अज्ज सकून रास आ रिहा सी। समां बीत गिआ, गल्ल आई गई हो गई। जे नहीं होई तां हो जाणी चाहीदी सी। बरसात आई, पाणी दिसिआ ते फिर पाणी चेतिआं विच्च वस गिआ। उस वसे पाणी दी रिमझिम वकत दी मुथाज़ नहीं रही। चिक्कड़ विच्च कमल ही नहीं उग्गदे, चिक्कड़ विच्च कीड़े मकौड़े वी हुंदे हन। इनहां कीड़िआं दी शनाखत करदे, कमल दे फुल्ल चंगे लगदे हन। इनहां कीड़िआं दी गल्ल नूं अख्खों परोखे करदे फुल्ल, कमल दे फुल्ल नहीं सदींदे। फुल्लां ते कीड़िआं दे विचाले खड़े विचारे, परख करदे रहिंदे हन जिवें उह किसे खेड दा मैच वेख रहे होण। मैच दरशक वी वेखदा है ते रैफ़री वी, फरक ते सिरफ जिंमेवारी दा है। मैं कई वार सोचदा हां कि मैच वेख रिहा रैफ़री किते तां आपणे अंदर दे दरशक दा कोई छोटा जिहा बोल तां सुणदा ही होवेगा। किते तां कोई खिडारी उसदे रैफरीपुणे नूं ललकारके उसदी बिरती भंग करदा ही होवेगा। अकसर रैफरी वी ते कदे खिडारी ही हुंदे होणगे। रैफरी वी इनसान हन ते सानूं रोज़ ज़िंदगी विच्च रैफरी मिलदे हन। सभ नें आपो आपणे खेत मल्ले होए हन। असल विच्च इह दुनीआं ही सारी रैफरीआं नाल भरी होई है। कोई छोटा ते कोई वड्डा आपो आपणीआ सीटीआं मारदे ते ज़िंदगी दे बेहतर पलां नूं बोझल करदे, आपणीआं मनमानीआं बिनसदे, छांगदे, छांटदे, छोटे तों छोटा करदे भंबलभूसे विच्च पए आपणी रुकसती नूं लमकाउंदे तुरे जांदे हन जां कहि लउ सारी उमर ही रुकसती दी तिआरी विच्च बिता दिंदे हन। आखरी सीटी मारन दा मौका तां किसे किसे नूं ही मिलदा है।
‘आप आए बहार आई।’
मैं मुसकराइआ। “सर जी असीं तुहानूं मिस करांगे।”
“मी टू” मैं मुसकराके हलका होइआ। मेरी काफ़ी गरम नहीं रहि गई सी पर अजे ठंडी वी नहीं होई सी जद कि हो जाणी चाहीदी सी। मैनूं लग्गा इह काफी दा कोसा कप्प तां मेरे अग्गे दहाकिआं तों पिआ है। मैं हर वार इसनूं हत्थ विच्च फड़के इसदी गरमाइश महिसूस कर लैंदा हां। मेरी आदत ही बण गई है कि मैं आपणा काफी दा कप्प कदे वी खतम नहीं करदा।
“सर जी पित्तल दे गलास विच्च गुड़ दी चाह होवे, तत्ती तत्ती, रज़ाई दी बुक्कल होवे ते बंदा सड़ सड़ करदे बुल्हां नाल आखरी घुट्ट तक्क पीवे दीपे वांग, तां ही मज़ा आउंदा है।” हरी नें आपणे काफ़ी दे ढक्कण नूं मरोड़ा जिहा देके तोड़िआ सी। उसदीआं अख्खां विच्च जनूनी तीबरता सी। “मैनूं लगदा तुसीं वी मोरनीआं वाले पित्तल दे गलास विच्च ही पसंद करदे हो तां ही ते आपणी काफी नूं कदे खतम नहीं करदे।” हरी नें इह गल्लां उदों कीतीआं सन जदों उसने आपणे सज्जे पैर नूं कलाक वाईज़ नहीं घुंमाइआ सी।
अठारां साल गुज़ारे हन मैं इत्थे। अज्ज लंच अध्धे घंटे दा नां होके घंटे दा सी। मुनीमां वांग सोचां तां चार कु सौ दा कसारा सी सारा। चवी घंटे सत्ते दिन चलण वाली पंज नंबर मशीन अजे वी पहीए बणा बणा पटे ते सुट्टी जा रही सी। करिसटल पलासटिक नूं ठंडा होण दा पता नहीं काहदा चाअ चड़िआ सी मेरी रिटाइरमैंट दा लिहाज़ वी नहीं कर रही सी। पता नहीं कितने कु घंटे गुज़ारे सन मैं इस मशींन नाल। मणां मूंहीं तेल दित्ता होणा मैं इस मशीन नूं पर इह किहड़ी किसे नालों घट्ट है। इसनूं वी कोई अफसोस नहीं। हो सकदा है, इसनूं वी आपणा कंम मुक्काके टुट्टण दी काहली होवे। कितना कु चिर कोई चल सकदा है। झूठीआं तारीफ़ां ते सच्ची विदाइगी दे विचाले सफ़र बारे सोचां तां बच्चे वी पहड़ गए, घर वी बण गिआ ते सज्जी खब्बी कबीलदारी वी नजिठ्ठी गई ते बीवी अजे वी चिचड़ी वांग मेरे नाल ही लमकी फिरदी है। रिटाइरमैंट दी नां कोई नूरी खुशी नां कोई झुलसिआ गम, बस फरीज़ड टरकी वांग मेरे हत्थ विच्च कुझ्झ फड़िआ होइआ सी पर जिसम दे अंदर दिल नाम दे भुलेखे नाल रूह वाला पासा इक्क सकून नाल जरूर रजिआ होइआ सी। रूह नूं मतवाली पहिचान हो गई सी। दिल तां कबजा भालदा है ते कबजे कदे वी शरीफ़ नहीं हुंदे।
किसे दी भटकण दूर करन लई मेरीआं कोशिसां, कुझ्झ कर सकीआं जां नहीं पर मेरी आपणी खुरचण नें मेरी आपणी भटकण ते बूर जरूर लिआंदा है। उमरां दीआं पौड़ीआं चड़दिआं मेरे आपणे अंदरले मुंडे दीआं लगामां नूं नकेल जरूर पई है।
मेरी उमर उदों मसीं पंताली साल सी ते मेरे अंदरले मुंडे दी उमर अठारां साल जदों उह साडी फैकटरी विच्च हाइर होई। इक्क हफ़ता पहिलां कंटरोल तों बाहर होए आरडरां नूं संभालण लई बोरड दी मीटिंग विच्च मैनूं हदाइत होई, कोई वी आवे हाइर कर लवो। वरकरां नूं कहो आपणे दोसतां नूं दसण। अोवर टाइम दी परवाह नां करो।
“मे आई कम इन?”
