मासटर भोला राम जी ऐफ़ ए., जे.ए. बी. कई सालां तों कशत्त्री हाई सकूल विच जनरल कालज दे सीनीअर टीचर सन। किसे वड्डे दरिआ दे पत्तण ते बैठे मलाह वांग, उनहां मुंडिआं दे कई पूर हथीं फड़ फड़ के लंघाए सन। कई होर नवें आउंदे गए। हर नवें आए पूर ते साधारन ही मासटर जी दा उना रुअब बैठ जांदा जिंनां उस तों पहिले पूर ते हुंदा सी।

मासटर जी दा सरीर भावें मधरा ते पतला सी, पर आवाज़ उच्ची ते नकश तिखे सन। इस उची आवाज़ ते तिखे नकशां दे रुअब हेठां कदी किसे दा मासटर जी दी सरीरक शकती पड़चोलन वल बहुता धिआन नहीं सी गिआ।

नवें ज़माने दे असर थल्ले संधिआ वेले मुंडिआं दा रौला दिनो दिन वधदा जा रिहा सी, पर जद कदी मासटर भोला राम जी संधिआ ते आ धमकदे, सारे मुंडे इकदम चुप हो जांदे, किसे दे कुसकण दी वी आवाज़ नां आउंदी।

पहड़ाई विच वी मासटर जी मुंडिआं दा वाह वाह जी लाई रखदे। कई किताबां विचों उनहां इतिहास दे दिल खिचवें टोटके पहड़े होए सन। उह दसदे हुंदे सन कि सिकंदर आज़म पहिला बाहरला हमलावर सी जिस नें हिंदुसतान ते अफ़गानिसतान तों ख़ैबर दी राहीं हमला कीता। अजे वी जे तुसीं अफ़गानिसतान जाओ तां जैहूं दरिआ दे उरले कंढे ते तुहानूं इक सिल विखाई जांदी है, जिस ते इक वड्डे सारे पैर दा निशान है। उथों दे लोकां दा इह निशचा है – ते तुहाडे इस गल्ल ते निशचा करन लई ज़िद्द कीती जांदी है – कि इह निशान सिकंदर दे पैरां दा है, ते उस वकत पै गिआ जद उह इस उच्ची सिल ते खलो के आपणीआं अणगिणत फ़ौजां नूं हिंदुसतान ते हमला करन लई दरिआ पार करदिआं वेख रिहा सी।

जुलाई दा इक चोखा गरम दिन सी। जुगराफीए दी घंटी विच मुंडिआं दा पहड़न नूं उक्का जी नहीं सी करदा पिआ। मासटर जी नें आ के पंजाब दीआं नहिरां दा सबक शुरू कीता : ‘‘पंजाब दा सूबा सारे हिंदुसतान नालों नहिरां लई वधेरे योग है। इस योगता दा कारन इस दा पध्धरा होणा है। पंजाब तां इस तरहां पध्धरा है जिस तरहां इस कमरे दा फ़रश। होरनां सूबिआं विच जिवें मैसूर विच तां उचीआं नीवीआं थावां उते साईकल चलाउंदिआं हंभ जाईदा है, नहिरां किसे सवाह पुटणीआं नें।’’ चपड़ासी नें आ के सुनेहा दिता कि हैड मासटर साहिब बुला रहे हन ते मासटर जी सबक विचे छड्ड के बाहर चले गए। मासटर जी दे जाण पिछों कमरे विचली खुड दी गरमी तों तंग आइआ इक चूहा हवा खाण लई बाहर निकल आइआ। विहली बैठी जमात नें उस नूं फेहण विच देर नां लाई। इक मुंडे नें ज़रा दलेरी कर के उस नूं चुक्क के मासटर जी दे मेज़ ते टिका दित्ता।

झट कु पिछों मासटर जी मुड़ आए।

‘‘हां तां मैं आख रिहा सां….।’’ ते मासटर जी दी नज़र मेज़ ते पए मोए चूहे ते पई। ज़ख़मां विचों लहू डैसक ते चो रिहा सी।

‘‘इह जीव-हतिआ किस सूर दे पुतर नें कीती ए?’’ उहनां मरे होए नूं डैसक ते रखण नालों चूहे नूं मारना वड्डा जुरम बनाणा ही ठीक समझिआ।

