1982 दा जनवरी दा महीना, ते काफी ठंड, मैं आपणे सिध्धवां कालज दे होसटल विच्च आराम नाळ सुत्ती पई सी। मेरे कमरे दा दरवाजा खड़किआ ते मैं खोहलिआ तां इक्क लड़की नें सलिप्प मेरे हत्थ विच्च फड़ा दित्ती। जिस उत्ते वारडन मैडम नें लिखिआ सी, “तैनूं गैस्सट रूम विच्च मिलण लई कोई आइआ है।” मैं फटा फट वाळ सवारे, कप्पड़े ठीक कीते ते आपणी इक्क सहेली नूं नाळ लै के गैस्सट रूम वल्ल चल्ल पई। ते मन विच्च सोचदी जावां कि मैनूं मिलण वाळा कौण आ गिआ? मैं तां आपणे घर तों थोहड़े दिन पहिलों ही आई हां।

मैं गैस्सट रूम विच्च जा के देखिआ, इक्क बणी-ठणी लेडी बैठी सी जिस नें लंबा कोट पाइआ होइआ सी ते उस दे कोळ बहुत सोहणा परस फड़िआ होइआ सी। देखण तों जापदा सी कि उह किस खांदे पींदे परिवार विच्चों है। उस दे नाळ इक्क होर लेडी वी बैठी सी। मैं ते मेरी सहेली नें उनहां दोहां नूं सति स्री अकाल बुलाई ते कोळ पए सोफे उत्ते बैठ गईआं। उनहां नें मेरे कोळों पुछ्छणां शुरू कर दित्ता कि बेटा तुहाडा किहड़ा पिंड है? तुसीं कदों तों इस कालज विच्च पहड़दे हो आदि। मैं आपणे वल्लों बणदे उत्तर दे दित्ते।

उस तों पिछ्छों असीं उनहां नूं कालज दी कंटीन विच्च लै गईआं अते चाह-पाणी दी चंगी सेवा कीती। हुण मैं उनहां नूं पुछ्छिआ कि तुहानूं मेरे कोळ किस नें भेजिआ है? उनहां नें इक्क मैडम दा नां दस्सिआ जो सिध्धवां दे ही सकूल विच्च पहड़ाउंदी सी। उनहां दे जाण तों पिछ्छों मेरीआं सहेलीआं मैनूं छेड़न लग्ग पईआं कि इह तां तैनूं देखण वासते आई सी। मैं उनहां नूं किहा ते अरदास कीती हे रब्ब जी मैनूं इहो जिही सस्स नहीं चाहीदी जो आपणे आप नूं ही देखी जावे। इह तां देखण नूं पूरी फ़ैशनेवल लग्गदी है। इस नें मेरे वल्ल धिआन नाळ देखिआ ही नहीं। सिआणे कहिंदे हन ‘जित्थे होवे सस्स दा शिंगार उत्थे होवे नूंह दा की वकार!’ मैं मनों किहा कि रब्बा जे मेरी मंनें तां मैनूं तां पिंड वाळी सधारण जिही सस्स चाहीदी है।

सस्स दे गुणां सबंधी जदों वी कोई बोली सुणदे हां तां उस विच्चों सस्स दा इक्क विकराल रूप ही लभ्भदा है। जिवें कि सस्सां सस्सां हर कोई कहिंदा, सस्सां किस बणाईआं। मेरे सतिगुर नें मगर चुड़ेलां पाईआं। नी मैं सस्स कुट्टणी, कुट्टणी संदूकां उहले अते मैनूं निंम दा लिआ दे घोटणा, सस्स कुट्टणी संदूकां उहले। इह बोलीआं तां लग्गभग्ग हर गिध्धे विच्च ही पाईआं जांदीआं हन। जिवें इनहां बिनां गिध्धे नूं घुंगरू ई नां लगदे होण। साडे समाज दी समुच्ची सोच ही इहो जिही है कि बचपन तों ही मावां लड़की नूं किसे नां किसे रूप विच्च कुपत्ती सस्स दा मिहणा मारना शुरू कर दिंदीआं हन। कदे-कदे किसे विरले समें विच्च ही सुणन नूं मिळदा है, नी मैं सस्स रख्खणी, रख्खणी बणा के मां। सच्ची गल्ल तां इह है कि चंदरी सस्स दा डर मेरीआं सोचां दे वी किसे नां किसे खूंजे बैठा होइआ सी। पर परमातमा नें मेरी नेड़े हो के सुण लई।

