कुड़ी दे विआह लई तिआर कीते दहेज दी सड़ी होई पेटी।

प्रसिध्ध शाइर बशीर बदर दा शेअर है:

“लोग टूट जाते हैं एक घर बनाने में।

तुम तरस नहीं खाते बसतीआं जलाने में।”

उपरोकत शेअर पहड़दिआं साडे साहमणे 1947 अते फिर 1984 दे उह दुखांतमई द्रिश साहमणे आ जांदे नें जदों खून दी होली खेडदिआं घरां नूं अगनी भेंट कीता गिआ। दहिशत दे प्रछावें हेठ लोक आपणी जान बचाउण लई भटकदे रहे। दरिंदगी दे इस दौर विच्च लोकां दीआं चीकां, कुरलाहटां, खून दे वहिंदे अत्थरूआं साहमणे जुरम करन वाले वहिशी हासा हस्सदे रहे। उस काले दौर नूं याद करके पीड़त हुण वी कंब जांदे हन।

बठिंडा ज़िल्हे दे इतिहासक पिंड दान सिंघ वाला दी बसती बाबा जीवन सिंघ दे अठ्ठ घरां दे परिवारां नूं वी इस तरहां दे दुखांत दा साहमणा करना पिआ। 9 जनवरी, 2025 दी रात नूं पिंड दे तिंन-चार भूतरे होए नौजवानां नें आपणे वरगे 60-70 होर नौजवान इकठ्ठे करके पटरौल बंबां अते होर देसी बंबां दी वरतों करदिआं घरां नूं अग्ग लगा दित्ती। रात दे अंदाज़न गिआरां वजे तों सवेर दे पंज वजे तक अग्ग दीआं लपटां असमान नूं छूंहदीआं रहीआं। पीड़त घरां दीआं औरतां, मरद अते बच्चे आपणी जान बचाके इध्धर-उध्धर भज्ज गए। कई औरतां नें कंध टप्प के जान बचाई, मासूम बच्चे वी जान दी तली ’ते रख्ख के बाहर कढ्ढे। अठ्ठ घरां दा सारा समान सड़के राख हो गिआ। इक्क दुखी औरत नें भुब्बां मारदिआं दस्सिआ, “मैं अते मेरे घर वाले नें दिहाड़ीआं करके कुड़ी दे हत्थ पीले करन लई दाज दा समान खरीदिआ सी, पर दरिंदिआं नें सभ कुझ सवाह कर दित्ता।”

इनहां अठ्ठ घरां दे वासी इह भाणा वरतण तों पहिलां सूह लग्गण कारन आपणी जान बचाउण विच्च तां सफल हो गए, पर सड़े होए मंजे, पेटीआं दा समान, तन पाए कप्पड़िआं तों बिनां होर कुझ वी नहीं सी बचिआ। घर दे विंगे होए गारडर, अग्ग दे सेक नाल झुलसीआं कंधां, फलैश दीआं टुट्टीआं सीटां, सड़ी होई रसोई, बुरी तरहां सड़िआ होइआ मोटर साईकल, चुगाठां, बाले, फरनीचर, बच्चिआं दे खिडाउणे, सभ कुझ अग्ग नें तबाह कर दित्ता सी। पंज बंदे आपणा बचाउ करदिआं बुरी तरहां ज़खमी हो गए। पीड़त कुझ लोक नेड़े दे थाणे विच्च फरिआद लैके गए। औरतां पिंड दे सरपंच कोल मदद लई बहुड़ीआं। पुलिस वल्लों उनहां दी अरज़ी फड़न उपरंत “छेती गौर” करन दा भरोसा दे के उनहां नूं मोड़ दित्ता। पिंड दे मुखी कोल जदों पीड़तां उसदे घर पुज्जीआं तां अगांह मुख्ख दोशी पहिलां ही उत्थे बैठा मुछ्छां नूं वट्ट दे रिहा सी। सरपंच नें इक्क पासे पीड़त औरतां नूं शांत रहिण दा ‘उपदेश’ दित्ता, पर दूजे पासे दरिंदगी दीआं सभ हद्दां पार करन वाले दोशी नूं कुझ नहीं किहा। अगले दिन जदों फाइर बरगेड पुज्जिआ, उस वेले वी अग्ग दा तांडव नाच जारी सी। कुझ होर ‘जरूरी रुझेविआं’ तों बाअद जदों अगले दिन बाअद दुपहिर पुलिस पहुंची तां उनहां नें मची होई तबाही वेखण तों बाअद किहा, “पड़ताल करन उपरंत दोशी बखशे नहीं जाणगे।”

