साडे सारिआं दे जीवन विच्च कई वार अजिहा मौका आउंदा है जदों असीं नांह कहिणा चाहुंदे हां पर कहिण दी हिंमत नहीं हुंदी। इसदा मुख्ख कारन अगले दी नराज़गी नूं मुल्ल नां लैणा है। दूजा कारन आतम विशवास दी घाट मंनिआ जा सकदा है। मेरे वांग तुहाडे नाल वी कई वार अजिहा होइआ होवेगा अते उसदी कई वार चोखी कीमत चुकाउणी पैंदी है। मेरे नाल कई वार अजिहा होइआ है। इक्क वार मैं परिवार नाल बाहर जाणा दा प्रोगराम बणाइआ होइआ सी। दो छुट्टीआं सन। दफतर विच्च इक्क ज़रूरी रिपोरट तिआर करनी सी, मेरे बौस नें आखिआ जेकर तूं कुझ देर लई आ जावे तां असीं बैठ के इह कंम निबेड़ लवांगे। मैं नांह कहिणा चाहुंदा सां पर नहीं आख सकिआ ते दूजे दिन आउण दा वाइदा कर लिआ। घर आ के गल्ल कीती, उह वी फैसला बदलण लई तिआर नहीं सन। बौस नूं फोन उत्ते बहाना लाइआ पर उस किहा कि मैं तां दफतर बैठा तेरी उडीक कर रिहा हां। मैं जा नहीं सकिआ। पहिलां साडे आपो विच्च निघे सबंध सन पर उस पिछ्छों उसदे वतीरे विच्च फरक आ गिआ। उह तां शुकर है कि उसदी छेती तरक्की हो गई ते उह उत्थों चला गिआ। असीं उस दिन फिलम देखण दा प्रोगराम बणाइआ सी।

इक्क वार दफतर जांदिआं ही साडे इक्क रिशतेदार मिल गए, जिहड़े नवें नवें बदल के आए सन। मैं आख बैठा, किसे वेले घर आवो, बैठ के गल्लां करांगे। उह आखण लग्गा, चलो असीं अज्ज ही आ जांदे हां। मैं घर जा के इह सूचना दित्ती पर घरदिआं नें फिलम जाण दी ज़िद फड़ लई। पहिलां मैं उनहां नूं सिनमा घर छड्ड के आइआ। मुड़ घर आ के महिमानां दी उडीक कीती। उह आए, मैनूं मुआफी मंगणी पई कि घर वाले तां पहिलां किते जा चुक्के सन। उदों मोबाइल तां की, फोन वी नहीं सन हुंदे। उनहां नूं तोर के मुड़ परिवार नूं सिनमा घर तों लै के आइआ पर उस रिशतेदार नें उह घटना कई वार सुणाई।

पैसिआं दे लैण देण विच्च तां इह आम ही हुंदा है। तुहाडा कोई बहुत नेड़ला दोसत जां रिशतेदार आपणे उत्ते आई मुसीबत दा वासता पाके पैसे उधार मंगदा है। उह नाल ही इक्क वाइदा वी करदा है कि केवल इक्क हफते विच्च ही वापस कर दिआंगा। तुहाडे कोल कुझ पैसे हुंदे हन, जिहड़े तुसीं आपणे लई गड्डी खरीदण लई, घर दा बिआना देण लई जां बच्चिआं दे विआह लई रख्खे हुंदे हन। उस उत्ते तरस खा के वाइदिआं ’ते यकीन करके तुसीं पैसे दे दिंदे हो पर उह हफता कदे वी नहीं आउंदा सगों तुहाडा नेड़ला मित्तर अते रिशतेदार तुहाडे तों दूर हो जांदे हन। मेरे आपणे नाल अजिहा होइआ है। मेरा इक्क बहुत ही करीबी दोसत अते उसदा पुत्तर मेरे कोल आए ते आखण लग्गे सानूं दो लख्ख फौरी लोड़ पै गई है। मैं पैसे नां होण बारे आखिआ। उनहां नूं पता सी, मैं दूजे दिन कार खरीदणी सी। उह मैनूं आखण लग्गे, साडी खातर इक्क दिन पिछ्छों खरीद लैणा। अज्ज पैसे बैंक विच्च जमहां करवा देणे हन। साडी लिमट मुड़ बण जावेगी। कल्ल्ह नहीं तां परसों करज़ा लै के तुहाडे पैसे वापस कर देवांगे। उनहां दे तरले देख मैं पिघल गिआ ते दो लख्ख दे बैठा। अज्ज सत्त साल हो गए हन, पैसे तां वापस की आउणे सन, सगों बोल बुलारा वी बंद हो गिआ है। उप्परों घरदिआं दे मिहणे मैनूं हर दूजे-चौथे दिन सुणने पैंदे हन।

