17

कचहिरी तों बचन सिंघ सिध्धा डिपटी दे घर नूं हो लिआ।

इस केस बारे सोच सोच  उस दा बलड्ड प्रैशर हाई हो गिआ सी। अजीब बला गल आ पई सी। सरकार इस केस प्रती जिंनी संजीदा सी, बचन सिंघ ओना ही लापरवाह। उह आपणे आप नूं कोस रिहा सी। आपणे आलसी सुभाअ ’ते लाहनतां पा रिहा सी। बचन सिंघ नें रत्ती भर वी धिआन दित्ता हंदा तां इह दुरगत नां हुंदी। केस नाल जो होणा सी, हो चुक्का सी। हुण बचन सिंघ दी दुरदशा दी वारी सी।

ज़िल्हा अटारनी दा फ़ोन आइआ सी। गवाहां दे बिआनां दीआं नकलां शाम तक्क संगरूर भेज दित्तीआं जाण। इह नकलां उस नें डाइरैकटर नूं भेजणीआं सन, जिस नें ग्रहि-सकत्तर राहीं उहनां नूं मुख्ख मंतरी कोल पुज्जदे करना सी। बचन सिंघ बिआनां दीआं नकलां भेजे तां किस तरहां?

इस मरे सप्प नूं गलों किवें लाहिआ जावे? इहो विचार करन लई उह डिपटी वल्ल दौड़िआ सी।

डिपटी उस तों वध्ध परेशान सी। गवाहां दे बिआनां दीआं नकलां उस तों वी मंगीआं गईआं सन। इधर नकलां डी.जी.पी. नें मंगीआं सन। उह वी विशेश दूत राहीं। विशेश दूत कदों दा तिआर खड़ा सी, पर इह नकलां किहड़े मूंह भेजीआं जाण।

दिन भर दी कारवाई दी रिपोरट डिपटी नूं मिल चुक्की सी। डिपटी नूं सरकारी वकील दे नाल-नाल मुख्ख अफ़सर ’ते ग़ुस्सा आ रिहा सी। जदों सरकारी वकील नूं पता लग्ग गिआ सी कि गवाह मुक्कर रहे हन तां उस नूं चाहीदा सी किवें नां किवें केस नूं विचे रुकवाउंदा। उह आप पेशी नहीं सी लै सकदा तां डिपटी नूं इतलाह दिंदा। डिपटी कोई इंतज़ाम करदा। सरकारी वकील दा कुझ नहीं विगड़ना। डिपटी किसे वी समें लाईन हाज़र हो सकदा सी।

मुख्ख अफ़सर वी लाट साहिब बण के थाणे बैठा रिहा। डिपटी नें उस नूं विशेश तौर ’ते आखिआ सी कि पैरवाई लई ख़ुद जावे, नहीं गिआ।सोचदा होणा है, उह मुख्ख अफ़सर है, मिसल कुछ्छड़ ’च लै के किउं फिरे? उह चुआनी दे गवाहां नाल मत्था किउं मारे। नाज़र सिंघ नूं कचहिरी धक्क दित्ता। मुख्ख अफ़सर मुख्ख अफ़सर ही हुंदा है अते मातहित-मातहित ही। किसे फ़ौरी कारवाई दी ज़रूरत होवे तां मुख्ख अफ़सर झट्ट फ़ैसला कर लैंदा है। छोटे अफ़सर नूं पहिलां मुख्ख अफ़सर तों इजाज़त लैणी पैंदी है। इंने विच पाणी पुलां हेठों लंघ चुक्का हुंदा है। जे लाल सिंघ ख़ुद कचहिरी बैठा हुंदा तां दुकानदार जां चपड़ासी दी की मजाल सी, उह गवाही तों मुक्कर जांदे।

अगांह छोटे थाणेदार दा हाल देख लओ। गवाह मुक्करदे देख के अधीआ अंदर सुट्टिआ, हफ़ते दी छुट्टी लिखी ते पिंड वाली गड्डी चहड़ गिआ। सोचिआ होएगा, कल्ल्ह वाली पैरवाई तों बच जाएगा। डिपटी नें छुट्टी नां-मनज़ूर कीती ते उस नूं डिऊटी तों ग़ैर-हाज़र कर दित्ता। आपे धक्के खांदा फिरू।

हरखे डिपटी नें हुकम जारी कीता। जिहड़ा गवाह जिथे वी मिले, उस नूं उथे ही कुटापा चाहड़िआ जावे। बाकी दे गवाहां नूं आपे कंन हो जाणगे।

इस कंम लई मुख्ख अफ़सर नूं भजाइआ गिआ। उह हर दस मिंट बाअद डिपटी नूं इतलाह देवे। इह हुकम सुणाइआ गिआ।

अखे, जिहड़ा लाहौर बुध्धू, उह पिशौर वी बुध्धू। घंटिआं बध्धी टक्करां मार के वी लाल सिंघ दे पल्ले कुझ नां पिआ।

बाबू अते मोदन किधरे छांईं-मांईं हो गए सन। कचहिरी, वकीलां दे खोखे, उहनां दे घर अते ठहिरन दे सभ टिकाणिआं ’ते छापे मारे गए। उह किधरे नहीं सन मिले।

मुख्ख अफ़सर दी इस असफ़लता ’ते डिपटी दे मत्थे दीआं तिऊड़ीआं होर संघणीआं हो गईआं। महिकमा उस नूं ‘काबल थाणेदार, काबल थाणेदार’ आखदा नहीं थक्कदा। डिपटी नूं उह निरा बुध्धू जापदा सी। ज़रूरी नहीं जिहड़ा अफ़सर चंगी डांग फेर सकदा होवे, उह अकल दा वी धनी होवे। मोदन जां बाबू कोई दुध्ध चुंघदे बच्चे सन, बई गवाही मक्कर के कचहिरी बैठे रहिण जां घरो-घरी जा वड़न। उह शूट वट्ट गए होणगे। उहनां नूं मुख़बरां राहीं लभ्भिआ जाणा चाहीदा है।

भागो बारे रिपोरट सी कि उस नूं इक वकील आपणे सकूटर ’ते बिठा के लै गिऐ। हाले तक नां वकील लभ्भा, नां भागो। इक पुलिस पारटी उहनां दा पिछ्छा कर रही है।

पुलिस दे हत्थ ग़फ़ूर मीआं अते सकूल दा चपड़ासी ही लग्गे सन।

ग़फ़ूर मीआं अदालतों निकलदा ही फड़ लिआ गिआ सी। सारी पुलिस उस उत्ते इल्लां वांग झपट पई सी। थप्पड़ अते ठुड्डे मार-मार उस दा हुलीआ विगाड़ दित्ता गिआ सी। कुझ वकीलां नें पुलिस नाल तूं-तूं मैं-मैं कीती सी। संमती वालिआं नें पुलिस ख़िलाफ़ नाअरे लाए सन। ग़फ़ूर नूं छुडाउण दा यतन कीता सी। इक पत्तरकार नें ग़फ़ूर दी फ़ोटो खिच्च लई सी। पत्तरकार दा कैमरा खोह लिआ गिआ सी। ग़फ़ूर नूं वैन विच सुट्ट के थाणे लिआउण विच पुलिस नूं बहुत जद्दो-जहिद करनी पई सी।

घर नूं जांदा चपड़ासी बज़ार विच टक्कर गिआ सी। उस नूं कुटापा चाहड़न विच पुलिस नूं कोई दिक्कत नहीं सी आई। उस नूं जलूस दी शकल विच पैदल तोर के थाणे लिआंदा गिआ सी।

“हुण की हुकम है?” लाल सिंघ डिपटी तों पुछ्छ रिहा सी। डिपटी अगली कारवाई बारे सोच रिहा सी कि बचन सिंघ आ धमकिआ।

थोहड़ी देर बाअद लाल सिंघ नें इह रिपोरट वी दित्ती कि थाणे अग्गे भीड़ जुड़दी जा रही है। इहनां नूं किउं फड़िआ गिआ? लोक पुछ्छ रहे हन। कुझ लोक दरीआं चुक्की आउंदे हन। हो सकदै धरना मारन। पत्तरकारां दी गिणती वधदी जा रही है। उह कैमरा तां मंगदे ही हन, इहनां गवाहां नाल मुलाकात वी करना चाहुंदे हन। संमती वालिआं नें बैनर लिख लए हन, हो सकदै जलसा करन जां जलूस कढ्ढण।

“इह नवां ही पंगा पै गिआ।” गड़बड़ दे आसार बणदे देख के बचन सिंघ दा दिल ज़ोर-ज़ोर दी धड़कण लग्गा। पुलिस नें गवाहां नाल बदसलूकी कीती तां कल्ल्ह नूं अख़बार ख़बरां नाल भर जाणगे। बचन सिंघ दी कारगुज़ारी होर नंगी हो जाएगी। समां मंग करदा सी कि किवें नां किवें गड़बड़ नूं दबाइआ जावे।

“इहनां गवाहां ’ते सख़ती करन दा कोई फ़ाइदा नहीं। उहनां नूं किस नें मुकराइआ है, इह पुछ्छ के छड्ड दित्ता जावे।

आपणे उदेश दी प्रापती नूं मुख्ख रख्खदिआं बचन सिंघ नें डिपटी नूं राए दित्ती।

बचन सिंघ दा मशवरा लख्ख रुपए दा सी। इह समां वाधू दे झंजटां विच पैण दा नहीं सी। भलमाणसी इसे विच सी कि गवाहां नूं आपणे-आप छड्ड दित्ता जावे। किसे दबाअ हेठ छड्डणे पए तां संमती अते बाकी गवाहां दे हौसले बुलंद हो जाणगे।

“इहनां नूं मुकराउण वाला कौण है? इह पुछ्छ के इहनां नूं छड्ड दित्ता जावे।” बचन सिंघ दे मशवरे दी रौशनी विच डिपटी नें हुकम झाड़िआ।

झट्ट कु बाअद लाल सिंघ दा फेर फ़ोन आ गिआ। ग़फ़ूर नूं मुक्करन लई किसे नहीं सी प्रेरिआ। उह कुरान शरीफ़ दे ख़ौफ़ कारन ही सच्च बोल गिआ सी। तसल्ली लई उस नूं फेर कुरान शरीफ़ दे साहमणे लजाइआ गिआ। कुरान शरीफ़ दी हाज़री विच वी उस नें इहो गल्ल दुहराई सी।

चपड़ासी नें पहिले थप्पड़ ’ते ही बाबे दा नां लै दित्ता। बाबे नें उस नूं डराइआ- धमकाइआ नहीं सी। सच्च बोलण दी ही बेनती कीती सी। चपड़ासी बाबे दे अहिसानां हेठ दब्बिआ होइआ सी। शरमो-शरमी उह बिआनां विच कुझ रद्दो-बदल कर गिआ। वैसे जिंना कु बिआन उस नें पुलिस दे हक्क विच दित्ता सी, उह वी झूठा सी। असलीअत इह सी कि उस नूं बंटी बारे कुझ नहीं सी पता।

इंनी कु पुछ्छ-गिछ्छ नाल पुलिस दा मकसद हल्ल हो गिआ। हुण इह सपश्शट सी कि गवाहां नूं मुकराउण लई संमती सरगरम सी।

पुलिस नूं पहिले गवाहां दा खहिड़ा छड्ड के अगले गवाहां वल्ल धिआन देणा चाहीदा सी। जे उह ठीक भुगत जाण तां वी जज्ज नूं सज़ा सुणाउण लई नहुं अड़ाउण नूं थां मिल जाणी सी।

प्राईवेट गवाहां नाल संपरक करन अते उहनां नूं बिआन समझाउण दी ज़िंमेवारी भंडारी वकील दी सी। पुलिस नें इकल्ले सरकारी गवाहां दा ज़िंमा लिआसी।

आपणी कोठी विच सैट्ट तिआर कर के बैठा भंडारी गवाहां नूं उडीक रिहा सी। भंडारी कोल हाले तक उह गवाह पुज्जे सन, जिहड़े युवा संघ दे कारकुन सन अते गवाही देण लई द्रिहड़ सन जां कुझ अजिहे गवाह प्जे सन जिनहां दी गवाही कराउण जां भुगताउण नाल केस नूं कोई फ़रक नहीं सी पैण लग्गा।

राम बाग़ दा माली, धंना झटकई, मुहल्ले दा पहिरेदार, हसपताल दा चौकीदार, चाह वाला राधे शिआम कोई वी तां नहीं सी पुज्जा। हैरानी दी गल्ल इह सी कि संघ दे वरकर अते भंडारी दे मुनशी कई-कई वार उहनां दे घरां दे चक्कर कट्ट आए सन। कोई वी घर नहीं सी मिल रिहा।

भंडारी नूं दाल विच कुझ काला नज़र आउण लग्गा। गवाह खिसका लए गए सन। ज़रूर उह संमती दे कबज़े विच होणगे। जे हुणे कुझ नां कीता गिआ तां कल्ल्ह नूं वी उहो होवेगी, जिहड़ी अज्ज होई सी। मुख्ख अफ़सर पैरां ’ते पाणी नहीं सी पैण दिंदा। इस समस्सिआ दा हल्ल डिपटी कर सकदा सी।

भंडारी पहिलां ही डिपटी नूं मिलण बारे सोच रिहा सी। उस दा सुनेहा मिलदे ही उह दौड़िआ आइआ।

“गवाहां दा की हाल-चाल है भंडारी साहिब) ठीक-ठाक भुगत जाणगे?” भंडारी दे कुरसी ’ते बैठदिआं ही डिपटी नें आपणे मन दा तौख़ला ज़ाहर कीता।

“किहड़े गवाह ते किहड़ी गवाही? कंम दा इक वी गवाह मेरे कोल नहीं पुज्जा। मैं उडीक-उडीक हंभ गिआं।”

भंडारी दा उत्तर सुणदिआं ही डिपटी अते बचन सिंघ दोहां नूं हत्थां-पैरां दी पै गई।

“हुण की करीए?”

“गवाहां नूं तलब करो। छोटे मुलाज़मां ’ते इतबार नां करो। गवाहां नूं तलब करन दी कमांड ख़ुद संभालो।”

भंडारी दी राए बिलकुल ठीक सी। तुरंत थाणे फ़ोन खड़काइआ गिआ। सारे मुलाज़म बा-वरदी तिआर रहिण। डिपटी साहिब ख़ुद थाणे आ रहे हन।

भंडारी नूं फ़ारग कीता गिआ। गवाहां दे हाज़र होण ’ते उहनां नूं मुड़ तकलीफ़ दित्ती जावेगी।

डिपटी बचन सिंघ नूं नाल ही रख्खणा चाहंदा सी, पर उह सवेर दा भुख्खा सी। उस दे पेट विच खिल्ल तक नहीं सी गई। जिंने चिर विच गवाह इकठ्ठे होण, उने चिर विच बचन सिंघ नाले घर सुनेहा ला आवे, नाले दफ़तरों मिसल चुक्क लिआवे। हो सकदै अज्ज सारी रात ही बैठणा पए।

डिपटी नूं थाणे तोर के बचन सिंघ घर वल्ल हो गिआ।

भुख्खे होण जां घर जाण दा बचन सिंघ दा महिज़ इक बहाना सी। असल विच उह ज़िल्हा अटारनी नूं फ़ोन करना चाहुंदा सी। फ़ोन डिपटी दे दफ़तरों हो सकदा सी पर इस तरहां परदा नहीं सी रहिणा। बाहरों फ़ोन करन दे इरादे नाल बचन सिंघ टल आइआ सी।

ज़िल्हा अटारनी उसे दा फ़ोन उडीक रिहा सी।

बचन सिंघ नें सारा नज़ला पुलिस ’ते झाड़िआ। किसे सिपाही तक नूं केस विच दिलचसपी नहीं सी। गवाह इउं मुक्कर गए जिवें जूए सट्टे दा केस होवे। असल पुछ्छिआ जाए तां कसूर गवाह दा वी नहीं। सारे गवाह फ़रज़ी सन। बिनां पुछ्छे-दस्से उहनां दी गवाही रख्ख लई गई सी। पुलिस वल्लों गवाहां नूं कोई सुरख्खिआ प्रदान नहीं सी कीती गई। दूजी धिर केस जित्तण लई हर हत्थकंडा वरत रही सी। डरदे गवाह मुक्कर गए। इस विच बचन सिंघ दा कोई कसूर नहीं।

कल्ल्ह नूं इस तों वी भैड़ी हालत होण दी संभावना सी। कल्ल्ह नूं भुगतण वाला कोई वी गवाह पुलिस नूं नहीं सी लभ्भ रिहा। हाले तक पुलिस नें गवाहां नूं मिलण जां बिआन समझाउण दा कोई यतन वी नहीं कीता। प्राईवेट वकील ’ते डोरी सुट्ट रख्खी सी। सफ़ाई धिर सरगरम सी। इकल्ला बचन सिंघ की करे?

बचन सिंघ दी रिपोरट सुण के ज़िल्हा अटारनी नूं आपणा फ़िकर पै गिआ। हैड्ड आफ़िस विचों हुकम होइआ सी, ज़िल्हा अटारनी शहिर जा के ख़ुद केस झगड़े। ज़िल्हा अटारनी नूं बचन सिंघ दी काबलीअत ’ते यकीन सी। उस नूं हेठली अदालत विच आउण ’ते हेठी महिसूस होई सी। काग़ज़ीं-पत्तरीं इह केस ज़िल्हा अटारनी ही लड़ रिहा सी।

ज़िल्हा अटारनी नें बचन सिंघ नूं सलाह दित्ती कि किवें नां किवें मौका संभालो। गवाह काबू आउंदे नां दिसण तां पेशी लै लओ। इसे दौरान उह उच्च-अधिकारीआं नाल गल्ल कर के आपणी सथिती सपश्शट कर देवेगा।

पेशी लैण लई बचन सिंघ वी यतन करे। ज़िल्हा अटारनी वी करेगा। फ़ोन रख्खदिआं ही उह सैशन जज्ज दी कोठी जाएगा। उस नूं सारी सथिती समझाएगा। हो सकिआ तां ऐडीशनल सैशन जज्ज सतिंदर नाथ नूं फ़ोन कराएगा। कोई नां कोई हल्ल ज़रूर लभ्भ जाएगा। घंटे कु बाअद उह फेर फ़ोन करेगा। इक-दूजे नूं सथिती दी जाणकारी दित्ती जावेगी।

ज़िल्हा अटारनी नाल गल्ल कर के बचन सिंघ हलका-फुल्ल हो गिआ।

डिपटी दे दफ़तर परतण तक उह ताज़ा-दम हो चुक्का सी।

इधर डिपटी बेरंग सी।

उस दी निगरानी हेठ पुलिस हर गवाह दे घर ’ते छापा मार कर चक्की सी। किधरों वी सफलता हत्थ नहीं सी लग्गी।

किसे दे घर नूं जिंदा लग्गा सी। किसे दे घर बुढ्ढा-ठेरा जां बाल-बच्चा ही सी। कोई जवाब दिंदा, फलाणा विआह गिऐ। आख के गिऐ अदालत दे वकत तक पुज्ज जाएगा। कोई आखदा मरग हो गई, जदों आइआ थाणे भेज देवांगे।

हुण शक्क दी कोई गुंजाइश नहीं सी। गवाह संमती वालिआं कोल सन। उह दोशीआं दे हक्क विच भुगतणगे। हुण की कीता जावे?

भंडारी नूं मशवरे लई दुबारा बुलाइआ गिआ।

“मैं इकल्ला की करां? पहिलां तुसीं दड़ वट्टी रख्खिआ। अग्ग लग्गी तों खूह पुट्टण लग्गे हो। उधर तिंन-तिंन वकीलां अते सैंकड़े बंदिआं दा ज़ोर लग्गा होइआ है। इधर तुसीं सारा बोझ मेरे मोढिआं ’ते सुट्ट रख्खिआ है। मैं करां ते की करां?” खिझे भंडारी नें पुलिस ’ते ग़ुस्सा कढ्ढिआ।

“तुसीं दरुसत आखदे हो, पर हुण आपां नूं किवें नां किवें मौका संभालणा ही पएगा। मैं तुहानूं यकीन दिवाउंदा हां, अग्गों तों पैरवाई मैं ख़ुद करांगा।” डिपटी नें ठंढा छिड़कण दी कोशिश कीती।

“किवें नां किवें कल्ल्ह नूं पेशी लओ। फेर बाबे, वकीलां अते संमती दे हर कारकुन ’ते करड़ी नज़र रख्खो। कौण किस नूं मिलदा है, इस दी पड़ताल करो। फेर भावें सफलता मिल जावे। नहीं तां भठ्ठा बैठ ही गिऐ।”

पुलिस नूं सिध्धे राह पा के भंडारी वापस चलिआ गिआ।

संमती वालिआं नाल किवें नजिठ्ठिआ जावे, इस बारे सोचिआ जावेगा। हाल दी घड़ी मसला जज्ज नूं मिल के पेशी लैण दा सी।

डिपटी नें सिटी वालिआं नूं फ़ोन कीता। तुरंत इक पेटी ‘पीटर सकाट’ अते दो डब्बे डराई फरूट दे हाज़र कीते जाण।

तारीख़ लए बिनां मसला हल्ल नहीं सी होणा। इह डिपटी नूं चंगी तरहां समझ आ गिआ सी। इक वार तारीख़ मिल गई तां डिपटी नें इक-इक गवाह नूं चुक्क लिआउणा सी। महीना भर थाणे बिठाई रख्खणा सी। जिंना चिर गवाह सही तरहां नाल भुगत नहीं जांदे, किसे नूं हवा तक नहीं सी लग्गण देणी। संमती नूं तां की, उस दे फ़रिशतिआं तक नूं पता नहीं लग्गेगा कि गवाह किहड़े भोरे विच सुट्टे गए हन।

डिपटी नें जज्ज नूं फ़ौरन मिलण दा मन बणा लिआ।

डिपटी नूं नाथ साहिब ’ते माण सी। उह डिपटी नूं जवाब नहीं देवेगा। उह कई वार इकठ्ठे रहि च्के हन।

उहनां दी पहिली मुलाकात नाभे होए सी। उस समें डिपटी सब-इंसपैकटर सी अते नाथ साहिब मैजिसट्रेट।

जदों उह कोतवाली दा मुख्ख अफ़सर बण के गिआ, उस साहमणे पहिला मसला जज्जां दा ही पेश होइआ सी।

ज़िल्हे विच हाई कोरट दी इंसपैकशन चल्ल रही सी। शनीवार नूं नाभे दी वारी सी।

जज्ज कड़िक्की विच फसे होए सन। सब-डवीज़न दे सारे थाणेदारां नें जज्जां दा बाईकाट कीता होइआ सी।

हाई कोरट दी इंसपैकशन किहड़ा माड़ी-मोटी सी। वीह तरहां दे प्रबंध करने पैणे सन। अदालतां दी सफ़ाई कई दिन पहिलां तों शुरू कराउणी सी। कली-कूचा, रंग-रोगन कराउणा सी, सड़कां ’ते झाड़ू दिवाउणा सी। सारे शहिर विच छिड़का करवाउणा सी।

रैसट-हाऊस बुक्क कीता जाणा सी। अमले-फैले लई विसकी तों लै के मछ्छी-मुरग़े तक दा प्रबंध करना सी। शहिर विच ख़ास तरहां दी करौकरी बणदी सी। करौकरी दे सैट्ट तोहफ़े दे तौर ’ते पेश करने सन।

बीसीआं मुलाज़मां दे नाल-नाल हज़ारां रुपिआं दी ज़रूरत पैणी सी। जे पुलिसही बाईकाट कर गई तां हाई कोरट वल्लों मैजिसट्रेटां नूं भैड़ी रिपोरट मिलणी यकीनीसी।

औखे-सौखे जज्ज होर तां सारे प्रबंध कर ही लैणगे पर शिकाइतीआं नूं कौण भजाएगा?

