कई सालां दी गल्ल है, असीं परिवारिक मैंबरां समेत कशमीर टूर ’ते गए। लगभग 5-6 दिनां दा टूर सी। असीं सारे इनोवा गड्डी विच्च सवार सी। बच्चिआं समेत असीं कोई अठ्ठ-नौं जणे सी। कशमीर जाण दा इक्क तां इह कारन सी कि जून दीआं छुट्टीआं सी। इक्क डिऊटी तों राहत, दूजा गरमी तों राहत मिलण कारन दोहरा फ़ाइदा जाप रिहा सी। इक्क कारन इह वी सी कि मेरे पापा मिलटरी विच्च होण कारन कशमीर विच्च वख्ख-वख्ख थांवां ’ते तकरीबन दस साल रहे। असीं वी छोटे हुंदे कशमीर विच्च कई महीने बटोट रहिके आए सी। उदों पापा जी सानूं श्रीनगर अते होर थांवां ’ते घुमा के वी लिआए सन। डल्ल लेक विच्च लए किशती दे झूटे याद सन। झील दा कल-कल करदा पाणी अते शिकारिआं दी याद ज़िहन विच्च समाई होई सी। भदरवा दे राजमांहां दी अनोखी खुशबू दे तां कहिणे ही की सन। उत्थों लिआंदे राजमांह जदों मां पिंड वी कुक्कर विच्च बणाउंदी सी तां गली विच्च खुशबूआं खिंड जांदीआं सन। दिआर दे लंमे दरख्खत अकाशां नूं छूंहदे जापदे सी। सो इनहां यादां नूं ताज़ा करना, उनहां थांवां दा अनंद माणना वी कशमीर जाण दा इक्क कारन सी।

होइआ इउं कि असीं रसते विच्च इक्क थां ’ते रुक गए। उत्थों फोटोआं खिच्चण लई बहुत वधीआ द्रिश सी। दूजा सानूं कुछ कशमीरी कुड़ीआं मिल गईआं। उनहां नें सिरां ’ते बहुत सोहणे तरीके नाल चुंनीआं बंनहीआं होईआं सी। असीं उनहां नाल गल्लां करन लग्ग पईआं। उनहां नें साडे वी सिरां उत्ते उसे तरीके नाल चुंनीआं बंनह दित्तीआं। असीं उनहां नाल वी फोटोआं खिच्चा लईआं। फोटोआं खिच्च के असीं उत्थों तुर पए।

अजे असीं कुछ दूर ही गए सी कि इह वड्डी सारी गड्डी साडा पिछ्छा करदी जापी। उदों कशमीर दे हालात बहुते सुखावें नहीं सी। असीं डर गए कि लओ बई अज्ज तां गए। असीं कार भजा लई। उनहां नें वी भजा लई। इंना ही नहीं, उह साडी कार वल्ल इशारे वी कर रहे सी। काफ़ी देर तक असीं उनहां नूं डाह नां दित्ती। फिर इक्क थां अजिहा आइआ कि उनहां नें साडी कार करौस कर लई ते आपणी गड्डी साडे अग्गे खहड़ी कर लई। हुण तां साडे कोल रुकण तों बिनां कोई चारा ही नहीं सी। असीं रुक के उनहां वल्ल देखण लग्ग पए। उनहां विच्चों इक्क नें आपणे हत्थ विच्च परस लै के हिलाउंदिआं किहा, “भैण जी इह आप का है?”

असीं उसे वेले आपणा परस पछाण लिआ। उनहां सानूं फिर किहा, “तुसीं जित्थे रुके सी, उत्थे रख्खके भुल्ल आए। असीं देख रहे सी कि तुहाडे तों बिनां उत्थे होर कोई नहीं सी। असीं कदों दे तुहाडा पिछ्छा करदे आ रहे हां, हालांकि असीं तां पिछ्छे ऊधमपुर जाणा सी। साडे कोल उनहां दा धंनवाद करन लई कोई शबद नहीं सी।

इंना ही नहीं कि उह मेरी भाबी दा परस सी। सारे पैसे उस विच्च ही सन। दूजी गल्ल, डाइमंड दे टौपस अते अंगूठी भाबी गलती नाल परस विच्च पा लिआई सी। असीं उनहां फ़रिशतिआं वरगे लोकां दी बदौलत कई लख्ख दे नुकसान तों बच गए सी। उनहां नूं दिलों दुआवां दिंदे असीं आपणे रसते पै गए।

* * * * *