उमर गनी ते रिज़वान पिछली रात उमर गनी दे पुराणे बेलीआं नूं मिलण गुजरांवाले चले गए सन। कल्ल्ह लाहौर दा शाही किल्हा ते शाही मसजिद वेखणों रहि गए सां, इस लई उमर गनी हुरीं सवेरे अठ्ठ वजे ही साडे कोल ‘शाहताज होटल’ विच पहुंच गए। थोहड़ी देर बाअद जगतार दा इक होर प्रसंसक शाइर नवीद शहिज़ाद वी पहुंच गिआ। नवीद हुरीं जलंधर दी बालोकी बसती दे रहिण वाले सन।
गल्लां देश दी वंड दे संताप तों लै के चल्लदीआं चल्लदीआं कशमीर तक्क पुज्जीआं, फिर पाकिसतान दी हकूमत तक ते उस तों बाअद इलाके अते ज़बानां दे आधार उते पाकिसतान विच पैदा हो रहे वखरेविआं बारे चल्ल पईआं। कानफ़रंस दे पहिले दिन समागम शुरू होण तों पहिलां इक नौजवान मेरे कोल आइआ ते उस नें अंगरेज़ी ते उरदू विच लिखी इक दुवरकी मेरे हत्थ फड़ाउंदिआं किहा, ‘‘जनाब! असीं सराइकी ज़बान दे हवाले नाल इक तहिरीक चला रहे हां पाकिसतान विच। इह पैंफलिट उसे हवाले नाल ई ए।’’
‘‘इह सराइकी दा की रौला ए एधर’’, मैं पुछ्छिआ तां नवीद कहिण लग्गा, ‘‘उह कहिंदे नें असीं सराइकी ज़बान दे नां उते आपणा देश बणावांगे। उनहां नें इस देश दा नकशा वी बणा के वंडिऐ।’’
‘‘उह अजिहा किउं कर रहे नें?’’
‘‘उह आखदे नें कि असीं पंजाबी नहीं। साडा अलग्ग सराइक वसेब ए। सराइकी ज़बान नाल बहूं ध्रोह होइऐ, अजिहा उनहां दा मंनणा ए।’’
नवीद शाहिज़ाद आपणी मुलाज़मत दे सिलसिले विच पिछले समें उस इलाके ‘च रिहा है जिस नूं उह लोक ‘सराइकसतान’ आखदे नें। शाइर होण करके जदों उहदा कोई जाणू किसे होर नाल उस दी जाण-पचाण कराउण लग्गा तां अगले नें पु्ुछिआ कि की नवीद शहिज़ाद सथानक इलाके नाल ही सबंध रख्खदा है तां उह अग्गों कहिण लग्गा, ‘‘नहीं, इह तां शुहदा मुहाजर है।’’
पाकिसतान दा ही इक पंजाबी उनहां लई मुहाजर (शरनारथी) ही सी उह ‘पंजाबी’ नूं आपणा मंनण लई तिआर नहीं सन।
‘‘उह तां सराइकी दी तहिरीक बड़े ज़ोर शोर नाल चला रहे नें। मेरा गीत रेडीओ लई मनज़ूर हो गिआ तां उह कहिंदे असीं आपणे रेडीओ ‘ते पंजाबी गीत चल्लण नहीं देणा।’’ नवीद नें दस्सिआ।
‘‘असल विच उह ज़बान दे आधार ‘ते भारत वांग सूबिआं दी मुड़ हद्दबंदी चाहुंदे नें। उह इस लई भारत दी मिसाल वी दिंदे नें। उनहां मुताबक पंजाब दी ताकतवार श्रेणी, जो मज़बूत सैंटर दे हक्क विच है, हमेशा भाशाई आधार ‘ते नवीं हद्दबंदी दा विरोध करदी है, इसे करके उह पंजाबीआं दे ज़िआदा ख़िलाफ़ नें।’’ डाकटर जगतार नें गल्ल होर साफ़ कीती।
‘‘उनहां मुताबक पंजाब विच पंजाबी बोलदा इलाका किहड़ा है?’’
