हिंदी दी कहावत बहुत लोकां नें सुणी होवेगी: ‘तू डाल-डाल, मैं पात-पात।’ कहिण दा भाव इह है कि जिहड़ी टाहणी तक तूं जावेंगा, मैं उस तों अग्गे वध के पत्ते-पत्ते तक चला जावांगा, पर तेरा पिछ्छा कदी नहीं छड्डांगा, बलकि कोई वी दाअ लड़ाउणा पवे, मरज़ी मैं आपणी ही पुगावांगा। इह कुझ अज्जकल्ल्ह भारत दे लोकतंतर विच्च आम देखण नूं मिलदा है। सरकार इक्क फैसला करदी है। इसदे विरोध विच्च जदों किधरे कोई किसे अदालत दा दर खड़काउंदा है तां अदालत उसदे कहे मुताबिक कदी नोटिस जारी करदी अते कदी जलदी सुणवाई कर के कोई निरणा तक करन लगदी है तां सरकार चुप्प नहीं बैठदी, उस अदालती निरणे नूं आपणे पख्ख विच्च बदलण दा हर दाअ वरतदी है अते बहुती वार फैसला बदल वी लैंदी है। इस विहार दी मार इस हद्द तक वध गई है कि राज सरकारां वी इद्दां दे दाअ वरतण लग्ग पईआं हन।

असीं उनहां केसां बारे गल्ल नहीं करना चाहुंदे, जिहड़े देश दी राजधानी दिल्ली जां गुजरात विच्च होए दंगिआं दे संबंध विच्च दरज करन पए, पर पीड़ितां दी पैरवी वासते सरकारी वकील वी दोशीआं दी मदद करन लई चुण के उसे पख्ख दे नियुकत कर दित्ते गए सन। फिर नतीजा जो निकलणा सी, उह ही निकलदा रिहा अते सारे दोशी वारी-वारी छुट्टदे गए। गुजरात विच्च तां दोहरी मार पई कि इक्क पख्ख वाले दोशी वी छुट्ट गए ते दूसरे पासे कई पीड़ितां नूं बुरी तरहां फसा देण दीआं गल्लां सुणीआं सन। इही नहीं, अयुध्धिआ दे राम जनम भूमी बनाम बाबरी मसजिद दा केस वी पहिलां हाई कोरट तक जिनहां पड़ावां विच्चों लंघिआ ते फिर सुपरीम कोरट विच्च जिद्दां उह सिरे लग्गा सी, सभ नूं पता है। उनहां पुराणे मुद्दिआं दी चरचा करन दी इस वेले इस लई लोड़ नहीं कि बाअद विच्च इद्दां दे कई फैसले पिछले समें विच्च आउंदे गए सन जिनहां नाल लोकतंतर दी मुढली भूमिका अते इसदे हकीकी अरथ ही बदलदे नज़र आउंदे हन।

उंज करन वाली चरचा इह वी है कि अदालतां दे फैसले इक्क सार नहीं हुंदे अते इक्क अदालत दा फैसला कई वार दूसरी अदालत दे फैसले दे ऐन उलट पहड़न नूं मिल जांदा है। हाई कोरटां दे फैसले जदों इस तरहां इक्क दूसरे तों उलट प्रभाव वाले हुंदे हन अते किसे केस विच्च इक्क वकील किसे कोरट वल्लों दित्ते इक्क हुकम दा हवाला दिंदा अते दूसरा वकील किसे दूसरी कोरट तों जारी होए हुकम पेश कर दिंदा है तां सथिती उलझण वाली बण जांदी है अते लोकां दे विशवास नूं सट्ट वज्जदी है। कई वारी वख्ख-वख्ख अदालतां विच्च ही नहीं, भारत दी सिखरली अदालत विच्चों वी अदालती हुकम इक्क वारी इक्क तरहां हुंदा ते दूसरी वार ओदां दे केस विच्च उलट हुकम कर के पिछले फैसले दे नुकस गिणा दित्ते जांदे हन। पिछले समें विच्च इहो जिही सथिती कई वारी बण चुक्की है। इक्क जज्ज साहिब नें इक्क इद्दां दा पुराणा हुकम वी पलट दित्ता सी, जिहड़ा जारी करन वाले बैंच विच्च खुद उनहां दे पिता जज्ज शामल सन। दलील इह वरती गई कि उह फैसला उस वकत दे लई ठीक होवेगा, अज्ज सथितीआं पहिलां तों बहुत बदल चुक्कीआं हन।