इस तबाही दे मंज़र दी ख़बर इलाके विच्च फैल गई। अगले दिन प्रिंट मीडीआ, सोशल मीडीआ अते होर मददगार पहुंच गए। ई.डी. दे साबका डिपटी डाइरैकटर निरंजन सिंघ नूं जदों पता लग्गिआ तां उह वी हाअ दा नाअरा मारन लई मौके ’ते पहुंच गए। इकल्ले इकल्ले घर विच्च जाके उनहां नें दुखी परिवारां नाल हमदरदी दा प्रगटावा करदिआं अजिहा कहिर वरताउण वालिआं संबंधी पुछ्छिआ। पोटा पोटा दुखी औरतां, घोर निरासता विच्च डुब्बे परिवारां दे मुखी अते होर पीड़तां नें भुब्बीं रोंदिआं प्रगटावा कीता, “औह साहमणे कोठी वालिआं दा मुंडा शरेआम चिट्टा वेचदा है अते होर जाइज़ नजाइज़ कंम वी करदा है। चिट्टे दे कहिर कारन पिंड विच्च पंज छे मौतां वी हो चुक्कीआं हन। कुझ दिन पहिलां गली विच्च जांदिआं उस नूं इक्क मुंडे नें रोक के इह कहि दित्ता कि चिट्टे दा धंदा तूं बाहर अंदर कर लिआ कर, पिंड ’ते तरस खा, इत्थे वेचणा छढ्ढ दे। किसे दे घर सत्थर विछाउण तों रहिम कर।” उदों तां उह कुझ नहीं बोलिआ। पर अंदर खोर रख्खिआ। इध्धर असीं सत्त-अठ्ठ घर मुंडे दे कहे बोलां नाल सहिमत सी अते चाहुंदे सी कि पिंड विच्च चिट्टे दा इह काला धंदा इस नूं बंद कर देणा चाहुंदा है। इह कोठी वाला आफरिआ होइआ मुंडा अंदरखाते बदला लैण दी विउंत बंदी करदा रिहा। सानूं दो दिन पहिलां सूह मिल गई सी कि इह कोई कारा करेगा। असीं थाणे जाके इतलाह दे दित्ती सी। अरज़ी विच्च इह वी लिखिआ सी कि इह चिट्टा वेचण दा धंदा करदा है। चिट्टे दी रोकथाम करके पिंड बचाइआ जावे। असीं सरपंच कोल वी इकठ्ठे हो के गए सी पर किसे नें कख्ख नहीं कीता। जे कुझ कीता हुंदा तां सानूं इह दिन नां वेखणे पैंदे। इहदे नाल पिंड दे ही तिंन चार मुंडे शामल सन। बाकी 60-70 मुंडे इहने बाहरों इकठ्ठे कीते सन।”

गमगीन माहौल विच्च निरासता दा बुत्त बणे इक्क विअकती नें प्रगटावा कीता, “मैं जी, उस रात द्रखत ’ते चहड़के आपणी जान बचाई। जे उनहां दी नज़र पै जांदी तां मैनूं मार दिंदे।”

साबका ई.डी. अधिकारी नें इकल्ले इकल्ले घर जाके राख बणे घर वेखे। इक्क होर पीड़त विअकती नें भरे मन नाल दस्सिआ, “मैं आपणे वाड़े विच्च 15 कु बक्करीआं रख्खीआं होईआं सन। मेरीआं बक्करीआं नूं जीप विच्च लद्द के लै गए अते वाड़े नूं अग्ग ला गए।” इक्क होर औरत नें घर पए गहिणे चुक्कण अते इक्क होर विअकती नें दिहाड़ीआं करके जोड़े होए तिंन हज़ार रुपए लैके जाण दी गल्ल वी कही। जदों पीड़त विअकतीआं तों इह पुछ्छिआ गिआ कि साहमणी कोठी वाला इह मुंडा कंम की करदा है, तां लोकां दा जवाब सी, “कंम तां बस्स चिट्टे दा ही करदा है। उहदे सिर ’ते ही कोठी बणाई ऐ। कार वी रख्खी होई ऐ। दो वार पुलिस दीआं गड्डीआं वी भंनीआं नें। कई केस इस ’ते पहिलां पए होए नें। ज़मानत ’ते आइआ होइआ है। हुण तां ज़िआदा पिंड दे सरपंच कोल ही रहिंदै। इहदे कोल दो कारां नें। सरपंच दीआं कारां नूं वी इह ही चलाउंदै।”

साबका ई.डी. अधिकारी निरंजन सिंघ दे इह पुछ्छण ’ते कि तुहाडे इलाके दा विधाइक तुहाडा दुख्ख सुणन नहीं आइआ? तां लोकां दा जवाब सी, “इध्धर नहीं आइआ जी, पिंड विच्च आइआ सी। सरपंच अते उस मुंडे नूं मिलके चला गिआ। पता लग्गण ’ते असीं ही सरपंच दे घर उस कोल चले गए सी। उलटा उह तां सानूं ही कहिण लग्ग पिआ कि तुसीं ऐवें विच्च सरपंच दा नां घड़ीस रहे हों, इह तां उस रात मेरे नाल चंडीगहड़ गिआ होइआ सी। जदों कि सानूं पक्का पतै बई उस रात उह पिंड विच्च ही सी।”

बठिंडा ज़िल्हा प्रशासन वल्लों हर परिवार नूं पंजाह पंजाह हज़ार रुपए दी आरथिक सहाइता दित्ती गई है। कुझ भले पुरश वी उनहां दी हर संभव मदद लई बहुड़े हन। कोठी वाले मुंडे अते कुझ अणपछाते विअकतीआं ’ते पुलिस वल्लों केस वी दरज कीता गिआ है।

निरंजन सिंघ खंडर बणे घरां विच्च खंडर बणे लोकां नूं हौसला दिंदिआं कहि रहे सन, “हौसला रख्खो, कोई विअकती कानूंन तों उप्पर नहीं। जुरम दी हनेरी ज़िआदा देर नहीं चलदी।”

चारे पासे संनाटा पसरिआ होइआ सी। लोकां दे उदास अते बुझे जिहे चिहरिआं ’ते छाई खामोशी जिवें कहि रही होवे, “हुण साडे कोल सबर करन तों बिनां होर बचिआ ही की है?”

* * * * *