‘‘उह तां पंजाब दे सारे ज़िलिआं विच्चों सिरफ लाहौर, शेख़ूपुरा, गुजरांवाला, कसूर, फ़ैसलाबाद अते गुजरात ज़िले दे कुझ हिस्से नूं ख़ालस पंजाबी बोलदा इलाका मंनदे नें।’’
नवीद शहिज़ाद नें मेरे मन विच नवां सुआल पैदा कर दित्ता, ‘‘तां की रावलपिंडी दा पोठोहार वाला इलाका वी उह पंजाबी-भाशी नहीं मंनदे?’’
‘‘हां, रावलपिंडी, जिहलम, अटक ते चकवल दे इलाके नूं उह वख्खरी पोठोहारी तहिज़ीब मंनदे नें। बाकी 19 ज़िलिआं विचों मुलतान डिवीज़न दे छे ज़िले, बहावलपुर डिवीज़न दे तिंन ज़िले, डेरा गाज़ी खान ते सरगोधा डिवीज़नां दे चार चार ज़िले अते ओकाड़ा ते झंग दे ज़िलिआं विच उनहां मुताबक बहु-गिणती सराइकी भाशी लोक वसदे नें। उह तां इह वी आखदे नें कि डेरा इसमाईल खां, जो सरहद्दी सूबे दी डिवीज़न है, तारीख़ी तौर ‘ते सराइकी बोलण वालिआं दी ही ज़मीन है।’’
किसे नें हासे नाल आखिआ, ‘‘इस हिसाब नाल अध्धा पाकिसतान तां उनहां दा ही हो गिआ।’’
‘‘इह मज़ाक नहीं, हकीकत जे।’’ नवीद नें गंभीर हंुदिआं आखिआ, ‘‘उह इहो ही आखदे नें कि पाकिसतान दी पंजाह फीसदी आबादी सराइकी भाशी है। उह आपणे हक्क विच जिहड़ीआं दलीलां दिंदे हन, उनहां विचों इक इह है कि सराइकी नूं सकूलां विच नां पहड़ाए जाण दे बावजूद उरदू तों पिछ्छों छपीआं सभ तों वध्ध किताबां दी गिणती सराइकी ज़बान दीआं किताबां दी है। उह दाअवा करदे हन कि उस इलाके विच सराइकी मुशाइरे ते सराइकी गीत-संगीत दे तां सैंकड़े प्रोगराम हुंदे हन जद कि उरदू अते पंजाबी दे अजिहे कामयाब प्रोगराम होणे नामुमकिन हन जिनहां विच शिरकत करन वालिआं दी गिणती हज़ारां विच होवे।’’
नवीद शाहिज़ाद उस खित्ते विच रिहा होण करके सराइकी वालिआं दे द्रिशटीकोण तों पूरी तरहां वाकिफ सी।
‘‘उह तां इस गल्ल दा वी माण करदे नें कि बहुते पाकिसतानी गाइक वी सराइकी बोलण वाले हन जिवें पठाणे खां, हुसैन बख़श खान, अता-उला खान ईसेखेलवी, शहिज़ादा सख़ावत हुसैन, ज़ाहिदा प्रवीन, सुरई्ईआ मुलतानीकर, आबिदा प्रवीन, गुल बहार बानो, शाज़ीआ खुशक, इकबाल बानो ते सुरई्ईआ खानम सभ नूं उह आपणे खाते विच ही पाउंदे नें।’’
सराइकी वालिआं दा लाइआ इह टीका असर-अंदाज़ हो रिहा सी। रातीं पंजाबी गीत गाउण लग्गिआं तसव्वर खानम इह आखणा नहीं सी भुल्ली, ‘‘उंज मेरी आपणी ज़बान सराइकी है।’’
‘‘इंज उह पंजाह मिलीअन सराइकी बोलण वालिआं लई पंजवें सूबे सराइकसतान दी मंग करदे हन।’’ नवीद शहिज़ाद लंमी जाणकारी देण तों बाअद ठंढी हो चुक्की चाह दीआं चुसकीआं भरन लग्गा।
गल्लबात दी वागडोर जगतार नें संभाली।
