‘वाहवा तेरीआं कुदरतां, तूं डाढा बेप्रवाह’। जथेदार मान सिंघ हंभो इह शबद सहिवन ही गुण-गुणाउंदे हुंदे सी। शाम सवेरे। परहे `च गल्लां करदिआं। बोहड़ां हेठ जुड़े इकठ्ठां विच्च। असमान ते धरती दे दिसहद्दिआं नूं निहारदिआं। पंछीआं नूं दरख़तां `ते चहि-चहाउंदे तक्कदिआं। लोकां दे वचित्तर किस्से कहाणीआं ते समस्सिआवां सुणदिआं। गुरबाणी अते सिख्खी नाल उह मनो तनो अते धनो सारी उमर प्रणाए रहे। ‘बलिहारी कुदरति वस्सिआ, तेरा अंत नां जाई लखिआ’ तुक सिरजणहार नाल जोड़दी है। इह शबद उनहां दे रोम-रोम `च समाइआ होइआ सी।
जथेदार हंभो सांदल बार दे ज़िल्हे शेख़ूपुरा दे रहिण वाले सन। जथेदारी रवाइत अनुसार उह जथेदार हंभो करके ही प्रसिध्ध होए। सरदार प्रकाश सिंघ बादल, जथेदार गुरचरन सिंघ टौहड़ा ते जथेदार जगदेव सिंघ तलवंडी नाल कदे ज़िकर करीए तां उह झट्ट उनहां दीआं गल्लां करन लग्ग पैंदे हन। उह उनहां दी तिआग, कुरबानी अते दलेरी दी बड़ी कदर करदे हन। इक्क वारी जथेदार टौहड़ा साहिब नाल मैं आपणी जथेदार हंभो नाल रिशतेदारी दा हवाला दिंदिआं गल्ल कीती। उह कहिंदे, ‘उह साडे मोहरैल टकसाली आगूआं विच्चों सन। विरक तपे दे सच्चा सौदा जथे दे जथेदार सन। कथनी ते करनी दे सूरमे। निशकाम, सूझवान, धड़ल्लेदार ते दलेर आगू। जथेदार करतार सिंघ झब्बर दे निकट वरती उनहां दी सज्जी बांह हुंदे सन। इह गल्लां सुण मैनूं अंतां दा गौरव महिसूस हुंदा।
जथेदार मान सिंघ हंभो मेरी जीवन साथण दे नाना जी सन। उनहां दी धी, बीबी अवतार कौर, आम ही उनहां दीआं गल्लां करदे रहिंदे हन। एडी कीमती विरासत `ते कौण माण महिसूस नहीं करेगा। घर विच्च सुभावक ही उनहां दे सिआसी जीवन दीआं गल्लां छिड़्ड़ पैंदीआं हन।
वीहवीं सदी दा आरंभ पुनर-सुरजीती दी ठंढी-मिठ्ठी हवा चल्लण नाल होइआ। इस वातावरण नें सुत्ते भारतीआं अते निराशा विच्च डुब्बे गुरू नानक दे पैरोकारां नूं झंजोड़िआ, जगाइआ अते लामबंद कीता। जागी कौम विच्च नवां उतशाह ते जोश पैदा हो गिआ। इसे अमल विच्च चल्ली चेतंनता लहिर नें धरम ते देश दी आज़ादी लई जूझ मरन वाले मरजीवड़े पैदा कीते। जागरूक मर-जीवड़िआं नें नानक दे धरम नूं सरकार दे पिठ्ठू महंतां दी जकड़ `चों मुकत करवाइआ। गुरदुवारा लहिर नें जंगे आज़ादी विच्च लोहड़े दा जोश पैदा कर दित्ता।
गुरू नानक दी जनम भूमी सांदल बार दे पिंड फुल्लरवन, ज़िल्हा शेख़ूपुर, विखे इनहां दा जनम होइआ। उदों उनहीवीं सदी दा सत्तवां दहाका चल्ल रिहा सी। पिता सरदार अरूड़ सिंघ विरक नें बच्चे दा नांअ मान सिंघ रख्खिआ। इही बाल वड्डा हो के आपणी कुळ दा, सिख्खी अते देश दा माण बणिआ। होश संभालदिआं ही इनहां नें सिख्खी वल्ल तीबर रुची विखाई। उनही दिनीं भाई मूल सिंघ गरमूहला नें विरक तपे विच्च सिख्खी दा प्रचार आरंभिआ होइआ सी। मान सिंघ इस विच्च शामल हो गए।
संन 1906-07 विच्च पिंड सिख्खां वाली कड़याल दे नंबरदार बाबा वीर सिंघ दी प्रेरना ते उतशाह नाल पहिला वड्डा कारज परिवारक शुध्धी दा कीता। सरदार चंदा सिंघ भिंडर दी सुआणी इक्क मुसलिम परिवार `चों सी। उस दे परिवार नूं अंम्रित छकाइआ ते सिख्खी नाल जोड़िआ। इस शुध्धी कारज विच्च भाई मूल सिंघ दे नाल मान सिंघ वी शामल सन। अते इस तरहां सिख्खी दा प्रचार पूरे इलाके विच्च चल्ल पिआ। मान सिंघ भाई मूल सिंघ दे नाल ही गुरसिख्खी नाल रंगे गए अते इक्क अणथक्क प्रचारक बण गए।
