शाम दा घुसमुसा अजे पसरिआ ही सी ते किसे दे चित्त-चेते वी नहीं सी कि इह घुसमुसा इक-दम काली बोली रात वांग सारे पिंड 'ते पसर जावेगा जां इह काली-बोली रात किसे परिवार जां विशेश विअकतीआं लई उमरां जिंनी लंमी हो जावेगी। दीवाली नेड़े सी, पर पंजाब दे हालात ठीक नां होण करके पटाके चलाउण दी मनाही सी। उंज लोकां इहो समझिआ कि किसे नें निक्के मोटे पटाके ही चलाए होणगे। गोली दी आवाज़ तां लग्गदी नहीं सी।

पर इह गोली दी ही आवाज़ सी।

किसे नें चुबारे दी बारी 'चों सिर बाहर कढ्ढ के वेखिआ। शाम लाल काहली काहली दुकान बंद कर रिहा सी।

"की गल्ल होई?" चुबारे वाले नें पुछ्छिआ।

एने नूं बाज़ार दी परली नुक्करों भज्जा भज्जा आउंदा कोई जणा घबराहट विच उच्ची उच्ची बोलदा ते हत्थ हिलाउंदा छिपन हो गिआ।

"दुकानां बंद कर दिओ । उहनां नें बड़िआं नूं गोलीआं मारीआं नें। भज्ज जाओ सभ। लुक जो छेती।"

शाम लाल तों कंबदे हत्थां नाल छेती छेती दुकान दा ताला नहीं सी लग्ग रिहा। उह कंबदी लड़खड़ाउंदी ज़बान नाल चुबारे वाले नूं वी दस्स रिहा सी।

"ओ जी, मैनूं वी मारन लग्गे सन । मैं भज्ज के दुकान अंदर वड़ गिआ। गोलीआं बोरीआं 'च वज्जीआं। फिर उह केवल वल्ल होए। पर उह ऐं नूं भज्ज गिआ।" उस दुकान बंद करके थहड़े तों उत्तरदिआं खब्बे पासे वल्ल इशारा करके उतांह वेखिआ। पर चुबारे दी बारी तां कदों दी बंद हो चुक्की सी!

साहमणे केवल दी दुकान उत्ते दूधीआ रौशनी विच उसदा मठिआई वाला शो-केश चमक रिहा सी। थहड़े 'ते पिआ दहीं दा इक्क कूंडा, जो विक जाण करके खाली हो गिआ सी, भठ्ठी वल्ल उल्लरिआ होइआ सी ते दूजा पैर वज्जण करके टेढा हो के डुल्ल्हा पिआ सी। जिस छोटे कप्प नाल उह कूंडे विचों दहीं मिण के पाउंदा सी, उह बाज़ार दे ऐन विचकार टुट्टा होइआ सी। इक्क-दम सारे बाज़ार विच दिओ फिर गिआ। संनहाटा छा गिआ सी। सहिमी होई चुप्प कंनां विच 'शां शां' कर रही सी। सभ अंदरो अंदरी दड़ गए सन। कोई सिर घर 'चों बाहर नहीं सी हो रिहा। किधरों कोई आवाज़ नहीं सी आ रही। सारे पिंड नूं जिवें सप्प सुंघ गिआ सी।'

उपरला द्रिश मेरी कहाणी 'भज्जीआं बाहीं'विचों लिआ गिआ है। नावां दी बदली तों इलावा इस विच पेश वेरवा वासतविकता दे बहुत नेड़े है। मैं उदों अजे लाइलपुर ख़ालसा कालज जलंधर विच नहीं सां आइआ अते आपणे पिंड सुर सिंघ, ज़िल्हा अंम्रितसर दे हाई सकूल विच ही पहड़ाउंदा सां। इह छे अकतूबर 1984 दा दिन सी।

शाम हो चल्ली सी। मेरे बच्चे आपणी 'भैण जी' कोलों टिऊशन पहड़ के अजे परते नहीं सन। इहनां दिनां विच हनहेरा होण तों पहिलां उहनां दा घर पहुंचणा लाज़मी सी; पर अज्ज तां उहनां नें देर कर दित्ती सी। मैं उहनां नूं लैण लई अग्गलवांढी गिआ। उह आराम नाल आपस विच गल्लां करदे 'टहिलदे' आ रहे सन। मैं उहनां नूं छेती तुरन लई किहा। अजे असीं आपणे घर पुज्जे ही सां कि साडे घर दे साहमणिओं गोली चल्लण दी आवाज़ आई।

"पता नहीं कौण पटाके चलाउण डिहा ए?" मन विच ख़ुतख़ुती होई।

मैं पैरीं जुत्ती अड़ा के पता करन लई बाहर निकलण ही लग्गा सां कि पतनी नें वरजिआ।

"सुणदे नहीं, इह गोली दी आवाज़ ऐ। हुण आह वेखो दूरों बाज़ार चों अजे वी खड़ाक आउण डिहा।"

"फिर वी वेखां तां सही!"

मैं उसदे रोकदिआं वी बाहरला दरवाज़ा खोल्ह के बाज़ार विच आ गिआ । साडा घर साडे पिंड 'सुर सिंघ' दे मेन बाज़ार विच सी। आसे पासे सभ हिंदू आबादी सी अते विचकार इक्को इक्क सी साडा 'जट्ट-सिख्खां' दा घर'। साडा बाहरला वड्डा दरवाज़ा बाज़ार विच ही खुल्ल्हदा सी। पंदरां कु फुट्ट बाज़ार छड्ड के साडे दरवाज़े दे ऐन साहमणे गुरलाल चंद दी हलवाई दी दुकान सी। उसदे नाल ही साडे घर नूं साहमणे सज्जे हत्थ उसदे भरा गोपाल चंद दी पंसारी दी दुकान सी। हालात दे मद्दे-नज़र दोहां भरावां नें वेले सिर ही दुकानां बंद कर लईआं सन। पर फिर वी अजे बाज़ार विच चहिल- पहिल सी अते कई दुकानां अजे वी खुल्ल्हीआं होईआं सन।। गोपाल चंद दी दुकान तों इक्क दुकान छड्ड के उसदे 'तीजे नंबर' दे घरों अड्ड होए मुंडे 'मंगे' दी पकौड़िआं, दहीं-भल्लिआं अते मठिआई दी दुकान सी। इहनां सारीआं दुकानां दा मूंह लहिंदे नूं साडे घर नूं साहमणा सी जद कि साडे घर वांग चहड़दे पासे नूं मूंह वालीआं दो दुकानां साडे घर दीआं कंधां दे सज्जे खब्बे पासे लग्गदीआं सन। खब्बे हत्थ सी डाकटर गुलज़ारी लाल दी दुकान। उसनूं सारे 'लाल डाकटर' ही आखदे सन। साडे घर दे सज्जे हत्थ सी वेद प्रकाश दी पंसारी दी दुकान।

