लाइलपुर प्रेम सिंघ दे वडेरिआं दा शहिर सी। इस शहिर विच उस दा बचपन ते जुआनी दे मुढले साल बीते सन। शेख़ूपुरे दी निराशा धो के उह अगली मुहिंम लई तिआर खहड़ा सी। लाइलपुर जाण लई। आपणी जनम भों वेखण लई। गुआची होई उतेजना उस विच फिर परत आई सी।
‘‘चनाब बस्स सरविस चल्लदी हुंदी सी उदों’’, उह पुराणे चेतिआं ‘चों बोलिआ, ‘‘तिंन घंटे लग्गदे सन उस बस्स विच लाइलपुर तों लाहौर जाण दे।’’
उह आपणे रओं विच बोली जा रिहा सी। साहमणे सड़क किनारे इक कार खड़ोती सी ते इक सरदार उस दी बारी नूं हत्थ पा के खलोता सी। सतिनाम माणक नें किहा, ‘‘औह जगतार नहीं खलोता?’’
जगतार ही सी। परे खेतां वलों गुरभजन गिल्ल खलोती कार वल्ल तुरिआ जा रिहा सी। ‘तां जगतार नें ननकाणे जाण दा प्रोगराम बणा ही लिआ सी!’ असीं इक दूजे नूं हत्थ हिलाए ते साडी कार अग्गे निकल गई।
‘फीरोज़ बट्टूआं’ तों मोड़ मुड़े तां मील पत्थर ‘ते ननकाणा साहिब दा वीह किलोमीटर फ़ासला लिखिआ नज़र आइआ। असीं ननकाणे दे राह तुरे जा रहे सां। पाकिसतान बणन पिछों किसे गाइक दा वैराग़ विच गाइआ गीत मेरे ज़िहन विच गूंजिआ :
‘‘ननकाणे वल्ल नूं जांदिआ राहीआ वे,
मेरे प्रीतम नूं संदेशा देवीं जा,
संदेशा देवीं जा मेरीआं हावां देवीं जा,
तूं संदेशा देवीं जा….’’
सिख्खां दी अरदास विच दरज ‘विछड़े गुरधामां दे दरशन-दीदार’ इस कानफ़रंस नें बख़श दित्ते सन।
तरन तारन दी मस्सिआ विच ‘सैंटर माझा दीवान’ सथान ‘ते साडे पिंड दा अकाली महिल सिंघ रोण-हाकी आवाज़ विच सटेज तों बोल रिहा सी ते मैं पंज छे सालां दा बाल आपणे दादे कोल दीवान विच बैठा उस नूं सुण रिहा सां।
‘‘पाकिसतान बणन नाल हिंदूआं दा कुझ नां गिआ, उनहां दी काशी उनहां कोल रहि गई। मुसलमानां दा कुझ नां गिआ, उनहां दा मक्का उनहां कोल ही रिहा। पर ख़ालसा जी! साडा प्राणां नालों पिआरा साडा ननकाणा साथों खुस्स गिआ।’’
उहदे बोलां दा डूंघा दरद ते विगोचा मैनूं अजे तक नहीं भुल्लिआ।
असीं ननकाणे दी जूह विच पुज्ज गए। इनहां खेतां विच, इनहां जूहां विच बाबा नानक घंुमदा रिहा होवेगा। इहो ही मिट्टी सी जिस ‘ते उस दे पैरां दे निशान लग्गे होए सन। इनहां खेतां दी गिणती मिणती दा हिसाब किताब जदों महिता कालू दीवे दी लोअ विच ला रिहा होवेगा ते पित्तल दी काली सिआही वाली दवात ‘चों रजिसटर ‘ते लिखण लई डोबा लैण वासते जदों उह कलम दी नोक भिउं रिहा होवेगा तां बाल नानक उस दे नेड़े ही बैठा पिता वलों चिट्टे कागज़ ‘ते लिखे जांदे काले अख्खरां वल्ल उतसुकता नाल नीझ ला के वेखदा होवेगा ते उस दा वी दिल पहिली वार कीता होवेगा कुझ लिखण लई। इह उहो ही पल सी शाइद, जिस नें आउण वाले समें दे महान युग कवी कोलों महान कविता लिखण लई उहदी चेतना विच लेखक होण दा पहिला बीज सुट्ट दित्ता होवेगा।
