इह गल्ल कोई ‘उंनी सौ बंनवें’ दे किसे महीने दी है। शाइद दिवाली वाले महीने दी। बड़ी मामूली गल्ल। इहो जिहीआं गल्लां उदों मामूली ही सन। मैं किसे होर दा सिर खाणा छड्ड दित्ता सी। लोकां नें मेरे कोल खलोणा ही छड्ड दित्ता सी। बस्स इक्क बीवी बची सी। भाजी, मैं उदों ऐना बुड़-बुड़ वी नहीं करदा सी, जिंना हुण करदा हां। पर लोक उदों मेरे तों ज़िआदा दुखी सन। धौळ-धफ़ा वी कर दिंदे सन ते त्रहिंदे वी सन। पर हुण लोक वी मेरे वांग सिआणे हो गए हन, कुझ नहीं कहिंदे। बस्स हस्स छड्डदे हन। ठंढा जूस पिआउंदे हन। बड़ी तसल्ली नाल मेरी गल्ल सुणदे हन, जिवें मेरा कोई वी मसला, उनहां दा आपणा होवे। उहनां दा, सुधा आपणा। जिवें मैं कोई पीर होवां। निरा रब्ब दा बंदा। मेरे दित्ते नंबरां ’ते तां लोकां लाटरीआं पाउणीआं शुरू कर दित्तीआं हन। मैनूं तां कई दरवेश वी सद्ददे हन। पर मैनूं दरवेश कहाउणा चंगा नहीं लगदा। बंदे नूं बंदा ही रहिणा चाहीदा है।

मैं घरे फोन कीता, “अज्ज मैं दो तिंन घंटे लेट आउणा है, ओवर टाईम है। मेरा खाणा नां बणाई।"

“सुणो, मैं तां रोटी पका लई है। तुसीं पहिलां नहीं दस्सिआ।” मेरी बीवी नें पकाए फुलकिआं दा फिकर ज़ाहर कीता।

“नाले तुसीं ते आपणी दुआई पैकसल वी घरे भुल्ल गए हो। डाकटर नें तुहानूं तिंनां महीनिआं बाद कंम ’ते जाण दी इजाज़त ओवर टाईम लई नहीं दित्ती।”

“इक्क दिन दुआई नां खाधी तां मर ते नहीं चल्लिआ, इह ओवर टाईम किहड़ा रोज़ रोज़ मिलणा है।”

“आहो, करी जाउ बुड़बुड़ आपणे आप नाल ते करी चल्लो सिर खपाई जिहड़ा वी मिलदा।” बीवी खिझी बैठी सी, “जे अध्धी रात नूं मेरा सिर खाधा फेर देखिओ।”

“ऐदां कर, इनहां पकाए फुलकिआं नूं चंगी तरहां वलेट वलूट के रख्खदे, सवेरे कंम आ जाणगे।” मैं सिआणप तों कंम लिआ।

“उह रब्ब दिआ बंदिआ, तूं किउं मेरी जान खाधी आ। देख, आपणे छोटे छोटे बच्चे आ। सिर तेरा कंम नहीं करदा। कमला रमला लोकां तों वी गल्लां सुणदा ते मेरा वी लहू पीता तूं।”

इह तां ऐवें मारदी आ, वैसे मैं तुहानूं पहिलां ही दस्स दिआं, मैं सिआणा बहुत हां पर इस गल्ल नूं मंनदा कोई नहीं, मेरे सिवाए। मेरी बीवी वी लोकां दी चुक्क विच्च आ गई आ। वरना मैनूं छड्डके किउं जांदी? मैं तुहानूं तां दस्सदां कि पिछ्छों रौळा नां पवे। फैसला तुसीं करना है। जनानीआं दी मत्त दा तुहानूं पता ही है ऐवें पाणी नूं बुक्कां विच्च ही पाई जाणगीआं। बंदा पुछ्छे, बीबा, रब्ब नें गलास किउं बणाए हन, जे तुसीं बुक्कां नाल ही सारना है? बुक्कां थाणी तां अध्धा पाणी उंझ ही किर जांदा है। ऐवें अड्डीआं रगड़ी जाणगीआं।

“सुणो, घंटा कु पहिलां इंडीआ तों फोन आइआ सी, मेरी भूआ दा। कहिंदे अज्ज दिवाली है, असीं सोचिआ वधाई ही दे दईए। नाले पुछ्छदे सी दवाई दा कोई असर होइआ? बड़ा पहुंचिआ होइआ है गुग्गा। पर तुसीं तां खांदे ही लंङे डंग हो।"

“अछ्छा, अज्ज दिवाली है? मैं वी कहां, मेरे बगैर होर कोई ठहिरिआ काहते नहीं। तांही मैनूं पुछ्छिआ ओवर टाईम लई।” मैं हैरानी नाल किहा।

“होर की! ते तुसीं वी बस ...”

“चल्ल इद्दां तां चंगा ही है। दिवाली चंगा शगन हुंदी है। वैसे आपां दिवाली क्रिसमिस दीआं छुट्टीआं विच्च मनावांगे। इक्क दिन दिवाली, इक्क दिन विसाखी, इक्क दिन होली ते हौली हौली छुट्टीआं बितावांगे। ऐंतकी काहली नहीं करनी। ऐवें दो दिनां बाद बिमार हो जाईदा।”

बीवी नें हस्सके फोन रख्ख दित्ता।

मैं फोन रख्खके दिवाली बारे सोचण लग्गा। दिवाली दा सबंध लछ्छमी नाल वी है ते उह मैं घोटी जांदा हां दिनों दिन, इस साल दे अखीर तक्क पंज लख्ख दी ऐफ. डी. जरूर कराउणी है सत्त सालां दी। सत्तां सालां विच्च दुगणे यानि दस लख्ख। दस लख्ख दा विआज ई नी माण। ढिब्बरी कोने वाले पलाट विच्च थल्ले दुकानां पाऊंगा ते उत्ते कमरे। बल्ले बल्ले हो जाऊ बस्स। हुशिआर नूं तां मैं उत्थे पैर वी नहीं पाउण देणा। उहदे नाल तां मरने परने दी सांझ वी मुक्क गई समझो। हुशिआर नूं तां कीड़े पैणगे, कीड़े। कर लए जो करना। बच्चू, गल्ल तां निब्बड़ू भाईचारे विच्च ही। इत्थे साले प्रदेसां विच्च कौण पुछ्छदा। पिंड जाके कराऊं खंडपाठ। जदों खोल्ही नां पंड, फेर पता लग्गू अरूड़ सिंघ शैअ की है ...

“चल्ल उए अरूड़िआ, बरेक खतम हो गई। कोक जिहा आपणे टेबल ते आके ही पीवीं।” हैनरी नें जिवें मेरे दिवाली दे पटाके खोह लए होण।

“हां बई मिलीअन डालर मैन, चल्लणा नहीं घर नूं ... अज्ज दिवाली आ।” कोलों लंघदिआं मोढे ते लटकाए बैग नूं दूजे मोढे ’ते करदिआं पीटर बोलिआ।

“नहीं पीटर वीर, तैनूं ते पता मेरे पंगिआं दा। मेरा सरदा नहीं।” प्रदुम्मन तों बणे पीटर नें मुसकरा के मेरे वल्ल देखिआ। मैनूं लग्गा जिवें मैं नंगा खलोता होवां। मैनूं इंझ लग्गा, जिवें मैनूं ठंढ वी लग्गण लग्ग पई होवे। पीटर नें मेरे वलों मूंह फेरके दूजे पासे कर लिआ। फेर उह तिंनों जणे गल्लां करदे करदे हस्स पए। उनहां की गल्ल कीती? उह किउं हस्से? इस गल्ल नें मेरे दिमाग दीआं नाड़ां नूं जकड़ लिआ। मैं मोटी जिही गाल्ह कढ्ढी। पर मैनूं आप ही उह गाल्ह नहीं सुणी। कढ्ढी किहनूं मैनूं इह वी नहीं पता सी।

मैं सकरिऊ कस्सणे शुरू कर दित्ते। अचानक मैनूं लग्गा जिवें मैं बहुत थक्क गिआ हां। घड़ी देखी, अजे तां वीह मिंट वी नहीं गुज़रे सन। सारे पलांट विच्च गिणती दे दस कु ही वरकर सन। पंजाबी तां मैं इक्कला ही सी। मेरा धिआन कंम वलों उख्खड़ गिआ। सिंमी इस वकत की करदी होवेगी। मेरे सामहणे तां कंनां नूं हत्थ लाउंदी है कि हुण नहीं कदे हुशिआर नूं फोन करेगी। पर औरत जात दा की भरोसा। भरोसा तां अज्जकल किसे दा वी नहीं रहि गिआ। नां औरत, नां मरद, नां कोई बेली ते नां दुशमण। बस्स सारी दुनीआं मतलब नाल बझ्झी होई आ। टैलीफोन दी घंटी नें मेरी बिरती भंग कर दित्ती। हैनरी दूर सी, मैं फोन चुक्किआ।

“हैलो, डीलकस विंडो।”

“लग्गदिआ विंडो दिआ, मैं छिंदा बोलदां, तूं इत्थे की करदां, बाहर तां ऐना डीलकस मौसम आ, उत्तों दिवाली। मैं घरे फोन कीता सी। सिंमी कहिंदी सी, जी उह ते कंम ते हन।” छिंदे नें जिवें ‘सिंमी’ कहिण ते जोर दित्ता होवे ते ‘जी’ ते वी। उहने पता नहीं किस लहिजे विच्च किहा पर मैनूं अग्ग लग्ग गई।

“नां तैनूं किंनी वार किहा, मेरे घरे फोन नां करिआ कर।”

“नां मैनूं तां तूं कदे नहीं किहा, किसे होर नूं किहा होणा।” छिंदा उच्ची उच्ची हस्सण लग्ग पिआ। उसदे हासे नें मेरा मूड होर खराब कर दित्ता।

“ऐवें नां गुस्सा करिआ कर बहुता। तैनूं बंदा कुबंदा परखणा नहीं आउंदा। मैनूं पता तेरे नाल बहुत जिआदती होई है। पर उहदे विच्च तेरा आपणा वी ते कसूर है? गुस्सा तूं हर इक्क ते कढ्ढी जाना। सिंमी तां मेरीआं भैणां वांग है। उह तां हमेशा कहिंदी है कि तेरा खिआल रख्खिआ करां।” छिंदे नें गल्ल लमकाउंदिआं किहा।

हैनरी अजे वी दूर ही सी। मैं फोन नाल चिंबड़िआ रिहा, “नां सिंमी मेरा खिआल रख्खण लई तैनूं किउं कहेगी?” मैं जिवें किसे गल्ल दी तहि विच्च जाणा चाहुंदा होवां।

“मैं उहदा दिउर हां। मैनूं नहीं कहेगी उह? नाले सारे दिउर इक्को जिहे नहीं हुंदे। उह छड्ड अरूड़िआ, यभ्भला, तेरे ते तां तरस आउंदा है। पीरी फकीरी दी वी कोई हद्द हुंदी है। शुदाईआं वांग नहीं रहीदा। मरद, बण मरद। चंगा फेर जींदा वसदा रहि, ... फेर सई कदे।” ते छिंदे नें फोन रख्ख दित्ता। मेरे हत्थ विच्च फड़िआ फोन लंबी हूंग देण लग्ग पिआ। मैं फोन रख्खके फेर वरक सटेशन वल्ल आ गिआ।

की सिंमी सच्चमुच्च ही बदल गई है? इहदीआं की लोड़ां सन? की मेरे आखे लग्गके उहने जो गलती कीती सी, उह गलती उसदी जरूरत बण गई? ढठ्ठे खूह विच्च पवे सभ कुझ, जद इत्थे रहिणा ही नहीं। बस्स इक्क वारी घरां दीआं कीमतां कुझ्झ चक्क हो जाण, बस्स कैनेडा वाला मेला खतम। जिंनी नाहती, उंना पुंन। मेरा सभ तों वड्डा नुक्कस ही इहो है कि मैं लोकां दीआं गल्लां विच्च आ जांदा हां। पहिलां बापू दे आखे लग्गके घर पट्टिआ ते हुण इह ... की लोड़ सी मैनूं सिर फसाउण दी?”