“यैस यैस” ते उह मेरे साहमणे आके बैठ गई। मैं उसनूं बैठण लई नहीं किहा सी फिर वी उह बैठ गई। इक्क यकीन नाल बैठी, उह मेरे हाव भावां दा कोई चित्तर बनाउण लग्ग पई। ऐसा मैं सोचदा हां शाइद उह ऐसा नां सोच रही होवे। ‘सोचण विच्च की पराबलम है?’ इही किहा सी किसे वकत हीरी नें।
“पराबलम ते कोई नहीं पर सोचण लई दिमाग चाहीदा है ते दिमाग कोल पता नहीं की की चाहीदा है। तेरे कोल दिमाग तां है पर दिमाग कोल ‘की की’ नहीं।”
“रहिण दिउ सरजी मेरे कोल बहुत कुझ्झ है, मैनूं दिमाग दी लोड़ ही नहीं।”
मैं उसदी ऐपलीकेशन आपणे हत्थ विच्च फड़ लई।
“टू दी पंवांइंट जुआब देणा है, हां जां नहीं विच, समझ गई?” मैं अफसरी दे आहला अंदाज़ विच्च ऐपलीकेशन तों धिआन चुक्कके उहदे वल्ल सरसरी वेखके किहा।
सरसरी नज़र नाल देखण वाली कोई डौल नहीं सी उह। काश मैं कालीआं ऐंनकां लाईआं हुंदीआं। नज़र दीआं ऐनकां नाल कित्थे तुसीं सारा कुझ्झ देख सकदे हो? गोल मटोल फुल्ल, तिख्खे तराशे बूटे, उच्चे नीवें पहाड़, पहाड़ां विचली सिल्ही सिल्ही डंडी, रेगिसतान विच्च आए तूफांन तों बाद वाली शाती नाल सुसताउंदी कक्की कक्की रेत कितों उच्ची कितों नीवीं पर हर पासिउं मुलाइम जिसनूं छोहण नूं दिल करदा है, सरदी रुत्ते पैंदी सभतों पहिली सनो जो किते खहि के कदे अड़ जांदी है जां अड़ण दा बहाना करदी है, इहनां सभनूं ऐनकां तों बगैर ही वेखणा बणदा है पर सोहबत तों बिनहां ऐनकां कित्थे खहिड़ा छडदीआं हन। मैं पौणा कु ही देख सकिआ, जिनहे दी इजाज़त सी।
ऐपलीकेशन वेखके मेरा कुझ्झ मखौल करन नूं जीअ कीता पर आपणे जीअ दा गला घुट्ट के इतना ही पुछ्छिआ। “मिसज़ गिल्ल, ऐजूकेशन?”
“जी बी.ए।”
जुआब हां जां नहीं विच्च दिउ। मैं डिगरीआं नहीं पुछ्छीआं।”
“जी यैस।”
“शिफ़ट वरक करोगे?”
“जी हां।
“कार है?”
“जी नहीं”
“यू आर हाइरड। मिसज़ हरी गिल।” मैं ऐपलीकेशन ते नोट लिखके परे रख्ख दित्ती।
“मुबारक।” मेरे अंदरले मुंडे नें हत्थ मिलाउंण लई अग्गे वधाइआ। हरी नें झकदे झकदे मेरे नाल हत्थ मिलाइआ। उस दिन मैं पंज मुंडे ते चार कुड़ीआं हाइर कीतीआं पर हत्थ मैं होर किसे नाल नहीं मिलाइआ। सारिआं नूं सेफटी शू लैके आउण दी ताकीद करके उहनां दीआं शिफटां अलाट कर दितीआं।
अगले दिन मैं कंम ते पंदरां मिंट पहिलां पहुंच गिआ। हरी इक्क दरशनी नौजवान नाल ऐंटरैस कोल खड़ी सी। इह फैसला करना औखा सी कि दोवां विचों जिआदा सोहणा कौण है। मैंनूं वेखके हंस मेरे कोल आ गए।
“इह मेर हसबैंड हन परमिंदर ते परमिंदर इह हन साडे फोरमैन गोपी जी।” हरी नें हलका जिहा मुसकरा के चेहरे दे खेड़े नूं सिवाइआ करदिआं किहा। मैं परमिंदर नाल हत्थ मिलाउंदिआं आपणे अंदरले मुंडे नूं छोटा छोटा महिसूस कीता। मेरी करड़ बरड़ फरैंच कट्ट दाड़ी विच्च मामूली जिही खुरक होई जिसनूं मैं नज़र अंदाज़ करना चाहिआ। बहुत कोशिश करन दे बावयूद वी मैनूं लुकवें ढंग नाल थोड़ी जिही खुरक करनी ही पई।
“जी हरी दा खिआल रख्खिउ। अजे हुणे ही इंडीआ तों आई है किते उधर नां जाए। मैं ते कहिंदा सी कंम नां कर, पड़ाई कर लै पर इहनूं कमाई करन दा चाअ चड़िआ है।”
“जी तुसीं फिकर नां करो, मेरी छोटी भैण वांग है। मैं उदास नहीं होण दिंदा।” मैं कुफ़र तोलदिआं परमिंदर दीआं सारीआं चिंतावां तों उसनूं मुकत कर दित्ता। हरी दीआं अख्खां विच्च वी निसचिंतता आ गई। उसदीआं भावनावां नाल मेरे वल तकदीआं गोल मटोल अख्खां, मैनूं होर वी सैकसी लग्गीआं।
