पंजाबी जगत दे इक्क सुच्चे हीरे मीआं मुहंमद बख़श होरां सच्च ही तां आखिआ सी पई:

मरद मिले, तां दरद न छोड़े, औगण दे गुण कर दा

कामिल लोक, मुहंमद बख़शा, लाल बनावण पत्थर दा

 

जिसरां पंजाब दी धरती बड़ी ही भागां भरी जूह ए इंज ही पंजाबी वी बड़ा ही निघ्घ देण वाली बोली ए। अते पंजाब वसों दे जीआं अंदर पाणी अते मिट्टी दे मोह दी उह मनठार तासीर ए जो उह कौड़े तुम्मिआं नूं वी शहिद सवादी मेवे बणा धरदी ए। कुझ जूहां ई इंज दीआं हुंदीआं नें जिहनां दी मिट्टी नाल खेड मल्ल्ह के अते उत्थूं दा जल छक के गभ्भरू होण वाळिआं अंदर वेळे दीआं अख्खां विच्च अख्खां पा के नवीआं पैड़ां अते पिरतां पाण दा चोखा सत हुंदा ए। बस रोज़ दा धड़ी-धड़ी अंन खा के बिरथे इस जहानों टुर जाण वालिआं नूं वेला कदी याद नईं रख्खदा। अज्ज मरे कल्ल दूजा दिन वाली गल्ल वांग अजिहे बंदिआं दा वेला खोज खुरा मुका देंदा ए। पर जो गभ्भरू वेले दी कंड ते काठी पा के उस नूं अपणी मरज़ी मूजब टोरण दा वल्ल सिख्ख लैण उहनां बारे मैं चोखा चिर अगदूं इक्क नज़म  लिख्खी सी:

जिहड़ा टोरन सिख्ख लैंदा ए
वकत दे अत्थरे घोड़े नूं
जिहड़ा हत्थ विच्च फ़ड़ लैंदा ए
घुट्ट के वाग हवावां दी
उहनूं कदी वी लोड़ नां  रहिंदी
मंगीआं होईआं छांवां दी

अजिहीआं करतां ते कदरां दे वारस भावें कदे सदीआं मगरों ही जंमदे नें पर उह लोकां दे दिलां उत्ते सदीआं तीकर मुहब्बतां दा छापा लाई रख्खदे नें। अजिहिआं मरदां नूं मौत नें की मारना सगों उह आपूं मौत नूं मार के सदा लई अमर हो जांदे नें। आखदे नें बंदे नूं उहदी करत करतूत जीऊंदिआं रख्खदी ए अते सुलख्खणीआं करतां दे वारसां विच्चों इक्क नां किरपाल सिंघ पंनूं दा वी ए। मैनूं हीर वारस शाह दे अज़ीम खोजकार ज़ाहिद इकबाल राहीं पंनूं जी बारे जाणकारी मिली तां मैं उहनां दा कंम कार वेख के उहनां बारे चार अख्खर उलीकण तों नां रहि सकिआ। उंज तां इस पंनूं टाबरी दे इक्क सपुत्तर नारोवाल दे वसनीक बैरिसटर अनवारुलहक्क पंनूं नाल मेरी पिछले 15 सालां तों यारी ए जो पिछ्छे जिहे हाई कोरट दा जसटिस वी बण गिआ पर मुड़ पंज महीनिआं मगरों किसे उतले सिआसी पुआड़े दा शिकार हो गिआ। मैनूं चंगा याद ए पई असां वरहेवार हाशम शाह कानफ्रंस करवाणी सी जिहदा मैं सदर हां अते अनवारुलहक्क पंनूं पैटरन ए। उस समे नारोवाल दी इक्क उरदू दे नां ते उसारी गई सत्थ दे बंदिआं ’चों इक्क नें मेरे ख़िलाफ डी.सी. नारोवाल नूं इक्क अरज़ी दित्ती पई इह हिंदुसतानी ख़ुफीआ एजंसी दा एजैंट ए अते गरेटर पंजाब बनाण दा रीझवान ए। इस दरख़ासत पारों असलामीआ कालज दे प्रिं: नें कानफ्रंस लई कालज हाल देण तों नांह कर दित्ती। आउण वाले घट्टो घट्ट 200 प्राहुणिआं दी रोटी अंजमन शैहरीआं नारोवाल नें वरजी होई सी, उहनां वी रोटी तों नांह कर दित्ती। अगले दिन कानफ्रंस होणी सी। मैनूं डी.सी. नारोवाल नें पुछ्छ परतीत लई सद्दिआ। जदों मैं उहनूं आखिआ पई गरेटर पंजाब दा हामी राअ दा एजैंट किवें हो सकदा ए तां डी.सी. मुसकरा के आखण लग्गा जाओ तुसीं अपणा कंम करो।

