"ऊं जे मैं बिरध आशरम विच्च वग जां ....उत्थे वध्ध सेवा होइआ करू।" सस्स दे इह बोल सुण के रसोई विच्च कंम करदी पसीने नाल गड़ुच्च होई नूंह जिवें कुझ्झ समें लई सुंन हो गई। इक्क छुरी ....नहीं ...नहीं ...शाइद इक्क बलेड जां उस तों वी बरीक तेज़ धार चीज़ उस दे कंनां विच्चों हुंदी होई गळे अते छाती दीआं नाड़ां नूं चीरदी होई सारे पेट विच्चों चीरा लाउंदी खब्बी वख्खी विच्च पस्सलीआं दे हेठां जा रुकी जित्थे उस दे हमेशा हलका जिहा दरद रहिंदा सी । दरद थोहड़ा कु वधिआ मोढे विच्च दी हुंदा होइआ गरदन दे पिछ्छे दी सिर विच्च खब्बे पासे जा के रुक गिआ। दो चार सकिंटां दी इह प्रक्रिआ जान सूत के लै गई। वीह पच्ची साल दी मिहनत रुहड़दी जापी। इस सारी प्रक्रिआ नाल दिल दिमाग नपीड़िआ गिआ उस विच्चों निकलिआ सत खारे पाणी दा रूप लै अख्खां विच्च आ उत्तरिआ। रसोई विच्च पईआं वसतां ते धुंद जिही छा गई।नां....नां वसतां ते धुंद नहीं सी धुंद तां द्रिशटी विच्च सी । सिल्ल्हीआं अख्खां वाली वड्डी सारी विअंगमई मुसकराहट बुल्ल्हां ते फैली। वड्डा सारा साह भर के खिड़की विच्चों असमान वल्ल आपणे वकील अते जज्ज नूं साहमणे महिसूस कीता अते बुल्ल्हां दा सीटी मारन वाला अकार बणा के फू....ऊ.....ऊ.....ऊ.....आ....आ...कर के सारी हवा बाहर कढ्ढ दित्ती । दो तिंन वार एदां करन ते थोहड़ा चैन आइआ। इस तरहां डूंघे साह भरन ते कढ्ढण दी जुगत उस दे पती नें उस दिन दस्सी सी, जदों इक्क दिन उह बहुत ज़िआदा बेचैन सी। उस दा जीअ कर रिहा सी घर दा सारा समान तोड़ देवे, भांडे गळी विच्च वगाह वगाह मारे । पागलां वांग चीकां मारे ते रोहीएं चहड़ जे मुड़ के नां थिआवे किसे नूं। उस दिन बेबे नें उस नूं बहुत सारीआं गल्लां इहो जिहीआं कहीआं सन जिहड़ीआं बरदाशत तों बाहर सन। भावें उह कुझ्झ नां बोलदी फिर वी बेबे आख दिंदी... 'तूं मैनूं मार के राजी ऐं....मैनूं घरों कढ्ढ के राजी ऐं।' इस तरहां दी इलज़ामबाज़ी सुण के उस दा जीअ करदा घर छड्ड के चली जावे किधरे। उस दी शकल सूरत ठीक सी नां बहुती चंगी , नां बहुती माड़ी । बेबे नें आखिआ, "मैं तां विआह नूं ई तेरी बूथड़ी देख ली सी कि तेरे नी जवाक हुंदा।" जवाब तां है सी इस गल्ल दा पर ज़बान 'ते नहीं लिआंदा। कई वार मन नें उबाला खाधा कि आख दे, " जदों मैनूं देखण गए सी बूथड़ी तां उदों वी इही सी। जे तुसीं ऐडे ही अंतरजामी ओ फिर आपणे पुत्त दी ज़िंदगी किउं ख़राब कीती मेरे नाल विआह के। " पर लड़ाई ते लस्सी दा की वधाउणा सी। इह सभ हज़म करना सहिज तां नहीं सी। गल्ल इक्क नहीं सी हुंदी पूरी लिसट तिआर हुंदी सी। कुझ्झ उहनां गल्लां दे मिहणे जिहड़ीआं उसे दे पेके परिवार दे जीआं वल्लों आपणे घर दे अंदरूनी झगड़े दस्से होए सन। उह सोचदी ...पता नहीं मेरे आपणिआं नें इह किउं नहीं सोचिआ कि जिहड़ीआं गल्लां राहीं उह आपणे परिवार दे दूजे जीआं दे औगुण फरोल जांदे हन। उह सारीआं गल्लां दे बंब बणके उहनां दीआं धीआं भैणां दे सिर ही फटणगे। उस नूं कोई ठाहर नहीं सी दुख्खड़े रोण लई । उस दे पती नें उस नूं बांह तों फड़िआ सी अते बाहर रुख्खां हेठ लै गिआ ।वार वार अंदर हवा भरन अते छड्डण नूं किहा।

