किरपाल सिंघ पंनूं इक्क मिहनतकश फौजी दा नां है। जो जीवन नूं बड़ा नेड़े हो के पहड़दा है अते आपणे फौजी अनुशासन नाळ हर मुशकिल दा ही हल्ल लभ्भ लैंदा है। उमर विच्च अते गुणां विच्च वड्डे होण कारन मैं पंनूं साहिब नूं भाई साहिब जां पंनूं साहिब करके ही संबोधन कीता है ते इस लेख विच वी इहो शबद ही वरतणे चाहांगा।

पंनूं साहिब मई 1991 विच्च जदों कैनेडा आए तां इनहां नें कुझ्झ वरहे सकिउरिटी गारड दी नौकरी वी कीती। साडी जाण पहिचाण तां होई पर जदों इनहां दी रिटाइरमैंट होण बाअद इनहां नें आपणी दाहहड़ी नूं कलफ़ लाउणा छड्ड दित्ता उदों साडी वाकफ़ी नें दोसती दी होर गूहड़ी रंगत फड़ लई।

सिआणे कहिंदे हन कि किसे वी विअकती बारे उस नूं नेड़िओं जानण तों ही पता लगदा है। सो मेरी पंनूं साहिब नाळ उनहां दे सेवा मुकत होण दे मगरों नेड़ता जिओं-जिओं वधी मैनूं इस साधारण मनुख्ख विच्चों इक्क महान शखसीअत दा अनुभव होर वधिआ ते दिनों दिन होर वी वध रिहा है।

1998 विच्च मेरी पलेठी पुसतक ‘सुरां दे सुदागर’ प्रकाशित होई सी। जदों इस दा खरड़ा मुकंमल हो गिआ तां साडे शहिर दे इक्क पत्तरकार नें सुझाअ दित्ता कि इस दी प्रिंटिंग लई डिज़ाईन ते ले-आऊट इक्क विशेश रूप विच्च होणी चाहीदी है। मैं कंपिऊटर उत्ते टाईप अते सेव कीती होई कापी दी फलापी डिसक उनहां दे हत्थ उत्ते रख्ख के गुज़ारिश कीती कि उह इस नूं आपणी दस्सी होई विओंत अनुसार समां कढ्ढ के ले-आऊट कर देण। उह सज्जण मुसकराए ते इह कहि के कोरा जवाब दे दित्ता कि इस कंम लई 40-50 घंटे चाहीदे हन, मेरे पास इतना समां नहीं है। उनहां नें मैनूं चाह पिळाई ते मठ्ठीआं वी खवाईआं जो बड़ी मुशकिल नाळ मेरे गळ अंदरों लंघीआं। मैं निराश सां।

घर नूं परतण समें मैं पंनूं साहिब दे घर जाण दा विचार बणाइआ कि किउं नां मैं उनहां नूं बेनती कर देखां, शाइद उहो ही मेरी कोई सहाइता कर सकण। थोहड़ा झिजकदा मैं पंनूं साहिब दे घर दी जा बैल्ल वजाई। उनहां नें मैनूं बड़ी पिआरी ते निघ्घी मुसकान नाळ जी आइआं आखिआ ते अंदर आउण लई सद्दा दित्ता।

सरसरी हाल चाल पुछ्छण मगरों, “चाह पाणी की लवोगे?” उनहां दा पहिला सवाल सी। मैं किहा कोई खास लोड़ नहीं। मेरे नांह कहिण दे बावजूद वी उनहां नें आपणी पतनी नूं मेरे लई चाह बनाउण लई कहि दित्ता। “किवें आउणे होए?” उनहां दा अगला सवाल सी। मैं झकदे नें पोले जिहे आपणे समस्सिआ दा ज़िकर कीता।

“लिआ बई आपणी फलापी, देखीए की हो सकदा है?” मैं आपणे कंबदे हत्थ नाळ टाईप कीते आपणे खरड़े दी कापी वाळी फलापी उनहां दे हत्थ ’ते रख्ख दित्ती। उनहां नें आपणे कंपिऊटर उत्ते जा के खरड़ा डाऊन लोढ कीता अते सारा कंम मेरी लोड़ अनुसार वीह कु मिंटां विच्च नबेड़ दित्ता। मैं खुश सां कि हुण मेरी पुसतक मेरी मरज़ी अनुसार ही छपेगी। इतने चिर विच्च उनहां दी धरम पतनी जी वल्लों चाह तिआर सी। सच्च जाणिओं हुण चाह वी सुआद लग्ग रही सी अते घर तिआर कीती होई मठिआई ते मठ्ठीआं वी सुआद लग्ग रहीआं सन।

