चोणां नेड़े होण तां बहुत कुझ अजिहा होण लगदा है जो आम बंदे नूं हज़म नहीं हुंदा। नेता लोक आपणी पहुंच तों परे दे वाअदे कर लैंदे हन। मुफ़तो मुफ़ती अंन पाणी देण दे वाअदे कीते जांदे हन। भावें जनता कूक कूक के आखे कि रोटी तां असीं कमा के खा लवांगे, कंम दिउ अते उसदा मुल्ल पाउ। जनता हुण बहुत कुझ जाणदी है, इह कहिंदे कहाउंदे नेतावां दीआं गोडणीआं लवा सकदी है, अरशों फ़रश ’ते अते फ़रशों अरश ’ते पहुंचा सकदी है। फिर वी नेता लोक जनता नूं आपणीआं गल्लां विच्च उलझा लैंदे हन। कहिंदे बहुत कुझ नें पर करदे उस दे उलट नें। बहुते लोक इहनां दीआं गल्लां विच्च आ ही जांदे हन। कई वार जापदा है कि जदों नेता जित्त के वड्डीआं कुरसीआं ’ते बैठ जांदे नें तां इहनां विच्च कोई होर आतमा प्रवेश कर जांदी है। इह आपणे कीते वाअदिआं दे उलट कंम करन लग्ग पैंदे नें।

चोणां समें रुस्सिआं नूं मनाउण दा कंम वी ज़ोरां ’ते हुंदा है। कुझ मंन जांदे नें अते कुझ कु दूजीआं पारटीआं वल्ल रिहड़ जांदे नें। रिहड़दे इस लई नें कि उह असथिर हुंदे हन, थाळी दे बैंगण वांग जां फिर किसे वी गोळ चीज़ वांग, जिसदा कोई अधार नहीं हुंदा। शाइद उहनां दीआं लत्तां अते इरादिआं विच्च दम नहीं हुंदा। जे होवे तां हो सकदा है कि दूजिआं दा आसरा घट्ट तक्कण। जे उह आपणे आप नूं मज़बूत सोच वाले समझदे हन तां जिंनीआं मरज़ी झख्खड़ हनेरीआं आउण, इह इकल्ले वी खहड़े रहि सकदे हन। झख्खड़ नें तां थोहड़े समें बाअद शांत हो जाणा हुंदा है, उस तों बाअद तां उस इकल्ले दी द्रिहड़ता देख जनता विच्चों उस वरगे लोकां नें नवीआं उमीदां लै के उस नाल जुड़ना हुंदा है अते इसे तरहां काफ़ले बण जांदे हन। पर झख्खड़ां दी मार सहिण दा राजनेतावां कोळ समां नहीं हुंदा। अगलिआं नूं ज़रूरत वी की है ऐवें मुसीबतां झल्लण दी, इस लई इह दूजे पासे रिहड़ जांदे हन। आपणी पुराणी पारटी दी निंदिआ कर के दुध्ध धोते बण जांदे हन। जिहड़े कसीदे किसे समें पुराणी पारटी विच्च शामल होण लई पहड़े हुंदे हन, उही हुण वाली पारटी लई पहड़न लग्ग पैंदे हन। शबद, शेअर उही नें पर साबका पारटी दा नां मेट के मौजूदा पारटी दा नां लिख दित्ता।

सकूल पहड़दिआं अधिआपक कई वार आपणे विदिआरथीआं दी सौख लई कोई इक्क लेख याद करवा के आख दिंदे कि जे इमतिहान विच्च इसदे नाल मिलदा जुलदा लेख आ गिआ तां अडजसट कर लैणा। जिवें, गां दा लेख याद करवा के बक्करी, कुत्ता, मझ्झ आदि चार लत्तां, दो कंन, दो अख्खां आदि कई विशेशतावां इक्को जिहीआं हुंदीआं हन। इस तरहां विदिआरथी अध्ध-पचध्ध नंबर लै लैंदा अते पास हो जांदा। कई नेता आपणे अधिआपकां दीआं गल्लां नूं होर हिसाब नाल फिट्ट कर लैंदे हन उह वार वार पारटी बदलदे हन। याद कीते दो चार शेअर हर पारटी लई हिक्क ठोक के वरतदे हन। इहनां नेतावां नूं सुणदिआं सिर घुंमण लग्ग पैंदा है, अंदरों विचारां दीआं डारां उड्ड पैंदीआं नें जिहड़ीआं कदे महिसूस कराउंदीआं नें कि नेतावां दा दिमाग़ हिल्ल गिआ, कदे आखदीआं नें कि इह तां चंगे भले नें आपां ही कमळे हां।