अदालती हुकम नाल जेल्ह विच्च बंदा कीता कोई विअकती अदालत विच्च जांदा है तां किहा जांदा है कि नागरिक वजों इसदी अज़ादी नूं रोकां नहीं लाईआं जा सकदीआं, पर ओहो जिहा कोई होर केस चला जावे तां कहिंदे हन कि केस मिलदा होण दे बावजूद इस विच्च छोट नहीं मिल सकदी। अदालतां दे रुख तों लोकां दे मनां विच्च इह रोस वी कई वारी पैदा हुंदा है कि वड्डे लोकां दे केस सुणन लई रात वेले वी जज्ज बैठ जांदे हन पर आम लोकां लई इद्दां नहीं हुंदा ते उह सालां-बध्धी निआं दी आस विच्च खज्जल-खुआर हुंदे रहिंदे हन। बीते हफते सुपरीम कोरट विच्च इक्क इहो जिही कुड़ी दी फरिआद वी पहुंची है, जिस उत्ते 2009 विच्च इक्क समाज विरोधी अनसर नें तेज़ाब सुट्टिआ सी अते सोलां साल लंघा के वी कुड़ी विचारी अदालतां दे गेड़े कढ्ढदी फिरदी है। इसे देश विच्च इक्क वारी सरकार दे नेड़ले इक्क पत्तरकार दा केस सुणन लई अध्धी रात वेले अदालत नें सुणवाई कीती सी, किउंकि उह इस देश विच्च खास हैसीअत वाला विअकती सी।

गल्ल फैसलिआं अते ज़ोरावरां वल्लों उनहां नूं आपणे पख्ख विच्च करवाउण लई दाअ खेडण दे यतनां दी चलदी सी। थोहड़े दिन होए हन, गुजरात नाल संबंधत इक्क कारोबारी परिवार दे खिलाफ बैंकां नाल फराड दा केस खबरां विच्च आइआ है। उनहां नें बैंकां दे बारां हज़ार करोड़ रुपए हड़प्प लए सन अते जदों देखिआ कि कोई पेश नहीं जांदी तां बैंकां नें वंन-टाईम सैटलमैंट (इक्को वार निपटारा करन) दी नीती मुताबिक उनहां नूं पंज हज़ार करोड़ तों वध्ध दी छोट आपणे आप दे दित्ती। फिर उह होर अग्गे सुपरीम कोरट जा पहुंचे अते अदालत दे हुकम नाल उनहां नूं बारां सौ करोड़ रुपए तों वध्ध दी होर छोट मिलण नाल मौजां लग्ग गईआं, पर इद्दां दी छोट कदे किसे छोटे दुकानदार जां किसान नूं देण वासते किसे जज्ज नें दरिआ-दिली नहीं दिखाई। हज़ारां लोकां दी मौत वाले भोपाल गैस कांड दा केस जदों सुपरीम कोरट विच्च निबेड़े नेड़े पहुंच गिआ, उदों निरणा करन वाले जज्ज नें कहि दित्ता कि इह ओदां दा केस है कि कोई टरक्क वाला जांदा सी अते टरक्क ज़रा कु संतुलन विगड़ के सड़क कंढे खहड़े लोकां उत्ते जा चहड़िआ सी। कंपनी प्रबंधकां दी खलासी करन वाला इह फैसला देण पिछ्छों रिटाइर हुंदे सार उस जज्ज नूं दोशी कंपनी वल्लों गैस पीड़ितां लई बणवाए गए मैडीकल इंसटीचिऊट दे मुखी दी पदवी मिल गई, जिस नाल सुपरीम कोरट दे जज्ज जिंनी तनखाह अते बहुत सारीआं होर सहूलतां मिलदीआं सन। जदों इस बारे रौला पिआ तां साबका जज्ज नूं अहुदा छड्डण पिआ ते उस पिछ्छों उह जज्ज अज्ज तक कदी चरचा विच्च नहीं आइआ, पर कंपनी वल्लों घाटे विच्च उह नहीं रिहा होवेगा।