आपणे परिवारक माहौल विच्चों मान सिंघ दा विशवाश बण गिआ सी कि गुरदुआरा इक्को समें गिआन सरोत सकूल, दवाखाना, विशराम घर अते इसत्रीआं दी इज़त-माण दा राखा हुंदा है। महंतां दी करतूतां दे किस्से आम सुणे जांदे सन। उह ननकाणे ते चूहड़काणे दे गुरदुआरिआं दे महंतां नूं घ्रिणा करन लग्ग पए सन। इनहां गुरदुआरिआं विच्च विभचार ते कुकरम हो रहे सन। साध संगत दी लुट्ट-खसुट्ट ते बीबीआं दी बेपती हुंदी सी।
उह पूरन सिंघ सन। रहिणी बहिणी, कथनी अते करनी दे सूरे, पुरातन सिख्खी दा नमूना। सारी ज़िंदगी काली दसतार सजाउंदे रहे। लंमा दाड़ा, चूड़ीदार पजामा अते काली शेरवानी नाल उह दूरों पहिचाणे जांदे। उनहां दा पूरा जीवन संघरश भरिआ रिहा। उह हर मोरचे विच्च मोहरे हो के जूझे। सच्चा सौदा बार दे अकाली जथिआं दी अगवाई गज्ज-वज्ज के कीती। उह अग्गे लग्ग कहिंदे, ‘खालसा जी! इह हीं जीवन दा ख़रा सौदा जे, वणज जे…करो ते गुरू दीआं खुशीआं माणो…।’
सभ तों पहिलां उनहां दा वाह दरबार साहिब दे तोशेखाने दीआं कुंजीआं दे मोरचे नाल पिआ। चहड़दी जवानी विच्च जदों मान सिंघ नूं पता लग्गा कि अंम्रितसर दा डी सी दरबार साहिब दे तोशेखाने दीआं कुंजीआं खोहके लै गिआ है, उह इह मानहानी बरदाशत नां कर सके। अंम्रितसर जा के उस मोरचे विच्च ग्रिफतारी दित्ती। मोरचा सर हो गिआ। चाबीआं वापस करनीआं पईआं। महातमा गांधी नें इस मोरचे दी जित्त नूं जंग-ए-आज़ादी दी पहिली जित्त दा नाम दित्ता। इस तों पिछ्छों चल्ल सो चल्ल। मान सिंघ लई हरएक मोरचा सिख्खी अणख लई चुणाउती अते देश दी आज़ादी दा अगला पड़ाअ बण गिआ।
जथेदार करतार सिंघ झब्बर दी अगवाई विच्च 6 मारच, 1921, नूं ननकाणा साहिब दे पंथक इकठ्ठ विच्च जथेदार हंभो इक्क वड्डे जथे नाल शामल होए। ननकाणा साहिब गुरदुआरे अंदर महंत नराइण दास हर किसम दी बदमाशी, गुंडागरदी करदा अते बीबीआं नूं बेपत्त करदा सी। उदों अति ही हो गई, जदों उस नें कुझ्झ सिंघां नूं तसीहे दित्ते अते जिऊंदे पुठ्ठे लटका साड़ना शुरू कर दित्ता। इस `ते झब्बर नें इलाके दे सिंघां नूं हथिआरबंद हो रातो रात चंदर कोट वाली झाळ `ते पहुंचण लई घोड़ीआं `ते सुनेहे भेज दित्ते। 21-2-1921 नूं जथिआं दे इकठ्ठ नूं दो-दो सौ दे गिआरां जथिआं विच्च वंड आप सीटी लै मूहरे खहड़ गिआ। इस तरहां संगठत जथे शसतरबंद लशकर दा रूप धार गए। जथेदार झब्बर लशकर दे कमांडर वांग मूहरे लग्ग तुरिआ। प्रसिध्ध सिख्ख सरदारां अते सरकार दे आळा अफ़सर वी फौज ते पुलीस लैके पहुंच गए। सथित्ती पूरे तणाअ विच्च सी। वड्डे खून-ख़राबे दा ख़तरा सी। सरकार नूं हारके ननकाणा साहिब दीआं चाबीआं जथेदार झब्बर नूं देणीआं पईआं अते महंतां नूं गुरदवारा छड्डणा पिआ। इस इतिहासिक मोरचे विच्च जथेदार मान सिंघ झब्बर दे नाल जुड़े मोहरीआं विच्चों सी।
इस पिछ्छों सच्चा सौदा बार तों 750 सिंघां दा इक्क वड्डा जथा लैके गुरू के बाग दे मोरचे विच्च शामल होए। इह मोरचा सोलां दिन चल्लिआ। इनहां दी अगवाई विच्च सिंघां नूं ग्रिफ़तार कर जेल्ह भेज दित्ता गिआ। पूरे रोह ते जोश विच्च संगत `चों आवाज़ां आईआं, “जथेदारो इह नां समझिओ कि तुसीं इक्कले ही चल्ले हो। पिछ्छों असीं, फिर साडे पुत्त ते पोतरे वी मगरे आए समझो। '' ग्रिफतार कीते जथे अटक जेल नूं गड्डी चहड़ा दित्ते गए। अग्गों पंजा साहिब दीआं संगतां नें सटेशन मासटर नूं जथे नूं लंगर छकाउण वासते गड्डी रोकण लई किहा। उस नें सरकारी हुकम दा हवाला दे मजबूरी प्रगट कीती। सिंघां नें गुरदुआरे जा के हुकम लिआ। हुकम सी: ‘तन मन धन सभ सउप गुर कउ हुकम मनीऐ पाईऐ''। ‘निशचे कर आपणी जीत करूं उचारदे’ सिंघ गड्डी अग्गे लेट गए। सिंघां नूं शहीद कर गड्डी रुक गई। संगतां नें `तेरा भाणा मीठै लागै’ उचारदे जथे नूं लंगर छकाइआ।