इनहां गलीआं ‘चों ठुमक ठुमक तुरदा बाल नानक आपणे यार मरदाने दे घर जांदा होवेगा। दोवें मित्तर रल के बाले दे खूह ‘ते जांदे होणगे। निक्कीआं निक्कीआं खेडां खेडदे होणगे। उनहां दीआं नज़रां नें इस आले दुआले नूं आपणीआं नज़रां नाल निहारिआ होवेगा। मैं उनहां नज़रां नाल नज़रां मिलाउणा चाह रिहा सां।
हुण मेरीआं नज़रां साहमणे गुरदुआरा जनम असथान ननकाणा साहिब दी इमारत सी। रघबीर सिंघ ते सरवण सिंघ हुरां दा टोला साडे तों पहिलां गुरदुआरे पहंुच चुक्का सी। साडे नाल ही जगतार ते गुरभजन गिल्ल हुरीं आण अप्पड़े।
‘‘मैनूं गुरभजन कहिंदा कि असां ज़रूर जाणै‥मैं किहा चल्लो! चल्ल फिरने आं। आपणे यार दी कार मंगवा लई।’’ जगतार नें गुरदुआरे अंदर तुरदिआं दस्सिआ।
साहमणे घाह दे हरे लाअन, उस तों अग्गे मुख्ख गुरदुआरा, सज्जे हत्थ सरोवर ते लंगर असथान, खब्बे हत्थ प्रवासी सिख्खां दी सहाइता नाल बणिआ ख़ूबसूरत रिहाइशी कंपलैकस। मत्था टेक के पे्रम सिंघ गुरू गरंथ साहिब दा वाक लैण लई बैठ गिआ। उस दी हदाइत ‘ते वाक लैंदे दी तसवीर राइ अज़ीज़ उल्ल्हा नें खिच्च लई। फिर राइ साहिब नें मैनूं वी गुरू गरंथ साहिब साहमणे बिठा के प्रेम सिंघ वांग तसवीर खिच्ची।
बाहर निकल के उस जंड नूं देखिआ जिथे नरैणू महंत दे गुंडिआं नें लछमण सिंघ धारोवाली नूं बंनह के साड़ दित्ता सी। पूरा इतिहास अख्खां अग्गों गुज़र गिआ। संगमरमरी परिकरमा दी सफ़ाई हो रही सी। असीं लंगर हाल विच गए। उथे कुझ सिंधी सिख्ख ते बीबीआं लंगर दी सेवा कर रहे सन। असीं रला मिला के वीह पंझी जणे हो गए सां। असीं आप ही आपणी सेवा सांभ लई। भिंडीआं ते आलूआं दी तरी वाली सबज़ी सी। हुण तक भुख्ख चमक चुक्की सी।
इधरों विहले होए तां प्रेम सिंघ कहिण लग्गा, ‘‘छेती करो! चलो चलीए। अजे लाइलपुर वी पहुंचणा एं।’’
जदों किते बहुत पहिलां उह पाकिसतान आइआ सी तां उदों ननकाणा वेख चुक्का सी। उहदी दिलचसपी छेती तों छेती लाइलपुर पुज्जण विच सी जद कि मेरी इछ्छा ननकाणे नूं रज्ज के, जीअ भर के वेखण दी सी।
प्रेम सिंघ काहली काहली साथों अग्गे तुर रिहा सी। मैं सतिनाम माणक नूं हौली जिही किहा, ‘‘मैं दूजे गुरदुआरे वी ज़रूर वेखणे नें।’’
‘‘ज़रूर वेखो जी! हुण तां आए होए आं। फिर की पता कदों मौका बणे…‥।’’ राइ साहिब नें गल्ल अध्ध विचाले छड्ड दित्ती। असीं प्रेम सिंघ दीआं काहलीआं ‘ते मुसकरा पए। प्रेम सिंघ आपणी थां ठीक सी। अगले दिन लाहौर दे इछ्छरां बाज़ार विच इक बज़ुरग मुसलमान मेरे कोल आइआ ते मैनूं पुछ्छण लग्गा, ‘‘सरदार जी, कोई तरकीब दस्सो जिस नाल मेरा पंजाब दा वीज़ा लग्ग जावे। मैं अंबरसर ज़िल्हे ‘च आपणा पिंड वेखणा चाहंुदा।’’