मैं जदों घरों बाहर निकलिआ तां बाज़ार विच कोई बंदा दिखाई नां दित्ता। वेद प्रकाश कंबदे हत्थां नाल दुकान दा दरवाज़ा बंद कर रिहा सी। कहाणी विचला 'शाम लाल' उहो ही है। चुबारे 'चों सिर बाहर कढ्ढ के सवाल कीता सी गुरलाल चंद नें। पर जदों पता लग्गा कि गोली चल्ली है तां उहदा घर विच दड़ जाणा कुदरती ही सी। दरवाज़ा बंद करके आपणे घर नूं दौड़दिआं होइआं घरकदी आवाज़ विच वेद प्रकाश नें मैनूं आखिआ, "मासटर जी तुसीं घर नूं जाओ। तुसीं एथे की करदे ओ! उह मुड़ के वी आ सकदे नें। गोलीआं दा खड़ाक नहीं सुणदा पिआ तुहानूं?"

गल्ल तां उसदी ठीक सी। उहनां लई किहड़ा एथे टरैफ़िक दा 'वंन वे' कानूंन लागू हुंदा सी! चहड़दे पासे जिध्धर उह गए सन, पुलिस चौकी होण करके उधरों मुड़ के वापस आउण अते पिंड दे लहिंदे पासे 'निकलणा' 'उहनां' लई उंज वी वधेरे 'सुरख्खिअत' होणा सी। पर मैं घर नहीं गिआ। कुझ चिर पहिलां रौणक नाल भरे बाज़ार विच हुण मैं इकल्ला खलोता सां। बाज़ार सुंन-उजाड़ होइआ पिआ सी। बंदा नां बंदे दी ज़ात! किसे दी आवाज़ वी नहीं सी आ रही। सच्च मुच्च जिवें पिंड नूं सप्प सुंघ गिआ सी। बाज़ार विच खलोतिआं मैं सोचिआ कि 'उह' बाज़ार दे खब्बे पासे वल्लों गोलीआं चलाउंदे होए सज्जे पासे नूं निकले हन; बाज़ार दे खब्बे हत्थ जा के वेखां तां सही!

मैं खब्बे पासे नज़र मारी तां साडे घर तों पंजाह कु गज़ दूर कोई जणा बाज़ार विच चौफ़ाल डिग्गा पिआ सी। मैं मदद करन लई तुरत उहदे कोल पुज्जा। इह तां गोपाल चंद दा पुत्तर 'मंगा'सी। कहाणी विच इसदा नां 'केवल'है। उसनूं उसदी दुकान 'ते ही गोली लग्ग गई जापदी सी। जान बचाउण लई दुकान तों दौड़दा होइआ इत्थे आ के ढहि पिआ सी। विचारा! खुशदिल मंगा हुण लाश विच बदल चुक्का सी। मैं हुण उस लई कुझ नहीं सां कर सकदा!

उथे खलो के, मैं, पिछ्छे बाज़ार वल्ल नज़र मारी तां वेखिआ लाल डाकटर दी दुकान खुल्ल्ही होई सी। मैं काहली काहली दुकान 'ते पुज्जा। वेखिआ; लाल बैंच 'ते लुड़किआ होइआ सी। गोली उसदे नक्क 'चों लंघ के गले विच अटक गई सी। उह अजे साह लै रिहा सी। साह लैंदिआं 'घरड़ घरड़'दी आवाज़ आ रही सी। हिंमत करके इस नूं बचाउण दी कोशिश तां कीती ही जा सकदी सी! मैं दौड़ के घर आपणी पतनी नूं दस्सिआ। उदों पिंड विच दस पंदरां घरां विच ही टैलीफ़ोन लग्गे सन। मैं उसनूं आपणे घरों गुलज़ारी लाल दे घर दे नेड़े तेड़े किसे नूं फ़ोन करन वासते आखिआ। घबराइआ होइआ मैं फिर लाल डाकटर कोल गिआ। उहदे हत्थ घुट्टे अते हौंसला रख्खण लई किहा। हुण घट्टो-घट्ट चार बंदे तां चाहीदे सन इसनूं चुक्क के लिजाण लई। जिंनहां दे घरदे अजे दुकानां बंद करके घरीं नहीं सन पहुंचे; ख़तरा टल गिआ जाण के, उहनां विचों कोई कोई जणा उहनां आपणिआं दी ख़ैर-सुख्ख पता करन लई बाज़ार विच निकल आइआ सी। मंगे दा भरा राम घबराइआ होइआ आइआ अते डाकटर नूं वेख के मंगे बारे मैथों पुछ्छण लग्गा। मैं बाज़ार विच पए मंगे वल्ल इशारा करके उसनूं दुख़दाई ख़बर सुणाई। उह रोंदा होइआ ओधर दौड़िआ। उहदी लेर निकली, "हाइ! उए साडे भरा नूं मार गए लोको!" कोई परहिओं दौड़दा अते दुहाई पाउंदा आइआ अते राम नूं किहा, "तेरे भापे गोपाल शाह नूं गोलीआं वज्जीआं। उहनूं बचा लौ भज्ज के, जे बचाइआ जांदा तां।"

