इक सी बलवंत गारगी। बठिंडे दे रेतले टिब्बिआं दा जंमपल। लाहौर दे ऐफ्फ. सी. कालज तों दो ऐम्म. ए. पास। उह बड़ा नखरेहत्था लेखक सी। उहदीआं धुंमां देस प्रदेस दूर-दूर तक पईआं रहीआं। उस दे रेखा-चित्तर, नाटक, नावल, कहाणीआं, सवैजीवनी, सफ़रनामा ते रंग मंच सभ चरचित रहे। उह कलम दे ज़ोर नाल जीविआ ते अनेकां देसां विच घुंमिआ। उहदे नाटक मासको, जरमनी, पोलैंड, लंडन ते अमरीका विच खेडे गए। उहदा जीवन वी नाटकी सी ते लिखतां वी नाटकी। उह बड़ा वड्डा डरामेबाज़ सी। साहित दा सेलज़मैन। उह होरनां नूं तां पलेथण लाउंदा ही सी, आपणे आप नूं वी नहीं सी बख़शदा। उस नें पंजाबी विच कमाल दी वारतक शैली सिरजी जिस नें कई नवें लेखकां नूं नखरे वाली वारतक लिखण दे राह पाइआ। पंजाबी वारतक नूं संवारन ते सि਼ंगारन विच गुरबखश सिंघ प्रीत लड़ी ते बलवंत गारगी दा विशेश रोल है। प्रीत लड़ी नें कंघी पट्टी कीती ते गारगी नें सुरखी बिंदी लाई। गारगी पंजाबी साहित दा सि਼ंगार सी। उस दा जनम 4 दसंबर 1916 नूं पहिली आलमी जंग दौरान नहिरी कलर्रक सि਼व चंद दे घर बठिंडे दे इतिहासक किले कोल होइआ सी। इसे किले विच कदे रज़ीआ सुलताना कैद रही सी। बचपन विच उह शहिणे दी नहिरी कोठी ते तपे वी रिहा। उहदा नावल ‘कक्का रेता’ उथों ही उगमिआ। उस दा देहांत 22 अप्रैल 2003 नूं मुंबई विच होइआ। ससकार दिल्ली विच कीता गिआ ते फुल्ल बठिंडे नहिर विच तारे गए। 87 वरहिआं ‘चों 85 वरहे उह ठाठ नाल जीविआ। उस नूं साहित अकाडमी, संगीत नाटक अकाडमी, पदम स्री ते देस विदेश दे अनेकां अवारड मिले। पंजाबी साहित दा उह माण सी। गारगी लंमा जीवन जी के जि਼ंदगी दे रंग मंच तों विदा होइआ। पिछे उहदीआं यादां रहि गईआं हन जां उहदीआं लिखतां। उहदी म्रितू तों बाअद थां पुर थां उहनूं याद कीता गिआ ते उहदी साहितक घालणा दीआं गल्लां होईआं। टोरांटो विच वी गारगी नूं शरधा दे फुल्ल भेट करन लई असीं मिल बैठे सां। मिलणी दा सद्दा पंजाबी सभिआचार दे शैदाई इकबाल माहल नें दित्ता सी ते सथान सी अकाल इमीगरेशन वालिआं दा दफतर। इह गारगी दी शखसीअत ते साहित दा क्रिशमा सी कि उस नूं बठिंडे तों बंबई ते दिल्ली तों टोरांटो तक बड़ी सि਼द्दत नाल याद कीता गिआ। उस नूं शरधांजलीआं भेट कीतीआं गईआं ते उहदी कोई सदीवी यादगार बणाउण लई विचार वटांदरे होए। पर कोई ढुक्कवीं सदीवी यादगार अजे तक नहीं बणी।

टोरांटो विच पंजाबी अख़बारां, टी. वी. ते रेडीओ प्रोगरामां दा कोई अंत नहीं। दरजन तों वध्ध अख़बार ते एदूं वध्ध रेडीओ दे पंजाबी प्रोगराम चलदे हन। पंजाबी जगत दी हर निक्की मोटी ख़बर मिंटां सकिंटां विच नशर हो जांदी है। बलवंत गारगी दी मुंबई विच म्रितू तों लै के बठिंडे दी नहिर विच असथीआं जल परवाह करन तक पल पल दा वेरवा सानूं टोरांटो बैठिआं नूं नाल दी नाल मिलदा रिहा। गारगी दे शुभचिंतक अफ़सोसे होए सन ते इक दूजे नूं तसल्ली वी दे रहे सन कि लाइलाज बिमारी तों मुकती मिली। उह काफी देर तों मंजे उते सी ते कई महीनिआं तों किसे नूं सिआण वी नहीं सी रिहा।

टोरांटो विखे गारगी नमित्त कीती शोक सभा विच पहिलां दो मिंट दा मौन धारन कीता गिआ। फिर अध्धे कु घंटे दी फिलम विखाई गई जो 1985 विच गारगी दी टोरांटो फेरी नाल संबंधित सी। गारगी उदों सत्तर सालां दे करीब सी पर वेखण नूं पंजाह पचवंजा सालां दा लग्गदा सी। सांवला कणकवंना रंग, समध्धर कद्द, ढालू बुल्ल्ह, पोपला नक्क, चमकदीआं अख्खां, अध्ध-गंजा सिर ते मिणवीआं तोलवीआं गल्लां। बठिंडे दे बाणीआं दा हूबहू हुलीआ। उह साहित प्रेमीआं दीआं पुछ्छां दे उत्तर दे रिहा सी। उहदी अमरीकन पतनी जीनी उहनूं छड्ड चुक्की सी पर उस नें दिल नहीं सी छड्डिआ ते उतशाह नाल भरिआ विखाई दिंदा सी। शुकीन कपड़िआं विच पूरा सजिआ होइआ सी जिवें जंन आइआ होवे।