इह गल्ल शाइद तुहाडे लई बहुत छोटी जिही होवे पर उस वेळे मेरे लई बहुत वड्डी सी। किसे लोड़वंद दे बिनां गरज़ तों कंम आउणा इस नेक शखस दी सभ तों वड्डी सिफ़त है। आपणे लई जां आपणिआं लई तां सभ करदे हन, किसे बेगाने दे कंम दिल वाळे ही संवारदे हन।

बारडर सकिउरिटी फोरस विच्च इक्क अफसर रहे होण दे नाते उनहां दा जीवन अनुशासन विच्च रहिंदा है। बीते कई वरहिआं तों मेरा उनहां दे घर आउणा जाणा आम रिहा है। पर मैं पंनूं साहिब नूं बिनां तिआर होइआं कदी अज्ज तीकर नहीं देखिआ। सच्ची गल्ल तां इह है कि पंनूं साहिब जीवन वी सवछ्छता नाळ जिउण विच्च विशवास रख्खदे हन।

जदों कंपिऊटर लई नवें-नवें पंजाबी फौंट होंद विच्च आए, तां पता लग्गा कि साडे शहिर दे इक्क सज्जण इह सेवा परदान करदे हन। मैं उनहां नूं बेनती कीती कि मैनूं पंजाबी फौंट दी लोड़ है। “जी कोई गल्ल नहीं मैं आ के इह कंम कर जावांगा ते इस लई 125 डालर लग्गणगे।” उस वेळे मेरे लई डालरां दी थां पंजाबी फौंट ज़िआदा अहिमीअत रख्खदी सी। उह सज्जण आए, फौंट इनसटाल कीता, कीअ बोरड ले-आऊट दा इक्क वरका दित्ता ते 125 डालर दा चैक्क लै के 15 मिंट विच्च रवाना हो गए। ‘अनंदपरलिप्पी’ विच्च इह फौंट मैं हौळी-हौळी वरतणी सिख्ख लई।

जदों कंपिऊटर दे खेतर विच्च पंनूं साहिब नें परवेश कीता उदों कई होर फौंटां वी होंद विच्च आ चुक्कीआं सन। उनहां नें डाकटर थिंद नूं आपणीआं फौंटां विच्च होर सुधार करन दे सुझाअ दित्ते।

अज्ज कल्ल्ह पंनूं साहिब सिआळ पंजाब दे कसबे समराळे विच्च ते गरमी दे महीने बरैंपटन, टोरांटो,  कैनेडा विच्च आपणी जीवन साथण नाळ आपणी इछ्छा अनुसार गुज़ारदे हन। इस दे नाळ-नाळ कंपिऊटर दे खेतर विच्च वी कुझ्झ नां कुझ्झ करी जांदे हन।

मेरी पुसतक ‘सुरां दे सुदागर’ दा शाहमुखी विच्च लिपीआंतर वी पंनूं साहिब दे कंपिऊटरी परोगराम दी मिहरबानी दा इक्क नमूना है।

आपणे असूलां ते पहिरा देणा बहुत औखा कारज हुंदा है पर पंनूं साहिब लई बिलकुल औखा नहीं। सच्च इह वी है कि उनहां दी बहुत वार सख़ती विच्चों वी मैनूं इक्क कोमल दिल वाळा इनसान नज़र आइआ है। मैं पंनूं साहिब दीआं अख्खां इक्क दो वार तरल वी होईआं वेखीआं हन।

मेरे धंनभाग नें कि मैं इस महारथी दा निमाणा जिहा मित्तर हां।

पंनूं साहिब मेरी नज़र विच्च अज्ज दे समे दा ‘भाई घनई्ईआ’ है जो बिनां किसे वितकरे दे आपणीआं सेवावां हर इक्क लई बिनां किसे झिजक दे मुफ़त परदान करदा है।

मैं पंनूं साहिब नूं उमर दे 75 साल पूरे करन उत्ते उनहां दी चंगी सिहत, खुशी अते खुशहाली लई सदा दुआगो हां।