मंगे नूं भरे बाज़ार विच लावारिस छड्ड के उह पिओ नूं लभ्भण भज्जा। गोपाल चंद किसे होर दी दुकान 'ते खलोता 'गप्प-शप्प'मार रिहा 'उहनां' दे 'राह' विच आ गिआ सी।

मैं किसे नूं आपणे वल्ल आउंदा वेख के ज़ोर नाल किहा, "मेरे वल्ल नां आ। डाकटर दे घर जाह भज्ज के । इहनूं बचा लईए किसे तरहां।"

थोहड़ी देर पिछ्छों गुलज़ारी लाल दा छोटा भरा विजै, लाल दी पतनी अते दोवें बच्चे दुकान 'ते पहुंच गए। चीक -चिहाड़ा पै गिआ। शोर सुण के मेरी पतनी वी बाहर आ गई।

"बचाओ इहनां नूं! छेती तों छेती हसपताल लै के जाओ। भैण जी तुसीं कोई फ़िकर नां करो। कुझ नहीं हुंदा भा जी नूं। चुप्प कर मेरी बीबी धी।" मेरी पतनी मैनूं वी कहि रही सी अते लाल दी पतनी ते धी नूं हौंसला वी दे रही सी।

लाल नाल साडी परिवारक सांझ सी। इह सांझ तां साडी उंज सारिआं आंढीआं गुआंढीआं नाल ही सी। साडी आपणी पत्ती अते शरीके दे परिवार तां साथों दूर साडी पत्ती 'चंदू की' विच वस्सदे सन। साडा रोज़-मर्रा दा भाईचारा तां इहनां लोकां नाल ही सी। गुरलाल चंद, गोपाल चंद, वेद प्रकाश ते लाभ चंद हुरीं ही मेरे नेड़ले 'चाचे-ताए'सन। लाल नाल मेरा बचपन तों यराना सी। उस दे पिता करम चंद नूं जदों कदी दुकान 'ते मरीज़ां वल्लों विहल हुंदी सी तां उहने कई वार साडे घर वड़दिआं दूरों ही ऐलान कर देणा, "हरनाम कुरे! ओ जोगिंदर कुरे! कित्थे ओ? कोई रोटी पई आ चंगेर 'च कि नहीं? घर नहीं जाइआ गिआ। मरीज़ आ गए सी; टाईम ई नहीं मिलिआ घर जाण दा। लिआओ फड़ाओ दो रोटीआं हैथों।" उह मेरी दादी अते मां नूं मुखातब हुंदा।

"रोटीआं तां हैगीआं पर असीं सज्जरीआं लाह देंदीआं, जी।" दादी जां मां 'चों कोई आखदी। उमर विच उह मेरे पिओ तों अठ्ठ-दस साल वड्डा सी पर 'डाकटर' होण करके उसतों मेरी मां घुंड नहीं सी कढ्ढदी। उह थाली वी नां लैंदा। हथेली उते ही दो फुलके रख्ख के उहनां उत्ते ही दाल-सबज़ी पुआ लैंदा अते साडे चौंतरे दी छोटी जिही कंध 'ते पैर रख्ख के खड़ा-खलोता रोटी खा लैंदा। उहदी मौत तों पिछ्छों दुकान उत्ते लाल बैठण लग्गा। उस कोल मेरे बच्चे आपे ही चले जांदे। बीमारी दस्सदे ते दवाई लै के आ जांदे। उह दवाई दे पैसिआं दा कोई हिसाब-किताब नां लिखदा। कहिंदा, "आपे चेते रख्खो। इह तुहाडा कंम ए।" असीं दवाई लै के आउंदे तां तुरत दवाई दा वेरवा कापी 'ते लिखदे तांकि बाअद विच कोई 'आईटम' भुलेखे नाल लिखणों रहि नां जावे! होरनां दा हिसाब किताब उह लिख के रख्खदा ही सी पर साडा हिसाब किताब रख्खण लई तिआर नहीं सी। इह उसदा साडे परिवार नूं दूजिआं तों वख्खरा निखेड़ के, साडे लई मोह अते माण जताउण दा ही इक्क संकेत सी। उह कदी कदी मेरे सज्जे गुट्ट नूं हत्थ विच फहड़दा अते उलटा करके मेरे गुट्ट 'ते बणे इंच भर चौड़े निशान नूं वेखदा। फिर हस्सदिआं आखदा, "बड़ीआं जुत्तीआं पईआं सन उदों बाऊ जी तों।" रंबिआं नाल खूह किआरीआं खेडदिआं बचपन विच उसतों मेरे गुट्ट 'ते रंबा वज्ज गिआ सी, जिस नाल होए बड़े वड्डे ज़ख़म दा निशान अजे वी मेरे गुट्ट उत्ते चमकदा है।

मेरे बचपन दा यार मेरे साहमणे मरनाऊ पिआ सी। इस नूं बचाउणा ज़रूरी सी। लोकां दे दरवाज़े बंद सन। मंजा कढ्ढण करके खोल्हिआ मेरे घर दा दरवाज़ा अजे वी चौड़-चुपट्ट खुल्ल्हा होइआ सी। मैं घर दा अते दिल दा दरवाज़ा बंद नहीं सां कर सकदा! लोकां दे 'वज्जे कुंडे' अते 'गुंगी चुप्प' नें मैनूं चेता कराइआ कि मैं 'गोलीआं वज्जण वालिआं दा' 'सहाइक' बण के 'गोलीआं मारन वालिआं' दी 'मारू नाराज़गी' सहेड़ रिहा सां। पर इह इहो जिहीआं गिणतीआं मिणतीआं करन दा समां नहीं सी।

"छेती करो जी! वेखदे की ओ!"

