कलाकार जसविंदर भल्ला साहिब दे अकाल चलाणे उत्ते जिस तरहां उसदे दरशकां नें अफसोस दा इज़हार कीता है, अजिहा बहुत घट्ट विअकतीआं नूं नसीब हुंदा है। जिंना उसने लोकां नूं हसाइआ सी, जाण समें उह उंना ही उनहां नूं रुआ के गिआ है। उसदे जीवन दा दूसरा पख्ख ,जिहड़ा कि उसदा कैरीअर सी, अते जिस नूं उसने बड़ी सफलता नाल निभाइआ, उह सी प्रोफैस्सर भल्ला। कई फिलमां विच्च उसने बतौर प्रोफैसर भल्ला कंम कीता पर उह लोकां नूं हसाउण तक ही सीमित सी पर असली जीवन विच्च जिहड़ा उस प्रोफैसर दा रोल अदा कीता उह आपणे विच्च सफल ही नहीं सगों विलख्खण वी सी।

उह साडा विदिआरथी वी रिहा अते साथी वी, इस करके उस नूं नेड़िउं देखण दा मौका मिलिआ। उसदी सेवा-मुकती प्रोफैसर अते आपणे विभाग दे बतौर मुखी वजों होई, जिहड़ी बहुत घट्ट प्रोफैसरां नूं नसीब हुंदी है। जदों उसदी बतौर मुखी टरम पूरी होई तां अजे उसदी सेवा मुकती विच्च कुझ महीने रहिंदे सन। यूनीवरसिटी नें उसदी वधीआ कारगुज़ारी नूं देखदिआं होइआं बतौर मुखी उसदे सेवा काल विच्च वाधा कीता तां जो उह बतौर मुखी सेवा-मुकत हो सके। इहो जिही प्रापती वी किसे किसे नूं ही नसीब हुंदी है। जदों उह आपणे दफतर विच्च कुरसी ’ते बैठा हुंदा सी तां उह हासिआं दा बादशाह नहीं सगों इक्क संजीदा अते हलीमी नाल गल्ल करन वाला प्रोफैसर भल्ला बण जांदा सी। मशहूरी दे सिखर ’ते पुज्जिआ, मरसीडीज़ कार विच्च आउण वाले इस अधिआपक विच्च हउमैं नेड़े वी नहीं सी। उह हमेशा लोड़वंदां दी सहाइता लई तिआर रहिंदा सी। मिसाल वजों मैं इक्क घटना तुहाडे नाल सांझी करनी चाहुंदा हां। भल्ले दा साथी बाल मुकंद शरमा मारकफैड्ड विच्च इक्क उच्चे अहुदे उत्ते सी। उस दूरदरशन जलंधर अते रेडीओ तों इक्क हफतावारी विशेश प्रोगराम खेतीबाभी शुरू कीता। उस विच्च इस हफते दीआं खेती सरगरमीआं वी पेश कीतीआं जांदीआं सन। उनहां नूं लिखण दी ज़िंमेवारी मेरी लग्गी अते पेशकारी डा. भल्ला दे ज़िंमे सी। इसे सिलसिले विच्च इक्क दिन मैं उसदे दफतर बैठा सां, जिस नूं उसने पल्लिउं पैसे खरच के वधीआ सजाइआ सी। इक्क बीबी आपणे बेटे नूं लै के उनहां नूं मिलण आई। सेवादार नें जदों सूचना दित्ती तां उनहां नूं अंदर बुला लिआ। भल्ला साहिब नें बड़े सलीके नाल पुछ्छिआ कि किवें आए हो। उसदे प्रशंसक आउंदे ही रहिंदे सन। बीबी जी नें किसे लीडर दा नाम लै के आखिआ कि उनहां नें सानूं तुहाडे कोल भेजिआ है। भल्ला साहिब आखण लग्गे, “तुसीं दस्सो मैं की सेवा कर सकदा हां।”

बीबी नें दस्सिआ कि मेरे मुंडे नें इत्थे फूड तकनालोजी विच्च दाखला लिआ है। अज्ज फीस देण दा आखरी दिन है। उस आपणी घरोगी मजबूरी दस्सी ते बेनती कीती कि जेकर हो सके तां फीस विच्च कुझ छोट दिलवा देवो। उस आपणे सहाइक नूं बुलाइआ ते इस बारे पता करन लई भेजिआ। आपणे सहाइक नूं ठंढा पिलाउण दा इशारा कीता। सहाइक नें आ के दस्सिआ कि इह पेड सीटां हन, इस करके किसे वी छोट दी गुंजाइश नहीं है। भल्ले नें बीबी नूं पुछ्छिआ कि किंने पैसे घटदे हन? उस दस हज़ार दस्सिआ। भल्ला साहिब नें आपणे दराज विच्चों चैक्कबुक्क कढ्ढी ते दस हज़ार दा चैक्क कट्ट के बीबी नूं फड़ा दित्ता ते आखिआ, जावो फीस जमहां करवा देवो।