अटक सटेशन तों ग्रिफ़तार कीते जथे नूं पैदल जेल्ह कैंप विच्च लिजाणा सी। तुरे जा रहे जथे दे इक्क सिंघ नूं रोड़ी मारके इक्क पुलीस अफ़सर कहिण लग्गा, “जलदी-जलदी चलो…''। इस `ते सभ जथे उथे ही बैठ गए। अग्गे तुरन तों नांह कर दित्ती। पुलीस अफ़सर नें सिपाहीआं नूं सख़ती करन लई किहा। सिपाहीआं नें इनकार कर दित्ता अते किहा कि इह कैदी हन। जे भज्जण दी कोशिश करनगे तां फड़ांगे। मुसलमान डी ऐस्स पी नें अंगरेज़ ऐस्स पी नूं आखिआ, “अज़माइआं होइआं नूं होर की अज़माणा है। इनहां नाल कोई सख़ती नहीं चल्लणी।” ऐस पी उथों चला गिआ। डी ऐस्स पी दी निमर बेनती `ते जथा अटक कैंप जेल्ह लई तुर पिआ।
इस जेल्ह विच्च मान सिंघ नूं पंज साल कैद अते तिंन हज़ार रुपए जुरमाना कीता गिआ। पुठ्ठे लटका माफी मंगवाउणी लई ज़ोर पाइआ गिआ। उह तां कुरबानी अते सरिड़ दे पुतले सन। माफी किनहे मंगणी सी। कई किसम दे छड़यंतर वी रचे गए। नाटकी मारां दे परपंच रचे, चीकां सुणवाईआं। अफ़वाहां वी फैलाईआं कि जथेदार नें माफी मंग लई है। पर जेल्ह अधिकारीआं नूं सफ़लता नां मिली। अख़ीर अटक कैंप जेल्ह तों मुलतान सैंटरल जेल्ह विच्च बदल दित्ता गिआ जिथे हर इक्क नूं टाट-वरदी लाई जांदी सी अते 18-18 सेर अनाज पीहण वासते दित्ता जांदा सी।
जैतो दे मोरचे वासते जथेदार मान सिंघ हंभो 800 सिंघां दा जथा ननकाणा साहिब तों लैके चल्ले। अकाल तखत साहिब अंम्रितसर तों इस जथे विच्चों सिंघ लै लै के दूजिआं जथिआं नाल भेजे जाण लग्गे। जथेदार हंभो ननकाणा साहिब तों होर 500 सिंघां दा जथा लै के पैदल ही 45 दिनां विच्च जैतो पुज्जा। पुलीस नें रसते विच्च जथे नालों जथेदार नूं वख्ख करके जथे नूं गड्डी ते चहड़न लई किहा। जथा धरना मार के उथे ही बैठ गिआ। जिंना चिर साडा जथेदार साडे नाल गड्डी `ते नहीं चहड़दा असीं नहीं चहड़ांगे। अख़ीर पुलीस नूं झुक्कणा पिआ। ग्रिफ़तार करके जथे नूं नाभे भेज दित्ता गिआ। एथे जथेदार नूं कारखास (देसी रिआसतां विच्च इक्क ख़ास कैदखाना हुंदा सी जिथे दोशीआं नूं सखत कशट दित्ते जांदे सन तां जो दोशी जुरम इकबाल कर लवे) विच्च रख्खिआ गिआ। एथे जथेदार नूं ढाई साल कैद अते 500 रुपै जुरमाना होइआ। बाकी जथे नूं रिहा कर दित्ता गिआ। 13 महीनिआं पिछ्छों एथों रिहाई होई। वापस अंम्रितसर पहुंचण `ते तरन तारन तों लैके दरबार साहिब तक जलूस दे मोहरे लगा के सनमान कीता गिआ। सनमान वजों हंभो साहिब नूं सारे जथिआं दा जथेदार थाप दित्ता गिआ।
डसका, ज़िल्हा सिआलकोट विखे कुझ्झ शरारती मुसलमान अनसर गुरदुआरे दा अपमान करदे सन। बाबा खड़क सिंघ नें एथे मोरचा ला दित्ता। जथेदार मान सिंघ हंभो दी जथेदारी हेठ शेख़ूपुरे तों पिंडां विच्च दी हुंदा होइआ बटाला कलानौर राह सिआल कोट पुज्जा। रसते विच्च पता लग्गा कि पुलिस जथेदार नूं ही फड़ना चाहुंदी है। पुलिस जथेदार नूं फड़न लग्गी तां इह छाल मार के इक्क कोठे ते चहड़ गए। कोठिआं दे छत्तो छत्त गुरदुवारे जा उत्तरे। बाकी जथा वी राहों कुराहे, पाणीआं `चों लंघदा डसके जां पहुंचिआ। जथेदार गुरदुआरे पुज्जण दा प्रण पूरा करदे अंदरों दी जथे विच्च शामल होए। कैद करके जथे नूं मुलतान भेज दित्ता गिआ जित्थे हंभो नूं ढाई साल दी कैद ते 500 रुपए जुरमाना होइआ।
