जंग दा मैदान मघदा है। गतके दे पिड़ विच्च भूतरे होए निहंग वांग पिड़ीआं पाउंदी मौत जंग दा मैदान मल्लदी है। मौत साहमणे हुंदी है। फौजी अग्गे वधदा है। बंब धरती पुट्टदे नें। गोळीआं छातीआं विंनहदीआं नें। फौजी अग्गे वधदा है। पता नहीं मौत दा डर हुंदा है, पिछ्छे खलोते कानूंन दे फंदे दा, जां दिमाग़ां ’च भर दित्ती गई देश भगती दा नशा... कि फौजी अग्गे वधदा है।

फौजी अनुसाशन विच्च ढळ जांदा है। फौजी नेम दा पक्का हो जांदा है। फौजी लकीर दा फ़कीर हो जांदा है। अफ़ीम दा मावा छक पिंडां दीआं सत्थां ’च बहि चड़गिल्लीआं मारन वाळे लोक विअंग कस्सदे हन: “जदों सरकार फौजी नूं छुट्टी दिंदी है तां उस कोळों उस दी बंदूक अते अकल दोवें खोह लैंदी है।” फौजी दा अनुसाशन लोकां दीआं नज़रां विच्च पागलपन बण जांदा है।

फौजी जंग दे मैदान विच्च नहीं हारदा...बस्स आपणे पिंड दी सत्थ विच्च हारदा है जित्थे उस दा अनुसाशन महिज़ मज़ाक बण के रहि जांदा है, जित्थे पिंड दी नुहार बदलन दा सुपना वेखदा वेखदा उह निराश हो के आपणी नुहार ही बदल लैंदा है। पर कुझ फौजी हुंदे हन कि आपणे अनुशाशन नूं आपणा इशट बणा लैंदे हन ते आपणे हठ्ठ ’ते काइम रहि आपणे दुआळे दा द्रिशटीकोण ही बदल जांदे हन। किरपाल पंनूं शाइद उनहां फौजीआं विच्चों इक्क है।

किरपाल पंनूं नें आपणी सारी जवानी देश दी सरहद्द ’ते पहिरा दिंदिआं लंघाई है। ज़िंदगी दे खूबसूरत साल तन ’ते फौजी वरदी अते मोढे ’ते बंदूक टंगी लंघाए हन। पता नहीं किंनी कु वारी जाणे-अणजाणे पिड़ीआं पाउंदी मौत नाळ मैदान सांझा कीता होवेगा। सुणिआ है कि फौजी बड़े इमानदार हुंदे हन पर मैनूं शक्क है। मैनूं शक्क है किउंकि मैं सुणिआ है कि “लोक रब्ब वरगे हुंदे नें”। जे लोक रब्ब वरगे हुंदे नें तां फिर उह “रब्ब वरगे लोक” झूठ किवें बोल सकदे नें जो कहिंदे नें सरकार फौजी तों बंदूक अते अकल दोवें खोह लैंदी है? इस लई मैनूं पूरा यकीन है कि किरपाल पंनूं चोर है। सरकार नूं बेवकूफ बणा के इह आपणी बंदूक अते अकल दोवें ही चोरी कर लिआइआ है। सगों मैनूं तां होर वी शक्क है...लग्गदा है कि किरपाल पंनूं भरती होण लग्गिआं ही आपणी अकल नजाइज़ शराब दी बोतल वांग किसे तूड़ी दे कुप्प विच्च दब्ब गिआ सी। वरना इह किवें हो सकदा कि बंदा एनी लंमी फौजी नौकरी करे ते दिमाग नवां-नकोर ही पिआ होवे? खैर! जो वी होइआ किरपाल पंनूं नें सरकार कोळों आपणा दिमाग बचाइआ है ते आपणी बंदूक दे तीर बणा लए हन जिनहां दी वरतों दे सबूत ...। फिलहाल मैं इह सिध्ध करना चाहुंदा हां कि किरपाल पंनूं चोर है।

