दोसतो! अज्ज दीवाळी दी रात है, कोई दीवे जगा रिहा ते कोई पटाके चला रिहा। साडा अंदरला लेखक कहिंदा कि की होइआ तूं विदेश 'च बैठा। तूं दीवे नहीं तां आपणा आप मचा लै! की पता तेरे मच्चण दे इस चानण नाल किसे दा हनेरा दूर हो जावे। शाइद कोई ठेडा खाण तों बच जावे। सो असीं तां फेर पा लिआ आपणी कलम 'च तेल, ते सीख घसा दित्ती मैडम मनदीप कौर नें। हुण तुसीं पुछ्छोगे कि इह मैडम की चीज है। सो दोसतो! काहल नां करो मिलाउणे हां तुहानूं वी मैडम जी नाल।

बहुत चिरां तों इक गल्ल मेरे संघ 'च फसी पई सी। कई बार कढ्ढण दी कोशिश कीती पर ढुक्कवां माहौल नहीं बणिआ। अज्ज इस कांड नें माहौल ही अजिहा सिरज दिता कि हुण नां चाहुंदे होए वी लिखण बैठ गिआ। लओ जी पहिलां कांड सुण लवो, संघ वाली गल्ल फेर कढ्ढदे हां;

कल्ल्ह मूंह नहेरे ही बाई बोपाराए दा फ़ोन आ गिआ, "दी पंजाब" अख़बार वालिआं दा। इक बार तां मैं डर जिहा गिआ कि खौरे सुख्ख होवे! अकसर ही बोपाराए साहिब फ़ोन मिला के गल्ल भुल्ल जांदे हन। फेर हौली हौली सटारट जिहे हुंदे हन। पर अज्ज तां पता नहीं जिवें किसे नें उनहां दी पूछ ते पैर धर दित्ता होवे! पटाक-पटाक ही उध्धड़न लग पए। कहिंदे "मिंटू आह कंपिऊटर खुल्हा तेरा? तां आह जग्गबाणी अख़बार खोल्ह, उए देख! उए की लुट्ट मचा रख्खी आ। उए जवां ही ठग्गणी है यार, फ़ोन कट्ट के भज्ज गई। वड्डी जादूगरनी नूं इक सवाल दा जवाब वी नहीं आइआ"। बस्स इको साह ही ख़ासा कुझ सुणा गए। उहनां नाल हर रोज गल्लबात करन करके मैं उह वी समझ गिआ जो उहनां कहि दित्तीआ ते मैं उह वी समझ गिआ जो उह कहिणा चाहुंदे सन। पर हाले बाई बोपाराए दा दिल हौला नहीं सी होइआ लगदा। ''मिंटू तूं वी कर इहनूं फ़ोन ते इंडीआ 'च दिन चहड़न दे, मैं करदा तरकशीलां नूं''।

एने चिर 'च मैं जग्गबाणी दे मूहरले पंने ते सारी राम कहाणी देख चुक्किआ सी। जिस विच्च इक्क पूरा इशतिहार लग्गिआ सी कि "सारे संसार नूं खुल्हा चैलेंज", 'प्रसिध्ध तांतरिक अते जोतिश समराट मैडम मनदीप कौर वल्लों" ते नाल इक पंच लाईन वी सी कि ''चमतकार नूं चमतकार तां ही किहा जांदा किउंकि उस नूं कोई नहीं कर सकदा"। बाकी आम प्रचलत गल्लां तों बिनां इक जिहड़ी ख़ास गल्ल इस इशतिहार विच्च सभ नूं आपणे वल्ल खिच्च रही सी, उह सी, वख्खो वख्ख पंज लाटरी जेतूआं दीआं असली तसवीरां ते वेरवे। बस आपणी फोटो दी थां मैडम मनदीप कौर नें किसे अमरीकन सिख्ख बीबी दी फोटो ला रख्खी सी। बाकी इशतिहार नूं होर जज़बाती बणाउण लई पीरां दी धरती मलेर कोटला दा नां वी लिखिआ होइआ सी। इह इशतिहार देख के एने अचिंभत होण वाली वी कोई गल्ल नहीं सी। किउंकि हर रोज ही इहो जिहीआं चीज़ां मेरे भारत महान 'च हुंदीआं ही रहिंदीआं हन। भावें उस दिन सी तां मेरा ''डे आफ़'' पर हाले तड़के तड़के चाह पाणी बिनां सरीर जिहा नहीं बणिआ सी। सो इक बार तां बाई जी नूं बहाना जिहा ला दिता कि कोई नां आपां इस दी तहि तक जाणे हां।