इसदा इह अरथ वी नहीं कि सानूं हमेशा नांह कहिण दी आदत पा लैणी चाहीदी है। कुझ अजिहे वी हुंदे हन कि तुहाडे किसे करीबी जां रिशतेदार नूं सच्चमुच्च तुहाडी मदद दी लोड़ पै सकदी है। उस मौके बिलकुल कोरे हो जाणा वी ठीक नहीं। आपणे वित्त मुताबिक जिंनी हो सके, सहाइता ज़रूर करनी चाहीदी है। भाईचारे दी लोड़ दा अधार वी इक्क दूजे दे कंम आउणा है अते आपसी सबंध नूं मज़बूत करना है। जेकर कदे औखे वेले तुहाडी किसे नें मदद कीती है तां लोड़ पैण उत्ते उसदी सहाइता करना वी तुहाडा फरज़ बणदा है। तुहाडी नांह उनहां दे सीने विच्च सट बण के वज्जेगी। सानूं परख करन दी जांच आउणी चाहीदी है। उधार देण वेले तां सोच-विचार बहुत ज़रूरी हो जांदी है। तुसीं दुकानां उत्ते इह लिखिआ आम पहड़िआ होवेगा, “उधार रिशतिआं दी कैंची है।” उदों तां तुहानूं सखत जिगरा करना ही चाहीदा है जदों कोई कुझ दिनां लई किसे कीमती वसतू भाव कार, कंपिऊटर, कीमती घड़ी, मोबाइल आदि मंगण आ जावे। अजिहे समें तुहाडे कोल बहाना पहिलां ही तिआर होणा चाहीदा है किउंकि अजिहीआं वसतां दा नुकसाने जाणा आम ही है, जिस कारन रिशतिआं विच्च फिक आ जांदी है।

बहुती वार असीं चाहुंदे होए वी नांह नहीं करदे। इसदे कई कारन हन। सभ तों वड्डा कारन तां दोसत जां रिशतेदार दी नराज़गी दा डर हुंदा है। इह वी पता हुंदा है कि इस नाराजगी दा असर सबंध टुट्टण उत्ते वी पै सकदा है। कई मेरे वरगे दिआलू दिल हुंदे हन ते दूजिआं दीआं गल्लां उत्ते विशवास कर लैंदे हन। वैसे वी रिशते विशवास ’ते ही टिके हुंदे हन। इस विच्च कोई लुक-लुका नहीं कि बहुत थोहड़े अजिहे विअकती हुंदे हन, जिहड़े तुहाडे अहिसान नूं सारी उमर याद रख्खदे हन। जित्थों तक हो सके मुसीबत वेले आपणे नज़दीकी दे कंम ज़रूर आउणा चाहीदा है पर फैसला करदे समें इह खिआल ज़रूर रख्खो कि उंनी कु ही सहाइता करो, जिंनी जेकर वापस नां वी आवे तां समझो कोई नहीं घाट नहीं होई। जेकर कोई बच्चे दी फीस बारे आखदा है जां बिमारी बारे आखदा है तां नकद देण दी थां सिध्धा सकूल जां हसपताल नूं भुगतान करो, जिहड़ा कि हुण कोई बहुता औखा नहीं है। पर अजिहा उदों ही करो, जदों तुहाडे कोल अजिहा करन दी समरत्था है। अजिहा करना वापस आउण दी उमीद छड्ड दान समझ लैणा चाहीदा है। जदों मैं किसे बच्चे दी फीस दिंदा हां जां दवाई लै के दिंदा हां तां मैं वापस लैण दी उडीक छड्ड के अजिहा करदा हां, करदा रहांगा। मैं अजिही सहाइता लई कुझ पैसे वख्खरे कढ्ढ के रख्खे होए हन।