"मैं वी एदां ई आपणी भरी छाती खाली करदा हुंना।" उस नें जदों इह आखिआ सी तां पतनी हैरानी नाल उस वल्ल देखदी रही।

" मैं वी इनसान आं मैनूं वी तकलीफ़ हुंदी ऐ। कदे घरों कदे बाहरों। "

"बाहरों मतलब?" पतनी नें पुछ्छिआ सी।

"जित्थे मैं नौकरी कर रिहा हां मेरे साथी करमचारी थब्बा तनखाहां दा लै के वी कंम विच्च इमानदार नहीं । मैं कुश नी कर सकदा। बस मन कलपदा मेरा।" पती दी इसे इमानदारी अते नेकी 'ते उह फिदा सी। माण महिसूस करदी सी। होर विचारां विच्च मत्तभेद हुंदिआं वी इक्क दूजे 'ते अंतां दा भरोसा करदे सन। इहो जिहे भरोसे कमाए जांदे हन। पर उहनां विच्च सहिजे ही सन। इस लई बेऔलाद होण करके वी शांतमई तरीके नाल इक्क दूजे दा साथ निभा रहे हन।पती दी गल्ल सुण के उस दा आपणी तकलीफ़ वल्लों धिआन हटिआ। "घर विच्च मैं सारा कुझ्झ अख्खीं देखदा हां, कोई दस्से नां दस्से ....तूं सही होवें तां वी मैं आपणी मां नूं कुश नी आख सकदा। मेरी मां ,मेरीआं भैणां ,मेरे रिशतेदार इही कहिणगे कि तूं मैनूं वस विच्च कर लिआ । तेरे लई होर औखा हो जाणै। मैनूं पतै मैं तेरे अग्गे ढाल नहीं बण सकदा। इक्क रब्ब तों डरन वाले बंदे लई आपणिआं नाल लड़ना सभ तों वध्ध औखा हुंदै। मां लई आपणे फरज़ निभाउणे ज़रूरी नें।"

"ते मैं किध्धर जावां फेर?" पतनी नें पती दे चिहरे वल्ल देखदिआं आखिआ।

" किते वी नहीं । बस इस तरहां समझ लै बई आपणा जनम ई मां करके होइआ...चंगा कहे, माड़ा कहे सभ सिर मत्थे ।"

" आह तां कोई गल्ल नी बणी, फेर आपणा जीवन तां गिआ, वीह बाई साल लंघ गए मां दीआं गलतफहिमीआं दीआं सफ़ाईआं दिंदे दिंदे।"

" की करीए फिर मां नूं जे कोई गल्ल आखीए तां उहनूं इस तरहां लग्गदा ऐ कि उस दी कोई कदर नहीं करदा। पिंड वाली भरजाई नाल मां दी बणदी नहीं इस लई उहनां कोल भेजण दा तां वरका ई पाड़ दे।" उह थोहड़ी देर चुप्प कर गिआ। पतनी सुंनीआं जिहीआं अख्खां नाल असमान वल्ल देख रही सी। उह फिर बोलिआ,

" बेबे भैण हुरां कोल वी महीना वीह दिन इस करके ला आउंदी है किउंकि भैणां दे घर उहनां दे आपणे बज़ुरग नहीं उह बेबे नाल लग्गीआं रहिंदीआं नें। बेबे उहनां नूं जो गल्लां झूठीआं सच्चीआं दस्सदी है उह उसे नूं सच्च मंन लैंदीआं नें।"