जदों मैं नारोवाल कचहिरी विच्च जा के पंनूं नूं सारी होई हवाई दस्सी तां उहदीआं अख्खीं रत्तीआं हो गईआं ते आखण लग्गा पंजाबी दा कंम साडी मां दा कंम ए। असी भोएं वेच के ला दिआंगे पर कानफ्रंस ज़रूर होवेगी। मुड़ कानफ्रंस अग्गे नाळों वी वध्ध के होई। किरपाल सिंघ पंनूं बारे लेख लिखण दी चंगिआड़ी ख़ौरे हिरदे अंदर अनवारुलहक्क पंनूं दी सच्ची मुहब्बत पारों वी चोखी भख़ पई पर सच्ची गल्ल इह है जो किरपाल सिंघ पंनूं दे कंम बारे जाण के मैनूं ऐनी ख़ुशी होई पई मैं उहदे बारे इह लेख लिखणो न रहि सकिआ।

किरपाल सिंघ पंनूं होरां दा नां भावें पंजाबी जगत अंदर चंन वांगूं चमकदा ए अते चोखा जाणिआ पछाणिआ नां ए पर मेरा उहनां नाल मेल अते साहिब सलामत कदी नईं होई पर ज़ाहिद इकबाल कोळों उस बंदे दे मनठार सुभाअ, उच्ची करत करतूत अते पिआर वरतारे दीआं गल्लां सुण के मेरे हत्थ हरफां दीआं तारां खड़काण लग्ग पए। ज़ाहिद इकबाल दे कंम अते निघ्घे सुभाअ नें मेरे दिल विच्च उहदी ऐनी थां बणा लई होई ए पई मै उहदी हर आखी परवान करन नूं अपणी इज़्ज़त समझदा हां।

किरपाल सिंघ पंनूं बारे इह जाण के मैनूं चोखी हैरानी वी होई पई उह अपणे पिंड दे मेलिआं ठेलिआं विच्चों कौडी-कौडी करदा होइआ निकलिआ। उह पुलस अते बी.ऐस.ऐफ. वरगे हत्थ छुट्ट अते अख्खड़ महिकमिआं अंदर हयाती दे 32 वरहे नौकरी करन मगरों पासे दा सोना किवें बण निकलिआ। मै बहुता तां नईं जाणदा पर मेरे चाचे दा मुंडा पुलस विच्च थाणेदार ए। उह हर गल्ल दे मुढ्ढ विच्च वी गाळ कढदा ए अते उहदी गल्ल मुकदी वी गाळ ’ते वे। मैनूं इह वी पक्क ए पई साडे देसां दे लोकां दीआं आदतां विच्च उन्नी वीह दा फरक तां हो सकदा ए इस तों वध्ध नईं हो सकदा। पर पंनूं जी बारे जाण के ऐना चाअ चहड़िआ पई इह बंदा उजाड़ां विच्च हद्दां ते लग्गीआं वाड़ां नाल अड़ा-अड़ा अपणे लीड़े पड़वांदा अते सप्पां दीआं सिरीआं मिध्धदा होइआ कंपीऊटर वरगे गुंझलदार साइंसी कंम दा महां गिआनी किवें बण गिआ? कंपीऊटर बारे उहदे कंम कार बारे जाण के मैनूं इह पक्क हो गिआ ए पई उहदे मन अंदर उद्दम अते सिआणफ दा ठाठां मारदा होइआ समुंदर गिआन विगिआन दीआं परतां खोल्हदा लग्गा जांदा ए। मैनूं दस्सिआ गिआ ए पई पंनूं होरां दी कंपिऊटर दी जाणकारी बारे लिख्खी किताब ‘आओ कंपिऊटर सिख्खीए’ नें जगत भर विच्च पंजाबीआं नूं घर बैठिआं कंपिऊटर सिख्खण दे योग बणा दित्ता ए।