फिलम वेखण उपरंत कुझ सज्जणां नें गारगी दी म्रितू उते सोग परगट करदिआं उस नूं दिलों याद कीता। इकबाल माहल नें आखिआ, पता नहीं किउं मन ऐवें ई भर भर आ रिहै हालांकि गारगी नें आप किहा सी कि कोई मेरे मरन ‘ते सोग नां मनावे। कुझ इसे तरहां दी हालत उस दी गुरबखश सिंघ प्रीत लड़ी दे तुर जाण वेले होई सी। अजब जिही सांझ हुंदी ऐ पाठकां दी लेखकां नाल। पहड़दिआं सुणदिआं लेखकां नाल आपणे रिशतेदारां वरगे संबंध बण जांदे नें ते जदों कोई लेखक विछड़दै तां हंझू आमुहारे वहि तुरदे नें। इस तों पहिलां कि उहदे हंझू वहि तुरदे उह भरे गच्च नाल कुरसी ‘ते जा बैठा। जा तां बैठा पर हंझू फिर वी वहि तुरे जो उस नें रुमाल विच छुपा लए। बलबीर सिंघ मोमी नें आखिआ कि उह गारगी दे अफसोस विच पैग्ग ला के आइआ है किउंकि उहदा दिल नहीं सी खहड़ रिहा। उस नें विसथार नाल गल्लां कीतीआं ते गारगी नाल अध्धी सदी दीआं मिलणीआं दा संखेपसार दित्ता। पंजाब दी गूंज रेडीओ वाले कुलदीप दीपक, इंदरजीत सिंघ बल्ल ते पंज पाणी अख़बार दे संपादक जोगिंदर सिंघ गरेवाल नें दिल दीआं गहिराईआं ‘चों शरधा दे फुल्ल भेट कीते। होर वी कई शरधावान बोले जिनहां नें गारगी दी शखसीअत दे वख्ख वख्ख पहिलू सरोतिआं नाल सांझे कीते। उथे इकबाल रामूवालीआ हाज़र सी, नवतेज भारती, सुरजन ज़ीरवी, किरपाल सिंघ पंनूं, पूरन सिंघ पांधी, बलराज चीमा, पिआरा सिंघ धंजल, प्रितपाल सिंघ बिंदरा, नीटा बलविंदर, कुक्कू धालीवाल, गारगी दा मित्तर सुदागर सिंघ सिध्धू ते होर वी कई सज्जण बैठे सन। कुझ बीबीआं वी आईआं होईआं सन। टोरांटो विच पंजाह सठ्ठ साहित प्रेमी जुड़ने काफी सन।

कौंकिआं दे सुदागर सिंघ सिध्धू नें गारगी दी याद विच इक अवारड देण दी हामी भरी। उस नें इक यादगीरी घटना सरोतिआं नाल सांझी कीती। गारगी नें निऊयारक विच खेडे जा रहे आपणे नाटक नूं वेखण लई टोरांटो तों सिध्धू ते उहदे मित्तरां नूं सद्दा दित्ता सी। उह निऊयारक चले गए ते नाटक वेख के होटल विच जा सुत्ते। मेले गेले तों बाअद उह विदा होण लग्गे तां गारगी नें उनहां नूं नाटक खेडण ‘च मिली रकम इह कहि के फड़ाउणी चाही कि तुसीं मेरे सद्दे ‘ते आए मेरे महिमान ओं। होटल दा बिल्ल मैं तारांगा। सिध्धू होरीं अग्गों आखण कि असीं तां ख़ुद कैनेडा-अमरीका दे रहिण वाले हां सगों तुसीं साडे महिमान हो। तुसीं दस्सो कि असीं तुहाडी की सेवा करीए? आख़र गल्ल इथे निबड़ी कि गारगी इक डालर दा नोट दसख़त कर के सुदागर होरां नूं दे देवे। उह पिआर भेटा अजे वी सिध्धू पास है जिस दे दरशन असीं वी कीते। उहदे उते बलवंत गारगी दे गुरमुखी अख्खरां विच ‘गूठा लाउण वांग दसख़त हन। उस नें गुरमुखी विच लिखीआं गारगी दीआं कुझ चिठ्ठीआं वी विखाईआं। मैं गारगी नूं मिलिआ तां कई वार सां पर उस दी हत्थ लिखत पहिली वार वेखी। लिखाई बहुती रवां नहीं सी पर शबद जोड़ां पख्खों सही सी। कुझ कलमकारां वल्लों पैदा कीता इह भुलेखा दूर होइआ कि गारगी डिकटेशन दिंदा यानी होरनां तों गुरमुखी लिखाउंदा सी। उह आपणे रेखा चित्तर ‘बलवंत गारगी’ विच लिख गिआ सी, “उह कलम नाल नहीं, डांग नाल लिखदा है। कागज़ां दा वैरी है। कई वार इक सतर विच सिरफ़ चार अख्खर हुंदे हन ते इक सफ़े विच मसां छे सतरां।”

उस नें लिखिआ सी, “उह बहुते नाटक ते कहाणीआं उदों लिखदा है जदों किसे दी उडीक विच बैठा होवे। ‘कुआरी टीसी’ कुल्लू दी वादी विच किसे दी उडीक विच बैठिआं लिखिआ सी। ‘लोहा कुट्ट’ दा पहिला ऐकट मुरादाबाद सटेशन दे पलेट फ़ारम उते गड्डी उडीकदिआं लिखिआ सी। इसे तरहां ‘पत्तण दी बेड़ी’ इक काहवा ख़ाने विच बैठिआं लिखिआ गिआ।” असल विच उह हर गल्ल वधा चहड़ा के करदा सी ते गप्प-सच्च दा माहौल सिरज दिंदा सी। मसाला लाउणा उस दी शैली सी। उह साधारन नूं असाधारन बणा के पेश करदा सी। गल्ल बात नूं तड़का ला दिंदा सी।