कई वार असीं नांह करनी चाहुंदे होए वी सबंध टुट्ट जाण दे डरों नांह नहीं आखदे पर इह भुल्ल जांदे हां कि जदों दित्ते पैसे जां चीज़ दी वापसी नहीं होणी, सबंधां विच्च तां आपणे आप त्रेड़ आ जाणी है। इस करके आपणे अंदर नांह कहिण दी हिंमत पैदा करो। बहाना लाउण दी वी लोड़ नहीं, साफ नांह कर देवो। जेकर अगला मतलबी है तां उस नाल सबंध बणा के रख्खण दा वी कोई फाइदा नहीं है। अजिहे मामले विच्च कदे झिजकणा नहीं चाहीदा। हमेशा याद रख्खो, किसे वी वाकफ जां रिशतेदार नूं कुझ दिनां लई गड्डी देण, मकान रहिण लई देण वेले सपशट नांह कर देणी। इक्क वार दी द्रिहड़ता तुहानूं सारी उमर सुखी रख्खेगी, नहीं तां जेकर पैसे वापस नां होए, गड्डी भंनी गई जां मकान खाली नां होइआ तां पछतावा करदिआं ही ज़िंदगी बीत जावेगी। आपणे आप ’ते भरोसा रख्खो। सारी उमर दी नराज़गी नालों फौरी नराज़गी लैणी सौखी रहिंदी है।

इहो हिंमत साडीआं कुड़ीआं विच्च वी चाहीदी है। मुंडे कुड़ीआं इकठ्ठे पहड़दे हन, नौकरी करदे हन अते इकठ्ठे आउंदे जांदे हन। शहिरां विच्च कोई इस पासे धिआन नहीं दिंदा। आपसी पिआर वी हो जांदा है ते मुंडे सरीरक सबंध बणाउण लई उकसाउंदे हन। कई वार कुड़ीआं पिआर टुट्टण जां दोसत दी नराज़गी तों डरदीआं तिआर हो जांदीआं हन। कुझ छिणां दी खुशी लई कई वार सारी ज़िंदगी बरबाद हो जांदी है। नांह कहिण दी हिंमत करो। जेकर मुंडा सच्चा पिआर करदा है तां उह नाराज़ नहीं होवेगा। नराज़गी उहो ही विखाउंदे, जिहड़े केवल आपणी जिसमानी भुख्ख पूरी करन लई पिआर करदे हन। उह विआह दे झूठे वाअदे वी करदे हन। पिछ्छों लारे लाउंदे हन ते हौली हौली साथ छड्ड जांदे हन। मिठ्ठीआं गल्लां दे जादूगरां दे चुंगल विच्च नां फसो। इह बड़ा महिंगा सौदा बण जांदा है।

आउ विचार करीए कि नांह आखण लई आपां किवें आपणे आप नूं तिआर कर सकदे हां। सोचण लई समां मंगो! किसे वल्लों विखाए मजबूरी दे हंझू देखके फौरी हां नां करो सगों कुझ समां मंगो तां जो तुसीं घोख कर सकों कि उसदी मजबूरी विच्च किंनी कु सचाई है। इस समें आपणे आप नाल विचार करो। जेकर इसदा असर परिवार उत्ते पैणा है तां परिवारिक मैंबरां नाल सलाह करो। असल विच्च लैण देण दा फैसला कदे वी परिवार तों लुका के नहीं करना चाहीदा किउंकि इसदा पता तां लग्ग ही जाणा है फिर घर वी लड़ाई दा होणा सुभाविक है।

