दरबार साहिब करतारपुर केवल सिख्खां दा नहीं, हिंदूआं ते मुसलमानां दा वी सांझा तीरथ सथान है। उत्थे गुरू नानक देव जी दी समाध अते मज़ार नालो नाल हन। साखी है कि 22 सतंबर 1539 नूं गुरू नानक देव जोती जोत समाए तां हिंदू कहिण लग्गे असीं आपणे गुरू दी देह दा ससकार करांगे। मुसलमान कहिण लग्गे बाबा नानक साडा पीर है, असीं आपणे पीर दी देह दफनावांगे। साखी अनुसार गुरां दी देह तों चादर चुक्की तां केवल फुल्ल मिले। आपणा गुरू पीर मंनदिआं हिंदूआं अते मुसलमानां नें फुल्ल अध्धो-अध्ध वंड लए ते चादर वी अध्धो-अध्ध कर लई। हिंदूआं नें फुल्लां दा ससकार कर के अंगीठा बणा दित्ता, मुसलमानां नें फुल्ल दफ़ना के मज़ार उसार दित्ती। मज़हबां दे नां ’ते लोकां विच्च वंडीआं पाउण वालिआं दे समझण वाली गल्ल है कि करतारपुर समुच्ची मानवता दा सांझा शरधा सथान है।

करतारपुर नेड़ले पिंडां विच्च हिंद-पाकि दे हिंदू, मुसलमान ते सिख्ख नालो-नाल रहिंदे हन। देशां दीआं हद्दां सरहद्दां तों पार दरबार साहिब करतारपुर सिख्खां, हिंदूआं अते मुसलमानां दी सांझी विरासत है। सारे मज़हबां दरमिआन पिआर मुहब्बत बणाई रख्खण वाली मुकद्दस जगहा। इत्थों आपसी सदभावना दा पैग़ाम चार चुफेरे फैलाइआ जाणा चाहीदा है। भारत अते पाकिसतान कदे इक्को देश सी। राज करन दे लालचीआं नें इस नूं दो देशां विच्च वंड लिआ। दूर दी किसे नहीं सोची कि इह वंड दोहां देशां नूं लै बहेगी। वंड करनी सी तां भरावां वांग करदे। किसे दा नुकसान नां हुंदा। कट्टड़पंथीआं नें आम लोकां नूं मज़हबी जनूंन दे टेटे चहड़ा के लख्खां कतल करवाए, हज़ारां औरतां दी असमत लुट्टी ते करोड़ां अरबां दी जाइदाद साड़ी फूकी गई। हिंदोसतान दी वंड समें सभ तों वध्ध नुकसान दोहां पासिआं दे पंजाबीआं दा होइआ जो 70 सालां तों हुण तक हुंदा आ रिहा है। हालत इहो रही तां कोई पता नहीं कदों तक होर नुकसान हुंदा रहेगा?

हिंद-पाकि दुशमणी जित्थे भारत अते पाकिसतान दी मंदहाली दा करन बणी होई है, उत्थे चहड़दे अते लहिंदे पंजाब दे तां जहड़ीं बैठी होई है। सुरख्खिआ दे नां ’ते दोहां देशां नूं वड्डीआं फौजां रख्खण अते महिंगे हथिआर खरीदण उत्ते बेअंत खरच करना पै रिहा है। जिंना सरमाइआ, जिंनी शकती, जिंना टेलैंट अते जिंना समां दोहां देशां दी दुशमणी पुगाउण उत्ते लाइआ जा रिहा है, उंने नाल दोवें देश बड़े खुशहाल हो सकदे सन। दोहां देशां दे आम लोकां दी आरथिक हालत सुधारी जा सकदी सी, सिहत अरोग रख्खी जा सकदी सी, चंगी सिख्खिआ दित्ती जा सकदी सी, रुज़गार दे चंगे मौके दित्ते जा सकदे सन, आपसी वपार हो सकदा सी, प्रती जीअ आमदन वध सकदी सी, जंग दा डर मुक्क सकदा सी अते इक दूजे दा भला करदिआं नेकी कमाई जा सकदी सी। हिंद-पाकि कुल आलम दे सिरमौर मुलक बण सकदे सन। अमन अमान मुलकां नूं तारदा है जद कि लड़ाई झगड़ा डोबदा है।