पिछले साल लोक सभा चोणां तों पहिलां सिआसी पारटीआं नूं बैंक बांड राहीं फंड देण दे केस दी जदों सुणवाई होई तां सुपरीम कोरट बहुत सखती वरत रही सी। बैंक कोई रिकारड पेश करन दी बजाए इह ढुच्चर डाहुंदी रही कि इस कंम वासते दो महीने चाहीदे हन। पर सुपरीम कोरट नें जदों किहा कि चौवी घंटे विच्च पेश करना पवेगा तां सटेट बैंक नें अगला दिन वी नहीं उडीकिआ अते कुझ घंटिआं विच्च ही अदालत अग्गे सारा चिठ्ठा पेश कर दित्ता अते साईट उत्ते वी चाहड़ दित्ता सी। इस नाल सारी खेड ज़ाहर हो गई कि जांच एजंसीआं राहीं बंदे ग्रिफतार करवा के उनहां कोलों केंदर विच्च राज करदी पारटी दे लई फंड वसूले जांदे सन। फिर जदों इस खेड दे पिआदिआं खिलाफ कारवाई कीती जाणी चाहीदी सी, उदों सुपरीम कोरट नें अचानक इस बारे नरमी धारन कर लई अते किसे दोशी विरुध्ध कारवाई नहीं सी कीती। सिरफ इंना फरक पिआ कि उदों हाकम धिर नूं जिंने फंड मिलदे ज़ाहर होए सन, विरोध दीआं सारीआं पारटीआं दे फंड मिला के उसदा मसां सत्तवां हिस्सा बणे सन। इस वार उह गल्ल नहीं होई, हाकम पारटी नूं जिंने फंड मिले हन, विरोध दी मुख्ख पारटी इकल्ली नूं उसदे तीजे हिस्से जिंने मिल गए हन। सुपरीम कोरट दा पिछले साल वाला सखत हुकम नां आउंदा तां इह नहीं सी होणा, पर सुपरीम कोरट नूं होर अग्गे वधणा चाहीदा सी।

बिलकुल ताज़ा अते चरचा दे काबल मामला गवरनरां वल्लों कोई कारन दस्से बिनां राज सरकारां दे बिल्लां दीआं फाईलां रोकण दा है। सुपरीम कोरट नें पहिलां हुकम कर के गवरनरां नूं फाईलां कढ्ढण लई समां-बध्ध कर दित्ता अते फिर अग्गे वध के राशटरपती बारे समां तैअ कर दित्ता कि जिस विच्च फाईल रद्द जां सवीकार करनी जां राज सरकार नूं वापस भेजणी ज़रूरी होवेगी। राशटरपती नें चिठ्ठी भेज के कुझ नुकते सपशट करन लई किहा तां सुपरीम कोरट नें समां-बध्ध करन वाली गल्ल कट्ट दित्ती अते इसदी थां हुकम कर दित्ता कि इनहां दोवां पदवीआं नूं समां-बध्ध कीता जाणा ठीक नहीं, उंज इनहां कंमां विच्च देरी नहीं होणी चाहीदी। इह फैसला असल विच्च पिछले फैसले उत्ते पाणी फेरन वाला सी, जिस सदका राशटरपती दे नाल गवरनर वी मरज़ी करन लई आज़ाद हो गए ते राज सरकारां दी खज्जल-खुआरी करन लई उनहां नूं इक्क अदालती फतवा मिल गिआ। सुपरीम कोरट नूं कौण दस्से कि पंजाब दी अमरिंदर सिंघ सरकार दे समें राज सरकार नें इक्क बिल्ल 2018 विच्च पास कर के गवरनर नूं भेजिआ सी, उत्थों राशटरपती नूं भेज दित्ता गिआ ते राशटरपती दफतर तों इह बिल्ल सत्त सालां पिछ्छों बीते हफते पास हो के राज सरकार कोल वापस पुज्जा है! राज सरकार दा पास कीता बिल्ल सत्त साल किस खूंजे लग्गा रिहा अते किसने लाई रख्खिआ सी, इह पुछ्छण दी किसे दी ताकत नहीं, किउंकि सुपरीम कोरट नें कहि दित्ता है कि गवरनरां दे कंम नूं वकत दी मिणती नाल नहीं बंनहिआ जा सकदा, जिसदा मतलब है कि उह लोकतंतर विच्च पुरातन राजिआं दे बराबर जां उस तों वी वध्ध अधिकारां दे मालक बणा दित्ते गए हन। समां-बध्ध करन दा फैसला वी भारत दी सुपरीम कोरट नें कुझ महीने खुद दित्ता सी ते समें दी पाबंदी दी गल्ल कट्टण दे पहिले फैसला नूं मूलों-मुढ्ढों बेलोड़ा करन दा फैसला वी उसे सुपरीम कोरट नें दे दित्ता है। इस नाल सुपरीम कोरट दी दिख्ख लोकां विच्च किद्दां दी बण रही होवेगी, इह दस्सण दा वी किसे नूं कोई फाइदा नज़र नहीं आ रिहा होवेगा।

साफ गल्ल है कि ‘तू डाल-डाल, मैं पात-पात’ दी कहावत वांग देश दी सरकार जां मरज़ी पुगाउण लई बज़िद्द अते पहुंच वालीआं धिरां अदालती हुकमां दी प्रवाह नहीं करदीआं, किउंकि उह इनहां फैसलिआं नूं पलटण दे हरबे वरतणा जाणदीआं हन। भारत दे लोकतंतर लई इह किहड़े उच्च पध्धर दी नाखुशगवार सथिती कही जा सकदी है, इस बारे विशलेशण करतिआं नूं वी सोचणा शाइद डाढा औखा हो सकदा है।

* * * * *