जदों असीं कांगड़े दे डाक बंगले तों चल्ले अजे मूंह झाखरा ही सी। सूरज बान गंगा नूं पार करन तों पिछों चहड़िआ। बान गंगा तों पार कांगड़े दे किल्हे दा इक अदुत्ती नज़ारा दिखाई देंदा है। सड़क बड़ी भीड़ी है ते सप्पणी वांग वल्ल खांदी होई चली जांदी है। इथों रेल दी लाईन वी नज़र आउंदी है ते असीं वेखिआ, कुझ यातरी रेवले सटेशन तों जवाला मुखी सड़क वल्ल तुरे जा रहे सन। अख़ीर असीं राणी ताल पुज्जे। इथे इक थाणा है, पहाड़ी दे बिलकुल उते डाक बंगला है। इथों धौलीधार दा अति सुंदर द्रिश दिखाई देंदा है।

डाक बंगले दे कोल इक टिल्ले 'ते बाबा फत्तू दी समाधी है। बाबा फत्तू सोढी गुलाब सिंघ दा चेला सी। सोढी गुलाब सिंघ नें बाबा फत्तू नूं गुरिआई बख़शी सी। किहा जांदा है बाबा फत्तू दी करामात नाल संसार चंद दा भरा फतिह चंद मुड़के जी पिआ सी। बाबा फत्तू नूं पहाड़ी लोक अजे तक सतिकारदे हन ते उहदी सुगंध खांदे हन। इस दी समाधी उते विसाखी वाले दिन मेला लगदा है, जिथों दूर नेड़िओं कई मुरादां पाउण आउंदे हन। कई लोक आपणीआं मनोकामनां नूं लिख के पेश करदे हन अते सुखां सुखदे हन। समाधी दा पुजारी बाबा फत्तू दी समाधी उते प्रापथना करदा है। जदों किसे दी मुराद पूरी हो जांदी है, लोकी चहड़ावा चहड़ाण लई आउंदे हन। कांगड़ा तहिसील विच लांज नां दे पिंड विच इस तरहां दी इक होर दरगाह है, जिस नूं बाबा भूपत दे नाम नाल संबंधित कीता जांदा है।उथे वी लोकीं इस तरहां दीआं मुरादां लै के जांदे हन। कई लोक जिहड़े कचहिरीआं विच मुकद्दमिआं दीआं फ़ीसां नहीं भर सकदे, बाबा भूपत दी शरन लैंदे हन। मज़लूम ते अनाथ इस समाधी 'ते आ के दुशमणां नूं कोसदे हन। जे कदे किसे अजिहे दुशमन नूं कोई बीमारी लगे जां उस उपर कोई होर मुसीबत आ जावे तां उह सोचदे हन कि इह बाबा भूपत दे सराप करके ही है। इसे डर दे मारे जां ते राज़ीनामां कर लैंदे हन जां अगले दा नुकसान भर देंदे हन।

रात राणी ताल दे बंगले विच रहि के अगली सवेर असीं जलावा मुखी वल्ल तुर पए। राणी ताल तों जवाला मुखी तक सड़क यातरूआं दीआं वहीरां करके मिट्टी घट्टे नाल लद्दी रहिंदी है। असीं वेखिआ, बेशुमार यातरू कोई पैदल, कोई टांगिआं विच, अगनी दी देवी दे मंदर वल्ल जा रहे सन। सड़क दे कंढे पहाड़ी बच्चे यातरूआं तों बख़शीश मंगण लई दोहां पासी थाउं थाउं आ खलोंदे हन।कई यातरूआं दे तां पिछे ही पै जांदे हन ते ‘दे जा लाला पैसा, दे जा लाला पैसा' करदे दूर तक पिछ्छा करदे होए अगले नूं उदों ही छडदे हन जदों उह पलिउं कुझ नां कुझ झड़ जावे।

