अज्ज दे विगिआनक अते कमरशीअल युग विच्च लोकां अंदर अंध विशवास इंना पसर चुक्का है कि देश दी अध्ध तों वधेरे आबादी इनहां बाबिआं दे चक्करां विच्च फस के उलझी बैठी है। इही वजाह है कि इनहां बाबिआं दी गिणती हर सूबे अते शहिर अंदर अमरवेल वांग वधदी जा रही है। अंध विशवास अते राजनीतिक नेतावां दी सरप्रसती दी बदौलत इह पाखंडी अते ढौंगी बाबे आपणा करोड़ां अरबां दा सामराज सथापत करी बैठे हन। दुख्खां कलेशां विच्च घिरी जनता इनहां बाबिआं दा सहारा लै के आपणे जीवन नूं सुखदाइक ते अनंदमई बणाउण दी लालसा विच्च जो कुझ पल्ले हुंदा है, उस नूं वी लुटा बैठदी है अते आपणा कीमती वकत अते पैसा अजाईं गवा लैंदी है। इह पाखंडी साध लोकां दी कमज़ोर मानसिकता दा लाभ उठा के आपणे डेरिआं नूं प्रफुल्लित करन विच्च तेज़ी नाल पुलांघां पुट्टण लग्गदे हन। वेखदे ही वेखदे इनहां पखंडी बाबिआं दा विशाल सामराज खहड़ा हो जांदा है। भोली भाली जनता दा भावें कुझ सौरे जां नां, पर इनहां बाबिआं दी ज़िंदगी ऐशप्रसती वाली अते वीआईपी वाली बण जांदी है।

शाही गड्डीआं विच्च घुंमदे इह बाबे तुहानूं किसे मंतरी जां वीआईपी दा भुलेखा पाउणगे। वोटां दे चक्करां विच्च मंतरीआं संतरीआं वल्लों इनहां पाखंडी साधां दे डेरिआं उत्ते आउण कारन बेसमझ अते भोलेभाले लोक मल्लोमल्ली इहनां दे जाळ विच्च फस जांदे हन। डेढ अरब दी आबादी नूं ढुक्कण वाले साडे भारत देश महान विच्च बाबिआं दी गिणती लख्खां दे अंकां नूं छूहंदी नज़र आउंदी है। इनहां पाखंडी बाबिआं दे वड्डे वड्डे कारोबार अते अरबां खरबां दी जाइदाद लोकां दी हक्क हलाल दी कमाई दे सहारे ही बणदी है।

सौदा साध ते बापू आसा राम वरगे अनेकां बाबिआं वल्लों लोकां दी खून पसीने दी कमाई दे सहारे खहड़े कीते गए विशाल सामराज भला किसे तों लुके छिपे हन? इनहां पाखंडी साधां नूं कोई पुछ्छे कि अरबां खरबां दी जाइदाद अते लगज़री कारां विच्च घुंमण दी इनहां नूं की लोड़ पई है? पर अफसोस! कि साडे राजनीतक लीडर वोट बैंक दे चक्कर विच्च इनहां बाबिआं दे डेरिआं ’ते जा के इनहां नूं प्रफुल्लित करन विच्च वड्डी भूमिका अदा करदे हन। भेड चाल दी तरहां लोक इनहां बाबिआं मगर लग्ग इनहां पाखंडीआं नूं आपणे दुख्खां दा निपटारा करन वाले समझ बैठदे हन।