जज्जां दीआं वधीकीआं तों दुखी होए लोकां लई इह किआमत वरगा दिन सी। शिकाइतां सुणन वाला मसां-मसां उहनां दे दर ’ते आइआ सी। कुझ शिकाइतीआं नूं वकीलां नें शहि दित्ती सी। जज्जां नाल किड़ कढ्ढण दा वकीलां लई इह सुनहिरी मौका सी। वकील वी आपणे साइलां नूं शिंगार के तोरनगे। किसे मैजिसट्रेट दी इक वी शिकाइत हो गई तां सारा गुड़ गोबर हो जाणा सी।

पुलिस दा पहिरा सख़त होवे तां की मजाल है कि इंसपैकटिंग जज्ज कोल चिड़ी वी फड़क जावे।

नाथ साहिब नें वारी-वारी सारे मुख्ख अफ़सरां नूं सुनेहा भेज के देख लिआ सी। आने-बहाने सभ टल गए सन।

डिपटी नूं सुनेहा पुज्जा तां उस नूं मुनशी नें रोक लिआ। कारन पुछ्छिआ तां पता लग्गा, जज्ज ऐंटी-पुलिस है। पुलिस नालों मुलाज़मां नूं तरजीह दिंदा है। पुख़ता तों पुख़ता मुलज़म दा वी पुलिस रिमांड नहीं दिंदा। ऐफ़.आई.आर. ’ते समां पाउण समें वी अड़दा है। अहिम जुरमां दी ऐफ़.आई.आर. झट्टपट्ट तां दरज हो नहीं जांदी, परचा कट्टण तों पहिलां सारिआं पख्खां नूं विचारना पैंदा है। कई वार इह दरज पिछ्छों हुंदी है पर दरज करन दा समां पहिलां दा पाउणा पैंदा है। इह घंटे दो घंटिआं दी वी ऐडजसटमैंट नहीं करदा। आखदै जिस समें ऐफ़.आई.आर. आई है, उहो समां पाओ। उस दी इस धक्कड़शाही कारन कई कतल केस बरी हो चुक्के हन। चलान पेश करन समें वी आखू, नाले दोशी लिआओ नाले नकलां पूरीआं करो। चलान लेट पेश होण कारन कई पुलिस अफ़सरां दी इनकुआइरी खुल्ल्ही फिरदी है। जे मैजिसट्रेट पुलिस दे कंम  नहीं आउंदा तां पुलिस नें किहड़ा उस तों कसीदा कढाउणै। जे उह नियमां अनुसार चल्लदा है तां पुलिस वी नियमां अनुसार चल्लेगी। पुलिस रूलां विच इह किधरे नहीं लिखिआ कि इंसपैकशन समें जज्जां दी वगार पुलिस नें करनी है।

डिपटी नें बाईकाट दी परवाह नहीं कीती। बाईकाट नाल सगों उस नें होर ऐंटी-पुलिस हो जाणा सी। जे जज्जां नूं हक्क विच करना है तां लोड़ समें उहनां दी मदद कीती जावे ते उस नें नाथ दी मदद कीती सी।

मुख्ख अफ़सरां दा भाईचारा भावें उस नाल नाराज़ होइआ सी पर नाथ डिपटी दी मुठ्ठी विच आ गिआ सी।

सारी दुनीआं नूं पता है, सरकार पाले अते मीते नूं फ़ांसी देणा चाहुंदी है। इह तां ही संभव है जे निआं-पालिका पुलिस दी मदद करे।

पिछला अहिसान याद कराउण लई अते निआं-पालिका दी मदद लैण लई डिपटी बचन सिंघ नूं नाल लै के नाथ दी कोठी जा वड़िआ।

पेशी देण तों सिवा उह हर तरहां दा सहियोग देण नूं तिआर सी।

नाथ नें वाअदा  कीता, गवाह जो मरज़ी आखण, उह दोशीआं नूं बरी नहीं करेगा। जदों दोशी सज़ा हो गए तां नां किसे नें डिपटी नूं पुछ्छणा सी, नां बचन सिंघ नूं।

बचन सिंघ इहनां मिठ्ठीआं गोलीआं नाल परचण वाला नहीं सी। जिस हिसाब नाल संमती वल्लों पैरवाई हो रही सी, उस हिसाब नाल कोई पता नहीं फ़ैसले समें इथे किहड़ा जज्ज होवे।

बचन सिंघ दे उच्च-अधिकारी तां मिसल दा अख्खर-अख्खर घोखणगे। उहनां दी पड़ताल गवाहां दे बिआनां दे आधार ’ते होएगी। फ़ैसले तक किस उडीकणा है?

गल्लां-गल्लां विच दस वज्ज गए। गल्लां-गल्लां विच नाथ उहनां दी सेवा करना ही भुल्ल गिआ।

नाथ खाणा खाई बैठा सी। खाणा खा के पीणी उस दी आदत नहीं सी। डिपटी नूं सुक्का वी नहीं सी मोड़िआ जा सकदा। उहनां पैग्ग पा लए। जज्ज लई छोटा, बाकीआं लई वड्डा।

जदों थोहड़ी जिही चहड़ गई तां डिपटी नें उलांभे देणे शुरू कीते। नाभे दी याद दिवाई। जदों नाथ फसिआ होइआ सी तां डिपटी नें उस नूं बचाइआ सी। हुण डिपटी दी किशती डुब्ब रही सी ते उह कोल खड़ा तमाशा देख रिहा सी।

सरूर ’च आए नाथ नें वी मन दी घंढी खोल्ह दित्ती।

उस नूं सैशन जज्ज दा सुनेहा आइआ सी। मुख्ख मंतरी साहिब इस केस विच इनटरसटिड सन। हाई कोरट चाहुंदी सी, केस नूं इक महीने दे अंदर-अंदर नबेड़ दित्ता जावे। उह करे तां की करे?

“मुख्ख मंतरी साहिब नूं दिलचसपी फ़ैसले विच नहीं, सज़ा विच है। साडा सभ दा उदेश सांझा है। मुख्ख मंतरी नूं ख़ुश करना। उह ख़ुश तां होणगे, जे दोशीआं नूं फांसी होएगी। फांसी तां होएगी जे पुलिस गवाहां तों सही गवाही दिवाएगी। पुलिस गवाहां नाल तां ही नजिठ्ठ सकेगी जे उस नूं खुल्ल्हा समां मिलेगा। गवाह भुगता के तुसीं मुख्ख मंतरी नूं नराज़ नां कर लिओ।”

डिपटी नें मुख्ख मंतरी दा उदेश सपश्शट कीता।

डिपटी दरुसत आखदा सी। जे कल्ल्ह नूं तारीख़ नां दित्ती गई तां गवाहां नें मुक्कर जाणै। दोशीआं दे बरी होण नाल मुख्ख मंतरी दा सिंघासण डोल सकदै। जलदी फ़ैसला उह मुसीबतां विच घिर जाण लई थोहड़ा करवा रहे सन?

जज्ज दीआं अख्खां अग्गों हनेरा हटण लग्गा।

नाथ कड़िक्की विच फस गिआ। जे पेशी दित्ती तां हाई कोरट नराज़। नां दित्ती तां मुख्ख मंतरी नाराज़। उह खूह ’च गिरे जां खाई ’च।

दोहां धिरां नूं आपणी-आपणी मजबूरी सी। उह किसे अजिहे सिट्टे ’ते पुज्जण दा यतन करन लग्गे, जिस नाल सप्प वी मर जाए अते लाठी वी नां टुट्टे। तारीख़ वी पै जावे अते किसे ’ते आंच वी नां आवे।

“मैं सैशन जज्ज साहिब नूं फ़ोन कर के देखदां। सारी सथिती दस्सदां। जिवें आखणगे कर लवांगा।” आख़र नाथ नूं राह लभ्भा।

सैशन जज्ज वल्लों पहिले हल्ले ही हरी झंडी मिल गई।

दोशीआं नूं सज़ा होणी चाहीदी सी। इस मकसद लई पुलिस नूं जिस तरहां दी मदद दी वी ज़रूरत होवे दित्ती जावे।

फ़ोन रख्ख के नाथ नें वड्डे-वड्डे पैग्ग पाए।

हुण यारी निभाउण विच उस नूं कोई दिक्कत नहीं सी।

अध्धी रात तक उह ख़ुशी दे जाम खड़काउंदे रहे।

 

 

18

महीने दी तारीख़ पैण नाल संमती ’ते मुसीबतां दा पहाड़ टुट्ट पिआ। संमती नूं जिथों-जिथों वी मदद मिल रही सी, उहो-उहो राह बंद कीते जाण लग्गे।

इक पासे डिपटी नें कारवाई शुरू कीती।

थाणे दे मुनशी नाल गुरमीत दे नेड़े दे संबंध सन। मिसल बहुती देर मुनशी कोल ही रही सी। हत्थ-लिखतां, उंगलां दे निशान अते मोलड तां रहिंदे ही मुनशी दे कबज़े विच सन। रोज़नामचा अते उन्नी नंबर रजिसटर थाणे दी नबज़ हुंदे हन। जिस दे वी हत्थ लग्ग गए, उहो थाणे दी कमज़ोरी पहड़ गिआ। मुनशी नूं थाणे दी मां आखिआ जांदा है। जे घर दा भेती ही लंका ढाहुण लग्गे तां लंका नूं कौण बचा सकदा है? बदले गए बिआनां अते तबदील होईआं ज़िमनीआं दा भेत इकल्ले मुनशी नूं सी। माहिरां दीआं रिपोरटां दीआं नकलां अते पारसल लै के जाण वाले सिपाहीआं दे  नां पते अते तारीख़ां मुनशी नें ही सफ़ाई धिर नूं दित्ते होणगे। इसे शक्क विच मुनशी नूं लाईन हाज़र कीता गिआ।

फेर वारी आई नाइब कोरट दी।

उह वी बहुत पुराणा हो चुक्का सी। वकीलां, मुनशीआं, मुलज़मां, मुदई्ईआं_सभ नाल घुल-मिल गिआ सी। गवाहां कोलों केसां दीआं कमीआं-पेशीआं पुछ्छदा अते वकीलां नूं दस्स आउंदा। बहुता केसां दा भठ्ठा उहो बिठाउंदा। डिपटी कोल पहिलां वी शिकाइतां आईआं सन। उह तबादला करन लग्गदा तां किसे नां किसे पासिउं सिफ़ारश आ जांदी। कदे जज्ज वल्लों, कदे सरकारी वकील वल्लों अते कदे थाणेदारां वल्लों। आखण लग्गदे, उह कंम दा माहिर है। उस दे सिर ’ते किसे नूं फ़िकर नहीं रहिंदा। नाइब-कोरट दी इहो मुहारत पुलिस दा नुकसान कर रही सी।

नाइब-कोरट दा तबादला डिपटी नें आपणी गारद विच कर लिआ। गेट ’ते खड़ा सड़दा रहेगा।

नाज़र सिंघ पहिलां ही ग़ैर-हाज़र हो चुक्का सी। डिऊटी विच कुताही वरतण लई उस नूं मुअत्तल कर दित्ता गिआ।

दूजे पासे जज्ज साहिब चौकस हो गए।

अदालत दे बहुते मुलज़म संमती दी मदद ’ते तुले होए सन। कुझ हमदरदी वजों, कुझ लालच वस्स। अहिलमद्दां दा मिसलां लै के वकीलां दे घर जाणा आम गल्ल सी। चार पैसे वध्ध मिलण तां गुपत दसतावेज़ अते बिआनां दीआं नकलां करवा दिंदे सन। कुझ दलेर अहिलमद्द दसतावेज़ां विच सहिंदी-सहिंदी तबदीली करन दा ज़ोख़म वी उठा लैंदे सन। दूजे पासे जे सरकार होवे तां इह हेराफेरी होर आसान हो जांदीसी।

इह केस वी अहिम सी। अहिलमद्दां दी मिहरबानी सदका हर काग़ज़ दी नकल सफ़ाई धिर कोल पुज्ज चुक्की सी। अगांह होण वाली कारवाई दीआं नकलां वी पुज्ज सकदीआं सन। किसे रद्दो-बदल दी संभावना वी रद्द नहीं सी कीती जा सकदी। मुसीबतां दा पहाड़ जज्ज ’ते वी टुट्ट सकदा सी। इह केस अजिहे पड़ाअ ’ते पुज्ज चुक्का सी, जिथे किसे वी अफ़सर दी टंग फस सकदी सी।

नाथ साहिब नें मिसल तलब कीती। पेज़ मारकिंग करवाई। हर पंनें ’ते छोटे दसतख़त कीते। जिथे-जिथे कटिंग जां ओवर-राईटिंग सी, उथे लाल सिआही नाल निशाल लाए। मिसल नूं इक मोटे लिफ़ाफ़े विच पा के लिफ़ाफ़े नूं सील कीता। इस लिफ़ाफ़े नूं नाथ साहिब दी अलमारी विच रख्खिआ गिआ। मिसल तारीख़ वाले दिन ही बाहर निकलेगी। पेशी तों पहिलां किसे नूं ज़रूरत पए तां जज्ज दी इजाज़त लई जाएगी।

तीजे पासे बचन सिंघ नें सुरिंदर कुमार दीआं वागां कस्सीआं।

बचन सिंघ नूं यकीन सी, इह नकलां सुरिंदर कुमार नें करवा के दित्तीआं होणगीआं। इह उस दी पुराणी आदत सी। पहिलां वी उस नें विजीलैंस दे इक केस दीआं नकलां करवा के दोशीआं नूं दे दित्तीआं सन। पड़ताल होण ’ते उह कसूरवार पाइआ गिआ सी।

सिध्धे तौर ’ते बचन सिंघ उस दा कुझ नहीं सी विगाड़ सकदा। भज्जा-भज्जा उह संगरूर गिआ सी, सारे हालात ज़िल्हा अटारनी दे नोटिस विच लिआंदे। ज़िल्हा अटारनी नें उस नूं जिहड़ी वाधू कचहिरी दित्ती सी, उह वापस लै लई। चार-पंज हज़ार रुपए महीने दे नुकसान दी सज़ा ला दित्ती।

इस तरहां संबंधित मुलाज़मां ’ते कहिर ढाह के संमती नूं मिलण वाली मदद दी नाकाबंदी कीती गई।

उधर सफ़ाई धिर दे वकीलां ’ते सख़ती शुरू होई।

जदों केस दी सुणवाई नूं इक महीना अग्गे पाइआ गिआ सी तां सैल्ल दे वकीलां दी जज्ज नाल झपट होई सी।

पेशी वाले दिन जज्ज नें बीमार होण दा बहाना घड़िआ सी। घर बैठे ही रीडर नूं हुकम भेजिआ सी। केस अगले महीने दी अठ्ठ तारीख़ ’ते रख्ख देवे।

अगले दिन गुरमीत नें इस हुकम विरुध्ध उजर कीता सी। उह इक-दो दिनां दी पेशी चाहुंदा सी। जदों जज्ज नें पैरां ’ते पाणी ही नां पैण दित्ता तां गुरमीत नें निआं-पालिका दे फ़रज़ां ’ते इक लंबा लैकचर झाड़िआ सी। नाल ही रात कोठी विच घड़ी गई साज़िश दा ज़िकर कीता सी।

इस नुकता-चीनी ’ते जज्ज खिझ गिआ। उस नें सफ़ाई धिर दे सारे  वकीलां नूं सबक सिखाउण दा तहई्ईआ कर लिआ। आप तां जो उह विगाड़ सकिआ विगाड़ेगा ही, हेठलीआं अदालतां नूं वी इशारा कर दित्ता। तिंनां विचों किसे वकील नूं वी ‘रलीफ़’ नां दित्ता जावे। उहनां नाल बदसलूकी कीती जावे। कोल खड़े साइल दी इह तसल्ली कराई जावे कि जज्ज वकील ’ते उवें लग्गदा है जिवें ज़ख़म ’ते लूण। जदों साइल दे मन विच अजिहा शक्क बैठ जावे तां उह वकील बदलण नूं मिंट लाउंदा है।

इहनां वकीलां दे हर मुलज़म नूं सज़ा करो। वध्धो-वध्ध पुलिस रिमांड देवो। किसे दी ज़मानत नां लओ। उहनां नूं सबक सिखाउंदिआं किसे होर नाल ज़िआदती हो जावे, इस दी वी परवाह नां करो।

पिआरे लाल मलंग वकील सी। नां साउण सुक्के नां हाड़ हरे। नां कोई केस, नां उलट होण दा डर।

गुरमीत वी नवां-नवां आइआ सी। जिहड़े दो-चार केस उस कोल सन, उहनां दा पता नहीं कदों फ़ैसला होणा सी। वैसे वी उस दे साइलां विच होर वकील करन दी परोखों नहीं सी।

मोहन जी सभ तों वध्ध प्रभावत सी। उस दा धड़ाधड़ नुकसान हो रिहा सी। उह घबराइआ होइआ सी। वकीलां दा इक धड़ा उस दे ख़िलाफ़ प्रचार करन विच रुझ्झा होइआ सी। उस दे हर साइल नूं बुला के समझाइआ जा रिहा सी। जज्ज मोहन जी दे ख़िलाफ़ है। बच्चू, हर हालत विच सज़ा होएगी। कुझ डरू साइल खिसक गए सन। बहुते खिसकण वाले सन।

उह मंग कर रिहा सी, संमती कुझ करे। संमती नें कुझ नां कीता तां उह दिनां विच ही बेरोज़गार हो जाएगा। विआह पिछ्छों लोई किस कंम आएगी?

संमती दे वरकरां दी वी इहो मंग सी। उहनां ’ते वी सकंजा कस्सिआ जा रिहा सी।

संमती दे वरकरां दा पुराणा रिकारड कढ्ढ लिआ गिआ सी। थाणे वालिआं नें अजिहे केसां दी लिसट तिआर कर लई, जिनहां विच उेहनां नूं ग्रिफ़तार कीता जा सकदा सी।

पुलिस दीआं अख्खां विच राजिंदर सभ तों वध्ध रड़कदा सी। उस नूं पंज साल पहिलां होए इक कतल केस विच फड़े जाण दी योजना बणाई गई।

इस केस विच इक मुरग़ीख़ाने दे मालक दा कतल होइआ सी। वैसे इह कारा दहिशतगरदां दा सी पर उह पुलिस दे हत्थ नहीं सन आए।

थाणे दा ज़ेर-तफ़तीश पिआ इह सभ तों वध्ध पुराणा केस सी। हर मीटिंग विच अफ़सर झाड़ां पाउंदे सन। दोशी ग्रिफ़तार करो। असल नहीं लभ्भ रहे तां किसे होर ’ते फिट्ट करो। पिछली मीटिंग विच साहिब नें ताड़ना कीती सी। जे इस महीने वी चलान पेश नां कीता गिआ तां सख़त कारवाई होएगी।

इको तीर नाल दो निशाने फुंडण दा पुलिस लई इह वधीआ मौका सी। इस केस नूं सुरजीत कीता गिआ। इक अजिहे गवाह दा बिआन लिखिआ गिआ जिहड़ा संमती दी पहुंच तों बाहर सी। उह दो महीने पहिलां ही मर चुक्का मिहरदीन सी।

उह टैकसी चलाउंदा हुंदा सी। कतल तों इक दिन पहिलां राजिंदर मिहरदीन दी टैकसी विच पोलटरी-फ़ारम ’ते गिआ सी। आंडिआं दे भाअ ’ते दोहां विच तकरार होइआ सी। राजिंदर नें उस दे साहमणे मालक नूं सबक सिखाउण दी धमकी दित्ती सी। दसां कु दिनां पिछ्छों राजिंदर उस नूं फेर मिलिआ सी। राजिंदर नशे विच धुत्त सी। उस नें मिहरदीन नूं दस्सिआ सी कि उस नाल बदसलूकी करन वाले लाले दा उस नें फाहा वढ्ढ सुट्टिऐ। गवाह राजिंदर तों डरदा पंज साल चुप्प रिहा। मरन लग्गिआं उह मन ’ते बोझ नहीं सी रख्खणा चाहुंदा। आख़री साह लैण तों पहिलां उस नें पुलिस नूं बुला के आपणा बिआन दरज करवाइआ ते सदा दी नींद सौं गिआ।

राजिंदर नूं ग्रिफ़तार करन लई हाले इंनी गवाही ही काफ़ी सी।

शामू लई चोरी दा केस तिआर कीता गिआ।

करीब इक साल पहिलां कालज दी प्रयोगशाला विचों लख्खां रुपए दा सामान चोरी होइआ सी। इस संबंध विच पुलिस कोल केस दरज सी।

उंझ सभ नूं पता सी, इह परचा इक रसमी कारवाई सी। आई ग्रांट दी सारी रकम प्रिंसीपल छक गिआ सी। सामान काग़ज़ीं-पत्तरीं ही आइआ सी, परचे नाल जाअली ख़रीद कज्जी जाणी सी, नाले बीमा कंपनी तों मुआवज़ा मिल जाणा सी। मिले मुआवज़े दा सामान ख़रीद लिआ जाणा सी। समान वी पूरा ते जेबां वी गरम। इस साज़िश विच पुलिस दी मिली-भुगत सी। इस लई परचा दरज हुंदिआं ही तफ़तीश ठप्प हो गई सी।

हुण इस केस विच वी कारवाई पै जाणी सी। प्रिंसीपल कोलों पंज-चार सौ दा सामान मंगवा के थाणे रख्ख लिआ गिआ सी। उह सामान शामू कोलों बरामद होइआ दिखा के सारे मसले हल्ल हो जाणे सन।

बाबे नूं फड़न लई पहिलां वाला केस ही काफ़ी सी। दो गवाह खड़े कीते गए। उहनां दे चार-चार डांगां लाईआं गईआं। फेर डाकटरी कराई गई। गवाहां वल्लों रपट दरज होई। “उह बाबे दे ख़िलाफ़ दरज होए केस दे गवाह सन। रात बाबा कुझ ‘समरथकां’ नूं लै के उहनां दे घर आइआ सी। उहनां नूं धमकी दित्ती सी। जे बाबे ख़िलाफ़ गवाही दित्ती तां ठिकाणे ला दित्ता जाएगा। उहनां नूं बाबे तों ख़तरा सी।”

इस रपट दे आधार ’ते बाबे दी ज़मानत रद्द करवाई जा सकदी सी। ‘समरथकां’ विच किसे वी कारकुन नूं लोड़ अनुसार फड़िआ जा सके, इस लई मिसल दा मूंह खुल्ल्हा रख्खिआ गिआ सी।

गुरमीत नूं वी हेरा-फेरी अते कुरप्पशन दे इक केस विच उलझाउण दी योजना सी। जदों उह सरकारी वकील सी तां उस नें छब्बी दे इक दोशी तों पंज हज़ार रुपिआ लिआ सी, उस नूं बरी कराउण दा। बिनां उस दा कंम कराइआं ही गुरमीत नौकरी छड्ड गिआ। गुरमीत उस नूं पैसे वापस नहीं सी कर रिहा। कारवाई कीती जावे। इस तरहां दी इक दरख़ासत पुलिस नें किसे कोलों लई सी।

बाकी समरथकां लई इक चगल औरत नूं थाणे बिठाइआ गिआ। लोड़ पैण ’ते पुलिस वाले पहिलां उस नाल जबर-जिनाह करनगे। फेर इस दोश हेठ संमती वालिआं ख़िलाफ़ परचा दरज करनगे। इस केस दा पुलिस नूं दूहरा फ़ाइदा होएगा। उह दोशीआं नूं ग्रिफ़तार तां करनगे ही, नाले मूंह काला कर के जलूस वी कढ्ढणगे। लोकां विच उहनां दीआं कालीआं करतूतां दा भांडा भंनणगे अते उहनां दी शाख़ विगाड़नगे।

पुलिस वल्लों सारी लिखा-पहड़ी मुकंमल सी। उपरों इशारा मिलदिआं ही उह धूंआं-धार ग्रिफ़तारीआं कर सकदी सी।

संमती दे कारकुनां दे नाल-नाल गवाहां अते उहनां नूं पनाह देण वाले हमदरदां विच वी सहिम फैल रिहा सी। पुलिस दे सूहीए उहनां नूं कुत्तिआं वांग सुंघदे फिरदे सन। किसे वी समें, किते वी छापा पै सकदा सी।

संमती नूं गवाहां अते हमदरदां बारे वधेरे चिंता सी।

अगली पेशी विच महीना पिआ सी। इह वी कोई गरंटी नहीं सी कि अगली पेशी गवाह भुगत ही जाण। जिस हिसाब नाल सरकारी मशीनरी विच तालमेल बैठिआ होइआ सी, उस हिसाब तां ओना चिर तक्क पेशीआं मिलदीआं रहिणीआं सन, जिंना चिर तक पुलिस नूं यकीन नहीं हो जांदा कि सारे गवाह उस दे हक्क विच भुगतणगे।

बहुते गवाह साधारन परिवारां नाल संबंध रख्खदे हन। आथण-उगण कमा के खाण वाले कबीलदार सन। महीनिआं बध्धी नां उहनां नूं घरों अलग्ग रख्खिआ जा सकदा सी नां कंमों-कारों। किसे दी नौकरी छुट्ट जाणी सी, किसे दा कारोबार ठप्प हो जाणा सी ते किसे दी फ़सल उज्जड़ जाणी सी।

गवाहां नूं घर वी नहीं सी भेजिआ जा सकदा। घर वड़दिआं ही पुलिस नें उहनां नूं चुक्क के लै जाणा सी।

लीगल सैल्ल कोल गवाहां नूं कानूंनी राहत दिवाउण दा कोई हीला नहीं सी। अजिही सथिती विच गवाहां दी रख्खिआ लई कोई कानूंन नहीं बणिआ।

जीवन आहड़तीआ ज़रूर गवाहां नूं गुपतवास विच ही रख्खणा चाहुंदा सी। उह उहनां दे परिवारां दा ख़रच झल्लण लई तिआर सी।

पर संमती किसे वी अजिहे गवाह नूं पुलिस दे हवाले नहीं सी कर सकदी जिस नें संमती दा साथ दित्ता सी। सवाल सिधांतां दा सी। गवाही दे अहिम होण जां नां होण दा नहीं सी।

अग्गों तों की रुख़ अपणाइआ जाए? इह विचारन लई संमती दी गुपत मीटिंग रख्खी गई।

बहुते कारकुनां दा विचार बचाअ दी नीती नालों हमले दी नीती अपणाए जाण दा सी। बचाअ इट्ट दा जवाब पत्थर नाल दे के ही हो सकदा सी।

बाबा जी दा विचार सी कि लोकां नूं इनसाफ़ दिवाउण वालीआं तिंनों एजंसीआं पुलिस, प्रासीकिऊशन अते निआं-पालिका आपणे फ़रज़ भुलाई बैठीआं हन। तिंनां साहमणे इको उदेश है, मौके दी सरकार नूं ख़ुश करना अते वध्धो-वध्ध पैसे बटोरना।

कामयाबी हासल करन लई संमती नें तिंनां धिरां ख़िलाफ़ जह्हाद छेड़ना सी।

जज्ज अते सरकारी वकील शरेआम रिशवत लैंदे सन। इहनां नूं कुरप्पशन दे केसां विच उलझाइआ जावे।

नाथ साहिब दी पड़ताल कराउण दी ज़िंमेवारी गुरमीत नें आपणे ज़िंमे लई। उस नूं नाथ बारे काफ़ी कुझ पता सी।

नाथ जलंधर दा रहिण वाला सी। उस दा बाप इक प्राइमरी सकूल मासटर सी। सारी उमर मासटर नूं मकान नहीं सी जुड़िआ। कुड़ीआं दे विआह उस नें करज़ा चुक्क-चुक्क कीते सन।

नाथ पहड़ाई विच हुशिआर सी। दसवीं पास करदिआं ही नगर-पालिका विच मुहर्रर लग्ग गिआ। रात दी डिऊटी समें पहड़दा रहिंदा। पहिलां बी.ए. कीती, फेर लाअ। आख़िर जज्ज बण गिआ।

जज्ज बणदिआं ही गोबिंदगहड़ दे सनअतकारां नें नाथ साहिब नूं ख़रीद लिआ। पंज लख्ख नकद, कार अते कुड़ी दे के।