थोहड़े जिहा नित्त नेम तों विहला हुंदिआं फेर लैपटाप मूहरे आ बैठिआ। फेर उही बीबी दा इशतिहार खोल्ह लिआ ते काल कीती। मूहरों मैडम जी नें फ़ोन चक्क लिआ ते कहिंदे किथों बोलदे हो? मैं किहा जी मैं निऊज़ीलैंड तों बोलदा हां। भावें मैडम जी दी आवाज़ तों पूरे दा पूरा पेंडूपन झलकदा सी पर उस नें मेरा नंबर पछाणन 'च बिंद नां लाइआ। कहिंदी नंबर तुहाडा आसट्रेलीआ दा है? मैं बहाना लाइआ कि कालिंग कारड तों कर रिहा हां। उस नूं थोहड़ी जिही तसल्ली होई। उस नें मेरी डिटेल पुछ्छी तां मैं आपणे आप नूं मैडम कोल ''जसबीर सिंघ जस्सा'' बणा दिता ते कहि दिता कि आकलैंड तों हां। किउंकि बोपाराए दे फोन तों बाअद दे मैडम जी आसट्रेलीआ दे नंबर तों डरदे लगदे सन। मैडम जी कहिंदे अध्धे घंटे नूं फ़ोन करिओ। असीं उदों तक तुहाडे बारे इलम लगाउणे हां। चलो जी असीं अध्धे घंटे नूं फेर मिला लिआ मूहरों फेर वीह मिंट बाअद काल करन नूं किहा। हुण तक मेरी दिलचसपी वी इस केस 'च वध्ध गई सी ते घड़ी ते वीह मिंट देखण लग पिआ कि कदों हुंदे आ ।

इसे दौरान अमनदीप सिध्धू होरां दा फ़ोन आ गिआ। कहिंदे भाजी अज्ज किवें घर ही बैठे हो? चलो कुझ हरमन रेडीओ दे लाहौर वाले सटूडीओ दी तकनीकी सैट्टिंग ही कर लईए। पर जदों मैं इस बीबी बारे दस्सण लगिआ तां उह कहिंदे भाजी असल 'च मैं फ़ोन इसे करके ही कीता सी। कल्ल्ह दा मेरे ते वी हरमन रेडीओ दे सरोतिआं दा प्रैशर पै रिहा। हुण तक कई फ़ोन ते ई मेल आ चुक्के हन। आपां नूं कुझ करना चाहीदा! अज्ज शाम नूं परमिंदर सिंघ टिवाणा दे प्रोगराम ख़बर-सार 'च इस बारे गल्ल करदे हां। अमन दी गल्ल सुणदिआं मैनूं इंझ लग्गिआ जिवें पहिलां बोपाराए नें हरी झंडी दे दित्ती सी ते हुण अमनदीप नें गड्डी तोरन लई सीटी मार दित्ती होवे। बस एने कु हौसले नाल आपां वी खिच्च लई तिआरी।

अमनदीप सिध्धू बारे जिंना कु मैनूं पता उह तकनीकी जाणकारी दे नाल-नाल इक वधीआ आगू वी है। उसदी योग अगवाई 'च हरमन रेडीओ दे हुण तक दे सफ़र नें उस दी इस काबलीअत नूं साबत वी कर दिता है। कुझ जिआदा ही साऊ सुभाअ दा मालक है। छेती करके किसे दे सिरे नहीं जांदा ते जे इक्क वार किसे नूं नज़रां चों लाह देवे तां फेर सिरा ला के ही खहड़दा। अज्ज मैनूं अमन दी आवाज़ 'च कुझ पीड़ दिखाई दित्ती। ठंढे सुभाअ दा मालक अमन अज्ज इस मामले 'च कुझ जिआदा ही उतावला दिसिआ। मैं किहा कि सिध्धू साहिब तुसी मेरी ई मेल दा इंतज़ार करो।