कुझ बंदे बलराज साहनी बारे वी कहिंदे सन कि उह डिकटेट करवाउंदा सी पर इह वी सच्च नहीं सी। बलराज साहनी दीआं चिठ्ठीआं जसवंत सिंघ कंवल नूं आउंदीआं सन। मैं उह वेखीआं सन। उहदी गुरमुखी दी लिखाई बड़ी सोहणी सी ते उह ख़ुद पंजाबी टाईप कर लैंदा सी। ढुड्डीके उह अकसर आउंदा जांदा सी। उस नें ‘मेरा पाकिसतानी सफ़रनामा’ ते ‘मेरा रूसी सफ़रनामा’ ढुड्डीके बैठ के सिध्धे टाईप कीते सन। पहिलां मैं हैरान हुंदा सां कि लेखक आपणी रचना सिध्धी ही किवें टाईप कर लैंदे हन? हुण जदों आप आह आरटीकल सिध्धा टाईप कर रिहां तां हैरानी वाली कोई गल्ल नहीं।

गारगी नें आपणे बारे कई भुलेखे आप ही सिरजे होए सन। नां उह डांग नाल लिखदा सी ते नां ही बेलोड़ा खुल्ल्हा लिखदा सी। उस दीआं लिखीआं जिहड़ीआं चिठ्ठीआं असीं अख्खीं वेखीआं उह उहदे कथन नाल मेल नहीं सन खांदीआं। लिखण नूं तां उह इह वी लिख गिऐ, “गारगी पहिला लेखक है, जिस उते सोहणीआं कुड़ीआं नें इतबार कीता। आम तौर ‘ते पंजाबी लेखक ते सोहणी कुड़ी दा घट्ट ही मेल हुंदा है। प्रोफै਼सर प्रीतम सिंघ दी पारसाई तों, सतिआरथी दी दाहड़ी तों ते सेखों दे खि਼ज़ाब तों डर लग्गदा है। पर गारगी कोल नां दाहड़ी है, नां खि਼ज़ाब ते नां पारसाई! उह जुत्ता गंढाउण गिआ हुंदा है ते पिछों उस दी रसोई विच कुड़ीआं चाह बणा के पी जांदीआं हन।”

उह आपणे आप नूं गोपीआं ‘च कानह वांग पेश करदा सी पर उहदी ठुल्ल्ही पोपली शकल तों लग्गदा नहीं सी कि कोई चज्ज हाल दी कुड़ी उहदे ‘ते मरदी होवे। उहदे नैण नकश तिख्खे नहीं सन। कपड़े ज़रूर भड़कीले पाउंदा सी। मैं सिआटल दे पंजाबी खेड मेलिआं ‘ते अकसर जांदा रहिनां। उथे उह वी दो साल इंडीअन थेटर दा विज़टिंग प्रोफै਼सर रिहा सी। मैनूं सिआटल जा के हर वार गारगी दा चेता आ जांदै ते मैं हैरान हुंनां कि इथे यूनीवरसिटी विच पहड़दीआं कुड़ीआं उहदे उते किवें डुल्ल्ह गईआं सन? फिर सोचीदै, शाइद उह सच्चा ही होवे ते कुड़ीआं उहदे ‘ते सच्चीमुच्चीं मरदीआं होण! तदे तां गोरी नसल दी कुड़ी जीनी हैनरी नें उहदे नाल विआह करवाइआ।

असल विच गारगी नूं डरामा करना आउंदा सी। गल्ल वधा चहड़ा के करनी उहदा कसब सी। जिवें अमलीआं दीआं गल्लां सरोतिआं नूं बंनही रख्खदीआं हन उवें गारगी दी लिखत पाठकां नूं कीली रख्खदी है। उहदे कोल खंभां दीआं डारां बणाउण दा हुनर सी ते झीतां विच दी दिसदे लुकवें नज़ारे विखाउण दी कारसतानी। उह किसे नूं वडिआउंदा होइआ नाल दी नाल उहनूं लाही वी जांदा सी ते बखशदा आपणे आप नूं वी नहीं सी। उस नें आपणे बारे लिखिआ सी, “मैं गारगी नूं बहुत नेड़िओं जाणदा हां। उस दीआं लिखतां, उस दे झूठे वाअदिआं ते उस दीआं कमज़ोरीआं नूं खुरदबीन नाल तक्किआ है। उह बहुत सारे भुलेखिआं दा मरकज़ है। उस दे नां नूं ही लओ: गारगी! कितना बोगस नां है? किसे कुड़ी दी नकल जापदा है। ...उस दा पहिला इशक संगीत सी। साहित वल्ल तां उह ऐवें ही आ गिआ, जिवें कोई आदमी दूजे थां विआहिआ जावे। नाटककार वी उस नूं हालात नें ही बणाइआ।”

बहुत घट्ट लोकां नूं पता है कि कालज दे दिनीं उह कविता वी लिखदा हुंदा सी। उस नें लगभग तिंन सौ कवितावां लिखीआं सन। उहनां ‘चों पंजाह चुण के उह राबिंदर नाथ ठाकर कोल लै गिआ सी। बहुत चिर तीक उह इस गल्ल दा फैसला नां कर सकिआ कि उरदू विच लिखे जां अंगरेज़ी विच। आख़र उस नें पंजाबी विच लिखण दा फैसला कीता किउंकि इस बोली विच उस नें आपणा बचपन जीविआ सी ते गलीआं दी धूड़, रूड़ीआं दी बोअ अते चरहीआं ते पिप्पलां दी सुगंध माणी सी।

आपणा सवैजीवनी वरगा नावल ‘नंगी धुप्प’ उह शुरू ही इस तरहां करदा है: सिआटल विच मेरे तिंन इशक चल्ल रहे सन। मैनूं समझ नहीं सी लग्ग रही कि कीहनूं हां करां, कीहनूं नांह ते कीहनूं लारा लावां?

