पंज छे सालां दी गल्ल है। भाशा विभाग पंजाब पटिआला दे सैमीनार हाल विच्च पंजाबी लेखकां दा समागम सी। पंजाब अते पंजाब तों बाहर दे वी पंजाबी लेखक हाज़र सन। गोशटी दा विशा सी ‘पंजाबी भाशा साहमणे नवीआं चणौतीआं। विदवानां वल्लों पेपर पहड़े गए। इक्क पेपर सी ‘पंजाबी भाशा दा कंपिऊटरीकरन’। इस विच्च विशेस सद्दे उत्ते आए किरपाल सिंघ पंनूं नें वी आपणे विचार पेश कीते। बाअद दुपहिर भोज समें किरपाल सिंघ पंनूं नाळ मेरी गल्लबात होई। मैं उस नूं दस्सिआ मैं वी पंनूं हां, समराले तों। किरपाल सिंघ नें किहा, “मैं वी हुण तुहाडा गराईं बण गिआ हां। समराळे मैं मकान खरीद लिआ है।”

“बहुत वधीआ, तुसीं मेरे शहिर दे वासी बण गए हो ते कोठी खरीद लई है।”

“कोठी नहीं, मकान खरीदिआ है। हुण इह साडा घर है।”

किरपाल सिंघ पंनूं गरमीआं दा सारा समां टोरांटो रहिंदा है ते हुण कई सालां तों सरदीआं दे चार कु महीने पंजाब विच्च समराळे आ जांदा है। इत्थे पंनूं नाळ अकसर गल्लबात हुंदी रहिंदी है। जिहनां महीनिआं विच्च पंनूं समराळे वास करदा है, समराळे दीआं सारीआं साहितक, समाजक जथेबंदीआं दीआं इकत्तरतावां विच्च सरगरम भाग लैंदा है।

असल विच्च पंनूं राड़ा साहिब दे कोळ पिंड कटाहरी दा जंमपळ है। गुरू नानक खालसा हाई सकूल करमसर (राड़ा साहिब) तों दसवीं पास कर के उह 1953 विच्च गुज्जरांवाला गुरू नानक खालसा कालज लुधिआणे विच्च दाखल हो गिआ अते उत्थे उस नें साइंस दी विद्दिआ प्रापत कीती। कालज दी हाकी दी टीम दा उह मोहरी खिडारी सी। साल 1955 विच्च किरपाल सिंघ पंनूं नूं कालज कलर नाळ सनमानत कीता गिआ। उह आपणे पिंड दी कबड्डी टीम दा आगू सी ते उनहां दी टीम नें कई पेंडू टूरनामैंट जित्ते।

किरपाल सिंघ पंनूं नें लंमा समां, करीब 32 साल, पैपसू पुलीस, पंजाब पुलीस अते बी. ऐस्स. ऐफ्फ दी नौकरी नहीं सगों सेवा कीती। बारडर सकिउरिटी फोरस विच्च उप-कमांडैंट दी उच्च पदवी तीकर उस नें तरक्की कीती अते सनमान नाळ सेवा मुकत होइआ।

समराळा विखे इस साबका उप-कमांडैंट दी इक्क साबका कमांडैंट नाळ इक्क इकत्तरता विच्च मुलाकात होई। पंनूं नूं महिसूस होइआ कि रीटाइरड कमांडैंट तां हाली वी उसे तरहां आपणे कंधिआं ’ते कराऊनां दे भार दी हउमे विच्च उलझिआ बाकीआं उत्ते नवें सिपाहीआं वांग कमांडरी हुकम चला रिहा है। ते फेर साबका उप-कमांडैंट किरपाल सिंघ पंनूं साबका कमांडैंट वाळी परधानगी वाळी सभा विच्च नहीं देखिआ गिआ।

साडी अकसर मुलाकात हुंदी रहिंदी है। मैनूं इह कदी वी महिसूस नहीं होइआ कि उह सेवा मुकत पुलस अफसर है। उस विच्च आम पुलस अफसरां वाळी फूं-फां ते आकड़ नहीं है। उस दा वरताओ बड़ा सहिज है, साऊ है, निरमाण है, पिआर-भिंना ते अपणत्त वाळा है। उस विच्च किसे परकार दा वी ओपरापन नहीं है।