आलीशान कोठीआं विचों आई सुनीता नूं नाथ साहिब दे घरों बू आउण लग्गी। बिनां फलश्श वालीआं टट्टीआं कारन उस नूं कबज़ रहिण लग्गी।

नाथ दा सटैंडरड उच्चा चुक्कण लई पहिलां-पहिल सहुरिआं नें मदद कीती। कदे मिलण आए कूलर लगवा गए, कदे गलीचा विछवा गए।

फेर करोड़पती सालिआं, सांढूआ नूं देख-देख नाथ साहिब नूं वी रहिण-सहिण दा सलीका आ गिआ। पैसा बणाउण दा सलीका वी रिशतेदारां नें सिखा दित्ता।

हुण उह वी लख्खां दी जाइदाद दा मालक सी। फ़ारम बणा लए, कारख़ानिआं विच हिस्से पा लए, पलाट ख़रीद लए अते कोठीआं उसार लईआं। साले, सालीआं दीआं विआह शादीआं ’ते जांदिआं हुण उस नूं शरम दे मारे मूंह नहीं लुकाउणा पैंदा। उह वी रिशतेदारां दे बराबर ढुक्कदा सी।

नाथ नूं हत्थ पाउणा ख़ाला जी दा वाड़ा नहीं सी। उस दी बहुती जाइदाद कुत्तिआं-बिल्लिआं दे नां सी। जिहड़ी उस दे आपणे नां सी, उस दा उस कोल पूरा-पूरा हिसाब-किताब सी। कदे सहुरिआं वल्लों पतनी नूं गिफ़ट आ जांदा सी अते कदे किसे फ़रम विचों लाभ।

योजना तां इह सी कि उस नूं रिशवत लैंदिआं रंगे हत्थीं फड़ाइआ जावे पर इह वी असंभव सी। उह आपणे हत्थीं पैसे फड़दा ही नहीं। इस कंम लई उस नें ख़ास-ख़ास बंदे रख्खे होए सन। शहिर दे सेठ, पिंडां दे सरदार जां फेर भंडारी वरगे रईस वकील। उह कदों फ़ीस दी गल्ल करदे हन, कदों नोट फड़दे हन अते कदों जज्ज कोल पहुंचाउंदे हन, कोई पता नहीं लग्गदा। नोट उसे तरहां पहुंचाए जांदे हन जां बदली कर के, इह वी पता नहीं लग्गदा। जांदे वी हन जां खातिआं विच जमहां हो जांदे हन, इस बारे वी उघ्घ-सुघ्घ नहीं मिलदी।

रंगे हत्थीं फड़ाउणा है तां  बचन सिंघ नूं फड़ाइआ जावे।

उस दा कंम खुल्ल्हा है। कंटीन वाले राहीं, नाइब-कोरट, मुनशी जां वकील राहीं। जिस मरज़ी राहीं दे आउ। सिध्धे मिल लउ तां वी कोई इतराज़ नहीं, सगों ख़ुश होएगा। किसे विचोले राहीं मिलदे तां विचोले नूं हिस्सा देणा पैंदा। सिध्धी आउण वाली पारटी तों उह घट्ट पैसे लै लैंदा।

उस नूं फसाउण लई संमती नूं बहुते पैसे ख़रचण दी लोड़ नहीं। पहिले हल्ले उह ज़रूर दस हज़ार मंगेगा। जदों धिर उठ्ठण लग्गी तां उह रिआइतां वी थोक दे भाअ करेगा। उतरदा-उतरदा चार-पंज सौ तक आ जाएगा।

उह करे वी की? उह गोडे-गोडे कबीलदारी विच धसिआ होइआ सी। पूरीआं अध्धी दरजन धीआं दा बाप सी। दो विआह चक्का सी, बाकी दीआं चारां नूं भावें अज्ज विआह देवे।

जाणन वाले जाणदे सन उह ओडा ज़िमींदार नहीं, जिड्डा आपणे आप नूं आखदा सी। पिंड उस दा नां फ़ारम सी, नां बाग़। तिंनां भाईआं कोल सारी अठ्ठ किल्ले ज़मीन सी। ठेके जिंनी तां टब्बर कणक खा जांदा सी। कबीलदारी दा बोझ उस नूं नौकरी विचों ही कढ्ढणा पैंदा सी।

रिशवत बचन सिंघ भावें शरेआम लैंदा सी पर उस नूं वी आसानी नाल रंगे हत्थीं नहीं सी फड़ाइआ जा सकदा। विजीलैंस वालिआं नूं हर घड़ी सरकारी वकील दी ज़रूरत रहिंदी सी। सौखिआं उह उस ’ते रेड नहीं करन लग्गे।

गुरमीत दा तजरबा इहो आखदा सी।

“कोई नहीं। साडे लई उस नूं फड़ाउणा कोई ज़रूरी नहीं। संमती दा मकसद मुलाज़मां नूं हुशिआर करना है। उह आपणे-आपणे घेरे विच रहि के कंम करन तां ठीक। उह दाइरे विचों बाहर निकलणगे तां संमती वी हमला करेगी। बचन सिंघ  ’ते रेड होण नाल होरां नूं कंन तां होणगे।” इह बाबा जी दा विचार सी।

मोहन जी कोई आसामी तिआर करेगा। गुरमीत उस नूं विजीलैंस वालिआं कोल लै के जाएगा।

पुलिस नूं नत्थ पाउण लई समुच्चा हंभला मारिआ जाएगा। हर पिंड दी इकाई सुचेत रहेगी, किसे वी सिपाही, हौलदार नूं पिंड विच पुठ्ठा सिध्धा कंम नहीं करन दित्ता जावेगा। कोई करे तां पहिलां पिंड विच उस दा जलूस कढ्ढिआ जाएगा। फेर उच्च-अधिकारीआं कोल शिकाइत कीती जाएगी।

थाणेदारां अते डिपटीआं दे सकैंडल नूं अख़बारां विच उछालिआ जाएगा। राई दा पहाड़ बणाइआ जाएगा।

समगलरां ’ते नज़र रख्खी जाएगी। जिउं ही पुलिस नाल मिल-बैठण, दबोच लए जाणगे।

मुक्कदी गल्ल कि हर मुलाज़म नूं आपणी नौकरी ख़तरे विच नज़र आएगी। हर कोई आपणी-आपणी पड़ताल विच उलझ जाएगी। सभ दे हौसले पसत हो जाणगे। किसे नूं किसे विच नाजाइज़ तंग करन दी हिंमत नहीं रहेगी। आपणीआं गुत्थीआं सुलझाउण विच उलझी पुलिस नूं संमती दुआले जाल विछाउण दा समां नहीं मिलेगा।

संमती दी इस योजना नाल वरकरां विच नवीं रूह फूकी गई।

 

 

19

बचन सिंघ ’ते रेड कराउण लई संमती नूं कई तरहां दीआं दिक्कतां दा साहमणा करना पै रिहा सी।

उस नूं कोई अजिहा बंदा नहीं सी लभ्भ रिहा जिस नूं मुदई्ई बणा के बचन सिंघ ’ते रेड करवाइआ जा सके।

पहिलां इह ज़िंमेवारी मोहन जी नें आपणे सिर लई सी। इस नूं निभाउण तों हुण उह कंनीं कतरा रिहा सी। उस नूं लग्गा सी जिवें चोरी-यारी वांग इह कारा वी किसे तों लुकिआ नहीं सी रहिणा। बचन सिंघ नाल किहड़ा उस दी निज्जी दुशमणी सी। मोहन जी दा पहिलां ही बहुत नुकसान हो चुक्का सी। उस नें आपणे आप नाल फ़ैसला कर लिआ कि उह बंटी कतल केस दी पैरवाई तां करेगा पर दुशमणीआं मुल्ल नहीं लएगा। आपणे साइलां दी भलाई लई उस नूं अफ़सरां नाल लैण-देण करना पैंदा सी। इक वार पहड़त मारी गई तां सारे अफ़सर उस ’ते विशवास करनों हट जाणगे। कोलिआं दी दलाली विच उह आपणा मूंह काला नहीं करेगा।

मोहन जी तां पिछ्छे हट गिआ पर पिआरे लाल दे सिरतोड़ यतन जारी रहे। पटवारी, कंपाऊडर जां किसे बाबू ’ते रेड कराउण लई वीह तिआर सन पर इस पहाड़ नाल मत्था लाउण तों सभ डरदे सन।

कई दिनां बाअद पिआरे लाल नूं आपणे जमाती भिंदर दी याद आई।

अज्ज कल्ल्ह उह सबज़ी वेचदा सी। पहिलां उह दुध्ध ढोंदा सी।

इक दिन मूंह-हनेरे सैंपल वालिआं नें उस नूं घेर लिआ सी।

जिंने पैसे केस नूं रफ़ा-दफ़ा करन लई उस तों मंगे गए, उने देण दी उस दी पहुंच नहीं सी।

जज्ज वी उस दी पहुंच तों बाहर सी।

किसमत ’ते डोरी सुट्ट के उह फ़ैसला उडीकण लग्गा।

दो साल दी कैद होई अते तिंन हज़ार रुपए जुरमाना।

गहिणे-गट्टे वेच के अपील कीती। अग्गे बचन सिंघ नाल वाह पै गिआ।

धक्के खा-खा भिंदर सिआणा हो चुक्का सी। रिशवत वाला कौड़ा घुट्ट उस नूं भरना ही पैणा सी।

बचन सिंघ नाल सौदा तहि होइआ। तिंन हज़ार बदले उस नें उस नूं बरी कराउणा सी।

नां उह बरी होइआ, नां बचन सिंघ नें पैसे मोड़े।

कैद कट्ट के भिंदर जदों वापस आइआ तां उस नूं बचन सिंघ दा ख़िआल आइआ। पैसे वापस कराउण उह बचन सिंघ कोल गिआ। उह साफ़ मुक्कर गिआ। अखे गंगा गए फुल्ल वी कदे मुड़े नें।

बचन सिंघ आपणा फ़रज़ निभा चुक्का सी। जज्ज नें भिंदर दी सज़ा वी घटा दित्ती सी अते जुरमाना वी। इह सभ बचन सिंघ दी किरपा कारन ही होइआ सी। भिंदर होर की भालदा सी?

हत्थ मलण तों सिवा उह कुझ नहीं सी कर सकिआ।

हुण मौका सी। भिंदर जे चाहे तां आपणे अंदर बलदी जवाला ठंढीकरसकदासी।

भिंदर झट्ट मंन गिआ।

पिआरे लाल अते भिंदर नूं विजीलैंस वालिआं कोल भेजण तों पहिलां गुरमीत सिंघ कोल पेश कीता गिआ। विजीलैंस वालिआं नें की चालां चल्लणीआं हन अते उहनां नूं किवें मात देणा है, इह विसथार पूरवक समझाइआ गिआ।

गुरमीत दे दस्से गुर पैर-पैर ’ते कंम आउणे सन।

“कीहदे जोड़ां ’च बैठण आए हो?” दिओ कद्द अते कुंढीआं मुछ्छां वाले विजीलैंस इंसपैकटर नें रोहब झाड़दिआ उहनां दा सवागत कीता।

जे गुरमीत नें चौकस नां कीता हुंदा तां भिंदर इस घुरकी ’ते धुर अंदर तक्क हिल्ल जांदा।

“खसम तों कोई ग़लत कंम कराउणा होऊ। अगला नहीं करदा होणा तां ही अंदर कराउणा होऊ।” भिंदर दे गल्ल शुरू करन तों पहिलां ही इंसपैकटर बोलण लग्गा।

पिआरे लाल नें वकील वजों आपणी जाण-पहिचाण कराई। इंसपैकटर दे तेवर कुझ-कुझ बदलण लग्गे।

“दस्सो किहड़ा अफ़सर है अते किंने पैसे मंगदै?” इंसपैकटर दा अगला सवाल उहो सी, जिहड़ा गुरमीत अनुसार उस नें उहनां तों पुछ्छणा सी।

इस सवाल दा जवाब उहनां नें सिध्धे ढंग नाल नहीं सी देणा। जे उहनां बचन सिंघ दा नां लै दित्ता तां इंसपैकटर नें कुरसी तों बुहड़क पैणा सी। विचे चार गाल्हां पिआरे लाल नूं कढ्ढणीआं सी। बचन सिंघ दीआं तारीफ़ां दे पुल बंनह देणे सन। जे उह फेर वी ज़िद कर के बैठ गए तां उस नें कंम कराउण दा वाअदा करके टाल देणा सी।

सरकारी वकील नूं फड़ के इंसपैकटर नें आपणी पड़त गंदी थोहड़ा कराउणीसी।

प्रासीकिऊशन अते पुलिस दा हड्ड-मास दा रिशता सी। पुलिस सरकारी वकील दा बाहू-बल सी अते सरकारी वकील पुलिस दा दिमाग़। इक नूं नुकसान पुज्जण नाल दूजे नूं नुकसान आपे पुज्ज जाणा सी।

“तुसीं साडे नाल चल्लो। मौके ’ते सभ पता लग्ग जू।”

“ऐं मैं मूंह चुक्क के किवें तुर पां? मैं ज़िंमेवार अफ़सर हां। फड़े जाण वाले दा अता-पता तां होवे।” खिझे इंसपैकटर नें पिआरे लाल दी डिगरी दी परवाह करनी छड्ड दित्ती।

हुण जदों कि फ़रिआदी नाल वकील सी अते वकील हुशिआरी वरत रिहा सी तां इंसपैकटर लई शिकार दा नां जाणना होर वी ज़रूरी हो गिआ सी। फड़िआ जाण वाला ज़रूर कोई पुलिस मुलाज़म सी जां विजीलैंस वालिआं दा मित्तर पिआरा। इंना कु इंसपैकटर दी समझ आ गिआ सी।

इंसपैकटर दे ज़िहन विच मित्तर अफ़सरां दे अकस उभरन लग्गे।

किधरे उह नाइब तहिसीलदार नां होवे? हाले कल्ल्ह ही उस नें इंसपैकटर दा कंम कीता सी। इक नजूल पलाट ’ते उस दा कबज़ा कराइआ सी।

किधरे उह इंडसटरी इंसपैकटर ही नां होवे? कुझ दिन पहिलां उस नें साहिब दे मुंडे नूं सटील दा कोटा मनज़ूर करवा के दित्ता सी।

फूड सपलाई इंसपैकटर नें हौलदार दी भैण दे विआह ’ते मिठाईआं दी छहिबर लाई सी।

बिनां अफ़सर दा नां-पता जाणिआं उह कुरसी तों नहीं उठ्ठेगा। मन ही मन इंसपैकटर नें फ़ैसला कर लिआ।

“नां-पता नहीं दस्सणा तां अरज़ी-पत्तर तां दिओ। किसे शरीफ़ आदमी नूं हत्थ पाउण तों पहिलां साडे पल्ले कुझ तां होवे।” अफ़सर दा नां जाणन लई इंसपैकटर हर हत्थकंडा वरतण लग्गा।

पिआरे लाल नें इक बंद लिफ़ाफ़ा इंसपैकटर वल्ल वधाइआ।

“इस लिफ़ाफ़े विच हलफ़ीआ बिआन है। मैजिसट्रेट कोलों तसदीक करवाइआ होइआ। शिकाइत झूठी निकली तां बेशक्क साडे ख़िलाफ़ कारवाई कर लैणा।”

इस सवाल दे जवाब दी तिआरी वी उह पहिलां ही कर के आए सन।

लिफ़ाफ़ा देख के इंसपैकटर दे तन-बदन नूं अग्ग लग्ग गई। वकील नहिले ’ते दहिला जड़दा जा रिहा सी।

“बेवसाही कर के करा लिउ फेर कंम।” कंम नां करन दा संकलप इंसपैकटर नें इक वार फेर दुहराइआ।

“साडी इक बेनती है। लिफ़ाफ़े नूं मौके ’ते ही खोल्हणा।”

पिआरे लाल दी इस बेनती ’ते इंसपैकटर अंदर बलदी अग्ग ’ते तेल तां पिआ पर उह बुखलाइआ नां।

“ठीक है, पर इक समस्सिआ है। इस वकत नां मेरे कोल गड्डी है नां सटाफ़। तुसीं गड्डी दा प्रबंध करो, मैं सटाफ़ दा करदां।”

लिफ़ाफ़ा जेब विच पा के इंसपैकटर कुरसी तों उठ्ठ खलोता। उह सटाफ़ दा प्रबंध करन लई इधर-उधर टहिलण लग्गा।

भिंदर गड्डी लैण तुर गिआ। पिआरे लाल इंसपैकटर दीआं गतीविधीआं ’ते नज़र रख्खण लग्गा।

गड्डी दस मिंट बाअद आ गई। दो मिंट लई गिआ इंसपैकटर तिंन घंटे नां मुड़िआ। पिआरे लाल नूं झट्ट खुड़क गई। तीर उहनां दी कमानों निकल चुक्का सी।

पंज वजा के आए इंसपैकटर दा चिहरा शांत सी।

आउंदिआं ही उस नें मुआफ़ी मंगी। साहिब नें उस नूं इक ज़रूरी मीटिंग लई  बुला लिआ सी, उथे देर हो गई।

सुबहा फेर आउण। ठीक दस वजे। विजीलैंस दी गड्डी वी तिआर होएगी अते सटाफ़ वी। गिआरां वज्जदे नूं शिकार पिंजरे विच होएगा।

मूंह लटकाई उह वापस आ गए।

पुलिस नें उहनां नूं मात दित्ती सी अते उहनां नें पुलिस नूं।

हलफ़ीआ बिआन विच उहनां बचन सिंघ दी थां नाइब तहिसीलदार दा  नां लिखिआ सी। जे बचन सिंघ दा नां लिख दित्ता हुंदा तां सारी योजना धरी-धराई रहि जांदी।

पिआरे लाल दे असफ़ल होण बाअद इह ज़िंमेवारी गुरमीत नूं सौंपी गई।

दुबारा असफलता दा मूंह नां देखणा पए, इस लई सारे हालातां दा इक वार फेर जाइज़ा लिआ गिआ।

विजीलैंस विभाग विच अज्ज-कल्ल्ह किहड़े-किहड़े अफ़सर ताइनात सन? उहनां दे बचन सिंघ नाल किहो-जिहे संबंध सन? डिपटी किहड़ा सी? उस दा रवई्ईआ किहो जिहा रहेगा? कोई बचन सिंघ नूं हत्थ पाएगा वी जां नहीं?

इस इलाके दा इंचारज कोमल सिंघ इंसपैकटर सी।

कोमल सिंघ अते बचन सिंघ इको सिक्के दे दो पासे सन।

हाले कल्ल्ह दी गल्ल है। नरिंजन सिंघ ओवरसीअर दी इनकुआइरी समें बचन सिंघ नें कोमल सिंघ दा घर नोटां नाल भरिआ सी।

डिपटी उेसदा वी दा बाप सी।

गुरमीत नूं पुलिस कपतान नाल संपरक करना पैणा सी।

बीहले वाले सरपंच नें बचन सिंघ नाल पुराणा हिसाब चुकता करना सी। सरपंच दा साला फस गिआ सी पंज किल्लो डोडिआं दे केस ’च। बचन सिंघ नें इक महीना उस दी ज़मानत नहीं सी होण दित्ती। सरपंच नें उस दीआं बहुत मिंनतां कीतीआं सन। साले दे मासूम बच्चिआं दा वासता पाइआ सी। सरपंच दी सालेहार मरी होई सी। बच्चे छोटे सन। साले बिनां उह रात नूं डडिआ-डडिआ उठ्ठदे सन। सरपंच दा साला ग़रीब सी। बचन सिंघ जिंनी फ़ीस मंगदा सी, ओनी नहीं सी दे सकदा। पर बचन सिंघ नें इको नांह फड़ी रख्खी।

बचन सिंघ जे इक घंटे लई वी अंदर हो जावे, सरपंच दा कालजा तां वी ठर जावे। उस नूं पता लग्ग जावे, झूठे केसां विच फस जाण दा दरद किहो जिहा हुंदै।

सरपंच नूं लै के गुरमीत नें ख़ुद चहड़ाई कर दित्ती।

पुलिस कपतान तों हेठां उस नें किसे नाल गल्ल नां कीती।

उह इक रिशवतख़ोर अफ़सर नूं फड़ाउण आए सन। विजीलैंस वाले उस दे मित्तर सन। उह उहनां नाल जाण लई तिआर नहीं सन। कपतान रिशवत दे विरुध्ध सी। उह उहनां दी मदद करे।

कपतान झट्ट मंन गिआ। फ़रिआदी नूं हर तरहां दी मदद मिलेगी। उह यकीन दिवाउण लग्गा।

फड़िआ जाण वाला इक गज़टिड अफ़सर सी। इस लई पारटी दा मुखी डिपटी नूं बणाइआ जावे। डिपटी कमिशनर नूं फ़ोन कर के किसे कारजकारी मैजिसट्रेट नूं बुलाइआ जावे। पुलिस पारटी नूं हदाइत कीती जावे। दोशी नूं फड़े जाण तक उस दा नां नां पुछ्छिआ जावे।

कपतान नें सभ शरतां मंन लईआं।

फ़रिआदीआं नूं कपतान दे दफ़तर बिठाइआ गिआ। पुलिस पारटी दे तिआर होण तक उहनां दी शनाख़त नूं गुपत रख्खिआ गिआ।

डिपटी नें वाल धुप्प ’च सफ़ैद नहीं सी कीते। रेड तों पहिलां-पहिलां उस नें खोज लैणा सी कि माड़े दिन किस दे आए सन।

सरपंच बीहले दा सी। इस लई रेड शहिर दे किसे अफ़सर ’ते होणा सी। मैजिसट्रेट  नाल लिआ गिआ है, इस लई साहड़सती किसे गज़टिड अफ़सर ’ते चहड़नी सी।

नाल वकील सी। कोरट कचहिरी दा कोई अफ़सर वी हो सकदा सी।

इंना कु अंदाज़ा ला के डिपटी जीप विच बैठ गिआ।

इशारे नाल उस नें रीडर नूं समझाइआ। उह रेड ’ते जा रिहै। पिछ्छों उह ‘ख़िआल’ रख्खे।

रसते विच डिपटी नें बथेरा गल्लीं लाइआ। वल-फेर पा के अफ़सर दा नां पुछ्छणा चाहिआ। सरपंच पकरोहड़ सी। वीहां-पंझीआं सवालां पिछ्छों मसां मूंह खोल्हदा वी तां कुझ पल्ले नां पाउंदा।

फ़रिआदीआं नें जीप जदों कचहिरीआं अग्गे रुकवाई तां डिपटी दे कंन खड़े हो गए। तहिसीलदार दी शामत आई लग्गदी है। वैसे हुण तक रीडर नें सभ थाईं फ़ोन खड़का दित्ते होणगे। फेर वी उह यार दे बचाअ दे ढंग सोचण लग्गा।

डिपटी दे सबर दे पिआले भर चुक्के सन। उस तों होर सबर नहीं सी हो रिहा। उह डर रिहा सी। उस तों किधरे आपणे ही बंदे दे गल ते अंगूठा नां रख्खिआ जावे।

रेड तों पहिलां पुलिस लई लिखा पहड़ी करनी ज़रूरी सी।लिखा पड़ी तां होणी सी जे मुलज़म दा नां पता होवे।

डिपटी दे अड़ जाण ’ते गुरमीत नूं झुकणा पिआ। हुण तक्क उहनां नें पुलिस नूं फसाई रख्खिआ सी। हुण उहनां दे फसण दी वारी सी।

सड़क ’ते खड़ो के लिखा-पहड़ी करनी ठीक नहीं सी। उह ढाबे अग्गे जा रुके। सरपंच, गुरमीत, डिपटी अते मैजिसट्रेट लिखा-पहड़ी विच रुझ गए। सिपाही चाह पीण दे बहाने इधर-उधर खिंड गए।

खड़ी जीप अते घुंमदे सिपाहीआं नूं देख के विजीलैंस पारटी दे कचहिरी आउण दी ख़बर चारे पासे फैल गई।

अफ़सर पहिलां ही सुचेत हो चुक्के सन। अमला-फैला वी चौकस हो गिआ।

तहिसीलदार दौरे ’ते निकल चुक्का सी। नाइब-तहिसीलदार कल्ल्ह तों हफ़ते दी छुट्टी ’ते सी।

लिखा-पहड़ी मुकंमल कर के पुलिस पारटी नें बचन सिंघ दे दफ़तर अग्गे नाका ला लिआ।

सरपंच नूं अग्गे भेजिआ गिआ। उह पाऊडर वाले नोट सरकारी वकील नूं फड़ाए। जदों उह पैसे फड़ लए तां पुलिस पारटी नूं इशारा करे। बाकी पुलिस आपे संभाल लएगी।

सरपंच दफ़तर गिआ। पता लग्गा, उह कचहिरी पेश होइआ होइआ है।

सरपंच कचहिरी गिआ। पता लग्गा, उस दे महिमान आए सन। उह घर चला गिऐ।

जदों शिकार उडारी मार गिआ तां उदास होइआ डिपटी सरकारी वकील दे दफ़तर आ बैठा।

“हुण की करीए?” कुझ देर होर इंतज़ार करन पिछ्छों डिपटी नें सरपंच तों पुछ्छिआ।

“जिवें थोडी मरज़ी।” रोण-हाके होए सरपंच नें डोरी डिपटी ’ते सुट्ट दित्ती।

“अज्ज किसमत उस नूं बचा गई।”कदे फेर कोशिश करांगे।” फ़रिआदी दी मूरखता ’ते मुसकराउंदे डिपटी नें विदा लई।

संमती नूं सफलता भावें नहीं सी मिली पर नतीजा माड़ा नहीं सी।

गुरमीत दे अड़े रहिण कारन डिपटी वल्लों भेजे रुक्के दे आधार ’ते बचन सिंघ ख़िलाफ़ परचा दरज हो गिआ सी। बचन सिंघ दे बच निकलण कारन ऐफ़.आई.आर. दी कोई वक्कत नहीं सी, पर बचन सिंघ दी बदनामी लई इहो काफ़ी सी।

अगले दिन अख़बार ख़बरां नाल भर गए।

शरमसार होए बचन सिंघ नें महीने दी छुट्टी लै लई।

“हुण इस शहिर विच रहिण दा कोई हज्ज नहीं।” बदली लई चंडीगहड़ डेरा लाई बैठे बचन सिंघ दे यारां-दोसतां नूं सुनेहे आउण लग्गे।

इह पहिले रोड़े दे हट जाण ’ते संमती दा राह पध्धरा होण लग्गा।

 

 

20

संमती  नें प्रासीकिऊशन वाला किल्हा जिंनी आसानी नाल फ़तहि कीता सी, निआं-पालिका वाला चक्करविऊ तोड़ना उसनूं उना ही मुशकल हो गिआ सी।

पहिलां जिथे वी दो वकील जुड़दे उहनां दी गल्लबात दा विशा इको हुंदा। कदे गुपता आख रिहा हुंदा, “नाथ महंतां वाले केस विचों पंजाह हज़ार लै गिआ।” कदे शरमा आखदा, “तेल दी बलैक वाले केस विच नाथ सेठां तों वीह हज़ार लै गिआ।”

कदे सुरिंदर मोहन आखदा, “शहिणे वाली ज़मीन दे केस विच मैं जज्ज नूं सठ्ठ हज़ार दिवाए  नें”, कदे हरबंस सिंघ आखदा, “उस दी धिर नें चाली हज़ार दे के इंतकाल वाला केस आपणे हक्क ’च कराइऐ।”

जज्ज दे ख़िलाफ़ जह्हाद छेड़न तों पहिलां लीगल सैल्ल नूं लग्गा सी, जिवें दिनां विच ही उह अजिहे केसां दी लंबी लिसट बणा लएगा, जिनहां विच जज्ज नें रज्जवें पैसे खाधे सन।

पर कई हफ़तिआं दीआं टक्करां दे बावजूद वी नीतजा सिफ़र रिहा सी।

जिस कोल वी नाथ दीआं वधीकीआं बारे गल्ल करदे, उहो मूंह सिऊं लैंदा।

वकीलां विच साइलां नालों वध्ध सहिम सी। साइल तां ‘हां हूं’ कर ही दिंदे। वकील इक वी शबद मूंहों कढ्ढण तों पहिलां सौ-सौ वार सोचदे।

बहुते वकील बचन सिंघ ’ते होए रेड ’ते ख़ुश नहीं सन। रेडिंग पारटी विच इक वकील दे शामल होण कारन वकीलां नूं लग्गदा सी जिवें सारी बार दे मूंह ’ते कालख़ मली गई होवे। जिवें उह अफ़सरां, अहिलकारां नूं मूंह दिखाउण जोगे नहीं सी रहे।

बार दी इस बदनामी लई लीगल सैल्ल ज़िंमेवार सी। लिब्बड़ी भेड कोल खड़ो के कोई होर किउं लिब्बड़े? सैल्ल वालिआं कोल कोई जज्ज दी चुग़ली किउं करे?