‘‘असल विच इह सारा सिआपा गरीअरसन दा पाइआ होइआ। उस नें ही किहा सी कि इह भाशा पंजाबी दा हिस्सा नहीं… ‘खाण’ नूं ‘खावण’ कहिण नाल पंजाबी सराइकी नहीं हो जांदी। हिंदको वी पंजाबी है ते पोठोहारी वी।’’
मेरे मन विच ख़िआल आइआ कि कल्ल्ह नूं पोठोहार वाले वी आख सकदे हन कि सानूं वख्खरा सूबा चाहीदा है।
‘‘हां…हां‥ एदां दी गल्ल वी चल सकदी है।’’
नवीद नें चाह दा ख़ाली कप्प टरे विच रख्खदिआं किहा, ‘‘मुलतान विच नीली-बार दे इलाके दी ज़बान नूं जांगली ज़बान वी आखदे नें। ‘नवाए-वकत’ वाले उस ज़बान नूं ‘रचनावीं’ आखदे हन। उह वी आखदे नें, ‘‘हमारा सराइकी ते पंजाबी नाल कोई ताअलुक्क नहीं।’’
जगतार नें किहा ‘‘इह अंगरेज़ां दे झगड़े पाए होए हन। उनहां नें ही लहिंदी दी वख्खरी डिकशनरी तिआर करवाई।’’
इनहां झगड़िआं अते वंडीआं दे अग्गे तों अग्गे वधदे जाण बारे नवीद शहिज़ाद नें किहा, ‘‘सराइकी ख़ुद चार पंज छोटीआं बोलड़ीआं दा मजमूआ है। डेहरणी (डेरा ग़ाज़ी खां), रिआसती (बहावलपुर), मुलतान दी मुलतानी, नीली बार वाली जटकी जां रचनावी रल के सराइकी मंनदे हन।’’
गल्लबात विचों इक नुकता होर उभर के साहमणे आइआ कि उह लोक पंजाबीआं नूं नफ़रत नाल वेखदे नें। उनहां नूं लग्गदा है कि पंजाबी उनहां दी हक्की मंग नूं दबा रहे हन। नवीद शहिज़ाद नें किसे सराइकी शाइर दा हवाला दित्ता, ‘‘पंजाबीआं दी ‘बालादसती’ बारे उस नें लिखिऐ, असी कैदी तख़त लाहौर दे।’’
मैं नवीद शहिज़ाद तों इस मसले बारे अंतिम राइ मंगी तां उस दुखी मन नाल किहा, ‘‘हकीकत इह है कि पंजाबीआं नूं दबा के रख्खिआ जा रिहै। पाणीआं दा झगड़ा होवे तां वी पंजाबीआं ‘ते दबाअ…। पंजाबी राईटर वी लताड़िआ पिऐ। जिवें उरदू वालिआं पंजाबी नूं लताड़िऐ तिवें सराइकी वाले पंजाबी नूं लताड़ रहे नें।’’
फिर नवीद नें हस्सदिआं होइआं गंभीर सच्च किहा, ‘‘अगर पाकिसतान विच कोई तिलक के डिग पवे तां कहिंदे नें कि इह इंडीआ नें केला सुटिआ सी। इंज ही सराइकी वाले आखदे नें पंजाब नूं… ते पंजाबी इसे शरम दे मारे हुण तक चुप्प रहे।’’
फिर उस नें दुख्ख नाल आपणी गल्ल मुकाई, ‘‘पंजाबीआं विच तुअस्सब नहीं। दूजे पासे भावें पठाण होण ते भावें बलोच ते भावें होर लोक, जदों मिलदे नें तां मन विच कसर रख्खदे नें।’’
मनां दीआं इनहां कसरां बारे, ज़बानां दे आधार ‘ते इक दूजे नूं दबाउण अते वंडीआं पाउण बारे अंतिम फैसला तां साडे पाकिसतानी भरावां नें आप ही करना है पर इस ग़ुफतग़ू विचों पाकिसतान दे भाशाई मसले दे कुझ होर पसारां ते परतां उते साडी झात पुआउण लई असीं नवीद शहिज़ाद दे धंनवादी सां।