“अज्ज तुहाडे सारिआं दे इन टाइम मैं हत्थ नाल लिखांगा। आऊट टाइम लई तुसीं दित्ते कारड आप सवाईप करने हन ते कल तों इन ते आऊट टाइम तुसीं आप करने हन।” मै सारिआं नूं सवाईप कारड फड़ाउंदिआं किहा। पहिली घंटी तों पहिलां इन कारड सवाईप होणा चाहीदा है। शिफट खतम होण वेले पहिली बैल होण ते ही वरक पलेस तों हिलणा है। पहिली ते दूसरी बैल दा विचकारला टाइम तुहाडी साफ़ सफाई दा है। जिंना चिर दूसरा उपरेटर आ नां जाए मशीन नूं उपरेट करना बंदा नहीं करना। खास करके करिसटल पलासटक ते ठंडा होण नूं वकत ही नहीं लाउंदा। बरेक टाइम ते तुहानूं रिलीवर रिलीव करेगा। बरेक टाइम कोई पक्का नहीं है। ऐंनी कुअसचन?” मैं सारा कुझ्झ समझा के आखरी गल्ल कही।
“हां ते कोशिस करो, वाशरूम नां जाणा पवे ते जे जरूरत पै ही जावे तां हैलप बटन नपो, कोई नां कोई तुहाडी सहाइता लई आ जाइगा।”
मैं कहि ते दिता पर हैलप दे नाम ते मेरे कोल सिरफ़ दो ही कामे सन। इक्क रीटा ते इक्क मारीआ। मारीआ ते भरोसेमंद सी, भंबीरी वांग घुंमदी रहिंदी। बरेक टाइम तों पहिलां ही पूरी तिआरी कर लैंदी पर रीटा पलांट मैनेजर नाल कुझ्झ जिआदा ही घुली मिली सी। कहिण नूं ते ज़ाहरा तौर ते कुझ्झ वी नहीं सी पर लोकीं मैनेजर दी किरपा द्रिशटी नूं होर ही तंद नाल बंनके आपणे सुआद दा मक्कू ठप्पदे रहिंदे। परोगरैस चारट बनाउण लई जे सज्जे हत्थ विच्च पैंन हुंदा ते खब्बे हत्थ विच्च लिपसटिक घुट्टी रखदी। उसनूं मशींन ते उपरेटर लाउणा मेरे वस्स विच्च नहीं सी। पता नहीं सवेरे सवेरे उठ्ठके इतना मेकअप्प किसतरां कर लैंदी? समझ ते इह वी नहीं आउंदी कि इतना हसूं हसूं करदी दा डाइवोरस किसतरां हो गिआ। आपणे होए ते बीत रहे डाइवोरस दा उसनूं भोरा वी अफसोस नहीं सी। यारां साल दे मुंडे दा उसनूं कोई खिआल नहीं सी। पता नहीं चार साल विच्च उसदीआं अख्खां इतनीआं छोटीआं किवें हो गईआं? शाइद दूर तक्क देखण दी तमंना ही नहीं सी रही उसदी। बरेकां दिंदी इसतरहां विहार करदी जिवें उनहां ते अहिसान कर रही होवे। पर इक्क फाइदा वी सी उहदा रिलीव कीता उपरेटर कदे वी लेट नहीं सी हो सकदा।
उस दिन मख्खण सिंघ मटीरिअल हैंडलर छुटी ते सी। फरैंक मकैनिक मख्खण सिंघ दी जौब करन लग्ग पिआ ते मै फरैंक दी जगहा मोलड चेंज करन विच्च रुझ्झ गिआ। मशींन नंबर सत्त दा मोलड चेंज करके मैं मशीन चालू कर दित्ती। सत सौ पीस पूरे करन तों बाद मशीन नंबर पंज दा मोलड वी चेंज करना सी जित्थे हरी कंम कर रही सी। सत सौ पीस बनण नूं अजे दो घंटे लगणे सन।
मोलड चेंज करन लगिआं मैं हरी नूं किहा, “हीरी, आ ज़रा लौंग नोज़ पलाइर फड़ाईं। इक्क फीमेल पीस मोलड विच्च फसिआ पिआ है। मेल पीस कदे वी मोलड विच्च नहीं फसदे।” मेरी गुट्टरगूं नूं सुणके हरी नें हैरानी नाल मेरे वल्ल वेखिआ ते पलाइर फड़ा दित्ता। मैनूं पता सी हरी नूं हीरी दा नाम देणा किसे मैसज़ दा संकेत है पर इह मैं जाण बुझ्झ के नहीं किहा सी। पता नहीं किसतरहां कहि हो गिआ। पर हरी अजे शशोपंज विच्च ही सी। उह की सोचदी सी जां सोचदी वी सी जां नहीं। मैं इह सोचदिआं मोलड दे नट्ट खोल रिहा सी।
आखरी नट खोलण लगिआं मैं हीरी वल वेखिआ। हरी मेरे वल वेख रही सी। मैं आपणे मोटे शीशे वालीआं ऐनकां लाह लईआं। शाइद इह सोचके कि मेरीआं नंगीआं अख्खां दे सच्च दी इक्क झलक हरी वी वेख लवे ते जंमी होई बरफ़ दा इक्क तुपका अछोपले जिहे उस फ़रश ते डिग पवे जिस ते कुझ्झ ही दूरी ते हीरी आपणे पैरां उत्ते खलोती होई सी। हरी दे पैर भारे सेफ़टी शू विच्च कैद सन। उह शू जो उसनूं उसदे पती परमेशर नें खरीदके दित्ते होए सन। सेफटी शूज़ नें हरी दा सारा समान चुक्किआ होइआ सी। उसदा सारा समान सलीके नाल सजिआ होइआ सी। सजावट विच्च कोई बनावट नहीं सी। हर चीज़ आपणी पूरी ठुक्क नाल थां टिकाणे सी। ठाठां मारदे ज़ोबन दे शोर विच्च जे कोई गइब वसतू सी तां उह सन उसदे निक्के निक्के सुपने। सोने चांदी दी कोई वी चीज़ उसदे हत्थां कंनां विच्च नहीं सी। उसदीआं अख्खां दी सुलझण किसे तलाश विच्च दिसदी सी। इंझ लगदा सी कि उह आपणी रूह दी खुशबो नूं ढूंडदी, आपणे ही सिरजे संसार दा निघ्घ मानण तों वांझी इक्क पलासटिक डौल वांग तुरी फिरदी है।