मैं उस नूं की तरकीब दस्स सकदा सां! ऐवें कहिण दी ख़ातर किहा कि जां साडे वांग किसे कानफ़रंस ‘ते अते जां किसे इबादतगाह दी ज़िआरत लई जाण वाले किसे गरुप्प विच उह कोशिश कर वेखे।
‘‘ओ जी! इह कोशिश तां कर वेखी ए। उह कहिंदे नें अजमेर शरीफ़ दी ज़िआरत लई मेरा वीज़ा लग्ग सकदा है पर सरदार जी मेरा ‘अजमेर शरीफ़’ तां मेरा पिंड है। ते ओथे उह जाण नहीं दिंदे।’’
प्रेम सिंघ दी लाइलपुर वासते इह तांघ मैनूं वाजब लग्गदी सी पर इस तांघ तों मैं ननकाणे नूं वेखण दी तांघ कुरबान नहीं सां कर सकदा। उस दे भज्जो नस्सी करदिआं मैं माणक नूं नाल लै के नवें बणे रिहाइशी कंपलैकस वल्ल झाती मारन तुर पिआ। वापस परते तां ‘औकाफ़’ दे कुझ करमचारी खलोते सन। इक दरमिआने कद्द ते सोहणी दिख वाला नौजुआन पुछ्छण लग्गा, ‘‘सरदार जी! सांभ-संभाल दे नुकता नज़र तों कोई गल्ल तुसीं कहिणी चाहुंदे होवो तां सानूं ज़रूर दस्सो।’’
हरे लाअन, साफ़ मरमरी फ़रश, गुरदुआरे दी कली कीती इमारत। सादगी, सफ़ाई ते शांती दा प्रभाव। सानूं लग्गा गुरदुआरे दी सांभ-संभाल ठीक ही तां हो रही है। सच्ची गल्ल तां इह है कि साडे कोल होर बिहतरी लई कोई तुरंत सुझाओ वी नहीं सी। असीं उस आदमी नूं किहा, ‘‘बहुत अछ्छी संभाल हो रही है। होर कोशिश करो।’’
‘‘होर दस्सो, जो कहिंदे हो’’ उस नें किहा। असीं उस दा नां अते ज़िंमेवारी वाला अहुदा पुछ्छिआ, ‘मैं तां जी सेवादार तां इथों दा। मेरा नां फ़रहत अज़ीज़ ए, डिपटी ऐडमनिसटरेटर हां पर तुहाडा सेवादार हां।’’
उस दी इह निमरता ते सेवा भाव चंगा लग्गा। मन विच इह वी आई कि साडे लीडर गुरदुआरिआं दी सांभ-संभाल नूं लै के अकसर पाकिसतान सरकार विरुध्ध दूशणबाज़ी करदे रहिंदे हन। असीं तां गुरदुआरे डेरा साहिब ते ननकाणा साहिब दो ही गुरदुआरे वेखे सन ते दोहां दे प्रबंध विच इह नहीं सी किहा जा सकदा कि इह असलों ही अणगौले पए हन। इह दरुसत वी हो सकदा है कि कुझ उह गुरदुआरे, जिथे यातरूआं दा आम जाण आउण नहीं, उचित सांभ-संभाल तों वांझे वी होणगे पर असीं इधर किहड़ा सारीआं मसजिदां बड़ा सांभ-संभाल के रख्खीआं नें। इस दा भाव इह वी नहीं कि इनहां दूजे गुरदुआरिआं दा धिआन नहीं कीता जाणा चाहीदा। चाहीदा है ; पर जिवें सुणन विच आइआ है कि साडी श्रोमणी कमेटी गुरपुरबां ‘ते जथे नाल जाण समें इक्कठा होइआ सारा चहड़ावा तां पंड बंनह के नाल लै आउंदी रही है। अजिही सूरत विच ताअने-मिहणे बहुता अरथ नहीं रख्खदे। गुरदुआरिआं नाल उधर जुड़ीआं जाइदादां दी कमाई ठीक ढंग नाल गुरदुआरिआं ‘ते नां लग्गण दा इतराज़ वी हो सकदा है पर अजिहे इतराज़ किथे नहीं हुंदे!