सारी जमात इस तरहां चुप सी जिस तरहां कमरे विच कोई हुंदा ही नहीं। मासटर जी नें करोध विच आ के फिर किहा : ‘‘जलदी दस्सो नहीं ते छे छे बैंत सारिआं नूं ठोकांगा।’’

बैंतां तों डर के जां किसे पुराणी दुशमणी कर के इक मुंडे नें उठ के किहा:

‘‘जी, भोपी नें।’’

मासटर जी नें भोपी नूं कंनों धूह के डैसक तों बाहर कढ्ढ लिआ।

‘‘हरामज़ादे, मैं तेरे पिओ दी उमर दा वां’’, ते ताड़ करदी इक चपेड़ भोपी दे मूंह ते पई। हत्थ दी इक उंगल उहदे नक्क ते लग गई ते उहदी नकसीर फुट पई। भोपी नें रुमाल कढ के नक्क अगे रख लिआ ते नकसीर दा लहू उस ते लग गिआ।

भोपी सकूल दी कमेटी दे बुढे प्रधान दा पिछली उमर विच विआही वहुटी विचों इको इक पुत्तर सी। मुंडे दे लहू नाल भरिआ रुमाल तां उहदा पिओ शाइद सहार लैंदा पर मासटर जी नें गाल्ह ही कुझ अजेही चुणी सी। इक बुढ्ढे पती दी जवान इसतरी ते अलज़ाम लाइआ सी। मासटर भोला राम जी नूं तीसरे दिन नौकरीओं जवाब मिल गिआ। हुण ‘‘टरीबीऊन’’ दा दूजा सफ़ा मासटर जी लई बेहद खिच रख्खण लग पिआ ते बाकी दी अख़बार बेसवाद लग्गण लग पई। जवाहर लाल दी रिहाई। शिमला कानफ़रंस दी असफलता ते जापान दी जंग विच हार, वाधू जिहीआं गल्लां सन। बहुत ज़रूरी गल्ल तां इह सी कि किसे सकूल नूं इक मासटर दी लोड़ है जां नहीं। मासटर जी बग़ैर पहिला सफ़ा देखे, दूजा सफ़ा खोल्हदे ते पहड़न विच जुट जांदे। आदमीआं दीआं लोड़ां पिछों कोठीआं, मशीनां मोटरां, कुत्ते आदि ख़रीदण वेचण दे इशतिहार ते फिर विआहां वासते कुड़ीआं मुंडिआं दीआं मंगां आ जांदीआं, पर मासटर जी अजे वी पहड़दे जांदे, शाइद कोई मासटर लई इशतिहार इनहां विच ही अड़िआ होइआ होवे। कई किसम दीआं लोड़ां दे इशतिहार निकलदे, कलरकां दीआं, एजंटां दीआं, अफ़सरां दीआं, खानसामिआं ते डराईवरां दीआं, घर विच पहड़ाण वाले टिऊटरां दीआं ते कई वारी मासटरां दीआं वी। मासटर जी कोल बचे होए पैसे, अरज़ीआं टाईप करन, उनहां नूं रजिसटरी कराण ते सकूल दे मैनेजरां नाल मुलाकातां करन ते ख़रच होण लग पए।

आख़र इक दिन मासटर जी नूं नवीं नौकरी दी चिठ्ठी आ ही गई। मासटर जी इक पिंड दे ख़ालसा हाई सकूल विच पंजवीं छेवीं नूं अंगरेज़ी पहड़ाण लई रख लए गए। पर मासटर जी उह पुराणे मासटर भोला राम जी नहीं सन रहि गए। बेरुज़गारी दा सहिम उनहां दे मूंह उते चितरिआ गिआ सी। नकशां दे तिखे-पन नूं फ़िकरां दीआं लीकां नें लुकाणा शुरू कर दिता सी ते आवाज़ कुझ बैठ जिही गई जापदी सी। ते अचेत ही इस गल्ल दा सकूल दे हर इक मुंडे नूं इस तरहां पता सी जिवें किसे नें डौंडी पिटवा दिती होवे।