" किउं मंन लैंदीआं नें सच्च? " पतनी दे सवाल उस नूं प्रेशान कर रहे सन।

" किउंकि बेबे उहनां दी मां ऐ। बेबे आवदी हालत तरसयोग बणा के दस्स दिंदी ऐ।"

" तुसीं वी तां उहनां दे भरा ओ। उह बेबे नूं इह गल्ल तां समझा सकदीआं नें कि उस दे बिनां वजहा दे कीते कलेश नाल उहनां दा भरा वी औखा हुंदा ऐ।"

" सिध्धी जिही गल्ल ऐ बेबे नूं कोई नी समझा सकदा।"

" वैसे इहनां गल्लां दा कोई इलाज ?" उदासी जिही अवाज़ विच्च उस नें पुछ्छिआ सी।

"कोई इलाज नहीं, बस इह समझ लै बई आपणे वरगिआं दी ज़िंदगी इहो जिही ही हुंदी ऐ ।" उस नें कौड़ी सचाई आख दित्ती सी। इस गल्ल विच्च सिरे दी बेवसी वी सी। एना आखण तों बाअद उह किंनी देर चुप्पचाप उड्डदे परिंदिआं वल्ल अते हवा नाल रुख्खां दे झूंमदे पत्तिआं वल्ल देखदे रहे सन। पता नहीं कुझ्झ औड़ नहीं सी रिहा गल्ल करन लई जां फिर कहिण लई बहुत कुझ्झ सी उह कहिणा नहीं सी चाहुंदे। कई उलझणां दा कोई सिरा नहीं लभ्भदा हुंदा। बस उहनां दी उलझण वी इसे तरहां सी। एदां दीआं गल्लां तां कुझ्झ कु दिनां बाअद हुंदीआं ही रहिंदीआं सन। पर अज्ज तां मां दे मूंहों बिरध आशरम वाली गल्ल सुण के पता नहीं कुश होरे तरहां दा महिसूस होण लग्ग पिआ। लग्गदा सी गलती नाल कहि बैठी बेबे। पुत्त नें किहा, "बेबे बिरध आशरम वाले एदां नहीं रख्खदे। उह पता करदे नें आले दुआलिओं कि बज़ुरग नूं परिवार वल्लों सच्चीं कोई तकलीफ़ है जां नहीं।"

" ओहनां नूं मैं दस्सूं.... मेरी किंनी कु पुछ्छ करदे ओं... मेरी जात नी पुछ्छदे किसे कंम विच्च। आपे निकलू जलूस जदों नैट्ट ते पाइआ।" बेबे बुहड़क बुहड़क बोल रही सी। उह तां जिवें पूरी योजना तिआर करी बैठी सी। मन नहीं सी मंन रिहा कि इह सभ कुझ्झ बेबे आख रही ऐ। जिस नूं कदे किसे चीज़ दी कमी नहीं सी रहिण दित्ती। मन मरज़ी दा खांदी पहिनदी, मन मरज़ी दे रिशतेदारीआं विच्च जांदी आउंदी, मन मरज़ी नाल सौंदी जागदी। कमी सी तां इक्क गल्ल दी कि बेबे नाल विचार मेल नहीं सन खांदे। जे बेबे दी गल्ल नूं गलत आखिआ जांदा तां उह हरख जांदी अते बुड़बुड़ करी जांदी। इस लई चुप्प ही भली समझदे। बेबे नें उहनां दी जवाब देण वाली गल्ल ते तां खिझणा ही सी चुप्प 'ते वी खिझदी।बद दुआवां देण लग्गी वी नां धी वेखदी नां पुत्त... जिहड़ा वी उस दी हां विच्च हां नां मिलाउंदा उसे नूं सराप देण लग्गिआं देर नां लाउंदी। मां दीआं गल्लां तों बहुत वार पुत्त नूं शरमसार होणा पैंदा। कंमवाली कई वार जदों चाह पींदी जां रोटी खांदी तां उहनूं आखदी, 'खा पी के वग जिआ कर, कंम करन दी की ज़रूरत ऐ।' पुत्त नूंह जे किसे गरीब गुरबे नूं गरमी सरदी लोड़ मुताबक कोई कप्पड़ा लीड़ा लै दिंदे तां वी कलेश करदी आखदी, 'मैनूं पुछ्छे बिनां फैसले लैंदे नें।' धीआं कोल रोंदी कुरलाउंदी कि उसदी घर विच्च कोई पुछ्छ नहीं करदा। जे किते पता लग्ग जांदा कि इहनां नें किसे गरीब नूं कुझ दित्ता है तां आखदी, 'अगले जनम विच्च थोनूं वी इहनां वरगे मंगते बणना पऊ, इह सारा कुश लैण वासते।' उह दोवें जीअ लोड़वंद दी मद्दद करन वाले सन। बेबे नूं इह सभ पसंद नहीं सी। बेबे दी सांभ संभाल वल्लों दोवें जीआं वल्लों कोई कमी नहीं सी। पर बेबे दा मन नूंह 'ते कदे नां धिजदा। पुत्त पूरा तड़फ़ तड़फ़ के जमहां बिमारां वांग हो जांदा। पर बेबे नूं सिरफ़ आवदी फ़िकर रहिंदी सी।