कंपीऊटर दे गुरमुखी तों शाहमुखी अते शाहमुखी तों गुरमुखी (Font convert ion) दा कंम चोखा ई औखा ए जिहदा मुढ्ढ बंनह के किरपाल सिंघ पंनूं होरां पंजाबीआं ’ते चोखा करज़ चाहड़िआ ए। मैं समझदा हां पई इस कंम दी सफलता विच्च शाहमुखी लिप्पी अड़ाउणी बणेगी। उह इस लई पई उहदी उसारी गुरमुखी वांगर इक्क हरफ इक्क आवाज़ दी बुनिआद ते नईं कीती गई सगों शाहमुखी विच्च कईआं अवाज़ां लई इक्को अख्खर वरतिआ जांदा ए जिवें मेल, मील अते मैल जां मैं ते में इक्को जिअहा लिखिआ जांदा है। बच्चीआं ते बच्चिआं नूं कंपिऊटर वी नखेड़ के नईं लिख सकदा। इह पुवाड़ा मुकाण लई साडे इक्क दोसत सईद करीम नें नवीं करीमी लिप्पी बणाई है जो गुरमुखी वांग (Phonetic) है। उहदा (Software) वी तिआर है पर मौजूदा (Non phonetic) लिप्पी नाल पिआर करन वाले लिखारी अपणी चौधर मुक्कण दे डर तों उस लिप्पी दी विरोधता विच्च जुटे होए नें।

कंपिऊटर दी रग-रग तों जाणूं होण दे इस समुंदर वरगे डूंघे कंम अंदर इस हद्द तीकर उतर के पाताल विच्चों आस दे मोतीआं दी झोली भर लै आउणा किरपाल सिंघ पंनूं वरगे तारूआं दा कंम ही हो सकदा ए। मुड़ कंपिऊटर दीआं बारीकीआं अंदरों अपणी मनमरज़ी दे पंजाबी परोगराम बणा के हिंदुसतान वरगे वड्डे सारे देस अते पूरे जग्ग अंदर अपणा आप मनवाणा हारी सारी दा कंम नईं हो सकदा। इहदे पिछ्छे पंनूं होरां दी दिन रात दी मेहनत अते इक्क लंमा तजरबा वाजां मार-मार लोकां नूं पंनूं होरां वल्ल सद्द मारदा ए। इस पारों उहनां नूं पूरे जग्ग अंदरों मान सनमान परापत होए नें ख़ास कर के चहड़दे पंजाब दी मोहलरी, पंजाबी सत्थ लांबड़ा, वल्लों तकनीकी खोज लई स. लहिणा सिंघ मजीठीआ ऐवारड 2002 विच्च, अते हरिआणा साहित अकैडमी पंचकूला वल्लों 2006 विच्च, अजीत वीकली टोरांटो वल्लों कंपिऊटर चेतना ऐवारड 2009 विच्च दस्सण जोग नें।

होर ते होर उह वख्ख-वख्ख यूनीवरसिटीआं अंदर कंपिऊटर दे कंम अते फौंटां अंदर पए पवाड़िआं नूं वी सेध अते सोध दे रहे नें।

उहनां नें कंपिऊटर अते उस लई लोड़ीदी जाणकारी देण लई जित्थे जणे खणे नूं सिख्खिआ दित्ती उथे कुरकशेतर यूनीवरसिटी, पंजाबी यूनीवरसिटी पटिआला, पंजाब यूनीवरसिटी चंडीगहड़, इंजनीअरिंग इंसटीचिऊट लुधिआणा, सटेट कालिज आफ ऐजूकेशन पटिआला वरगीआं थावां ते कंपीऊटर बारे लैकचर दित्ते जां पेपर पहड़े। सिरफ इह ही नईं सगों उहनां कई अख़बारां अंदर कंपीऊटर बारे लेख वी लिख्खे।

मुकदी गल्ल इह है जो किरपाल सिंघ पंनूं होरां दे कंम नूं कंपीऊटर जगत अंदर सदीआं-बध्धी याद रख्खिआ जावेगा। कंपीऊटर बारे उहनां दीआं कढ्ढीआं काढां तों पंजाबी पिआरे सदा लाभ चुकदे रहिणगे। कंपीऊटर दे पंजाबीऔण दा इतिहास जद वी लिखिआ जावेगा, किरपाल सिंघ पंनूं दीआं काढां नूं साहमणे रख्खिआ जावेगा। मैं ज़ाहिद इकबाल दा वी दिलों शुकरगुज़ार आं जो उहनां मैनूं ऐडे महान मनुख्ख बारे लेख लिखण लई परेरिआ। मैं किरपाल सिंघ पंनूं बारे इहो कहि के गल्ल मुकाउंदा हां:

तेरे जिहे पुत्त जंमण मांवां किधरे किधरे कोई

 

(इहसान बाजवा)

Ahsaan Bajwa,

Gakharwali, P. O Qila Kalar wala Distt. Sialkot, Pakistan

0092-345-6362362

jatbajwa2000@yahoo. com