मासटर जी मुंडिआं दे मख़ौलां दा निशाना बणन लग पए, पहिलां अंदरों अंदरीं ते फेर परतख्ख। लंघदे जांदे मुंडे मासटर जी नूं वेख के दंदीआं कढ लैंदे। कोई पिछों सुर विच मासटर जी दीआं छेड़ां गौण लग पैंदा, कोई आपणे नाल दे मुंडे नूं भोलू आख के गाणा सुनाउण लग पैंदा। ‘‘इस सकूल दा डिसिपलिन ठीक नहीं है।’’ मासटर जी नें इक दिन इक पुराणे मासटर नाल गल्ल कीती। उस मासटर नें आपणी डूंघी वाकफीअत दा रुहब पांदे होए किहा :

‘‘डिसिपलिन ते किते वी ठीक नहीं रहि गिआ, मासटर जी! दुनीआं कमिऊनिसट हुंदी जांदी ए, कमिऊनिसट। कमिऊनिसट कहिंदे नें रब्ब कोई नहीं है ते आदमी सारे इको जिहे नें। वाहिगुरू वाहिगुरू! ते फिर डिसिपलिन ख़राब हुंदा जांदा ए, जिनहां दे मूंह विच दंद नहीं सन हुंदे उह पिंडां दे जट्ट बूट इंतज़ाम विच मीन मेख कढ्ढण लग पए नें। एसे तरहां सकूलां विच वी इह कमिऊनिसटी कोहड़ फैलण लग पिआ है रब्ब ही भली करे।’’

कमिऊनिसटां बारे उरदू दीआं अख़बारां विचों वी भोला राम नें बहुत कुझ पहड़िआ होइआ सी…।

‘‘हां ! हुण पता लगा, इह मुंडे खरूद किउं करदे नें, इह कमिऊनिसट हो गए नें।’’ उह सोचण लग पए, ‘‘एसे कर के ही उह आपणे उसतादां दा आदर नहीं करदे सन।’’ ‘‘कमिऊनिज़म सकूलां दे डिसिपलिन नूं मलीआमेट करन वाली चीज़ सी। इस नूं वधण तों रोकणा चाहीदा है, पर उह इकल्ला की कर सकदा सी। इह वडे वडे लीडरां दा कंम सी। टन, टन पंजवीं टल्ली वज पई। मासटर जी इनहां सोचां विच डुबे छेवीं जमात नूं अंगरेज़ी पहड़ाण कमरे विच चले गए। उहनां नूं कमरा कमिऊनिसटां नाल भरिआ होइआ जापदा सी ते मासटर जी इकल्ले सन।

‘‘अज्ज मैं तुहानूं हफ़ते दे दिनां दे अंगरेज़ी नां दसदा हां। मैं अग्गे अग्गे बोलांगा ते तुसीं सारिआं मेरे पिछे बोलणा।’’

‘‘चंगा जी, नां जी। चंगा जी, नां जी।’’ मुंडिआं नें कोठा सिर ते चुक लिआ।

बैंत भावें मासटर जी दे हत्थ विच हमेशां रहिंदी सी, पर पिछले सकूल वापरी घटना दे डर तों ते इनहां कमिऊनिसटां दे डर तों उनहां नूं हुण कदी इस दे वरतण दा हौंसला नहीं सी पिआ। शहिर विच तां माड़े चंगे दा पता हुंदा सी पर पिंडां विच तां सारे जट्ट ही राणी खां हुंदे नें। ‘‘अंगरेज़ी हफ़ता ऐतवार तों शुरू हुंदा है, ऐतवार नूं कहिंदे हन संडे।’’ ‘‘संडे संढे, झोटे, ढग्गे’’ आदि दीआं आवाज़ां नाल फिर कमरा गूंज उठिआ। मुंडे अज्ज बड़े खरूदी होए सन। बड़ा ज़ोर ला के मसां मसां मासटर जी ‘‘सैचरडे’’ तक अपड़े ते मुंडिआं नें खेड मुकदी वेख ठीक हरफ़ नां आखण दी सौंह पा लई। सैचरडे तों शुरू हो के टांगा, मोटर ते गड्डी तक अपड़े। मासटर जी जाणदे सन कि विच मुंडे ‘नां जी’ वी कहि जांदे सन। ‘‘बस्स, अज्ज एना ही’’ आख के मासटर जी कमरे विच टहिलण लग पए। उह दिल विच कमिऊनिसटां नूं हज़ार हज़ार गाल्ह कढ्ढ रहे सन।

‘‘मासटर जी ख़सता दी अंगरेज़ी की हुंदी ए?’’