“देख, फैकटरीआं फूकटरीआं विच्च कुझ्झ नहीं पिआ। जे ते बणाउणे आं चार पैसे, तां घर खरीद लै। दिनों दिन कीमतां उत्ते जा रहीआं हन। साल बाद देखीं, जे कीमतां दूणीआं नां हो गईआं तां।”

‘हूं ... हो गईआं दूणीआं। आपणी कमिशन वट्टके अगला राहे पिआ। हुण तारदा रहु पुत्त किशतां। कीमतां तां पौणीआं वी नहीं रहीआं। नां कीमतां चहड़न ते नां मेरी जान छुट्टे। इक्क तां इह सैकंड मारगेज नें लहू पीता होइआ। जिंना मरज़ी कंम करी जाउ। सभ कुझ डकार होई जांदा। ऐतकीं तां मारगेज होलड करके ही ऐफ. डी. बणू। वैसे कंम कार तों मैं नहीं डरदा पर जिहड़ी कहड़ी हुशिआर नें घोली आ, इहने मैनूं कख्खों हौले कर दित्ता। इज़्ज़त वी साली कोई चीज़ हुंदी आ।’

हत्थ धोंदिआं मैं सोचिआ, अछ्छा ते अज्ज दिवाली आ … काहदी दिवाली ... दिवाली तां रहिगी इंडीआ। दिवाली तां आप जगाउणी पैंदी आ। इहने आपे ते नहीं जगमगाउण लग्ग पैणा। किंना खुश सी मैं, जदों रफिऊजी सटेटस मिलिआ सी। सोचिआ सी, पक्का होवांगा। जे नां वी होइआ तां चार पैसे तां पल्ले होणगे। हुण सोचदा हां, जे मेरा केस रीजैकट हो गिआ हुंदा तां किंना चंगा हुंदा। तिंनां सालां विच्च ही मैं काफी कुझ्झ बचा लिआ सी।

कैनेडा आउण तों बाद, कैनेडा आउण तों पहिलां ते इत्थे रहिंदिआं मैं कई बुत्तां नूं मिलिआ हां। कई अपहुंच बुत्तां दी पूजा करन लई मैं अग्गे वधिआ हां। बड़े ही हुसीन बुत्त सन। बिलकुल रब्ब वरगे, किसे बेहद्द खूबसूरत कुड़ी वरगे। मावां वरगे, बाप वरगे। कईआं बुत्तां नूं रब्ब नें आप बणाइआ सी। कईआं नूं दिमाग दित्ता सी रुहड़ जाणे रब्ब नें। कईआं नूं कई कुझ देके वी मंगते रहिण दी असीस दित्ती सी। सराप नहीं, बलकि असीस। सराप तां उह हुंदा है जिस तों आदमी दुख्खी होवे। रब्ब नें इह तां ज़रूर किहा होवेगा, ‘हे भलेमाणस बुत्तो ... मैं तुहानूं सोहणा तां बणा दित्ता है, पर तुसीं आपणी सफाई आप करनी है। मेरे कोल इंना टाईम नहीं है। इनहां बुत्तां नें रब्ब दी गल्ल नहीं सुणी, मेरी की सुणनगे? इनहां चंगे लगदे बुत्तां दे मैं जिउं जिउं नेड़े गिआ, अफसोस नाल पाणी पाणी हो गिआ। वापस मुड़ना चाहिआ ... पर वापस मुड़के कित्थे जावोगे? किसे होर बुत्त दी तलाश विच्च ...

पक्के होके मैं पिंड गिआ सी। आपणे मक्के दे लोकां विच्च ... हुशिआर सिंघ दिल्ली आइआ। मेरे गळ विच सिहरे पाके सुआगत कीता गिआ जिवें मैं माऊंट ऐवरैसट तों उत्तरिआ होवां। मैनूं उदों की पता सी, इक्क दिन इहदे करके मेरे हत्थकड़ी वी लग्गेगी। सिंमी नाल विआह हो गिआ। मैं खुश सां। मेरे मां-बाप खुश सन। पंदरां साल छोटी सिंमी वी खुश सी। लग्गदी तां सी पर पता नहीं, शाइद आपणे मां-बाप दी खुशी विच्च ही खुश होवे। सिंमी दे मापे साडे सारिआं तों वारे वारे जांदे सन।

तुरन तों पहिलां मेरे हिस्से दीआं चाबीआं मेरे बाप नें मेरी झोली पा दित्तीआं। चाबीआं दा भार नहीं सी, इह तां फुल्ल सन। इनहां विच्चों सुगंध आ रही सी। इह सुगंध सिरफ मेरे वतन दी सी, मेरी मिट्टी दी। पर उदों मैनूं की पता सी इह फुल्ल सज्जरे नहीं सन। इह तां लोहे दीआं चाबीआं सन, जिनहां नाल इनहां चाबी देण वाले दिमागां नें कई जंदरे खोल्हणे सन। मैं उह चाबीआं दा गुछ्छा हुशिआर नूं फड़ा दित्ता। अज्ज मैं हुण सोचदा हां, हुशिआर नूं मेरा जिंदरा आप नहीं खोल्हणा चाहीदा सी। हुण जद वी हुशिआर दीआं अख्खां बारे सोचदा हां तां लगदा है कि जे मैं चाबीआं नां वी देंदा तां वी इहने खिड़की दरवाज़े तोड़ ही देणे सन। उह तां शुरू तों ही अत्थरा है। मां दा छिंदा। ... चलो, चंगा ही होइआ इहने मेरीआं चाबीआं नाल ही दरवाज़ा खोल्हिआ। घड़ी पल आराम कीता। जद आपणा घर बण गिआ तां मेरी चाबी मैनूं वापस कर दित्ती।

दस्स वज्ज चुक्के सन। कारड पंच करके मैं कार सटारट कीती। इंजण विच्चों कोई अजीब जिही अवाज़ आ रही सी। इस कार नें वी किसे दिन खहड़ जाणा है। मैनूं चिंता होई। बस परसिंनीए दो चार महीने कढ्ढ दे। ऐवें नां बेवफाई करीं तूं वी। परसिंनी तुरदी तुरदी पहिलां घुट्टी वट्टी जिही रहिंदी है, फेर दो कु किलोमीटर तुरके इहदा सरीर खुल्ल्हदा। फेर नहीं इह किसे नूं लागे लग्गण देंदी। कदे कदे तां बरेक दे आखे वी नहीं लगदी। इसदा इक्क फाइदा इह वी है इहदे हुंदिआं गैस सटेशन नहीं ढूंडणा पैंदा। गैस सटेशन वेखके तां इह आप ही उध्धर नूं तुर पैंदी है, जिवें वरहिआं दी पिआसी होवे। पिआस तां कोई वी होवे, मेरी प्रसिंनी वरगी ही होणी चाहीदी है। जिवें मेरी पिआस मेरी मिट्टी है। पंजाब दी मिट्टी ... प्रणाम ...।

घर पहुंचिआ तां सिंमी मेरा इंतज़ार कर रही सी। उसने अग्गे वधके मेरा बैग फड़िआ। टैलीवीयन चल्ल रिहा सी। निआणें दोवें सुत्ते पए सन। शांत वातावरण विच मेरे दिल विच काहली जिही पई, इक खोह जिही रूह खोरन वाली, जिवें मेरे वयूद दी लोड़ उस तंद नाल जुड़ी होई होवे। जिवें तिड़के रिशतिआं दी गरामर नें कोई मेरे लई उदास गीत लिखणा होवे। जो सिरफ मेरा होवे। मैं उस गीत विच्चों बलदी अग्ग दा सेक अपणा के आपणी होंद नूं कोई आकार देणा चाहुंदा हां। मैं वी हां। मेरी तां सिरफ इहो तलाश है। अज्ज सिंमी नूं पुछ्छदा हां। सच्च सच्च दस्स। तैनूं मेरी सोंह लग्गे ...

‘की दस्सां? ...’

‘तैनूं पता ही है ...’ मेरा रोणा निक्कल गिआ।

‘तुसीं तां ऐवें कमले हो गए हो। जो हो गिआ, सो हो गिआ ... मिट्टी पाउ। ... रोज़ दिहाड़ी इक्को गल्ल ... नाले आप दुखी हुंदे हो ते नाल मैनूं दुखी करदे हो।’

“तुसीं नहा लैणा सी।” सिंमी तौलीआ लैके दरवाज़े विच खहड़ी सी। मैं भुच्चका जिहा रहि गिआ। मैनूं खुशी वी होई। अज्ज अजे तक्क मैं कुझ वी नहीं सी पुछ्छिआ।

“चल्ल इक वार दस्सदे, मुड़के नहीं पुछ्छदा। दस्सीं रीण रीण गल्ल ... मैं तैनूं कुझ नहीं कहिंदा।” मैं फेर उहो राग अलाप लिआ।

सिंमी नें मेरीआं अख्खां विच अख्खां पाके मेरे मत्थे नूं चुंमिआ ते उहदे मूंह ते अत्थरूआं नें झड़ी ला दित्ती।

“जा, मूंह धो के आ।” मैं उसनूं किहा। जदों उह चले गई तां मैं सोचण लग्गा, मेरी समस्सिआ की है? मैं किउं इहनूं तंग करदा हां, जद कि सारा कुझ कीता कराइआ मेरा ही है। ‘नहीं जो हो गिआ सो हो गिआ, लोकीं गल्लां करदे हन तां करी जाण। लोकां नें तां सीता ’ते वी दोश लाए सी ... पर सिंमी ते सीता नहीं।’ मेरा खून फेर उबाले खाण लग्गा। साडे लई तां इहो चंगा, कैनेडा छड्डके इंडीआ चले जाईए। चंगी भली सरदारी दिसदी सी सामहणे। आह साला घर वाले पंगे नें सारा खेल ही विगाड़ दित्ता। इहो जे इंडीआ कुझ खरीदिआ हुंदा, हुण नूं दूणा तीणा हो जाणा सी। घर दा खिआल आउंदिआं ही मेरा दिल बकबका हो गिआ। लिविंग रूम, फैमिली रूम नूं जांदीआं घुंमवीआं पौड़ीआं मैनूं ज़हिर दिसण लग्गीआं। मैं इनहां पौड़ीआं ते बहुत घट्ट चहड़दा सी। जिंना लहू इस डबल गैराज घर नें मेरा पीता सी, उंना लहू तां हुशिआर नें वी ...

हुशिआर दा चेता आउंदिआं ही मैनूं फेर काहली पैण लग्गी। सिंमी वाश रूम विच्चों वापस आ गई सी।

बोली, “जी, मैं अज्ज निंदी दे सकूल गई सी। इसदे टीचर नें सद्दिआ सी। कहिंदा तुहाडा निंदी बहुत तेज़ है। मैथ ’चों तां इसदा गरेड ए-पलस्स है। बाकी सबजैकटां विच्चों वी सारी कलास नालों अग्गे है। सकूल नूं ऐसे बच्चिआं ’ते माण है। ऐतकीं दिवाली असैंबली ते इहनूं राम बणाइआ सी।”

“तूं ऐवें नां उनहां दीआं गल्लां सुणिआ कर। मैं जाणदा इनहां गोरिआं नूं। इह दिलों सानूं नफरत करदे हन। बस मूंह दे ही मिठ्ठे हन। नाले आपां किहड़ा इत्थे रहिणा। पहड़ाई पहड़ूई ते तां देखीए जे आपां इनहां तों नौकरी कराउणी होवे। इंडीआ लै जाणा, उत्थे बुल्ले लुट्टणगे। वैसे निंदी है किंनवें गरेड ’ च?” मैं सिंमी नूं पुछ्छिआ।

"नाले तूं ऐम.ए. करके किहड़ा पहाड़ ढाअ लिआ।” मैं सिंमी दे बोलण तों पहिलां ही फेर बोल पिआ।

सिंमी मुसकरा पई। उसदी मुसकराहट नें मेरा दिल फेर काहला कर दित्ता। इहनूं पुछ्छां ... फेर सोचिआ काहनूं दिवाली वाली रात दी जहड़ पुट्टणी है। इहने दस्सणा तां है नहीं। ऐवें गोलमोल गल्ल करके पोचा पाउणा है।

“अछ्छा, तूं ते पहड़ी लिखी हैं। पंजाब ’च चंगा सकूल किहड़ा ऐ, जित्थे आपां निआणिआं नूं दाखल कराउणा? पैसे धेले दा फिकर नां कर। बस आह मकान दा फसता जिहा वढ्ढ लैण दे। जिंने मरज़ी पैसे लग्ग जाण। की कहिंदी हुंदी एं तूं ... डुनेशन।”

सिंमी नें मेरे चिहरे वल्ल नीझ नाल देखिआ ते बोली, “इत्थे पड़ाई फरी, कंम कराउण लई कोई वढ्ढी नहीं। साफ सुथरीआं सड़कां, कोई ऊच नीच नहीं। तुहाडे घरदे इत्थे, मेरा परिवार इत्थे, मेरीआं भैणां इत्थे, फेर।”

“तैनूं किंनी वार किहा, इस गल्ल दी बहिस नहीं। तैनूं इक वार कहि दित्ता, बस कहि दित्ता। साफ सुथरीआं सड़कां नूं सिर ’च मारना, जद बंदे ही चज्ज दे नहीं। इंडीआ आपणी सरदारी। इत्थे साले टके टके दे गोरे, मैनूं सीरी समझदे आ। नां तैनूं चेता भुल्ल गिआ जदों आपणे निंदी होइआ सी?”

“तुसीं तां हर गल्ल नूं आपणी तक्कड़ी च तोलदे हो। उस गल्ल नूं अजे तक्क पल्ले बंनही फिरदे हो। की पता उह, की नां सी उहदा?”

“माईक।” मैं याद कराइआ।

“हां माईक, की पता उह ढाढा ही चंगा होवे। हर इक्क दी खुशी ’चों लुतफ लैंदा होवे।” सिंमी नें फेर पंगा लै लिआ।

“नां लोकीं ते मैनूं पागल कहिंदे ही हन, समझदे ही हन, हुण तूं वी!”