आख़र जवाला मुखी दा पवित्तर पिंड विखाई देण लग पिआ। इह पिंड पहाड़ी दे इक पासे इक बाज़ दे आल्हणे वांग बणिआ होइआ है। अगनी दी देवी दे मंदर दा सुनहिरी कलस सफ़ैद रंग दे चौरस घरां विच विशेश तौर 'ते विखाई दे रिहा सी। नदौण जाण तों पहिलां असीं फ़ैसला कीता कि पहिले देवी नूं सतिकारिआ जावे। अठ्ठ सौ साल होए, इस मंदर दी थां नूं इक ब्राहमण नें लभ्भिआ सी। किहा जांदा है कि दख्खण वल्ल दूर रहिंदे इक ब्राहमण नूं देवी दा प्रकाश होइआ ते उहने उस नूं आगिआ कीती कि उह कांगड़े दीआं पहाड़ीआं विच जावे, जिथे उस नूं जंगल विच अग्ग दीआं लाटां जगदीआं विखाई देणगीआं। ब्राहमण आगिआ अनुसार इथे आइआ ते उस नूं इह पवित्तर असथान लभ्भ पिआ। उस नें इथे ही इक मंदर बणाइआ, मंदर तक पुज्जण लई कई पौड़ीआं हन। पौड़ीआं दे दोहां पासे दुकानां हन, जिनहां विच नारीअल, मिठाईआं, धूपां ते चांदी दे छत्तर विकदे हन। इह चीज़ां यातरू लोक ख़रीद के चहड़ाउंदे हन ते पुजारी फेर इनहां नूं मुड़ दुकानदारां कोल वेच दिंदे हन। ते इंज इह चीज़ां दुकानां तों मंदर ते मंदर तों दुकानां विच घुंमदीआं रहिंदीआं हन। जुआला मुखी ते जदों कोई यातरू पुजदा है, उहनूं कई पांधे आ के घेर लैंदे हन। इह लोक उस दे वड्डे वडेरिआं दे, जिहड़े कदी इस मंदर वल्ल आए सन, नाम ते पते दसदे हन। इह पांधे यातरूआं दे रहिण दा ते उनहां दी यातरा दा प्रबंध वी करदे हन। जवाला मुखी दे पुजारीआं नूं भोजकी कहिंदे हन। किउंकि इनहां दा वड्डा कंम देवी नूं भोकन खवाउणा हुंदा है, जिस दा अरथ आपणा पेट भरना हुंदा है। जिनहां यातरूआं दी कोई मुराद पूरी हुंदी है, उह देवी दी सेवा विच चांदी दी इक निक्की जिही छत्तरी शुकराने वजों पेश करदे हन।

बाज़ार यातरूआं नाल भरिआ होइआ सी, असीं पंजाब ते उत्तर प्रदेश दीआं कई थावां तों आए मरदां औरतां नाल खहिंदे बड़ी मुशकल नाल देवी दे मंदर पुजे। बाहर दे दरवाज़े 'ते असीं आपणे जोड़े लाह के मंदर विच नंगे पैर प्रवेश कीता। यातरू लोक देवी नूं पैसे चहड़उंदे हन। कई शरधालू हलवा पत्थर दीआं मूरतीआं दे मूंह विच जा रखदे हन। संगमरमर दा फ़रश तिलकणा जिहा होइआ पइआ सी ते बड़ी गल्हिआन आउंदी सी।

सभ तों वडे मंदर दे कलश सुनहिरी हन, जिहड़े डुबदे सूरज दी रौशनी विच चमक रहे सन। मंदर दे अंदर पहाड़ीआं विचों गैस निकल रही है, जिस नूं पुजारी तीली नाल जला देंदे हन ते इस तरहां पैदा होई नीली लाटां दे नाल धमाके यातरूआं नूं हैरान कर दिंदे हन। उते करके होर कई छोटे मंदर हन, जिनहां विच भगवे कपड़िआं विच जटां वाले साधू बैठे नज़र आउंदे हन। जवालामुखी दे कोल छे चशमे हन, जिनहां विच लूण ते पोटाशीअम आईउडाईड दी शकल विच आईओडीन मिलदी है ।

किहा जांदा है, जवालामुखी जलंधर नां दे दानव दा मूंह है। कथा इंज है कि जलंधर दानव नूं शिवजी महाराज नें इक पहाड़ सुट के कुचल दिता। जवालामुखी उस दानव दा मूंह है। उस दी पिठ्ठ दुआबे दा उतला हिस्सा है, जिस नूं अज्जकल्ल्ह जलंधर कहिंदे हन। इस इलाके विच कई मशहूर मंदर हन। बैजनाथ विच शिव दा मंदर ते जुरंगल विच नंदी केसर दा मंदर, जिहड़ा डहाड दे सुंदर बंगले दे साहमणे है। इस दानव दे पैर मुलतान तक्क फैल होए हन। जलंधर दी कथा इक तरहां कांगड़े दी वादी दे पहाड़ां दा माइऊसीन समुंदर विचों उभरना वी दरशांदी है। इस इक सागर दी बांह अज्जकल्ह दे अरब सागर विचों हुशिआर पुर दे शिवालक दे पहाड़ां तक्क फैली होई सी। शिव महाराज दा सागर दे बेटे जलंधर नूं हराउणा इक तरहां नाल समुंदर दा परहे हटणा ते उस विचों पहाड़ां दे निकल आउण दा इक चिंनह मलूम हुंदा है।