पंथ लई तिआग दी भावना बहुत मज़बूत सी। धी जसवंत दा पलेठी दा पुत्तर नमूनीए नाल सख़त बीमार सी। घर दे मैंबरां नें आखिआ कि बच्चे दी हालत ख़राब है तुसीं डसके दे मोरचे ते नां जाओ। इनहां किहा, ‘मैं मोरचे ते जाणों पिछ्छे रहि नहीं सकदा अते इस बच्चे नें बच्चणा नहीं।’ इस तरहां जथेदार नें घरेलू मज़बूरीआं विच्च वी मोरचिआं `ते जाणा आपणा फरज़ समझिआ।
डिपटी कमिशनर नूर मुहमंद नें ऐवें इक्क मुरगी नूं झटकाए जाण `ते जथेदार मान सिंघ हंभो नूं बुलाइआ ते शिकाइत कीती। गल्लां बातां विच्च तकरार हो गिआ। जथेदार नें कोई ढिल्ल नां विखाई। गुस्से विच्च डी सी कहिंदा, ‘असीं उथे गां वढ्ढांगे।’ जथेदार नें तुरंत ख़ड़कवां मोड़ा दित्ता, ‘असीं तेरी कोठी अंदर सूर वढ्ढांगे, इस तरहां है तां एसे तरहां ही सही’। सिख्खां `ते मुसलमानां नें हमला कर दित्ता। सिंघ थोहड़ा पिछांह हटे अते संभलके मोड़वें वार करने शुरू कर दित्ते। इने नूं कड़याल दा जथा आ गिआ। जथेदार नें ललकारिआ, ‘लै बई कड़यालीओ! इह हुण जाण नां…ख़ूब कुटापा होइआ। अठ्ठां कड़यालीआं दे चलाण होए ते उह फड़े गए। इस घट्टना नूं इतिहास विच्च झट्टके दा मोरचा करके जाणिआ जांदा है।
पंजाबी सूबे दे मोरचे नाल पता सी कि ज़िल्हा करनाल हरिआणा विच्च जाएगा। पर अकाली दल दा वफ़ादार खालसा हंभो इस संघरश विच्च वी पिछ्छे नां हटिआ। हरिआणे दे उस वकत दे कांगरस प्रधान बखशा सिंघ नावां अते इलाका ऐम्म ऐल्ल ए श्रीमती प्रसिंनी नें ऐलान कीता कि एथे हरिआणे विच्च मोरचा नहीं लग्ग सकेगा। जथेदार हंभो पहिलां ही ग्रिफ़तार कर लिआ गिआ होइआ सी। अंबाला जेल्ह चों पैरोल `ते आपणे दोहते दी बरात नाभे गए होए सन। उथे गि: करतार सिंघ नूं वकील गुरदिआल सिंघ (जथेदार दा भतीजा) नें पुछ्छिआ, ‘सुणाओ गिआनी जी मोरचे दा हुण की बणेगा। गिआनी कांगरस विच्च शामल हो चुक्किआ सी। कहिंदा, ‘पंथ वाग फड़े तां ही कुझ्झ बण सकेगा।’ जथेदार नें बड़े गुस्से नाल आखिआ, ‘गिआनी जी अजे तां पंथ दा टुक्कर तुहाडे दंदां विच्च फस्सिआ होइऐ। तुसीं ही पंथ नूं वंगारन लग्ग पए। असीं चलावांगे मोरचा। मरे नहीं।’
गिआनी नें सरदार प्रताप सिंघ कैरों नूं जा दस्सिआ ते मोरचे दे प्रोगराम दी सारी सूह वी दे दित्ती। जथेदार नें आपणे पुत्तर नूं लीडर बणा इक्क हज़ार दा जथा दिल्ली नूं तोर दित्ता अते आप करनाल गुरदुवारा मंजी साहिब पहुंच के मोरचा डिकटेटर दी ज़िंमेवारी संभाली। पुलीस नें फड़ो-फड़ाई शुरू कर दित्ती। जथेदार दा सभ माल असबाब, माल डंगर पुलीस नें ज़बत कर लिआ। झोने नूं पाणी देण लई लुआईआं नालां वी पुट्ट दित्तीआं ते फ़सलां उजाड़ दित्तीआं। इस जथे विच्च उदों जथेदार दा तेरां-चौदां साला पोतरा वी ग्रिफ़तार होइआ। पूरे इलाके नें बड़े ज़ोर नाल मोरचा चलाइआ ते कामयाबी होई।
वंड तों पहिलां, जथेदार हंभो ननकाणा साहिब ते सच्चा सौदा दे इंचारज सन। ज़िल्हा अकाली दल ते सच्चा सौदा कमेटी दे प्रधान सन। जथेदार मान सिंघ हंभो तकरीबन दस साल ऐम्म ऐल्ल ए रहे। 1956 तक ऐस जी पी सी, दे मैंबर रहे। कदी वी कमेटी तों डी ए, टी ए नहीं सन लैंदे। कहिंदे, ‘जे डी ए, टी ए लै लए तां सेवा काहदी होई…।’