पतनी नें काहली नाल आखिआ।

मैं उसनूं किहा कि लाल दे परिवार दे बाकी जीआं नूं उह आपणे घर लै जावे अते हो सके तां पुलिस नूं वी फ़ोन कर दए।

असां बिनां कोई होर देरी कीतिआं गुलज़ारी लाल नूं चुक्क के मंजे 'ते पाइआ अते पिंडों बाहरवार चहड़दे पासे सथित पिंड दे प्राइमरी हैलथ सैंटर वल्ल दौड़ पए। बाज़ार विचों लंघ रहे सां तां वेखिआ; कई जणिआं नूं गोलीआं लग्गीआं सन। उहनां दे वाली वारस वी उहनां नूं 'सांभ' रहे सन।

कोई कहि रिहा सी, "अजे हुणे ऐं नूं जांदे मैं आप वेखे नें। हाले पिंडों बाहर नहीं गए होणे। पुलिस घेरा पाए तां फहड़े जा सकदे नें!"

बाज़ार लंघ के अग्गे होए तां राह विच खलोता पुलिस चौकी दा थाणेदार मंजी 'ते पिआ बंदा वेख के पुछ्छण लग्गा, "कौण एं? की होइआ?"

असीं दस्सिआ तां घबराइआ होइआ कहिण लग्गा, "मैं तां कुदरती ऐथे दुकान 'ते खलोता सां कि उह दूरों गोलीआं चलाउंदे आउंदे दिसे। मैं तां ऐधर ओहले 'च हो गिआ।" सहिवन ही उसदे मूंहों सच्च निकल गिआ।

'इसे पुलिस' नें 'उहनां' नूं फहड़ना सी!

प्राइमरी हैलथ सैंटर कोल पुज्जे तां सी आर पी वालिआं दा टोला लंगड़ाउंदी चाल पिंड वल्ल जा रिहा सी। इस चाले तां इहनां नें उहनां नूं हुणे ही जा घेरना सी भला! हौली हौली हसपताल विच ख़ासी भीड़ इकठ्ठी हो गई सी। इक्क बंदे, मंगे दी मौत हो गई सी अते होर चौदां बंदिआं नूं गोलीआं लग्गीआं सन। हरेक दे पंज -पंज, सत्त-सत्त वारस नाल आए सन। किस नूं ठंढा कढ्ढदा सी! डाकटर गुरदिआल सिंघ गिल्ल मेरा जाणूं सी। असीं दोवें झबाल विआहे होए सां अते साडे दोहां दे सालिआं दा आपस विच बड़ा सनेह सी। उसने फ़िकरमंदी नाल किहा, "संधू साहिब! जे इहनां दी जान बचाउणी एं तां फ़सट-एड दिवा के इहनां नूं छेती तों छेती अंबरसर लै जाओ।"

आपणा अमला-फैला लै के डाकटर गिल्ल मरहम-पट्टी विच रुझ्झ गिआ। विजै नूं लाल कोल खड़ा करके मैं दूजे ज़ख़मीआं दा हाल-हवाल पता करन लग्गा। सारे मेरे आपणे ही तां सन। मंगे अते राम दा पिओ गोपाल चंद मेरा साहमणा गुआंढी 'ताइआ' सी। अग्गे मदन 'मद्दो'दा मुंडा सी। राम लुभाइआ कंडकटर सी। चमन लाल सी अते होर किंने जणे सन! हर इक्क जणा 'आपणे ज़ख़मी' वासते सभ तों पहिलां मुढ्ढली सहाइता देण दी मंग कर रिहा सी।

एने गंभीर मरीज़ां दा इलाज कर सकण दा प्राइमरी हैलथ सैंटर विच कोई प्रबंध नहीं सी।

लाल दा मूंह अते गला सुज्ज गिआ सी । घोरड़ू वज्जण लग्गा।

"भा जी हुण की करीए?" लाल दा भरा बेवस्स होइआ मैनूं पुछ्छण लग्गा। दूजे जणे वी मेरे मूंह वल्ल वेखण लग्गे। उहनां नूं तां कोई सुझदी औहड़दी नहीं सी। अंम्रितसर जाण दा प्रबंध किवें होवे! अचनचेत मैनूं ख़िआल आइआ, "आपां सी आर पी वालिआं नूं आखदे आं। उहनां दीआं गड्डीआं जां टरक्क हुंदे नें। आओ! उहनां नाल गल्ल करीए।"

हसपताल दे नाल ही सी आर पी वालिआं दा 'डेरा' सी। मेरे नाल ही होर ज़ख़मीआं दे वारस वी उधर नूं तुर पए। सी आर पी दा इंसपैकटर कहिंदा, "साडीआं गड्डीआं विहलीआं नहीं। असीं पिंड नूं घेरा पाउण लग्गे आं।"

सानूं उसदी दलील 'ते गुस्सा आइआ। किंनही थोथी दलील सी!

'अजे इहनां नें घेरा पाउणा सी!'

"देखो श्री मान जी, तुहाडे वल्लों सहियोग नां देण करके जे साडे बंदिआं 'चों किसे दी जान चली गई तां उसदे 'कतळ' दे ज़िंमेवार तुसीं होवोगे।" मैं पूरी करड़ाई नाल आखिआ अते नाल दे साथीआं नूं हल्ला-शेरी दित्ती। उहनां दे तां बंदे मरदे पए सन। उहनां दा उब्बलदा अंदर बाहर आ गिआ। किसे सते होए नें इह वी किहा, "जे तुसीं घेरा पाउण जोगे हुंदे तां इह कुझ वापरदा ही किउं?"