इस मंदर विच कई मशहूर हसतीआं आईआं। इनहां विचों इक अकबर बादशाह वी सी।अजे वी पुजारी लोक इक कूल्ह वल्ल इशारा करदे हन, जिहड़ी उते करके किसे चशमे विचों निकलदी है ते कहिंदे हन कि अकबर बादशाह नें इह कूल्ह अगनी बुझाण लई बणवाई सी। पर उस नूं इस विच कामयाबी नां होई ते जोतां उंज दीआं उंज जागदीआं रहीआं। इह वेख के अकबर बादशाह देवी दा उपाशक बण गिआ ते उस नें इक सोने दा छतर देवी दी सेवा विच चहड़ाइआ। किहा जांदा है जदों अकबर बादशाह नें आपणे कीमती चहड़ावे वल्ल हंकार भरीआं नज़रां नाल वेखिआ तां सोने दा उह छतर तांबे दा बण गिआ। इस तरहां अनेकां कहाणीआं हर इक मंदर नाल संबंधित हन ते इनहां नाल ही धारमिक लोक आपणे धरम दी वडितण ज़ाहर करदे हन।

महाराजा रणजीत सिंघ इस मंदर विच 1809 विच आइआ। संसार चंद दे कहिण 'ते महाराजा रणजीत सिंघ नें गोरखिआं नूं हराइआ ते उनहां नूं सतलुज दे पार धक्क दिता। संसार चंद रणजीत सिंघ नूं जवाला मुखी विच मिलिआ ते इस पवितर असथान 'ते इकरारनामा ते मोहरां लाईआं गईआं। महाराजा रणजीत सिंघ नें कांगड़े दे किल्हे नूं आपणे कबज़े विच लै लिआ। ते लागले पिंडां दी संसार चंद नूं इक जागीर दे दित्ती गई। अफ़गानां नूं हरा के रणजीत सिंघ जदों मुड़िआ उस नें शुकराने वजों देवी दे मंदर 'ते छत्त नूं सोने दा पत्तरा चहड़वाइआ, ते ग़रीब गुरबिआं नूं बेशुमार दान दित्ता। किहा जांदा है कि महाराजा रणजीत सिंघ जवाला मुखी दीआं जोतां 'ते इंज मोहित होइआ जिवें परवाना समहां ते मोहित हुंदा है। रणजीत सिंघ दे पुत्तर खड़क सिंघ नें देवी नूं चांदी दे दरवाज़े चहड़ाए। इनहां दरवाज़िआं विच चितरकारी दा बहुत शानदार कंम कीता होइआ है। इथों दे पुजारी इनहां दरवाज़िआं नूं बड़े माण नाल विखाउंदे हन। इस सफ़र विच मेरी धरम पतनी इकबाल कौर वी साडे नाल सी ते सारी पारटी दे खाण पीण दा प्रबंध उहदे ज़िमें सी। इकबाल, आरचर, मुलक राज, उस दी धरम पतनी शीरीं, ते सकत्तर डौली मैथों अलहिदा मंदर विच गए। उनहां नें जो वेखिआ, उह इकबाल बिआन करेगी ते सुणो :

“राणी ताल तों जवाला जी विचों दी हुंदिआं होइआं साडा नदौण जाण दा प्रोगराम सी। सवेर दी चाह वाणी तों पिछों हमेशा दुपहिर दी रोटी नाल बंनह लिआ करदे सां। जिथे किते वी रोटी खाण दा वकत हो जांदा ते जगहा वी ख़ूबसूरत विखाई दिंदी उथे खाण लई रुक जांदे। सारे मिल के खाणा गरम करदे ते इकठ्ठे बहि के खांदे, ते नाले सफ़र बारे गल्लां चलदीआं रहिंदीआं। फेर थोड़ी देर आराम करके चीज़ां इकठ्ठीआं करके अगले पड़ाअ लई तिआर हो जांदे।