जदों अकाली दल दे प्रधान मासटर तारा सिंघ नें कांगरस विच्च शामल होण लई किहा तां हुकम मंनदे शामल ज़रूर होए पर बाणा नां बदलिआ। पिछ्छों फिर जदों मासटर तारा सिंघ नें कांगरस नूं छड्डण वासते आखिआ तां इहनां नें असतीफ़ा दे दित्ता। लुधिआणे अकाली कानफरंस होई तां मासटर जी नें झंडा लहिराउण दी रसम जथेदार हंभो कोलों करवाई।
वंड वेले जथेदार हंभो नें आपणे लई वी अते इलाके दे बच्चे-बच्चे लई बड़ी सिआणप नाल अगवाई कीती। ढाबा सिंघ नेड़े गोबिंदगहड़ (शेखूपुर) विच्च मज़हबी सिंघां दे पिंड सन। मुसलमानां नें इनहां मज़हबी सिंघां दे कतल, मार कुटाई शुरू कर दित्ती। बाकी भजा दित्ते गए। एधरों सिंघ वी इनहां दी सहाइता लई खहड़े हो गए। मुसलमानां दी पुलीस बहुत मदद करदी सी। जदों गल हद्दों टप्प गई तां डी सी नें ऐस पी राहीं जथेदार नूं शेखूपुरे बुलाइआ। डी सी, ऐस्स पी ते आई जी कुरबान अली हंभो नूं लै के गोबिंदगहड़ आ गए। बहुते ही तकरार, तणाअ विच्च गल्ल निभड़ी…कैंप बणा दिओ…भारती मिलटरी दिओ…असीं चले जावांगे…असीं किसे नूं कुझ्झ नहीं कहांगे। अफ़सर मंन गए। इस तरहां उनहां मजहबी सिंघां दी जथेदार नें वधीआ अगवाई कीती।
उस वेले मुसलिम लीग दी विशेश अख्ख जथेदार हंभो `ते सी। उनहां नूं मारन दा गुपत तौर ते वी इक्क लख्ख इनाम रख्खिआ गिआ होइआ सी। इस गल्ल दा जथे दे सिंघां नूं पता लग्ग गिआ। सिंघां नें पूरी सिआणप अते हुशिआरी नाल जथेदार नूं सुरख्खिअत भारत लै आंदा।
जथेदार मान सिंघ हंभो इलाके दे नौजवानां दे रुज़गारां ते किसानां दीआं फ़सलां दे चंगे मुल दिवाउण बारे ऐगरो इंडसटरीज़ दे मह्हतव तों पूरे सुचेत सन। बरादरी दे हित्तां दी राखी मूहरे लग्गके करदे ननकाणा साहिब विखे सरदार उज्जल सिंघ दे भरा सरदार गुरबखश सिंघ दी कपाह मिल्ल सी। जथेदार जी किते उवें ही उसनूं मिलण-गिलण चले गए। सरदार गुरबखश सिंघ नूं प्रेशान बैठे वेखिआ। जथेदार साहिब नें प्रेशानी दा कारन पुछ्छिआ। किहा कि कारख़ाना बंद कर रिहा हां। चोरी होण कारन घाटा पै रिहा। पुलीस दी वी मिली भुगत लग्गदी है। शिकाइतां वी कीतीआं हन। जथेदार बोले, ‘वाह! एनी गल्ल ते ही कारखाना बंद करन तुर पिआ एं। असीं नहींओ कारख़ाना बंद करन देणा। असीं मर गए आं। ज़िमीदारां दी फ़सल कित्थे जाएगी। लै हुण इस कारख़ाने दी राखी असीं करांगे।’
उस नें इनहां नूं कारख़ाने विच्च आपणा हिस्सा रख्खण दी शरत `ते ही कारख़ाना चालू करन दी गल्ल कीती। जथेदार नें गहड़के नाल किहा, ‘वाह! इह की गल्ल कीती ऊ। की असीं हिस्से तों बिनां तेरी मदद्द करन जोगे वी नहीं? हिस्सा रख्खके तेरी मदद्द `ते आए तां असीं लालची होए नां। कारखाना तेरा ही रहेगा। चल्लेगा। चलावांगे। लै अज्ज तों बाअद कोई इस चों चोरी नहीं होएगी। इस विशवाश ते मिल्ल मुड़ चल्ल पई। जथेदार नें आपणे पुत्तर अवतार सिंघ नूं पिंड सुनेहा भेज के आपणे मुंडे मंगा लए। पूरी सकीम नाल पहिरे ला दित्ते गए। असल विच्च हंभो निवासी रोशन अली भंगू (ज़ैलदार) दा कुड़म मुसलमान ऐम्म ऐल्ल ए काइम भडिआर आपणे पालतू चोरां ते गुंडिआं तों ही इह चोरी करवाउंदा सी। इसे करके पुलीस कोई कारवाई नह सी करदी।