हिंमत हारन वाले दिन गुरमीत वी नहीं सी जंमिआ।

रात-बराते उह मित्तर वकीलां नाल संपरक काइम करन लग्गा।

गुपता वकील हाले वी आपणे सटैंड ’ते काइम सी। महंतां नें नाथ नूं पंजाह हज़ार रुपए दित्ते सन। उह सैल्ल दी मदद करना चाहुंदा सी पर कर नहीं सी सकदा। महंतां नूं जज्ज नाल कोई गिला नहीं सी। उहनां नें पैसा दित्ता सी ते ग़ज़ पड़वाइआ सी। दूजे उहनां दी अपील उपरली अदालत विच चल्लदी सी। महंतां नें जे कोई अरज़ी-पत्तर जां हलफ़ीआ बिआन दे दित्ता तां इहो उहनां दी हार दा कारन बण जाणा सी। उह आपणे पैर ’ते आप कुहाड़ा मारन नूं तिआर नहीं सन।

इहो जिही मजबूरी ही शरमे वकील दी सी। सेठ वी डरू सन। उहनां नें सुख्खां सुख के खहिड़ा छुडाइआ सी। हरख़े जज्ज दा की ऐ, सरकारी वकील नूं आख के अपील ही करवा देवे। बलैक करना उहनां दा धंदा है। किसे थाणेदार नूं शिंगार के मुड़ रेड करवा देवे। सेठ विचोले दी कुत्ते खाणी तों वी डरदे सन। आखेगा जज्ज नें किहड़ा थोनूं घरों बुलाइआ सी। थोडे ही ख़ुरक होई सी। मुड़ किसे नें सेठां दा कंम नहीं कराउणा। नां बई नां, शिकाइत शबद सेठां दे खाते विच नहीं सी।

जज्ज ख़िलाफ़ ठोस शिकाइत तां ही बणदी जे कोई धिर हिक्क थापड़ के आखदी, “जज्ज नूं पैसे मैं दित्ते नें।” अजिही धिर नहीं लभी नां सही। कोई अजिही धिर सही जिहड़ी आखे उस दी विरोधी धिर नें जज्ज नूं पैसे दित्ते नें। हारी धिर दे दोश दी बहुती वक्कत नहीं सी। चलो, इस तरहां जज्ज दे ख़िलाफ़ गल्ल तोरन दा बहाना तां बणना सी।

अजिही कोई पारटी शिंगारन लई गुरमीत नें झांजी दे दर ’ते दसतक दित्ती।

झांजी गुरमीत नूं छोटा भरा समझदा सी। उस नें आपणी धिर नूं झिड़किआ ज़रूर सी पर उह सभ झूठ सी। विरोधी धिर नें जज्ज नूं काहनूं पैसे दित्ते सन। असल गल्ल इह सी कि उस दे साइल दा केस बहुत कमज़ोर सी। झांजी नूं पहिले दिनों पता सी उह जित्त नहीं सकदे पर उह मुरग़ी मोटी सी। दस दी थां सौ ख़रचण वाली। झांजी तों छड्डी नां गई। उह साइल नूं मुकद्दमा जित्तण दे सबज़-बाग़ दिखाउंदा रिहा। नाले मनो-विगिआनक तौर ’ते तिआर करदा रिहा। जज्ज बेईमान है। कोई पता नहीं कदों किस वल्ल पल्लड़ा झुका देवे। कई-कई साल मुकद्दमा जित्तण दा सुपना देखदी धिर नूं जे इक दम हार दा साहमणा करना पै जांदा तां उह झांजी दा सिर नां पाड़ दिंदी। इह तां पारटी नूं भंबल-भूसिआं विच पाई रख्खण दा झांजी दा इक टरिक्कसी।

मिलदा-जुलदा बहाना महिंगा सिंघ नें घड़ दिता।

गुरमीत नूं कुझ समझ नहीं सी आइआ। वकीलां नें साइलां नूं भंबल-भूसिआं विच पाइआ सी जां गुरमीत नूं।

पिआरे लाल अते मोहन जी दा वी इहो हाल सी। मोहन जी दे किसे साइल नें वी हुंगारा नहीं सी भरिआ।

थक्क-हार के लीगल सैल्ल नें हथिआर सुट्ट दित्ते। लुट्टे-खसुट्टे अते डरे सहिमे लोक जणे-खणे कोल दिल नहीं फरोलण लग्गे, वकीलां कोल तां बिलकुल नहीं।

जे उहनां आपणे दुखड़े रोए तां हमदरदां कोल ही रोणगे।

संमती दीआं सारीआं इकाईआं नूं सुचेत कीता गिआ। उह लोकां विच विचरन। लोकां दी दुखदी रग ’ते उंगल रख्खण। फेर ही सफलता दी संभावना बण सकदी सी।

*तीकारी फ़रंट दे राजिंदर नूं हेड़ीके वाले राम सिंघ दी सूह लग्गी। अदालतां नें उस नूं रज्ज के ल्टिआ सी। उस नूं धिजाउण लई राजिंदर नूं कई दिन उस दुआले कट्टीआं-वछ्छीआं बंनहणीआं पईआं सन।

जदों राम सिंघ दा बाप मरिआ सी तां उस दे नां चाली किल्ले ज़मीन सी। पटिआले वरगे शहिर दे सीने विच चाली दुकानां दी मारकीट सी। लख्खां रुपिआ बैंकां विच जमहां सी।

वसीअत कर के भाग सिंघ नें बांदरां विच भेली सुट्ट दित्ती। वड्डा बुरक भरन दी लालसा कारन वारसां विच महांभारत छिड़ पिआ। कई लालची लूंबड़ उहनां दुआले जुड़ गए। नाले बांदर तमाशा देखदे रहे, नाले दोहां बिल्लीआं नूं लुट्टदे रहे।

भाग सिंघ दे दो विआह सन। पहिली दे पेटों राम सिंघ सी। दूजी दे इक कुड़ी जसविंदर कौर।

राम सिंघ दी बाप नाल घट्ट-वध्ध ही बणदी सी। उह नानके घर ही पलिआ सी। उथे ही पहड़िआ, जवान होइआ अते उथे ही चार सिआड़ ख़रीद लए।

पिउ नें धी नूं ख़ूब पहड़ाइआ-लिखाइआ। प्रोफ़ैसर नाल विआहिआ। कोठी दित्ती, कार दित्ती। पटिआले वाली मारकीट उस दे नां करवा दित्ती। बथेरा किराइआ आउंदा सी। सारी उमर विहली बैठ के खावे तां वी नहीं सी मुक्कणा।

पुत्तर नूं भाग सिंघ नें घरों ज़रूर कढ्ढिआ सी पर मनों नहीं सी विसारिआ। धी नूं बथेरा कुझ दित्ता जा चुक्का सी। ज़मीन ’ते पुत्त दा ही हक्क सी। इहो हक्क उह वसीअत राहीं बहाल कर गिआ। भाग सिंघ दी आकड़ नूं आंच नां आवे, इस लई राम सिंघ नूं ज़मीन तों वांझिआं रख्खिआ गिआ। सारी ज़मीन भाग सिंघ दे पोतिआं, यानी राम सिंघ दे मुंडिआं दे नां कीती गई।

सरदारनी लई पंज किल्ले राखवें रख्खे गए। जिंना चिर जिऊंदी है कमाई खांदी रहे, पिछ्छों उह ज़मीन वी पोतिआं नूं जाणी सी।

सरदारनी नूं सरदार दे मरन ’ते ओना दुख्ख नहीं सी होइआ, जिंना वसीअत पहड़ के होइआ सी। राम सिंघ दा कंडा कढ्ढण दी थां उह बुढ्ढी दा बुढापा रोल गिआसी।

बुढ्ढी नें भाई-भतीजे इकठ्ठे कीते। वकीलां नाल राए कीती।

कानूंन मुताबक सरदार दे तिंन वारिस बणदे सन। पतनी, धी अते पुत्त। जे वसीअत टुट्ट जावे तां मावां-धीआं नूं दो हिस्से मिल सकदे सन।

जवाई पहिलां कोठी, कैश अते किराए ’ते ही ख़ुश सी। जदों इलम होइआ कि सस्स दे मरन पिछ्छों उस दी जाइदाद वी उस दी पतनी नूं मिलेगी तां लंबी छुट्टी लै के उह सहुरीं आ बैठा।

वकीलां दे मशवरे ’ते जवाई नें इक जाअली वसीअत तिआर कीती। इह इक-पासड़ नां लग्गे इस लई पंज किल्ले ज़मीन पोतिआं नूं जाणी दिखाई गई सी। बाकी बचदी जाइदाद विच मावां-धीआं नूं बराबर दा हिस्सेदार बणाइआ गिआ।

मुकद्दमेबाज़ी शुरू हो गई। इक पासे सस्स, जवाई अते उहनां दे रिशतेदार सन। दूजे पासे राम सिंघ, मामे अते उहनां दे रिशतेदार सन।

दोहां धिरां नूं लग्गदा सी, ज़मीन मुफ़त विच ही मिलण वाली सी। जो वी हत्थ लग्ग जाए, उह आपणा सी।

दोहां धिरां दी लुट्ट-खसुट्ट शुरू होई। उहनां नूं इक पासे बदमाश चूंडण लग्गे, दूजे पासे वकील।

कदे इक धिर नूं चार बदमाश नाल लै के ज़मीन वाहुणी पैंदी। कदे दूजी धिर नूं दस बदमाश नाल लै के फ़सल उजाड़नी पैंदी। कदे इक धिर नूं ज़मीन ’च खड़ो के ललकारे मारने पैंदे, कदे दूजी धिर नूं फ़ाइर करने पैंदे।

दोहां घरां विच बक्करे रिझ्झण, शराबां उड्डण अते खौरू पैण लग्गे।

वकीलां नें मुकद्दमे विचों मुकद्दमा कढ्ढणा शुरू कर दित्ता। कदे सत्त इकवंजा, कदे गिरदावरी दी दरुसती, कदे इंतकाल मुतनाज़ा अते कदे दफ़ा इक सौ पंताली।

जवाई पहड़िआ-लिखिआ सी। बहुते कंम जाण-पहिचाण दे सिर ’ते हो जांदे।

इधर सारा टोला अनपहड़ सी। वकील पंज दी थां पंजाह ख़रचाउंदे सन। कदे गवाह दा ख़रचा, कदे माहिर दा, कदे कमिशन नियुकत कराउणा है, कदे पटवारी बुलाउणा है, कदे कोरट-फ़ीस लाउणी है, कदे अपील करनी है।

जवाई धिर ज़मीन ’ते काबज़ सी। ज़मीन दी कमाई उहनां नूं आ रही सी। मुकद्दमेबाज़ी दा ख़रचा उहनां नूं चित्त-चेते वी नहीं सी। उहनां नूं मुकद्दमा लटकाउण विच वी लाभ सी अते मुकाउण विच वी।

राम सिंघ दी टोटनी गंजी हो रही सी। फ़ैसला होवे तां ज़मीन विचों चार पैसे आउण लग्गण।

काहल दी तांघ विच राम सिंघ धड़ा-धड़ रीडरां, सटैनोआं दे घर भरदा रिहा। फ़ैसले दा वकत आइआ तां बाज़ी जवाई धड़ा मार गिआ।

जवाई नें तिंन लख्ख ’च जज्ज नूं ख़रीद लिआ। तिंन किल्लिआं दे मुल्ल ’च बत्ती किल्ले महिंगे नहीं सन।

जज्ज नें किहड़ा मुंगली फेरनी सी। असल वसीअत झूठी करार दे दित्ती अते झूठी असल बणा दित्ती। राम सिंघ दा आपणा हिस्सा वी मारिआ गिआ।

हेठली अदालत ’च उह मार खा गिआ। अगांह लई सुचेत हो गिआ।

उपरले जज्ज नूं गंढण लई उस नें पहिले दिनों हीला आरंभ दित्ता।

सिआणे नें राए दिती। राम सिंघ नें अमल कीता। सौदा पंज किल्लिआं ’ते आ के टुट्ट गिआ। सारी जुल्ली तप्पड़ी वेच के राम सिंघ नें नाथ साहिब दा घर पूरा कीता।

जवाई नें खहिड़ा फेर वी नां छड्डिआ। हाई कोरट ’च अपील ठोक दित्ती।

उथों दे रंग ही निआरे सन। वकीलां, मुनशीआं नें वड्डीआं-वड्डीआं जेबां वाले कोट पाए होए सन। वकील हर पेशी ’ते पंज हज़ार लैंदा सी। केस दी सुणवाई होवे जां नां, इस नाल उस नूं कोई सरोकार नहीं। नाल छोटा वकील हुंदा, दसौंध उस नूं वी देणा पैंदा। मुनशी दी फ़ीस इथों दे वकीलां नालों वी वध्ध। ख़रचे वी पहाड़ जिड्डे। कदे किसे मिसल दा अंगरेज़ी विच अनुवाद कराउणा है, दे जा हज़ार। कदे किसे मिसल दी फ़ोटो कराउणी है, दे जा अठ्ठ सौ।

हाई कोरट दे जज्ज दा बंदा लभ्भण दी उस दी जुरअत नहीं सी पई। दस-वीह किल्ले ज़मीन दा केस उथे किसे गिणती विच नहीं सी।

राम सिंघ दी हालत इक जुआरीए वरगी बण गई। भठ्ठ ’च पए बापू वाली ज़मीन। जिहड़ा लग्ग गिआ, उहो मुड़ आवे। इसे आस ’ते उह पैसे ख़रच कर रिहा सी। उस दी आपणी ज़मीन तां गहिणे टिकी ही सी। हुण मामिआं दी वी टिकणी शुरू हो गई सी।

हाई कोरट विच जवाई फेर धोबी-पटड़ा मार गिआ। राम सिंघ चित्त हो गिआ।

राम सिंघ नूं दलाल दे नाल-नाल नाथ साहिब ’ते वी ग़ुस्सा सी। पैसे लैण समें नाथ नें वीह वार हिक्क थापड़ी सी। फ़ैसला अजिहा ठोक के लिखूं कि सुपरीम कोरट तक नहीं टुट्टणा। इह पहिली सट्टे ही लिफ़ गिआ सी।

जे संमती नाथ तों कुझ कु पैसे मुड़वा देवे, उह तां वी जिऊंदिआं विच रहिजाए।

राजिंदर नें उस नूं दिलासा दित्ता। उह हौसला रख्खे। नाथ लए पैसे तां मोड़ेगा ही, नाल होर दे के खहिड़ा छुडाएगा।

राजिंदर नें चुपके जिहे उस दा हलफ़ीआ बिआन तसदीक कराइआ ते बोझे विच पा लिआ।

शुरूआत माड़ी नहीं सी।

ख़रबूज़े नूं देख के ख़रबूज़ा रंग फड़न लग्गा।

इक शाम चौधरी नें बाबे दा दरवाज़ा जा खड़काइआ।

घरेलू तंगीआं-तुरशीआं कारन कुझ साल पहिलां चौधरीआं नें आपणा कपाह वाला कारख़ाना वेचण दा मन बणाइआ सी। गाहक लाउण लई जदों दलाल नाल गल्ल तोरी तां उस नें नवीं सकीम कढ्ढ मारी।

कारख़ाना शहिर दे विचकार सी। जे इस दे पलाट बणा के वेचे जाण तां पैसे कई गुणां वध्ध वट्टे जा सकदे सन।

सकीम माड़ी नहीं सी पर चौधरी, चौधरी ही सन। उह कचहिरी-तहिसीले धक्के नहीं सन खा सकदे। कदे इकरारनामा लिखण जाओ, कदे बिआना फड़न अते कदे रजिसटरी कराउण। उहनां बुध्ध राम नाल उक्का-पुक्का सौदा तहि कर लिआ। उह चौधरीआं नूं बझ्झवीं रकम देवे। अगांह उनी करे, इक्की करे, उस दी मरज़ी।

बुध्ध राम नें इस धंदे विचों लख्खां रुपिआ कमाइआ सी। नां हिंग लग्गे नां फटकड़ी रंग वी चोखा। कुझ रकम दे के ज़मीन दा बिआना लिखा लैंदा। रजिसटरी कराउण दी तारीख़ छे महीने अग्गे पा दिंदा। पलाट कट्ट-कट्ट महिंगे भाअ वेच दिंदा। रजिसटरी दी तारीख़ आउण तक्क पैसे वी पूरे हो जांदे ते कुझ पलाट वी बचे रहिंदे।

इक लख्ख रुपिआ दे के बुध्ध राम नें इकरारनामा लिख लिआ। थां दा असल मुल्ल अठारां लख्ख रुपए पाइआ गिआ। इनकम टैकस दे झंजटां तों डरदिआं काग़ज़ीं-पत्तरीं इस नूं पंज लख्ख दिखाइआ गिआ।

बुध्ध राम दे पलाट वेचण दा होका देण सार ही पासा पठ्ठा पैणा शुरू हो गिआ।

पंजाब विचली दहिशतगरदी दा असर इस शहिर ’ते होण लग्गा। उपरोथल्ली कई वाके हो गए। बैंक लुट्टिआ गिआ, सकूटर खोहिआ गिआ। कई शाहूकार अगवा होए, लख्खां दी फिरौती वसूली गई। कुझ सेठ शहिर छड्ड गए। कुझ तिआरी करन लग्गे।

अगले महीने समस्सिआ होर गंभीर हो गई। शहिर दे इक पारक विच वरज़िश करदे बंदिआं ’ते गोली चलाई गई। वीह घर पट्टे गए, बस्स विचों लाह के अठ्ठ बंदिआं नूं गोलीआं नाल भुंनिआ गिआ। इक्कड़-दुक्कड़ कतल तां आम जिही घटना बण गई।

जदों पहिली ही जाइदाद ख़तरे विच होवे तां नवीं बारे कौण सोचदा सी? बुध्ध राम टक्करां मार-मार हंभ गिआ। मिआद पुग्गण तक इक वी पलाट नां विकिआ।

अठारां लख्ख देण दी उस दी परोखों नहीं सी। रजिसटरी कराउण नालों सौदा मुकरन विच बिहतरी सी।

चौधरीआं नें फ़राख़दिली दिखाई। किसे ‘पिछले जनम दे पापां कारन’ उहनां दा शाहूकारा पहिलां ही खुस्स चुक्का सी। इकरारनामे दी रकम कोल रख्खणा उहनां नूं हराम बराबर लग्गा। बुध्ध राम नूं घर बुला के उहनां बिआना वापस कर दित्ता।

थोहड़ा जिहा टिकाअ होइआ तां लोकां दे दिल टिक गए। बाहर गए लोक घरां नूं मुड़न लग्गे। बाहर भुख्खे मरन नालों इथे गोली खा के मरना चंगा सी।

दुकानां, मकानां दे भाअ फेर चहड़न लग्गे। चौधरीआं नूं दुगणे-तिगणे पैसे मिलण लग्गे।

पुराणे काग़ज़-पत्तर फरोलदे बुध्ध राम दे इक दिन इकरारनामा हत्थ लग्ग गिआ। इकरारनामा लै के उह भंडारी वकील वल्ल दौड़िआ।

वैसे तां इकरारनामे दी मिआद लंघ चुक्की सी। दसतावेज़ विच रद्दो-बदल कर के किसमत अज़माई जा सकदी सी।

किसमत अज़माई गई। इस वार दलाली भंडारी नें कीती।

पैसे नें नाथ दीआं अख्खां ’ते पट्टी बंनह दित्ती। उस नूं दसतावेज़ विचलीआं अदला- बदलीआं नज़र ही नां आईआं। इक-दो नहीं, कई-कई तबदीलीआं होईआं सन। दाअवे दी मिआद वधाउण लई इकरारनामा लिखण दी तारीख़ बदली गई सी। असल इकरारनामे ’ते दो गवाहां नें गवाही पाई सी। कानूंन दी मंग वी इहो सी। जिहड़ा इकरारनामा अदालत विच पेश होइआ सी, उस ’ते चार गवाहां दी गवाही सी। पिछले दो गवाहां दी गवाही पिछ्छों पवाई गई सी। इहनां गवाहां दे सिर ’ते ही बुध्ध राम नें कारख़ाने ’ते आपणा हक्क जताइआ सी।

चौधरीआं नें आपणा पख्ख पेश करन लई दीवान पुरी वरगे हत्थ-लिखतां दे मंने- प्रमंने अते सच्चे-सुच्चे माहिर नूं भुगताइआ सी। पुरी नें सपश्शट शबदां विच राए प्रगटाई सी। पिछले गवाहां वाली सिआही होर सी अते बाकी दसतावेज़ वाली होर। दोहां दे लिखण समें विच वी चार-पंज साल दा फ़रक सी। दोहां हिस्सिआं नूं लिखिआ वी अलग्ग-अलग्ग विअकतीआं नें सी। तारीख़ां विच कीती कट्ट-वढ्ढ वी सपश्शट सी।

चौधरीआं नें आपणा उह खाता वी पेश कीता, जिथे बिआने दी रकम वापस करन दा इंदराज सी। उह चैक वी पेश कीता, जिस रांही रकम वापस कीती गई सी।

नाथ साहिब नूं चौधरीआं दीआं दलीलां तरकहीन लग़्ग़ीआं।

चौधरीआं नूं इकरारनामे ’ते फुल्ल चहड़ाउण दा हुकम होइआ। तीह लख्ख दा कारख़ाना पंज लख्ख विच रुहड़ गिआ।

किसे अफ़सर दी शिकाइत करना चौधरीआं दे सुभाअ विच नहीं सी पर इह बेइनसाफ़ी उहनां तों बरदाशत नहीं सी हो रही। पहिलां उह भाणा मंन के सबर कर गए सन। हुण संमती दे उपराले नूं देख के उह वी हलफ़ीआ बिआन तसदीक करवा के दे ग़ए।

इस शिकाइत नें नाथ नूं नत्थ तां नहीं सी पा सकणी पर इह अजाईं वी नहीं सी जाणी। मिसल दी घोख ज़रूर होणी सी। घोख होई तां मिसल नें आपे बोल पैणा सी।

जे मिसलां नूं ही बुलाउणा सी तां गुरमीत वी इक मिसल बोलण ला सकदासी।

इह मिसल बी. ऐंड आर. दे ऐकसीअन दी सी।

ऐकसीअन नूं रिटाइर होण तों केवल इक महीना पहिलां आपणी ‘असल जनम- मिती याद आई सी।’

उस दा दाअवा सी कि उस दी असल जनम-मिती उह नहीं, जिहड़ी सरकारी रिकारड विच दरज सी। कुझ महीने पहिलां इक धारमिक रसम निभाउंदिआं उस दी मां नूं ख़िआल आइआ सी कि असल विच उह चार साल छोटा सी। उनहां समिआं विच छोटी उमर दे बच्चिआं नूं सकूल विच भरती नहीं सी कीता जांदा। उस दे पिओने वड्डे भरा दी जनम-मिती उस दी जनम-मिती वजों दरज करवा दित्ती सी। इस तत्थ नूं साबत करन लई ऐकसीअन नें मुलतानों इक जनम-सरटीफ़िकेट मंगवाइआसी।