जदों मेरा रिशता पक्का होइआ ते मेरा सहुरा परिवार मैनूं चुंनी चहड़ाउण साडे पिंड आइआ। जिस विच्च मेरी सस्स, तिंने नणदां ते मेरे पती दीआं ताईआं चाचीआं अते होर रिशतेदार शामल सन। जदों चुंनी चहड़ाउण दी रसम पूरी हो गई तां महिमानां नूं खाणे दा सद्दा दित्ता गिआ। उह खाणा खाण लग्गे तां मैनूं किहा गिआ कि मैं वी नाळ ही बैठ जावां। मेरी कुरसी दे नाळ मेरी सस्स बैठ गई। मैं देखिआ कि उस दा फुलका ठंडा हो गिआ है। मैं आपणी कुरसी तों उठ्ठी ते जा के गरम-गरम फुलका लै आई। मैं आप उस नूं किहा कि इह खावो। मेरी सस्स नें सगों अग्गों किहा कि कोई नी पुत्त पहिला फुलका वी ठीक है, पर नाळ दी नाळ उस नें मेरी बेनती मंन के ठंडे दी थां मेरा लिआंदा होइआ गरम फुलका खाणा शुरू कर दित्ता। मैनूं बड़ा ही चंगा लग्गिआ। मेरा मन धंन-धंन हो गिआ। मैनूं उस विच्चों इक्क सुघड़ सिआणी ते पिआर करन वाळी मां दी झलक महिसूस होई। जदों उह जाण लग्गी तां उस नें मैनूं घुट्ट के जफ्फी पाई। मैं आपणे मन ही मन सोचिआ कि माता लगदी तां बड़े ठंडे मिठ्ठे सुभाअ वाळी है, अग्गे तेरे भाग लछ्छीए!

जदों मैं नवीं-नवीं विआही सहुरीं गई तां मैं देखिआ कि मेरी सस्स नूं मणां मूंह चाअ चहड़िआ होइआ है। उस नें पाणी वार के मैनूं बड़ा ही निघ्घा पिआर दित्ता। विआह तों कोई 15, 20 दिन बाअद मैनूं उस नें किहा कि पुत्त आपां नें नानके कोठी-झाड़ दे के आउणा है, तिआर हो जाह। फिर मेरा पती अते मेरी सस्स, असीं तिंने ही नानके (बी जी दे पेके पिंड) गए। मेरी सस्स नूं इक्क तां आपणे पेकीं जाण दा चाअ ते दूजा आपणी नूंह सोहणी होण दा माण। साडे मामिआं दे दो घर सन। इक्क पिंडों बाहर ते दूजा पिंड दे विच्च। कार नूं बाहरले मामे दे घर खहड़ी करके पिंड दे अंदरले घर सानूं तुरके जाणा पैणा सी, किउंकि पिंड दे अंदर गळीआं तंग सन। मेरी सस्स नें मैनूं पुछ्छिआ कि की पुत्त तूं तुरके चली जावेंगी? मैं उत्तर दित्ता कि हां जी।

मेरा पती अग्गे-अग्गे अते मैं ते मेरी सस्स पिछ्छे-पिछ्छे तुर के जदों पिंड दे मुख्ख दरवाजे कोळ पहुंचीआं तां मेरी सस्स रुक गई। मैं सोचिआ पता नहीं की गल्ल हो गई। मेरी सस्स नें पिछ्छे मूंह मोड़के बच्चिआं नूं पुछ्छिआ, कि की कदी तुसीं कोई नवां बंदा नहीं देखिआ? जाओ पुत्त जा के खेहलो। इस तरहां पिछ्छे-पिछ्छे आउंणा चंगा नहीं लग्गदा। मैं पिछ्छे मुड़ के देखिआ तां पिंड दे किंने ही जुआक इकठ्ठे होए साडे पिछ्छे-पिछ्छे आ रहे सन। अते कोठिआं ते खहड़ीआं औरतां वी आपस विच्च गल्लां कर रहीआं सन कि नी इह तां छोटो दी नूंह लग्गदी है। मेरी सस्स मैनूं कलावे विच्च लै के साडे मामे दे घर लै गई। मामा मामी बहुत ख़ुश होए अते आस पास दीआं गुआंढणा वी मैनूं शगन देण आईआं।