"वेखो साहब बहादर! साडी मदद करो नहीं तां तुहाडा इह रवई्ईआ तुहाडे अफ़सरां नूं दस्सांगे। सरकार नूं दस्सांगे। दुखी बंदे कोल होर चारा वी की है!" मेरे बोलां विच तरले, नरमी अते सख़ती दा मिशरण सी।

"चल्लो करदे आं कोई बंदोबसत।"

असल विच उह लोकां दे रोह अग्गे ढैला पै गिआ सी।

सी आर पी दीआं गड्डीआं 'ते ज़ख़मीआं नूं लद्दिआ जाण लग्गा। लाल नाल उसदा छोटा भरा विजै अते होर इक्क-जणा गिआ। गोपाल चंद नाल राम अते उसदा फौजी भरा बैठ गए। थोहड़े चिर पिछ्छों गड्डीआं अंम्रितसर नूं रवाना हो गईआं। इंज सभ नाल कुझ लोड़ींदे बंदे बैठ गए।

रात अध्धी तों वध्ध बीत चुक्की सी। ज़ख़मीआं नाल आए होर बहुत सारे लोक आपो आपणे घरां नूं वापस मुड़ गए। मैं वी घर जाण दी सोची। लाल दा परिवार मेरे घर बैठा 'सुख्ख-सांद' दी उडीक कर रिहा सी। मैनूं जा के उहनां नूं झूठा-सच्चा हौंसला देणा होवेगा।

किसे किहा, 'ऐस ऐस पी मौका वेखण आ रिहा ए।"

दूजे आखण लग्गे, "चल्लो, जा के पुलिस दी ख़बर लईए। थाणेदार तां आप मूतदा लुकदा फिरदा सी। इहनां साडी राखी की करनी एं?" उहनां दा रंज सच्चा सी।

मैं सोचिआ: पुलिस नूं मिल के मैं हुण की लैणा सी! पुलिस नाल 'लड़' के हुण होणां वी की सी! पहिल तां ज़ख़मीआं नूं 'टिकाणे' 'ते पहुंचाउणा सी अते उह कंम हो गिआ सी।

दूजे लोकां नें 'कमांड' आपणे हत्थ सांभ लई सी! उह अग्गे लग्ग के पुलिस-चौकी वल्ल तुर पए। मैं वी उहनां दे पिछ्छे पिछ्छे चल्ल पिआ। उह सारे जणे 'गोली चलाउण वालिआं' बारे अनुमान ला रहे सन।

'कौण हो सकदे सन इह? बलू सटार आप्रेशन दे दिनीं वी पिंड दा भाई-चारा पहिलां वांग ही बणिआं रिहा सी। लग्गे करफ़िऊ विच वी पिंड दे दुकानदार, सी आर पी वालिआं दी अख्ख बचा के, लोड़वंद लोकां नूं पिछले दरवाज़िओं 'सौदा-पत्ता' दिंदे रहे सन। पिछले दिनां विच, दोवां भाईचारिआं दरमिआन इक्क बरीक जिहे वखरेवें दे भाव पैदा हो जाण दे बावजूद पिंड विच 'हिंदू-सिख्ख' दे हवाले नाल दुशमणी कमाउण दी कदी कोई दस्स-धुख्ख सुणी नहीं सी। हंस राज प्रभाकर, जो इस पिंड विच पिछले तीह सालां तों पहड़ा रिहा सी, करफ़िऊ दे इहनां दिनां विच वी हरेक शाम नूं पिंड दी, आम दिनां वांग परिकरमां करदा अते जित्थे वी कोई पुराणा विदिआरथी 'जल-पाणी' दी सुलाह मारदा, उसनूं बाखुशी आपणी 'सेवा करन दा'माण बख़शदा रहिंदा अते जे कोई हमदरद उसनूं अजिहे हालात विच घरों बाहर निकलण तों वरजदा तां उह हस्स के आखदा, "की करां ! अज्ज किसे कोलों पींदां तां दूसरा कोई होर अगले दिन लई पहिलां ई 'बुक्क' कर लैंदा; अखे, " मासटर जी कल्ल्ह मेरे वल्ल आइओ, पहिले तोड़ दी पई ए मेरे कोल! उंज वी पिंड दे हर घर विच मेरा कोई न कोई विदिआरथी है। किसे दी मां सूई है, जो मेरे वल्ल कैरी नज़र नाल वी झाक जाए!"

प्रभाकर इक्क दिन मैनूं कहिंदा, "रातीं मैनूं- -मिल गिआ।" उसने पिंड दे 'खाड़कूआं'नाल तुरे इक्क पुराणे विदिआरथी दा नाम लिआ, "दो सटेनां वाले होर वी नाल सन। मेरे गोडिआं नूं हत्थ ला के कहिंदा, "मासटर जी ऐस वेले घर बैठिआ करो। 'माल असबाब' असीं, आखो तां, घरे अपड़ा दिआ करांगे।" मेरे पैर उख्खड़दे वेख के कहिंदा, "चल्लो! तुहानूं घर छड्ड आवां।" मैनूं मेरे घर दे बूहे तक छड्ड के गए उह। साडे इह मुंडे सानूं मारनगे? सानूं तां रती भर वी डर नहीं लग्गदा।"

सारे लोकां विच भावें हंस राज प्रभाकर वरगा 'सवै विशवास' नां वी होवे तद वी किसे इह नहीं सी सोचिआ कि साडे पिंड इहो जिही वारदात हो जावेगी! सारे कहिंदे, "साडे पिंड नूं गुरूआं-पीरां दी रख्ख है। एथे कुझ वी बुरा नहीं हो सकदा।" फिर इह कौण सन, जो गुरूआं पीरां तों वी उतों दी वग गए सन! जिंनहां जाण बुझ्झ के पिंड दे सद-भावी भाईचारे नूं ज़खमी कीता सी! इक्क नूं मार के ,होर कईआं नूं मरने पा दित्ता सी!'

"पिंड दा बंदा होऊ कोई विच जी, ज़रूर बर ज़रूर। पिंड दे बंदिआं दी सूह ते साथ तों बिनां कोई एने हौंसले नाल इह कंम नहीं कर सकदा। अगलिआं नूं पिंड दे सारे राहां दा पता सी। परले पासिओ आए। सारे बज़ार 'च गोलीआं चला के आराम नाल सकूल कोलों दी हो के 'लहीआं दी पत्ती' वल्ल बाहर निकल गए। पिंड दे बंदे ज़रूर होणगे विच। मैं आप वेखिआ, उहनां नें पछाणे जाण दे डरों मूंह सिर वल्हेटे होए सन। पिंड दे बंदे सन जी विच। बिलकुल पक्क ऐ। किसे होर नूं मूंह लुकाउण दी भला की लोड़ सी!"