हो सकदा है इह मेरा वहिम ही होवे जां इह वी हो सकदा है कि मैं ही इह चाहुंदा होवां कि ऐसा ही होवे। इह निघ्घ तां बचपन हुंढाउंदा है। इह निघ्घ तां हौली हौली गरमाउंदा है। इह निघ तां कुझ्झ तलाशदा है। इस तलाश दे सरोकार ही हरी नूं हीरी बणाउंदे हन। मेरीआं बार बार तिलकदीआं अख्खां नें हीरी दी विहूणी नज़र पहड़न दी कोशिश कीती। मैं धोखा खा गिआ, सारा कुझ्झ भार रहित नहीं हुंदा ते मैंनूं पता ही नहीं लग्गा कदों दो सौ किलो दा मोलड आपणीआं रोकां टोकां तों खिसकके मेरे पैरां ते डिग पिआ। इक्क जोरदार अवाज़ नाल मेरी चीक वी रल गई। सेफ़टी शू मिधदा होइआ भारा मोलड मेरे पैर दीआं दो उंगलां नूं वी मिध गिआ।
मेरे कंनां नें हरी दी चीक सुणी। इह चीक कोई ओपरी नहीं सी, आपणी सी। उसदीआं मोटीआं गोल मटोल अख्खां विच्च इक्कदम तैरे अथरू वेखके मेरे अंदर इक्क भंनतोड़ होई। इस भंनतोड़ नूं मैं अहिसास दा नाम नहीं दे सकदा। तरेलीउ तरेली होइआ पीला भूक चेहरा, इक्कली पीड़ नाल ही भरिआ होइआ नहीं सी। खून नाल लत्थपत्थ मेरे बूटां दे तसमें हरी खहोल रही सी। इक्क निघ्घ, निरविघन मेरी रूह नूं छोह रिहा सी। रूह दी हूक नूं जलदी जलदी कोई नाम दित्ता वी नहीं जा सकदा। इह तां इनसानीअत दी इक्क गलवकड़ी सी। जिस दा मेरे अंदरले मुंडे नाल कोई लैणा देणा नहीं सी। हरी नें भजके पाणी दा गलास लिआंदा। मैनजमैंट दी भीड़ नूं धुस नाल चीरदी हरी, इस काइनात दी मालक लग्ग रही सी।
फैकटरी ते इसदे सिसटम नूं निगूणा समझदे होए उसने पाणी दा गलास मेरे मूंह नूं लगाइआ। मैं कदे कदे आपणी इक्कलता नाल गल्लां करदिआं सोचिआ करदा सी कि इनसान सारी ज़िंदगी विचरदा मां-बाप, भैण-भरा, परिवार समाज नाल रहिंदिआं इक्क वी इनसान दी कमाई नहीं करदा जिस नाल उह सारे दुख सुख सांझे कर सके। अपणे सारे पाप-पुंन सांझे कर सके। किसे नाल किसे गल्ल दा लको ते किसे नाल किसे होर गल्ल दा लको। शरमशार करन वालीआं गल्लां नूं सांझा करन लई वी कोई चाहीदा है। कोई मिलणा चाहीदा है। पर लाटरी निकलण दा चांस है पर ऐसा सुखराब मिलण दा कोई चांस नहीं। सारी ज़िंदगी विच्च ऐसा निरछल्ल इनसान तां उह ही हो सकदा है जिस नाल तुहाडा कोई नाता नां होवे, तुहानूं छल्लण नाल उसदा कोई वी फाइदा जुड़िआ होइआ नां होवे। इह वी ते इक्क सत-सुपना है, तेरे दुध दे गलास विच्च मखणां मैं रल जावां खंड बणके। नाते तां परदा भालदे हन। उह तुहाडी मां नां होवे पतनी तां बिलकुल नां होवे इथों तक्क कि तुहाडा दोसत वी नां होवे। कनफ़ैशन नूं समझण वाला कोई सिआणा वी नां होवे। इथों तक्क कि बंदे दा बणाइआ रब्ब वी नां होवे। रब्ब तां तुहाडी कही होई गल्ल नूं कनफ़ैशन समझके, कोई रूप दे देवेगा। इक्को ही सदाचारी खिड़की खोलेगा। आपणे प्रछांवें विच्च लैके तुहाडी धुप्प खोह लवेगा। बंदे दा सिरजिआ कंमपिऊटरी-रब्ब, सच्च कदों बोलदा है? रब्ब तां इनसान दे पिछ्छे ही पिआ रहिंदा है। उह कदों खुशबोआं दी गल्ल करन दिंदा है? पर रब वी की करे, सवीकारे रब विच्च असीं खुशबो बीजदे ही कदों हां?