जेकर तुहाडे आपणे विच्च कमज़ोरी है तां परिवार दा बहाना ढाल बणा लैणा चाहीदा है। इह बहुता सही तां नहीं है पर जेकर आपणे विच्च हां कहिण दी हिंमत नहीं है तां इह बहाना चंगा सहारा बण सकदा है। सोच विचार के कीते फैसले हमेशा सुखदाई हुंदे हन।

फौरी नांह करो

पैसे, मकान जां किसे कीमती वसतू दी मंग वेले फौरी नांह करो। इह आखण तां सुणिआ ही होणा है, “सखी नालों सूम भला, जिहड़ा तुरंत देवे जवाब।” सच्च कहिण लई दलेरी चाहीदी है पर इह दलेरी तां तुहाडे आपणे लई है। इह दलेरी किसे दी गलती जां नुकस कढ्ढण लई नहीं सगों आपणे वल्लों आपणे आप नूं सुरख्खिअत करन दी है। बड़ी नरमी नाल नांह करो। आपणी मजबूरी दस्सो अते इसदे आपसी सबंधां उत्ते पैण वाले माड़े प्रभाव दी वी चरचा करो। जेकर अगले नूं समझ आ जावे तां ठीक ,नहीं तां नराज़गी दी प्रवाह नां करो। थोहड़े समें पिछ्छों नराज़गी आपणे आप दूर हो जावेगी।

हिंमत तों कंम लैणा

आम देखण विच्च आइआ है कि मेरे वरगे कई इनसानां विच्च नांह कहिण दी हिंमत नहीं हुंदी इस करके उह आपणे आप नूं मुसीबत विच्च फसा लैंदे हन। जीवन विच्च अजिहे मौके बहुत आउंदे हन जदों तुहाडे लई नांह करना ज़रूरी हो जांदा है। कई बंदे अजिहे ढीठ हुंदे हन कि उह मंगण लग्गिआं शरम नहीं करदे। अजिहे बंदिआं तों सावधान रहिण दी लोड़ है। इह वी देखो कि मंग करन वाला तुहाडे किंना कु नेड़े है। की उह बहुत ही नज़दीकी रिशतेदार है जां गूहड़ा मित्तर है, जिहड़ा तुहाडे वी कई वार कंम आइआ है। अजिही सथिती विच्च वी हिंमत दी लोड़ है। आपणे पहिलां तों मिथे रुझेविआं अते लोड़ां दी समीखिआ करो, फिर कोई फैसला करो। किसे लोड़वंद दी मदद करना गुनाह नहीं है पर आपणीआं सीमावां दा वी धिआन रख्खणा ज़रूरी है। अजिही हां नां करो जिस बारे सोच सोच तुहानूं पछतावां हुंदा रहे। पछतावें दा संताप कई वार रिशतिआं विच्च ही तरेड़ां नहीं पाउंदा सगों सिहत उत्ते वी बुरा प्रभाव पाउंदा हां। हमेशा आपणी चादर देख ही पैर पसारने चाहीदे हन। बहुते बच्चे नशिआं दे चक्कर विच्च इसे करके फस जांदे हन कि उह पहिली वार ठोक के नांह नहीं कर सकदे। साथी मिहणे वी मारनगे। रिशतेदार आखणगे तेरे भरा दा विआह रोज़ रोज़ नहीं होणा, कोक विच्च रला के दारू पेश कर देणगे। अजिही ढाणी तों दूर रहो किउंकि इक्क वार हां हो गई मुड़ इस चक्कर विच्चों निकलणा औखा हो जावेगा।