इह गल्ल 1992 दी दिवाली तों वी सत्त साल पहिलां दी है जदों मेरे काका होइआ सी। सवेर दे साढे अठ्ठ वज्जे सन। जदों नरस नें वधाई देंदिआं किहा सी, "मिसटर अरूड़ सिंघ, यू हैव ए बेबी बुआए।”

‘नां हुण तुसीं आप दस्सो, जिहड़ा बंदा दस साल पहिलां दी गल्ल चिट्टे दिन वांग रीण रीण दस्स सकदा है ते फेर दस्सदा दस्सदा उसतों वी सत्त साल पहिलां दी गल्ल याद रख्ख सकदा है, उह कमला किवें हो गिआ? असल विच कसूर तुहाडा वी नहीं ते मेरा वी नहीं। कसूर कीहदा है? इसदा फैसला आपां वकत ते नहीं छड्डणा, अज्ज ही मुका देणा है। मैनूं वी चानण हो जू कि तुसीं मेरे वल्ल दे हो जां कीहदे वल्ल दे। तुहाडे विच मैं बैठा हां जां मेरे ’च तुसीं बैठके मेरे तों ऐवें गलत कंम कराई जांदे हो। भाजी, किसे ते भरोसा कर लैणा बेवकूफी ते नहीं। भरोसे ते दुनीआं कैम है। विशवाश ’च लैके किसे दे पैसे खा जाणे। किसे दी बणी बणाई चीज़ नप्प लैणी। किसे दी जनानी खोह लैणी। इहनूं तुसीं सिआणप कहोगे? कही जाओ, मैं तो नां मानूं। इह समारटी किद्दां हो गई? मैनूं तुसीं उदों नां डक्किआ। नां जे तुसीं मेरे यार सी ... डक्कदे उदों। कहिंदे, भाई बाकी सभ ठीक है पर वीर मेरे आह कंम नां कर, सिंमी वाला। हुण ऐवें सप्प दी लकीर पिट्टी जांदे हो। मैनूं बीतिआ भुल्लण वी नहीं देंदे।

सप्प तों मैनूं याद आइआ, "सिंमी, तूं की कहिंदी हुंदी सी, मैं सवेरे सवेरे पजामा इंझ लाउंदा हां जिवें सप्प कुंज लाउंदा है।” सिंमी हस्स पई। उहने आपणीआं बाहवां मेरे गले दुआले लपेट दित्तीआं। इक्क हत्थ नाल आपणी गुत्त फड़के मेरे सिर ते रख्ख दित्ती ते कहिंदी, “कहिंदी हुंदी सी पर हुण ते नहीं कहिंदी।” मेरा दिल भर आइआ।

“सिंमी मैं आपणी कुंज ’च दुबारा नहीं वड़ सकदा?” दिल करे सिंमी नूं आपणे दिल दी किसे हनेरी नुक्करे लुका लवां।

“जी, इक्क गल्ल कहां?”

“बोल।” मैं किहा।

“जी, तुसीं बहुत ही चंगे हो, सिआणे हो, रब्ब दे बंदे हो।”

“आहो, चंगा तां आपे लग्गणा। जद वाह ही जट्ट नाल पै गिआ। मेरे वांग पीलू वी सिआणा सी। अखे भठ्ठ रंनां दी दोसती, खुरी जिनहां दी मत्त, हस्स हस्स लाउंदीआं यारीआं रो रो देवण दस्स। सिंमी इह गल्ल मेरी समझ ’च हुण आई है। जिहड़ा जिंनी छेती रो पवे, उंना ही सिआणा ते जिहने मेरे वरगे नें कुट्ट खा के रोणा है, पग्ग लुहा के रोणा है, उहनूं लोकीं सिआणा नहीं कहिंदे। हुण तेरे साहमणे ही है, जणा खणा मैनूं टिच्चरां करदा।”

“पर लोक तां ऐवें धूं ’चों अग्ग कढ्ढदे हन। नां बंदा पुछ्छे इनहां सिआणिआं नूं, इद्दां कोई दुनीआं सड़ जू? तुसीं कोई माड़ा नहीं कीता। बस्स साडी किसमत माड़ी सी। रुहड़ जाणी मेरी मत्त ’ते परदा पै गिआ। औरत जो होई। मैं तुहानूं किहा वी सी इह खतरनाक खेड नां खेडो। पर तुसीं ते बापू जी आपणीआं ही शरतां ते उत्तर आए। मैं वी की करदी। लोकां नें ऐवें भरम जाल बुण बुण जगाह जगाह सुट्टे होए हन। चलो छड्डो, फिर की होइआ।” सिंमी नें मेरी सुरत पिछ्छे वल्ल मोड़ी।

“जदों नरस नें किहा, बई आपणे काका होइआ, तां सच्च जाणी, इक्क वारी तां मेरा साला रोणा जिहा ही निक्कल गिआ। बई कल्ल्ह नूं मैं ऐडा वड्डा सरदार बणना। लोकां नें झुक झुक सलामां मारनीआं ते अज्ज उहो सरदार इकल्ला खहड़ा। कोई वधाई देण वाला ही नहीं।” मैं इक सोफे तों उठ्ठ दूसरे ते बैठ गिआ।

“सिंमी फरिज्ज ’चों सोडा तां कढ्ढीं।” सिंमी सोडा लैण चले गई।

‘मैं बहुता जज़बाती जिहा बंदा नहीं, बई ऐवें रो लिआ, ऐवें हस्स लिआ। मैं तां बड़ा घैंट बंदा हां। तुहानूं पता ही है। सारा पिंड जाणदा। तुसीं मेरी पैंठ वेखी ही नहीं। मेरा सिरफ तुसीं नंग वेखिआ है। इसे करके मैनूं तुसीं घैंट नहीं समझदे। इसदे कारण वी मैं जाणदा। पर इहदे ’च मेरा कसूर की है? उदों अजे हुशिआर हुरीं इंडीआ ही सन। चलो छड्डो, सबक मैं वी सिख्ख लिआ। आपणे पुत्त नूं समझा के मरूंगा। कंजरा, किसे दा कदे इतबार नां करीं। मेरा वी नहीं।’

सिंमी फरिज्ज विच्चों सोडा लै आई। बोली, “की सोचदे हो?”

“ऐवें निंदी दे जंमण वेले दी गल्ल दिमाग ’च घुंमी जांदी है।”

“उह माईक वाली?”

“हां।” मैं किहा।

“चलो अज्ज फेर मैनूं सुणाओ। बड़ा मज़ा आउंदा। जदों तुसीं कदे कदे डांग सोटे दी गल्ल करदे हो।”

“चल्ल तैनूं मैं सुणाउंदा पहिलां, फेर तूं मैनूं आपणी सुणाईं।” मैं सिंमी दी दुखदी रग ते फेर हत्थ रख्ख दित्ता।

“मैं चल्ली आं सौण।” सिंमी सच्ची उठ्ठके खहड़ी हो गई। किंनी अजीब दुबिधा सी मेरी। हत्थीं लाई अग्ग नूं बार बार किउं याद करना चाहुंदा सी।

"नहीं, नहीं, बहि जा, चल्ल सुणाउना तैनूं बात।” मैं सिंमी दा हत्थ फड़के उसनूं बिठाउंदिआं किहा।

“तूं ते अजे बेहोश ही सी। सिजेरीअन दे टीके दा असर सी। मुंडा होए नूं अजे घंटा कु ही बीतिआ सी, मैं गुस्से विच आ गिआ सी। माईक दी ज़ुरअत किवें पई? मैनूं नहीं पता पर ऐहो जिहे टिंड घसिआं कोलों मैं बीअर किवें पी लई। मेरी समझ विच अजे तक्क नहीं आउंदा। वकत मुड़ आवे तां साले दे कुरसी चुक्कके सिर ’च मारां।”

“फेर मारी किउं नहीं?” सिंमी नें जिवें मेरी सरदारी नूं सवीकार कीता होवे।

“उदों वकत ही कुझ्झ ऐसा सी। तूं हसपताल, हुशिआर हुरीं इंडीआ। बस ऐवें सिआणप दी सिड़ी जिही सिर नूं चहड़ी होई सी। निरी बकवास … आदमी नूं समझौता तां ज़िदगी ’च करना ही नहीं चाहीदा। तूं देख ही लिआ है।” … मैं फिर जिवें कुझ चितार रिहा होवां। सिंमी नें फेर अख्खां नीवींआं पा लईआं। मैं वकत दी नज़ाकत नूं समझिआ। दिवाली वाली रात खराब नहीं होणी चाहीदी। मैं गल्ल जारी रख्खदिआं किहा, "उद्दण तां मैं आपणी जान ही बचाउणी ठीक समझी। लै ’कल्ली जान ही की, मैं ते इक धफ्फा तक नहीं खांदा। नां होर प्रदेसां ’च धक्के खाण दा फाइदा की, जे बंदा आपणे कप्पड़े पड़वाउणों वी नहीं बचा सकदा? आपां तां वड्डे वड्डे नाढू खां गोरिआं नूं बेवकूफ बणा लईदा। पर उह समारटी वी काहदी होई, जिहड़ी जज़बातां दे बुरके थल्ले होवे। मेरा तां सिंमी मुंडा देखण तों बाद जी करे कि दारू पीती जावे। ठेके अजे खुल्ल्हे नहीं सन ते घर जाणा, उह वी बस विच बहिके … उंने चिर नूं तां मुंडा जुआन हो जाणा सी।”

सिंमी हस्सण लग्ग पई, "नां तुसीं रात ही किउं नां मिक्की लैके मेरे बैग ’च पा लई। जिवें अकसर करदे हो।”

“नां रात मेरे सुपना आउणा सी कि सवेरे मुंडा होणा? जे कुड़ी हो जांदी फेर।”

मेरी गल्ल सुणके सिंमी दा हासा बंद हो गिआ, बोली, "हां गल्ल तां ठीक है। कुड़ी दी काहदी खुशी। कुड़ीआं तां ऐवें गोल लक्कड़ हुंदीआं हन जिध्धर कोई रेहड़ देवे।”

मैं उहदी गल्ल गौलण दी बजाए अग्गे दस्सण लई काहला सी, "मैं सिंमी हौसला जिहा कीता, चलो अज्ज रैसटोरैंट ’च बहि के पीने आ। पैसिआं सालिआं नें नाल जाणा। रैसटोरैंट विच बैठे सन, इह माईक होणी चार गोरे। लंडर जिहे देखण नूं ही फुकरे लग्गण। बैठे बीअर पींदे सी। मैं आला दुआला देखिआ, किते हनेरी जिही नुक्कर लभ्भी जावे। जित्थे बैठके मुंडे दा जशन मनाइआ जावे। मैं सोच रिहा सी, दो बीअरां मंगावां, इक्क आपणे लई ते इक्क हुशिआर लई। उहदा नाम लैके पीआंगा। उह चारे मेरे वल्ल वेखण लग्गे। इक वार तां सोचिआ, चल्ल छड्ड मनां, जशन जुशन नूं रहिण दे ऐवें। इक वार ऐडमिंटन वी बिनां गल्ल तों कुट्ट खा चुक्का सी, ऐवें निआणे दे चाअ ’च गिच्ची विच घसुंन खाऊंगा।”

“ऐडमिंटन की होइआ सी। पहिलां तां तुसीं कदे गल्ल नहीं कीती।” सिंमी नें हैरानी नाल पुछ्छिआ।

“सारीआं गल्लां दस्सण वालीआं थोहड़ो हुंदीआं? तूं किहड़ा दस्सदीं हैं? बस कोई हैंकी पैंकी बिज़निस सी तेरे वरगा।” सिंमी फेर झेंप गई। "अछ्छा अग्गे दस्सो।”

“मैं वापस जाण लई अजे उठ्ठिआ ही सी तां माईक नें मैनूं अवाज़ मार लई, "उह पाकी, कंम हीअर।” मैं सोचिआ लै बई मनां मना लै जशन। ‘अरूड़ सिंहां इत्थों पैसे इकठ्ठे कर, ते दौड़ जा पिंड नूं।’ हुण समस्सिआ सी, जे तां मैं उहदी गल्ल सुणदा तां मरदा, जे नहीं सुणदा तां मरदा। मैं जक्कोतक्की उनहां कोल चला गिआ। जिद्दां मेरा नाम ही पाकी होवे। उहने मैनूं खहड़े खहड़े नूं ही पुछ्छिआ, "वाइ यू लुक्क सो हैपी।”

मैं खहड़े खहड़े ही किहा, “बेबी बुआए बौरन।”

“उह याह ऐनदर पाकी बौरन। वैरी गुड्ड, सिट्ट डाऊन औन दी चेअर।” मैनूं लग्गा जिवें मैं कोई नीवीं शै होवां। जो उह पुछ्छे, मैं दस्सां। जदों उह कहे बहि जा, मैं बहि जावां।

“माई नेम इज़ माईकल।” गोरे नें हत्थ अग्गे करदिआं किहा। मैं झकदिआं उहदे नाल हत्थ मिलाइआ। सिंमी मैं हुण सोचदां मैं हत्थ मिलाउण लई झुकिआ किउं सी। खहड़े खहड़े गल्लां करदे दे हत्थ मेरे काबू विच किउं नहीं सन। उह किउं बार बार पिछ्छे चले जांदे सन, जिवें इंडीआ विच चपड़ासी करदे हन, आपणे अफसर अग्गे।

“इह तुहाडा कंपलैकस है। तुसीं कदे वी आपणे आपनूं कैनेडीअन कलचर नाल जोड़के नहीं वेखदे। आदमीआं दीआं जातां, किसमां तुहाडे दिमाग विच वड़ीआं होईआं हन। इह जट्ट है, इह सीरी है। इह बीज बहुत डूंघे खुभ्भे होए हन, तुहाडे विच। इस बीज नूं पालण लई तुसीं कोई वी कीमत तारन लई तिआर रहिंदे हो। की नहीं इस मुलक विच, साद मुरादे लोक, साफ सुथरा कंम काज, कोई रिशवत नहीं, कोई ठग्गी नहीं। उध्धर इंडीआ विच हो रही चोर बज़ारी नूं तुसीं आपणे जट्टपुणे दी बुक्कल विच इस तरहां लपेटिआ होइआ है कि तुसीं खुद ही देख नहीं सकदे। तुसीं समझदे हो, तुसीं उच्चे हो ते तुहाडी लोड़ है कि कोई नीवां होवे। जदों कोई नीवां नहीं लभ्भदा फिर आपणे आप नूं अगले साहमणे नीवां किआस लैंदे हो। इस नीवेंपन दी अणहोंद ही तुहानूं कैनेडा टिकण नहीं देंदी।”

“नां तूं आपणीआं भोरनो हटेंगी कि नहीं, अगांह सुणनी है गल्ल कि नहीं?” मैं उहदे लैकचर नूं निकारदिआं किहा।

“चलो सुणाउ, अग्गे वी तुहाडीआं सुण सुण मैं आपणी किआरी ’च कंढे बीजे हन। तुहानूं ते लांवां दी वी शरम नहीं आई।”