ऐमबूलैंस विच्च सटरेचर ते सुआर हुंदिआं अथाह पीड़ नूं सहारदिआं, हीरी दीआं अख्खां विचली नमीं नें इक्क वखरे अंदाज़ तों सोचण लई मजबूर कर दित्ता।
दो महीने दीआं छुटीआं, बस मौजां ही मौजां। कोई फ़िकर नहीं, कोई परोडकशन, कोई परोगरैस चारट, कोई सवेरे उठ्ठण दी काहल नहीं बस थोड़ा जिहा लंगड़ाउणा ते औखे जिहे होके बैठणा ते लेटणा। इह ते कुझ्झ वी नहीं सी। बस थोड़ी जिही तकलीफ़ टाइलट ते बैठण लगिआं ज़िआदा हुंदी सी, फ़िर वी मैं खुश सी। फैकटरी वालिआं इहनां दो महीनिआं विच्च मेरी जगहा रीटा नूं दे दिती। रीटा दे मेकअप्प दा खरचा वध गिआ ते वरकर डाहढे औखे हो गए।
इक्क दिन डोर-बैल होई। मैं लत्तां घड़ीस के आपणीआं फौड़ीआं चुक्कीआं ते दरवाज़ा खोलिआ। हरी ते परमिंदर बाहर खड़े सन।
“सति स्री अकाल भाज़ी।” हरी नें किहा, ते परमिंदर नें मेरे नाल हत्थ मिलाइआ। इधर उधर दीआं गल्लां मारके, हीरी रसोई विच्च चाह बनाउण चले गई। चाह पीदिंआं असीं तिंना नें रज्ज के चुगली निंदा कीती। खास तौर ते रीटा दी ते तहि ही ला दित्ती। परमिंदर अज्जकल दो जौबां कर रिहा सी। सत्ते दिन कंम करदे परमिंदर दे आपणे मनसूबे सन ते इनहां मनसूबिआं विचों हरी गाइब सी। हरी दीआं कीतीआं गल्लां विच्च ऊणपुणे दी भरपूरता सी। मैनूं महिसूस होइआ जो मैं सोचदा सी उह मेरे चेतिआं दी निरीपूरी गप्प नहीं सी उह कोई मेरा निज्ज वी नहीं सी। इह इक्क होर होणी दे मुसाफर सन। हरी, परमिंदर दे सोचे जा रहे पैसे नाल भुरन वाली शैअ नहीं सी। उह इक्क दूजे दा हुंगारा भरदे हसदे वी सन। इक्क दूजे नाल भिज्जे होए वी सन बिलकुल उसतरां जिवें महिंगे सूट नाल महिंगी टाई लाई होवे पर उह सूट नाल मैच नां करदी होवे जां करदी वी होवे तां उह मैच करदी लग्गे नां। हलवाई दे दुध्ध दे कड़ाहे वांग। मोटी मलाई वख्खरी ते पतला दुध्ध वखरा। बड़ी ही सौखी तरहां बिनहां दुध्ध नूं तकलीफ़ दितिआं जदों मरज़ी मलाई ला लवो। मैं वी उनहां दे महिंगे कपड़िआं तों प्रभावित नहीं सी, हां मलाई दी होर गल्ल है। गोलगप्पे विच्च पाई कांजी जे गोलगपे नूं तोड़ वी देवे तां वी उसदा सुआद नहीं गुआचदा पर इत्थे तां कांजी वधीआं बोतलां विच्च पाई होई सी। इह गल्लां उदों ते मैंनूं ऐवें कैवें ही लगीआं ऐवें आपणे ही खिआलां दा फतूर पर वकत बीतण नाल इह गल्ल नितर गई कि मेरे खिआलां विच्च ऐवें ही फिरी तार जिही गलत नहीं सी। परमिंदर हद्द दरजे दा वसतूवादी सी।
घंटा कु बैठके उह मेरा फोन नंबर लैके चले गए। उनहां दे जाण तों बाअद मैं सोफे दी गद्दी दे थल्ले पई मधोली, अध्धपड़ी अखबारी अपराध कथा नूं दुबारा पड़ण लग्ग पिआ। सुनीता आपणे निआणिआं नूं छड्डके आपणे प्रेमी नाल दौड़ चुक्की सी। अध्धे कु सफ़े बाअद ही उह दुखी होके निआणे याद करन लग्ग पई। अंत विच्च उहो कुझ्झ होइआ जो मैं सोचिआ सी। अखबार परहे रख्खके मैं सोचणा शुरू कीता कि मैं ऐसा किउं सोचिआ सी जो कहाणी दे अंत विच्च होइआ है। इस अंत तों सुनीता किवें बच सकदी सी। सुनीता ही किउं मैं इस अंत तों वखरा किउं कुझ्झ होर तसवर नहीं कर सकदा सी? इस वखरे सोचण दे ढंग बारे सोचदिआं, इह हरी दा चेहरा किउं धुंधला धुंदला मेरे ज़हिन विच्च चक्कर कट्ट रिहा है?
अगले दिन लंघे वाह ढिझकूं ढिझकूं करदिआं, मैं चाह बणाके हटिआ ही सी जदों फोन दी घंटी वज्जी।
फोन ते हरी सी, “गोपी भाज़ी की हाल है तुहाडा?” मेरे तों वीह साल छोटी हरी, मैनूं आपणे हाण दी जापी।
“बस ठीक है, तेरे फोन आए तों इहो सोचदा हां कि काश दस साल बाअद जंमिआ हुंदा।”
“नां भला इह की गल्ल होई।” हरी दा हासा छणकिआ।
“जां फिर तूं दस साल पहिलां जंमी हुंदी।” मैं पूरे विशवाश नाल किहा।
“किउं इसतरहां किउं हुंदा?”
