इस साल जून विच्च मेरे बेटे कोल साडे दोवां जीआं दा कनेडा जाण दा सबब्ब बण गिआ। इक्क तां 3 जून नूं उसदी कंपिऊटर साइंस विच्च डिगरी पूरी होण ’ते कनवोकेशन सी, दूजा सानूं दोवां नूं अधिआपक होण कारन गरमी दीआं छुट्टीआं आ गईआं सन।

उत्थे मेरे बेटे दे नाल रहिंदे उसदे दोसत दे डाकटर मापे वी कनवोकेशन ’ते आए होए सन। दूजा मेरा बेटा, डिगरी दे आख़री समैसटर तों पहिलां 16 महीनिआं दी को-आप, सपारवुड्ड ला के आइआ सी। उुस कंपनी विच्च उसदी सीनीअर लेडी कैरा अते उसदा पती माईक बहुत उच्ची पोसट ’ते कंम करदे सन। उह दोवें जणे मेरे बेटे नूं बहुत ज़िआदा पिआर करदे हन। उह उस नूं आपणे बच्चिआं वांग समझदे हन।

हुण कनवोकेशन ’ते कैरा नें वी आउणा सी। आउण तों कुछ दिन पहिलां उसदी कोई सरजरी होई सी, इसे करके उह आपणी 75 साला मां नाल लगभग 1200 किलोमीटर कार ’ते सफर करके 2 जून नूं पहुंच गई। उसदी मां ही कार डराईव करके लै के आई। आके दोवें मांवां-धीआं होटल विच्च रुकीआं। कैरा नें कनवोकेशन वाले दिन बेटे नूं फोन करके यूनीवरसिटी नाल लिजाण लई किहा। मैं ते मेरा बेटा कार विच्चों उत्तरके कैरा नूं मिले। बहुत ही पिआर कैरा मैनूं जफ्फी पा के मिली। जिंना उस नूं सानूं मिलण दा चाअ सी, सानूं उस तों वी वधेरे उस नूं मिलण दा चाअ सी। कार विच्च जांदे असीं इक्क दूजे दा हाल-चाल पुछ्छदे, छोटीआं छोटीआं पिआर भरीआं गल्लां करदे रहे। चिट्टी पुशाक दे विच्च उह बहुत खूबसूरत लग्ग रही सी। उसदे गोरे रंग ’ते लग्गे काले चशमे उसदी खूबसूरती नूं चार-चंन ला रहे सन। कार पारक करन तों बाअद मेरे बेटे नें कैरा नूं ज़िंमेवारी दे दित्ती कि उह मंमा/ पापा दे नाल आपणीआं सीटां वल्ल चले जाण, किउंकि उसने आप तां डिगरी लैणी सी। असीं कोई 12 कु वजे पहुंच गए।

कैरा मेरे नाल वाली कुरसी ’ते बैठ गई। फंकशन अजे शुरू होणा सी। थोहड़ी देर बाअद सारा हाल भर गिआ। हुण उत्थे कोई खाली कुरसी नहीं सी दिखाई दिंदी। मैं आपणी पाणी दी बोतल कार विच्च भुल्ल गई। कैरा कोल परस ते पाणी दी बोतल सी। उसने बोतल हत्थ विच्च लै के मैनूं पुछ्छिआ, “की तुहानूं वी पाणी वाली बोतल चाहीदी है?”

गरमी बहुत सी, दूजा मैनूं पिआस बहुत लगदी है। इस करके मैं हां विच्च सिर हिला दित्ता। उह उसे वेले पौड़ीआं तों छाल मारके उत्तर गई। कुछ चिर पिछ्छों साडे लई चार-पंज पाणी वालीआं बोतलां अते खाण लई अलग्ग अलग्ग चार-पंज लिफ़ाफ़िआं विच्च केक लै आई, जिनहां नें सानूं शाम दे 7-8 वज्जण तक आनूं भुख्ख नहीं लग्गण दित्ती। दूजी वारी कैरा जा के यूनीवरसिटी दा मैगज़ीन लै के आई। उसने बेटे दीआं बहुत सोहणीआं तसवीरां खिच्चीआं। मैं उत्थे बैठे-बैठे उस नूं बेटे दे बचपन दीआं तसवीरां दिखाईआं। उसने मैनूं वी आपणे बेटे दीआं तसवीरां दिखाईआं। सरजरी होण दे बावजूद वी उह भज्जी फिर रही सी। कनवोकेशन तों बाअद उस नूं पता सी कि हाल विच्च जाणा है। सानूं उह उत्थे नाल लै के गई। उत्थे सभ तों पहिलां जा के बेटे नूं भज्जके गल नाल लाइआ। सानूं मिली, मुबारकां दित्तीआं। फिर किंने ही पोज़ बणवा के साडीआं अते बेटे दीआं तसवीरां खिच्चीआं। घट्टो-घट्ट कोई 20-30 वारी तां उसने मेरी ज़िआदा लंमी चुंनी संभाली। उस नूं मेरा सूट बड़ा वधीआ लग्गिआ। मैं उस नूं बेटे दे विआह ’ते आउण लई ते उदों उस लई पंजाबी सूट बणाउण दा वाअदा कीता। उसने मैनूं किहा, “तुहाडा बेटा बड़ा सुंदर ते पिआरा है, किउंकि उसदी मां बड़ी पिआरी है।”