जीवन विच्च फैसले सोच समझ के लवो। नांह कहिण दी दलेरी पैदा करो। झिजक जां ‘अगला की आखू’ नूं तिआगो। इक्क वार कीती नांह हमेशा सुखी रख्खदी है जदों कि झेप विच्च आ के कीती हां सदा दुखी करदी है। रिशते झेप करके विगड़दे ही हन। जीवन विच्च सच्च दा साथ देवो, झूठ दा साथ देण तों दूर रहो, नतीजे वधीआ प्रापत होणगे।

हुण मैं इक्क निज्जी अनुभव सांझा करके समापती करांगा। इह घटना संन 1963 दी है। मेरी पंचाइत चोणां करवाउण विच्च डिऊटी लग्गी सी। सत्त पिंडां विच्च चोण होणी सी। तिंन पिंडां विच्च शांती पूरवक कंम नपेरे चहड़ गिआ। साडी टीम चौथे पिंड पुज्जी। उत्थों दा सरपंच अगांहवधू किसान होण करके मेरा जाणू सी। साडे रहिण दा उसने वधीआ प्रबंध कीता। दूजे दिन नामज़दगीआं होणीआं सन। सरपंच नूं यकीन सी कि इस वार वी उह बिनां मुकाबला जित्त जावेगा। नामज़दगीआं भरन दे ऐन अखीरले मौके उसदी विरोध धिर नें आपणा उमीदवार खहड़ा कर दित्ता। सरपंच बहुत गुस्से विच्च आ गिआ। उसने पंचाइत सैकटरी नूं बुलाइआ ते पिछली तारीख विच्च विरोधी उमीदवार दे चंदा टैकस नां देण दा मता लिखवा दित्ता। मैनूं उसने लिखती शिकाइत कर दित्ती कि इसने टैकस नहीं दित्ता, इस करके इसदे कागज़ रद्द कीते जाण। मैं उस नूं समझाइआ कि तूं जित्त तां जाणा ही है, चोण हो लैण दे। पर उह आपणी ज़िद ’ते अड़ गिआ। मैं आपणे नाल आए ठाणेदार नूं आखके दो होर सिपाही मंगवा लए। मेरे जाणू कुझ होर आगू बुला के उनहां तों सिफारश करन लई किहा गिआ। पहिलां तां मैं तिआर हो गिआ कि इह मेरे पुराणे जाणू हन, ऐवें किउं सबंध खराब करने हन। पर मेरी ज़मीर नें आगिआ नहीं दित्ती। कागज़ां दी पड़ताल करन पिछ्छों मैं दोवां उमीदवारां दे नाम सुणा दित्ते। उह तां मेरे खिलाफ नाअरे लाउण लग्ग पए ते शिकाइत करन दी धमकी वी दित्ती। दो होर सिपाही आउण नाल सथिती काबू विच्च रही। विरोधी धिर नें खुशी मनाई। दूजे दिन चोण होई। बी.डी.पी.ओ. अते उस नाल पंचाइत अफसर वी देखण आए। चोण हो गई। जित्त तां पुराणे सरपंच दी होणी सी। चोणां दी समापती पिछ्छों डिपटी कमिशनर नें रीवीऊ मीटिंग कीती। शिकाइत उस कोल वी पहुंची सी पर उसने मीटिंग विच्च मेरे फैसले दी शलाघा कीती ते बाकी सटाफ नूं बिनां किसे प्रभाव अते डर तों फैसले लैण दी सलाह दित्ती। इह तां सचाई ही हुंदी है। अजिहे फैसले आपणे ज़मीर दी आवाज़ सुण के करने चाहीदे हन। बाहरी असर कबूल के हां नहीं आख देणी चाहीदी। बहुतीआं उलझणां दा कारन समें सिर नांह नां करना ही हुंदा है। दिमागी बोझ तों मुकत होण लई नांह करन दी दलेरी पैदा करो।

* * * * *