“फेर तैनूं भाज़ी नां कहिणा पैंदा।” उह बोली ते कुझ्झ नहीं पर हसण लग्ग पई। उसदे हासे नें कोई सुआल खड़ा कर दित्ता। उसदे हस्से सुआल दा, मेरे कोल कोई घड़िआ घड़ाइआ जुआब नहीं सी पर इक्क गल्ल पक्की है कि मैं पज़ैसिवनैस महिसूसिआ नहीं। इक्क तलाश दी डगर ते पहिला कदम धरिआ लगिआ।
“भाज़ी शबद विच्च इक्क वलगण है। इक्क लिमट, बस्स इक्क हद्द तक्क ते उसतों बाअद तुहाडा धरम खतरे विच। की तूं नहीं चाहुंदी इस लिमट नूं अनलिमटिड कर दित्ता जावे जां तैनूं मेरे ते विशवाश नहीं?” हरी फोन ते फेर हस्स पई।
“नां हसदी किउं हैं?” मैं पौड़ी दे दूसरे डंडे ते पैर धरदिआं किहा।
“मैं आ रही हां तुहाडे कोल। अज्ज तों बाद हर शाम तुहाडी रोटी लैके आइआ करांगी जिनहां चिर भाबी जी नहीं इंडीआ तों मुड़दे।”
“इस विच्च खेचल काहदी। दो रोटीआं थपण विच्च काहदी तकलीफ़। बस सर ऐवें तुसीं मज़ाक करदे हो। इस करके हसदी हां।” काफ़ी टेबल ते खाणा लगाके उह सोफे ते बैठ गई। उसने भाज़ी दी बजाए मैनूं सर किहा।
“मैं मज़ाक नहीं कर रिहा। मज़ाक तां इह हुंदा जे मैं कहिंदा कि हीरी रोटी नहीं मैनूं भत्ता चाहीदा है। मैं तां ज़िंदगी नाल गल्लां कर रिहा हां।” हरी चुप्प हो गई, सिरफ़ कुझ्झ होर सुणन लई।
“तेरी इकागरता दा की जुआब दिआं। बस्स तेरीआं अख्खां विचली उदासी वेखी है। तूं ज़िंदगी तों खुश नहीं हैं। इतनी सुआद रोटी, इतनी सोहणी कुड़ी ते इतनीआं विरान अख्खां! मेरी ज़िंदगी मौत दे पल विच्च तेरे पाणी दे गलास नें मूंहों बोलके किहा है कि मैं तेरा खेड़ा चाहां। बस इतनी कु ही गल्ल है, मेरे दोसत।”
“मैं डरदी हां सर।” हरी दे बोल भिज्जे होए सन।
“भाज़ी नालों सर चंगा पर जे तूं चाहें तां सर कहिणा वी छड्ड सकदी हैं। मैनूं खुशी होवेगी।”
“की कहां?” हरी दे भिज्जे होए बोल कुझ्झ निखर रहे सन।
“मैं नहीं कहिंदा मैनूं डारलिंग कहि पर कोई हरज़ वी नहीं पर उह ते तेरा परमिंदर है ही। बस विच्च विचाले कुझ्झ कहि लै।”
“तुसीं ही दसो, की कहां?” हरी चांबली जिही कहि रही सी।
“मैनूं नहीं पता। जो मरज़ी कहि, पर नां भाज़ी नां सर। कुझ्झ आपणा जिहा। पराएपन तों बगैर। कुझ्झ वी, कोई वी नाम, दोसत, मित्तर, सहेली, दुशमण, बदमाश। बस मैं तां चाहुंना मेरे पैर दी पीड़ नूं महिसूसण वाली मैनूं पजैसिव नां समझे। सिरफ आपणा समझे।”
“अोके अोके दोसत जी, मैं कल नूं दुपिहरे फोन करके दसांगी कि की किहा जावे तुहानूं।” हरी नें भांडे ढींडे संभाल के थांउं थांई टिका दित्ते ते चले गई।
हर शाम खाणा लैके आउंदी हरी जिवें इस छोटे जिहे लिव-रूम दा हिस्सा बण गई। लांडरी करदी वैकिऊम करदी मेरे आसे-पासे फिरदी, निक्कीआं निक्कीआं गल्लां करदी, मेरे लई कितने ही सुआल छड्ड जांदी। उसदा हर सुआल मेरे लई इमतिहान हुंदा। किते नां किते मैं परेशान ज़रूर सी। कोई ते गल्ल सी जो साडे विच्च विचाले सांझी नहीं सी। उसदा कोई वी वाक मेरे तक्क निरविघन नहीं पहुंचदा सी। उसदी कोई वी गल्ल, मेरी सोच नूं होर ही पासे लै जांदी। किसे वी गल्ल दा सिध्धा पासा मेरे लई मुसीबत बणदा जा रिहा सी। उसदे कहे शबदां दे की मतलब हन, उनहां अरथां दा मैं की जुआब देणा है? हौली हौली मैं महिसूस करन लग्ग पिआ कि इह डर मेरा आपणा है। मेरा ही निज्ज, रुकावट है। मैं होर वी सतरक हो गिआ। आपणे पाणीआं नूं निरमल करन दे मेरे उपराले, धरती दे हाणदे होण लग्गे। निक्के निक्के हासे, छोटे छोटे लतीफे सुणन सुनाउण तों बाअद हरी नूं महिसूस हो गिआ कि मैं हारमलैस जीव हां। औरत ते घड़ा लैण लगिआं वी टणकाके वेखदी है पर हरी नें मैनूं टणकाउंण विच्च कुझ्झ ज़िआदा ही वकत लै लिआ जां इह समझ लवो कि मेरे ही घड़े दा संगीत लैअ विच्च आउण लगिआं कुझ्झ समां लै गिआ। गल्लां सुणदी, गहिर गंभीर वी हो जांदी पर परनाला उत्थे दा उत्थे, इक्क गुठ्ठे जिहे। फिर इक्क दिन मेरी कही गल्ल नें उसदा टणकाउंणा समापत कर दित्ता।
हरी नें फोन करके मैनूं टिम हारटन सदिआ सी। कहिण लग्गी, “गोपी जी हमने पंज नंबर मशीन ते कंम नहीं करना मै नहीं होर सीमा नाल कंम कर सकदी। उह निरीपुरी गुआर है।” सीमा ते हरी दे हमेशां सिंग फ़से रहिंदे। कदे कदे गल्ल वध वी जांदी।
मैं किहा, “पता हरी तुहाडे दोवां दी लड़ाई विच्च कसूर किसदा है?”
“किसदा?”
“तेरा, सौ फी सदी तेरा। तूं उसनूं बदलना चाहुंदी हैं। तेरे दिमाग विच्च किते नां किते इह गल्ल बैठी है कि उह तेरे वांग सोचे, तेरी सोच वांग विहार करे। तेरे वांग उठ्ठे बैठे। तूं इह किउं नहीं सोचदी कि इह तेरे वस विच्च नहीं ते तेरा इह कंम वी नहीं। इनसान नूं समुच्च विच्च लैणा चाहीदा है। जसट इन टोटैलिटी। अध्ध पचध्धा नहीं। उह आपणीआं आदतां नाल आपणे टब्बर नाल जी रही है, बच्चे पाल रही है, समाज विच्च विचर रही है ते विचरन दे। उहदे इरादे बदलण दी तैनूं की जरूरत है। तूं उहदी गाईड बणन दी कोशिश नां कर। जिस दिन तेरा गाईड बणन दा इरादा बदल गिआ तुहाडी लड़ाई ख़तम हो जाइगी, तेरा कंम अडजसट करना है।”
उहदों ही फ़ोन दी घंटी वज्जी। हरी नें फोन खोल के हैलो किहा। “हां मैं टिम हारटन हां, काफी पीण गोपी भाज़ी नाल। मैं पहुंच जावांगी।” हरी नें फोन फोलड करके परस विच्च पा लिआ।
“कीहदा फोन सी?”