जदों किरपाल पंनूं नूं आपणे घर दे कंपिऊटर दा बटन दबा के वेखण दा पहिला मौका मिळिआ होवेगा उदों तक्क उह आपणी उमर दी अध्धी सदी दा सफ़र तैअ कर चुक्का होवेगा। मैं इह जाणदा हां कि किरपाल पंनूं इंडीआ तों कोई कंपिऊटर साइंस दी डिगरी जां डिपलोमा करके नहीं सी आइआ। अध्धी सदी तों टप्पिआ होइआ बंदा कंपिऊटर सिख्खदा है। कंपिऊटर दीआं बारीकीआं नूं समझदा है। कंपिऊटर नाळ उह ‘पंगे’ लैंदा है जिस दी उमीद पछ्छमीं सभ्भिअता विच्च 70विआं अते साडे देश विच्च 80विआं तों बाअद विच्च पैदा होए बच्चे तों तां कीती जा सकदी है अध्धी सदी तक्क बंदूक दा घोड़ा पलोसदे रहे बंदे कोळों नहीं।

जे गल्ल कंपिऊटर सिख्खण तक्क वी सीमत रहिंदी तां किहा जा सकदा सी कि जिहड़ा बंदा बिनां ‘सीअ’ कीतिआं बंदे मार सकदा, की उह नकल नहीं मार सकदा...हो सकदा है कि किरपाल पंनूं नें नकल-नुकल मार के कंपिऊटर सिख्ख लिआ होवे। पर गल्ल एथों तक्क सीमत नहीं! किरपाल पंनूं नें डा. कुलबीर सिंघ थिंद दी मदद नाळ पंजाबी दे फौंट तिआर करन अते फौंटां दी अदला बदली करन लई मैकरो तिआर करन तों इलावा शाहमुखी अते गुरमुखी लिप्पी दे आपसी तबादले दा प्रोगराम वी तकरीबन तिआर कर लिआ है, ‘तकरीबन’ तों मेरा भाव अजे इस नूं आखरी छोहां दी लोड़ है।

चलो जे गल्ल एथों तक्क वी सीमत रहिंदी तां बंदा कहि सकदा सी पई उह की पंजाबी दी कहावत आ पई “विहली जट्टी उंन वेले जां विहली रंन पराहुणिआं जोगी” चलो पंनूं नें “पराहुणे” नहीं सांभे तां कंपिऊटर सांभ लिआ पर इह ते की कहिंदे आ पई “इक्क मझ्झ लिब्बड़ी ते दूसरीआं नूं लबेड़न तुर पई...” इहनां ते पता नहीं किंनिआं कलम दिआं धनीआं कोळों कलमां खोह के उनहां दे हत्थ ‘चूहे’ फड़ा  दित्ते। लोकां दे घरीं लड़ाईआं पा दित्तीआं। दादे-दादीआं कहिंदे आ कंपिऊटर सानूं चाहीदा ते पोते-पोतीआं कहिंदे आ कंपिऊटर साडा। होर तां होर इहने ते कई जोड़ीआं विच्च वी ‘भंगणा’ पा के रख्ख दित्ती। हुण नां की लैणा, मैं इक्क ‘अंकल’ नूं फोन कीता तां अग्गों ‘आंटी’ जी नें चुक्क लिआ। ‘आंटी जी अंकल हैगे आ?’, मेरी ज़बान ’ते चहड़े शिशटाचार दे मुलंहमें नें फोन विच्च आपणी मिठास खोरी। ‘पंनूं नूं पता होऊ’ अग्गों आंटी जी इवें बोले जिवें हुणे ही रोटी खांदे खांदे हरी मिरच नूं दंदी वढ्ढ के हटे होण। ‘आंटी जी विआह अंकल दा तुहाडे नाळ होइआ ते पता पंनूं नूं होवे, गल्ल बणदी नहीं’, मैं डरिआ जिहा हासा हस्सिआ। ‘मेरे नाळ काहदा हुण ते पंनूं नाळ होइआ होऊ जां आह अग्ग लाउणे कंपूटर नाळ, जदों वेखों जां इह पंनूं कोळ ते जां पंनूं इनहां कोळ... जे किते घरे वी होण तां निआणिआं अंगूं कंपूटर ’ते उंगळीआं मारन लग्गे रहिंदे आ बस...।”

हुण तुसीं मैनूं दस्सो पई इक्क बंदा जिस नें अध्धी सदी हंढाउण तक्क कंपिउटर दा बटन दबा के नां वेखिआ होवे ते जिनहे आपणी जवानी ‘लैफट-रैट’ करन विच्च ही लंघा दित्ती होवे ते फिर वी एना कुझ कर जावे, तुसीं किवें कहि सकदे हो कि उह बंदा सरकार कोळों आपणा दिमाग चुरा के नहीं लै आइआ?