“नां मैं बेशरम ही सही, पर तूं जिहड़ी कहड़ी घोली है, उहदा की जुआब है तेरे कोल।” मैं जिवें दब्बे मुरदे नूं सहिलाइआ होवे।

“चलो रहिण दिउ।” सिंमी नें हथिआर सुट्टदिआं किहा।

मैं अणमंने जिहे नें फेर गल्ल शुरू कीती।

“यूअर नेम।” माईकल बोलिआ।

“अरूड़ सिंघ” मैं किहा।

“अरूर, मैं तैनूं पाकी नहीं कहांगा। आई ऐम सौरी। तेरे लड़का होइआ है। वंडरफुल्ल! चल सानूं बीअर पिला।” मैनूं इंझ लगा जिवें मेरे बापू नें इक वार सीरी नूं किहा सी, ‘तेरे मुंडा होइआ, जा उए लैके आ पहिले तोड़ दी बोतल।’ सीरी बोतल लै आइआ ते बाटी वी। उहने बोतल बापू नूं फड़ा दित्ती ते आपणी बाटी वी अग्गे कर दित्ती। बाटी विच पवा के उह भुंजे ही बहि गिआ ते लग्गा कहिण, ‘सरदारा अज्ज तेरी इक्क बांह होर जंम पई। मेरे तों बाद इह तेरी ते तेरे निआणिआं दी सेवा करू।’

माईकल नें आईआं बीअर दीआं बोतलां विच्चों इक्क चुक्कके मेरे मोहरे कर दित्ती। बाकी इक्क उहने आप फड़ लई। लगदा सी जिवें माईकल सारिआं दा सरदार होवे। कुरसी ते उल्लर के बैठा सी, लत्तां अग्गे नूं कीतीआं होईआं सन। पिठ्ठ मसां ही कुरसी दी ढोह नूं लगदी सी। माईकल नें वेटर नूं अवाज़ मारी ते किहा रैसटोरैंट विच जिंने वी लोक बैठे हन सारिआं नूं बीअर सरव कर। अरूर दे घर बेटा होइआ है।

“मैं अख्खां ही अख्खां नाल रैसटोरैंट विच बैठे लोकां दी गिणती करन लग्गा। ओपरी गिणती नाल संखिआ बत्ती सी। मैं मंन ही मंन हिसाब लगाउण लग्गा, जे इक्क बीअर दी कीमत तिंन डालर वी होवे तां बत्ती बीअरां दी कीमत बणदी है छिआनवें डालर ते जे इस हरामी नें इक्क आरडर होर कर दित्ता तां बण जाणे हन दो सौ डालर ते जे इस इडीअट शराबी नें खाण लई आरडर कर दित्ता तां फिर की बणू? खाणे खूणे दी मैं हामी नहीं भरनी। हां, बीअरां दा इक्क वाधू गेड़ा भावें लगा लवे नाले सारे तां नहीं सवेरे सवेरे बीअर पीण लग्गे?

बस्स सिंमी उदों तक्क मैं आपणी बीअर खतम कर लई सी। निरणे कालजे पीती बीअर, उत्तों पुत्त होण दी खुशी। ढिड्ड दे वारे निआरे हो गए। अख्खां विच मसती आ गई। माईकल दा पाकी कहिणा भुल्ल गिआ। उह हुण गोरा नहीं, मित्तर लगदा सी। पर गोरे कदे मित्तर नहीं हुंदे। इह तां सानूं नीवां समझदे हन। छोटी जात! कोई नहीं कर लउ जो मरज़ी मेरे नाल पर मैं आपणे पुत्तां नूं तुहाडा सीरी नहीं बणन देणा। मैनूं उदों सारा पिंड ही मित्तरां दा लगदा सी, मानस की जात … पर तैनूं पता ही है, मैं हां तां जमांदरू सिआणा। लग्ग पिआ हिसाब किताब लाउण।”

“हां, सिआणा तां तुहाडा सारा टब्बर ही बहुत है। पिउ तुहाडा सिआणिआं दा सरदार ...” सिंमी नें फेर मेरी गल्ल टोक दित्ती। मैं फेर सबर दा घुट्ट भरिआ, कोई जुआब नां दित्ता। गल्ल दी लड़ी विच गंढ नां पैण दित्ती।

“सिंमी मेरी जेब विच वीज़ा सी, लिमट सी उहदी दो हज़ार डालर। किशत आउणी सी सौ तों वी घट्ट ते उत्तों मैं सिआणा जट्ट ते जट्ट दे घर जंमिआ सी मुंडा। बस जी, सारा कंम टिचन सी। बस इक्को चिंता सी कि जे तां पैसे धेले नाल ही मसला रफा दफा हो जाए तां कोई परवाह नहीं, समझूंगा कैनेडा दो महीने लेट आइआ सी।”

“नां इह समझ लैंदे हुशिआर नूं सगन विच दो सौ डालर दे दित्ता सी।” सिंमी नें फेर पंगा लै लिआ।

“घट्ट तूं वी नहीं कीती। नां तूं पा देणा सी कैंठा उहदे गल। हरामज़ादी गल्ल गल्ल ते ताहने देंदी फिरदी है हुण।” मेरी गल्ल सुणके सिंमी ठठंबर गई। कोई होर मौका हुंदा तां उह घट्ट नां गुज़ारदी। पर मैं वी उसदी दुखदी रग जाणदा सी।

“चलो छड्डो, अग्गे सुणाउ। फेर वीज़ा दित्ता?” सिंमी नें बाईपास दा राह चुणिआ।

“गल्ल गुल्ल नूं रहिण दे। तेरा नहीं गुज़ारा होणा मेरे नाल सारी उमर।” मैं बुझ रहे कोलिआं दी राख वांग बोलिआ।

“आई ऐम सौरी।” सिंमी नें हार मंनदिआं किहा।

“नां गल्ल तां चल्ल रही है, कैनेडा ते इंडीआ दे समाज दी। मैं किंनी वार किहा, मैं सड़ रिहा हां, निआणे नहीं झुलसणे। इसे लई मैं बार बार दलीलां दुहराई जा रिहां, पर तूं … खैर अग्गे सुण।” मैं जिवें हर हालत गल्ल सुणाउणी ही सुनाउणी सी। अध्ध-पचध्धी सिंमी नूं लैके इंडीआ पहुंचणा सी। आपणी सरदारी नूं मुढ्ढों सुढ्ढों उजागर करना सी।

“ते जे सिंमी गल्ल मारा मारी ते आ गई तां तैनूं पता डांग मेरी इंडीआ रहि गई है, चिंता इसे गल्ल दी है। मैं डांग कोल पहुंचणा है। हर हालत विच...”

“बापू साडा वी साहण जट्ट सी। सीरी दी शराब उहने वी पीती सी ते सरूर विच आके कहिण लग्गा, “लै बई अज्ज रात बक्करा साडे बणू। निहाल कर देईं आपणे टब्बर नूं। रात नूं लै जाईं रिझ्झिआ बक्करा। ‘वाह उए सरदारा, नहीं रीसां तेरीआं।’ मेरीआं पुड़पुड़ीआं विच्चों जट्टपुणे दा धुआंखिआ सेक निकलण लग्गा।

“माईकल बीअर हो जाए होर? ते नाले खाण नूं वी मंगवा लवो गोट मीट … अज्ज मेरा परिवार तुसीं ही हो।”

“नहीं अरूर मैं ते ऐवें घंटा कु शुगला ही करना सी। यू मीन फन … तेरी वाईफ नूं होश आ गिआ होऊ। जा उहदे नाळ गल्लां करो। रब्ब करे अगले साल इक्क होर पाकी जंमे। कैनेडा दी अबादी बहुत घट्ट है यू नो ...” माईकल ज़ोर दी हस्सिआ। माईकल नें हस्सके जिवें सानूं दोहां जीआं नूं नंगा करके तमाशा देखिआ होवे। जिवें असीं कैनेडा दी मज़दूर मंडी दे खराद होईए।

मैं लहू विच आए उबाल नूं धीरज दित्ता। मेरी कमीज़ दा उप्परला बटन खुल्ल्हा सी। मैं बटन नूं खब्बे हत्थ नाल बंद करन दी कोशिश कीती। सीरी दे मूंह दीआं बदल रहीआं शकलां मेरे साहमणे फेर आ गईआं। हकीकत विच बदलीआं सन जां खिआलां विच, मैनूं नहीं पता। अखे कैनेडा विच भिंनभेद नहीं।

“चंगा माईकल, हुण मैं जाणा। वेटर नूं कहि बिल लिआवे। मैं पे करां ते जावां।”

“डौंट वरी, तूं जा, दिस बिल औन मी।”माईकल नें ऐना कहिके जिवें मेरे सिर सौ घड़ा पाणी पा दित्ता होवे। मैनूं सीरी बक्करे दे मीट दा पतीला चुक्की दिसिआ।

“हू आर यू टू पे माई बिल्ल रासकल?” मैं मूंह विच बुड़बुड़ कीती।

“तूं कुझ किहा अरूर?” माईकल नें पुछ्छिआ।

“नहीं, मैं कुझ नहीं किहा। पर मैं सोचदां, बिल मैनूं पे करना चाहीदा। इह मेरा दिन है। जसट माईन।”

“उह कंम औन यू हैड ओनली टू बीअरज़। दैटस ओके … बी हैपी। इस मनी नाल आपणी बीवी नूं कोई गिफट लै देवीं। कोई डरैस्स जां कोई अंडर डरैस्स।” ते माईकल कुरसी ते बैठा बुहड़क बुहड़क हस्सण लग्गा। मैं उलझणा ठीक नां समझिआ। माईकल दे शबदां विच इक्क घुमंड सी। उसदे हत्थ विच कुझ सी जिस नाल उह कोई लकीर खिच्च रिहा सी। जिसदे इक पार मैं खलोता सी आपणे सीरी नाल मोढा जोड़ी। जिवें मेरा बाप कहि रिहा सी बिल्ल पे कर भावें डांग नाल ही कर। हुशिआर वी मुठ्ठीआं घुट्टदा लग्गा। मैं सिआणप वरती। चुप्प रिहा, माईकल नाल हत्थ मिलाइआ। उहने मैनूं मुसकरा के अख्ख मारी, जिवें मैं कोई जनानी होवां। मैं मुड़ पिआ। रैसटोरैंट दे दरवाज़े वल्ल। मेरे पैर मुशकल विच आ गए। जिवें मेरे बूट कैंची चपलां बण गए होण। चपलां दी वध्धर बाहर निकलण वाली होवे। मैनूं मेरी पैंट ढिल्ली होके हेठां खिसकदी लग्गी। मैं पैरां वल देखिआ। उह ठीक सन, ऐवें मेरे मंन दा वहिम सी। बाहर जांदे नूं मैनूं आपणा नव जनमिआं मुंडा याद नहीं सी आ रिहा। इस तरहां लगदा सी, जिवें कुझ होइआ होवे। की होइआ? पता नहीं, पर मंन बहुत उदास सी। चल उह दिन वी आवेगा जद मैं कैनेडा नूं आखरी सलाम कहांगा। मेरे दिल दी ठार नें इक्क निघ्घी चादर लपेट लई।

“नां तुसीं अजे वी सोचदे हो,आपां इंडीआ वापस जाके वसणा?” सिंमी नें किहा।

“नां तैनूं लिखके देवां, किंनी वार किहा, इस गल्ल विच्च दखल नां दिआ कर।”

“ऐना कुझ होण दे बावयूद पिंड किस मूंह नाल जावांगे?” सिंमी नें आपणी चुंनी दे लड़ दी कंनी नूं पहिलां मूंह विच पाइआ ते फिर पता नहीं की सोचके गिल्ली कंनी नूं उंगल दुआले लपेटण लग्ग पई।

“नां पिंड आपणा घर, बार, ज़मीन जाइदाद। पैसा आपणी जेब विच। जिहड़ी गल्ल तूं सोचदी हैं ... उहदी चिंता नां कर। सारी दुनीआं करदी है। लोक तीवीआं मुल्ल लिआ के जठाणीआं बणा दिंदे हन। आपां तां फिर … बस्स होर फ़ज़ूल बहिस नहीं।” मैं जिवें गल्ल खतम कीती होवे।

“देखो सिआणे बणो।”

“तेरे जिंना?” मैं टकोर कीती।

मेरे काइदे नूं बंद ही रहिण दिउ। अज्ज दिन दिहार है, दिवाली है। होई बीती ते मिट्टी पाउ। साडा निआणा सकूल विच टौप कर रिहा है।”

“पिंड विच वी सारा टौप टौप ही है। साडे बाप नें पिंड विच जिहड़ी इज़्ज़त ...”