नूंह दे पेकिआं दा कोई आ जांदा तां उस दी बुड़ बुड़ शुरू हो जांदी। गल्लां बातां विच्च तां बेबे बथेरी चंगी सी पर जदों किसे दे बाद पै जांदी तां कई कई दिन खहिड़ा नां छड्डदी। धीआं कोल सारा इलज़ाम नूंह पुत्त 'ते ला दिंदी। अग्गों नूंह पुत्त भावें हत्थ जोड़ जोड़ शांती दी भीख मंगण पर उस नूं कोई फ़रक नां पैंदा। सस्स नूंह दी बोलचाल बंद हो जांदी। पुत्त विचारा आपणीआं तकलीफां लुकोंदा मां नूं डाकटरां कोल चुक्की फिरदा। रिपोटां करवाईआं जांदीआं बिमारी कोई नां आउंदी। सारा दिन आपणे अंदर गुस्सा वधाई रख्खदी उसे कारन सरीर नूं तकलीफ़ होण लग्ग पैंदी। घर विच्च सुंन पसरी रहिंदी। पती पतनी आपस विच्च वी कोई गल्लबात नां करदे हस्सणा खेडणा तां बड़ी दूर दी गल्ल है। घर दा माहौल देख के गवांढ विच्चों आउंदे बच्चे वी खेडण नां आउंदे। कई वार मन भर भर आउंदा...किंनी कु माड़ी किसमत लिखा के लिआए हां। फिर रब्ब नाल झगड़े झेड़े चलदे।

उह बेबे दी मानसिक सथिती समझण दी कोशिश करदे। इही कारन सी कि उह हर वार कलेश दे संताप विच्चों निकलण लई कोई ढंग तरीका सोच लैंदे। कई वार बेबे कदे कदाईं आउण वाले रिशतेदारां कोल रोण लग्ग जांदी आखदी, " मैनूं तां इहनां दा फ़िकर मारदै।" उह सोचदे... इह किहो जिहा फ़िकर ऐ बेबे दा, जिहड़ा थोहड़े दिनां बाअद उहनां नूं सूली 'ते टंग दिंदा ऐ। जित्थों जित्थों वी उहनां इलाज करवाइआ तां डाकटर उहनां नूं आखदे 'नुकस तां कोई नहीं रिपोटां विच्च, पर खुश रहिणा ज़रूरी ऐ तुहाडे लई। पर रिशतेदारां अते बेबे दे फ़िकर नें उहनां नूं कदे खुश नहीं रहिण दित्ता।