संभव है इह कुझ उस नें पाठकां नूं चकाचौंध करन लई लिखिआ होवे ते इशक उहदे नेड़े तेड़े वी नां ढुक्का होवे। सच्च नहीं आउंदा कि शकलों सूरतों साधारन, कद्दकाठ वल्लों ठिगणे ते उमरों पंजाह सालां नूं ढुक्के बठिंडे दे बाणीएं उते अमरीका दीआं तिंन मुटिआरां मरदीआं होण। पर उहने हत्थां ‘ते सरहों जमा के विखा दित्ती जदों उह अमरीका तों जीनी नां दी लंमी लंझी पटोल्हे वरगी कुड़ी पट्ट लिआइआ। जीनी नूं तां लै आइआ पर दो जणीआं पिछ्छे हउके लैंदीआं रहि गईआं। गुरचरन रामपुरी नें मैनूं दस्सिआ कि माशा तां अजे वी मैथों बलवंत दा हाल चाल पुछ्छदी है। माशा नूं गारगी नाल सच्चा पिआर सी। जीनी उहदे उतों दी पै गई। गुरचरन रामपुरी वैनकूवर तों सिआटल गारगी कोल आउंदा जांदा सी जो गारगी दे इशकां दा चशमदीद गवाह है। उनहां दी दोसती अमन लहिर वेले तों सी जिस विच रामपुरी होरीं कवितावां पहड़दे ते गारगी दे नाटक खेडे जांदे।

जीनी नूं गारगी 1966 ‘च खालसा कालज दिल्ली विच लिआइआ तां उहनीं दिनीं मैं उथे ई लैकचरार सां। जीनी ख़ुशबोआं छड्ड रही सी ते मुंडिआं खुंडिआं तों उहदा डुल्ल्ह डुल्ल्ह पैंदा रूप झल्लिआ नहीं सी जा रिहा। गारगी दे नहुं वधे होए सन ते वाल उलझे होए पर अख्खां ‘च चमक सी। उस नें विदिआरथीआं नूं संबोधन करदिआं किहा सी कि मुंडे कुड़ीआं अड्ड अड्ड बैंचां ‘ते नां बैठो सगों ‘कठ्ठे बैठो। अमरीका ‘च ‘कठ्ठे बैठदे हन। मुंडिआं नूं होर की चाहीदा सी? विदा करन वेले असीं उहदी कार तक गए। कार अमरीकन सी जो जीनी वांग ही लिशक रही सी। मैं जीनी दा हुसन सलाहुणा चाहुंदा सां पर उदों हुण वरगी जाच नहीं सी। मैं कहिणा तां चाहुंदा सां, “गारगी साहिब रंन बड़ी वधीआ पट्टी जे!” पर कहि इहो सकिआ, “गारगी साहिब कार बड़ी सोहणी लिआंदी जे!”

जीनी नूं तां पंजाबी ‘च कहे दा की पता लग्गणा सी पर गारगी मुसकणीएं हस्सिआ सी।

पहिलां उस नें पोलैंड तों सैर सपाटे ‘ते आई इक नार हिलडा नाल इशक कीता सी ते ताज महल्ल दे साईं नें उनहां दी जोड़ी सदा सलामत बणे रहिण दी दुआ कीती सी। कच्च दे गलास वरगी मेम आपणे नाल कच्च दा गलास वी लिआई सी। उस गलास विच पाणी पा के आशक गारगी आपणी माशूक हिलडा नूं फड़ाउण लग्गा तां गलास हत्थों डिग्ग पिआ ते डिगदा ई टुट्ट गिआ। गलास काहदा टुट्टिआ नाल इशक वी चकनाचूर हो गिआ ते जोड़ी सदा लई टुट्ट गई। इह किस्सा गारगी नें ख़ुद लिखिआ है। पता नहीं सच्चा पता नहीं झूठा।

इक दिन असीं गारगी नूं मिलण दे बहाने जीनी दे दरशन करन उहदे कनाट पलेस वाले तंग जिहे घर ‘च गए। घर दा नकशा गारगी दी लिखत ‘च इंज है, “करज़न रोड दी इक कोठी दी गुठ्ठ विच उस दा घर है जिस दे पिछे धोबीआं, ख़ानसामिआं ते नाईआं दीआं खोलीआं हन। उनहां विच उस दे घर दा पीला दरवाज़ा चमकदा है। अंदर जाओ तां साहमणे ही फुल्लां नाल सिं਼गारिआ इक ख़ूबसूरत कमरा है। फरांसीसी सटाईल दा बूहा ते रंगदार परदिआं वाले शीशे हन। इह कमरा उस दे नौकर दा है। उस दा आपणा कमरा इस नालों बहुत घटीआ है।”

उस घर विच जीनी सानूं उदास जिही लग्गी। गारगी नें दस्सिआ कि इह पेकिआं नूं ओदरी होई ऐ। फिर पता नहीं सच्चीं पता नहीं मज़ाक विच, उह मैनूं कहिण लग्गा, “जे आखें तां जीनी दी भैण दा साक तैनूं लिआ दिंनां। मेरी साली दा। नाले दोहां भैणां दा जीअ लग्गिआ रहू।” पेशकश कमाल दी सी। मैं बैठा बैठा अमरीकन बण सकदा सां पर मैं आखिआ, “मैं तां पहिलां ई मंगिआ होइआं। नाले मेम नाल जट्टां दे मुंडे दी किवें निभू? उह तां आउंदी ई मैनूं छड्ड के भज्ज-जू।” मैं तां ख़ैर बच गिआ पर गारगी बच नां सकिआ। जीनी बाल बच्चे जंम के वी भज्ज गई। अज्ज सोचदां की पता उह माशा नूं ही लिआउणा चाहुंदा होवे!