‘‘किस दी?’’

‘‘जी ख़सता दी, ख़सता ख़ताईआं।’’

‘‘कल्ह दस्सांगा।’’ मासटर जी नें अटकदी आवाज़ विच मुंडे नूं जवाब दिता उनहां नूं आउंदी ही नहीं सी। सारी जमात हस्सण लग पई मासटर जी दा रंग चिट्टा सुफ़ैद हो गिआ ते लत्तां कंबण लग पईआं।

मासटर जी नें इक हसदे मुंडे वल उंगल कर के किहा, ‘‘खड़े हो जाउ तुम।’’

मासटर जी दा जीअ कीता हत्थ विच फड़े बैंत नाल मार मार के उस दी मिझ्झ कढ्ढ देण, पर हौंसला नां पिआ। जदों उह खड़ा हो गिआ तां मासटर जी नें फिर किहा :

‘‘शरारत किउं कीती ए तूं?’’

‘‘मैं कदों कीती ए जी?’’

‘‘बाहर निकल जा।’’

‘‘बाहर जी धुप्प बड़ी ए।’’

सारी जमात हिण हिण कर के हस्स पई।

‘‘मैं तैनूं कहिना बाहर निकल जा।’’

‘‘इह सकूल ते साडा ए जी, बाहर किथे निकल जां?’’

‘‘जां तूं बाहर निकल जा ते जां मैं निकल जांदा हां।’’

‘‘मैं ते आखिआ ए जी, मैनूं इथे ही रहिण दिओ।’’

मासटर भोला राम जी बाहर निकल आए, पहिलां कमरे विचों, फेर सकूल विचों। सकूल दे सौड़े वलगण विच उनहां दे भरे होए दिल दे फिस पैण दा डर सी। बाज़ार विचों हुंदे होए उह घर जाण लगे। मासटर भोला राम अज्ज गली दे कख्खां नालों वी हौला हो गिआ। ‘‘सकूल साडा ए… इह कमिऊनिसटां नें ही इनहां नूं सिखाइआ सी। उह कहिंदे नें ज़मीन किसानां दी ए, सो सकूल मुंडिआं दा ए ते मासटर…. मासटर… इह दुध्ध वेचदा हलवाई, औह पग्गां सुकांदा ललारी दा मुंडा, आह जुत्तीआं गंढदा चमिआर जां बाज़ार विच छिल्लां खांदा खोता, इह सभ मैथों चंगे नें। इह हालत सिरफ़ एस लई है कि दुनीआं ते कमिऊनिज़म दा कोहड़ फैल रिहा ए ते सारे मुंडे कमिऊनिसट बणदे जा रहे नें।’’

उनहां दे घर अंदरों आपणे मुंडे दे अड़ी करन दी आवाज़ आ रही सी। प्राइमरी सकूल विच छेती छुट्टी होण करके उह मासटर जी तों पहिलां ही घर अपड़ गिआ होइआ सी। रोटी खाण लगिआं, उहदी दुध्ध चुंघदी भैण नें सबज़ी दी कौली विच हत्थ मार के सबज़ी भुंजे डेग दिती सी ते मुंडा रोण लग पिआ सी। मां नें बथेरा समझाइआ, खंड वी लिआ के दिती, पर उह मंनण विच ही नहीं सी आउंदा। ‘‘खा लै ओए! अजे ते बथेरी सबज़ी ए कौली विच।’’ मासटर जी नें आपणा फैसला सुणाइआ। मुंडा उसे तरहां मंजी ते लेटिआ डुसकदा रिहा।

‘‘उठ के रोटी खा लै! मैं तैनूं आख़री वार आख दिता ए।’’

पर मुंडा उसे तरहां रोंदा रिहा।

कचीची वट्ट मासटर जी नें बाहों धरीक के मुंडे नूं हेठां सुट्ट लिआ।

‘‘हरामज़ादा, तूं वी कमिऊनिज़म सिख रिहा एं! तुसां दुनीआं दीआं नीहां हिला दितीआं हन, तुसीं मुलक नूं तबाह कर के छडोगे।’’

मासटर भोला राम मुंडे नूं कुटी जा रहे सन, ते मुंडे दी मां छुड़ान दी कोशिश कर रही सी।