कोई मोअतबर सज्जण पूरे भरोसे नाल कहि रिहा सी।

"कौण होवेगा भला पिंड दा बंदा विच?" आपणी जुगिआसा शांत करन लई किसे वल्लों पुछ्छिआ गिआ इह इक्क वाजब सवाल सी।

"सभ कुझ ऐथे साहमणे आ जाणा एं। तूं वेखीं सही। सबर रख्ख ज़रा। अजे हुणे दस्सण वाली गल्ल नहीं।" इसदा भाव सी कि उस कोल कोई 'पक्की सूचना' सी पर अजे, हाल दी घड़ी, उह सांझी नहीं सी करनी चाहुंदा!

मैं उहनां दे नाल नाल ही तुर रिहा सां। इह सवाल तां मेरे अंदर वी चक्कर ला रहे सन। मेरे मन विच इक -दम इह ख़िआल आइआ:

'इस 'भेत वाली गल्ल' नूं उह, किते मेरे हाज़र होण करके तां नहीं सी लुका रिहा!'

अचनचेत मैनूं इक्क वख्खरी सोच नें घेर लिआ। अज्ज; हुण तीक कीता मेरा सारा उद्दम अते उतशाह किरना सुरू हो गिआ। मैं वेखिआ; एने लोकां दी भीड़ विच पगड़ी वाला तां मैं इकल्ला ही सां! घड़ी पहिलां मैं उहनां सभनां दा हिस्सा सां। उहनां दे ग़म अते पीड़ विच पूरी तरहां शरीक। उहनां दा आपणा ही भरा-भाई! पर इक पल विच ही मैं उहनां विच आपणे आप नूं ओपरा अते अजनबी समझण लग्ग पिआ सां! इह वी सोचण लग्गा कि इहनां विचों कोई इह वी सोचदा हो सकदा है कि मैं इकल्ला इहनां विच की करदा पिआं! मेरे कीते 'तथा-कथित' 'परउपकार' दा जोश मठ्ठा पै रिहा सी।

उहनां नाल हो के वी मैं उस भीड़ दा हिस्सा नहीं सां रहि गिआ।

पहिरे उत्ते खलोते पुलिस करमचारीआं नें, "साहब आउण वाले नें मौका वेखण लई" आख के सभ नूं पुलिस-चौकी दे बाहर ही रोक लिआ।

दस कु मिंट बाअद ही घूकदीआं कारां अते जीपां दा काफ़ला चौकी अग्गे आण रुकिआ। कार अंदर बैठिआं ही ऐस ऐस पी नें खलोते बंदिआं नूं होई वारदात बारे पुछ्छिआ। मेरे विचों 'अग्गे होण दा' उतशाह मर चुक्का सी। मैं कोई 'सिध्धे तौर 'ते 'पीड़त धिर' नहीं सां! असली 'पीड़त धिर' दे लोक इक दूजे तों पहिल करदे, इक्क दूजे दी गल्ल कट्टदे होए आपो आपणा बिआन दे रहे सन।

"पिंड दे बंदिआं दी शहि तों बिनां नहीं हो सकदा जी इह कंम।" किसे नें किहा।

"तुसीं दस्सो कौण ऐं? फिर मेरी कारवाई वेखिओ। दस्सो,दस्सो; सगों कौण एं? बिनां किसे डर-झिजक तों नां लओ तुसीं। दस्सो तां सही इक्क वार।" ऐस ऐस पी नें उच्ची अते तिख्खी आवाज़ विच आखिआ।

भीड़ विचों कोई नहीं बोलिआ। मैनूं महिसूस होइआ; दस्सण वाला जिवें मेरे कर के ही चुप्प रिहा होवे!

थोहड़े चिर पिछ्छों समुच्ची गारद मौका वेखण लई बाज़ार वल्ल चल्ल पई। किसे नूं वी 'ओधर' आउण तों वरज दित्ता गिआ। मेरा घर तां बाज़ार दे ऐन विचकार सी अते उत्थे बाज़ार विचों लंघ के ही जाइआ जा सकदा सी। होरनां दे घरां नूं राह होर गलीआं विचों दी हो के वी जांदे सन। उह सारे आपो आपणे घरां नूं तुर गए। पिछ्छे रहि गए मेरे समेत तिंन जणे। असीं पुलिस दी वापसी दी उडीक करन लग्गे।

अध्धे पौणे घंटे पिछ्छों पुलिस परती तां असीं हौंसला करके पिंड वल्ल तुर पए। असीं तिंने डरे होए सां। राह विच मोड़ां, चौराहिआं उप्पर थां थां 'ते सटेनां संभाली सी आर पी वाले खलोते सन। दूजे दोंह जणिआं दे घर बाज़ार दे मुढ्ढ विचलीआं गलीआं विच सन। उह आपो आपणे घरां नूं मुड़ गए। साहमणे खलोते दो सी आर पी वालिआं नें मैनूं उहनां दो 'हिंदू भरावां' नाल आउंदे वेख लिआ सी। उहनां मैनूं कोई 'शक्की बंदा' नां जाण के अग्गे जाण दित्ता। मैं हौंसला करके तुरिआ गिआ। किसे नें मैनूं कुझ नां आखिआ। जिउं ही मैं आपणे घर वल्ल मुड़दा बाज़ार दा मोड़ मुड़िआ तां इक्क चीकदी आवाज़ आई;

"रुक जा! हैंडज़ अप्प!" मोड़ उत्ते खलोते सी आर पी वालिआं नें मेरी हिक्क वल्ल सटेनां सिध्धीआं कीतीआं होईआं सन।

"कौन हो तुम ?"