इक्क दिन रात दे साढे कु अठ्ठ वजे बेबे नें आपणे बिलकुल्ल नाल लग्गदे कमरे विच्चों फोन कीता पुत्त उठ्ठ के मां कोल चलिआ गिआ। माता फिर भरी पीती नें बहुत सुणाईआं। पतनी रब्ब अग्गे हत्थ जोड़दी रही, "मालका ताकत बख़श सभ कुझ्झ सहिण दी। " पती घंटे कु बाअद आइआ कंबल खिच्च के उप्पर लैंदिआं हउका जिहा लै के बोलिआ, " आपणी तां ज़िंदगी ख़राब ई ऐ बस।" दोवें बिनां बोलिआं चुप्प करके सौण दी कोशिश करदे रहे।

पतनी नें किहा, "इहो जिहे माहौल विच्च रहिणा आपां नूं मार दिऊ किउं नां आपां वख्खरे वख्खरे हो जाईए। मैनूं कुश नी चाहीदा.. नां खरचा... नां जाइदाद विच्चों हिस्सा।"

" तेरा दिमाग़ ठीक ऐ?" पती बोलिआ।

" बेबे थोनूं तां पिआर करदी होऊ... पर मेरे करके थोडे नाल वी लड़दी रहिंदी ऐ। इसे कारन थोडी सिहत दिनो दिन निघरदी जांदी ऐ। मैं नां होऊंगी सभ ठीक हो जू। फिर बेबे नें किहड़ी गल्लों हरखणै?" पती दी चिंता दूर करन दा उस नूं होर कोई हल्ल नहीं सी लभ्भिआ।

हुण इस चिंता विच्च नींद नहीं सी आ रही... जे भलां सच्चीं अड्ड होणा पै गिआ फेर की बणूं? बेबे फेर रिशतेदारां नूं 'कठ्ठे करू जिहड़िआं नें आपणे मापिआं दा कदे पच्ची दिन वी धिआन नहीं रख्खिआ होणा उह पच्ची साल धिआन रख्खण वालिआं विच्च नुकस मारनगे, उहनां नूं समझाउणगे।कलेश वधण दे डरों उह फिर सिर नीवां करके ज़िंदगी नाल समझौते करनगे। मन नूं शांत करन लई जुगतां सोचणगे। उहनां सोचिआ जे इही कुझ्झ करना है तां फिर आपे ही आवदे मन नूं समझा लैणा चाहीदा है।

कई वार उह आपणे आप नूं दो सिफ़रां आखदे। जिहनां नाल कोई होर अंक लग्गिआ ही नहीं। आपणी मरज़ी दा नां कदे खाइआ नां हंढाइआ। फिर वी मिहणे ताहनिआं भरी ज़िंदगी बतीत कर रहे सन । नींद अख्खां तों कोहां दूर सी। पतनी दे मूंहों अड्ड होण वाली गल्ल सुण के तां ताणा होर वी उलझदा जापिआ। पती नें उठ्ठ के बत्ती जला दित्ती। इक्क कागज़ अते पैन्न लिआ।

" आह देख। " आखदिआं कागज़ 'ते दो सिफ़रां बणा दित्तीआं। पतनी उठ्ठ के बैठ गई।

" इह की ऐ भला? " उस नें पुछ्छिआ ।

"इक्क मैं इक्क तुसीं।" उहनां मुसकराउण दी कोशिश कीती।

पती नें सिफ़रां नाल इक्क पैन्न रख्ख दित्ता।

" हुण देख.... आह बण गए आपां सौ..... इस दी मद्दद नाल.....। पती दी गल्ल विच्चों ही टोकदिआं पतनी बोली, "आपां सौ किवें हो सकदे आं अध्धे अधूरे आं आपां तां।"

"आहो.... अधूरे आं तां ही सौ आखिआ... नहीं तां दो सौ नां हुंदे दोवें। चल... धिआन नाल सुण.... हुण जदों वी दिमाग़ उलझण ताणी विच्च फसे। इह पैन्न नाल कदे तूं आपणी विथिआ लिखीं कदे मैं .....कदे जग्ग बीती वी लिखांगे। मैं तेरा लिखिआ पहड़िआ करूं, तूं मेरा लिखिआ।" इस नवीं जुगत नें उहनां दे मन नूं धरवास दित्ता। थोहड़ी देर बाअद उह सिफ़रां तों सौ बणे घूक सुत्ते पए सन।