बस एने नूं फेर मैडम नूं मिला लिआ फ़ोन। कहिंदे, ''जी तुहाडा कंम हो जाऊ बस्स थोहड़ा ख़रच करना पऊ''। असीं वी हामी भर दित्ती कि हिसाब सिर लै लिउ जी। उस नें हौली कु दिने तिंन कु सौ डालर दा टीका ला दिता। साडी लंमी चौड़ी वारता होई, जो तुसी हरमन रेडीओ डाट कौम ते सुण सकदे हो।इस दा लिंक वी आप जी दी सहूलत लई इस लेख दे अंत विच्च ला दिता है। शाम नूं टिवाणा साहिब जिहड़े हर रोज सिंगां नूं तेल ला के ही घरों निकलदे हन, नाल जदों मेरी गल्लबात होई। उहनां कोल मैडम नाल गल्लबात दी रिकारडिंग पहुंच चुक्की सी। बस्स फेर की! टिवाणा साहिब नें रेडीओ ब्राडकासटिंग 'च आपणे लंमे तजरबे नूं इस कांड 'च झोक दिता ते मैडम जी दी कढ्ढ दित्ती पुछ्छ, ते कर दित्ती बैटरी डाऊन।

इस सारे कांड दौरान साडी गल्ल आसट्रेलीआ 'च जग्गबाणी अख़बार दे नुमाइंदे ''खेला भरावां'' नाल होई। तां उह कहिंदे वीर असीं तां आप इस अडवरटाईज़ नाल निराश हां। हुणे हैड्ड आफिस 'च गल्ल करदे हां। उधर जदों सारा सट्रिंग अप्रेशन हरमन रेडीओ ते प्रसारित होइआ तां जग्गबाणी दे इक नुमाइंदे सैंडी सिंघ नें इस ग़लती बारे उहनां दा धिआन दिवाउण लई धंनवाद कीता ते छेती ही इस विच्च सुधार वी कर दिता। इंझ इस कांड दा सुखद अंत हो गिआ। पर हुण सोचण दी गल्ल है कि इह पक्का इलाज हो गिआ? इस तों बाअद कोई मनदीप कौर जां कोई होर अख़बार इहनां कंमां नूं हत्थ नहीं पाएगा?

दोसतो! इह तां इक कांड सी जो हड्डबीती होण कारण तुहाडे नाल सांझा कर लिआ। उंझ तां हर मोड़ ते ही इहो जिहा कुझ आम ही हो रिहा। सो, सोचण दी गल्ल इह है कि सदीआं तों ठग्ग ठग्गीआं मारन तों बाज़ नहीं आए। पर अफ़सोस इस गल्ल दा है कि जनौर वी इक ग़लती कर के दुहराउंदा नहीं ते असीं इनसान फेर उहनां जालां विच्च फस जांदे हां, जिनहां तों असीं चंगी तरहां जाणू हुंदे हां।

हुण सुण लवो मेरी संघ 'च फसी सचाई नूं; बारां-तेरां वरहे पहिलां साडे इक्क मित्तर नें हत्थ देखण ते ग्रहि चाल दस्सण आदि दा कंम चला लिआ। गड्डी रातो रात ही रिहड़ पई। साडा मन वी शुरू तों जगिआसू सी। सो हर वकत दिमाग़ 'च इक ही गल्ल घुंमदी रहिंदी कि यार ! इस विद्दिआ दी सचाई की है? बस मेरी इसे लल्हक नें मैनूं इस विद्दिआ दा विदिआरथी बणा दिता। मंमी-पापा जी तां इकल्ले पुत्त दे सुभा तों जाणू सन कि हुण इह नहीं हटदा। पर घर वाली कहे मेरे पेकिआं दी पिठ्ठ लवा दित्ती। लोक की कहिणगे कि गंदारे वाले सरदारां दा जवाई पत्तरी देखदा फिरदा! छेती ही समझ गई कि इह तां हुण पंझी दा भाउण देख के ही हटु।