नवें दिसहद्दिआं दा भरमण करन ते नवें अनुभव परापत करन किरपाल सिंघ पंनूं 1991 विच्च सतिकार पूरन ढंग नाळ कैनेडा चला गिआ। कैनेडा उस नूं बड़ा रास आइआ पर उह कैनेडीअन हो के वी कैनेडीअन नहीं बणिआ। उस उत्ते ओपरे सभिआचार दी पिओंद नहीं चहड़ी। उस दा मन, चिहरा, लिबास पंजाबी ही रिहा। उह पुलस विच्च साबत सूरत सिख्ख सी, कैनेडा विच्च जा के वी साबत सूरत सिख्ख ही रिहा। उस दे चिहरे नें कदी झूठा बिंब पेश नहीं कीता। उह सूरत दा पक्का है ते सीरत दा सच्चा।

किरपाल सिंघ पंनूं इक्क साधारन जट्ट किसानी परिवार विच्च पैदा होइआ ते अज्ज उस पास ज़िंदगी दा इक्क लंमा तजरबा है। 1956 विच्च साधारन पुलस सिपाही भरती होइआ ते 1988 विच्च इक्क अफसर वजों सेवा मुकत होइआ। उस नें अंगरेज़ी अते पंजाबी विच्च पहड़ाई कीती। बी. ए. पंजाबी आनरज़ दे नाळ अंगरेज़ी लिटरेचर विच्च कीती। उरदू दीआं बरीकीआं नूं उह बाखूबी समझदा है। उह पंजाबी साहित दा इक्क गंभीर पाठक है अते पंजाबी लेखक वी है। उस दी पुसतक ‘आओ कंपिऊटर सिख्खीए’ दीआं 2009 ते 2010 विच्च दो ऐडीशनां छप चुक्कीआं हन अते तीसरी दी हुण तिआरी है।

कंपिऊटर दी दुनीआ विच्च किरपाल सिंघ पंनूं दा इक्क वड्डा नाम है। पर इह वड्डा नां इक्क दम नहीं सी बण गिआ। कंपिऊटर नाळ लगातार घुलण-खेडण नाळ कई परयोग करन तों बाअद, ‘करो ते सोधो (टराइल ऐंड ऐरर)’ विधी राहीं किरपाल सिंघ पंनूं कंपिऊटर दे खेतर विच्च कई नवीआं अते अछोह युगतां लभ्भ सकिआ। पंजाबी अखबारां रसालिआं लई लोड़ींदे फौंट कनवरशन (अदल बदल) तिआर कीते। 2001 तीकर वैब्ब साईटां उत्ते सारीआं ही पंजाबी फौंटां दे अख्खर खिल्लर (खि  ल र, नूं वांग) जांदे सन। टोरांटो निवासी प्रिंसीपल प्रितपाल सिंघ बिंदरा दे विशवास दा सतिकार करदिआं (उनहां दा कहिणा सी, “मेरा विशवाश है कि तैं इस दा हल्ल खोज लैणा है) पंनूं नें इस खिलरन दे कारन दी खोज कीती अते इस दा तोड़ तिआर कीता। जो फिर बहुत सारिआं फौंट-निरतावां नें अपणा के आपणीआं फौंटां नूं सोध के वैब्ब साईटां दे हाण दा कीता। उस नें आपणे सपुत्तरां रजवंतपाल सिंघ अते हरवंतपाल सिंघ नाळ मिळ के यूनीकोड फौंटां दे कीअ बोरड नूं कौमी नाइक दे सनमान वजों ‘भगत सिंघ कीअ बोरड’ दे नां थल्ले रीलीज़ कीता। जिस नाळ यूनीकोड पंजाबी, हिंदी अते उरदू लिप्पीआं उचारू (फोनैटिक) विधी अनुसार टाईप करनीआं बेहद्द आसान हो गईआं। असकाई फौंटां नूं यूनीकोड फौंटां विच्च अते यूनीकोड फौंटां नूं असकाई फौंटां विच्च तबदील करन दा सफल परोगराम तिआर कीता।

कंपिऊटर दे खेतर विच्च किरपाल सिंघ दी सभ तों वड्डी देण अते पहिल गुरमुखी तों शाहमुखी अते शाहमुखी तों गुरमुखी कनवरशन तिआर करना है। आपणी किसम दा संसार विच्च इह सभ तों पहिला परोगराम है। इस पिछ्छों इस तों सेध लै के जां नकल करके होर परोगरामरां नें इस परोगराम नूं अग्गे तोरिआ ते सौफटवेअर बणाए।