गारगी दी तरज़े बिआनी नकलीआं दीआं नकलां ते नाचीआं दे जि਼ंदा डानस वरगी सी। इहो कारन है कि उहदीआं लिखतां विच खिच्च है, टकोरां हन, नंगेज है ते नखरा है। उहनूं ढकीआं गल्लां नंगीआं करन वाला पंजाबी दा अव्वल नंबर लेखक किहा जा सकदै। उहदे ‘च जुरअत्त सी कि उह कहिंदे कहाउंदिआं दे परदे फरोल दिंदा सी ते ढके आपणे वी नहीं सी रहिण दिंदा। नंगी धुप्प विच उस नें ख़ुद नूं नंगा करन तों कोई संकोच नहीं कीता। आपणी ज़नानी किसे होर नाल ते उह किसे होर नाल। नेकड टराइंगल। जिहड़े होरनां दी असलीअत विखाउंदे हन ते आपणी लुकाउंदे हन उनहां लई इह पुसतक शीशा है। अफसोस है कि खरीआं, खोटीआं, मसालेदार, चोंदीआं चोंदीआं पर किसे हद्द तक्क सच्चीआं ते झूठीआं लिखतां दा रौणकी लेखक हुण साडे विच नहीं रिहा। उह आप भावें सदा लई विछड़ गिआ है पर उहदीआं रचनावां सदा लई गुझ्झे सुआद दा सोमा बणीआं रहिणगीआं।

गारगी नूं मिलण गिलण दे मौके तां मैनूं कई वार मिले पर कदे खुल्ल्ह के दिल दीआं गल्लां नहीं सी हो सकीआं। इकेरां दिल्ली दे इंडीअन काफी हाऊस विच मैं उहनूं आपणी कहाणी ‘उडदी धूड़ दिसे’ सुणाई जिस विच दुल्ले वागी ते गड्डीआं वाली दे इशक दा बिरतांत सी। उह टिब्बे वाली ढालू किक्कर हेठां मिले सन। फिर काली बोली हनहेरी आई। हनहेरी विच कख्ख काण ही नहीं उडिआ, उनहां दा इशक वी उड गिआ। ऐवें जज़बाती जिही कहाणी सी। उुदों मैं दिल्ली दे ख़ालसा कालज विच ऐम्म. ए. दा विदिआरथी सां ते लिखणा शुरू ही कीता सी। बिना शक्क उह मेरी कच्ची पिल्ली लिखत सी। पर गारगी कहिंदा सुआद आ गिआ। नाल ही उहदा सुझाअ सी, “होर वी सुआद आउंदा जे वागी ते गड्डीआं वाली भोग विलास करदे। तेरी कहाणी विच तां उह प्रीत लड़ी दे पिआर विच ई पए रहे ते बिनां कुछ करे निख्खड़ गए। जे कहाणी बणाउणी ऐं तां इहनां तों करवा कुछ नां कुछ। नहीं तां तेरे पातर खुसरे लग्गणगे।”

उदों तां मैनूं एनी समझ नहीं सी पर हुण समझदां कि उह मैनूं भोग विलासी लेखक बणन दा गुर दस्स रिहा सी। उहदीआं आपणीआं लिखतां वी भोग विलास दे कारिआं नाल लबरेज़ हन। ‘नंगी धुप्प’ ते ‘काशनी विहड़ा’ कामुक द्रिशां नाल भरपूर हन। पाठक सुआद सुआद विच पहड़ी जांदै। आपणे जाणे उह समाज दा सच्च पेश कर रिहै। उह लिखदा है, “असलीअत की है? सच्च की है? इह हमेशां सापेखक हुंदा है। इको वेले इक औरत जां मरद बारे तिंन हज़ार जां तिंन लख्ख प्रतीविरोधी गल्लां सच्च हो सकदीआं हन। सच्च कई वार नंगा हुंदा है, कई वार लुकिआ होइआ। कई वार साध, कई वार चोर। मैं साध ते चोर दोहां नूं फड़ के पाठक दे साहमणे पेश करना चाहुंदा हां।”

गारगी दे रचे रेखा-चित्तर पंजाबी दे वरतमान साहित दा इतिहास हन। कवीआं, लेखकां ते कलाकारां विच टूणेहारी खिच्च हुंदी है। उनहां दी हर चीज़ विच पाठकां ते सरोतिआं नूं दिलचसपी हुंदी है। उह किस तरहां रचना करदे हन, की पहिनदे हन, किस कैफ़े विच बैठ के बहिरे नूं की आरडर दिंदे हन, किस तरहां झगड़ा ते पिआर करदे हन, इह सारीआं गल्लां इतिहास बण जांदीआं हन। गारगी लिखदा है, “मैं प्रंपरागत समाज दा आलोचक हां, रवाइती कदरां ते रवाइती इख़लाक दा विरोधी। आपणा सच्च बंदा ख़ुद ढूंडदा है। कई वार ख़ुद नूं वी आपणे सच्च दा पता नहीं हुंदा जो कई वार रचन समें ही उघ्घड़दा है।”