पहिले दिन कलास 'च गिआ, 'पहड़ाकू' पहड़ाउण वाले मासटर नूं शासतरी जी कहि रहे सन। शासतरी जी नें मैनूं जाण-पछाण वेले हैरानी जेही नाल देखिआ। की इह बराड़ां दा मुंडा किहड़े राहे तुर पिआ है। 'कुल तरेहठ पंडतां 'च इक जट्ट'। हज़म जिहा नहीं सी हो रिहा। चलो जी! जाण-पछाण तों बाअद शासतरी जी नें जो पहिली गल्ल कही उसे तों ही मेरी जिगिआसा दी अग्ग ते पाणी पैणा शुरू हो गिआ सी। कुझ कुझ समझ आउण लग पिआ। शासतरी जी कहिंदे "इह विद्दिआ इक्क बहुत ही महान विद्दिआ है, जे तुसी कहो कि इस नूं सिख्ख के ब्रहम-गिआनी बण जाओगे तां इह तुहाडा भुलेखा है। किउंकि इस नूं सिख्खण लई इह उमर काफ़ी नहीं है। पहिलां वाले रिशी मुनी तां कई कई सदीआं जिउंदे सन। पर हुण तां कोई पैंहठ नहीं टप्पदा। आह दो ढाई साल दे कोरस 'च बस्स मोटे मोटे ट्रिक जिहे सिख्ख सकदे हो। बाकी दिन पै के आपे आ जाऊ"। सारी गल्लबात तों बाअद शासतरी जी कहिंदे "बस इक गल्ल पल्ले बंन लओ; जिनहां हो सके बंदिआ दे हत्थ देखण तों परहेज़ करिओ। तुहाडे बिजनैस्स नूं कामयाब बीबीआं नें ही करना है। सो बीबीआं नूं तरजीह दिओ"। मैनूं लगदा तुहानूं मेरी पहिली कलास दे पहिले पाठ नाल ही सारी समझ आ गई होणी है कि मैं उथों की सिख्ख के निकलिआ। पूरे ढाई वरहिआं दा हाल सुणाउण लई कदे फेर वकत कढ्ढांगे।

कहिंदे नें कि दुनीआं 'च वकत सभ तों कीमती चीज़ हुंदी है ते मैं आपणी जिंदगी दे बेहद्द कीमती पूरे ढाई वरहे जोतिश पिछले सच्च जानण दे लेखे ला दित्ते। कई लोक मैनूं इस लई थोहड़ा करैक कहि के वी निवाजदे हन। पर कोई गिला नहीं आउंदा किउंकि सारी उमर किसे भुलेखे 'च जिउण नालों मैनूं ढाई साल कोई वड्डी चीज़ नहीं लगदे। दोसतो! सारे ग्रैहां दीआं चालां तों जाणू हां, सारे नगां दा पहिचाणूं हां, दान-पुंन वाली दवाई वी जाणदा हां। बहुतीआं भीड़ां विच्च दी वी लंघ आइआ हां पर कदे कोई नग नहीं पाइआ। नां कदे किसे नूं पाउण दी सलाह दित्ती। कई वार जाण-पछाण वाले मूहरे हत्थ करके बहि जांदे हन। समझाउण दी कोशिश करी दी है। फेर वी नां समझे तां बस्स उस नूं हासे-खेडे तक सीमित करन दी कोशिश करी दी है। हालांकि इस लाईन दी पहड़ाई करके अज्ज मैं वी मेरे मित्तर वांग चंडीगहड़ 'च दो कनाल दी कोठी दा मालक हुंदा। पर मेरे ज़मीर नें इजाज़त नहीं दित्ती, पंज-पंज रुपईआं दे पत्थर दे टुकड़े, पंजाह-पंजाह हज़ार 'च वेचण दी। मेरी इस विद्दिआ बारे मेरे नेड़े तों जाणन वाले लोकां नूं तां पता सी। पर मैनूं इक लेखक जां किसे होर रूप विच्च जाणन वालिआं लई जरूर अचंभे वाली गल्ल है। सो इसे लई मैं इह गल्ल तुहानूं सभ नूं दस्सण लई सही वकत दी भाल 'च सी। मैडम मनदीप कौर वाले इस सट्रिंग अप्रेशन नें मैनूं मौका दिता कि जिस भुलेखे नूं दूर करन लई मैं ढाई साल ख़रचे उहनां नूं तुहाडे साहमणे लिआ सकां।