बीबी दीआं अख्खां विच्च अत्थरू सन ते धंनवाद विच्च हत्थ जुड़े होए सन। उनहां दे जाण पिछ्छों मैं पुछ्छिआ कि जिस बंदे दा नाम बीबी लै रही सी, तूं उस नूं जाणदा हैं? उसदा उत्तर सी कि इह नाम तां मैं पहिली वार सुणिआ है।

भल्ला खेती विगिआन पसार अते संचार दा माहिर सी ते उसदी कीरती भारत सरकार तक पहुंच चुक्की सी। मैनूं इक्क सनमान दे सिलसिले विच्च दिल्ली विगिआन अते तकनालोजी मनिसटरी विच्च मंतरी नूं मिलण दा मौका मिलिआ। उत्थों दा डाइरैकटर पंजाबी सी, जिसदे पिता अते उह मेरे पाठक रहे सन। उस आखिआ, असीं तुहाडे डा. भल्ला नूं खोज प्राजैकट मनज़ूरी कमेटी दा मैंबर बणाइआ है, इसदा लाभ उठावो। भल्ला साहिब नें आपणे अधिआपकां नूं उतशाहित करके उनहां तों खोज प्राजैकट तिआर करवाए अते लख्खां दे प्राजैकट मंनज़ूर करवाए। डा. भल्ला दी बोलबाणी विच्च हलीमी अते कहिण दा अंदाज़ अजिहा सी कि नांह कीती ही नहीं सी जा सकदी। मैं इनहां दे विभाग विच्च इक्क पीऐच्चडी दा इमतिहान लैण जाणा सी, जिसदा समां तिंन वजे रख्खिआ गिआ सी किउंकि पहिलां मैं आपणा कोई ज़रूरी कंम करना सी। इसदा मैनूं डेढ वजे फोन आइआ, आखण लग्गा, “सर जी, तुसीं दो वजे नहीं आ सकदे। मैनूं इक्क ज़रूरी कंम आ गिआ, मैं जलदी जाणा।”

मेरा उत्तर सी, “भल्ला साहिब, मैं आप इस समें किसे कंम विच्च उलझिआ होइआ हां, इस करके आउणा मुशकिल है।” अग्गों उस किहा, “पलीज़ किसे वी तरहां अडजसट करो, मेरी परसनल रिकुऐसट आ।”

मैनूं हां करनी पई हालांकि मैं जो कर रिहा सी, उत्थे नाराज़गी छड्डणी पई।

भल्ला जदों किसानां नाल गल्लबात करदा सी तां खेती माहिर दे नाल कलाकार भल्ला वी रल जांदा सी। इंझ उसदा लैकचर बहुत ही प्रभावशाली हो जांदा सी। पिंडां विच्च उह आपणीआं फिलमां लई वी मसाला लभ्भ लैंदा सी। मेरी इक्क मीटिंग गुरू नानक देव यूनीवरसिटी विच्च सी। मीटिंग पिछ्छों मैं सोचिआ तरन तारन लागे साडा इक्क अगांहवधू डेअरी फारमर रहिंदा है, उस नूं मिलिआ जावे। उस तों पता चल्लिआ कि कल्ल्ह भल्ला साहिब वी आए सन। मीटिंग खतम होण पिछ्छों उसने सानूं चुटकले सुणाउण लई आखिआ अते हरेक चुटकले लई पंजाह रुपए दे के गए हन।

मैनूं याद आइआ कि इक्क वार लोहड़ी दे समागम विच्च असीं वी कुझ चुटकले सुणाए सन, जिहड़े उस अगली कैसिट विच्च वरत लए सन। उह आपणी लगभग हर फिलम विच्च जीवन दी किसे नां किसे सचाई आधारित पंच बणा लैंदा सी। उसदा इक्क मुहावरा मैं अकसर आपणे भाशणां विच्च वरतदा हां।उसदी हलीमी अते वडप्पण दी इक्क होर मिसाल दिंदा हां। इक्क वार उसने मेरी आपणे किसे दोसत नाल जाण पछाण करवाउंदिआं आखिआ सी, “इह साडे गुरू हन, इनहां दी किताब पहड़। असीं पहड़ाई कीती ते हुण उसे किताब दी सहाइता नाल आप पहड़ा रहे हां।”

“पैर दी मोच अते भैड़ी सोच बंदे नूं कदे वी अग्गे वधण नहीं दिंदी।” उसने कदे वी आपणे अंदर भैड़ी सोच नूं जनम नहीं लैण दित्ता। उसदीआं यादां तुहाडे सारिआं कोल ही बहुत हन। मेरे कोल वी हन। उस नूं याद करदिआं हमेशा याद रख्खीए कि बंदे दे करम ही पिछ्छे रहि जांदे हन, जिहड़े उस नूं सिखरां उत्ते पहुंचाउंदे हन।

* * * * *