इह गल्लां करदे होए मैं श्रोमणी कमेटी दी उनहां गुरदुआरिआं दा प्रबंध आपणे हत्थ लैण दी मंग दा कोई विरोध नहीं कर रिहा पर किसे बिगाने मुलक दी धरती ‘ते आपणा मन चाहिआ कानूंन लागू करवा सकणा साडे किंने कु वस्स है! साडा इस उते किंना कु हक्क है ते की असीं आपणे मुलक विच अजिहा हक्क अगलिआं नूं वी किंना कु देण लई तिआर हां, इह सारे मसले विचार गोचरे नें।
कुझ वी सी, असीं फ़रहत अज़ीज़ दा गुरदुआरे दी इस चंगी दिख्ख बणाई रख्खण लई धंनवाद कीता।
गुरू जी दी याद नाल सबंधित कुझ गुरदुआरे जनम असथान दे नज़दीक ही सन। साडा पंदरां-वीह जणिआं दा जथा गल्लां-बातां मारदा होइआ गुरदुआरे दे बाहरले गेट दे सज्जे हत्थ पैंदे रसते ‘ते तुर पिआ। थोहड़ा कु अग्गे जा के खब्बे हत्थ मोड़ मुड़ के थोहड़ा कु अगे गुरदुआरा बाल-लील्हा, गुरदुआरा पट्टी साहिब सन। बाल-लील्हा गुरदुआरे वाला थां कदी उह खुल्ल्हा मैदान होवगा जिथे बाल नानक आपणे साथीआं नाल खेडदा रिहा होवेगा। गुरदुआरा पट्टी साहिब विच ही पांधे कोलों पहिला पाठ पहड़िआ ते उस नूं हकीकत दा पाठ पहड़ाइआ। पिछले हिस्से विच पांधे दी रिहाइशी जगहा वी सी। गुरदुआरा माल साहिब उह जगहा सी जिथे गुरू जी डंगर चारदे सौं गए सन ते उनहां दे चिहरे ‘ते आई धुप्प नूं फनीअर नाग नें फण फैला के छां कर दित्ती सी। लागे ही वण दा उह दरखत अजे काइम सी। भावें उस बज़ुरग दरख़त दे टाहण झुक के ज़मीन नूं आ लग्गे सन पर अजे वी उहदे पत्तिआं ‘ते हरिआवल सी। उस दे नेड़े इक छोटा जिहा मंदर वी बणिआ होइआ सी जिहड़ा उस थां दी निशानदेही करदा सी जिथे कदी गुरू जी आराम करन लई लेटे सन। दरख़त दीआं टाहणीआं नाल रंग बरंगे छोटे छोटे कप्पड़िआं दीआं लीरां बंनहीआं होईआं सन। ‘रख्ख’ जां ‘सुखणा’ दीआं निशानीआं। शरधालूआं दी शरधा दा प्रतीक। लोकां दा विशवास है कि अजिही ‘रख्ख’ उनहां दे परिवार नूं सुख दे सकदी है, बांझां नूं बच्चे ते दुखीआं नूं सुख बख़श सकदी है। धरती नाल लग्गे इक टाहण हेठां दी डूंघा रसता बणाइआ होइआ है जिस विचों पाकिसतान विच वसदे शरधालू नीवां हो के लंघदे हन। उस दे हेठों गुज़रना वी उनहां सिरों दुखां-पापां दा नास करन दे तुल्ल लग्गदा है।
गुरू जी दी विगिआनक सोचणी दे विरुध्ध सी इह वहिम-भरम। उनहां तां उस समें बाहरी भेख वाली जीवन जाच दी थां अंदरूनी सुच्चता वाला जीवन जीऊण ‘ते बल दिंदिआं जनेऊ पाउण तों इनकार कर दित्ता सी पर उहदे आपणे ही सिख्ख अंदरूनी सुच्चता दी थां जे बाहरी दिख्ख नूं ही सच्ची सिख्खी वजों आदरशिआउण ‘ते तुले हए सन तां वण ‘ते लीरां बंनहण वाले शरधालूआं नूं की आखीए!