“परमिंदर दा।” इक्क वारी तां मैं थिड़क गिआ, सोचिआ की सोचदा होवेगा?
“हां ते तुसीं जो किहा उहो ठीक है। हुण मेरी समझ विच्च आ गिआ है सर जी। सीमा नाल मैं हुण नहीं लड़दी सर जी।”
“बस इतनी ही गल्ल है।” मैं आपणी गल्ल दी तामीर नपवा के खुश होइआ।
“पर की तुसीं वी कदे मैनूं बदलण दी कोशिश कर सकदे हो?”
“हरगिज़ नहीं। मैं समुच्च विच्च विशवाश रख्खदा हां।”
“पर तुहाडे समुच्चे विशवाश दा पुठ्ठा पासा वी ते हो सकदा है।”
“गल्ल सिध्धे जां पुठ्ठे दी नहीं। गल्ल दोसती दी है। हरी दी दोसती दी।”
“ते जे हरी ते दोसती दो गल्लां होण?”
“फिर वी नहीं।”
“सोच लवो।”
“हरी इक्क गल्ल दसां, कदे कदे मैनूं लगदा है तूं जितनी सोहणी हैं उतनी सिआणी नहीं। पर मैंनूं सिआणप नाल कोई सरोकार नहीं। मैनूं ते दोसती नाल मतलब है ते जिसदा नाम हरी है। दरअसल दोसती विच्च सिआणप होणी ही नहीं चाहीदी।”
“कदे सोहणी कदे मोहणी, तुसीं दोसती दी आड़ विच्च किते पजैसिव ते नहीं हुंदे जा रहे?”
“पजैसिव होके मैंनूं की मिलेगा? वध तों वध इक्क पप्पी जां दो जां तिंन। तिंन चुंमीआं पिछ्छे मैं आपणा दोसत ते नहीं गुवाउण लग्गा।”
“वारे वारे जाईए तुहाडे इशारिआं दे।”
“वारे वारे जाउ मैं कदों मनहां करदा हां। बहुत गुणी गिआनी, रुड़े गड़े वी इस पजैसिवपुणे तों मुकत नहीं हन। कहिण नूं ते जो मरज़ी कहि लवो पर नबेड़े तां जाच नाल ही हुंदे हन। नच्चण दा चज्ज होवे तां ही संगीत दी इज़त हुंदी है। इक्क करैकटर दी गल्ल तैनूं सुणाउंदा हां।
उह भलामाणस औरत दी इज़त ही नहीं करदा बलकि औरतां ते होण वाले इनविज़िबल ज़ुलमां दीआं कहाणीआं वी पाउंदा है। गिआनवान है। औरतज़ात दीआं नाइकावां दीआं कितनीआं ही उदाहरणां हन जो पती दे साए विच्च रहिके नढ्ढीआं ही रहिंदीआं हन वडीआं नहीं हुंदीआं। पती दे साए तों बाहर आके सोच वी नहीं सकदीआं। आपणे मरद दी इज़त करदीआं करदीआं आपणा वखरा सरूप ही गुआ बैठदीआं हन। साडे घर बैठिआं औरतां इक्कठीआं होके माल नूं गईआं पर इक्क नहीं गई जो नहीं गई उह मुक्कत सी आपणे आप तों। आपणे नाम तों अनजाण उह सिरफ़ मिसिज़ सी। परमेशर नें रोटी तों बाअद दो वज़े चाह पीणी सी। कोई दुवाई दवूई खाणी सी। बेवकूफ तों बेवकूफ़ बंदा वी चाह बनाउंण वरगा नखिध कंम कर सकदा है। जो चाह वी नहीं बणा सकदा उसनूं ते विआह वी नहीं करवाउंणा चाहीदा। पर उहनां दे पिआर दी इंतहा शाहजहान-मुमताज़ दे इशक नूं मात पा रही सी।”
“सर जी, गुसताखी मुआफ़ तुहाडी गल्ल टोकी इह पिआर ते इशक विच्च फ़रक की हुंदा है?”
“जदों पिआर नूं बुखार चहड़ जाए। तापमान वसों बाहर जो जाए। नज़र कंमजोर हो जाए ते उहो कुझ्झ दिसे जिसनूं देखण लई दिल करे।”
“इह की गल्ल होई भला, हमने नहीं समझी?”
“बस्स इहो ते गल्ल है। सभ कुझ्झ जाणदिआं बुझदिआं वी सच्च नहीं बोलदे। कबज़े नूं ही इशक दा नाम देई जांदे हन। बुले नें वी इशक कीता सी। उसदा इशक सारे जाणदे हन। कौण लाट दी अख्ख विच्च अख्ख पावे। झूठ बोले कऊआ काटे … पर इह झूठ बोलदे कदों हन? इहनां दी दलील दी खिड़की होर हुंदी है। इहनां कोल हजारां खिड़कीआं हुंदीआं हन। जिस खिड़की विचों ठंडी हवा आए, उहो सच्च।” झूठ बोलण दी लोड़ तां सच्चे आदमी नूं हुंदी है। झूठ तां उह हुंदा है जिसदा पता होवे कि उह झूठ है जिसदा पता नहीं उह सभ सच्च है।”
“पर इस झूठ सच्च दा नितारा किते तां नित्तरता ही होऊ?” हीरी नें आपणी चीची दे नौंह नूं दंदां थल्ले दबदिआं किहा।
“इस करके तां मैं तैनूं कहिनै मिलदी रिहा कर।”
“चलो छड्डो परां, मेरे मिलण जां नां मिलण दी गल्ल, तुसीं शाहजहान बारे कुझ्झ कहि रहे सी।”
“हां ते मैं किहा सी कि शाहजहान नूं चाह बनाउंणी नहीं आउंदी सी।”
“नहीं नहीं गोपी जी, तुसीं भुलदे हो। तुसीं किहा सी कि शाहजहान नखिध सी। हमने आप इनहां गुनाहगार कंनां नाल सुणिआ है।”
“नहीं शाहजहान नखिध नहीं सी। जे उह इतना ही निंकमा हुंदा तां बादशाह किवें बणदा। मेरा नहीं खिआल उहने कदे वी आपणी मुमताज़ नूं हुकम करके किहा होवे, एह जी सोहणिउ, मैनूं दो वज़े चाह चाहीदी है। ढाई वज़े मैं दरबार लाउंणा है। इह ते मकबरा ही ऐसा बणाउंदे हन जो सोहणा लग्गे। मकबरा किसतरहां बणिआ, उस मकबरे विच्च मुमताज़ दीआं कितनीआं खाहिशां दफ़न हन? इसदा हिसाब उहनां किसे नूं नहीं देणा, नां मुमताज़ नूं ते नां परजा नूं। असल विच्च हकूमत करदिआं, इह हिसाब उहनां नूं खुद वी पता नहीं हुंदा।”
“इह सर जी, कमाल दी गल्ल कीती तुसीं, दिल करदा हमरी उमर तुहाडे जितनी हो जाए।”
“फ़िर की होऊ?”