उस नें लोहा कुट्ट, सैल पत्थर, नवां मुढ्ढ, केसरो, कणक दी बल्ली, सोहणी महींवाल, धूणी दी अग्ग, गगन मै थाल, सुलतान रज़ीआ, सौंकण, मिरज़ा साहिबां ते अभिसारिका पूरे नाटक लिखे हन। कुआरी टीसी, पत्तण दी बेड़ी, चाकू ते पैंतड़ेबाज़ इकांगी नाटक हन। कक्का रेता नावल है अते मिरचां वाला साध, डुल्ल्हे बेर ते काला अंब कहाणी संग्रहि हन। रंगमंच ते लोक नाटक खोज पुसतकां अते नंगी धुप्प सवैजीवनी नावल है। पताल दी धरती अमरीका दा सफ़रनामा है। उस दे रेखा-चित्तरां दीआं बहुचरचित पुसतकां निंम दे पत्ते, सुरमे वाली अख्ख, कौडीआं वाला सप्प, हुसीन चिहरे, काशनी विहड़ा ते शरबत दीआं घुट्टां हन। एना लिखणा ते दिलचसप लिखी जाणा खाला जी दा वाड़ा नहीं। उहदे रेखा-चित्तरां दा आरंभ ही बड़ा खिच्चपाऊ ते रौचिक हुंदा सी। राजिंदर सिंघ बेदी बारे लिखिआ है, “कई लोक मूंह मीच के हस्सदे हन। कईआं दीआं सिरफ़ अख्खां ते बुल्ल्ह हस्सदे हन। कईआं दा मूंह, मोढे ते ढिड्ड हस्सदा है। पर बेदी दा सारा वजूद हस्सदा है-साफ़ा, दाहड़ी, मूंह ते गिट्टे वी।” गुरबख़श सिंघ प्रीत लड़ी दा खाका इको वाक विच खिच्च दित्तै-चिट्टी गोल पग्ग, बत्तख़ दे परां वरगी चिट्टी दाहड़ी, चिट्टा चूड़ीदार पजामा ते चिट्टी अचकन। बावा बलवंत बारे लिखिआ-बावा बलवंत दे नां तों इओं जापदा है जिवें डाकू बंता सिंघ कई साल डाके मार के साध हो गिआ होवे। कवी तारा सिंघ बारे लिखदै-उह शकल तों तरखाण लग्गदा है। अते है वी। हरिभजन सिंघ दे रेखा चित्तर दी शुरूआत इंज है, “हरि भजन सिंघ खुल्ल्ही दाहड़ी वाला इक अजिहा दिओ है जो निक्के मोटे साहितकार नूं तुरत ही भकश कर जांदा है।”

गारगी भावें नाटक लिख रिहा हुंदा, भावें कहाणीआं, भावें नावल ते भावें रेखा-चित्तर, मल्लोज़ोरी पाठकां नूं औरत दे अंगां वल्ल लै जांदा। तारा सिंघ दे रेखा-चित्तर दा लमकाइआ अंत वेखो:

उस उत्तर दित्ता, “तिंन महीने होए मैं इक कविता शुरू कीती सी, हाल तीक मुकंमल नहीं होई। उहनीं दिनीं इक अजिहा वाकिआ होइआ जिस नें मैनूं प्रेरिआ। साडी गली विच इक कुड़ी जवान हो रही सी। महल्ले दे सारे मुंडे उस नूं तक्कदे ते अख्खां सेकदे। कुड़ी वी कोठे ‘ते चहड़ के वाल सुकाउंदी होई मुंडिआं नूं तक्कदी। इस कुड़ी विच शबाब अंगड़ाई लैण लग्गा सी। मैनूं खि਼आल फुरिआ कि इस कुड़ी दे अंगां विच सेक मघ रिहा है ते कुड़ी दे नितंबां विच गुलाईआं भर रहीआं हन...।” “नितंबां की?” मैं पुछ्छिआ। “संसक्रित विच औरत दे इस अंग नूं नितंबां ही आखदे हन।” “नितंबां दे की अरथ हन?” मैं फेर पुछ्छिआ। “नितंब नहीं जाणदे तुसीं? इह तां शबद ई इहो जिहा...इस दे अरथ सपश्शट हन। शबदां दी धुनी तों ही कई वार अरथां दा पता लग्ग जांदा है जिवें कौड़तूंबा, भुच्चर, भड़ोला-इसे तरहां इह शबद है: नितंब।”

“मैं नहीं समझिआ।” उह बोलिआ, “कालीदास नें औरत दी सुंदरता बिआन करदिआं उस दे जिसम दे अंगां नूं रूपमान कीता है। उह हमेशां उस सुंदरी दी सिफ़त करदा है जो हाथी वांग झूलदी होई तुरदी है अते जिस दे नितंबां विच...।”

मैं आखिआ, “तूं दस वार नितंबां नितंबां किहै। बड़ा मुशकिल है संसक्रित दा इह शबद। पंजाबी विच इस नूं की आखदे हन?” उस आखिआ, “जदों कुड़ी जवान हुंदी है तां उस दे अंगां विच गुलाईआं आ जांदीआं हन...।” “पट्टां उते?” “नहीं गारगी साहिब, पट्टां उते नहीं।” “छातीआं उते?” “नहीं जी, छातीआं दी गुलाई दी गल्ल नहीं।” मैं हैरान हो के पुछ्छिआ, “फेर ढाकां उते?” “बस्स...तुसीं कुझ नेड़े पहुंच गए हो। उरदू विच इस नूं कूल्हे आखदे हन।” “तूं इस दा नां किउं नहीं लैंदा? इस नूं संसक्रित विच किउं आखदा सैं?”

तारा सिंघ, जो यारां दोसतां विच अशलील टिच्चरां दा बादशाह है ते मज़े नाल टल्ल वरगी गाल्ह कढ्ढ सकदा है, इस समें शरमा रिहा सी।

उस दे तेलीआ चिहरे उते सुरमई सुरख़ी दौड़ गई...