दोसतो ! हुण मनजीत सिंघ बोपाराए दी सुण लवो कि इस बीबी तों बोपाराए नूं की मिरचां लग्गीआं। बहुत सारे मेरे जागरूक वीरां नूं पता ही होणा है कि उहनां वल्लों लिखी किताब ''जोतिश झूठ बोलदा है'' तिंन भाशावां 'च छप के हुण तक किताबां दी विकरी दे इतिहास 'च इक रिकारड काइम कर चुक्की है। उहनां नूं जोतिश दे मामले 'च मेरे वांग ही जनूंन सी। उहनां इस किताब नूं लिखण तों पहिलां पता नहीं किंने कु हत्थ देखे होणगे! इक बार उहनां मैनूं दस्सिआ कि "मैं कई बार मरे बंदिआं दे हत्थ देखण अरथी कोल पहुंच जांदा सी, ते हैरान रहि जांदा सी कि हारट अटैक नाल मरे इस बंदे दी दिल वाली लकीर तां बड़ी डूंघी ते लंमी है! फेर इस नूं हारट अटैक किउं होइआ"? सिरड़ दे पक्के बोपाराए नें जदों "दी पंजाब" अख़बार कढ्ढिआ, अज्ज तक्क कदे किसे जोतिश जां काले इलम वाले बाबे नूं थहड़े नहीं चहड़न दित्ता। भावें जेब चों पैसे ला के अख़बार चालू रख्खणा पिआ होवे। अकसर ही बाई बोपाराए कहिंदे हुंदे हन कि भुख्खा मरना मनज़ूर पर किसे नूं गुंमराह नहीं करना।

अगांह दी गल्ल करदे हां, रिटाइरड ऐडीशनल सैशन जज्ज रवी इंदर सिंघ भल्ला नाल मेरी गल्ल हो रही सी, जो कि अज्ज कल्ल आसट्रेलीआ 'च आए होए हन। उह इक वख्खरी किसम दे इनसान हन। गिआन दी तुरी फिरदी लाइबरेरी कहि देईए तां अतिकथनी नहीं होवेगी। उह कहिंदे; "पुत्तरा ! इकल्ला "हरमन रेडीओ" जां "दी पंजाब" इहनां लोकां ते काबू नहीं पा सकदा। इकल्ले पंजाब 'च साडे बारां हज़ार पिंडां 'च साडे नौं हज़ार बाबे लोकां नूं गुमराह करी जा रहे हन। अज्ज लोड़ है किसे इहो जिहे कानूंन दी जिस विच्च आह 'चौथा थंम कहाउण वाला साडा मीडीआ' इस गल्ल दा वाजिद होवे कि जे उह कुझ इहो जिहा छापदे हन जां मशहूरी करदे हन तां उह कानूंन दी कड़की तों बच नहीं सकणगे"। मैं भल्ला साहिब दा धिआन हर रोज़ टी.वी. ते आउंदीआं मशहूरीआं वल्ल दवाइआ, कि जदों मरज़ी कोई चैनल ला लवो तां उत्थे कोई राशीफळ सुणा रिहा हुंदा जां फेर टरंप कारड दिखा रिहा हुंदा, नहीं तां फेर दुनीआ ख़तम होण दीआं भविख्ख बाणीआं नाल लोकां दे साह सुका रहे हुंदे हन। उह कहिंदे "पुत्तरा ! उह इकल्ले तुहाडे जज़बातां नाल ही नहीं, उह तां तुहाडी सिहत नाल वी मज़ाक कर रहे हुंदे हन। कोई मिंटां 'च तुहाडी शूगर ठीक कर रिहा हुंदा। कोई तेरे वरगे नवें होए गंजे दे सिर ते वाल उगा रिहा हुंदा ते कई तां कैंसर जिही नां मुराद बिमारी नूं वी इक दवाई दी ख़ुराक नाल ही भजा रहे हुंदे हन। शेरा ! अत्त ते ख़ुदा दा वैर हुंदा। सो हुण आह जिहड़ा वीडा तुसी हरमन रेडीओ वल्लों चुक्किआ, इस तों पिछ्छे नां हटिओ। जे कोई कानूंनी दाअ पेच दी लोड़ पवे तां अध्धी रात आवाज़ मार लइओ। इस कारज 'च हिस्सा पाउण लई तुहाडे नाल दिलों खहड़े हां"।