“जवाला जी जाण दी ख़ास तौर 'ते मैनूं ख़ुशी इस लई सी कि उस जगहा नूं निक्किआं हुंदिआं वेखिआ होइआ सी। इस दी धुंधली जिही याद अजे तक मेरे दिमाग़ विच सी। जदों वी असीं उस पासे वल्ल गए, इह याद मैनूं टुंबदी कि इस सथान दे फिर दरशन कीते जाण। एनां कु मैनूं याद है कि उनहां दिनां विच इह रसता सिरफ़ ख़चरां घोड़िआं 'ते ही मुकाइआ जांदा सी। बहुत छोटी जिही, सप्प दी तरहां वल्ल खांदी होई पथरीली सड़क विखाई दिंदी हुंदी सी, ते इस सफ़र नूं लोक दिने सूरज छिपण तों पहिलां ख़तम कर लैंदे सन किउंकि जंगली जानवर अकसर जंगलां विचों निकल के सड़क उते मिल पैंदे सन, ते कई वारी हमला वी कर दिंदे सन।

“मैनूं अजे तक्क याद है कि उथों दे पंडितां नें सानूं कई जगहां ते फिर के लाटां विखाईआं ते किहा कि इथे देवी प्रगट होई है ते साडे वेखदिआं वेखदिआं शरधालू लोक खोए दे अध्ध अध्ध सेर दे पेड़े प्रशाद दे तौर 'ते लै के मंदर विच लाटां देवी दे अगे रख्ख के मत्था टेकदे। इसे करके मैनूं फेर जवाला दे मंदर वेखण दी तीबर इछ्छा सी।

“जदों असीं जवाला जी पहुंचे तां मंदरां विच तां कोई बहुता फ़रक नज़र नहीं आइआ, पर मंदर वल्ल जाण वाले जिस बाज़ार विचों लंघ के जाणा पैंदा सी उस दी सड़क ज़रूर चौड़ी हो गई सी। रसते विच असीं सारिआं नें बाज़ार विचों चीज़ां लईआं। साडे दोसत आरचर नूं रंग बरंगीआं कच्च दीआं चूड़ीआं बहुत पसंद आईआं, ते उस नें आपणी लड़की लई चार-पंज जोड़े ख़रीदे, बाकी किसे नें अंब की लकड़ी दे बणे होए चमचे, ते दहीं रख्खण वाले कूंडे, ते लकड़ी दीआं आटा गुंनहण लई परातां ख़रीदीआं जो कि उथों दे लोकां नें ख़ास सफ़ाई नाल बणाईआं हुंदीआं हन। ते असीं बहुत सारी धूफ ते जवैण जो कि कौड़े तुंमिआं विच भरी हुंदी है ख़रीद के मंदर वल्ल गए। जिथे पुजारी सिरफ़ इसे ताक विच बैठे सन कि कोई ज़िआदा जहड़ावा चहड़ाउण वाला आवे ते उसे दे पिछे लगिआ जाए।

“मंदर दी सफ़ाई वल्ल उनहां दा कोई धिआन नहीं सी, नां ही कोई भगती दा भाव उनहां दे चिहरिआं 'ते मालूम हुंदा सी। लाग दे पिंडां दे आदमी ते तीवीआं दा इक जत्था जो कि शाइद किसे मंनत दी पूरती दे ख़िआल नाल उथे पहुंचिआ सी इक जगहा मूरती दे अगे बैठ के। क्रिशन भगवान दे गुण गा रिहा सी। आदमी ढोलकी ते टल्लीआं वजा रहे सन, ते तीवींआं सखीआं बण बण के नच्च रहीआं सन, ते जो नच्चण तों संगदीआं सन उनहां नूं कहि रहीआं सन, तुसीं वी नच्चो, भगवान दे साहमणे नच्चण विच शरम नहीं करनी चाहीदी। इस तरहां वारी वारी इक हटदी ते दूजी नच्चण लग जांदी। कुझ देर तक्क असीं उनहां नूं वेखदे रहे । इस तों पिछों असीं वेखिआ कि इक डूंघी जही जगहा 'ते ज़मीन दे विच कुछ अग्ग दीआं लाटां निकल रहीआं सन ते ओथों दे पांडे सभ नूं नाल लै जांदे ते नाले दसदे कि इस जगहा तों देवी प्रगट होई है।