इह कवी तारा सिंघ दे रेखा-चित्तर दा अंत है। पाठक सोच सकदे हन कि अंत नूं एना लमकाउण दा की मतलब सी? इहनूं कहिंदे हन-गारगी सटाईल।

संतोख सिंघ धीर बारे उह गल्ल इंज शुरू करदा है, “निहंगां दे डेरे सवेरे सवेरे घोटणा खड़कदा है, पुजारी दे मंदर विच टल्ल, ते जिस घर धीर ठहिरिआ होवे उथे सवेरे सवेरे सुरमचू खड़कदा है। ...धीर आखदा है, जद तक मैं सुरमा नां पावां मैनूं साफ़ नहीं दिसदा। सुरमे नूं उह कछहिरे ते झग्गे वांग पाउंदा है।”

गारगी दस्सदा है कि धीर उहदे कोल दिल्ली ठहिरिआ होइआ सी। इक अमरीकन कुड़ी ते उस दा पती मैनूं मिलण आए। उह मेरे मित्तर सन। निऊयारक तों मेरे लई तोहफ़ा लै के आए सन। अमरीकन कुड़ी विचों जोबन सेक मारदा सी। धीर इक खूंजे बैठा वेख रिहा सी ते गहु नाल उनहां दी अंगरेज़ी सुण रिहा सी। तुरन लग्गे जद अमरीकन कुड़ी नें मैनूं तोहफ़ा दित्ता तां शुकरीए वजों मैं उस दी गल्ल्ह नूं चुंमिआं। धीर बैठा ताड़ रिहा सी। जद उह चले गए तां उस नें मैनूं आखिआ, “उस दे पती नें नहीं देखिआ?” “देखिआ सी।” “फेर उस नें बुरा नहीं मनाइआ?” “नां। सगों जे मैं नां चुंमदा तां बुरा मनाउंदा।” “किउं?” “इह उनहां दी सभिअता है-मत्था टेकण वांग।”

धीर दा प्रतीकरम सी, “चंगी सभिअता है कि मिलदिआं सार चुंमी! तूं मैनूं उस नाल मिलाइआ सी। मैनूं की समझदी होवेगी? समझदी होवेगी निरा ढाऊं है। बलवंत, चुंमीआं तां अंगरेज़ कुड़ीआं दिंदीआं नें-गल्ल्ह मक्की दे टुक्क वरगी! साडीआं तों तां जे चुंमी लैणी होवे ढाह के लैणी पैंदी है-जिवें पशू नूं खुरीआं लाउणीआं होण!” पाठक अंदाज़ा ला सकदे हन कि इहदे ‘च सच्च किंना होवेगा ते तड़का किंना?

चार भरावां विच सिरफ़ गारगी ही पहड़िआ लिखिआ सी। जिवें जट्टां दे टब्बर विचों इक मुंडे नूं फौज विच भरती करवा दित्ता जांदा है उवें गारगी नूं पहड़ाई लई चुण लिआ गिआ। इह चोण वी बड़े अवल्ले ढंग नाल होई। उस दी मां नें पुत्तां नूं डेरे वाले साध आतमा नंद साहमणे खहड़ाअ के पुछ्छिआ, “महाराज, इनहां विचों किस दे ढिड्ड विच अख्खर पैणगे?” जटाधारी साध नें मुंडिआं वल्ल तक्क के इक वल्ल उंगल कीती, ‘इस दे।” ते उह बलवंत गारगी सी जिस नूं उस दी मां सारी उमर बलंत ही बुलाउंदी रही।

गारगी नें आपणे रेखा-चित्तरां दे नां कमाल दे रख्खे। किसे दा नां दुध्ध विच बरांडी, किसे दा सुरमे वाली अख्ख, किसे दा कौडीआं वाला सप्प, ज़हिर दा पुजारी, नानक शाही इट्ट, नाटक दी नकड़दादी, भ्रिगू रिशी ते किसे दा काहड़नी। काहड़नी अजीत कौर दा रेखा-चित्तर है। अजीत कौर दे मूंहों बुलवाइऐ, “मेरीआं हड्डीआं बल गईआं। धूंआं उठ रिहै। उब्बल रही आं...काड़नी वांग...कदे काहड़नी दा दुध्ध पीतै? कहड़ कहड़ के लाल गेरू हो जांदै।”

गारगी नूं आपूं सिरजे संवाद किसे होर दे मूंह विच पाउणे आउंदे सन। अजीत कौर कहिंदी है, “बगाने शहिर विच दोसत अचार वांग हन, रोटी वांग नहीं। इक वार मैं बंबई गई तां इक शाम तरकालां वेले मैरिन डराईव उते समुंदर दे कंढे कंढे तुरदी गई। रात हो गई। कोलों लंघदे लोक आखदे ‘हैलो सवीट हरट!’ ते ‘हऊ मच्च फ़ार दी नाईट?’ उहनां दे फि਼करे जिवें कोई गिजगिजी चीज़ नंगी पिठ्ठ उते रींगदी होवे। रातीं थक्क हार के वापस मुड़ी। समुंदर दा कंढा मैनूं उदास करदा है। किहो जिही मजबूरी है? भुख्ख लग्गणी, रोटी खाणी, नींदर आउणी, पसीना आउणा, नहाउणा, नहुं कट्टणे ते किसे दी छाती उते सिर रख्खण लई विलकणा। की इह सारीआं मजबूरीआं इको पध्धर दीआं हन? समझ नहीं आउंदी...समुंदर मैनूं उदास करदा है। वीरान पहाड़ वी ते दूर दूर तक फैलिआ रेगिसतान वी। कोई चट्टान, कोई टिब्बा, कोई सुंना वावरोला...हवा दा बुरज, घुंमदा होइआ खोखला कुतब मीनार।”