असीं आम देखदे सुणदे हां कि दुनीआं गल्लां 'च बड़ी छेती आ जांदी है। पर कदे सोचिआ, उह किहड़ीआं गल्लां ते छेती यकीन कर लैंदी है? सही अंदाज़ा लाइआ तुसीं, दुनीआं उहनां गल्लां 'च छेती विशवास कर लैंदी है, जिनहां विच्च मिहनत जां करम करन दी लोड़ नां पवे। बस थुक्कीं वड़े पक्क जाण। सौखी भाशा 'च कहीए तां असीं कल्ल्ह नूं होण वाले चमतकार दी उडीक 'च आपणा अज्ज बली चाहड़ दिंदे हां। मैं तां आपणी ज़िंदगी 'च हाले तक चमतकार हुंदे नहीं देखे फेर वी नमसकार करन वालिआं नूं पता नहीं की दिस जांदा!

हुण तुसी देख लइओ, मेरा इह लेख पहड़ के बहुतिआं नें इही कहिणा कि इस दे हत्थ देखण वाला कड़ा सूत नहीं आइआ होणा। हुण सानूं मत्तां दे रिहा। दोसतो ! भावें इंडीआ विच्च इहो जिही कोई मज़बूरी नहीं सी कि इस कंम नूं रोज़ी रोटी दा साधन बणावां। पर जदों नवां-नवां आसट्रेलीआ आइआ सी तां मज़बूरी हो गई सी। बहुतिआं नें इह राए दित्ती कि आह पंडतां वाला कंम चला लै, मौजां करेंगा। नहीं तां संतरे तोड़दे दी उमर निकल जाऊ। पर ज़मीर नें हराम दीआं खाण दी इजाज़त नहीं दित्ती ।इक्क गल्ल इथे मैं दाअवे नाल कहि सकदा हां कि नीअत नूं मुरादां वाला अखाण सौ फ़ीसदी सच्च है। नीअत सिध्धी रख्खी ते इक्क दिन वी संतरे नहीं तोड़ने पए। आप ही राह खुल्ल्हदे गए।

जांदे-जांदे होर सुण लवो; कल्ल्ह ऐडीलेड दे उघ्घे बिजनैस्समैन त्रिमान गिल्ल होरां कोल बैठा सी, गल्लां गल्लां 'च उह कहिंदे "यार आपणे किसे मित्तर दी कोठी 'च वासतू दोश सन। उहनां कुझ एरीआ ढाह के नवां लैंटर पाइआ सी। कल्ल वासतू शासतर माहर ते इक होर कोठी दा जाइज़ा लैण आए सी कि अचानक लैंटर डिग्ग पिआ। विचारे दोनें उत्थे ही रहि गए"। मेरे मूंहों अचानक ही निकल गिआ, "शाइद इह वासतू शासतरी जी दीवे थल्ले हनेरे दा शिकार हो गए"।

चंगा दोसतो ! हुण रात वी बहुत हो गई है ते आपणे आप नूं वी बहुत साड़ लिआ है। जे तुहानूं लग्गे कि इस कांड नूं इक पूरी मुहिंम बणा के सानूं सभ नूं कुझ करना चाहीदा है तां तुहाडे सनेहिआं ते सुझावां दी उडीक रहेगी। जे "मैनूं की" ते "तैनूं की" 'च ही उलझे रहिणा है तां तुहाडी मरज़ी। उपरोकत सट्रिंग आप्रेशन तों बाअद आप जी दे मिले वड्डे हुंगारे नाल तां इंझ लग्गदा है कि "तुहानूं किउं नहीं"। सो आओ ! शहीद-ए-आज़म सरदार भगत सिंघ नूं इकल्ले सरकारां डेगण बणाउण 'च ही नां वरतीए, सगों उहनां दे मनुख्खता प्रती विचारां नूं अमली जामा पहिनाउण दी कोशिश करीए।