‘नहीं अठ्ठ सौ विच।’’
मैनूं आपणी पतनी नाल शापिंग करदिआं इह अनुभव हो चुक्का सी कि ज़नानीआं कई वार असलों ही हेठले मुल्ल तों शुरू करदीआं हन। मैनूं तां दस्से होए मुल्ल तों एना घट्ट मुल्ल लाउंदिआं उंज ही संग आउंदी है। जदों मेरी पतनी किसे वसतू दे रेट निसचित कर रही हुंदी है तां मैं नज़र बचा के एधर-ओधर हो जांदा हां। पतनी आखेगी, ‘‘तुहानूं नहीं पता इनहां दा।’’
हुण जदों सोलां सौ दे थान नूं सुलेखा अठ्ठ सौ विच मंग रही सी तां सानूं वी अजीब लग्ग रिहा सी। इक अध्धी वार असीं वी उस नूं ‘‘झूठा-सच्चा’’ कीमत ठीक लाउण लई किहा तां उह ‘साडे मूंह’ नूं चौदां सौ ‘ते मंन गिआ। पर सुलेखा तां आपणी ज़िद उते सी।
‘‘भैण जी! सच्ची पुछ्छदे ओ तां तेरां सौ नूं इह थान सानूं घर पैंदा है… असीं सौ रुपए वी नां कमाईए थान ‘चों तां खाणा कित्थों ए?’’
दुकानदार दी गल्ल सानूं वाजब लग्गदी सी। असीं दुकान दे थड़ेह तों हेठां उतर आए। मैं रघबीर सिंघ नूं किहा, ‘‘इस तों घट्ट हुण उह देण नहीं लग्गा।’’
‘‘इनहां बीबीआं दा वी शापिंग करन दा आपणी ही अंदाज़ है। मैं तां आप तेरे वांग ही हां। मैनूं तां आप संग आ जांदी है जदों साडीआं बीबीआं इंज करदीआं नें। चौदां सौ दा थान हुण उह अठ्ठ सौ दा दे वी किवें देवे! उस नें वी तां कुझ खट्टणा ए।’’ रघबीर सिंघ नें किहा।
अजे साडी गल्ल पूरी वी नहीं सी होई कि सुलेखा दुकान तों हेठां आई ते मैनूं कहिण लग्गी, ‘‘छेती छेती कढ्ढो साढे अठ्ठ सौ रुपईआ…उह मंन गिऐ। सवेरे वी उनहां नें साढे अठ्ठ सौ ‘च ही इह थान खड़िआ सी। मैं तां उंज ही अठ्ठ सौ आखी जांदी सां।’’
असीं सुलेखा दी सफलता ‘ते हैरान अते ख़ुश होए ते सानूं मंनणा पिआ कि साडीआं बीबीआं ठीक ही हुंदीआं नें।
शापिंग लई सुलेखा दी अगवाई निसचित रूप विच मंन लई गई सी ते उस दी अगवाई विच ही मैं आपणीआं बच्चीआं लई सितारा सुपना लोन दे सूट ख़रीद लए।
रौशनीआं नाल अनारकली बाज़ार जगमगा रिहा सी। लग्गदा सी जिवें जलंधर, अंम्रितसर जां लुधिआणा दे ही किसे बाज़ार विच घुंम रहे होईए। लाहौरीए दुकानदार नें रेट हेठां डेग के अंबरसरीए दुकानदारां दा माण रख्ख लिआ सी। आख़रकार दोहां दा इक ख़मीर सी। इस पख्खों वी दोवें मुलक बराबर दे भाईबंद सन।