गारगी अजीत कौर तों अजिहीआं गल्लां अखवा दिंदा है कि लिखदिआं संग आउंदी है। संत सिंघ सेखों तों बुलवाइआ है, “नंगा जिसम बहुत हुसीन चीज़ है। पर इस तों बदसूरत शैअ वी कोई नहीं...कपड़िआं दा ते मनुख्ख दी सोच दा बड़ा तुअल्लक है। जिहड़े लोक पोच पोच के पगड़ी बंनहदे हन ते हर वेले घुट्टवां पजामा पाई रख्खदे हन, उनहां दे खि਼आल वी घुट्टवें पजामिआं वरगे हुंदे हन...समुंदर दे रेतले कंढे उते लेट के आदमी होर तरहां दीआं गल्लां करदा है ते अचकन पा के होर तरहां दीआं।”

सेखों दा इक होर संवाद सुणो, “मैं पंजाबी विच लिख लिख ते देसी विसकी पी पी अक्क गिआ हां। जी चाहुंदा है शैमपेन होवे...वाईन, अंगूरां दा नशीला रस। इथे की पीईए? बिहतर है यूरप जावां ते उथे दस साल रहां ते इस जनम नूं सफला करां।” सेखों नें इह हरगिज़ नहीं किहा होणा। बलवंत गारगी जींदा हुंदा तां जवाब दिंदा, “मैं लेखकां दे मूंहों जो कुझ बुलवाइआ, जे उनहां दे मूंह ‘ते नहीं तां दिल विच ज़रूर सी!”

ख़ुशवंत सिंघ बारे उह लिखदा है, “उस नूं लोकां दे लुके राज़, कमीनगी, दरिआदिली ते बेवकूफ़ी बारे बेशुमार किस्से याद हन। उह तीवीआं नाल भोग विलास करन, उहनां दे ठंढे ते गरम सुभाअ बारे, उहनां दीआं छातीआं ते पट्टां बारे ते तुरत इशकां बारे मसालेदार गल्लां करदा है। काफ़ी पींदा जां पान चब्बदा उह हस्स हस्स दूजिआं दी खल्ल लाहुंदा है। उस दी नज़र पाखंड नूं, साहितकारां दीआं फहड़ां नूं, पुठ्ठीआं कीमतां नूं, वसतरां दे अंदरले असतर नूं, अंगीआं विच लुके जिनसी रूप नूं झट्ट ताड़ जांदी है।” इहदे विच इहो कुझ लिखणा रहि गिऐ कि गारगी वी इहो कुझ करदा है! सि਼व कुमार बटालवी नाल उहदा ठेका सी। जदों उह चंडीगहड़ तों दिल्ली जांदा तां सि਼व नूं आपणे नाल लिजांदा। ठेका सी बीअर दीआं दो बोतलां, भुंनिआ होइआ मुरगा ते तीह रुपए नकद।

दिल्ली उह 27 कसतूरबा गांधी मारग दे कुआटर विच रहिंदा सी। नौकरां वाला उह कुआटर उस नें देश वंड तों बाअद 16 रुपए किराए ‘ते लै के उस उते सारी उमर कबज़ा जमाई रख्खिआ सी। मुकद्दमेबाज़ी होई पर उस नें कुआटर नां छड्डिआ। उस विच सैंकड़े कलाकार आए ते गए जिनहां दा जि਼कर गारगी दीआं लिखतां विच हुंदा रिहा। उह टिकाणा उहने उदों छड्डिआ जदो उह मरन वाला हो गिआ। उस दी धी जन्नत आपणी मां नाल अमरीका चली गई सी ते पुत्त मंनूं पहिलां मुंबई फिर हालीवुड्ड फिलमां विच चला गिआ।

गारगी नूं डनंशीआ नां दी बिमारी लग्ग गई जिस नाल पिछली सारी यादाशत जांदी रही। उह परनिरभर हो गिआ। पुत्तर उस नूं मुंबई लै गिआ ते सेवा संभाल लई सेवादार रख्ख दित्ता। उहदे पुराणे मित्तर उहदा हाल चाल पुछ्छण जांदे तां उह किसे नूं सिआण नां सकदा। इथों तक कि उह आपणा नां लिखणा वी भुल्ल गिआ। बुढापे दे आख़री दिन उस नें बड़े दुखदाई कट्टे। आख़र उस दा देहांत मुंबई विच हो गिआ ते उस दे फुल्ल उहदे पुत्त ते धी नें पिता दी इछ्छा अनुसार बठिंडे लिआ के नहिर विच तारे।

गारगी मनुख्ख जां समाज दे बीबे राणे चिहरे नूं चित्रन दी थां उहदे अंदर छिपी कालख नूं उजागर करदा रिहा। गारगी दी कलाकारी इस गल्ल विच सी कि उह गुरबख़श सिंघ वांग सभ्भिआ सलीके दा लेखक बणन दी थां कुदरती ख़ाहिशां दा लेखक बणिआ। कुदरती ख़ाहिशां ते सभ्भिआ सलीके विच जद तक दुफेड़ रहेगी बलवंत गारगी दे रचे साहित दी नेकनामी वी होवेगी ते थोहड़ी बहुती बदनामी वी।

गारगी दे रेखा-चित्तरां दा शाहकार संग्रहि ‘शरबत दीआं घुट्टां’ है। इस विचले रेखा-चित्तर गारगी दी शैली ते सूझ दा कमाल हन। इह रेखा-चित्तर मताबीआं वांग लट लट बलदे ते तरहां तरहां दे रंग छडदे विखाई दिंदे हन। उस विच छत्ती नामवर लेखकां दे जीवन चित्तर हन जिनहां विचों कई हसतीआं हुण गारगी वांग जि਼ंदा नहीं। पर उनहां दी कला, उनहां दे चिहरे, गल्लां ते उनहां दे जज़बिआं दी दासतान इनहां शबद चित्तरां विच जिऊंदी है। गारगी नें इस पुसतक दे समरपण पंने उते लिखिआ है: उस लेखक नूं जो मेरी मौत पिछ्छों मेरे उते अजेहा रेखा-चित्तर लिखे।