हुण आउंदे हां बंदूक दे तीर बणाउण वल्ल। कहिंदे आ जदों बंदे नूं कोई आदत पै जावे तां उस तों छुटकारा पाउणा बहुत औखा हुंदा। पर जे आदत फौजी बंदे दी होवे तां फिर तां रब्ब वी आपणी मरज़ी नहीं पुगा सकदा (इह मैं तां कहि रिहां किउंकि कहिंदे आ रब्ब दारा सिंघ नाळों वी तकड़ा आ)। इह तां मैं साबत कर चुक्कां कि किरपाल पंनूं सरकार कोळों आपणा दिमाग चोरी कर लिआइआ सी। दिमाग कोळ होण करके उस नूं पता सी कि जदों चोरी कीती होई सरकारी बंदूक मोढे ’ते पा के घुंमिआ तां अगले दिन ही पंगा पै जाणा। उस नें आपणी बंदूक दे तीर बणा लए ते  इनहां तीरां दी वरतों वी उह उनहां रब्ब दे सताए होए बंदिआं ’ते करदा जिहड़े पहिलां ही मरिआं नाळों भैड़े होए फिरदे आ। तुसीं वेखो नां आपणे इकल्ले उनटारीओ विच्च ही किंने आपणे पंजाबी इंडीआ तों डिगरीआं करके, वड्डे वड्डे अहुदे छड्ड के वधीआ भविख्ख दी आस नाळ पवाइंट सिसटम ’ते एथे आए सी। वीज़े देण लग्गिआं ते सरकार नें चुप्प साध रख्खी ते विखा के ‘सुरगां’ दे सुपने पहुंचा ’ते कनेडा। हुण उनहां नूं कहिंदे आ पई जे ते जाणा आपणे फ़ीलड विच्च ते बंदे बण के फिर किताबां खोल्हो ते लाउ साल-साल दो-दो साल कालजां यूनीवरिसटीआं विच्च... ते जे नहीं जाणा ते फिर चुक्को टैकसीआं टरक्क ते हूंझो सड़कां तों डाले, पहड़ी लिखी लेबर वी ते चाहीदी आ कनेडा नूं।

हुण तुहानूं की पता किद्दां मन मार के, कैनेडा नूं ते कैनेडा दी सरकार नूं पाणी पी पी कोस के टैकसीआं-टरक्कां दीआं सीटां ’ते बैठे आ साडे इह डिगरीआं वाळे भारती ते अनपहड़ बण गए कनेडीअन। इह किरपाल पंनूं उनहां सताए बंदिआं नूं तीर मारदे आ। जदों मेरे वरगा अनपहड़ बंदा उठ्ठ के कहि दिंदा “ओए जे एथे किरपाल पंनूं वरगा फौजी बंदा एना कुछ कर सकदा तां तुहानूं की गोळी वज्जी आ?” तां दस्सो फिर पई उनहां शरीफ रूहां दे वज्जण वाळे इह तीर किरपाल पंनूं दे नहीं तां होर फिर किस दे आ भला? किरपाल पंनूं नां होइआ इह कोई गुरबखश मल्ल्ही हो गिआ जीहदे मगर लग्ग के सारे लोकीं चोणां लड़न तुर पैण!

एथे मैनूं हुण इह शक्क वी पै गिआ पई किरपाल पंनूं हाले वी सरकारी बंदा। उह इस तरहां पई पहिलां ते सरकार नें पवाइंट सिसटम ’ते आए बंदिआं कोळों उनहां दा देश खोह के, उनहां दीआं हुकमराना नौकरीआं खोह के टैकसीआं टरक्क चलाउण लई उनहां नूं मजबूर करके दुखी कीता ते हुण आपणी उमर दा वासता पा के 35-35 40-40 सालां दे बज़ुरगी ’च पैर रख्खदे इनहां सताए होए लोकां कोळों किरपाल पंनूं इह दलील खोहण दी वी कोशिश कर रिहा कि “इस उमर ’च आ के हुण असीं पहड़ीए?” मेरे कहिण दा भाव मेरे दुखी भरावां नूं सताउण दी जिहड़ी कसर सरकार कोळों बाकी रहि जांदी आ उह किरपाल पंनूं पूरी करके सरकार दा साथ दे दिंदा।

इस तरहां इह सिध्ध करन दे नाळ नाळ कि किरपाल पंनूं चोर है, मैं इह वी साबत कर दित्ता है कि किरपाल पंनूं कैनेडीअन सरकार नाळ मिळ के ऐवें खाह-म-खाह उनहां 35-35 40-40 सालां दे बज़ुरगां नूं बुढ्ढे वारे चैलैंज कर के तसीहे दे रिहा है जिहड़े इह कहि के सच्चे हो जांदे सी कि “इह उमर कोई पहड़न दी आ हुण?”