इह बाबे लोकां दी हक्क हलाल अते मिहनत दी कमाई लुट्ट के महिंगीआं गड्डीआं ते सरकारी गंनमैन लै कि शोशेबाज़ी करन दे नाल नाल आलीशान बंगलिआं विच्च ऐशो इशरत दी ज़िंदगी बतीत कर रहे हन। इनहां पाखंडी बाबिआं दी सुरख्खिआ लई लाए सुरख्खिआ गारडां (सरकारी पुलिस मुलाज़मां) दी तनखाह दा लख्खां रुपए दा बोझ सिध्धा सरकारी खज़ाने उत्ते पै रिहा है। जे मोटा जिहा हिसाब लाइआ जावे तां इक्क पुलिस सुरख्खिआ करमचारी दी तनखाह घट्टो घट्ट 60-70 हज़ार रुपए महीना है। पूरे पंजाब विच्च इनहां बाबिआं दी सुरख्खिआ उत्ते सैंकड़े मुलाज़म लग्गे होए हन, जिसदा सिध्धा मतलब है कि इनहां बाबिआं दी सुरख्खिआ उत्ते करोड़ां रुपए सरकारी खज़ाने विच्चों खरच कीते जा रहे हन। इह बोझ आम जनता उत्ते टैकसां दे रूप विच्च पै रिहा है। भला कोई पुछ्छण वाला होवे कि इनां बाबिआं नूं किस तों खतरा है? इनहां दी सुरख्खिआ लई किउं सरकारी खज़ाने दी दुरवरतों कीती जा रही है? हां, जे इनहां दी जान नूं इंना ही खतरा जापदा है तां सुरख्खिआ करमचारीआं दीआं तनखाह दा सारा खरचा इनहां बाबिआं दे खज़ानिआं विच्चो लिआ जाणा चाहीदा है। बहुते बाबे तां सिरफ सुरख्खिआ लैण लई ही आपणे आप नूं खतरा दस्स के जां फिर आपणे उत्ते हमले दा डरामा करके सुरख्खिआ दी मंग कर लैंदे हन। फिर आपणे इनहां सुरख्खिआ गारडां दी आड़ विच्च इह बाबे सरकारे दरबारे रोहब झाड़दे हन अते अफसरां तों जाइज़, नाजाइज़ कंम करवाउण विच्च कामयाब हो जांदे हन।

इनहां बाबिआं नें बहुते थाईं सरकारी अते गैर सरकारी थावां ’ते नाजाइज़ कबज़े कीते होए हन, जित्थे नाजाइज़ उसारीआं करके आपणी कमाई दा साधन बणाइआ होइआ है। पर प्रशासन कुंभकरनी नींद सुत्ता पिआ है। मेरे आंढ गुआंढ विच्च अजिहे कई सथान हन, जित्थे इनहां पाखंडी बाबिआं वल्लों सरकारी ज़मीनां ’ते नाजाइज़ कबज़े करके आपणीआं दुकानदारीआं खोल्हीआं होईआं हन।

धरम दे नां ’ते दुकानां चला रहे इह ढौंगी बाबे आपणे आपणे डेरिआं नूं वधदा फुल्लदा करन लई जित्थे सिआसी लोकां दा सहारा लैंदे हन, उत्थे इनहां बाबिआं नूं प्रफुलित करन विच्च मीडीए दा वी कुझ नां कुझ रोल ज़रूर है किउंकि इह बाबे वड्डे वड्डे इशतिहारां राहीं लोकां नूं आपणे वल खिच्चदे हन; अखबारां, टीवी चैनलां ’ते सोशल मीडीआ दे ज़रीए आपणे आप नूं अते आपणे डेरे दा परचार करन वासते रज्ज के इशतिहार अते खबरां दिंदे हन तां जो लोकां दी गिणती नूं वधाइआ जा सके ते सिआसी लोकां नूं लग्गे कि उनहां मगर तां वोट बैंक ही बहुत ज़िआदा है। बहुत सारे बाबिआं वल्लों तां आपणे खुद दे टीवी चैनल चलाए होए हन, जिनहां उत्ते 24घंटे उनहां दा ही परचार चलदा रहिंदा है। धरम दे इह ठेकेदार लोकां दीआं अख्खां विच्च घट्टा पा के लोकां दीआं धारमिक भावनावां नाल खिलवाड़ करदे हन। मेरे घर तों इक्क किलोमीटर दे घेरे विच्च इंने सकूल नहीं जिंनीआं इह बाबिआं वल्लों दुकानदारीआं चलाईआं जा रहीआं हन।