फिर असीं सारे इक्क पारक विच्च चले गए। उत्थे कैरा नें साडे नाल बड़ीआं तसवीरां खिचवाईआं। साडे वी सोहणे सोहणे पोज़ बणा के फोटोआं खिच्चीआं। कदे-कदे जदों उस नूं गरमी लगदी तां आपणे लंमे-लंमे हत्थां ते लंमे-लंमे नहुंआं नाल गरमी नूं दूर भजाउण दा यतन करदी। उह सारीआं फोटोआं नाल-नाल आपणे पती माईक नूं भेज रही सी। उह वी वारी-वारी उसदा ते साडा हाल-चाल पुछ्छदा सी।

फिर शाम नूं असीं सारिआं नें डिनर कीता। उसे वेले माईक नें वीडीओ काल करके सानूं, बेटे नूं वधाई दित्ती। कैरा दे फोन ’ते उसने साडे लई इक्क मैसिज भेजिआ, जो कि इस तरहां सी, “मैं तुहाडा धंनवाद करना चाहुंदा हां, किउंकि तुसीं आपणे पुत्तर दा बहुत वधीआ पालण-पोसण कीता है। गुरचंदन (मेरा बेटा) बहुत ही दिआलू इनसान ते दूजिआं दा खिआल रख्खण वाला है। इसने साडे परिवार विच्च बहुत ही खुशीआं लिआंदीआं हन।”

मैसिज पहड़के मेरा मन भर आइआ। उह थोहड़ा घबरा गई। उसने उसे वेले माईक नूं दस्सिआ। माईक नें उसे वेले किहा, “सौरी, मेरा मकसद बिलकुल तुहानूं रुवउणा नहीं सी”

फिर मैं उनां नूं समझाइआ कि इह तां खुशी दे हंझू नें। मेरे बेटे नूं इंना पिआर ते सपोरट देण लई मैं उनहां दा तहि दिलों धंनवाद कीता। सुणके कैरा दा वी मन भर आइआ। मेरे पती नें वी इही किहा, “इह बच्चे तां प्रदेसी नें। जदों इसने सपारवुड्ड को-औप शुरू कीती तां उत्थे इक्क वी अजिहा विअकती नहीं सी जिसनूं इह जाणदा होवे। नेड़े-तेड़े वी कोई पंजाबी नहीं सी। पंजाबी तां परे, उत्थे कोई भारती वी नहीं सी। उदों कैरा ते माईक मेरे बेटे लई रब्ब बणके बहुड़े। कदे बेटे नूं डिनर ते बुलाउंदे, कदे उह बेटे नूं हाईकिंग लई, कदे फिशिंग लई नाल लै के जांदे। उस नूं घुमाउण लई नाल लै के जांदे। औफिस विच्च वी हर तरहां मेरे बेटे दा पूरा साथ दित्ता। असल विच्च उनहां नूं मेरे बेटे दा खुश तबीअत सुभाअ, विवहार, इमानदारी, सभ बहुत पसंद सी। गल्ल मुकाओ उनहां नें हर तरीके मेरे बेटे दा खिआल रख्खिआ। माईक नें मेरे बेटे लई फिशिंग करन लई कांटे भेजे सन।

मैं कैरा लई इक्क फुलकारी लै के गई सी। उस नूं दस्सिआ कि साडे खुशी दे मौके खास करके विआह मौके फुलकारी लैंदे नें। कैरा नूं फुलकारी बहुत ज़िआदा पसंद आई। उह बहुत खुश होई।

मैं कैरा दे जीवन जिऊण दे तरीके तों बहुत प्रभावित होई। मैं आपणे बेटे नूं पुछ्छिआ कि की इह आपणा जीवन रोज़ इंने सोहणे तरीके नाल गुज़ारदे नें? उसदे जीवन जिऊण दे ढंग विच्च बस्स पिआर ही पिआर सी। दूजिआं दी मदद करना, नां किसे नाल कोई ईरखा ते नां कोई साड़ा सी, बस्स खुशी नाल भज्जे फिरना। कोई चीज़ चंगी लग्गी तां खुल्ल्हके तारीफ़ करना। सिरफ़ पिआर दी ख़ातर ऐनी दूरों चल्लके आई। सानूं मिलण लई वी बहुत उतावली सी।

हुण शाम दे 10-11 वज्ज चुक्के सन। दूजे दिन सवेरे छे वजे कैरा नें वापस मुड़ना सी। हुण साडा इक्क-दूजे तों विछड़न दा वेला सी। साडा वी ते कैरा दा वी जाण नूं दिल नहीं सी करदा। असीं उस नूं पंजाब आउण दा सद्दा दित्ता। उह सानूं सारिआं नूं घुट्टके जफ्फी पा के मिली। जाण वेले उह वी रो रही सी। साडे वी पिआर दे हंझू वहि तुरे। हुण मैं सोच रही सी कि भले ही बंदा किसे देश दा वासी होवे, कोई मरज़ी बोली बोलदा होवे, पर पिआर दी भाशा तां सारे समझदे नें।

सच्चमुच्च जदों असीं कैरा नूं होटल विच्च उतारिआं तां कार भां-भां करन लग्ग पई। इंझ लग्गा जिवें कोई आपणा दूर चला गिआ होवे। उसे वेले कार विच्च गाणा चल्ल पिआ, “मिलती है ज़िंदगी में मुहब्बत कभी कभी ...।”

कैरा दे नाल गुज़ारिआ उह मुहब्बतां भरिआ दिन मेरीआं मिठ्ठीआं यादां विच्च हमेशा शामल रहेगा।

* * * * *