राजनीती विच्च रुस्सिआं नूं मनाउण दा सिलसिला अजे जारी है। पर बदलदे हालात नूं देख के इस तरहां महिसूस हुंदा है कि जनता नूं बेवकूफ़ बणा के बणे शकतीमानां नूं इस तरहां दीआं तिकड़मबाज़ीआं आ गईआं हन कि सिध्धी उप्परले नाल गंढतुप्प करो कि विरोधीआं दीआं वोटां रद्द हो जाण अते उप्परले नें ‘तथाअसतू’ आख के कंम कर देणा। माड़ा जिहा किते सिआही दे रंग-वंन दे फ़रक नाल इक्क अनमोल बंदा ‘नो-मैन’ बण जांदा है, यानी कि कीमती वोट दी शकती ज़ीरो हो जांदी है। जां फिर विरोधी पारटी दे नेतावां नूं उच्चे अहुदिआं दे सबज़बाग दिखा के आपणे वल्ल खिच्च लवो, किसे समें उहनां दे जाणे अनजाणे कीते गुनाहां नूं नंगिआं करके डरा लवो, मशीनां बणाउण वाले रब्ब नूं आखो, ‘भगवान जी! ऐनी कु करामात कर देणा कि बटन कोई जिहड़ा मरज़ी नप्पे, वोटां साडी पारटी वाले बंदे नूं पई जाण।’ किंनी सौखी जिही गल्ल है, घर घर जा के मिंनतां करन नालों तां चंगा ही है। भगवान वी विचारा कंम करी जांदा है, उहनूं वी डर है कि जे भगतां दे कंम नां कीते किते मैनूं भगवान मंनण तों इनकार ही नां कर देण। ख़ैर होवे साडे सभ दे सांझे भगवान दी। हुण तां भगवान दे नां ’ते बणे धरती दे भगवानां नें भगवान दीआं मंनण दी थां भगवान नूं उंगली ला के तोरन दा इशारा वी दे दित्ता है। चलो … … इह तां भगवान अते भगत दी आपसी सहिमती है। जे उस नूं आपणा सिंघासन असुरख्खिअत लग्गिआ उहने लोकां दी अकल नूं झंजोड़ उनहां अंदर सुत्ती पई ज़मीर नूं जगा के जनता तों करामात करवा देणी है।

इक्क वार नारद मुनी अते भगवान जी धरती दी ख़बरसार लैण वासते धरत यातरा लई आए। इक्क थां ’ते बहुत सारी भीड़ देख के रुक गए। भगवान नें नारद नूं पुछ्छिआ, “ऐने सारे लोक इत्थे इकठ्ठे हो के की कर रहे नें अते इक्क पारटी वल्ल नूं किउं भज्ज रहे हन।”

नारद नें भगवान जी नूं दस्सिआ कि धरती उत्ते इस देश विच्च चोणां होण वालीआं नें। इक्क पासे नूं इस लई भज्ज रहे हन कि इत्थे कावां तों हंस होण दा भरम पा दित्ता है। जिहड़े वी पापी, अपराधी, बेईमान, बलातकारी, घपलेबाज़ आदि हुंदे हन, जिहनां तों पीड़त लोक उहनां नूं सज़ावां दिवाउणीआं चाहुंदे हन, इत्थे उनहां दा सवागत कीता जांदा है। विचारे पीड़त परिवार धरने लाउण जोगे रहि जांदे नें। इहनां कोल ताकत दी ऐसी गिद्दड़ सिंङी है, जिहड़ी उहनां लोकां नूं आपणे वल्ल खिच्च लैंदी है, जिहनां दे मगर ज़िआदा लोक हुंदे हन।”

नारद मुनी दीआं गल्लां सुण के भगवान सोच रिहा सी … … गुनाह मुआफ़ करन दा कंम तां मेरा है। फिर इह लोक? ऐने नूं नारद मुनी फिर बोले, “भगवान जी! इहनां दा कुछ करो। इह तुहाडे शरीक बण के धरती दे भगवान बणे बैठे नें।”

इक्क वार तां भगवान जी दीआं अख्खां मूहरे भंबूतारे नच्चण लग्ग पए।

“मनुख्ख नूं दिमाग़ इसे लई दित्ता है कि उह चंगे माड़े दी परख़ आप करे … … नहीं तां इहनां दी थां भेडां नां होर बणा दिंदा?” भगवान जी इह कहि के आपणा पल्ला छुडा के अलोप हो गए।