जेकर इनहां पाखंडी साधू संतां वल्लों ढेरिआं दी थां विद्दिअक संसथावां सथापत कीतीआं जांदीआं जां खोल्हीआं जांदीआं तां शाइद सूबे दी नौजवानी नशिआं विच्च गलतान नां हुंदी। राजसी नेतावां दे नाल नाल धरम दे इनहां ठेकेदारां वल्लों वी डेरिआं दी आड़ विच्च नशा समगलिंग अते जिसम फिरोशी दीआं कनसोआं आम अखबारां दीआं सुरखीआं बणदीआं रहिंदीआं हन, जो साडे समाज नूं गंधला तां करदीआं ही हन, नाल ही कलंकत वी करदीआं हन। डेरावाद करके कई वार अजिहीआं फिरकू घटनावां वापरदीआं हन, जिनहां नाल वड्डे पध्धर ’ते जानी अते माली नुकसान हुंदा है। सोचण दी लोड़ है कि डेरावाद अते इनहां डेरिआं दे पुजारीआं नूं लगाम किद्दां पाई जावे? साडे सिआसी आगूआं वल्लों इनहां बाबिआं दे डेरिआ ’ते जा के सिर झुकाउण ’ते डेरिआं उत्ते वड्डी भीड़ जुड़न नाल इनहां बाबिआं अंदर अज्जकल इक्क होर गलत फहिमी पैदा हो गई है कि उह असिध्धे रूप विच्च राजनीती विच्च दखल अंदाज़ी करके सिआसत वी प्रभावत कर सकदे हन।

राजनीतिक लोकां नूं सोचण दी लोड़ है कि उह दिन दूर नहीं जदों इह बाबे सिध्धे रूप विच्च राजनीती विच्च प्रवेश करके चोण लड़िआ करनगे। इह गल्ल वी किसे तों लुकी छिपी नहीं कि इनहां बाबिआं विच्चों बहुत सारे बाबे वख्ख वख्ख अपराधिक मामलिआं विच्च शामल हन। कई तां मानयोग अदालतां वल्लों अपराध साबत होण मगरों सलाखां पिछ्छे सज़ा वी भुगत रहे हन। इक्क होर वड्डी गल्ल इह वी वेखण नूं मिल रही है कि बहुत सारे पहड़े लिखे लोक वी इनहां बाबिआं मगर लग्गे होए हन, जो निरोए समाज वासते शुभ संकेत नहीं। फिर ज़िआदातर बाबिआं दीआं कालीआं करतूतां अते उनहां दा अपराधिक मामलिआं विच्च शामल होणा बाबावाद समाज ’ते सवालीआ चिंनह लाउंदा है?रोज़ाना सपोकसमैन वल्लों अजिहे ढौंगी बाबिआं दे चिहरिआं तों नकाब लाहुण लई अनेकां वार कोशिश कीतीआं गईआं हन, जिनहां नूं चंगा बूर वी पिआ है पर दूजे पासे इह वी ज़रूरी है कि लोकां नूं आपणी मानसिक सोच नूं बदलणा पवेगा। इनहां बाबिआं दे मगर लग्ग कि पैसा अते समां खराब करन दी बजाए स्री गुरू नानक देव जी दे परमातमा बारे विचार कि परमातमा इक्क है, सरब शकतीमान है, सरब विआपक है, विच्च द्रिहड़ विशवास करना पवेगा है, नहीं तां डेरावाद वधदा फुल्लदा रहेगा ते इह बाबे इसे तरहां लोकां नूं लुट्टदे रहिणगे।

सो लोड़ है इनहां बाबिआं मगर लग्गण दी बजाए, मानसिक शकती अते सोच नूं तकड़ा करके आपणीआं समस्सिआवां दा ख़ुद निपटारा करन दी, तां जो इनहां ढौंगी बाबिआं वल्लों कीती जा रही लुट्ट खसुट्ट तों बचिआ जा सके। इस तों बिनां साडे राजनीतक आगूआं नूं वी इनहां ढौंगी अते पखंडी बाबिआं मगर लग्गण दी थां लोक सेवा करके लोकां नूं आपणे नाल जोड़न तां जो निरोए समाज दी सिरजणा हो सके।

* * * * *