भरा वैसे छेती कीतिआं अड्ड नहीं हुंदे। पर जे अड्ड होणा ई पवे तां चुल्ल्हा अड्ड कर लैंदे हन। वाह लग्गदी विहड़ा नहीं वंडदे कि बच्चे इकठ्ठे खेड लिआ करनगे। विहड़ा वंडणा ही पवे तां कंध विच्च लांघा रख्ख लैंदे हन कि दुखदे सुखदे इक दूजे दी सार लई जा सकेगी। कंध विच्च मोरी रख्ख लैंदे हन कि लोड़ वेले चीज़ वसत फड़नी फड़ाउणी सौखी रहेगी। भरा जु होए! कई वार दाल सबज़ी दी कौली दा आदान परदान ही भरप्पण दी सांझ नहीं टुट्टण दिंदा। भारत अते पाकिसतान नूं भरावां अते चंगे गुआंढीआं वांग वसणा चाहीदा है नां कि वैरी शरीकां वांग। जे कोई धिर सांझ वधाउण दी छोटी जिही पहिल वी करे तां भरवां हुंघारा भरना चाहीदा है। निक्के मोटे बहाने बणा के तोड़ विछोड़ा करी रख्खणा बचगानी गल्ल है।

करतारपुर दा लांघा भारत-पाकि दे तणाअ ग्रसत रिशते विच्च सुखावां मोड़ साबत हो सकदा है। इह लांघा दोहां देशां नूं खुशहाली दे मारग ’ते तोर सकदा है। इस विच्च ही दोहां देशां दे आम लोकां दा सुनहिरी भविख्ख वेखिआ जा सकदा है। जिहड़े लोक करतारपुर दे दरशनां दी अरदास करदे हन उनहां दी अरदास दा अंतला बोल सरबत्त दा भला मंगणा हुंदा है। करतार नें करतारपुर दे लांघे राहीं हिंद-पाकि दे लोकां नूं मौका दित्ता है कि उह मरन-मारन वाले पासे जा रही आपणी होणी नूं जीवन मानण वाले राह पा लैण। सरहद्द ’ते कीती जा रही ठाह-ठूह तद ही बंद होणी है जेकर आपसी मेल मिलाप वधे।

गुरू नानक देव दा जनम राए भोइ दी तलवंडी विच्च 1479 नूं पटवारी महिता कालू जी दे घर होइआ सी। बालक नानक दे उसताद हिंदू पांधा ते मुसलमान काज़ी सन। दोसत मरदाना मरासी सी। बचपन अते चहड़दी जवानी दे पंदरां साल उनहां बार दी हरिआवली भोइं ’ते बिताए जिस दी प्रकिरती दा ज़िकर बारा मांह विच्च कीता। फिर भैण नानकी अते जीजे जैराम कोल सुलतानपुर लोधी चले गए जित्थे 14 साल रहे। दौलत खां दे मोदीखाने विच्च नौकरी कीती। चंगी भल्ल खट्टी। फिर जग्ग तारन लई चार उदासीआं कीतीआं। पैदल चलदिआं हज़ारां मीलां दा पंध कीता। संतां, भगतां, सूफीआं अते सिध्धां नाल गोशटीआं कीतीआं। 22 साल देशां देशातरां विच्च घुंमदे रहे। अगिआनता दूर करदे रहे, जग्ग तारदे रहे। उनहां दी सुपतनी माता सुलख्खणी आपणे पेके पिंड पख्खोके जांदी रही जो अजोकी सरहद्द लागे है। गुरू नानक देव दे सहुरा साहिब मूल चंद वी पटवारी सन। उह बटाले रहिण लग्ग पए सन पर पिंड पख्खोके वी नहीं सी छड्डिआ। पतनी अते बच्चिआं नूं मिलण लई गुरू नानक देव जी दा पख्खोके आउण जाण सी। ज़मीन तां सहुरिआं पास वी सी पर साखी है कि पख्खोके दे अजित्ते रंधावे नें रावी नाल लग्गदी सौ एकड़ ज़मीन होर दे दित्ती कि गुरू नानक देव उत्थे पक्का निवास कर लैण। 1515 विच्च गुरू जी नें करतारपुर दी नींह रख्खी। उदों उनहां दी उमर 46 सालां दी सी।

52 साल दी उमर विच्च गुरू नानक देव जी करतारपुर रहिण लग्ग पए। मां बाप, पतनी अते दोवें बच्चे करतारपुर लै आंदे। खूह ला लिआ। उत्थे खेतीबाड़ी करन लग्गे। गुरू का लंगर चला लिआ। आउण जाण वालिआं लई धरमशाला बणा लई। नाम जपण, किरत करन ते वंड छकण दा उपदेश देण लग्गे। आपणे हत्थीं किरत करदे, बाणी उचारदे, आए गए नाल विचार वटांदरा करदे अते उच्च आचरण वाला सादा जीवन जिऊण दी सिख्खिआ दिंदे। पोथीआं लिखदे। उह 18 साल करतारपुर रहे। लागे रावी वगदी जिस दीआं छल्लां दे नज़ारे माणदे। डंगर चारदे। भाई लहिणा उत्थे दरशनां नूं आइआ तां उनहां दे अंग संग रहिण लग्गा। 14 जुलाई 1539 नूं गुरू नानक नें आपणे पुत्तरां दी थां भाई लहिणा जी नूं आपणा वारस थापिआ ते नां अंगद देव रख्खिआ। पोथीआं उनहां नूं संभालीआं। इंज सिख्खी दी वाग डोर आपणे पुत्तरां थां योगता दे आधार ’ते सेवक नूं सौंपण दा तोरा तोरिआ। 22 सतंबर 1539 नूं गुरू जी जोती जोत समा गए।