उस दा चार साल होर नौकरी करन दा हक्क बणदा सी।

सरकार वल्लों इह मुकद्दमा गुरमीत नें लड़िआ सी। ऐकसीअन दी दलील नूं कई पख्खां तों उस नें बेबुनिआद साबत कीता सी।

उस दे ख़िलाफ़ पहिला सबूत इह सी कि जे उस नूं चार साल छोटा मंन लिआ जावे तां उस दी दसवीं दा इमतिहान पास करन दी उमर बारां साल बणदी सी। इह असंभव सी। जे इंझ होइआ हुंदा तां उस दी लिआकत दा सारी दुनीआं विच रौला पिआ हुंदा। उस दा नां गिनीज़ रिकारड बुक्क विच दरज होइआ हुंदा।

दूसरा सबूत इह सी कि सरकारी नौकरी विच भरती होण दी घट्टो-घट्ट उमर अठारां साल सी। अठारां साल दा हुंदिआं ही उह भरती हो गिआ सी। हुण तक उह चाली साल दी नौकरी कर चुक्का सी। कोई वी मुलाज़म चाली साल तों वध्ध नौकरी नहीं कर सकदा। जे चार साल होर मिल गए तां उस दी नौकरी चुताली साल हो जाणी सी। फेर उस दा नां गिनीज़ बुक्क विच ज़रूर आ जाणा सी।

सरकार नें इह वी साबत कीता सी कि उह मुलतान विच पैदा ही नहीं होइआ, उह तां फ़िलौर जंमिआ सी।

नाथ साहिब नूं सरकारी दलीलां जचीआं नहींसन। सरकार नें तां कंम ही लैणा सी। इह ऐकसीअन तों नहीं लएगी, किसे होर तों लै लएगी। फेर सरकार नूं इक तजरबेकार बंदे तों चिड़ किउं? तजरबे दे आधार ’ते ऐकसीअन नूं चार सालां लई लुट्ट दा लाईसैंस होर मिल गिआ सी।

इस फ़ैसले पिछ्छे जज्ज दा की लालच लुकिआ सी, इह मिसल नें आपे दस्स देणा सी।

थोहड़ा बहुत मसाला इकठ्ठा हो चुक्का सी। मौका ताड़ के इक दिन गुरमीत नें बार दे प्रधान कोल गल्ल तोरी।

सतिंदर नाथ शरेआम लोकां दे आहू लाह रिहा सी। सभ कुझ पता हुंदे होए वी वकील चुप्प सन। लोकां नूं इनसाफ़ दिवाउण विच वकीलां दी अहिम भूमिका होणी चाहीदी सी। जे वकील ही अख्खीं देख के मख्खी निगलण लग्गे तां आम जनता दा की बणेगा? वकीलां नूं कुझ करना चाहीदा सी।

प्रधान गुरमीत नाल सहिमत सी पर प्रधान मजबूर सी। उह इकल्ला की करे? बाकी वकील मौन धारी बैठे सन। मोहन जी दी दुरगत तों सभ सबक सिख्खी बैठे सन। जिस नें वी जज्ज दे ख़िलाफ़ साह कढ्ढिआ, उस दा भठ्ठा बैठ जाएगा।

जे अठ्ठ-दस सीनीअर वकील सहिमत होण अते लिखती अरज़ी देण तां मीटिंग बुलाई जा सकदी है। बहु-संमती जो फ़ैसला करेगी, प्रधान उस ’ते फुल्ल चहड़ाएगा।

सहिमती बणाउण लई गुरमीत नें पहिलां चहिल कोल गल्ल तोरी।

उह सूई बघिआड़ी वांग पिआ।

“कल्ल्ह दे छोकरे जे जज्ज ’ते चिक्कड़ नहीं सुट्टणगे, होर की करनगे? मैं तुहाडी इस बलैक-मेल वाली नीती नाल बिलकुल सहिमत नहीं। तुहाथों मैरिट ’ते केस जित्त नहीं हुंदा, दोश ला के जित्त लओ। वाह बई जवानो।”

भंडारी दा जवाब वी उस नाल मिलदा-जुलदा सी।

“तुसीं जो मरज़ी करो। नां मैं सहिमत हां, नां असहिमत। नां तुहाडा विरोध करांगा, नां साथ देवांगा।”

भंडारी दा रोस वी चहिल वाला ही सी। बदनामी तों उह जिंना चिर बचिआ जा सके, बचणा चाहुंदा सी। इक वार जे कड़ पाट गिआ तां हहड़ नें सभ तों पहिलां भंडारी नूं ही रोहड़ना सी। मरे केसां विच जान पाउण दी भंडारी दी जिहड़ी पैंठ बणी होई सी, उह इक लिफ़ाफ़ा सी। असल विच उह अजिहे केसां विच जज्जां नूं मोटीआं रकमां पहुंचाउंदा सी। माल मालकां दा हुंदा सी, मशहूरी भंडारी दी हुंदी सी। जज्ज दी पड़ताल शुरू हो गई तां भंडारी दा मूंह सभ तों पहिलां काला होणा सी।

किसे वी सीनीअर नें पल्ला नां फड़ाइआ।

उलटा मसला होर पेचीदा हो गिआ।

सीनीअर वकीलां विच इक होड़ जिही लग्ग गई। सभ इक-दूजे नालों पहिलां जज्ज दे कंन भरन लई काहले पैण लग्गे। ज़िआदा नंबर बणाउण लई बात दा बतंगड़ वी बणा दिंदे। कई वकील मनघड़त कहाणीआं घड़ लैंदे। जज्ज नूं पूरी हमाइत दा यकीन दिवा के उस दी वाह-वाह खट्टदे।

“देखांगा कौण मेरे ख़िलाफ़ बोलदा है? मैं बचन सिंघ वांग मैदान छड्ड के भज्जण वाला नहीं। विरोधी वकीलां नूं जे रेहड़ी लाउण नां लाइआ तां मेरा नां वी नाथ नहीं।” हौसले ’च आइआ जज्ज कई वार अदालत विच ही बहड़कां मारन लग्गदा।

संमती नूं इह वंगार वी कबूल सी।

बार संमती दी मदद नहीं करदी, नां सही। संमती आपणे बल-बूते ’ते लड़ाई लड़ेगी।

लीगल सैल्ल नूं हुकम होइआ_उह नाथ विरुध्ध कीती जाण वाली शिकाइत दा खरड़ा तिआर करे। अग्गे संमती आपे संभाल लएगी।

 

 

21

संमती दीआं पुलिस नाल टक्कर लै रहीआं इकाईआं नूं कोई दिक्कत पेश नहीं सी आ रही। इक-इक करके बटेरा आपे उहनां दे पैरां हेठ आ रिहा सी।

उहनां दा पहिला शिकार चिमना हौलदार बणिआ सी।

चिमने दे मुंडे दा विआह सी। थोहड़ी-बहुत दारू तां हर विआह विच चल्लदी सी। चिमने दा इको-इक पुत्तर सी। उह आए महिमानां नूं शराब नाल नहाउणा चाहुंदा सी। रिशतेदारां ’ते तां ही हौलदारी दा रोहब पैणा सी।

वैसे तां उस नें कई पिंडां विच लाहण पवाइआ सी, पर उस नूं बहुती तवक्को वजीदके वाले लाली तों सी।

लाली दी शराब दूर-दूर तक मशहूर सी। शराब कढ्ढणा उस दा शौक सी। उह खांदा-पींदा ज़िमींदार सी। हर रोज़ पींदा सी, पर घर दी कढ्ढ के। लाहण विच लौंग, लाचीआं, काजू अते खोपे तों सिवा होर पता नहीं की कुझ पाउंदा सी। वधीआ तों वधीआ विसकी उस दी शराब अग्गे मात खांदी सी।

जदों वी उह शराब कढ्ढदा, तोहफ़े वजों इक-इक बोतल मित्तर अफ़सरां नूं ज़रूर भेजदा। सौ-सौ कोह ’ते बदल के गिआ अफ़सर वी उस दी शराब दा ज़ाइका नहीं सी भुल्लदा। शराब लई उस कोल दूरो-दूरों फ़रमाइशां आउंदीआं सन।

चिमना आपणे महिमानां नूं अजिहे ही लाजवाब तोहफ़े नाल निवाजणा चाहुंदासी।

पहिले हल्ले लाली नें लड़ नहीं सी फड़ाइआ। उस नें शराब कढ्ढणी छड्डी होईसी।

इधर बदामां पिसतिआं दे भाअ असमानी चहड़दे जा रहे सन। उधर ख़रचा वंडाउण लई कोई अग्गे नहीं सी आ रिहा। घर दे लाली नूं तंग कर रहे सन। उहनां दी अध्धी कमाई शराब दे मूंह उड्ड रही सी। उह कोई माड़ा धंदा नहीं करदे। अफ़सरां नूं ख़ुश रख्खण दी उहनां नूं कोई ज़रूरत नहीं सी। उह अफ़सरां दा खहिड़ा छड्डे।

वगारां अते मिहणिआं तों अक्के लाली नें बिआसा जी जा के सहुं खा लई। शराब पीणी तां दूर, उह उस नूं हत्थ वी नहीं लाएगा।

सिआणे अफ़सर समझ गए, उहनां नें लाली दा खहिड़ा छड्ड दित्ता।

चिमने नूं यकीन नां आइआ। सौ चूहे खा के बिल्ली हज्ज नूं जा ही नहीं सकदी। इह लाली दा मकर सी।

कुझ वी सी, लाली दे यार दे मुंडे दा विआह सी। शराब उस नूं कढ्ढणी ही पैणी सी। पीणी छड्डी है, छड्डी रख्खे। हत्थ लाउण वाली सहुं वी नां तोड़े। बस्स, कोल बैठ के कढ्ढवा देवे।

लाली नें पंज डरंम पाए। भठ्ठी तिंन दिन चहड़ी।

लाहण दी ख़ुशबू कई दिन पिंड नूं नशिआउंदी रही। ताज़ी-ताज़ी शराब दी लालसा नें कईआं नूं लाली दे खेतां वल्ल धूहिआ। अगांह पुलिस दा नाका सी। लोक हैरान सन। पुलिस वी बैठी सी अते शराब वी निकल रही सी। अजीब माजरा सी।

लोकां नूं इह पहेली समझ नां आई। पिंड दी नौजवान सभा समझ गई।

जदों शराब नाल भरिआ टैंपू चिमने दे पिंड वल्ल मुड़न लग्गा तां उस नूं घेर लिआ गिआ।

विच बैठे चिमने नें पहिलां दबका मारिआ। उह बा-वरदी सरकारी डिऊटी’ते सी। पुलिस नूं आपणी डिऊटी तों रोकण दे जुरम विच उह सभ नूं अंदर कर सकदासी।

जिउं-जिउं घेरा पाउण वालिआं दी गिणती वध्धदी गई, उह ढिल्ला पैंदा गिआ।

“पुलिस नें नाजाइज़ शराब दी भठ्ठी फड़ी है। इह केस दा माल-मुकद्दमा है।” घेरा पाउण वालिआं विच जदों पंच-सरपंच दिखाई देण लग्गे तां चिमने नें पैंतड़ा बदलिआ।

वजीदकिआं वाले सरपंच नें जदों लाली नूं सभ दे साहमणे पेश कीता तां चिमना पैरीं पैण लग्गा। भुल्लां बख़शाउण लग्गा।

दुशमणां नूं बख़शणा संमती दी नीती विच नहीं सी। इह उहो हौलदार सी, जिस नें ग़फ़ूर मीआं नूं भरी कचहिरी विच कुट्टिआ सी। उस दी पग्ग लाही अते दाहड़ी पुट्टी सी। बेकसूर ग़फ़ूर नें वी उस कोल अरज़ कीती सी। जदों चिमने नें कोई परवाह नहीं सी कीती तां संमती किउं करे?

डिपटी नूं मौके ’ते बुलाइआ गिआ। चिमने नूं ग्रिफ़तार कराइआ गिआ तां चिमने अते टैंपू दा खहिड़ा छड्डिआ गिआ।

चिमने दे चरचे मठ्ठे पए तां पाखर दे शुर हो गए।

उस दी जद्द विच मझ्झां चारदे दो पाली बस्स हेठ आ के कुचले गए सन।

बस्स अवतार टरांसपोरट कंपनी दी सी। ऐकसीडैंट समें बस्स नूं कंपनी दे मालक दा मुंडा चला रिहा सी। उह अनजाण वी सी अते शराबी वी।

बस्स नूं डक्के-डोले खांदी देख के सवारीआं नें हाल-दुहाई कीती। डराईवर बदलो जां उहनां नूं उतारो।

कंडकटर नें वी अरज़ कीती। अड्डा चार कु मील दूर है। थोहड़ी बहुती बस्स उस नूं चलाउणी आउंदी है। हौली-हौली उह बस्स अड्डे लै जाएगा।

चार कौडीआं दा नौकर मालक नूं शराबी आखे। उस तों बस्स खोहे) कंडकटर दी इस बदतमीज़ी ’ते मुंडे नूं ग़ुस्सा चहड़ गिआ। कंडकटर नूं गाल्हां कढ्ढदे मालक नें बस्स दी सपीड होर चुक्क दित्ती।

सवारीआं ‘वाहिगुरू-वाहिगुरू’ करन लग्गीआं। पता नहीं मौत किस दे सिर ’ते मंडरा रही सी।

कैंचीआं ’ते पुज्जदे ही भाणा वरत गिआ। ग़रीब पाली मारे गए।

कंडकटर तां भज्ज गिआ पर शराबी महिंदर सिंघ सवारीआं दे हत्थ आ गिआ। सवारीआं नें पहिलां आप उस दी भुगत सुआरी, फेर पुलिस दे हवाले कर दित्ता।

आथण हो रिहा सी। मरन वालिआं दे वारिस पुज्ज गए सन। पुलिस दी लिखा-पहड़ी पता नहीं कदों मुकंमल होएगी? सवारीआं लेट हो रहीआं सन। उह इक-इक करके खिंड गईआं।

मौका ताड़ के कंपनी दे मालिक पाखर ’ते ज़ोर पाउण लग्गे। उह कंपनी दा वारसां नाल राज़ीनामा करवा देवे। राज़ीनामा नहीं हुंदा तां महिंदर दी थां डराईवर दा नां पा देवे। डराईवर नूं उह आपे मना लैणगे। डराईवर नूं किहड़ा उहनां आंच आउण देणी है। हाले वारिस ग़ुस्से ’च हन। जदों ग़ुस्सा ठंढा हो गिआ, लै-दे करके गवाही मुकरा देणगे।

ख़िआल माड़ा नहीं सी। थाणेदार लई चार पैसे कमाउण दा वधीआ मौका सी। अजिहे बहुते केसां विच राज़ीनामे ही हुंदे हन। नां डराईवर दी मरन वाले नाल दुशमणी हुंदी है, नां वारिसां दी डराईवर नाल। बीमा कंपनी तों वध्धो-वध्ध कलेम दिवाउण विच डराईवर वारिसां दी मदद कर दिंदा है अते वारिस डराईवर नूं बरी कराउण विच। जदों पिछ्छों वी इहो होणा सी तां थाणेदार हुणे किउं नां करवा देवे।

कारवाई विचे छड्ड के पाखर वारिसां नूं समझाउण लग्गा।

“जे तुसीं आखोगे तां मैं मुकद्दमा दरज कर दूं, पर कचहिरी ’च जा के कुझ नी बणना। वकीलां, मुनशीआं दीआं फ़ीसां दिंदे थक्क जाओगे। मरिआं तां वापस नहीं आउणा। चार पैसे लै के जवाकां दा ढिड्ड भरो। मैं चार छित्तर वध्ध मार के पैसे वध्ध दिवा दूं।”

इक पासे हिक्क ’ते पईआं लाशां। दूजे पासे रोंदे-कुरलांदे बच्चे। तीजे पासे पुलिस दा मशवरा। चौथे पासे बस्स मालिकां दा ज़ोर। ग़रीब वारिसां नूं पैसे लैण तों सिवा कुझ सुझ्झिआ ही नां।

दस हज़ार उहनां नूं तुरंत दित्ता गिआ। दस हज़ार केस रफ़ा-दफ़ा होण पिछ्छों मिलणा सी।

कंपनी दा मुफ़त विच सर गिआ। नवें कानूंन मुताबक ऐकसीडैंट विच मरन वाले हर विअकती दे वारिसां नूं पंदरां हज़ार रुपिआ बीमा कंपनी वल्लों मिलणा सी। कलेम वसूलण दा मुख़तिआरनामा कंपनी दे इक मुलाज़म नूं दिवाइआ गिआ। बाकी बचदा पैसा पाखर नूं फड़ाइआ गिआ।

सच्ची-झूठी इक रपट लिखी गई। बस्स दे सटेअरिंग ’ते महिंदर सिंघ दी थां कंपनी दे किसे डराईवर नूं बिठाइआ गिआ। कसूरवार पालीआं नूं ठहिराइआ गिआ। डंगर चारदे-चारदे उह अचानक ही सड़क ’ते आ चहड़े सन। जदों मुंडे आपणी अणगहिली कारन मरे सन तां वारिस कारवाई करदे चंगे नहीं सन लग्गदे।

सारीआं धिरां नूं ख़ुश कर के थाणेदार तां सुख्ख दी नींद सौं गिआ, पर संमती जागदी रही।

अगले दिन संमती नें थाणे अग्गे धरना ला दित्ता।

पाखर नें पालीआं दा कफ़न वेचिआ सी। ग़रीब अनाथ बच्चिआं दे मूंहों टुक्क खोहिआ सी। जे मुक्कदमा ठीक दरज होइआ हुंदा तां वारिसां नूं मुआवज़े ’च लख्खां रुपिआ मिलदा।

संमती नें उह सारीआं सवारीआं पेश कीतीआं, जिनहां साहमणे वकूआ होइआ सी। उह डराईवर पेश कीता, जिहड़ा झूठा फसाइआ सी। वारिसां नें वी धाहां मारीआं। पाखर नें उहनां नूं गुमराह कीता सी।

डी.आई.जी. वल्लों पड़ताल होई। थाणेदार कसूरवार पाइआ गिआ। नवें सिरिउं परचा दरज कराइआ गिआ।

पाखर दे लाईन हाज़र हुंदिआं ही संमती नूं कुझ राहत महिसूस होण लग्गी। संमती समरथक गवाहां दे वारिसां ’ते बहुता कड़ाका उसे नें चाहड़िआ होइआ सी। कुझ गवाह संमती दे लकोए होए सन। बाकी गवाह इस नें चुक्क रख्खे सन।

खिझे अते घबराए पाखर नें बंटी कतल केस दे सारे गवाह छड्ड दित्ते।

पाखर वांग होर मुलाज़मां दे ख़िलाफ़ वी अरज़ी-परचा शुरू हो गिआ। पुछ्छ-पड़ताल लई कदे विजीलैंस वाले आ जांदे, कदे सी.आई.डी. वाले अते कदे उडण-दसते वाले।

कदे डिपटी दे समगलरां नाल कीते हिस्से दी पड़ताल हो रही हुंदी, कदे मुख्ख अफ़सर वल्लों सट्टे वालिआं नाल बंनहे महीने दी।

साधारन शिकाइतां हुंदीआं तां पुलिस वाले रोहब नाल जां किसे मोहतबर राहीं मिंनत-तरला कर के टिक-टिका कर लैंदे। हुण डरदा कोई शिकाइती नाल राबता तक काइम नहीं सी करदा। जिस-जिस नें वी यतन कीता, उसे नूं दूहरा वखत पै गिआ। किसे दा मिंनत-तरला टेप हो गिआ, किसे ख़िलाफ़ इक शिकाइत होर हो गई। पहिले बिआन तों मुकराउण लई फ़रिआदी नूं डराइआ-धमकाइआ जा रिहै।

दो घड़ी कपतान वी फूक-फूक के पैर धर रिहा सी। कुताही होण ’ते उस नूं वी हत्थ पै सकदा सी।

मुलाज़मां विच हाहाकार मच्च गई। संमती नालों ज़िआदा उहनां नूं आपणे अफ़सरां ’ते ग़ुस्सा सी। उहनां दी खिचाई कौण करवा रिहा है अते किउं हो रही है? इह गल्ल किसे तों नहीं सी लुकी। फेर अफ़सर मोढा किउं नहीं सी ला रहे? मुलाज़मां विच ही कसूर किउं कढ्ढिआ जा रिहा सी?

अफ़सर वी सच्चे सन। उह रंजश दी आड़ विच सच्च नूं झूठ किवें बणा देण? जिस शिकाइत दी वी पड़ताल हुंदी, उसे विच मुलाज़म कसूरवार पाइआ जांदा सी।

अफ़सरां दी इस बेरुख़ी ’ते मुलाज़म तिलमिला रहे सन। मन ही मन सभ नें फ़ैसला कर लिआ कि जदों अफ़सर ही उहनां दे सिर ’ते हत्थ नहीं रख्खदे तां उह बलदी अग्ग विच हत्थ किउं पाउण। अग्गों तों उहनां ग़लत कंम तां की करना है, उह सही कंम वी नहीं करनगे। गशत कीती ते कुआटर जा सुत्ते। साहमणे कतल हुंदा है तां हुंदा रहे। साहमणे डोडिआं दा टरक्क उतरदै तां उतरदा रहे। अफ़सर जाणन ते मुलज़म जाणन। नां कंम होएगा, नां ग़लती होएगी। नां ग़लती होएगी, नां अफ़सर उहनां दा कुझ विगाड़ सकणगे।

मुलाज़मां दे इस फ़ैसले नाल वी संमती दा मकसद हल्ल नहीं सी हो रिहा। संमती नें इक-दो गवाहां नूं घर भेजण दा तजरबा कर के देखिआ सी। डिपटी अते मख्ख अफ़सर उहनां ’ते बाज़ां वांग झपट पए सन। संमती चौकस नां हुंदी तां गवाह पुलिस दे हत्थ लग्ग च्के हुंदे।

रावण दे दो-चार सिर कट्टण नाल मसला हल्ल नहीं सी होणा। तीर उस दी धुंनी विच मारना पैणा सी।

जे मुख्ख अफ़सर नूं आसानी नाल काबू करना सी तां संमती नूं करतारो दे चुबारे दी नाकाबंदी करनी पैणी सी।

शाम नूं हवा पिआज़ी हो के उस दे दर ’ते दसतक देणा उस दा नित्तनेम सी। करतारो उस नूं नकद-नराइण वी भेट करदी सी अते कुआरा हुसन वी। उह दोहां दा शौकीन सी।

करतारो तक पहुंच करना ख़ाला जी दा वाड़ा नहीं सी। उस दा चुबारा हर ऐरे-ग़ैरे लई नहीं सी खुल्लदा। उस कोल ख़ास तरहां दा माल सी अते ख़ास तरहां दे गाहक। अल्ल्हड़ मुंडे अते शोख़ कुड़ीआं। नां कुड़ीआं नूं पैसे दी झाक, नां मुंडिआं नूं कोई परवाह। धन करतारो बटोरदी, अनंद गाहक माणदे। करतारो दे चुबारे चहड़न लई उंझ वी नोटां दा ढेर चाहीदा सी।

उस दा घर भीड़ी गली विच सी। गली दा इक सिरा बंद सी। आले-दुआले बहुते घर नहीं सी। जिहड़े सन, उहनां विच रिहाइश नहीं सी। उहनां घरां नूं गुदामां दे तौर ’ते वरतिआ जा रिहा सी। संमती नूं आले-दुआले तों कोई मदद नहीं सी मिल सकदी।

जलदी कीते करतारो किसे नूं पल्ला नहीं सी फड़ाउंदी। चुबारे चहड़न तों पहिलां गाहक नूं कई-कई दिन हेठली बैठक विच चौकी भरनी पैंदी सी। गल्लीं-बातीं करतारो गाहक दी पसंद वी जाण लैंदी अते उस दे बटूए दी मोटाई वी माप लैंदी।

संमती दे कारकुनां नूं कई दिन बेरंग मुड़ना पिआ। बैठक विच बैठे बंदे नूं कुझ पता नहीं सी लग्गदा, चुबारे विच की हो रिहै। इह वी पता नहीं सी कि चुबारे नूं इक पौड़ी लग्गदी है जां दो। कमरे दो हन जां चार। गाहक वापस वी मुड़दा हैजां उपर ही सौंदा है? कुड़ीआं किधर दी आउंदीआं अते किधर दी जांदीआं हन? गाहक कदों जाम छलकाउंदा है? कदों ज़ुलफ़ां नाल खेडदा है अते कदों सेज सजाउंदा है?