“रहिण दिउ ढकीआं वड्डीआं इज़्ज़तां वाले … ते उह वी बाप नें … मैं जाणदी हां सारा कुझ। मेरा बेड़ा गरक करके … जिहड़ा घर दी इज़त नहीं सांभ सकिआ।” सिंमी भख़ पई।

“मैनूूं तां उस दिन दा अज्ज वी चेता, नां खसमां खाणी तुहाडी गल्ल मंनदी नां लोकां दीआं गल्लां सुणदी ते नां तुहाडीआं … ढठ्ठे खूह विच पैंदे मेरे मापे जिनहां करके मैं मौहरा फक्किआ। उनहां मैनूं की दे दित्ता? भैणां दोवें ऐश करदीआं हन ते मैं फैकटरीआं विच धक्के खांदी हां। नाले सारिआं दी बकवास सुणदी हां। सांढू तुहाडे तों पिछ्छों आके साडे तों जिआदा सैट्ट हन ते तुसीं कुहड़ी जांदे हो आपणी किसमत नूं। नां की लोड़ सी मैनूं जां तुहानूं! बड़े सोहणे वसदे रसदे उज्जड़ के बहि गए।” सिंमी उध्धड़ चुक्की सी। इक वार शुरू हो जाए फेर नहीं इह टळदी। गलती तां भावें मेरी है जां साडे परिवार दी पर इह वी तां छनाल बण के टोटे टोटे होके ही मेरे कोल वापस आई।

जदों मैं पक्का होके विआह कराउण गिआ सी, मेरी उमर सैंती साल सी। कई रिशते आउण तों बाद सिंमी दे परिवार नाल साडी मीज़ा मिल गई। इह उदों ऐम.ए. करके हटी सी। उमर इहदी कोई बाई साल सी। विआह तों बाद सिंमी वी कैनेडा आ गई ते मेरे मां बाप वी कैनेडा आ गए। इहदे मापे ते दो भैणां इंडीआ ही सन। मेरे तों छोटा हुशिआर सिंघ वी इंडीआ ही रहि गिआ सी। दसवीं तों बाद उह पहड़िआ नहीं। अवारागरदी करदे दी उमर पच्ची साल हो गई। जे तां पहड़दा रहिंदा तां डीपैंडैंट शोअ हो जांदा पर ऐसा हो नहीं सकिआ। साडा धिआन हुशिआर विच ही सी। किसे नां किसे तरहां उसनूं कैनेडा कढ्ढण दीआं सकीमां बणन लग्गीआं। सिंमी नूं आई नूं वी तिंन साल होण लग्गे सी। उह नित्त मेरा सिर खांदी कि आपां उहदे परिवार नूं सपांसर करीए। पर मैं टाल मटोले करदा रिहा। साडे दिमाग विच इक्क गल्ल रिझ्झ रही सी, पर सिंमी पैर नां धरदी। मैं कई वार बहानिआं नाल उहदा धिआन दिवाइआ कि आपां हुशिआर दा रिशता सिंमी दी छोटी भैण रिंकी नूं कर दईए, पर सिंमी हमेशा इहो कहिंदी, मेरे घर दे नहीं मंनदे। रिंकी नहीं मंनदी। उह ऐम.ए. करके ऐम.फिल कर रही सी। पहड़ाई दा ज़िआदा फरक होण करके मैं वी ज़ोर नां पाउंदा ते उप्परों मेरा बाप मेरे तूंबे तोड़दा। मैं आपणे बाप दी संगत तों वी डरन लग्ग पिआ। साडा जदों वी आमहणा सामहणा हुंदा, उह हुशिआर दे रिशते दी गल्ल लैके बैठ जांदा।

जिस दिन इस हनेरगरदी दी बुनिआद रख्खी गई, उस दिन मेरे निंदी दा जनम दिन सी। आए प्राहुणिआं नें जो चक्क थल्ल कीती उह मैनूं अज्ज तक्क याद है। प्राहुणे चले गए पर साडी नींद उड्ड गई सी। बापू जी मैनूं कहिण लग्गे, अज्ज गल्ल मुका के छड्डणी है। जे तूं नहीं गल्ल करनी तां मैं करदा हां। मैं वी कहि दित्ता कि मैं ते गल्ल अग्गे वी कीती है मैनूं नहीं लगदा इह मंने।

बापू जी नें सिंमी नूं अवाज़ मारी, "देख पुत्त, अरूड़ नें बड़े ज़फर जाले हन। पक्का होइआ, असीं आए, तूं आई। असीं तुहाडे निआणे सांभदे हां। तुहाडे घर दी राखी करदे हां। देख, हुशिआर साडा पुत्त है तेरा वी दिउर है। बीबा तेरी भैण रिंकी अजे विआहुण वाली है ...”

“बापू जी, रिंकी दा नाम तुसीं हुशिआर नाल नां जोड़ो। उह नहीं मंनदी। मेरे मंमी डैडी नहीं मंनदे। मैनूं वी इह जोड़ ठीक नहीं लगदा। हुशिआर लई कोई होर रिशता ...”

“नां अरूड़ वी ते दस पहड़िआ सी ते तूं ऐम.ए., उदों तां तेरे घरदिआं नूं कोई इतराज़ नहीं सी।” बापू जी कुझ खरहवा बोले।

“बापू जी, जो वी है, बस मेरे वलों नांह ही समझो।” सिंमी नें तोड़ के जुआब दे दित्ता।

“चंगा फिर संभालो आपणा घर। जित्थे साडी इंनी वी इज़्ज़त नहीं, उत्थे नहीं असीं रहिणा।” बापू जी उठ्ठके अंदर चले गए।

लिविंग रूम विच बैठिआं मैं सिंमी नाल अख्ख नहीं मिला रिहा सी। मैं दुवल्ले फस गिआ। मेरा घर आउण नूं मंन नां करिआ करे। बेतहाशा शराब नें मेरी सिहत खराब कर दित्ती। डीपरैशन दे दौरे वी उदों दे ही शुरू हन। सारी सारी रात नींद नां आवे। सिंमी नाल लेटिआं मैनूं गुनाह दा अहिसास होण लग्ग पिआ। उसने आपणीआं चंगिआईआं जिताउणीआं शुरू कर दित्तीआं। मैं अंदर ही अंदर दब्बदा गिआ। सिंमी मैनूं होर वी सोहणी होर वी चंगी लग्गण लग्ग पई। मैनूं लगदा जिवें मैं किसे वस्सों बाहरी नार नाल रहि रिहा होवां, ते उहदा शुकरगुज़ार होवां।

इक्क नवां सुआल शुरू होइआ, सिंमी दे परिवार नूं सपांसर करन दा। इस सुआल नें जिवें इक्क जंग दा ऐलान कर दित्ता होवे।

बापू जी ते सिंमी दी जंग। मेरे मत्थे ते नित्त नवें तवीत बझ्झण लग्गे। ‘मै तेरा पिओ’ ... ‘मैं तेरी मां’ ... ‘मैं तेरा छोटा भरा’... मैं तेरी पतनी...’

इह तवीत मैं आप नहीं बंनह रिहा सी। पर मैं किसे नूं मनहां वी नहीं सी कर रिहा। पर जद वी सिंमी मेरे सस्स सहुरे जां सालीआं दा तवीत लैके आउंदी, मैं सिर मार दिंदा। उह हत्थ विच फड़े तवीत नूं ज़ोर नाल घुट्टदी। लोहे दे तवीत विंगे नां हुंदे पर सिंमी दे हत्थां विच्चों लहू सिंम आउंदा। हत्थां दीआं तलीआं राहीं चहड़िआ ज़हिर उसदे सरीर विच फैलण लग्गा। इस ज़हिर नें उब्बल उब्बल धूंए नाल मेरा सारा घर भर दित्ता। इस धूंए दे दूसरे सिरे मैनूं दिसणे बंद हो गए। मेरी घुटण जीण लई तरसण लगी। सिंमी दी ज़िद्द … मेरे घर दे सद्दो … चार साल हो गए हन … बापू जी दी ज़िद्द हुशिआर नूं सद्दो, उह अठाई साल दा हो गिआ है।

फेर इक्क दिन मेरे बापू नें सिआणप कीती। उह इक फारमूला लैके आइआ। उस दिन जद बापू जी सैर करन गए तां बहुत ही तेज़ हवा वगदी पई सी। इंनी तेज़ हवा विच तां साह लैणा वी औखा हुंदा है, मैं मनहां वी कीता कि बापू जी अज्ज नां जाओ, जे जाणा ही है तां इस पासे नांह जाओ, इध्धरों सिध्धी हनेरी वग्ग रही है, दूसरे पासे चले जाओ, तुसीं सैर ही करनी है तुहानूं की फरक पैंदा है? पर साडा बापू अग्गे ही अग्गे वधदा गिआ। जिवें तेज़ हवा नूं हत्थ लाउण दी कोशिश विच होवे। हवा नाल कुझ्झ कख्ख काण वी उड्ड रिहा सी, कुझ जूठे कैन वी रिहड़ रहे सन, कुझ पाटे पुराणे कागज़, कुझ रद्दी अखबार वी उड्ड रहे सन। पता नहीं इंने झख्खड़ विच बापू जी नें अखबारां दे इह रदी सफे किवें पहड़ लए। इहनां जूठे कैनां नूं छोह देण वाले किवें पछाण लए। इनहां कख्खां काणां नूं किवें बालण समझ लिआ। इस बालण विच रिझ्झिआ कुझ नहीं, बलकि अरूड़ सिंघ जरूर सड़ गिआ।

घर आके बापू जी नें सारिआं नूं सद्द लिआ। बीबी नहीं आई। जिवें उहनूं फारमूले दा पहिलां ही पता सी।

“अरूड़ सिंघ ते सिंमी बेटे।” बापू जी नें इंना कहि के खंगूरा मारिआ।

“सिंमी बेटे, देख तेरा परिवार इंडीआ बैठा है ते मेरा हुशिआर इकल्ला इंडीआ फसिआ पिआ है। तूं वी काहली हैं, तेरीआं भैणां दी वी उमर वध रही है ते हुशिआर दी वी, जां तां हुशिआर ते रिंकी दा रिशता पक्का कर दिओ ते अरूड़ तेरे घरदिआं नूं सपांसर कर दिंदा है, वरना अरूड़ तेरे घरदिआं नूं सपांसर नहीं करेगा, तूं जिंना मरज़ी जोर लाई जा। ते जे तूं समझदी हैं कि हुशिआर रिंकी दे लाइक नहीं तां हुशिआर नूं इध्धर कढ्ढण दी तेरी जिंमेवारी। तूं आप पेपर भरदे।” बापू जी आपणी गल्ल कहिके चुप्प कर गए। मैं बिट्ट बिट्ट सिंमी वल वेखण लग्गा ते सिंमी दा वी रंग फक्क होइआ पिआ सी। पर इस वार नां तां उह भुड़की, नां अंदर गई। नां उहने शरम मंनी। जिवें अदालत दे कटहिरे विच खहड़े गवाह कोल कोई गुंजाइश नहीं हुंदी।

तट्ट फट्ट बोली, "ठीक है बापू जी, तुसीं कहि दित्ता, मेरे बज़ुरग हो। तुहाडा किहा सिर मत्थे। जे इक्क वार अरूड़ वी सारिआं दे साहमणे कहि देवे जां जिस तरहां तुसीं ठीक समझो।”

मैं सोफे दी लव सीट ते बैठा सी जदों सारे मेरे वल्ल वेखण लग्ग पए। "ठीक है! जिस तरहां तुसीं करना है करी जाओ, मैनूं की पुछ्छदे हो?

“मैं इनहां नूं डाइवोरस देके हुशिआर नूं इध्धर सद्द देंदी हां ते तुसीं पहिलां मेरे परिवार नूं सपांसर कर दिओ।” सिंमी नें मेरे वल्ल वेखिआ। उसदी नज़र मेरे चिहरे नूं पहड़ रही सी जां हो सकदा है मेरा वहिम ही होवे।

“बस इक्क अरज़ है बापू जी, जे अज्ज पूरी हो जावे तां मैं समझांगी मैं वी इस परिवार दी कुझ लगदी हां।” सिंमी दीआं अख्खां विच अत्थरू नहीं सन पर इंझ लगदा सी जिवें हुणे आ जाणगे, जिवें अत्थरू अजे वी कुझ उडीकदे दे होण।

“बोल पुत्त, तूं इंझ किउं सोचदी हैं, तूं ते मेरा बीबा पुत्त हैं, अरूड़ नालों ज़िआदा पिआर करदा हां मैं तैनूं।” बापू जी नें गल्ल नूं बहुत ही धिआन नाल बोचिआ।

“बस्स मैं सिरफ इक वार, कोई वी कदम चुक्कण तों पहिलां आपणे सिर दे साईं नाल गल्ल करना चाहुंदी हां।”

सिंमी नें मेरे वल्ल इंनी नीझ नाल देखिआ, मेरा दिल बैठण लग्ग पिआ।

“कोई नी पुत्त तुसीं कर लवो, पराईवेट गल्ल, कमरे विच चले जाउ।”

“नहीं बापू जी, जे तुसीं गुस्सा नां करो तां मैं चाहुंदी हां, तुसीं सानूं इकल्लिआं नूं छड्ड दिउ, घंटा कु। तुसीं ज़रा थल्ले आंटी वल्ल जा आवो।” सिंमी नें अज्ज पहिली वार ऐसी वैसी गल्ल कीती सी।

“चल्ल नी उठ्ठ।” बापू जी नें बीबी नूं उठाइआ ते बीबी रमोट वांग उठ्ठके चप्पलां पाउण लग्ग पई।

मेरा दिल बैठण लग्ग पिआ। उनहां दे जाण तों बाअद सिंमी नें चिटकणी चैक्क कीती ते फिर आके सोफे `ते बैठ गई ते बोली, "इह शरत है मेरे घरदिआं नूं सद्दण दी।” मैं कुझ्झ बोलण लग्गा तां उह फिर बोली, "इक्क संत नें कथा सुणाई सी किते। इक्क वार इक्क कसाई कोल रात वेले कोई गाहक आ गिआ, उसनूं बक्करे दा मीट चाहीदा सी ते उस वकत मीट खतम हो चुक्का सी। गाहक दूणे तीणे पैसे देण नूं तिआर सी। कसाई दे मन विच लालच आ गिआ। उह उठ्ठके बुच्चड़खाने गिआ जित्थे जींदा बक्करा बझ्झा पिआ सी।”

“नां तूं मैंनूं कहाणीआं सुणाउण लई बिठालिआ है इत्थे। मतलब दी गल्ल कर, जे कोई करनी है तां। तैनूं बापू जी दी शरत मनज़ूर है जां नहीं।” मैं तहड़ी लाई।