नानकाणा साहिब, सुलतानपुर लोधी ते करतारपुर तिंन ऐसे मुकद्दस सथान हन जित्थे गुरू नानक देव जी सालां बध्धी रहे। देश दी वंड समें ननकाणा साहिब पाकिसतान विच्च रहि गिआ, सुलतानपुर लोधी भारत विच्च ते करतारपुर सरहद्द तों डेढ किलोमीटर पाकिसतान वल्ल। हुण डेरा बाबा नानक दी सरहद्दी चौकी उत्ते सथापत कीती दूरबीन विच्चों तिंन चार किलोमीटर दूर दरबार साहिब करतारपुर दे दरशन कीते जांदे हन। पाकिसतान बणन वेले तों ही संगतां विच्च करतारपुर दे खुल्ल्हे-डुल्ल्हे दरशनां दी तांघ तुरी आउंदी है। अरदासां हुंदीआं आ रहीआं हन। 71 सालां बाअद उनहां नूं फल पै रिहा है।

दोहां देशां दे सिआणे लोक जाणदे हन कि दोहां पासिआं दे ‘हाकमां’ नूं जदों वोटां दी जां राज होर लंमा करन दी लोड़ पैंदी है, सरहद्द उत्ते ठाह-ठूह कर-करवा के वोटां दा झाड़, झाड़ लैंदे हन। पुत्त बिगाने मरदे हन, बल्ले-बल्ले हाकम करवाई जांदे हन। भारत-पाकि झपटां अते लड़ाईआं नाल नुकसान तां दोहां देशां दा ही हुंदा है पर चहड़दे अते लहिंदे पंजाबां नूं सेक कुझ वधेरे लग्गदा है, सरहद्द नाल जु लग्गदे होए। पंजाबीआं नूं वार वार उज्जड़ना पैंदा है। पंजाब सिर ऐवें नहीं अरबां खरबां दे करज़े चहड़े। भारत-पाकि विच्चकार दोसती रहे तां वाधू वसतां दे आदान परदान नाल दोहां पासिआं दे पंजाब अते दोवें देश खुशहाल हो सकदे हन किउंकि वपार करन लई दोहां पंजाबां पास होर कोई रसता नहीं।

हिंद-पाकि दे बहुत सारे मसले कोझी सिआसत नें हल्ल नहीं होण दित्ते। करतारपुर हिंदूआं, मुसलमानां, सिख्खां, गल्ल की सारी लोकाई दा सांझा मुकद्दस सथान है। 2019 विच्च गुरू नानक देव जी दा 550वां प्रकाश पुरब है। भावें 2019 भारत दीआं आम चोणां दा वी वरहा है पर राजसी पारटीआं नूं सरबसांझे तीरथ दे लांघे ’ते सिआसत नहीं करनी चाहीदी। निगूणे राजसी हितां दी थां दोहां देशां दे वडेरे हित वेखणे चाहीदे हन।

इह सचाई है हिंद-पाकि दे आम लोक जंग बिलकुल नहीं चाहुंदे। जंग किसे मसले दा हल्ल वी नहीं। वड्डीआं तों वड्डीआं जंगां पिछ्छों वी मसले मेज़ ’ते ही गल्लबात नाल हल्ल होए हन। जंग, हथिआर वेचण वाले ज़ोरावर मुलक लुआउंदे हन। जां उह हाकम, जिहड़े आपो आपणा वोट बैंक वधाउण लई अमन नूं अग्ग लाउण तक्क दे कमीने कारे करदे हन। अजिहे हाकम मत्त भुल्लण कि उनहां दीआं बदनीतीआं दा लोकां नूं पता नहीं लग्गणा। शुकर है कि हिंद/पाकि सरकारां गुरू नानक देव जी दे 550वें प्रकाश पुरब उत्ते नानक नाम लेवा करोड़ां संगतां नूं करतारपुर जाण दा लांघा देण लई रज़ामंद हो गईआं हन। इहदा सिहरा सिआसतदान आपो आपणे सिर बंनहण दी थां दोहां देशां दे उनहां लोकां सिर बंनहण जिनहां दीआं अरदासां नूं 71 सालां बाअद सुणिआ गिआ है।

जीवे हिंदोसतान, जीवे पाकिसतान। साडा ख़ाब, वसे पंजाब, वधे पंजाब!