करतारो दे दर ’ते कई दिन अलख जगाउण तों बाअद उहनां नूं पता लग्गा कि चुबारे विच दो कमरे सन। आम गाहक लई इक नंबर कमरे दी वरतों कीती जांदी सी। दो नंबर कमरा ख़ास-ख़ास मौकिआं ’ते ख़ास-ख़ास महिमानां लई खल्ल्हदा सी। मुख्ख अफ़सर दो नंबर कमरे विच ठहिरदा सी। संमती नें जे उस नूं नगन हालत विच काबू करना है तां उस नूं इक नंबर कमरे ’ते सारी रात काबज़ रहिणा पैणा सी।

इसे तरहां कीता गिआ। नोटां दी गुत्थी नाल करतारो नूं चुंधिआइआ गिआ। इक नंबर कमरा सारी रात लई बुक्क करवाइआ गिआ।

लाल सिंघ पहिलां ही गुट्ट हो के आइआ सी। आउंदिआं ही आपणी पिआस बुझाउण लग्गा।

जदों लाल सिंघ पूरी तरहां सुध्ध-बुध्ध गवा बैठा तां चुबारे विचले कारकुना नें सीटी वजा दित्ती।

सीटी दी आवाज़ सुणदिआं ही बैठक विच बैठे अते इधर-उधर छुपे संमती दे कारकुन दगड़-दगड़ करदे चुबारे जा चहड़े। करतारो नूं कुझ समझ नां आइआ कि इह किहड़े सटाफ़ दा छापा है? करतारो जिस नूं वी रोकण दा यतन करदी, उहो धक्का मार के अग्गे लंघ जांदा।

करतारो नूं उस समें ही समझ आई जदों चार जणे नंग-धड़ंग लाल सिंघ नूं पौड़ीआं उतारन लग्गे। पौड़ीआं ’च खड़े पत्तरकार धड़ा-धड़ फ़ोटोआं खिच्चण लग्गे।

लाल सिंघ दे इस कारनामे नें पहिलां उस नूं लाईन हाज़र कराइआ अते फेर मुअत्तल।

रावण दे मरदिआं ही लंका विच मातम छा गिआ।

सहिमे मुलाज़म दिन-कटी करन लग्गे। हर इक नूं आपणी-आपणी नौकरी दा फ़िकर पै गिआ।

पुलिस कपतान दी किसे नूं परवाह नहीं सी रही। गवाह शरेआम गलीआं-बज़ारां विच घुंमण लग्गे। जिवें बिल्ली नूं देख के कबूतर अख्खां मीच लैंदा है, उसे तरहां उह वी नीवीं पा के कोल दी लंघण लग्गे।

कुझ दिनां तों कपतान वी ख़ामोश सी। संमती इस चुप्प दा मतलब समझदी सी। इह किसे आउण वाले तुफ़ान दा संकेत सी।

 

 

22

कानूंन विगिआन दा इक अहिम नियम मंग करदा सी कि बार अते बैंच विचकार संबंध सुखावें रहिण। जिंने सुखावें संबंध, ओना वधीआ इनसाफ़।

पहिलां इथे इस नियम दी पूरी-पूरी पालणा हुंदी सी। जदों दा गुरमीत बार दा मैंबर बणिआ सी, इह संबंध विगड़दे जा रहे सन। गुरमीत दे नाल ही संमती दी सिआसत वी बार विच घुसड़ गई सी।

सीनीअर वकीलां नें फ़ैसला कीता कि उहनां नूं चुप्प नहीं बैठणा चाहीदा। उहनां नूं इस ‘शरारती’ अनसर दा विरोध करना चाहीदा है।

इस फ़ैसले बाअद सीनीअर वकीलां नें निआं-पालिका दा पख्ख लैणा अते सैल्ल दा मक्कू ठप्पणा शुरू कर दित्ता।

सैल्ल वाले जिउं ही नाथ दे विरुध्ध साह कढ्ढण लग्गदे, सीनीअर वकील कावां वांग इकठ्ठे हो जांदे। सीनीअरां दीआं लछ्छेदार दलीलां अग्गे सैल्ल दे नुकते मात पै जांदे।

इस भरा-मारू जंग तों सैल्ल नूं घबराहट होण लग्गी। ज़रूर उहनां तों किते कोई ग़लती होई सी।

मसला संमती विच विचारिआ गिआ।

समुंदर मंथन पिछ्छों सबक दा इक सुच्चा मोती लभ्भिआ गिआ। “सीनीअर वकीलां अते जज्जां दे मुफ़ाद सांझे सन। इक वल्लों दूजे दी रख्खिआ करनी सुभावक सी।”

सैल्ल नें जूनीअर वकीलां वल्ल धिआन देणा शुरू कीता। जूनीअर वकीलां अते कचहिरी विच धक्के खांदे साइलां दी हालत विच उन्नी-इक्की दा ही फ़रक सी। उह जज्जां तों वी दुखी सन अते सीनीअरां तों वी। दुखदी रग ’ते उंगल रख्खी गई।

नतीजे फौरी तौर ’ते साहमणे आउण लग्गे। इकल्ले जज्जां विरुध्ध ही किउं? उहनां दे समरथक सीनीअर वकीलां विरुध्ध वी झंडा च्किआ जावे। जज्ज तां साइलां दी छिल्ल लाहुंदे सन। इह मगरमछ्छ आपणे ही भाईचारे नूं निगलदे सन।

जूनीअर वकील सैल्ल नालों वी तत्ते निकले। उह जज्जां अते सीनीअर वकीलां दे गुपत रिशतिआं दी पाज खोल्हण लग्गे।

अवतार सिंघ सभ तों वध्ध रोह विच सी। उह बार दे सभ तों सीनीअर वकील हरी प्रकाश दे कारनामे जग्गर करना चाहुंदा सी।

तिंन साल उह हरी प्रकाश दा जूनीअर रिहा सी।

इहनां तिंनां सालां विच अवतार नें उस दा रज्जवां गोहा-कूड़ा कीता सी पर उस नें नां कदे उस दे हत्थ ’ते पैसा धरिआ सी, नां कानूंनी वाकफ़ीअत दे नेड़े ढुक्कण दित्ता सी।

कुझ वरहे पहिलां जूनीअर वकीलां नें लड़ाई लड़ी सी। लंबे संघरश बाअद हाई कोरट कोलों इक नियम बणवाइआ सी। कोई सीनीअर वकील जदों वड्डा मुकद्दमा लड़े तां नाल इक जूनीअर नूं रख्खे। इस नाल जूनीअर नूं कई फ़ाइदे हुंदे। इक तां उह कंम सिख्ख जांदे, दूजा उहनां दा ख़रचा निकल जांदा।

हरी प्रकाश साइल तों तां जूनीअर दी फ़ीस लै लैंदा पर अवतार नूं कदे नां दिंदा। कोई पुछ्छदा तां उह घड़िआ-घड़ाइआ उत्तर सुणा दिंदा।

“किसे रिध्धी-सिध्धी नूं हासल करन लई तपस्सिआ करनी पैंदी है। तप लालच तिआग के हुंदै। जे मुंडिआं नूं कंम सिखाउणै तां उहनां नूं मोह-माइआ तों दूर रख्खो।”

अवतार मोह-माइआ तों वी दूर रिहा ते रिध्धी-सिध्धी वी हासल नां कर सकिआ।

हरी प्रकाश नंग-मुनंग हुंदा, अवतार नूं आपणी फ़ीस हड़प्पे जाण दा फेर वी दुख्ख नां हुंदा। उह सच्च-मुच्च करोड़पती सी। शहिर दे किसे वी बैंक-कंपलैकस, दुकान, पलाट, कोलड-सटोर जां मारकीट वल्ल उंगल करो, उह इसे दी निकलदी।

इह जाइदाद उस नूं विरासत विच नहीं सी मिली। इह किवें बणी? अवतार इहो दस्सदा फिरदा सी।

शहिर दा पुराणा बस्स-सटैंड शहिर दे विचकार आ गिआ सी। आए दिन हादसे होण लग्ग पए सन। बस्सां नूं अड्डे तक पुज्जण लई घंटिआं-बध्धी जाम विच फसणा पैंदा सी।

शहिर दे लोक मंग करन लग्गे। बस्स-अड्डा बाहर लिजाओ।

कई साल सरकार दे कंन ’ते जूं नां सरकी। लोकां संघरश कीता तां सरकार झुक गई।

नवां बस्स-सटैंड किथे बणाइआ जावे? इस बारे लोकां दी राए मंगी गई।

वख्ख-वख्ख धड़िआं नें वख्ख-वख्ख रावां पेश कीतीआं।

हर धड़ा बस्स-सटैंड नूं आपणे वल्ल धूहण लग्गा।

शहिरीआं नें जिहड़ी थां सुझाई सी, बहु-संमती उस नाल सी।

सारा उदयोग उसे दिशा वल्ल सी। नवीआं कचहिरीआं वी नेड़े सन अते कालज वी। विचकार कोई रेलवे फाटक वी नहीं पैंदा। उपरों वाधा इह कि उथों चारे दिशावां नूं सड़कां निकलदीआं सन।

आले-दुआले दीआं पंचाइतां नें वी उसे थां दे हक्क विच मते पा दित्ते।

हरी प्रकाश इस थां दा विरोध करन लग्गा।

इक तजवीज़ उस नें आपणे वल्लों पेश कीती।

संधू पत्ती विच पंचाइत दी इक ढाब सी। ढाब भर के उपर बस-सटैंड बणाइआ जावे। नाल हरी प्रकाश दी ज़मीन लग्गदी सी। होर लोड़ पए तां उह हाज़र सी।

जदों हरी प्रकाश नूं शहिरीआं वाली थां मनज़ूर हुंदी दिखाई दित्ती तां उस नें चंडीगहड़ डेरा ला लिआ। मुख्ख मंतरी किसे ज़माने ’च उस तों वकालत सिख्खदा रिहा सी। हुण फ़ाइदा नहीं पहुंचाएगा, फेर कदों पहुंचाएगा।

सरकार नूं बुरकी सुट्टी गई। ढाब हरी प्रकाश आपणे ख़रचे ’ते भरेगा। ज़मीन वी मुफ़त देवेगा।

हरी प्रकाश दे सुझाअ नूं मुख्ख रख्खदिआं नज़र-सानी लई मिसल मुड़ हेठां नूं भेजी गई।

दफ़तरां दे चक्कर कट्टदी-कट्टदी मिसल जदों हेठां तक अप्पड़ी, उदों तक हरी प्रकाश नें कई जाल विछा लए।

सत्ताधारी पारटी नूं चोगा पाइआ गिआ। पारटी दफ़तर लई दो विघे ज़मीन उस दे नां कराई गई। टरक्क यूनीअन नूं इक विघा अलग्ग दित्ता गिआ। ढाब भरन दी ज़िंमेवारी यूनीअन नूं सौंपी गई। प्रधान लई कोठी दा पलाट वख्खरा।

ऐस.डी.ऐम., तहिसीलदार अते होर संबंधत अफ़सरां नूं पुचकारिआ गिआ। उहनां नूं दरजा-ब-दरजा पलाट दित्ते गए।

नवीं थां विच सारा अमला-फैला दिलचसपी लैण लग्गा।

नवीं सकीम दिनां विच मनज़ूर हो गई।

लोक सुत्ते ही रहि गए। उदों ही पता लग्गा जदों बस्सां ढाब दुआले आ खड़ोतीआं।

शहिरीआं अते आले-दुआले दे पिंडां वालिआं नें उुज़र कीता। नवीं थां किसे तरहां वी ढुक्कवीं नहीं। नां इथे कोई सड़क है, नां सकूल, कालज। लंबे रूट वालीआं बस्सां बाईपास तों ही लंघ जाइआ करनगीआं। इह अड्डा आबादी दे नेड़े सी। कुझ सालां बाअद फेर बदलणा पैणा सी।

हरी प्रकाश अते पारटी दे दबाअ हेठ मुख्ख मंतरी लोकां दे वफ़दां नूं टालदा रिहा।

इधर सरकारी अधिकारीआं नें जंगी-पध्धर ’ते उसारी आरंभ दित्ती।

उधर हरी प्रकाश नें पलाट कट्टणे शुरू कर दित्ते।

लोकां दी मुहिंम ज़ोर फड़न लग्गी तां हरी प्रकाश नें आपणा दाअवा ठोक दित्ता।

वकील दा इह निज्जी केस सी। जज्ज नें झट्ट बंदी दे दित्ती। अगले हुकमां तक बस्स-सटैंड नूं किधरे होर लिजाण दी मनाही हो गई।

हरी प्रकाश नें बाकी बचदी ज़मीन दे इक वार फेर हिस्से पाए। इस वारी बाकी अफ़सरां दे नाल-नाल निआं-पालिका नूं हिस्सेदार बणाइआ गिआ।

नाथ साहिब नें बंदी विरुध्ध होई अपील छे महीने लटकाई रख्खी। कदे वकील ग़ैर-हाज़र हो जांदे अते कदे जज्ज। कदे मिसल गुंम जांदी अते कदे अहिलमद्द।

इहनां छे महीनिआं विच सरकार नें पैसा पाणी वांग वहा दित्ता। किधरे इमारतां उसर गईआं, किधरे सड़कां विछ गईआं।

लोकां नें वी उसारी ला लई। दुकानां बण गईआं। मकान उसर गए।

“हुण बस्स-सटैंड किधरे होर लिजाणा पिआ तां सरकार दा करोड़ां रुपए दा नकुसान होएगा।” पिछ्छों इसे तरक दे आधार ’ते बंदी पक्की हो गई।

निहत्थे होए लोक घरो-घरी बैठ गए।

अफ़सरां नाल हुंदे सौदिआं दी भिणक अवतार नूं पैंदी रहिंदी सी। उहनीं दिनीं हरी प्रकाश अवतार दी गड्डी विच ही घुंमदा सी।

उस आदमी नूं अवतार चंगी तरहां जाणदा सी जिस दे नां नाथ दे हिस्से दे पलाट होए सन। उह नाथ दे भरा दा साला सी। रिशतेदार ग़रीब सी। लुधिआणे दी इक मामूली फ़ैकटरी विच कलरक सी। उस कोल इंने महिंगे पलाट ख़रीदण दी परोखों नहीं सी। नां वेचे पलाटां दा उह हिसाब-किताब दे सकदा सी। पड़ताल शुरू हुंदिआं ही असलीअत उगल देणी सी।

इस केस दे खुल्ल्हण नाल सैल्ल नूं इक फ़ाइदा होर होणा सी। बस्स-सटैंड ऐकशन कमेटी नें सुरजीत हो जाणा सी। कमेटी दे सुरजीत हुंदिआं ही सैल्ल दे हत्थ मज़बूत हो जाणगे।

कुझ मसाला शिंदरपाल कोल सी।

उस दा सीनीअर जूनीअरां नूं फ़ीस तां दिवाउंदा सी, पर अफ़सरां नाल मिल के मारी ठग्गी विचों हिस्सा नहीं सी दिंदा।

शिंदरपाल दा बाप शहिर दा सिरकढ्ढ आहड़तीआ सी। अठारहां पिंडां दी आहड़त उहनां दी दुकान ’ते आउंदी सी। इहनां पिंडां दा कंम शिंदरपाल कोल आउंदा सी। लगदी वाह उह कंम आप करदा सी। नवां होण कारन गुंझलदार मुकद्दमिआं नूं हत्थ पाउण तों डरदा सी। वकील दी शुरू विच ही बदनामी हो जावे तां सथापत होण विच दिक्कत आउंदी है। अजिहे केस उह आपणे सीनीअर सुरजीत राए नूं दिंदा सी। जे उह किसे होर वकील नूं केस दिवाउंदा तां अगला हस्स के अध्ध दिंदा। इह गुरू-चेले दे रिशते विच ही सार दिंदा सी। कदे मूंह पाड़ के मंग वी लिआ तां पंज-चार सौ तों वध्ध पल्ले नहीं सी पाउंदा।

छोटीआं-मोटीआं फ़ीसां दी शिंदरपाल नें कदे परवाह नहीं सी कीती। जदों उह लख्खां दा घपला कर गिआ तां शिंदरपाल नूं बग़ावत वाला झंडा चुक्कणा पिआ सी।

पिछले साल भारत सरकार नें छाउणी बणाउण लई रोडू पिंड दी सारी ज़मीन ‘उकाइर’ कर लई सी। पिंड वालिआं नूं करोड़ां रुपए दा कलेम मिलणा सी। सारे पिंड नें रल के इको वकील कीता सी। वकील दी फ़ीस पंज सौ रुपिआ फ़ी केस तहि होई सी। शिंदरपाल राहीं सुरजीत राए नूं डेढ लख्ख बणिआ सी। इस फ़ीस विचों शिंदरपाल नें हिक्क ’च गोडा दे के बराबर दा हिस्सा लिआ सी।

पंझत्तर हज़ार जेब ’च पा के शिंदरपाल पहाड़ां नूं निकल गिआ।

सरकार नें ज़मीन दा मुल्ल पंजाह हज़ार रुपिआ फ़ी किल्ला पाइआ सी। बज़ारू मुल्ल सत्तर हज़ार तों वध्ध नहीं सी। नाथ साहिब नें इस मल्ल नूं वधा के इक लख्ख रुपिआ फ़ी किल्ला करना सी। वाधू रकम दे हिस्से पैणे सन। केसां नूं इक महीने दे अंदर-अंदर मुकाइआ जाणा सी। सुरजीत राए दी ज़िंमेवारी साइलां तों फ़ीस वसूलण दी सी। बाकी सारा बंदोबसत नाथ साहिब नें करना सी।

पहिले हफ़ते मुकद्दमा दाइर हुंदा। दूजे हफ़ते सरकारी धिर हाज़र हो जांदी। तीजे हफ़ते फ़ैसला हो जांदा ते चौथे हफ़ते मुआवज़े दे चैक्क मिल जांदे।

शिंदरपाल दे पहाड़ों मुड़न तक सुरजीत राए लख्खां रुपए डकार चुक्का सी। सूह मिलदे ही शिंदरपाल नें आपणा हिस्सा मंगिआ। सुरजीत राए झग्गा चुक्क गिआ।

शिंदरपाल बदला लैणा चाहुंदा सी।

बहुते नहीं तां कुझ कु पिंड वालिआं नूं उेह नाथ दे विरुध्ध भुगता सकदा सी।

कुझ जूनीअरां नूं जज्जां नाल गिला सी। उह देख-देख टिके कढ्ढदे सन। जूनीअरां दा बणदा हक्क वी नहीं दिंदे। सीनीअर दी झोली उंझ ही भरदे रहिंदे हन।

मंगत राए नूं गिला सी कि नाथ साहिब नें हाले तक उस नूं इक वार वी लोकल कमिशन नियुकत नहीं सी कीता। उसदे नाल दे कई-कई वार मोटीआं फ़ीसां उगराह चुक्के सन। जदों वी उस नें जज्ज कोल रोस प्रगट कीता, उस नूं इको जवाब मिलिआ। ग़लती नाल उस दा नां लिसट विचों कट्टिआ गिऐ। हुण नां दुबारा लिख लिआ गिऐ। अगली वार उसे दा नंबर लग्गेगा। नां दुबारा कदे उस दा नां लिखिआ गिआ, नां उस नूं कमिशन मिलिआ।

उस नूं इह वी गिला सी कि बहुते कमिशन भंडारी जां चहिल दे जूनीअरां नूं मिलदे सन। कारन किसे तों लुके नहीं सन।

भंडारी दी सोलन कोठी है। जून महीने दीआं छुट्टीआं उह उथे ही गुज़ारदा है। उथे महिमानां नूं शराब दे नाल-नाल शबाब वी मिलदा है।

हर वरहे कोई जज्ज भंडारी दा महिमान हुंदा है। आप ता भंडारी बुढ्ढा हो गिऐ। हर कंम विच जज्जां दा साथ कोई जूनीअर ही निभाउंदा है।

चहिल कोल दो-दो कारां हन। किसे वी जज्ज नें बाहर-अंदर जाणा होवे तां उस दी कार हाज़र हुंदी है। कार नूं डराईव कोई जूनीअर करदा है। चहिल गड्डी दी टैंकी वी फुल करवा के दिंदा है अते डिग्गी वी।

मंगत राए कोल तां आपणे सकूटर विच तेल पवाउण लई पैसे नहीं हुंदे। उह नाथ नूं गड्डीआं विच किवें घुमाए?

जूनीअरां नाल हुंदीआं इह बेइनसाफ़ीआं बंद होणीआं ही चाहीदीआं सन।

नौजवानां दे जोश नूं नां किसे सीनीअर दी नसीहत ठल्ल्ह सकी, नां किसे जज्ज दी धमकी।

बार दी मीटिंग बुलाउण लई दसतख़ती मुहिंम चलाई गई। पहिले ही दिन इक सौ सत्तरां विचों अठाहटां दे दसतख़त हो गए।

अगले दिन नाथ दे ख़िलाफ़ मता पास हो गिआ।

जज्ज नाल टक्कर लैण दी तिआरी जंगी पध्धर ते शुरू हो गई।

 

 

23

आपणे ख़िलाफ़ पए मते दी नाथ नूं कोई परवाह नहीं सी। इह अनाड़ी वकीलां दा इक वलवला सी, जिहड़ा समें दी धूड़ विच गुआच जाणा सी।

घुसमुसा हुंदिआं ही बार दा सकत्तर कोठी आइआ सी। पास होए मते दी नकल नाल लिआइआ सी। आउंदिआं ही उस माफ़ी मंगी सी। अचानक वा-वरोला जिहा उठ्ठ खड़ोता सी। घबराहट वाली कोई गल्ल नहीं। सीनीअर वकील नाथ दे नाल सन। इहनां विहलड़ां नूं कौण पुछ्छदै?

सकत्तर नें इक राज़ दी गल्ल दस्सी। हाऊस नें मते दीआं नकलां नूं बहुत थाईं भेजण दी सिफ़ारश कीती सी। कुझ कापीआं सकत्तर नें हज़म कर लईआं। बाकी नाथ डकार लए।

रजिसटरीआं छोटे डाकघरों होईआं सन। उथों लिफ़ाफ़े गुंम कराउणे नाथ लई खब्बे हत्थ दी खेड सी।

पत्तरकारां नूं वी आखिआ गिआ सी, उह ख़बरां भेजण। अंगरेज़ी अख़बार दे पत्तरकार सिआणे सन। बलैक-मेल करन वालीआं ख़बरां कदे नहीं भेजदे। हिंदी वाले सकत्तर दे वाकिफ़ सन। इशारे नाल सकत्तर नें उहनां नूं समझा दित्ता सी। जज्ज साहिब कंम आउण वाले बंदे सन, ख़बर नां भेजी जावे। बस्स पंजाबी अख़बारां दे पत्तरकारां दा इंतज़ाम करना बाकी सी। उहनां नूं पुचकारन नई इक हौलदार काफ़ी सी।

कई होर वकीलां दे फ़ोन आए। नाथ नाल उहनां आपणी वफ़ादारी प्रगटाई। उहनां वी यकीन दिवाइआ। मुंडे-खुंडे जिंना मरज़ी रौला पा लैण। उह आपणे इक वी साइल नूं जज्ज दे ख़िलाफ़ साह नहीं कढ्ढण देणगे।

ऐस.डी.ऐम. अते डिपटी वी चक्कर ला गए। उहनां लाइक कोई सेवा होवे तां उह हाज़र सन। उह चौवी घंटे वकीलां दे जाइज़-नजाइज़ कंम करदे हन। वकील हुण अफ़सरां दे कंम नहीं आउणगे, फेर कदों आउणगे?

सिआसी बंदिआं दे वी फ़ोन आए। किसे सिआसी दबाअ दी ज़रूरत होवे तां बिनां झिजक उहनां नूं दस्सिआ जावे।

चारे पासिउं मिलण वाली इस हमाइत नाल नाथ दे हौसले बुलंद होण लग्गे।

मते, पड़तालां वैसे वी नाथ लई नवें नहीं सन। उस दी कोई नां कोई पड़ताल चल्लदी ही रहिंदी सी। पड़तालां दे इस लंबे इतिहास तों उस नें कई सबक सिख्खे सन। जदों चार पैसे पल्ले होण तां कोई किसे दा कुझ नहीं विगाड़ सकदा। इह पहिला सबक सी। जिउं-जिउं पड़तालां दी लिसट लंबी हुंदी गई, तिउं-तिउं पैसे इकठ्ठे करन वाले उस दे फौड़े दी रफ़तार वी तेज़ हुंदी गई।

दूजे सबक तहित उह उपर बणा के रख्खदा सी। रजिसटरार उस दे साह विच साह लैंदा सी। हाईकोरट दे जज्जां विच दो धड़े सन। भारू धड़ा हमेशा उस दी जेब विच रहिंदा सी। कमाइआ धन उह इहनां कंमां ’ते खुल्ल्ह के ख़रचदा सी।

आउण वाले फ़ोनां दी वधदी गिणती नाथ लई चिंता दा कारन बणन लग्गी। इंने फ़ोनां दा मतलब सी कि ख़बर सारे इलाके विच फैल चुक्की सी। अफ़वाहां दा बज़ार वी गरम सी। ख़बर अग्गे तोरन वाला हर आदमी आपणे वल्लों वी मिरच-मसाला लाउंदा सी। अजिहे लोकां राहीं कई अजिहे पोल खुल्ल्ह रहे सन, जिनहां दा हाले तक नां संमती नूं पता सी, नां सैल्ल नूं। इह रुझान ख़तरनाक सी।

कुझ वकीलां दे फ़ोन आ चुक्के सन। जिहड़े ख़ामोश सन, मतलब सी कि उहनां दा नाथ नाल मन-मुटाव सी। अजिहे वकीलां नाल नाथ ख़ुद संपरक काइम करन लग्गा।

सहाइता लई तिंनों मैजिसट्रेट कोठी बुला लए। किसे मैजिसट्रेट दा किसे वकील नाल याराना सी अते किसे दा किसे नाल। इक नें दो-दो वकील काबू कर लए तां वी मसला हल्ल हो जाणा सी।

“बस्स जी मुंडिआं नें धक्के नाल दसतख़त करा लए। मनों असीं तुहाडे नाल हां।” वकीलां दा अजिहा रवई्ईआ उतशाह-जनक सी।

किसे-किसे नें गिला शिकवा वी प्रगट कीता। इक-दो नें नसीहत वी कीती।

“हर कंम पैसे नाल नां तोलिआ करो। कदे-कदे इनसाफ़ वी करिआ करो।”

कंनां ’च तेल पाई नाथ सभ कुझ सुणदा रिहा। माड़ी घड़ी लंघाउण लई हर तरहां दा वाअदा करदा रिहा।

अग्गे तों कोई शिकाइत नहीं आएगी। गिले-शिकवे आपसी गल्लबात राहीं नजिठ्ठ लए जाणगे। हाल दी घड़ी मता वापस लैण विच नाथ दी मदद कीती जावे। सीनीअर तां मंन गए, जूनीअरां नूं मनाउण विच दिक्कत आउण लग्गी। टांवा-टल्ला जूनीअर ही नाथ दे काबू आइआ। बहुते मांह दे आटे वांग आकड़े रहे।

“जदों सीनीअर वकील मेरे नाल हन तां मैनूं इहनां टट्टूआं दी की परवाह है?” सोचदे नाथ नें मैजसिट्रेटां दा सहियोग लई धंनवाद कीता। जाम खड़काए अते अराम नाल सौं गिआ।

सवेरे जदों अख़बारां चुक्कीआं तां मोटीआं-मोटीआं सुरख़ीआं विच आपणा नां नज़र आइआ।

इह की भाणा वरत गिआ? नाथ दे हत्थ-पैर फुल्ल गए। उस नें तां इक-इक पत्तरकार नाल संपरक काइम कीता सी। उहनां नूं ख़बरां भेजणों वरजिआ सी। मते दीआं नकलां वापस मंगवा के बोझे पा लईआं सन। फेर इह ख़बरां किस नें भेजीआं?