आइरिश विदवान मैकस आरथर मैकालिफ नें स्री गुरू गरंथ साहिब दा अंगरेज़ी विच्च अनुवाद कर के इतिहासक यादगारी कंम कीता सी। किरपाल सिंघ पंनूं नें स्री गुरू ग्रंथ साहिब दा शाहमुखी विच्च लिपीअंतर कीता जो सरीगरंथ डाट आरग उत्ते वेखिआ जा सकदा है। इस यादगारी विलख्खण कंम नूं सदीआं तीकर याद रख्खिआ जावेगा।

किरपाल सिंघ पंनूं नें कंपिऊटर सबंधी कई यूनीवरसिटीआं अते कालजां विच्च पेपर पहड़े अते भाशन दित्ते। जिनहां विच्च पंजाबी यूनीवरसिटी पटिआला, पंजाब यूनीवरसिटी चंडीगहड़, गुरू नानक देव यूनीवरसिटी अंम्रितसर, कुरूकुशेतर यूनीवरसिटी कुरूकुशेतर, गुरू नानक इंजनीअरिंग कालज लुधिआणा दा सटैप्प इनसटीचिऊट अते सटेट कालज आफ ऐजूकेशन पटिआला दे नां वरनणयोग हन।

किरपाल सिंघ पंनूं नें बहुत सारे सीनीअरां नूं अते लेखकां नूं कंपिऊटर दा गिआन वंडिआ। कई लेखक तां हुण गुरमुखी दीआं आपणीआं किताबां आप ही कंपोज़ करदे हन। कैनेडा दे शहिर मिसीसागा विच्च पिछले तिंन सालां तों हर साल दो महीने लई पंनूं कंपिऊटर दीआं मुफत कलासां ला रिहा है। जिस कारन 100 तों वध्ध सीनीअर आपणे ‘बुढापे दी डंगोरी’ कंपिऊटर नाळ जुड़ चुक्के हन। जिवें ख़रबूज़े नूं देख के ख़रबूज़ा रंग फड़दा है उसे तरहां हुण होर बहुत सारे सीनीअर वी कंपिऊटर दीआं इह मुफ़त कलासां लाउण लई आपणी इछ्छा दरसा चुक्के हन।

इत्थे ही बस्स नहीं किरपाल सिंघ पंनूं टैलीफोन अते ईमेल राहीं संसार भर विच्चों पंजाबी कंपिऊटर सबंधी आईआं समस्सिआवां दा हल्ल करदा है अते कई उसारू सुझाअ वी दिंदा है।

बरमिंघम बरतानीआ विखे मेरा मित्तर डा: गुरदिआल सिंघ राए वैब्ब साईट रसाला ‘लिखारी डाट आरग’ कढ्ढ रिहा है। किरपाल सिंघ पंनूं दीआं रचनावां ‘लिखारी डाट आरग’, ‘5आबी डाट काम’ अते ‘सीरत डाट सीए’ उत्ते पहड़ीआं जा सकदीआं हन।

किरपाल सिंघ पंनूं दीआं मुख्ख ईजादां हन: बाबाफरीद शाहमुखी फौंट, समतोल कीअ बोरड लेअ आऊट दी विओंत, डीआरसीवैब्ब दी उसारी, भगत सिंघ कीअ बोरड लेअ आऊट गुरमुखी, हिंदी अते उरदू, संसार दी लगभग हर गुरमुखी फौंट दा कनवरशन ते गुरमुखी दी कसटम डिकशनरी तिआर करना आदि।

पंजाबी कंपिऊटर दे अंबर विच्च इक्क चमकदा सितारा है किरपाल सिंघ पंनूं। कंपिऊटर दे इतहास विच्च उस दा नाम सदा जिउंदा रहेगा। यूनैसको दा ऐलान ठीक नहीं जापदा कि पंजाबी बोली 50 सालां विच्च ख़तम हो जावेगी। अज्ज पंजाबी भाशा हर खेतर विच्च उन्नती कर रही है। हौळी-हौळी इस दे पाठकां दा घेरा वध रिहा है। अज्ज पंजाबी भाशा इस विगिआनक युग दे नाळ कदम मिला रही है। कंपिऊटर दे खेतर विच्च नवीआं लभ्भतां तलाश रही है। पंजाबी भाशा कदी नहीं खतम होवेगी। किरपाल सिंघ पंनूं वाळी रूह पंजाबी दे सदा अंग-संग रहेगी।