जिहड़ी गल्ल दा डर सी, उहो हो गई सी। मैनूं पहिलां ही डर सी कि मैनूं 'सिख्ख' समझ के किते सी आर पी वाले राह 'च घेर नां लैंदे होण! हुणे वापरी घटना करके किसे 'सिख्ख' नूं वेख के, उसनूं 'शक्की अत्तवादी' समझ के उह गोली वी मार सकदे सन! मेरी इस मानसिकता दा ज़िकर मेरी कहाणी 'चौथी कूट' दे अंत उत्ते रात समें गड्डीओं उत्तरन वाले अते पुलिस तों डरन वाले 'सिख्ख' किरदारां दे भै विचों वी पहड़िआ जा सकदा है।

वीहां करमां दी वित्थ उत्ते आपणे घर वल्ल तुरत इशारा करके जिंनी काहली नाल दस्सिआ जा सकदा सी, मैं आपणे इस वेले इत्थे होण दा कारन दस्सिआ। उह मेरे बोलां विचली सदाकत दा अनुमान ला ही रहे सन कि परे खलोता इक्क सिपाही साडे कोल आइआ अते आपणे साथीआं नूं कहिण लग्गा, "जाने दो।"

उह सवेर वेले बाज़ार विच पहिरे 'ते खलोता मैं कई वार वेखिआ सी। उह वी मैनूं विंहदा रहिंदा होवेगा! सटेनां नीवीआं हो गईआं। मैं लंमां साह लै के घर वल्ल वधिआ। परे बाज़ार दे विचकार मंगे दी लावारिस लाश पई सी। थोहड़ी वित्थ 'ते इक्क काला कुत्ता उहदे सिरहाणें बैठा सी! उसदे दोहीं पासीं दस-पंदरां गज़ां दी वित्थ उत्ते वरदी वाले सटेनधारी 'रख्खिअक' उसदी 'लाश दी राखी' खलोते सन। पर इस 'सुरख्खिआ' दा उसनूं हुण कोई आसरा नहीं सी!

घर दा दरवाज़ा बंद करदिआं मैं साहमणे गुरलाल चंद अते गोपाल चंद दे चुबारिआं वल्ल झात मारी। इस घर 'चों मंगा गुज़र गिआ सी अते परिवार दे मुखी गोपाल चंद नूं गोली वज्जी सी। घर विचों उच्ची रोण दी तां की सिसकण दी आवाज़ वी नहीं सी आ रही! इह कैसी दहिशत सी कि आपणिआं दी मौत उत्ते खुल्ल्ह के रोण दा हौसला वी गवाच गिआ सी! उहनां दे घर दे जीआं वल्लों बुल्ल्ह चित्थ के, अंदरे अंदर रोण दे दरद दा अनुमान ला सकणा मेरे लई असंभव सी।

तहड़का पहिर हो चल्लिआ सी। बच्चे लेटे होए सन। मेरी पतनी अते लाल दी पतनी सहिमीआं अते जगिआसू नज़रां नाल मेरे वल्ल वेख रहीआं सन। मैं उहनां लई की ख़बर लै के आइआ सां! मैं सभ नूं अंिम्रतसर भेजण दी गल्ल सुणा के लाल दी पतनी नूं किहा, "भैण जी! मैनूं आप डाकटर गिल्ल नें किहा है कि ख़तरे वाली कोई गल्ल नहीं। लाल नूं कुझ नहीं होण लग्गा । तुसीं हौंसला रख्खो। होर घड़ी नूं दिन चहड़ जाणा एं अते आपां आप ही पहुंच जाणा उत्थे, उहदे कोल। तुसीं आपणी अख्खीं वेख लैणा है उसनूं ठीक-ठाक होइआ; नौ बर नौ।"

बच्चे वी उठ्ठ के बहि गए सन। मैं सभ नूं आपो आपणी थां लेट जाण लई कहि के मंजे 'ते पै गिआ। पिछले कुझ घंटिआं विच वापरी होणी नें मेरे सिर नूं सुंन कर दित्ता सी। हुणे ही 'मौत दे मूंहो' बच के आइआ होण करके मैं मौत नूं आपणे नेड़े नेड़े महिसूस करन लग्गा। मैनूं लग्गा; गोलीआं चलाउण वाले हुणे मेरे घर दीआं कंधां टप्प के, 'दगड़-दगड़' करदे मेरे घर आण वड़े हन अते गोलीआं दा छाणा मारन तों पहिलां विअंग नाल चंघिआड़े हन, "तैथों कराउंदे आं 'इहनां दी मदद!' 'पंथ' दिआ ग़दारा!"

दूजे पासिओं दूजी धिर दीआं तणीआं सटेनां दा खड़का सुणिआं, "रुक जा; हैंडज़ अप्प!"

मैं उहनां वेलिआं दे सारे पंजाबीआं वांग बेबस्स अते बेहिस्स होइआ पिआ सां!

मेरे साहमणे कंध 'ते लटके गुरू नानक दे चितर विचला 'आशीरवाद' विच उठ्ठिआ हत्थ मैनूं दिल धरन लई कहि रिहा सी।

अगले दिन सवेरे ही लाल दा परिवार चाह-पाणी पी के आपणे घर चला गिआ तांकि छेती तों छेती तिआर हो के लाल दा पता करन लई अंम्रितसर जाइआ जा सके।

जदों असीं दोवें जीअ ज़ख़मीआं दा पता करन लई अंिम्रतसर पहुंचे तां हसपताल विच मिज़ाज -पुरसी लई आउण वालिआं दी भीड़ लग्गी होई सी। इहनां विच उहनां दे रिशतेदार वी सन अते पिंड दे सांझां वाले 'होर' आदमी वी। 'हिंदू-सिख्ख'सारे ही। सारे ज़ख़मी इक्को ही वारड विच पट्टीआं विच लिपटे मंजीआं उत्ते लेटे होए सन। उहनां दे सिरहाणे उहनां दी सांभ-संभाल लई उहनां दे वारिस बैठे सन। असीं हरेक दे बैड्ड कोल जांदे, वापर चुक्की होणी 'ते अफ़सोस करदे, हौंसला रख्खण लई कहिंदे।

सारे जणे रोह-रंज अते सहिम दे पुतले बणे होए सन। जिहड़े ज़ख़मी बोल सकदे सन; उह आपणे उप्पर होए हमले दा बिरतांत सुणा रहे सन। इक्क गल्ल बार बार दुहराई जा रही सी कि 'पिंड दे बंदिआं दी सूह अते शहि तों बिनां इह घटना नहीं वापर सकदी!' सारे जणे इस गल्ल 'ते सहिमत वी लग्गदे सन। उहनां दे कहिण दा भाव साफ़ सी कि पिंड दे किसे नां किसे 'सिख्ख'दा हत्थ सी इस घटना पिछ्छे!