इस तों सपश्शट सी कि रजिसटरीआं वी रसते विच जाम नहीं होणगीआं। उह वी आपणी-आपणी मंज़िल ’ते पहुंच के रहिणगीआं।

बदनामी दी नाथ नूं कोई परवाह नहीं सी। ख़बरां नाल किहड़ा उस दीआ धीआं दा रिशता छुट्ट जाणा सी।

हाईकोरट दा पाला मार रिहा सी। अजिहीआं ख़बरां नाल हाईकोरट गंभीर नोटिस लैंदी सी। ख़बरां दे आधार ’ते ही पड़ताल शुरू कर दिंदी है।

नाथ चाहुंदा सी, अज्ज ही हाईकोरट पुज्ज के कोई इंतज़ाम कीता जावे।

पहिले दिन ही छुट्टी लै के भज्जणा वी मोक मारन बराबर सी। इस तरहां विरोधीआं नूं शहि मिलणी सी।

चंडीगहड़ उस नूं इक-दो दिन ठहिर के जाणा चाहीदा सी।

देर करन नाल हनेर वी पै सकदा सी। लंघिआ समां हत्थ नहीं सी आउणा। आपणे बंदिआं नें आखणा सी। पहिलां किउं नहीं दस्सिआ। बुराई नूं जलदी तों जलदी कुचल देणा चाहीदा सी।

होर नहीं तां रजिसटरार साहिब दे नोटिस विच तां लिआंदा ही जावे।

रजिसटरार नाथ ’ते मिहरबान सी।

रजिसटरार नूं फ़ोन खड़काइआ गिआ। वैसे तां शाम तक सभ ठीक हो जाएगा। फेर वी जे लोड़ पए तां उह दो कु दिन लंघा लैण। पिछ्छों नाथ आपे संभाल लएगा।

रजिसटरार नें नाथ दी पिठ्ठ थापड़ी। वड्डे भरा दे हुंदे उस नूं फ़िकर करन दी कोई लोड़ नहीं। संकट टल गिआ तां ठीक, नहीं तां बस्स फ़ोन ही काफ़ी सी। फेर रजिसटरार जाणे, उस दा कंम जाणे।

रजिसटरार दी हल्ला-शेरी नाल नाथ दी घबराहट घट्ट गई। दलेरी ’च आइआ नाथ सिआसी चालां चल्लण लग्गा।

अदालत ’च आउंदिआं ही उस नें बार दे प्रधान अते सकत्तर नूं बुलाइआ। उहनां नाल गिला प्रगट कीता। नाथ नें तां कदे उहनां दा बुरा नहीं कीता। हमेशां उहनां दा ख़िआल रख्खिआ सी। वध्धो-वध्ध मुकद्दमे उहनां दे हक्क विच कीते हन। नाथ दी मिहरबानी सदका उहनां दी वकालत दुग्गणी-तिग्गणी हो गई सी। उहनां दे प्रधान, सकत्तर हुंदिआं नाथ दे ख़िलाफ़ इह सभ कुझ नहीं सी होणा चाहीदा।

नाथ साहिब ठीक आखदे सन, पर मजबूर सन। सच्च वी इह सी कि उहनां दे हत्थ-वस्स कुझ रिहा ही  नहीं  सी। वकीलां विच रोह दी जवाला भड़क उठ्ठी सी। जिनहां वकीलां दे मूंह विच बोल नहीं सी, कल्ल्ह उह वी शेरां वांग गरज रहे सन।

“चलो जो हो गिआ, सो हो गिआ। अग्गों तों कोई कारवाई नहीं होणी चाहीदी। मते नूं इथे ही दब्ब दिओ। इस मसले ’ते होर मीटिंग नहीं होणी चाहीदी। सैल्ल वालिआं नूं कोई लिसट नां दित्ती जावे। तुसीं मेरा साथ दिओ, बाकी मैं आपे संभाल लवांगा।” नाथ इस तरहां हुकम झाड़ रिहा सी जिवें साहमणे अहुदेदारां दी थां मुलज़म खड़े होण।

प्रधान, सकत्तर नें पैरां ’ते पाणी नां पैण दित्ता। कल्ल्ह दे तुफ़ान नें उहनां दीआं जहड़ां वी उखाड़ दित्तीआं सन। हुण हुकम मुंडिआं दा चल्लदा सी। उह महिज़ रबड़ दी मोहर बण के रहि गए सन। आपणे तौर ’ते उह कोई वाअदा नहीं सी कर सकदे।

अहुदेदारां दा मन कंब  रिहा सी। उहनां दा धिआन बाहर अते कंन अंदर वल्ल सन। कोई वसाह नहीं, बाहर जूनीअर वकील उहनां दी नाकाबंदी करी बैठे होण। जज्ज अते उहनां विचकार हो रही गल्लबात सुण रहे होण।

अहुदेदारां नूं आपणे कल्ल्ह दे कीते ’ते पछतावा सी।

जूनीअर वकीलां वल्लों सुबहा ही उहनां नूं झांड़ां पै चुक्कीआं सन। उहनां नूं सकत्तर दे जज्ज दी कोठी जाण अते प्रधान दे फ़ोन करन दी भिणक पै चुक्की सी।

प्रधान, सकत्तर नें कोई होर ग़लती कीती तां उहनां ख़िलाफ़ वी मता पै सकदा है। उह कोलिआं दी दलाली विच मूंह काला किउं करन?

नाथ प्रती उहनां दे मन विच पहिलां वाली शरधा वी नहीं सी रही। जिस तरहां दीआं कहाणीआं प्रधान, सकत्तर नूं सुणन नूं मिल रहीआं सन, जे उह सच्च सन तां नाथ वरगे जज्ज दे ख़िलाफ़ कारवाई होणी ही चाहीदी सी।

प्रधान, सकत्तर खहिड़ा छुडाउण लई उतावले पैण लग्गे।

नाथ नूं साहमणिउं कोई ठोस हुंगारा मिलदा नज़र नां आइआ। बदले हालात मुताबक उस नूं आपणे नवाबी हुकमां विच तबदीली लिआउणी पई।

“जे तुहाडी कोई मजबूरी है तां इक-दो सीनीअर वकील होर बुला लओ। आपसी मत्तभेद दूर कर लैंदे हां। मेरी ग़लती होई, मैं मुआफ़ी मंग लवांगा.....पर आह बांदरां साहमणे आपां नहीं झुकणा.....।”

“इस वार वागडोर बांदरां दे हत्थ है.....फेर वी असीं कोशिश कर के देखदे हां।” आखदे अहुदेदार उठ्ठ खड़ोते।

“फेर कदों दस्सोगे?” उहनां दे सवागत विच नाथ वी उठ्ठ खड़ोता।

“शाम तक।”

“नहीं लंच ’च मिलणा। ज़रा सिआसी ढंग नाल नजिठ्ठणा।” नाथ दे तरले अहुदेदारां दा दरवाज़े तक पिछ्छा करदे रहे।

अहुदेदारां नें नां कोई कोशिश करनी सी, नां कीती। नां उह लंच टाइम ’च जज्ज नूं मिले, नां शाम नूं।

जदों समस्सिआ हल्ल हंदी नज़र नां आई तां नाथ चंडीगहड़ नूं चहड़ गिआ।

चंडीगड़ोहं मुड़िआ नाथ मुड़ गिद्दड़ों शेर बण गिआ।

हाईकोरट ’च उस दे गुट दे जज्जां नें उस दी पिठ्ठ थापड़ी। चीफ़ जसटिस वी उहनां दे गरुप्प दा है अते विजीलैंस जज्ज वी। अजिहीआं बीसीआं ख़बरां छपदीआं हन। सैंकड़े मते पैंदे हन। जे हाईकोरट अजिहीआं छोटीआं-छोटीआं गल्लां वल्ल धिआन देण लग्गे तां हो गए फ़ैसले। जज्ज दा कंम अजीब तरहां दा है। इक धिर नें नराज़ होणा ही है। नराज़ धिर नें जज्ज ’ते चिक्कड़ वी सुट्टणा है। जे हाई कोरट जज्ज दे हर कंम विच मीन-मेख करदी रहे तां जज्ज निडरता अते निरपख्खता नाल कंम किवें करनगे?

रजिसटरार नें ख़ुशख़बरी सुणाई। पहिला मता उह पी चक्का सी। ख़बरां जां मता चीफ़ जसटिस दे पेश ही नहीं कीता। जदों बांस ही नां रिहा तां बंसरी किथों वज्जेगी?

नाथ नूं इक ताड़ना वी कीती। इस पुआड़े दा जहड़ बंटी कतल केस सी। उह निज्जी दिलचसपी लैणी छड्ड देवे। किसे नां किसे बहाने लंबी तारीख़ पा देवे। आपे साहड़सती टल जाएगी।

मुड़ हफ़ता भर नां बार नें सुध्ध लई, नां सैल्ल नें।

सभ नूं आस सी, कारवाई आपे होएगी। पड़ताल लई जज्ज बिठाइआ जाएगा। दोशां दी पुशटी लई जज्ज सबूत मंगेगा। उह सबूत इकठ्ठे करदे रहे।

इक हफ़ता होर लंघ गिआ। फेर वी कोई कारवाई नां होई।

बार विच घुसर-मुसर होण लग्गी। दाल विच कुझ काला है।

नाथ दी रस्से चब्बण दी आदत वी काइम सी। मौका ताड़ के उह असामी बटोर लैंदा सी।

सुलगदी अग्ग उस समें भांबड़ बण गई जदों हाई कोरट किसे कंम गए मोहन जी नूं पता लग्गा कि उथे तां वाई-धाई वी नहीं। कलरक तों लै के रजिसटरार तक नूं नां मते दा इलम है, नां ख़बरां दा।

जूनीअरां दे अनुरोध ’ते मुड़ मीटिंग बुलाई गई।

इस वार फ़ैसला होइआ कि वकीलां दा इक वफ़द चीफ़ जसटिस नूं मिले। उह वफ़द नाथ विरुध्ध इकठ्ठे कीते सबूतां दा चिठ्ठा ख़ुद चीफ़ अग्गे पेश करे।

सुरजीत होई बस्स-सटैंड ऐकशन कमेटी नें वी आपणे दुखड़े रोण दा मन बणा लिआ।

जदों सभ जा रहे सन तां संघरश संमती पिछ्छे किउं रहे? इक वफ़द उस दा वी जाएगा।

एडे वड्डे वफ़द नूं देख के रजिसटरार दे पैरां हेठों ज़मीन खिसकण लग्गी। पूरी तनदेही नाल उह वफ़द नूं टरकाउण लग्गा। पैर-पैर ’ते झूठ बोलण लग्गा।

पहिलां कहिंदा हाई कोरट विच कोई मता आइआ ही नहीं।

बार नें इक सरटीफ़िकेट पेश कीता। पोसट-आफ़िस वालिआं तसदीक कीता सी कि रजिसटरी हाईकोरट दे फलाणे कलरक नें फलाणी तारीख़ नूं वसूल कीती सी।

सरटीफ़िकेट देख के रजिसटरार नें पैंतड़ा बदलिआ।

“अछ्छा) अछ्छा) उह मता.....। उह तां कदों दा फ़ाइल हो गिआ.....।”

बार वालिआं कारन पुछ्छिआ तां पता लग्गा, वकीलां दा इक वफ़द चंडीगहड़ आइआ सी। कुझ नें दस्सिआ सी, मते ’ते उहनां दे दसतख़त धक्के नाल करवाए गए सन। कुझ नें लिख के दित्ता सी कि मते ’ते होए उहनां दे दसतख़त जाअली सन। उहनां नूं नाथ नाल कोई गिला नहीं सी।

इह सरासर झूठ सी। सैल्ल अते जूनीअर वकीलां नें बाकी वकीलां ’ते बराबर नज़र रख्खी सी। नां कोई वकील चंडीगहड़ आइआ सी नां किसे नें कुझ लिख के दित्ता सी। इह मन-घड़त कहाणी सी, जिहड़ी वकीलां विच फुट्ट पाउण अते नाथ नूं बचाउण लई घड़ी गई सी।

वफ़द नें मंग कीती, उह लिखत उस नूं दिखाई जावे।

मामला गुपत सी, रजिसटरार अजिहा नहीं कर सकदा।

की माजरा है, वफ़द दी समझ आ गिआ। रजिसटरार नाथ दा ही दूसरा रूपसी।

लिखत नहीं दिखाउणी तां वफ़द नूं चीफ़ जसटिस नाल मिलाइआ जावे।

रजिसटरार फेर टंग अड़ाउण लग्गा। चीफ़ नूं मिलण दा इक ज़ाबता है। उस दी पालणा कीती जावे।

वफ़द नूं रजिसटरार ’ते भरोसा ही नहीं सी रिहा। पहिली शिकाइत उसे नें ख़ुरद- बुरद कीती सी। दूजी किउं नहीं करेगा? जाबते अनुसार उह दूजी शिकाइत रजिसटरार नूं देण लई तिआर नहीं सी।

वफ़द आपणी शिकाइत चीफ़ अग्गे ही पेश करेगा। जे रजिसटरार वफ़द नूं चैंबर विच नहीं मिलण देवेगा तां वफ़द चीफ़ दी कोठी जाएगा। चीफ़ कोठी मिलणों नांह करेगा तां वफ़द धरना देवेगा, भुख्ख हड़ताल करेगा। प्रैस कानफ़रंस बुलाएगा।

पाणी जदों सिरों लंघण लग्गा तां रजिसटरार झुकण लग्गा।

हौली-हौली रजिसटरार नें वफ़द नूं ठंढा कीता।

वफ़द तों मैमोरैंडम लिआ। मैमोरैंडम नाल लग्गे केसां दी घोख कीती। हलफ़ीआ बिआन पहड़े। फेर मिसल तिआर कर के चीफ़ दे पेश कर दित्ती।

चीफ़ नें वफ़द नूं ठंढे दिमाग़ नाल सुणिआ।

तुरंत विजीलैंस जज्ज नूं बुलाइआ। सारे काग़ज़-पत्तर उस दे हवाले कीते। विजीलैंस जज्ज फ़ौरन पड़ताल करे। हफ़ते दे अंदर-अंदर रिपोरट पेश करे। विजीलैंस जज्ज नूं हुकम सुणाइआ।

बंटी कतल केस दी कारवाई इक महीने लई रोक दित्ती गई।

ख़ुश होइआ वफ़द विजीलैंस जज्ज दी उडीक करन लग्गा।

संमती, सैल्ल अते जूनीअर सभ दुखी धिरां नाल राबता रख्खण लग्गे। उह निधड़क हो के गवाही देण। सभ नूं समझाउण लग्गे।

“जज्ज दी पड़ताल होणी है।” इह सुण के कई होर धिरां वी दलेरी फड़ गईआं। उहनां वी आपणे हलफ़ीआ बिआन तसदीक करा लए।

सैल्ल दे हौसले बुलंद सन। विजीलैंस जज्ज दे आउंदिआं ही नाथ दी फट्टी पुच्च जाणी सी।

पर विजीलैंस जज्ज सी कि आ ही नहीं सी रिहा।

अक्के-थक्के लोकां दे हौसले ढहिन लग्गे, निराश हो के उह मुड़ कंमीं-धंदीं रुझ्झ गए।

नाथ इस सुसती दा फ़ाइदा उठाउण लग्गा। उस नूं अजिहे केसां दी लिसट मिल चुक्की सी, जिनहां विच उस ’ते पैसे लैण दा दोश लाइआ गिआ सी।

विजीलैंस जज्ज वल्लों उसनूं धिरां नाल संपरक करन लई खुल्ल्हा समां दित्ता गिआ सी। उस समें दा उह फ़ाइदा उठाउंदा रिहा।

किसे धिर दा कोई रिशतेदार बुलाइआ गिआ। रिशतेदार वल्लों धिर नूं समझाइआ गिआ।

“भलिआ लोका, मूरखां पिछ्छे लग्ग के मूरख किउं बणदा हैं? पड़ताल हाई कोरट कर रही है। जे तूं आख दित्ता, पैसे दे के केस कराइआ है तां उह फ़ैसला रद्द नहीं कर देऊ? आपणे पैर ’ते आप कुहाड़ा किउं मारदैं?”

कुझ समझ गए।

जिहड़े नां समझे, उहनां नूं थाणे बुलाइआ गिआ। किसे होर केस दी आड़ विच डराइआ-धमकाइआ गिआ।

कुझ डर गए।

जिहड़े नां डरे, उहनां नूं अध्ध-पचध्ध पैसे मोड़ के विराइआ गिआ।

वकीलां विच वी भंन-तोड़ कीती गई। किसे दा साला लिआंदा गिआ, किसे दा जीजा। किसे नूं चुप्प रहिण दा हुकम सिआसी पारटी नें दित्ता, किसे नूं किसे सभा सोसाइटी नें। कुझ दा मिंनत-तरला कीता। कुझ नूं लालच दित्ता।

जदों सभ अछ्छा हो गिआ तां विजीलैंस जज्ज नूं बुलाइआ गिआ।

जज्ज दे अचानक आ धमकण ’ते बार नूं हत्थां-पैरां दी पै गई। फ़रिआदीआं नूं इकठ्ठे करन लई केवल अठारहां घंटे मिले सन।

पड़ताल दा दिन ऐतवार रख्खिआ गिआ। बहुते वकील सूचना मिलण तों पहिलां ही पिंडां नूं तुर चुक्के सन।

सारे फ़रिआदीआं नाल संपरक नां हो सकिआ। जिनहां नाल होइआ उह मजबूर सन। किसे नें विआह जाणा सी, किसे नें ग़मी।

कुझ धिरां नूं मुकरा लिआ गिआ सी। कुझ नूं खिसका लिआ गिआ सी। कोई थाणे बंद सी। कोई किसे अफ़सर दी कोठी।

जज्ज दे पेश करन लई बार नूं इक वी फ़रिआदी नहीं सी लभ्भा।

घोख करन ’ते पता लग्गा इंझ गिणी-मिथी साज़िश तहित होइआ सी। नाथ नूं कई दिन पहिलां ही टूर-प्रोगराम भेज दित्ता गिआ सी। बार नूं जाण-बुझ के हनेरे विच रख्खिआ गिआ सी।

विजीलैंस जज्ज नें नाथ नूं समझाइआ सी, किवें नां किवें उह उस नूं इक वार बेरंग मोड़ देवे। मुड़ पड़ताल लई उह शहिर पैर नहीं पाएगा, भावें सारा शहिर नाथ दे ख़िलाफ़ भुगतण लई तिआर हो जावे।

इंझ ही हो रिहा सी। विजीलैंस जज्ज पूरे चार घंटे रैसट हाऊस विच बैठा रिहा। इक वी फ़रिआदी उस साहमणे पेश नां होइआ।

वापस जाण तों पहिलां विजीलैंस जज्ज नें पतवंतिआं नूं बुलाइआ। उहनां नूं मिल के चल्लण दा उपदेश दित्ता। बार अते बैंच इको गड्डी दे दो पहीए सन। जिंना चिर मिल के नहीं चल्लणगे, इनसाफ़ वाली गड्डी नहीं रिहड़ेगी।

सैल्ल वाले इहनां मोमोठगणीआं गल्लां विच आउण वाले नहीं सन। उहनां नूं सबूत पेश करन दे मौके तों जाण-बुझ के वांझिआं रख्खिआ गिआ सी। पड़ताल निरपख्ख नहीं सी। उस नूं इक मौका होर दित्ता जिावे।

जज्ज विहला नहीं सी। हाई कोरट वल्लों उस नूं पहिलां ही बहुत घट्ट समां दित्ता गिआ। उह दुबारा नहीं आ सकदा। कोई सबूत पेश करना है तां अज ही करो। नहीं उह समझेगा, उहनां कोल आखण लई कुझ नहीं।

विजीलैंस जज्ज वल्लों इक राज़ीनामा टाईप करवाइआ गिआ। जिनहां-जिनहां वकीलां नूं पड़ताल ’ते तसल्ली सी, उह दसतख़त कर देण। बाकीआं दी मरज़ी।

रोह ’च आए जूनीअरां नें राज़ीनामा पाड़ दित्ता। जज्ज पड़ताल लई आइआ सी, नां कि राज़ीनामे लई। उह आपणे अधिकार-खेतर तों बाहर जा रिहै।

पासा पुठ्ठा पैंदे देख के विजीलैंस जज्ज नरम होण लग्गा।

दो दिनां दा समां होर दित्ता गिआ। जे उहनां कोल कोई गवाह होवे तां उस नूं चंडीगहड़ लिआ के भुगता लिआ जावे।

सैल्ल नें चंडीगहड़ दे कई चक्कर लाए। कुझ पल्ले नां पिआ। जदों गवाह जांदे, जज्ज नां हुंदा। जदों जज्ज हुंदा, गवाह नां जांदे।

खिच्च-धूह कर के कुझ ही गवाह भुगत सके।

विजीलैंस जज्ज दे रिपोरट पेश करन दे इक महीना बाअद तक वी जदों कोई कारवाई नां होई तां बार नूं मुड़ वफ़द लै के चंडीगहड़ जाणा पिआ।

इश वार चीफ़ वी उहनां दी गल्ल सुणन नूं तिआर नहीं  सी। सैल्ल वाले निज्जी दुशमणीआं कढ्ढ रहे सन। जज्ज नूं जाण-बुझ के बदनाम कर रहे सन। सैशन जज्ज अते विजीलैंस जज्ज दी रिपोरट आ चुक्की सी। कुझ सीनीअर वकील नाथ दे हक्क विच भुगते सन। कई धिरां दे बिआन कलमबंद होए सन। कुझ धिरां नूं चीफ़ नें ख़ुद सुणिआ सी। जज्ज ’ते लग्गे सभ दोश झूठे साबत होए सन। शिकाइत ख़ारज हो चक्की सी।

इह सभ कदों अते किथे होइआ? इस बारे वफ़द नूं कुझ नहीं सी दस्सिआ गिआ।

जदों कुत्ती ही चोरां नाल मिल जाए तां राखी दी किस तों आस रख्खी जाए? वकील फिर वी हिंमत हारन वाले नहीं सन।

नाथ नूं सबक सिखाउण दा नवां राह लभ्भिआ गिआ।

सैल्ल-पख्खी वकीलां दा जदों वी कोई केस नाथ दे लग्गदा झट्ट इक दरख़ासत दे दित्ती जांदी। धिर नूं जज्ज ’ते विशवास नहीं। केस किसे होर अदालत विच तबदील कीता जाए। सबूत वजों कुझ तत्थ पेश कीते जांदे। हलफ़ीआ बिआन कदे धिर दा लग्गदा, कदे वकील दा।

हासो-हीणी सथिती उस समें पैदा हुंदी, जदों केस तबदील कराउण दी दरख़ासत दोहां धिरां वल्लों आ जांदी।

मजबूर होई हाई कोरट नूं आए दिन कोई नां कोई केस नाथ दी अदालत विचों बदलणा पैंदा।

अदालत ख़ाली हुंदी जा रही सी।

बंटी कतल केस दी तारीख़ नेड़े आई तां उस विच वी दरख़ासत दित्ती गई। दोशां दी पुशटी लई दो-दो वकीलां नें हलफ़ीआ बिआन नत्थी कीतेगए।

जज्ज ’ते पहिला दोश सी कि उह सरकारी धिर नाल रलिआ होइआ सी। पहिले दिन गवाह मुक्कर गए सन। दूसरे दिन मुक्करन दी संभावना सी। किवें नां किवें अगले दिन गवाहां नूं टालिआ जावे। इस आशे नूं लै के नाथ, डिपटी अते सरकारी वकील दौरान मीटिंग होई सी। जिस साज़िश दे सबूत वजों टैलीफ़ोन दे बिल्ल पेश कीते गए। पहिला फ़ोन बचन सिंघ अते डी.ए. विचकार होइआ सी, दूजा डी.ए. अते सैशन जज्ज विचकार अते तीजा सैशन जज्ज अते नाथ विचकार।

इहनां हलफ़ीआ बिआनां नें हाई कोरट नूं उलझा लिआ।

हलफ़ीआ बिआनां दी आड़ विच प्रैस वाले दब्बे मुरदे वी उखाड़न लग्गे। नाथ दीआं हेराफेरीआं दे किस्से आए दिन अख़बारां विच छपण लग्गे।

जदों लोकां दा जज्ज तों विशवास उठ्ठ गिआ तां उस नूं तबदील किउं नहीं कीता जांदा? जदों लोक जज्ज ’ते कुरप्पशन दा दोश ला रहे हन तां पड़ताल ख्ल्हे-आम किउं नहीं हुंदी? इस वार प्रैस दी आलोचना दा केंदर हाई कोरट बणिआ सी।

हाई कोरट दीआ आपणीआं सीमावां सन। जदों हत्थ आपणी ही पग्ग नूं पैण लग्गे तां दूजे दी पग्ग दा ख़िआल नहीं रहिंदा।

सैल्ल दी दरख़ासत रद्द कीती गई।

केस तबदील करन दी थां जज्ज तबदील कीता गिआ।

“जज्ज ख़िलाफ़ लग्गे दोशां दी मुड़ पड़ताल होएगी। उह वी खल्ल्ही कचहिरी विच।”

इह हुकम फ़ुरमाइआ गिआ।

 

 

24

नाथ दी बदली अते मुड़ शुरू होई पड़ताल नाल संमती दी चहड़ मच्ची।

हुण पाला अते मीता बरी हो जाणगे। लोकां विच चरचा होण लग्गी।

इह चरचा युवा संघ लई ख़तरनाक सी।

संघ दी होंद पहिलां ही ख़तरे विच सी। बंटी दे कतल बाअद संघ दे संगठनातमक ढांचे विच तरेड़ आ गई सी। समें दे बीतण नाल इह तरेड़ वधदी जा रही सी।

“संघ आपणे असल उदेश तों भटक गिऐ। समाज सेवा दी थां इस दा उदेश बंटी कतल केस दी पैरवाई करना अते अफ़सरां दा हत्थ-ठोका बणना रहि गिआ है।” कुझ वरकरां दी इह धारना बणदी जा रही सी।

इह विचार उह धड़ा रख्खदा सी, जिहड़े किसे वी मसले नूं हत्थ पाउण तों पहिलां उस मसले दी तहि तक जाणा पसंद करदा सी।

इस धड़े दी घोख दस्सदी सी कि पाला अते मीता निरदोश सन। उहनां नूं बेकसरूर साबत करन लई संमती जिहड़े तत्थ पेश कर रही सी, उह ठीक सन। इह वरकर आपणे नेतावां तों पुछ्छदे सन कि बिनां मतलब संमती नूं ऐडा वड्डा जह्हाद छेड़न दी की लोड़ सी? नां संमती नाल कोई दुशमणी सी, नां उस दी पाले अते मीते नाल कोई दोसती सी। संमती दा इको-इक उदेश पाले अते मीते नूं बरी कराउणा ही नहीं, उह असल कातलां नूं वी फड़ाउणा चाहुंदी सी। संघ जे पुलिस दी हां विच हां मिलाउंदा रिहा तां असल कातल बच निकलणगे।

इह धड़ा संघ दे उस फ़ैसले दी वी निंदिआ करदा सी जिस अनुसार उहनां बाबे दा जलूस कढ्ढिआ सी। हुण इह शीशे वांग साफ़ सी कि उह जलूस पुलिस नें आपणे हित्तां दी पूरती लई कढवाइआ सी। साड़-फूक अते मार-कुटाई तां संघ दी योजना विच शामल नहीं सी। फेर इंझ किउं अते किस दे इशारे ’ते होइआ?