भावें भगवान जी नूं किसे धरती दे बाशिंदे दीआं गाईआं तुकां खिच्च पा रहीआं सन … … ‘साईं! वे ‘नहेरिआं विच्च पल्ले नां छुडाईं’ पर फिर वी भगवान जी करड़ा जिहा जेरा कर के इह सोचदिआं चले गए कि जे मैं इहनां दी हर मंग पूरी करन लग्ग गिआ तां इहनां नें डक्का तोड़ के दूहरा नहीं करना। इह विहले हो जाणगे अते विहले मनां अंदर शैतानी सोच उपज पैंदी है। काश! लोकां नूं मुफ़तख़ोरे बणाउण वाले साडे नेतावां नूं वी इह गल्ल समझ आ जाए कि ऐनी विहली शैतानी ताकत किवें संभाली जाऊ। ख़ैर नारद जी नें दिब्ब द्रिशटी नाल देखिआ, अध्धे तों वध्ध लोक अंनहे हो के झूठ-मूठ उत्ते यकीन करन वाले भेडां जिंना ही दिमाग़ वरत रहे सन। ऐने नूं उहनूं होर रौला सुणाई देण लग्गिआ। इहनां लोकां दीआं धौणां उच्चीआं सन अते सरकार दे ज़ुलम नूं सहिण लई इह जोशीले जैकारे ला रहे सन। भगवान नें परत के नारद मुनी दी बांह फड़ी, सिध्धा बैकुंठ जा के साह लिआ।

नारद सवालीआ नज़रां नाल भगवान वल्ल वेख रिहा सी।

“तूं भुल्ल गिआ नारद? इहनां दे वड्डे वडेरे किरती किसान ‘धंने’ नें मैथों किंना कंम कराइआ सी?”

नारद बोलिआ, “भगवान जी! जे इह तुहानूं बंनह सकदे नें, फिर इह धरती ’ते शैतानी ताकतां हत्थों किउं दब जांदे नें?”

भगवान जी हउका जिहा लै के बोले, “इहनां विच्च एकता दी घाट रहि जांदी है। जदों इहनां विच्च एकता हुंदी है तां सारी दुनीआं नूं झुका सकदे नें अते शानदार जित्त प्रापत करदे हन।”

नारद दा जीअ कीता कि भगवान दा सुनेहा सभ तक पहुंचा देवे।

मुख्ख कारन तां इही है जनता विच्च चंगे इनसानां दी कमी नहीं, कमी है तां एकता दी। सिआसतदानां नूं मुफ़त दीआं रिउड़ीआं वंड वंड के दिमाग़ दा रिमोट आपणे काबू विच्च करना आउंदा है। जदों मुफ़तख़ोरी दिसदी है तां फिर आपणा दिमाग़ वरतणा तां बेवकूफ़ी ही समझी जांदी है। कई विहली बिरती वाले इही सोचदे होणगे कि जदों उप्पर वाले कोल वापस जाणा होइआ तां फिर उहने वी खुश हो जाणा है कि बहुत सारे धरती ’ते भेजे मनुख्ख वसतां नूं किंने सुहणे तरीके नाल संभाल के रख्खदे हन। उस दी बख़शी दिमाग़ रूपी वसतू वी बिनां वरतिआं उसे तरहां वापस लै आउंदे नें।

चलो … … इस गल्ल दा तां आपां नूं कोई इलम नहीं कि उप्पर जा के की होवेगा पर जे अख्खां बंद करके, बिनां छाणबीण, खोज पड़ताल कीतिआं, दूजिआं दीआं कहीआं गल्लां ’ते भरोसा करदे रहे तां सच्चमुच्च ही धरती ’ते रहिंदे होए वी नरकों भैड़ी ज़िंदगी जिऊण लई मजबूर हो जावांगे।

नेतावां दे भाशणां अते गल्लांबातां तों कई वार महिसूस हुंदा है कि उह आपणीआं पारटीआं नूं मज़बूत बणाउण लई वध्ध ज़ोर दे रहे नें। पूरी योजना नाल पारटीआं नूं मज़बूत करन लई गलीआं-मुहल्लिआं तक पहुंच बणाई जा रही है। इक्क सिध्धी जिही गल्ल है, पारटीआं मज़बूत किवें बणनगीआं, जवानी तां नशिआं नें खा लई है, घरां दे घर सुंने होए पए नें। कौड़ी सचाई इह है कि जवानी तां इत्थे रही ही नहीं। कुझ नशिआं नें मौत दी नींद सुला दित्ते। कुझ विदेशां विच्च रुलदे फिरदे नें। पारटीआं वी तां जवानां दे सिर ’ते ही मज़बूत होणगीआं। पहिलां जवानां नूं तां बचा लवो, आपे पारटीआं मज़बूत हुंदीआं रहिणगीआं। जिंनी शिद्दत नाल पारटीआं नूं मज़बूत करन दीआं कोशिशां हो रहीआं नें, ओनी ही शिद्दत नाल जवानी नूं बचाउण दीआं कोशिशां वी कर लवो। मेरे पिआरे देश वासीआं नूं ख़ुद सोचणा होवेगा। की गलत है, की ठीक है? पर याद रख्खणा-

बरकतां एके दीआं जदों झूमर पावण

हिंमतां दा ताण खिच्च अंबरों लिआवण।