“मेरी पूरी गल्ल सुण लउ, फिर होणा तां उही है जो तुसीं चाहुंदे हो। ... कसाई नें सोचिआ जे मैं पूरा बक्करा झटका दित्ता तां सवेर तक्क उंझ ही किसे कंम दा नहीं रहिणा। किउं नां बक्करे दी इक्क लत्त वढ्ढ लवां, इस तरहां हुण वी सर जाऊ ते सवेर तक बक्करे नें किहड़ा मर जाणा है। बक्करा उसदी नीअत ताड़ गिआ ते बोलिआ, "वेख, आह कंम नां करीं, कई जनमां विच मैं तैनूं वढ्ढिआ ते कई जनम तूं मैनूं वढ्ढिआ, आह नवीं भाजी नां चाहड़।” इंना आखके सिंमी मेरे वल्ल वेखण लग्ग पई।

मैं किहा,"बस्स इंनी ही गल्ल सी जां तूं होर वी कुझ कहिणा है।”

“बस्स मैं इही कहिणा सी। मक्किउं परहे उजाड़, हुण जो तुहाडी मरज़ी।”

मैं सोचिआ हुण सही वकत है, इस समें इह जज़बाती है। दसखत हुणे ही करा लैणे चाहीदे हन, ऐवें किसे होर दी चुक्क विच आके कल्ल्ह नूं मुक्कर ही नां जावे। मैं अंदर गिआ ते वकील दे बणाए पेपर लिआ के सिंमी अग्गे कर दित्ते ते किहा, "लै इनहां ’ते साइन कर दे ते सवेरे ही छुट्टी कर लै, आपां चल्लांगे इंमीगरेशन दे आफिस।”

सिंमी पेपर देखके हैरान जिही हो गई ते बोली, "तुसीं ते सच्चीं ही लोहे दी छुरी तिख्खी करी फिरदे हो। इह पेपर कदों बणवाए? की बापू जी नूं पता है इनहां पेपरां दा? ते बीबी नूं?” सिंमी किंने ही सुआल कर गई। लगदा सी उसनूं किसे सुआल दे जुआब दी उडीक नहीं सी। उह उठ्ठी ते पैन्न लिआ के पेपरां ’ते साइन करन लग्ग पई ते फिर उच्ची उच्ची रोण लग्ग पई। उसदा रोणा धोणा जिहा देखके दिल जिहा तां मेरा वी भर आइआ पर फिर सोचिआ इह तां निआणी है, इंझ सोचदी है जिवें साडा सच्चीं ही तलाक हो रिहा है। इह तां इक्क सकीम है। ऐवें कमली है इह ते।

किसे कोल कहिण लई कुझ नहीं बचिआ सी। अगले दिन ही सिंमी दे घरदिआं नूं सपांसर कर दित्ता गिआ।

हुशिआर दी उमर उनत्ती साल सी जदों उहदा आपणी भाबी नाल विआह होइआ। दोवें हम उमर सन। मेरा तलाक कागज़ी सी, पर इस कागज़ी तलाक नाल जिवें मेरा विआह कागज़ी होके रहि गिआ। सिंमी मेरी इज़त नहीं करदी सी हुण। उह सिमटके फेर आपणे परिवार दी बुक्कल नाल जुड़ गई सी। इंमीगरेशन काऊंसलर दी सलाह नाल सिंमी ते हुशिआर दीआं बड़ीआं रोमांटिक फोटोआं खिच्चीआं गईआं। आपणी बीवी दे विआह दी मूवी मैं आपणे हत्थीं बणाई। अंबैसी विच दिखाउण लई फोटोआं मैं आप खिच्चीआं। हुशिआर खुश सी। मैं नहीं। मेरा बाप खुश सी, मेरी मां बेवस्स सी। उसदी ममता पतनी धरम थल्ले दब्ब के कदों दी मर खप गई सी।

हुशिआर कैनेडा आ गिआ। सिंमी नाल उहदे हासे ठठ्ठे मैनूं चुभ्भण लग्गे। मैं उह चोभ सिंमी नाल सांझी करन दी कोशिश करन लग्गा। तित्तर बित्तर होई ज़िंदगी विच निंदी सहिमिआ रहिण लग्गा। मेरी शराब वध गई ते निंदी दा सहिम। लिविंग रूम विच लग्गी हुशिआर दी फोटो वल सिंमी भावें वेखदी जां नां वेखदी पर मेरीआं नज़रां उहदा पिछ्छा जरूर करदीआं।

साडे घर जदों पहिली वार पुलीस आई तां सिंमी नें कमरे अंदर वड़ के कुंढी लाई होई सी। पुलीस नें मेरे दोवें हत्थ पिछ्छे करके हत्थकड़ी जड़ दित्ती। दूजी वार सिंमी नें हैलप हैलप करदी नें राहगीर खहड़े कर लए। मेरे ते पाबंदी लगा दित्ती गई। मैं आपणे ही घर नहीं जा सकदा सी। मैं पंचाइत सद्द लई। फिर पता नहीं सारे परिवार नूं मेरे ते की तरस आइआ, उह सारे हुशिआर नाल मूव हो गए। सिंमी वी … निंदी वी। मेरी हालत खसता सी, बहुत ही खसता। कार विच सौं के वी रातां कट्टीआं।

अजे साल वी नहीं होइआ होणा जदों सिंमी, मैनूं फैकटरी विच आके मिली। कल्ल्ह दी गल्ल ... ते अज्ज दी गल्ल … बस्स … विच दी गल्ल नूं भुल्लण वासते जोर पाउण लग्गी। पहिली वार ऐम्म.ए. पास कुड़ी नें कार विच बैठिआं दसवीं पास अरूड़ दे पैरीं हत्थ लाइआ।

मैं, सिंमी ते निंदी फिर इक्क परिवार वांग रहिण लग्ग पए। मेरे कई सुआलां दा जुआब सिंमी सिरफ अथरूआं नाल दिंदी है। मैं जुआबां लई तरलोमछ्छी हां। मैं जाणना चाहुंदा हां कि हुशिआर … मैं जानणा चाहुंदा हां बंद बूहा वेखके मेरा बाप की महिसूस करदा सी। मैं जाणना चाहुंदा हां कि बंद बूहा वेखके मेरी मां खाणा खांदी सी कि नहीं। मैं जुआबां लई रोंदा हां, सिंमी शाइद मेरे ’ते तरस करके इनहां दा जुआब देवे।

पर सिंमी नूं सिरफ अफसोस है, दुख्ख है, दरद है। उह किसे निघ्घ नाल मेरे आप मुहारे वगे अत्थरू वी पूंझदी है।

बापू जी मेरे नाल निगाह नहीं मिलाउंदे। उनहां इक्क वार किहा सी, "अरूड़ पहाड़ जिड्डी ज़िंदगी किस तरहां कट्टेंगा, होर विआह करा लै। सिंमी ते हुशिआर बहुत चलाक निकले।”

मैं किहा, "बापू जी विआह तां नहीं कराउणा, पर विहला हां, जे कोई परिवार लंघाउणा है तां लंघा लवो।”

बापू जी भुब्बीं रो पए, “बेटा! मैं तेरा गुनाहगार हां।”

मैं तां विआह नहीं करवाइआ पर हुशिआर जरूर विआह कराउण इंडीआ चले गिआ।

“खरा हमेशा खरा हुंदा ए पुत्त! खोटे दा तां लोकीं मूंह काला करदे हन। अज्ज नहीं तां भलके।”

“इत्थे बापू जी सभ मसत हन। आपणी आपणी भगती कर रहे हन सभ। घोर उदास, घोर बेवस, लाचार। खुल्ल्हके हस्सण वाले नूं, ते खुल्ल्हके रोण वाले नूं लोक पागल समझदे हन।” सौदा रोज़ तोलिआ जांदा है बाणीए दी हट्टी ’ते। रिशतिआं दे तराज़ू नहीं हुंदे। मैं किनारा कर लिआ। बापू जी आउंदे हन, कदे कदे, वरहे छिमाही।

उद्दण वी दिवाली सी। ऐंतकी मैनूं पता सी बई दिवाली है। रब्बों ही शनीवार सी। जे शनीवार नां वी हुंदा तां वी दिवाली मनाउणी ही मनाउणी सी। मेरा पूरा परोगराम सी। बस्स जे शनीवार नां वी हुंदा तां मेरा दिवाली मनाउण दा ढंग बदल जाणा सी। भरदवाज नें छुट्टी नहीं करनी सी ते नां ही मैनूं सद्दणा सी। सानूं किते होर जाणा पैणा सी। मैं ते छुट्टी करनी ही करनी सी दिवाली दी। इस तों चंगा मौका तां होर कोई मिलणा नहीं सी। पर तुहानूं तां पता ही है मेरी किसमत दा। जे नहीं पता तां सबर करो।

“नां तेरा पासपोरट नहीं दिसिआ मैनूं, बाकी सारे कागज़ तां मैं सांभ लए हन।” मैं सिंमी नूं पुछ्छिआ।

"मेरा पासपोरट तां तुसीं आप लै गए सी। तुसीं आप तां मेरा पासपोरट इंडीआ भेजिआ, भुल्ल गए?”

“उह हां, याद आइआ। बस होर कोई फिकर नहीं। बाकी कागज़-पत्तर सारे पूरे हन।” मैं संतुशट सां। मैं बरीफ केस नूं दुबारा देखिआ। असीं कार विच बैठ के भारदवाज दे घर पहुंच गए। दीवे बले पए सन। सारे घर दे दवाले लाईटां जगामगा रहीआं सन। भारदवाज आप तां सकाच पींदा सी पर मेरा खिआल रख्खदिआं उहने रंम वी लिआंदी सी।

"यार ऐवें वाधू खरच काहनूं कीता?”

“नहीं, खरच काहदा? सकाच तैनूं पचदी नहीं ते जदों तेरे सिर नूं चहड़दी है, तूं घट खराब हुंनै, असीं जिआदा। मैं इह रंम तेरे लई नहीं, आपणे सुख लई लिआइआ हां।”

मेरा धिआन नां सकाच विच सी, नां रंम विच। मेरा सारा धिआन तां टैलीफोन दी घंटी वल सी। इह हुण वी वज्जी, हुण वी वज्जी। असीं घरों तुरे सी पंज वज्जके चाली मिंट ते, फोन दी घंटी साडे छे वजे वज्जणी चाहीदी सी। पर हुण तां छे वज्जके पंजाह मिंट हो गए सन। मेरा साह तेज़ चल्ल रिहा सी। फोन नें टरैं टरैं कीती, पंज मिंट घट्ट सत्त ’ते। मैं सिंमी वल्ल वेखिआ, उहने मेरे वल्ल। मेरा साह तेज हो गिआ। सिंमी नें कलीनैकस लैके आपणा मत्था पूंझिआ। मेरा गलास खाली सी। मैं काहली काहली भारदवाज दा पैग चुक्कके अंदर सुट्ट लिआ। साडी बेचैनी तों बेखबर भारदवाज टैलीफोन सुणन विच मसत सी। हूं हां करदा रिहा ते मैं भारदवाज दे मूंह दे हाव भाव देखदा रिहा।

की बकवास आदमी है इह भारदवाज? इंनी वड्डी घटना सुणके वी मज़े नाल फोन सुण रिहा। पंज मिंट बीत गए। मैं समझ गिआ, इह उह फोन नहीं सी। मैनूं आपणी पतनी ते गुस्सा आउण लग्गा। सारा कसूर इहदा ही है। मैं उहदे वल्ल अख्खां कढ्ढीआं। उह सहिम गई। भारदवाज नें फोन करैडिल ते रख्ख दित्ता। बिनां कुझ कहे सुणे उह रसोई विच चला गिआ, चिक्कन डरंम दी पलेट चुक्कण।

“नां तूं रही नां बेवकूफ दी बेवकूफ।”

“नां मैं की कीता?”

“मैं तैनूं किहा नहीं सी तुरन लग्गिआं, गुआंढी शरमे दी पतनी नूं दस्स देवीं, असीं भारदवाज वल्ल चल्ले हां?”

“जी, उह तां मैं दस्सके आई हां।”

“तां फेर उहने फोन किउं नहीं कीता?”