इह धड़ा बिनां मतलब पुलिस दी सहाइता करन दे ख़िलाफ़ सी।

बंटी कतल केस नूं कामयाब करन लई पुलिस जदों झूठे गवाहां दी कतार खड़ी कर रही सी तां संघ नूं वी अग्गे आउण लई आखिआ गिआ सी। इस धड़े नें उस समें वी झूठीआं गवाहीआं दा विरोध कीता सी।

संघ दे प्रधान नें गवाह बणन तों इनकार करन वाले वरकरां नूं ग़दार गरदान दित्ता सी।

प्रधान दा विचार सी कि इह घड़ी संघ लई संकट दी घड़ी सी। संघ दे बानी दा पोता कतल होइआ सी। दोशीआं नूं सज़ा वी होणी चाहीदी सी। जे पुलिस गवाह मंगदी सी तां इस विच पुलिस दा की कसूर सी? साडा कानूंनी ढांचा ही अजिहा है। पैर-पैर ’ते सबूत मंगदा है। जिहड़ा सबूत घड़ गिआ, उह कामयाब। जिहड़ा रहि गिआ, उह फ़ेल्ह।

आपणी दलील दी पुशटी लई राम सरूप हड्ड-बीती सुणाउंदा सी।

इक वार बस्स-सटैंड ’ते इक जेब कतरे नूं जेब कट्टदिआं उस नें रंगे हत्थीं फड़िआ सी। गवाही देण गिआ राम सरूप सच्च बोलण ’ते अड़िआ रिहा। पुलिस वल्लों लिखे बिआन दी थां उस नें उहो आखिआ जो सच्च सी। सच इह सी कि उस नूं नहीं सी पता कि वकूए समें उस दी जेब विच किंने रुपए सन। उस नूं इह वी नहीं सी पता कि पंजाह-पंजाह दे नोट किंने सन, दस-दस अते पंज-पंज दे किंने। उस नें इह वी मंनिआ सी कि हर पंजाह दा नोट इको जिहा हुंदा है। उस कोल इह साबत करन लई कोई सबूत नहीं कि जिहड़ा नोट जेब कतरे दे हत्थ विच फड़िआ गिआ सी,  उह जेब कतरे दा नहीं, राम सरूप दा सी। राम सरूप धरम-पुत्तर ही बणिआ रहि गिआ। जेब-कतरा बरी वी हो गिआ अते राम सरूप दे नोट वी लै गिआ।

जे राम सरूप पुलिस दे आखे लग्गदा अते उस वल्लों लिखिआ बिआन दिंदा तां नतीजा उलट हुंदा। पुलिस बिआन अनुसार उस नें इह आखणा सी कि वकूए समें उस दी जेब विच पंज सौ रुपिआ सी। चार नोट सौ-सौ दे सन। दो पंजाह-पंजाह दे। नोट उह आहड़तीए तों लिआइआ सी। नवीं-नकोर कापी विचों। कापी दे नोट आहड़तीए कोल सन। राम सरूप दे नोटां दे नंबर फलाणे-फलाणे सन।

उस दिन तों राम सरूप दी इह धारन बण गई सी कि मुकद्दमे नूं कानूंन दी ज़द्द विच लिआउण लई जे थोहड़ा-बहुत झूठ वी बोलणा पए तां कोई हरज नहीं।

पुलिस इह साबत कर चुक्की सी कि पाला अते मीता ही बंटी दे कातल हन। उहनां नूं सज़ा कराउण लई पुलिस नूं जे कुझ सबूत घड़ने पै रहे सन तां बिनां सक्क उस नूं घड़ने चाहीदे सन। संघ दा उदेश फल खाणा सी, पेड़ गिणना नहीं। फल तक अप्पड़न लई पुलिस किहड़ा राह अपणाउंणी है? राम सरूप नूं इस नाल कोई मतलब नहीं सी। राम सरूप नें सभ तों पहिलां आपणे आप नूं बतौर गवाह पेश कीता सी।

इस दे उलट नराता राम नें गवाह बणन तों साफ़ इनकार कीता सी।

“मैनूं अजिहीआं अदालतां नाल नफ़रत है, जिहड़ीआं लोकां नूं भंबल-भूसिआं विच पाउंदीआं अते झूठे सबूत घड़न लई उकसाउंदीआं हन।”

आखदा नराता राम आपणे तरक दी पुशटी लई जग्ग-बीती सुणाउंदा सी।

राएसर वाले प्रधान दा कतल भरी कचहिरी विच होइआ सी। सैंकड़े बंदिआं नें इक माड़चू जिहे बंदे नूं प्रधान नूं गोली मारदिआं देखिआ सी। उस नूं मौके ’ते ही फड़ लिआ गिआ सी।

इधर अदालतां नियम घड़ी बैठीआं सन कि बंदा मरदे समें झूठ नहीं बोलदा।  उधर प्रधान नें मरदे समें वी मनो-खोर नहीं सी खोइआ।

इक पासे उह मौत नाल गल्लां कर रिहा सी ते दूजे पासे आपणे दुशमणां लई फांसी दा फंदा तिआर कर रिहा सी।

बड़े फ़ख़र नाल उस नें बिआन दित्ता सी, दो दुशमणां नें उस दीआं बाहां फड़ीआं। तीजे नें गोली मारी।

मरन वाले नें तां जो कुफ़र तोलणा सी, तोल दित्ता। जज्ज नें उस तों वी लोहड़ा मारिआ।

जदों गोली चल्ली सी तां ‘बाहां फड़न’ वाले दोशी उसे दी अदालत विच मौजूद सन। उहनां जज्ज कोल अरज़ वी कीती सी। प्रधान उहनां दा दुशमण है। किधरे परचे विच नां ही नां लिखा देवे। जज्ज वल्लों उहनां दी हाज़री दा ज़िकर आपणी मिसल विच कर लिआ जावे। सफ़ाई समें उहनां लई इहो सबूत काफ़ी होवेगा।

गवाह बणन तों टलदा अते पारटीबाज़ी तों डरदा जज्ज टाल-मटोल कर गिआ।

फ़ैसला सुणाउंदे समें उसे जज्ज नें इसे घिसे-पिटे नियम नूं मानता दित्ती। ‘बाहां फड़न’ वालिआं नूं वी मरन वाले दे बिआन दे आधार ’ते सज़ा सुणा दित्ती।

नराता आखदा सी, “जिथों दा कानूंन अंनहा अते बोला होवे, जिथों दे जज्जां नूं असलीअत खोजण लई हत्थ-पैर मारन दी इजाज़त नां होवे, जिथे धिरां मूक दरशक बण के खड़ीआं रहिंदीआं होण, जिथे वकीलां दे जाबहां दे भेड़ नूं तरचीह दित्ती जांदी होवे, जिथे इनसाफ़ दी थां ज़ाबते नूं अहिमीअत दित्ती जांदी होवे, उथों दे शहिरीआं नूं चाहीदा है, उह सुचेत रहिण।”

नराता राम सुचेत सी। उस नें संघ दे बाकी वरकरां नूं वी सुचेत कीता। उह ओना चिर गवाही नां देण, जिंना चिर तक उहनां गवाही वाला तत्थ अख्खीं हुंदिआं नां डिठ्ठा होवे।

इहनीं दिनीं संमती नें पुलिस, प्रासीकिऊशन अते निआं-पालिका नूं वख़त पाइआ होइआ सी। इस दा कारन वी बंटी कतल केस सी।

राम सरूप चाहुंदा सी कि संघ अफ़सरां दा डट के साथ देवे। जे संमती इहनां नूं डराउण विच कामयाब हो गई तां केस दा भठ्ठा बैठ जाणा सी।

दूजा धड़ा इथे वी राम सरूप दी विरोधता करदा सी।

“अफ़सर फ़रेबी, बेईमान अते झूठे हन। आपणे गुनाहां नूं छुपाउण लई उह संघ दी ओट भालदे हन। जे उह सच्चे-सुच्चे हन तां आपणे पैरां ’ते खड़ो के सथिती दा मुकाबला किउं नहीं करदे।”

नराता राम धड़े दा इह विचार सी कि अफ़सरां दी मदद मैरिट दे आधार ’ते कीती जावे। निरदोश अफ़सर दी मदद कीती जावे। दोशी दा विरोध।

बचन सिंघ दे कारनामिआं दा किस नूं नहीं पता? जे उह दुध्ध धोता हुंदा तां विजीलैंस दे रेड तों डरदा छुट्टी नां भज्जदा।

नाथ दे किरदार बारे वी संघ नूं चंगी तरहां पता सी। संघ दा किहड़ा वरकर है, जिस नें कदे नां कदे नाथ नूं रिशवत नां दित्ती होवे। किसे नें सैंपल दे केस विचों बरी होण लई थैली भेंट कीती सी अते किसे नें मरी आसामी तों पैसे कढाउण लई।

संमती नें पड़ताल लई जिनहां केसां दी लिसट हाई कोरट नूं भेजी सी, उहनां विचों कुझ केसां दी पड़ताल इस धड़े नें वी कीती सी। जिस धिर नाल वी संपरक काइम कीता, उहो दुहत्थड़े मार के रो पई। बहुतिआं नूं गहिणा-गट्टा वेच के जज्ज दा घर भरना पिआ सी।

बंटी कतल केस विच इक तारीख़ ’ते गवाह मोड़ के नाथ साहिब राजा हरीश चंदर नहीं बण गए।

करतारो दा अड्डा संघ नूं वी रड़कदा सी। संघ विच लाल सिंघ नूं हत्थ पाउण दी हिंमत नहीं सी। जे उहो कंम संमती नें कर दित्ता तां की माड़ा हो गिआ? पुलिसीआं दे कारिआं दा किस नूं नहीं पता?

“अख्खां दे कैंप लाउणा जां माड़े मंगतिआं विच कंबल, जरसीआं वंडणा ही समाज सेवा नहीं। लोकां नूं रिशवत वरगे कोहड़ तों निजात दिवाउणा वी इक समाज सेवा है। संघ नूं इस परउपकार तों मुख्ख नूं नहीं मोड़ना चाहीदा।”

अजिहे नुकतिआं ’ते विचार करदिआं वरकरां विचकार अकसर झपटां हो जाइआ करदीआं सन। नेतावां विच मन-मुटाव रहिण लग्गा। इक नेता कोई प्रोगराम उलीकदा तां दूजा उस नूं रद्द कर दिंदा।

नेतावां दी चुंझ-चरचा तों वरकर दुखी रहिण लग्गे। समाज सेवा ही करनी है तां इह संघ तों बिनां ही हो सकदी है। उदासीन होए बहुते वरकर संघ तों लांभे होण लग्गे।

उतों सितम इह कि लाला जी वी मौन धार गए। अग्गे कोई समस्सिआ खड़ी हुंदी तां उह झट्ट सुलझा दिंदे। उहनां दी राए वरकरां लई रब्बी हुकम वरगी हुंदी।

बंटी दे कतल बाअद उह इक वारी वी मीटिंग विच नहीं सन आए। घर बैठे माला फेरदे रहिंदे। कदे कोई वरकर राए-मशवरे लई जांदा तां खिझ जांदे। आपणे मसले आपे निबेड़न दी राए दिंदे।

संघ दे बहुते वरकर अमीर घराणिआं नाल संबंध रख्खदे सन। संघ दे मैंबर उह समाज सेवा लई बणे सन, थाणे-कचहिरीआं विच धक्के खाण लई नहीं। मुकद्दमेबाज़ी जां पारटीबाज़ी तों उहनां की लैणा सी। उह संघ दे इस झंजट विचों निकलण दी उडीक करन लग्गे। ओनी देर लई मन-प्रचावे लई किसे नें सपोरटस कलब्ब बणा लिआ अते किसे नें सभिआचारक मंच।

सच्चे-सुच्चे वरकरां दे मनां नूं कचहिरीआं दे माहौल नें वी ठेस पहुंचाईसी। उहनां सुणिआ सी कि कचहिरी इक मंदर है। उथे दूजा रब्ब वस्सदा है। पर तजरबे   उलट होए सन।

जिस भंडारी नूं संघ दानवीर करण आखिआ करदा सी, उस दा असली भद्दा चिहरा उहनां नूं कचहिरी विच ही नज़र आइआ सी। इक वार नराता राम नें देखिआ सी, इक विधवा औरत नें भंडारी दी फ़ीस उतारन लई आपणे अठ्ठां सालां दे पुत्तर दी गोलक भंनी सी। डुसकदे बच्चे दा भंडारी दे मन ’ते कोई असर नहीं सी होइआ।

उसे दिन तों नराता राम दा कचहिरी जांदे दा मन घबराउंदा सी।

राम सरूप अते दरशन दा धरम दी सहुं खा के झूठ बोलणा वी उहनां नूं बुरा लग्गा सी।

नराता राम धड़े नूं जदों ‘संमती दे एजंट’ आखिआ जाण लग्गा तां उहनां पूरी तरहां आपणे आप नूं इस झमेले तों वख्ख कर लिआ।

इधर संघ खिंड रिहा सी, उधर संमती मज़बूत हुंदी जा रही सी।

राम सरूप बेचैन सी। संघ आख़र कदों कु तक आपणी मिहनत दे इस फल नूं लुट्टिआ जांदा देखदा रहेगा।

उस नें आपणे सकत्तर नाल मशवरा कीता। समां मंग करदा सी कि संघ नूं मुड़ संगठत कीता जावे। केस दी पैरवाई पूरी तनदेही नाल कीती जावे। जिहड़े सहिमत हन उह संघ विच रहिण, जिहड़े नहीं उह निकल जाण। संघ लड़ाई लड़ेगा भावें उह दो ही रहि जाण।

हालात इकल्ले रहिण वरगे ही बणदे जा रहे सन। राम सरूप अते दरशन दे सिर तोड़ यतनां दे बावजूद वी संघ दी गिणती दस तों वध नहीं सी। इंने कु वरकरां नाल नां जलसे कीते जा सकदे सन, नां जलूस कढ्ढे जा सकदे सन। फेर वी जो कुझ कीता जा सकदा सी, उह कुझ तां कीता जावे।

मुड़ गठित होए संघ दा पहिला टीचा मुख्ख मंतरी नूं मिलणा मिथिआ गिआ।

संघ नूं मुख्ख मंतरी ’ते गिला सी। उह दोशीआं नूं ग्रिफ़तार करवा के सुरख़रू हो गिआ लग्गदा सी। मुड़ नां उस नें शहिर गेड़ा मारिआ, नां मुकद्दमे दी सार लई।

पुलिस ठंढी पै चुक्की सी। उस नूं केस सिरे चाहड़न दी कोई परवाह नहीं। बहुते केस पुलिस दी अणगहिली कारन फ़ेल्ह हो जांदे सन। इह केस वी उसे अणगहिली दा शिकार हुंदा जा रिहा सी।

पहिलां संघ नें सिआणे-सिआणे वकीलां दी राए लई। फेर नवीआं-नवीआं तजवीज़ां लै के उह मुख्ख मंतरी कोल जा पुज्जे।

संघ नूं मुख्ख मंतरी खिड़े मत्थे मिलिआ।

दो कु गल्लां कर के संघ दा ग़ुस्सा जांदा रिहा। मुख्ख मंतरी केस ’ते पूरी नज़र रख्ख रिहा सी। छोटी तों छोटी घटना मुख्ख मंतरी दे नोटिस विच सी। उह मजबूर सी। की करे? समझ नहीं सी आ रिहा।

संघ वल्लों पेश कीतीआं तजवीज़ां नूं मुख्ख मंतरी नें गहु नाल विचारिआ।

नतीजे फ़ौरी तौर ’ते साहमणे आउण लग्गे।

नाथ साहिब दी थां किहड़ा जज्ज लाइआ जाए? इह विचारन लई जसटिस शिंगारा सिंघ नूं कोठी बुलाइआ गिआ।

जसटिस मुख्ख मंतरी दा रिशतेदार वी सी अते उस नूं कुरसी ’ते वी मुख्ख मंतरी नें ही बिठाइआ सी।

हाई कोरट विच वकालत शुरू करन तों पहिलां शिंगारा सिंघ पटिआले वकालत करदा सी। वकालत भावें बहुती नहीं सी चल्लदी, पर सिआसत विच वाहवा थां सी। पिछली वज़ारत विच मुख्ख मंतरी जी सिहत मंतरी बणे सन। उस समें उनहां शिंगारा सिंघ नूं चंडीगहड़ बुला लिआ सी।

अकाली पारटी विच पहड़िआं-लिखिआं दी कमी सी। जिहो जिहे नेता, उहो जिहे रिशतेदार। कई वार तां जथेदारां नूं उच्चीआं पदवीआं ’ते बिठाउण लई पड़ेह-लिखे रिशतेदार वी नहीं सी लभ्भदे। हाई कोरट विच जज्जां दीआं नौकरीआं निकलदीआं ही रहिंदीआं सन। जदों दाअ लग्गा, मंतरी उस नूं जसटिस बणा देवेगा।

अकाली पारटी बहुता समां विरोधी धिर वज्जों ही कंम करदी सी। विरोधी धिर विच बैठ के पारटी नूं मोरचे लाउणे पैंदे। मोरचिआं ’च अंदर होए नेतावां नूं हाई कोरट दी ज़रूरत पैंदी सी। शिंगारा सिंघ हाई कोरट ’च बैठा होइआ वेले-कुवेले कंम आएगा।

इसे सिआसत अधीन शिंगारा सिंघ नूं जसटिस बणाइआ गिआ सी।

ते शिंगारा सिंघ नें वी संविधान दी थां पारटी अते मुख्ख मंतरी प्रती ज़िआदा वफ़ादारी निभाई सी। जदों वी लोड़ पई, उस नें काइदे-कानूंन छिक्के टंग के पारटी दा हित्त पूरिआ। निज्जी कंम वी दलेरी नाल कीते। पारटी नें इशारा कीता तां बरी होण वाले बंदे नूं फांसी ला दित्ता। मुख्ख मंतरी नें चाहिआ तां फांसी लग्गण वाले बंदे नूं बरी कर दित्ता।

हुण वी मुख्ख मंतरी नूं उस दीआं सेवावां दी ज़रूरत सी।

जसटिस नूं सारी समस्सिआ समझाई गई।

नाथ दी थां कोई अजिहा जज्ज लाइआ जावे, जिहड़ा ईमानदारी लई वी प्रसिध्ध होवे अते जलसे-जलूसां तों वी नां डरे। इस दा मतलब इह नहीं सी कि उह निरा अड़ीअल टट्टू ही होवे। सरकार दी वी परवाह नां करदा होवे। लोड़ पैण ’ते शिंगारा सिंघ उस नूं कठ्ठ-पुतली वांग नचा वी सके।

शिंगारा सिंघ नें झट्ट मोता सिंघ दा नां तजवीज़ कर दित्ता। उह मुख्ख मंतरी दी कसवट्टी ’ते पूरा उतरदा सी।

शिंगारा सिंघ नूं हुकम होइआ मोता सिंघ नूं तुरंत शहिर पहुंचाइआ जावे।

संघ दी दूजी मंग केस दी पैरवाई लई सपैशल पबलिक प्रासीकिऊटर नियुकत करन दी सी। निकंमे सरकारी वकीलां दे इह वस्स दा रोग नहीं सी।

इह सेवा गिआन सिंघ हुरां नूं सौंपी गई।

गिआन सिंघ हाई कोरट दा चोटी दा वकील सी। हेठलीआं अदालतां विच जाणा उस दी शान दे ख़िलाफ़ सी, पर उह मुख्ख मंतरी दे नेड़ले मित्तरां विचों इक सी। मुख्ख मंतरी दा उह हुकम नहीं सी टाल सकदा।

विशेश दूत राहीं गिआन सिंघ नूं तलब कीता गिआ।

गिआन सिंघ लई हर पेशी दा पंज हज़ार। आउण-जाण लई गड्डी। रहिण लई सरकट हाऊस। नाल इक वाअदा-केस दे कामयाब हुंदिआं ही वधीआ जिहा कोई अहुदा वी।

गिआन सिंघ नूं नां पंज हज़ार रुपए प्रती पेशी दा लालच सी, नां कार-बंगले दा। उस दी फ़ीस तां गिआरां हज़ार रुपिआ प्रती पेशी सी। उह वी घर बैठिआं। कई वार पेशीआं वी दो-दो, तिंन-तिंन।

बाहर जाण नाल नुकसान होणा सी। पिछ्छों कंम चौपट हो जांदा सी। गाहक अते मौत दा की पता कदों आ जावे? ग़ैर-हाज़री विच दो-चार जां दस मुकद्दमे वी खुस्स सकदे सन।

कारां उस कोल पहिलां ही दो सन। कोठी मख्ख मंतरी दी कोठी जिड्डी सी।

केस नूं सवीकार करन दी जे कोई खिच्च सी तां उह सी मुख्ख मंतरी दा वाअदा।

हाई कोरट विच कई असामीआं ख़ाली सन। जज्ज बणन दीआं सारीआं शरतां गिआन सिंघ पूरीआं करदा सी। मुख्ख मंतरी ख़ुश हो गिआ तां इक सीट वट्ट ’ते सी।

जज्ज नहीं तां ऐडवोकेट जनरल दी कुरसी ही सही।

इह नहीं तां किसे बोरड, कारपोरेशन जां कमिशन दी चेअरमैनशिप तां देवेगा ही।

पारटी टिकट वी मिल सकदै अते वज़ीरी वी।

इक लालच होर सी।

सपैशल पबलिक प्रासीकिऊटर बण के वकालत होर चमकणी सी।

इक पासे मीडीए राहीं पबलीसिटी होणी सी, दूजे पासे अफ़सरां नूं कंन होणे सन। सपैशल पी.पी. बणन दा माण जणे-खणे वकील नूं नहीं मिलदा। इस दा मतलब सी कि वकील दी सरकारे-दरबारे पहुंच सी। सरकार नूं वकील दी लिआकत ’ते माण सी। सरकारे-दरबारे मानता प्रापत वकील दी वकालत दूणी-तीणी हो जांदी है।

सरकारी कंम धड़ा-धड़ मिलणा सी। मूंह-मंगी फ़ीस मिलणी सी। अफ़सरां नूं केस नालों वध्ध दिलचसपी उस नूं ख़ुश करन विच होणी सी।

उजले भविख्ख दा सुपना देख के गिआन सिंघ नें केस लड़ना मंन लिआ।

गिआन सिंघ दे मशवरे ’ते हेठले अफ़सरां नूं हदाइतां जारी कीतीआं गईआं।

ज़िल्हा अटारनी ख़ुद सपैशल पी.पी. दी मदद करेगा। हर पेशी ’ते उह शहिर जाइआ करेगा।

गवाहां नूं तलब करन, समझाउण अते सरकारी वकील अग्गे पेश करन दी ज़िंमेवारी पुलिस कपतान दी निज्जी होवेगी।

इस कंम लई इक विशेश पुलिस पारटी तिआर कीती जावे। इस पारटी दा इंचारज घट्टो-घट्ट इंसपैकटर लाइआ जाए। इह इंसपैकटर पुलिस कपतान दे नाल-नाल सपैशल पी.पी. नूं वी जवाब-देह होवे।

ग्रहि-विभाग दे इक डिपटी सैकटरी नूं केस दा इंचारज बणाइआ गिआ। मुख्ख मंतरी नूं रुझेविआं कारन बाहर-अंदर जाणा पैंदा सी। सपैशल पी.पी. जिवें आखे उह मुख्ख मंतरी दी तरफ़ों उसे तरहां हुकम जारी करदा रहे।

पेशी वाले दिन डिपटी सैकटरी ज़िल्हा हैडकुआरटर ’ते हाज़र रहे।

डिपटी सैकटरी मुख्ख मंतरी नाल वी संपरक रख्खे। हर कारवाई दी सूचना उस नूं दिंदा रहे।

राम सरूप अते दरशन नूं वी डिपटी सैकटरी नाल मिलाइआ गिआ।

उहनां नूं उह मुख्ख मंतरी दा रूप ही समझे, उस नूं समझाइआ गिआ।

हुण तां ख़ुश सी नां संघ?