“इह ते जी बाबिओ पता नहीं पर सोचण विच्च की पराबलम है।”
“इह हरी, तेरा परमिंदर किसतरहां दा है? शाहजहान वरगा जां थोड़ा घट्ट-वध?”
“बहुत चंगा है, दोसत है, मेरे सरीर दा मालक है। मेरे ते यकीन करदा है। कदे वी दो वज़े चाह नहीं मंगदा।”
रात दे दो वज़े वी नहीं?”
“नहीं, रात दे दो वज़े वी नहीं।” हरी नें बहुत ही गंभीर होके किहा। उसदी अवाज़ विच्च कहिरां दी उदासी सी। ऐसी उदासी जो उसदीआं अख्खां विच्च तलाश बणके सारे संसार दी खोज़ कर रही सी।
“फिर ते माड़ी गल्ल है।” मैं आपणे शबदां बारे सोचण लई मजबूर हो गिआ। ऐसी उदासी नूं कोई वी अणतुलिआ शबद बेमेच हो सकदा सी।
“माड़ी वरगी माड़ी, मैं ते चाहुंदी हां उह मेरे तों चाह मंगे। रोटी मंगे, मैनूं कहे मेरे बूट पालिश कर। मैनूं कहे मेरे पैरां दे नोंह कट्ट जां कहे जदों तक्क मैं कपड़े पावां बाहर जाके कार सटारट कर। कार दी सनो साफ़ करन दे बहाने मैं उसदा कार विच्च पाइआ गंद वी साफ करां। शाम नूं आके, साफ कार दी गाथा पाउंदा उह मेरा मूंह चुंमे। अगले दिन मैनूं फिर उस चुंमी दी इंतज़ार होवे। इस चुंमी दी खातर मैं उसदा घाह कट्टां। मैं भला आपणा समझके घाह किउं कटां? मैं तां चाहुंदी हां, मैं तां चाहुंदी हां जदों उह शराब पीवे मेरे कोलों आईस मंगे। कदे कदे गुस्से विच्च आके नशे दे लोर विच्च मेरे थप्पड़ मारे। फिर सवेरे उठ्ठके मेरे कोलों मुआफी मंगे।” हरी गल्लां करदी करदी भावक होके रोण लग्ग पई।
मेरी समझ विच्च कुझ्झ नहीं आ रिहा सी। असीं दोवें दोसत नदी दे दो किनारिआं वांग बैठे सां। मैं आपणी ही गल्ल नूं उलटाउंणा नहीं चाहुंदा सी। दोसत नूं बदलण दी कोशिश नैतिकता नहीं सी। जिहनां मकबरिआं दीआं गल्लां करके मैं हरी नूं खुश करन दा भरम पाल रिहा सी हरी तां उहनां ही मकबरिआं विच्च दफन होण विच्च आपणी खुशी भाल रही सी। मकबरे दे भोरे विच्च जाण वालीआं पौड़ीआं दी तलाश करदी कुड़ी दा भूत, नंग मनंगा सी जां उसने किसे तरां दा कोई महिंगा लिबास पाइआ होइआ सी। मैं उठ्ठणा ही बेहतर जाणिआं।
घर आके मैं डूंघी सोच विच्च पै गिआ। मैं ठीक सी जां हरी ठीक सी जां असीं दोवें ठीक सां? मैं हरी दे विचारां नूं फिर घोखणा शुरू कीता। गल्लां विच्च लईआं खुलां नूं नापिआ पर मेरे हत्थ पल्ले कुझ्झ नां पिआ। हरी दीआं परतां विच्च पई जुआलामुखी विच्च किहड़ी अग्ग सी। उस अग्ग दा सेक किहो जिहा भोज़न चाहुंदा है? कितने ही सुआलां नें मैनूं घेर लिआ।
इहनां सुआलां विच्च घिरे, मैनूं हरी दे अंग मगदे दिसण लग्गे। मैनूं पता ही नहीं चलिआ कदों मेरे खिआलां विच्च हरी दा सरीर अंगड़ाई लैण लग्गा। मेरे अंदर बैठा मुंडा जाग रिहा सी। उसदीआं मारीआं कूहणीआं मैनूं सुणाई देण लग्गीआं। ‘हरी नूं मरद चाहीदा है कमलिआ, मेरे मुंडे नें ललकारा मारिआ। मौका नां गवा। औरत सदा तों मधोल होणा पसंद करदी आई है। इहो हरी दी बिमारी है। करदे उहदा इलाज। होर हर मौके भज्जी काहतों आउंदी है?’ मेरे अंदरले मूरछित बिछ्छू, डंग मार मार मैनूं बेहाल कर रहे सन।
‘नहीं इह ठीक नहीं मेरे आपणे वी कुझ्झ वेग हन कि नहीं। चल छड्ड इहनां वेगां वूगां नूं, टोह के ते वेख।’ मेरा अ