उह ठीक वी हो सकदे सन, पर पता नहीं किउं इह लग्गण लग्गा सी कि मैनूं इह गल्ल कुझ उचेच नाल सुणाई जा रही सी। चमन लाल कोल पुज्जे तां उह दस्स रिहा सी:

"दो जणे ही दुकान 'च वड़े। बाकी बाहर खलोते रहे। मूंह उहनां दे बंनहे होए सन। इक्क तां छे-फुट्टा जवान सी पूरा। लंमा ते पतला। ऐन आपणे मासटर वरिआम सुंह हुरां वरगा।" उस नें मेरे वल्ल इशारा कीता तां मेरे कलेजे नूं धक्का लग्गा। कंन 'शां शां'करन लग्गे। पैरां हेठों ज़मीन हिल्लण लग्गी। उंज इह ज़रूरी वी नहीं सी कि उह मैनूं, गोलीआं मारन/मरवाउण वालिआं विचों ही इक्क समझदा होवे! इह तां मेरी 'दिख्ख' ही मेरे मन दा चोर बण गई सी!

मेरे मन विच आइआ कि लागे खलोते उहनां बंदिआं विचों, जो रातीं मेरे नाल ही ज़ख़मीआं दी सांभ-संभाल करदे पए सन, किसे नूं तां आखणा चाहीदा है, "मासटर हुरीं तां रातीं साडे नाल मरदे खपदे रहे। सगों, जे इह सी आर पी वालिआं नाल लड़ के उहनां नूं गड्डीआं देण लई मजबूर नां करदे तां फिर पता नहीं की हुंदा!"

मैं इक्क दो जणिआं दे मूंह वल्ल वी वेखिआ। पर किसे नें कुझ नां किहा।

चमन लाल दस्स रिहा सी, "उहने रीवालवर मेरे वल्ल सिध्धा करके फ़ाइर कीता; पर बचाअ हो गिआ। मैं हरफ़ले नें पीपा चुक्क के आपणे अग्गे कर लिआ। पीपे नें भला नी बचाअ करना सी! इक्क गोली आह मेरी लत्त 'च लग्गी ते इक्क मोढे 'ते। डिग्ग पिआ मैं तां। फिर नहीं पता लग्गा कुछ।"

हुण मैं दूजे ज़ख़मीआं दा हाल-चाल पुछ्छदा, बिग़ाने वग्ग विच गवाची वछ्छी वांग फिर रिहा सां। मैनूं लग्गदा सी कि मेरी पिठ्ठ पिछ्छे सारे आंढी-गवांढी कहि रहे सन, "हुण वेख किड्डा हेजला बणिआं फिरदा! आपे गोलीआं मारनीआं आपे हाल-चाल पुछ्छणा! हाअ थूह!"

मैं इत्थे 'शक्की', 'दुरकारे' अते 'नापसंद' बंदे वांग विचर रिहा सां।

मैनूं वेख के लाल दे चिहरे उत्ते आई मुसकराहट अते उस वल्लों पोले जिहे घुट्टिआ मेरा हत्थ वी मैनूं बहुती धरवास नां दे सके। लाल दी पतनी आख रही सी, "सानूं तां रातीं भैण जी हुणां आपणे घरों जाण ही नहीं सी दित्ता। सारी रात सारा टब्बर साडे नाल जागदे रहे। विचारे! भा जी हुरां विचारिआं एना कीता! भगवान इहनां सारिआं दी लंमी उमर करे!" उसने मेरी पतनी नूं वख्खी नाल घुट्ट लिआ।

घर नूं वापस मुड़दिआं असीं सारे राह चमन लाल दे बोलां विचला रहस्स समझण दी कोशिश करदे, इसे नुकते बारे ही सोचदे आए। मेरी पतनी नें आपणे सुभा मुताबक किहा, "कोई गल्ल नहीं। उत्ते प्रमातमा तां विंहदा ए सभ कुझ। असीं तां आपणे वित मुताबक भला ई कीता सारिआं दा। साडे लई तां साडे गवांढी साडे मां-पिओ जाइआं वरगे नें। ऐवें आखीए; सानूं पिआर वी बड़ा करदे नें। ताइआ लाभ चंद, चाचा वेद, ताइआ गुरलाल चंद सभ दा मैनूं 'धीए!धीए!' आखदिआं मूंह नहीं सुक्कदा। तुहाडी एनी इज़्ज़त करदे नें सभ! तुसीं ऐवें मन ख़राब नां करो। लाल तुहानूं भरावां वांग समझदा है। जे कोई इक्क अध्ध बंदा इहो जिही वाधी घाटी गल्ल करदा वी होऊ तां चिंता काहदी! जदों साडा अंदर सुच्चा सच्चा! उह सच्चा पातशाह आपे जाणी जाण आं।"

"रजवंत कौरे! आपणी जान ख़तरे विच पा के खाड़कूआं दी नाराज़गी सहेड़ी। अजे उहनां वल्लों पता नहीं की भाणा वापरना एं अते एधर जिंनहां लई कीता, इह, इहो जिहीआं गल्लां करदे नें!" मेरा मन डाढा अवाज़ार सी।

"तुसीं वी ऐवें ई करी जांदे ओ। उहने किते तुहानूं थोहड़ा किहा। उह तां सरसरी अगले दा हुलीआ दस्स रिहा सी । तुसीं आपणे आप नाल जोड़ी जांदे ओ!"

मैनूं उहदी गल्ल दरुस्सत लग्गी।

फिर वी मैं सोचदा रहिंदा, पंजाब उत्ते इह किहो जिहे काले दिन आ गए सन कि हर कोई दूजे नूं तां शक्क दी नज़र नाल वेखदा ही सी, आपणे आप नूं वी, मेरे वांग, 'शक्की' समझण लग्ग पिआ सी!

इह की बण गए सां असीं ?