“जी मैनूं की पता।”

“लगदी पते दी। तूं कराइंगी मैनूं अंदर।” मैं गुस्से विच उब्बल रिहा सी।

“उइ किउं गुस्से हुंनै वरहे वाले दिन। कौण कराऊ तैनूं अंदर।” भारदवाज नें मेरी अखीरली गल्ल सुण लई सी।

“कुझ नहीं यार, जदों देखदी आ, मुंडे दे धफ्फा कढ्ढ मारदी है। नां बंदा पुछ्छे पई इह इंडीआ? पई निआणिआं दीआं भावें जटूरीआं पट्टी जाओ, कोई पुछ्छण वाला नहीं। इह बाई कैनेडा ऐ, इक्क वारी निआणा बेधिआने वी टीचर नाल गल्ल कर बैठा, सारा टब्बर टंगिआ जाऊ सूली ’ते। पर ऐहनूं कौण समझावे पहड़ी लिखी खतून नूं।” मैं सारी गल्ल दा रुख ही बदल दित्ता। सिंमी वी हस्स पई। उहनूं माण है मेरे ते। मैं तां मिंटां विच सकीमां घड़ घड़ ला देवां असमान नूं टाकीआं। इह भारदवाज की शैअ है।

“भारदवाज, तेरा मित्तर नहीं दीहदा अजे?” मैं टिच्चर कीती।

“उह आऊगा जरूर, ज़रा लेट आऊ। पर वैलीआ, हर वेले पंगा नां पाइआ कर। तैनूं की, कोई कुझ वी करे। आपणी आपणी समझ आ। मैं तां आप उहदे नाल सहिमत हां।” भारदवाज नें मेरे वल्ल टीर नाल वेखिआ।

“नां मैं कदों कहिनैं तुसीं गलत हो? मैं तां इह कहिना, तुसीं बेवकूफ हो। नां बंदा पुछ्छे निआणिआं तों वड्डा वी कोई हुंदा? जद तुहाडे निआणे ही तुहाडे नहीं रहिणे, फेर छिक्कू विच्चों बेर भालोगे? आ देख लवो, चवळां जिहीआं तुरीआं फिरदीआं, बेमुहारीआं। कहि खां इंडीआ विच ऐदां करन। नां इह डालर तुसीं सिर ’च मारने आ?” मैं गल्ल तां कर दित्ती पर मैनूं लग्गा मेरी दलील विच बाहला वजन नहीं सी। इह मैनूं हो की गिआ है। पहिलां तां मैं इस तरहां नहीं सोचदा सी। इहो गल्ल मैनूं पहिलां दलील वाली लगदी सी, हुण नहीं लगदी। गल्ल तां मेरी ठीक सी पर मेरे तों ठीक कहि नां होई। बस्स ऐना ही फरक है मेरे ते महिंदर विच। उसदी हर गल्ल विच ज़हिर हुंदा है। पर लगदा नहीं। गल्ल करन दा तरीका पता नहीं उहने कित्थों सिख्खिआ। साला ठहिरा ठहिरा के गल्ल करू, जिवें ओवर सपीड नूं बरेकां लाईदीआं। मेरा ते उहदे मत्थे लग्गण नूं जीअ नहीं करदा। नां जिहड़ा आपणी मां दा नहीं, जिहदा आपणी मिट्टी नाल ही मोह नहीं, उह कोई बंदा! ‘अब्ब यही अपना मुलक है।’ नां कल्ल्ह नूं इत्थों अफरीका चले जाईं, फेर इहो कहीं अब्ब यही हमारा मुलक है। पर इक्क गल्ल पक्की आ जे घुंमदा घुंमदा इंडीआ वल्ल निक्कल गिआ फेर मत्त बोले अब्ब यही हमारा मुलक है।” भारदवाज़ दा हासा निकल गिआ।

“नां तूं किउं दंद कढ्ढी जानां। तूं वी ते उहदी कारबन कापी हैं।” मैं भारदवाज वल्ल देखिआ। इह भारदवाज वी अजीब शैअ है, दोवें पासे पैर रख्खू। पर बंदा खरा। खरे बंदे दा गुस्सा नहीं करना चाहीदा।

“वेख, मेरी सुण गल्ल,तुसीं दोवें मेरे यार हो। उह कैनेडा नूं चंगा कहिंदा ते तूं इंडीआ दी रट लाई जानै। नां तूं कैनेडा छड्डणा ते नां उहने इंडीआ। बिल्लीआं दीआं पूछां सिध्धीआं खहड़ गईआं ते मैनूं दोवें बिल्लीआं पिआरीआं, बस्स उहनां दीआं पूछां ते मैनूं गुस्सा नहीं, हासा आउंदा। मेरे हासे दा गुस्सा तुसीं करदे नहीं ते मैं खुश।” भारदवाज़ नें आपणा सिध्धड़पुणा नंगा कीता।

“चल्ल छड्ड, अजे तक्क आइआ किउं नहीं तेरा मित्तर?”

“नां मेरा उह `कल्ले दा मित्तर आ? तेरा नहीं?”

“नां ऐहो जिही तां कोई गल्ल नहीं, मित्तर आ साडा वी पर उहदी पालसी ज़रा गलत है। ऐवें गोरिआं तों कंन भंनदा, ईन जही मंनी बैठा।” टैलीफोन दी घंटी नें मेरी गल्ल कट्ट दित्ती। मैनूं ऐंतकी टैलीफोन दी घंटी दी अवाज़ कुझ उच्ची लग्गी। भारदवाज नें अवाज़ मारी, "ज़रा फोन चुकिओ।”

उसदी अवाज़ दा किसे वी हुंगारा नां दित्ता। शाइद सरला वाशरूम विच सी। घंटी लगातार वज्ज रही सी। मैनूं भारदवाज बैठा ज़हिर लग्ग रिहा सी। घंटी दी अवाज़ नाल बझ्झे सुपने मैनूं खेरूं खेरूं हुंदे लग्गे। मैं आपणी खिझ नूं लुकोदिआं भारदवाज नूं किहा, "फोन किउं नहीं चुक्कदा?”

भारदवाज फोन चुक्कण लई उठ्ठिआ पर जद तक्क उह फोन तक्क पहुंचिआ, फोन दी घंटी बंद हो चुक्की सी। मेरी सारी पीती लहि गई। मैं सिंमी वल्ल देखिआ। उह सहिमी होई मेरे वल्ल ही देख रही सी। पता नहीं किउं मेरीआं लत्तां कंबण लग्ग पईआं। मैनूं लग्गा मेरा मत्था ठंढा हो रिहा सी। मेरा साह वी तेज़ हो रिहा सी। झूठ दे पैर नहीं हुंदे। मैनूं इक्कदम याद आइआ … लाई डीटैकटर मशीन ...! इक्कदम मेरे अग्गे हनेरा छा गिआ।

टैलीफोन यकीनन शरमे दा सी। शाइद नां ही होवे। मैं घड़ी वल्ल देखिआ। सत्त वज्ज के अठताली मिंट हो चुक्के सन। भारदवाज चिकन दी टरेअ लई आउंदा सी। उसने टरेअ मेरे साहमणे कीती। चिक्कन देखके मेरा कालजा बाहर नूं आउंण लग्गा। मैं बत्त जिहा लिआ। "नहीं भारदवाज, मंन नहीं मंनदा।”

“किउं खाली पेट … कुझ तां लै, चल लै, ऐवें नां मार।” उहने मेरी पलेट विच दो पीस चिकन दे रख्ख दित्ते। मेरा दिल करे इत्थों भज्ज जावां।बाहर ठंढी हवा विच जाके साह लवां। खुल्ल्हे असमान थल्ले खलो के आपणे कीते बारे सोचां। इह चिकन, इह लिविंग रूम, इह बंधन, इह भारदवाज, उहदा घर मेरे दुआले जिवें कोई जाल जिहा ही बुणिआ जा रिहा होवे। मैं फेर फोन नूं घूरन लग्गा।

डोर बैल्ल वज्जी। भारदवाज इक्क दम उठ्ठिआ। मैनूं इक्क वार फेर कांबा छिड़ गिआ। सिंमी वी सहिम गई। मैनूं लग्गा जिवें डोर बैल तों फौरन बाद कोई बैंत नाल डोर नूं ठकोर रिहा होवे।

“हाओ डेअर यू?” मैं दिल विच सोचिआ, मैं इहो कहांगा।

बाहर हस्सण दी अवाज़ आई। महिंदर सी। उहदे दो बच्चे ते उहदी वाईफ सीतल सी। मेरे साह विच साह आइआ, पर किंना कु चिर। आखर तां मुसीबत नें आउणा ही आउंणा है। ‘मैं इंना नैगेटिव किउं सोचदा हां। जे पासा सिध्धा पै गिआ तां पौं बारां वी तां होणीआं हन।’

महिंदर शूअ लाहके जैकट टंग के लिंग रूम दे अंदर आ गिआ। मैं उठ्ठके हत्थ मिलाइआ।

“दिवाली मुबारक!” उह बोलिआ।

“तैनूं वी।” मैं जुआब दित्ता।

“की गल्ल, अज्ज ऐनी देर किउं कर दित्ती।” भारदवाज नें घड़ी वल्ल देखिआ। नौं वज्ज रहे सन।

“यार अज्ज छोटू दा लैसन सी, वाइलैन दा। उह मिस नहीं सी कर सकदा। उह मिऊज़िक विच बहुत रुचित है। मैनूं तां ऐना पता नहीं सी पर इहदी टीचर बार बार ज़ोर देंदी रही। उहदे ज़ोर देण ते मैं इहनूं इस पासे पाइआ है। पहड़न विच तां इह हुशिआर है ही, आपणी हौबी वल वी इह पूरी चेतंन है। सकूल वाले वी पूरे यतन विच हन कि इह इस विच पूरी प्रवीन होवे। मैं तां यार काइल हां इत्थों दे सकूल सिसटम दा। मेरे नालों जिआदा फिकर करदे हन बच्चिआं दा।” महिंदर नें आउंदिआं ही आपणा राग अलापणा शुरू कर दित्ता।

साडी बहिस ही इत्थों शुरू हुंदी सी। मैनूं लग्गा जिवें उह मैनूं ही सुणा रिहा होवे। मैं अज्ज मूड विच नहीं सी। फेर वी मैथों कहि हो गिआ," स्री मान जी, पता तां उदों लग्गू जदों निआणे उडार होके कैनेडीअन बणे। जदों लाए नां इनहां मैरूआना दे सूटे, फेर अख्खां विच घसुंन देके रोवेंगा।”

भारदवाज नें मूंह ते उंगल रख्खके मैनूं चुप्प रहिण दी पुरज़ोर अपील कीती।

“हां बई, दस्स की पीएंगा?”

“मैं तां बीअर लवांगा।”

“हां दे इहनूं वड्डे अंगरेज़ नूं कच्ची लस्सी। इहनूं पक्की पीके किते याद नां आ जाए आपणी मिट्टी।” मैं गल्ल खतम कीती ते रंम दा भरिआ गलास चुक्कके मूंह नूं लाइआ।

“सिंमी, सीतल, बेटे तुसीं उप्पर आ जाउ नाले निआणिआं नूं वी लै आउ। इह गेम खेड लैण।” भारदवाज दी माता नें उप्परों अवाज़ दित्ती। सिंमी ते सीतल निआणें लैके उप्पर चले गईआं। भारदवाज नें महिंदर नूं ठंढी बीअर ते गलास फड़ाइआ।

“मेरा दिल कीता मैं शरमे नूं फोन करां। पर फिर सोचिआ, मेरा फोन कीता ठीक नहीं रहिणा। उहदा ही आवे तां चंगा। पर उहदा फोन हुण तक्क आ जाणा चाहीदा सी। हो सकदा है उह वी दिवाली दे जशन ते किते गए होण ते घरे ही कोई नां होवे। हो सकदा है हफड़ा दफड़ी विच उह वी लपेटे गए होण।

“हां बई किद्दां चलदी है ज़िंदगी अज्जकल। हुण तां नहीं जा होणा तेरे कोलों इंडीआ।” महिंदर नें बीअर सिप्प करदिआं मैनूं पुछ्छिआ।

“नां जा किउं नहीं होणा इंडीआ मेरे कोलों?”

“इंडीआ खाली हत्थ जाइंगा? घरां दीआं कीमतां तां अध्धीआं वी नहीं रहीआं। अजे कीमतां चहड़न दी दो चार साल कोई उमीद नहीं। उदों तक्क तेरे निआणिआं नें हाई सकूल पास कर लैणा। फेर नां उह गए इंडीआ मित्तरा। मेरी मंन ते इंडीआ वापस जाण दा सोचणा छड्डके इत्थों दी सोच। बड़ा वधीआ सिसटम है।”महिंदर नें गल्ल खतम करके दंदां विच डक्का लै लिआ।

“नां सिसटम होऊ तेरे लई। जिहनूं नां कोई संग, नां शरम। रबोट वांग उठ्ठो ते रबोट वांग सौंवों। जींदे जागदे बंदिआं दीआं जरूरतां दा तैनूं कित्थे अहिसास?” मैं गल्ल खतम करके फेर टैलीफोन वल्ल देखिआ।

“उए तुसीं फेर नां लड़ पिओ।” भारदवाज नें तौखला प्रगट कीता।

“उए नहीं मैं नहीं लड़दा। मैं लड़ूं तां किसे मरद नाल लड़ूं। यार सिध्धी जिही गल्ल तुहाडे दिमाग विच किउं नहीं आउंदी। इह साडा मुलक नहीं। साडा इत्थे गुज़ारा नहीं। मैं जाणदा साले चिट्टिआं नूं, हत्थ धोंदे नहीं कदे। जदों वेखो, बीअर पी लओ, जां सिगरट खिच्च लओ।”

महिंदर हस्सण लग्ग पिआ ते बोलिआ, "फेर उदों बीअर किउं पीती सी माईकल कोलों? जदों तेरे मुंडा होइआ सी?”

“उह तां मैं डरदा पी गिआ सी। साले लंडर जिहे चार जणे सन। नांह करके मैं कुट खाणी सी? कोई नां पुत्त तुहानूं रब्ब वेखू।”

“आहो ,जिद्दां तैनूं रब्ब देख रिहा।” महिंदर नें फेर शुरली छड्ड दित्ती।

“की मतलब” मैं अख्खां संगोड़ीआं।

“मतलब तूं किहड़ा सुखी है।”

“चल मैं सुखी नां सही, इनहां वरगा कमीना तां नहीं।” मैं आपणी कमीज़ दा कालर थोहड़ा उप्पर चुक्किआ।

‘वेख यार मेरे, तैनूं इत्थे आए नूं चौदां पंदरां साल हो गए हन। ऐवें पैसे खराब नां कर। जो हो गिआ, सो हो गिआ। बंदा बणके पिछला किस्सा खतम कर ते इकागर होके इत्थों दा सोच। आपणा ते बच्चिआं दा बस्स। महिंगा घर खरीदिआ सी बई होर महिंगा होऊ, वेच वट्ट के राह पवांगे। ऐवें कुराहे नां पै। तकड़ा होके कंम कर। असीं तैनूं उदों डक्कदे रहे। पर तेरे सिर ते तां भूत सुआर सी। अजे वी कुझ नहीं विगड़िआ। हौली हौली घर वी तेरी पकड़ विच आ जावेगा। डिंगू डिंगू कीतिआं कुझ नहीं बणना।”

मैं महिंदर दीआं गल्लां सुण रिहा सी। पर अज्ज मेरा कोई वी दलील घड़न नूं दिल नहीं करदा सी। इहनूं तां पता लग्गू होर हफते दस दिन तक्क। जदों यार हुरां समान बंनहिआं इंडीआ नूं। मैं ते निआणिआं दी ऐडमिशन दा प्रबंध वी कर लिआ है। पर इह साला फोन किउं नहीं आइआ शरमे दा?