योजना सी कि चोरां नूं मौके ते ही रंगे हत्थ घेरके, कुट्ट-कुट्ट के भजाउणा है तां जो उह मुड़ चोरी दी जुअरत नां कर सकण। चोरां नें आम वांग पिछ्छों दी कंध टप्प पंडां बंनह लईआं। पहिरे ते खहड़े गभ्भरू नें साथीआं नूं काइम कर वंगारिआ, ‘लै बई असीं आ गए जे। अज्ज तुहानूं चूहड़काणे दे विरक टक्करनगे। जे मां दे पुत्त ओ तां भज्जिओ नां। असीं हुण तुहानूं भज्जण नहीं देणा।’ दोहां पासिआं तों अध्धी रात नूं ललकारे गरजे। गहि के डांग सोटे ते लिशकवीआं किरपानां खड़कीआं। उनहां नूं कुट्टके दबल्ल दित्ता। इस पिछ्छों कपाह दी चोरी होणी उक्का ही बंद हो गई।
बापू जी मान सिंघ हंभो दे चार लड़के ते तिंन धीआं हन। सभ तों वड्डे शमशेर सिंघ विरक खालसा कालज अंम्रितसर पहड़दे हुंदे सन। हाकी दे प्रसिध्ध खिडारी सन। उनहां दी फोटो हाली वी कालज दीआं गैलरीआं विच्च वेखी जा सकदी है। एधर आके पूरबी पंजाब दे अणवंडे पंजाब दे असैंबली मैंबरां नाल ही पहिली पंजाब असैंबली बहाल कर दित्ती गई। इस तरहां उनहां नूं आज़ाद हिंदुसतान दी पहिली पंजाब असैंबली दा मैंबर होण दा माण प्रापत होइआ। एथे पहुंचदिआं ही 1952 दी पहिली जनरल चोण वी लड़ी ज़रूर पर उख्खड़ी ते खिंडी बरादरी कारन सफ़लता नां मिली। पर पंथक मामलिआं ते हरिआणे दी सिआसत विच्च पूरे सरगरम आख़री दम तक्क रहे।
उह आपणी गहड़के वाले बोल ते दलेर लीडरशिप्प दी अमिट्ट छाप हरिआणे दी सिआसत `ते गए हन। मुख्ख मंतरी ते मंतरी उठ्ठके उहनां दे गोडीं हत्थ लाउंदे ते सतिकार करदे सन। उहनां दे डैपूटेशन दे मामलिआं नूं सभ कंम छड्ड के सुणदे। इकठ्ठां जां दीवानां विच्च जदों बोलदे तां जुड़ी संगत नूं उच्ची ते जबहे वाली आवाज़ विच्च ‘सूरबीर खालसा बहादरो’ कहिके संबोधन हुंदे। चुणौतीआं ते वंगारां भरपूर छोटे-छोटे दलेरी भरे वाकां नाल इकठ्ठ नूं आपणे विचारां नाल तोर लैंदे। उनहां दी बोली विच्च विरक तप्पे दा मुहावरा पूरे जाहो जलाल विच्च हुंदा। शराब नूं निंददे ते पिआकड़ां नूं ‘खच्चां', `चवलां' कहिके निवाजदे। विरकां विच्च शराब पीण दा शौंक पंजाबी जगत विच्च प्रसिध्ध है। इह शाइद इस करके है किउंकि उह डांग-सोटा वाहुण वाले जंगजू बहादर हन। कई कहिंदे हन लड़ाई भिड़ाई इस नौं रतनी तों बिनां हो नहीं सकदी। राख़श बुध्धी बनाउण विच्च इह सोम रस ज़रूर तकड़ा हिस्सा पाउंदा है। पर अज्जकल्ह तां भज्जल, निकंमे, आलसी ते डरपोक इस दी बहुती वरतों करन लग्ग पए हन। जथेदार बापू जी दा विचार सी कि इस शराब नें किसे नाल वी वफ़ा नहीं कीती। बंदे मुक्क जांदे हन, जाइदादां डीक जाण वाली इह नहीं मुक्कदी। उनहां दी शखसीअत दीआं परतां नूं वख्ख-वख्ख समें दीआं घटनावां होर वी सपशट करदीआं हन।
इक वारी सरदार उज्जल सिंघ, साबका गवरनर, कोल दोहते दी नौकरी दी सिफ़ारश लई दिल्ली गए। गवरनर साहिब नें आउ भगत ते इज़त माण कीता अते बोले: ‘तुसीं काहनूं आउणा सी। मैनूं हुकम कर दिंदे, मैं आप करनाल आके तुहाडे दरशन करन दी खुशी लैंदा’। जदों आउण दा मंतव दस्सिआ कि दोहता ऐम्म ए कर चुक्किआ है, इस नूं पंजाब ऐंड सिंध बैंक विच्च नौकर करवा दिओ। कहिण लग्गे, ‘मुशकल है, मैं अग्गे वी कईआं दे नावां दी सिफ़ारश कर चुक्किआ हां। नाले हुण तां असीं आरटस दे बंदे नहीं लैंदे, मैथेमैटिकस वाले ही लैंदे हां।’ बापू जी नें किहा कि हुणे ही तुहाडे बैंक विच्च इक्क ऐम्म ए पुलीटीकल साइंस दा मुंडा साडे इलाके चों ही लिआ गिआ है। इक्क दम बोले, ‘उहनूं कढ्ढ दिंदे हां’। जथेदार पूरे खालसई गहड़के नाल बोले, “वाह! चंगी गल्ल कीती ऊ। मैं बंदा रखाण आइआं कि कढाण आइआं। आपणा दोहता रखवा, पुत्त भतीजे नूं कढा, किहड़ा मूंह लै करनाल वड़ांगा। सरदार जी! बरादरी नूं मूंह विखाण जोगा नहीं रहांगा।’ साबका गवरनर इना बादलील खड़कवां उत्तर सुण के लाजवाब हो गिआ, अते अरज़ी फड़ सिफारश कर दित्ती।