कुझ वी सी! इह कलपना करना ही आपणे अंदर थरथराहट ते झरनाहट छेड़ दिंदा सी कि असीं उस जगहा ‘ते खड़ोते हां जिथे गुरू नानक मझ्झां नूं चरनां छड्ड के सौं गिआ सी वण दी छावें। औह सी उह जगहा। मेरा जीअ कीता उस मिट्टी नूं हत्थां नाल छूह के वेखां!
इथों परत के असीं फिर मुख्ख गुरदुआरे वल्ल आए। कच्चे पक्के ननकाणे दे मकान। बाहर गलीआं विच मकानां दे दरवाज़िआं कोल बिजली दे लग्गे मीटरां दा रहस्स जानणा चाहिआ तां अनवर नें किहा कि इह सभ बिजली दी चोरी रोकण लई कीता गिआ है। घर दे अंदर बिजली दे मीटर ‘चों कई तरीकिआं नाल चोरी करनी संभव है जद कि गली विच लग्गे मीटरां ‘चों अजिही चोरी करनी एनी सहिल नहीं।
‘‘हकूमत नें बिजली चोरी रोकण लई इहतिआत वजों इह कदम चुक्किऐ। पहिलां तां अस्सी फीसदी बिजली चोरी हो जांदी सी। किसे अमीर बंदे नूं कणक दा कोटा मिलदा सी। उस लख्खां बोरीआं आटा पिसा के वेचिआ। जदों उस नूं पुछ्छिआ पिहाई दा बिल्ल विखा तां कोई वी बिल्ल नां निकलिआ। इंज हुंदी सी चोरी‥।
गुरदुआरिआं दे दरशन दीदार दा इक चक्कर पूरा करके असीं फिर मुख्ख गुरदुआरे दे गेट ‘ते आण पुज्जे सां।
जगतार, गुरभजन, सरवण सिंघ ते होर सभ जणे ननकाणे तों बाअद वारिस शाह दे पिंड जंडिआला शेर खां जाण दी तिआरी विच सन। रघबीर सिंघ नाल आई बाजवा दंपती तां इथों ही वापसी दी तिआरी विच सी। उहदी इछ्छा वी जंडिआले जाण दी सी। मेरा वी मन कीता कि असीं वी जंडिआलिओं हो आईए पर प्रेम सिंघ अजे वी लाइलपुर जाण दी काहली पा रिहा सी।
सानूं जक्को तक्किआं विच पिआ वेख के जदों प्रेम सिंघ नें तुरन लई किहा तां राइ साहिब नें मैनूं हौली जिही दस्सिआ कि उस नें शाम नूं कुझ प्राहुणिआं नूं घर खाणे उते बुलाइआ होइआ है। उस नूं ख़दशा सी कि जे लाइलपुर विच घर लभ्भदिआं शेख़ूपुरे जिंना चिर वी लग्गा तां उह कदी वी समें सिर लाहौर नहीं परत सकण लग्गा। इंज सद्दा दे के आप ही मेज़बान ग़ैरहाज़र हो जावे इह उस साऊ बंदे नूं तां कदी वी प्रवान नहीं सी हो सकदा। राइ अज़ीज़ उल्ल्हा एना महिमान निवाज़ सी कि हर रात उस दे घर अठ्ठ दस बंदिआं दा खाणा हुंदा सी। इंज लग्गदा है, बदल बदल के अध्धे डैलीगेट राइ साहिब दे घरों खाणा खा चुक्के होणगे।