“अगले साल निंदी हाई सकूल जा रिहै?” भारदवाज नें पुछ्छिआ।

“हां।” मैं किहा।

“देख उहदे सबजैकटां दा खिआल रख्खीं। किते अपलाईड सबजैकट नां लवे। गरेड तां ठीक चल्ल रिहै नां उहदा?”महिंदर नें मेरे मुंडे लई फिकर ज़ाहर कीता।

“गरेड? की मतलब?” मैं पुछ्छिआ।

“पेरेैंटस डे ते जाइआ कर, टीचर नूं मिलण।” भारदवाज नें किहा।

“मेरे कोल ऐना टाईम कित्थे? सिंमी जांदी आ कदे कदे। वैसे पास होई जांदा हर साल। नाले मैं किहड़ा इहदे कोलों नौकरी करवाउणीआं। इंडीआ लै जाणा, मौजां लुट्टू उत्थे।”

“गुड्डी दी पहड़ाई किद्दां?” भारदवाज नें फिर पुछ्छिआ।

“उह तां अजे तीसरी ’च पहड़दी आ। मैं उहनूं इत्थे पहाके राज़ी ही नहीं।” मैं द्रिड़ता नाल किहा। मैं घड़ी वल्ल देखिआ सवा दस वज्ज चुक्के सन। "चंगा भारदवाज बस करीए हुण सवेरे कंम ’ते वी जाणा।” मैं ऐतवार वाले पारट टाईम कंम बारे याद कराउंदिआं फिकरमंद हुंदिआं किहा।

“कंम ते तां जरूर जाईं, रोकदे नहीं तैनूं।वड्डे पंगे हन तेरे पर थोहड़ा चिर होर बैठदे हां, फिर चला जाईं।” भारदवाज नें जिवें मेरे अग्गे शीशा रख्ख दित्ता होवे।

मैं लोकां दी वेखो वेखी चहड़दीआं कीमतां वेले घर लिआ सी। ते हुण फसिआ बैठा सी। सारे चैक्क ही मौरटगेज विच जा रहे सन। जिंना वी कंम करां, थल्ले ही थल्ले जा रिहा सी मेरा करैडिट। करैडिट लाईन वी फुल्ल हो गई सी।। लोकां तों फड़े पैसे वख्ख तंग कर रहे सन ते घरां दीआं कीमतां जिवें खहड़ ही गईआं सन। कई फसे ससते वेच रहे सन। पर मेरा हठ अजे काइम सी। मौरटगेज दे रेट वी अजे असमाने ही सन। रातो रात चार पैसे बणाउण दे चक्कर नें मैनूं चक्कर विच पा दित्ता सी। हड्डी संघ विच फसी होई सी। अंदर लंघाउण दा मेरा शुरू तों ही इरादा नहीं सी पर हुण बाहर वी नहीं निक्कल रही सी।

“चल भारदवाज, पाओ यार रोटी। मैं तां खाणी खूणी नहीं, निआणिआं नूं सद्द लै।” मैं इक्कदम काहला पै गिआ।

“चल्ल आ लवली पैग्ग लवो, फेर कहिंना मैं रोटी नूं। पूरे यारां वजे रोटी खावांगे।” भारदवाज नें घड़ी वल्ल देख के किहा।

“नां शरमे दा फोन किउं नहीं आइआ?” मैं कार चलाउंदी सिंमी नूं पुछ्छिआ।

“जी, पता नहीं।” सिंमी नें मसूमीअत नाल किहा।

“तैनूं पक्का याद है, तूं किहा वी सी। नां किहा किहनूं सी?”

“जी दोवें जीअ लिविंग रूम विच सन।” सिंमी नें याद करदिआं किहा।

“नां तूं की किहा सी, मैनूं पूरा पूरा दस्स।” मैं शक्क करदिआं किहा।

“जी मैं किहा सी, भाजी असीं भारदवाज वल चल्ले हां। ज़रा साहमणे खिआल रख्खिओ।"

“फेर उहनां की किहा?” मैं खाह मुखाह ही पाणी विच मधाणी फेर रिहा सी। इह मैनूं वी पता सी।

“ जी उनहां की कहिणा सी, कहिंदे जाओ।”

मेरी सिंमी दीआं गल्लां नाल तसल्ली नां होई। उह चुप्प कर गई। बिलकुल चुप्प, जिवें पुछ्छणा चाह रही होवे कि मैनूं कहिणा की चाहीदा सी। ‘की उह इह कहिंदी कि जे कोई ऐमरजंसी हो जावे तां सानूं भारदवाज दे घर फोन करिओ। जे किते घर नूं अग्ग उग्ग लग्ग जावे तां सानूं फोन करिओ, नाले गुवाही देणा। मैं फजूल गल्लां दी जहड़ विच पूरी तरहां वड़ नां सकिआ। मैनूं लगा जिवें मेरी सिआणप कंम नां कर रही होवे। इंनशोरैंस तों पैसे लैणे किहड़े सौखे हन?’

साडा बलाक आ रिहा सी। मेरा साह तेज़ हो गिआ। जिउं जिउं बलाक नेड़े आ रिहा सी मेरी बेचैनी वधी जा रही सी। इस तरहां तां मैं फस जावांगा। ... इह हाईपरटैनशन ...

उह तौबा! पुठ्ठे कंम करने किंने औखे हन। लोकीं पता नहीं किद्दां करदे नें।

“सिंमी, मैनूं बहुत ज़ोर दी पशाब आइआ है।”

“पलीज़ जी बस घर आउण वाला है।”

“तेरी काली ज़बान ’चों कोई चंगी गल्ल नां निक्कलू कदे … किहड़ा घर ... घर तां आपां ...” ते नाल लगदे ही मोड़ कट्टदिआं असीं आपणी सटरीट ते आ गए सी। शांत वातावरण देखके मैनूं जिवें अग्ग लग्ग गई होवे।

साडा घर नंबर दो सौ चौवी अडोल खहड़ा सी … चिट्टे हाथी वांग। दो सौ चौवी नंबर हाऊस, जो मेरा घर सी, वल्ल देखके मैनूं आपणे सुपने टुट्टदे नज़र आए। इस मकान नें जिवें मेरा इंडीआ वाला महिल नुमा घर ढैअ-ढेरी कर दित्ता सी। इस घर दीआं कंधां जिवें जिआदा मज़बूत सन। ज़मीन विच धसीआं होईआं। जिनहां दीआं जहड़ां नूं मेरा खून सिंजदा सी।

“इह की गल्ल? इह तां बिलकुल ठीक ठाक है।” मैं सिंमी नूं पुछ्छिआ।

सिंमी डराईवे विच कार पारक कर रही सी। मिसटर शरमा दे घर दीआं अंदरलीआं बत्तीआं बुझ्झीआं होईआं सन पर घर दे चारे पासे लाईटां जग-मग जग-मग कर रहीआं सन। जिवें इह लाईटां मैनूं ‘दिवाली मुबारक’ कहि रहीआं होण। मैं इनहां लाईटां नूं कोई हुंगारा नां दित्ता। जिवें दिवाली मुबारक दी मेरी खुशी अधूरी रहि गई होवे। मेरे पटाके अज्ज नहीं चल्ले। दिल दे किसे कोने बैठे डर नें सुख दा साह वी लिआ।

“तूं इद्दां कर, बच्चिआं नूं सिध्धा पौड़ीआं वल्ल लै जा। उप्पर जाके पा दे। मैं देखदां होइआ की है असल विच।” मैं सिंमी नूं किहा।

सिंमी नें शूअ लाहे ते बच्चिआं नूं बाहवां नाल घेर के उप्पर लै गई। मैं किचन दी बत्ती जगाई। किचन विच्चों बू आ रही सी। सकीम फेल हो गई सी। तविआं नाल लगदे काऊंटर दा काफी हिस्सा झुलसिआ पिआ सी। मैं इहनूं किहा वी सी, बांदरी जिही नूं, बटर ते करिसको तेल बाहर काऊंटर ते ही रख्ख दे। काऊंटर ते पाई गैस नूं अग्ग तां लग्ग गई सी पर उह फैली नहीं सी। मैं तज़रबा वी कीता सी। मोमबत्ती नूं छोटा करके फरीज़ड आईस करीम विच टेढा गड्डिआ सी कि जिउं ही आईस करीम पिघलेगी मोमबत्ती दी लाट काऊंटर ते पाए गैस नूं भंबूका बणा देवेगी। फैली अग्ग विच नां आईस करीम दा पता लग्गणा सी ते नां मोमबत्ती दा। इस परोसैस्स लई अध्धा घंटा लग्गणा सी ते उदों तक असीं भारदवाज दे घर पहुंच जाणा सी। अग्ग दीआं लपटां नें मेरी मौरटगेज नूं साड़ के सुआह कर देणा सी। घर दी कीमत पेपरां दे हिसाब नाल गिण मिण के इनशोरैंस नें मेरा सारा भार लाह देणा सी। समान दी इनशोरैंस मैं छे महीने पहिलां वख्खरी करवाई सी। गफा लैके मैं इंडीआ नूं तित्तर हो जाणा सी पर मेरा सारा कीता कराइआ खूह विच पै गिआ सी।

पता नहीं किउं मेरे दिल दे कोने विच कोई सर सर होई।मैनूं लग्गा जो होइआ ठीक ही होइआ है। महिंदर दीआं गल्लां मैनूं कुझ ठीक वी लग्गीआं।

उप्पर वाशरूम विच उलटी दी बड़ैं बड़ैं होई। मैं भज्जके उप्पर गिआ। सिंमी फरश ते निढाल होई बैठी सी। कोल ही गुड्डी पाणी दा गलास लैके खहड़ी सी। गुड्डी नें मेरे वल्ल सहिम के वेखिआ। गलास मैनूं फड़ा दित्ता। मैनूं लग्गा जिवें गुड्डी दीआं अख्खां मेरे कोलों कुझ मंग रहीआं होण। सिंमी नें इक्क वार फेर आपणा आप हंगालना चाहिआ। उहदा सिर टाइलट दी सीट नाल लग्गा होइआ सी। उहने सहिमी नें मेरे वल्ल देखिआ। मत्थे ते पसीना सी जां तरेली पर मत्था ठंढा ठार यख्ख सी। मैं उसनूं पाणी दा गलास दित्ता जो मैनूं गुड्डी नें फड़ाइआ सी। उसने अध्ध पचध्धी चूली कीती ते आपणी चुंनी नाल मूंह पूंझिआ। बैठे बैठे ही उह मेरे पैरां नूं चुंबड़ गई। उहदी हिचकी नें मेरे नाल जबरदसती कीती। गुड्डी डर के बाहर चले गई। मेरा डर वी मेरे सरीर विच्चों निक्कलके बाहर आण खलोता सी।

मैनूं इंझ लग्गा जिवें इह डर ही मेरी पूछ होवे। उस दिन कितनी हस्सी सी सिंमी। जद मैं किहा सी तैनूं इक्क गल्ल दस्सां सिंमी … बंदे दी पूछ फेर उग्ग पैणी है ते ऐतकीं होएगी वी दो तरहां दी। इक्क नीली ते इक्क चिट्टी।

सिंमी नें हस्सके सोफे ते धफ्फा मारिआ सी ते किहा सी, “नहीं नीली चिट्टी नहीं, लाल ते हरी।” फेर उह खूब हस्सी सी, इंना हस्सी सी कि मैनूं पागल दिसण लग्ग पई।

“पूछ तों पता लग्ग जाइआ करना … बंदा खरा कि खोटा? इह समारटीआं समूरटीआं नहीं चल्लण देणीआं उप्पर वाले नें, बस्स देखदी चल्ल।”

मैं सिंमी नूं मोढे तों फड़के उठाइआ ते उहनूं थल्ले लिजा के सोफे ते बिठा दित्ता।

“जी! पलीज़ इक्क गल्ल मंनोगे?”

“हां दस्स”

“आपां ठीक हो जाणा दो तिंन सालां तक्क। तुसीं फिकर किउं करदे हो? ऐतकीं वी टीचर नें किहा सी, तुहाडा संन बहुत किऊट है। इहनूं दिवाली दे मौके सकूल दे परोगराम विच राम बणाउणा। मैं डरदी नें तुहाडे नाल गल्ल ही नहीं कीती।”

“नां होर की कहिंदी सी टीचर?”

“कहिंदी सी, तुहाडा संन मैथ विच्च बहुत हुशिआर है। सकूल नूं बहुत आसां हन इहदे ’ते।”

“उह ते ठीक है पर … इह सकूल वाले दिवाली किउं मनाउण लग्ग पए? मेरे तां समझ विच नहीं आउंदा।”

“जी, तुसीं बहुती टैनशन नां लिआ करो। जे सकूल वाले दिवाली मना सकदे हन तां आपां किउं नहीं?” सिंमी नें गल्ल खतम करके मेरे वल्ल देखिआ।

मैं सड़े होए काऊंटर वल्ल देखिआ। मैं जिवें सुख दा साह लिआ होवे। मैं परदे खिच्च के शरमे दे घर दीआं गमगाउंदीआं लाईटां वल्ल देखिआ। जगमग करदीआं लाईटां नें मैनूं दुबारा दिवाली मुबारक कही।

मेरा दिल कीता, मैं वी दिवाली दा पटाका चलावां, जो सारे टरांटो शहिर नूं रौशन करदा लेक विच जाके शांत हो जावे।