इंटरवीऊ विच्च कुझ्झ देरी हो गई। दोहता फिर बापू जी नूं लैके बैंक दे चेअरमैन सरदार इंदरजीत सिंघ नूं मिलण दिल्ली गिआ। उथे अचानक जथेदार संतोख सिंघ, दिल्ली अकाली दल दा प्रधान, मिल पिआ। बापू जी नूं वेख के पुछ्छदै इह बज़ुरग कौण नें। पता लग्गण ते उसने बापू जी दे गोडीं हत्थ लाइआ ते बोलिआ, “मैं जथेदार संतोख सिंघ हां। मैं तुहानूं वापस नहीं जाण देणा, तुहानूं आपणे कोल रख्खणै। मैं अज्ज खुश किसमत हां कि पंथ दी इक्क महान हसती दे मैनूं दरशन होए नें। मैं आपणे आप नूं भागां वाला समझदा हां।”
जथेदार हंभो जनता दी सेवा लई हमेशां तत्तपर रहिंदे। जदों महिमल (करनाल) आके मुड़ आबाद होए तां गुरदुआरे जुड़ी संगत नूं संबोधन कीता ‘…खालसा जी असीं पाकिसतान चों उजड़ के आए हां। वस्सदे-रस्सदे घर ते चलदे कंमां नूं छड्ड हुण नवें सिरिउं रोज़ी रोटी दे कंमीं जुटणा है। किसे लागी-भागी, हट्टी-भठ्ठी वाले नूं कंम शुरू करन लई पैसे दी लोड़ होवे, मैं दिआंगा। छे महीने विच्च मोड़ देणे, हौली हौली। छोटे मोटे जट्ट भरा वी इंनहां वांग मैंनूं आपणा पिता ही समझण। उनहां दीआं वी ज़रूरी लोड़ां पूरीआं करन दा बचन दिंदा हां।’ इस तरहां उह निथांविआं दे थां अते निआसरिआं दे आसरे बणदे।
पिंड दी छोटी पीहड़ी नूं आपणे बच्चे ही समझदे। पिंड `च इक्क दोधी आउण लग्ग पिआ। बापू जी नें उस नूं भजा दित्ता, ‘वाह! तूं दुध्ध लै जाइआ करेंगा। मेरे पुत्त, पोतिआं नूं तां फिर लस्सी वी नहीं लभ्भणी…।’
आज़ादी घुलाटीआं दीआं पैनशनां लग्गणीआं शुरू हो गईआं। बापू जी नूं पुत्तां ते भाईचारे नें बथेरा किहा कि पैनशन लई फारम भर दिओ। इह कहिके इनकार कर दित्ता कि असीं आज़ादी दी जंग पैनशनां लई नहीं सी लड़ी। असीं तां गोरिआं नूं आपणे देश चों कढ्ढणा सी अते उनहां दे पिठ्ठू बदमाश महंतां कोलों गुरदुवारिआं नूं मुकत करवाउणा सी। सत्त साल उहनां नें पैनशन नां लई। आख़ीर छोटे पुत्तर नें इह कहिके सहिमत करा लिआ कि इह पैनशन तुसीं सरकार तों लैके लोड़वंद गरीबां नूं वंड दिआ करिओ। सारी उमर इह पैनशन आप किसे रूप विच्च वी नां वरती। कमाल दे तिआगी सन उह।
घर दे जीआं नूं इह हुकम हुंदा सी कि पंज छे बंदिआं दा लंगर हमेशां वाधू तिआर पिआ रहिणा चाहीदा है। वेले कुवेले कोई प्राहुणा जां कोई लड़ोवंद आ जांदा है। घर दी रसोई नूं वी गुरू दे लंगर दा रूप दे रख्खिआ सी।
जदों वी किसे दे कंम उस दे नाल जांदे, कदी वी उस नूं कोई ख़रच नां करन दिंदे। आप ही आपणे कोलों सारा ख़रच करदे।
1975 दे नेड़े भजन लाल राहीं इक्क डैपूटेशन जथेदार हंभो दी प्रधानगी विच्च कुझ्झ मंगां लैके मुख्खमंतरी बंसी लाल कोल गिआ। अंदर बैठदिआं सार बंसी लाल नें आखिआ: “गंवार, इकठ्ठे होके मेरा वकत ख़राब करने के लीए आ जाते हैं। ''
जथेदार नें उठके आखिआ_” गंवार तूं, तेरा पिऊ…तेरा दादा…उठ्ठो भाई चल्लीए … ''
‘पुलिस को बुलाओ…’
‘बुला लै पुलिस नूं…आह खहड़े ऊं…असां भला तेरी कदे पुलीस डिठ्ठी नईं… उठ्ठ उए शेरो चल्लीए…’
इह टुर पए। मगरों भजन लाल नें तरले करके मोड़के लै गिआ। हुण इह डैपूटेशन बैठा नां। जथेदार नें आखिआ, ‘मैं सर सुंदर सिंघ मजीठा, सर फज़ल हुसैन, सर सिकंदर हयातख़ान, ख़िज़र हयात खां अते महाराजा भुपिंदर सिंघ पटिआला आदि नाल वी मुलाकातां करदा रिहा हां, पर तेरे वरगा कुरख़त ते बददिमाग बंदा अज्ज-तक्क मैं नहीं डिठ्ठा।’ मुख्ख मंतरी बिटर-बिटर वेखदा रिहा।