असीं प्रेम सिंघ नाल राइ साहिब दी मजबूरी सांझी कीती तां उस नें नराज़गी नाल किहा, ‘‘कोई गल्ल नहीं, मैं बस्स ‘ते चला जावांगा।’’
नाज़ुक मिज़ाज राइ साहिब लई इह रोसा सहि सकणा औखा सी। उह जाण लई मंन गिआ। उस निराशा नाल किहा, ‘‘कोई नहीं, जे जापदा होइआ कि पहुंच नहीं सकणा तां लाहौर फोन करके माअज़रत मंग लवांगे।’’
मैनूं वी इक तां सवेर दा बणिआ बणाइआ अपणत्त भरिआ साथ छड्डणा ठीक नहीं सी लग्गदा। दूजा मैं जंडिआले दी थां लाइलपुर नूं जाण वासते आपणे मन नूं दलील दे लई। मेरे लाइलपुर ख़ालसा कालज, जलंधर दा मुढ्ढ वी तां लाइलपुर विच ही बझ्झा सी। प्रिंसीपल सुखबीर सिंघ चठ्ठा नें आउण समें मैनूं आखिआ सी कि जे मौका लग्गे तां मैं ‘आपणे कालज’ दा गेड़ा वी ज़रूर मारां। हुण मैनूं वी लग्गण लग्ग पिआ कि लाइलपुर नाल मेरी वी नेड़ली सांझ है। मेरे मन विच इह वी उतसुकता जाग पई कि वेखीए लाइलपुर विच प्रेम सिंघ दा घर लभ्भदा है कि नहीं। जे लभ्भदा है तां प्रेम सिंघ किवें महिसूस करदा है। इंज सोचदिआं सोचदिआं मेरे मन विच बलराज साहनी दे आपणे घर विच पाई फेरी तो लै के बहुत सारीआं सुणीआं अजिहीआं कहाणीआं मन दे चितरपट उते तेज़ी नाल गुज़रीआं जिनहां विच आपणी जनम भों लई ते आपणे विछड़े दोसतां मित्तरां लई सहिकदे-सिक्कदे मनां दा दरद सिंम रिहा सी। ननकाणे नाल जुड़ीआं कुझ यादां मेरे मन विचों गुज़रीआं। गुरमीत सिंघ ढड्डा करमचारी आगू वलों ननकाणे वस्सदे आपणे गराईं गुलाम नबी दा सारा वेरवा मैनूं झकझोर गिआ। मेरा जी कीता सटेशन तों गुरदुआरे वल्ल आउंदे बाज़ार विच पिप्पल दे हेठां गुलाम नबी घुमिआर दी कच्चे-पक्के भांडिआं दी दुकान लभ्भां ते उस नूं गुरमीत सिंघ दी याद दिवावां। पर लाइलपुर वी तां जाणा सी।
असीं प्रेम सिंघ दी भावना दी कदर करदिआं दूजे दो गुरदुआरे कार उते जा के चल्लदे-चल्लदे वेखण लई आपणे मन नूं मना लिआ। गुरदुआरा तंबू साहिब ते गुरदुआरा किआरा साहिब दे असीं बाहरों बाहरों दरशन करके मुड़ पए। मैं बाज़ार विचों लंघदिआं कार दे शीशिआं विचों दोहीं पासीं काहली काहली बाहर वेख रिहा सां ते मेरीआं नज़रां गुलाम नबी दी दुकान नूं टोल्ह रहीआं सन। मेरिआं चेतिआं विच गुरमीत ढड्डा बोल रिहा सी।