थोहड़े साल पहिलां अख़बारां विच्च ख़बर छपी कि लांबड़ा सत्थ टरांटो वाळे किरपाल पंनूं नूं ‘धंना जट्ट’ अवारड नाळ सनमान रहे हन। ओदों मैं अजे एना सिआणा नहीं सी होइआ, बड़ा हस्सिआ कि इह अवारड तां गुरदिआल कंवल वरगे किसे मिहिनती बंदे नूं मिलणा चाहीदा सी जिनहे ढांगिआं वरगीआं अल्लां उगा के रिकारड पैदा कीता, किरपाल पंनूं नें किहड़ा दुनीआं दी भुख्खमरी दूर करन लई नवीं फ़सल तिआर कर लई जिहड़ा उहनूं ‘जट्ट’ दा अवारड मिलण लग्गा। पर अज्ज सोचदां पई वाकिआ ही उह अवारड किरपाल पंनूं नूं ही मिलणा चाहीदा सी किउंकि उह ही असली शबदां विच्च अज्ज दा धंना जट्ट है: धंने जट्ट नें हिक्क दे धक्के नाळ रब्ब वस्स कीता सी ते किरपाल पंनूं नें ‘हठ्ठ’ दे धक्के नाळ कंपिूटर नूं वस्स करन दे नाळ नाळ पंजाबी ज़बान दीआं दोहां लिप्पीआं विचले पाड़े नूं घटाउण दी अंतरराशटरी पध्धर ’ते कोशिश कीती है, इह वख्खरी गल्ल है कि इस कोशिश दौरान उस नें घरेलू पध्धर ’ते पाड़े अते पुआड़े पाए हन।

एथे अत्थरा मन इक्क होर ही सोच सोचण लग्ग पिआ। गुरबखश सिंघ मल्ल्ही नें कैनेडीअन पंजाबीआं लई सिआसत दा अजिहा दरवाज़ा खोल्हिआ कि हुण कई वार आपणीआं वोटां घट्ट ते उमीदवार वध्ध हुंदे आ। जिहनूं वेखों उही वोटां ’च खहड़ा हुंदा। जे पुछ्छो भाई की वेलणे ’च बांह आई सी जो वोटां ’च खहड़ गए तां अग्गों इक्को ही जवाब हुंदा पई ‘घर आळी कहिंदी सी जे मल्ल्ही जित्त सकदा तां तूं किओं नहीं ...?” हुण घुसर-मुसर हुंदी आ पई आह जिहड़े आपणे डिगरीआं आळे टरक्कां-टैकसीआं ’च वड़ के ही ठंडे जिहे होई जांदे आ उेनहां दे घर आळीआं वी कहिण लग्ग पईआं पई ‘जे पंनूं एनी मिहनत कर सकदा तां तुसीं किउं नहीं अप्पग्रेडिंग करके चज्ज दी नौकरी लभ्भ लैंदे।’ एस समानता नूं धिआन ’च रख्खदिआं मेरा जीअ करदा पई लांबड़ा सत्थ वरगी किसे संसथा नूं कहां पई जित्थे अग्गे एना अक्क चब्बिआ ओथे हुण किरपाल पंनूं नूं ‘विद्दिआ दा गुरबखश मल्ल्ही’ अवारड नाळ वी सनमान ही दिउ। हो सकदा इस सनमान दीआं ख़बरां पहड़ सुण के ही किसे वीर भैण दा डिग्गिआ हठ्ठ शरम खा के हौसला कर बहे ते उह फाईलां हेठ दब्बीआं जा रहीआं आपणीआं डिगरीआं नूं कढ्ढ के इह कहि उठ्ठे, “मैं किरपाल पंनूं नाळों ते वध्ध...।”