कच्चिआं राहां, पगडंडीआं, लंमीआं वाटां, खुल्लीआं जूहां, मुरब्बिआं दे विशाल घेरिआं, सरदारीआं, जगीरदारीआं दा चिंनह घोड़ीआं रख्खणीआं ते पालणीआं इक्क वड्डी ज़रूरत हुंदी सी। आवाजाई दा मुख साधन घोड़ीआं हुंदीआं सन। फौज दे घोड़ सवार दसतिआं लई वी घोड़ीआं घोड़िआं दी लोड़ हुंदी सी। सरकार वी घोड़ी पालकां दी हौंसला अफ़ज़ाई लई मुर्रबे दिंदी हुंदी सी। इह वी वधीआ घोड़ीआं रख्खदे।
मुरब्बिआं दे मालक जथेदार हंभो गरीब-पालक सन। आपणे मुजारिआं नूं हलाशेरी दिंदे हुंदे कहिंदे सी, `चंगी वाहो, तुसीं वी चंगा खाओ अते असीं वी चंगा खावांगे। ऊच नीच कारन मजहबीआं नूं ख़ूह दी मौण ते चहड़के पाणी नहीं सी भरन दित्ता जांदा। खूह ते दो भौणीआं हुंदीआं सन। इक्क नाल मुसलमान ते दूजी नाल हिंदू-सिख्ख पाणी भरदे हुंदे सन। हंभो नें मज़हबी सिख्खां नूं अंम्रित पाण करा आपणी हाज़री विच्च खूह ते चहड़ाइआ ते पाणी भरन दी खुल्ल्ह दिवाई। कईआं नें इतराज़ कीता। हंभो साहिब दा जवाब हुंदा, ‘जिवें मंजी दे चार पावे हुंदे हन, ओवें ही मज़हबी सिंघ वी सिख्ख कौम दा चौथा बराबर दा पावा हन।’ दलेरी नाल ही अंम्रितधारी मज़बही सिंघां नूं गुरदुवारे विच्च देग वरताउण ते ला दित्ता।
आउ भगत करदे वकत आए प्राहुणिआं जां अफ़सरां दे धरम दा पूरा सतिकार करदे। सिख्खां दी आओ भगत लई घरे ही लंगर बणवाउंदे, पर मुसलमान महिमानां लई प्रशादा मुसलमान भाईआं दे घर सुक्की रसद पाणी भेजके बणवाउंदे। छकाउण दा प्रबंध दी वख्खरा ही करवा दिंदे।
इसलाम दा वी पूरा सतिकार करदे हुंदे सन। कहिंदे हुंदे सन: मसीत विच्च मौलवी दी बांग देणा उवें है, जिवें गुरदुवारे पाठ दे भोग दा सुनेहा देण लई संख वजाइआ जांदा है। इह दोवें ही पवितर्र सुनेहे हन। जदों तुसीं बांग सुणो ‘सतिनाम वाहिगुरू बोलो’। पहड़ाई दे बड़े उपाशक सन। तां ही उस समें आपणे सभ तों वड्डे पुत्तर शमशेर सिंघ विरक नूं खालसा कालज अंम्रितसर कालज दी पहड़ाई लई भेजिआ होइआ सी। हर इक्क नूं पहड़न लई प्रेरदे। उनहां नें इलाके दी पहड़ाई ख़ातर छेआं पिंड विच्च पिंड झारड़ विखे बड़ीआं कोशिशां करके 1940 विच्च इक्क प्राइमरी सकूल खुल्ल्हवाइआ।
जथेदार मान सिंघ हंभो दी ईमानदारी दी सरकारे-दरबारे पूरी मानता सी। आज़ादी घुलाटीए अते उनहां दे मोरचिआं दे साथी पैनशनां लई अरज़ी तसदीक कराउण लई लोक दूर-दूर तों इनहां कोल आउंदे। इह तसदीक कर दिंदे। इनहां दीआं सिफारश कीतीआं अरज़ीआं नूं अफ़सर प्रवान कर लैंदे। उनहां नूं जथेदार हंभो `ते पूरा विशवाश हुंदा सी।
इस प्रकार जथेदार मान सिंघ हंभो नें इक्क सरगरम जीवन जीविआ। मारच 19, 1982 विच्च अकाल चलाणा कर गए। भोग समें बहुत वड्डे इकठ्ठ विच्च सवरगी जोगिंदर सिंघ मान, साबका सपीकर पंजाब विधान सभा (पिता सरदार सिमरनजीत सिंघ मान, ऐम्म पी ते अकाली दल, अंम्रितसर दे प्रधान), जथेदार गुरचरन सिंघ टौहड़ा, प्रधान ऐस्स जी पी सी, जथेदार करतार सिंघ टक्कर, प्रधान हरिआणा अकाली दल्ल, श हरमहिंदर सिंघ चठ्ठा, वेद पाल (ऐडवोकेट), ऐम्म ऐल्ल ए ते मंतरी, अते सभ पारटीआं दे सीनीअर लीडर हाज़र सन।
उनहां दी देण केवल आपणे परिवार लई नहीं है, सगों समुच्ची सिख्ख कौम लई इक्क गौरवमई अते सदीवी प्रेरना सरोत है अते रहेगी।