“इस तरहां दीआं लाटां होर वी थोड़े थोड़े फ़ासले तों निकल रहीआं सन। जिनहां लोकां नूं इस दा कारन पता नहीं सी उह भगवान दी कुदरत वेख दे दंग रहि जांदे सन, पर किसे दा मन दी सफ़ाई वल्ल धिआन नहीं सी जांदा, लाटां देवी नूं पेड़े, पतासे ते कड़ाह भेटा करके ते लोकां नें आपणे पैर धो के इतना चिक्कड़ कीता होइआ सी कि उथे खलोणा वी मुशकल हो रिहा सी। साडे दोसत आरचर नूं डर सी कि पैरां नूं किसे बिमारी दे जरासीस नां लग जाण। उस नें नक्क अग्गे रुमाल रखिआ ते सभ कुझ जलदी जलदी वेख के हेठां उतरन दी कीती। असीं वी उसे दे पिछे पिछे तुर पए।"

जुआला मुखी दे सफ़र विच साडे नाल इक लोक गीतां दा संग्रहिक वी सी। बीबी दाहड़ी ते लंमे लंमे वाल ते फ़ोटोग्राफ़ी दा शौकीन। फ़ोटोग्राफ़ी उस दी एनी चंगी कि फ़ोटोआं विच जान पा दिंदा। जद मैं मंदर तों मुड़ के आइआ तां वेखिआ कि जीप दे कोल बड़ी भीड़ है। पता लगा कि मेरे मित्तर इक पहाड़ी औरत दी फ़ोटो खिचदे उस नूं मूंह दा पला उते थल्ले करन दी हिदाइत दे रहे सन कि उपरों उस दा पती आ गिआ। रौला पै गिआ कि इक पाकिसतानी फ़कीर हिंदू औरतां दीआं तसवीरां खिच्च रिहा है। फेर की सी किसे नें बांह फड़, किसे नें कोट फड़, खिचोताण शुरू कर दिती।

हिंदुसतान विच, ख़ास तौर 'ते पंजाब विच ओपरीआं ज़नानीआं दी फ़ोटोग्राफ़ी बड़ी कठन है। होर नहीं तां इनां कहि देणों नहीं टलदीआं, “जे फ़ोटो खिच्चणी है तां आपणी मां दी खिच्च, भैण दी खिच्च, तूं साथों की लैणा है।” असीं आपणे मित्तर नूं बड़ी मुशकल नाल बचाइआ। जे ठाणेदार मौके ते नां आ जांदा तां पता नहीं अनपहड़ कांगड़ा वासी उस दी की गत बणाउंदे। उनहां नूं समझाइआ गिआ कि इह पंजाब दे टैगोर हन, ते इनहां नें लोक गीत इकठ्ठे करके पंजाबी साहित दी बड़ी सेवा कीती है ते फ़ोटोग्राफ़ी वी सभिआचारक द्रिशटीकोन तों ही कर रहे सन, ते इनहां दी कोई माड़ी नीअत नहीं सी। उनहां सिध्धे सादे पहाड़ीआं नूं की पता सी कि अज्ज कल्ह कांगड़े विच ऐसे उचे पध्धर दे यातरू वी आउंदे हन। उनहां नूं तां हाल ताईं भैड़े यातरूआं दी धक्केशाही दा ही तजरबा सी जो उनहां दीआं सुंदर तीवीआं नूं बहिका के मैदानां विच लै जांदे सन।

जे इकल्लीआं होण तां बहुत सारीआं त्रीमतां फ़ोटो खिचाउण तों इनकार नहीं करदीआं, पर जे किते उनहां दे आदमी नेड़े तेड़े होण तां फ़ोटो खिच्चणा ख़तरे तों ख़ाली नहीं। इक वारी असीं शिमले तों नारकंडे जा रहे सी, ते जद फागू दे कोल पहुंचे तां इक बड़ी सुंदर पहाड़न सुनहिरी कैंठा पाई, सिर 'ते गूहड़ा पीला रुमाल बंनही ते नक्क विच लोंग पाई, जिहड़ा डुबदे सूरज दी रौशनी विच लिशकारे मार रिहा सी, सड़क 'ते ठुमक ठुमक करदी जा रही सी। मेरे साथी शोरी नूं जिहड़ा फ़ोटोग्राफ़ी दे नशे विच मसत होइआ होइआ सी, अजिहा मौका किथों मिल सकणा सी। झट कैमरा खोल्ह, टिच टिच करनी शुरू कर दिती। दो मिंटां विच ही उस त्रीमत दा घर वाला छत्तरी घुमाउंदा उपरों आ गिआ ते बोलिआ, “बाबू जी की करदे हो।” बाबू जी दी अटी सटी भुल गई, ते कैमरे दे लैनज़ इक दरख़त वल्ल घुमा के कहिण लग्गा, “जंगल दी तसवीर खिच्चदा हां।”

('पत्ते पत्ते गोबिंद बैठा' विच्चों)