मेरी सस्स मैनूं बहुत पिआर करदी सी मैं वी उस नूं हमेशा बी जी कहि के ही बुलाउंदी। मेरा विआह सांझे घर विच्च होइआ सी। कंम वंड के कीता जांदा सी। बी जी दा हमेशा इहो ही यतन हुंदा सी कि उसदी नूंह दे हिस्से आइआ कंम वी ओहो ही कर देवे। सांझे परिवार विच्च चुसतीआं करन वाळीआं शरीकणां नें मैनूं नीवां दखाउण दी कोई कसर नहीं छड्डी। उनहां नें मौका मिळदे ही मेरे नाळ कोई नां कोई चतराई खेड जाणी। मेरी सस्स परछावें वांग सदा मेरे नाळ-नाळ रहिंदी। उस नें होईआं चतराईआं दी सुलघदी धूणी उत्ते सदा ठंडे पाणी दा तरौंका देणा। शरीके दे रंग ढंग समझाउंदिआं मैनूं सदा सांती बणाई रख्खण दी सिख्खिआ देणी। मिळे मिहणिआं निहोरिआं नूं असीं दोहां नें रळ-मिल के चल्ल होऊ कर सड्डणा।

जदों असीं सांझे परिवार नाळों अड्ड होए तां शरीकां नें साडे परिवार नूं हर पासिओं ही वध्ध तों वध्ध रगड़ा लाइआ। पर बी जी नें रोसा करन दी थां सदा ही समें नाळ समझौता कर लैणा अते ख़ुश हो के कहिणा कि शुकर है रब्ब दा! हुण असीं आपणे घर दे आप मालक हो गए हां। आपणी मरज़ी दीआं आप मालक वी मैं कहिणा। बी जी नें कदे वी मैनूं सुत्ती नूं नहीं सी उठाइआ। असीं वी जे किसे पासे जाणा हुंदा तां बी जी तों आगिआ लै के जाणा। उनहां नें आपणे पोते अते पोती नूं रज्ज के पिआर कीता। उनहां नूं काशनी रंग पशंद सी ते मेरे बेटे दे विआह वेळे उनहां नें काशनी रंग दा सूट मंगिआ। दुकानदार नें सानूं काशनी रंग नाळ मिळदे ढेर सारे सैंपल फड़ा दित्ते। पर सानूं लोड़ींदे रंग दा पता नां लग्गे। असीं बी जी कोळों सारे सैंपल लै गए अते उनहां तों पुछ्छके ही उनहां दे पशंद दा सूट लिआ। गल्ल की मैनूं मेरी सस्स दा इतना मोह पिआर सी कि मैं उनहां दे हर बोल नूं खिड़े मत्थे मंनदी सां ते आपणे धंनभाग समझदी सां।

आपणी हड्ड बीती दा वरनण करन लग्गिआं उह आम ही कहिंदी कि उसदी सस्स दा सुभाअ बड़ा ही कैड़ा सी। उसदे नक्क चों सदा ही ठूंहें किरदे अते बुल्ल्हां ’चों फनीअर नाग़ फुंकारदे । उह किसे नां किसे बहाने हमेशा टोका टाकी दा गिल्ला पीहण पाई रख्खदी। मैं पुछ्छणा कि बी जी तुसीं जदों इतना कंम कार करदे सी तां उह किओं टोका टोकी करदी रहिंदी सी? “मेरे करम? मैं आपणे जीवन विच्च कदी सुख्ख दा साह नहीं लिआ पुत्त।” हउका भर के उस नें अग्गे दस्सिआ कि उस दे पहिलां तिंन धीआं पैदा होईआं। शाइद इह तिंन जननीआं जंमण दा ही मेरा वड्डा गुनाह सी। हर अगली धी जंमण वेळे मेरे सिर तूहमतां दा इक्क होर ढेर चाहड़ दित्ता जांदा। जो मेरे लई असहि सी। मैं आप हैरान हां कि इह सारा कुझ्झ मैं सहारिआ किवें। शाइद, ‘जिउंदे रहिण दी चाह!’ दी प्रविरती करके ही होइआ होवे। चौथी वेर तां मैं पक्का सोच लिआ सी कि जे इस वेर वी लड़की नें जनम लिआ तां मैं किसे खूह-टोभे विच्च छाळ मार देणी है। पर दाते दी मरजी इस वेर मेरी गोदी बेटे नें चरन पाए ते इस दा नां रख्खिआ गिआ ‘गुरचरन’।

मैं जदों दी इस घर विच्च आई हां, सच्च कहिंदी हां कि मालक नें कसर कोई नहीं रख्खी। मैं भी बी जी नूं आपणी सकी मां तों वध्ध सतिकारिआ है। बाकी दे सारे जीवन उसदी हर इछ्छा पूरी कीती। कदी वी उसदी आगिआ तों बाहर कोई कंम नहीं कीता। असल विच्च उह है ही बाहळी चंगी सी। जिवें कोई शांनती दी देवी होवे। जदों वी मैं बी जी लई कोई सूट जां जुत्ती लैणी तां उनहां नें सदा ही उस दी सलाघा करनी। शिकाइत करना तां उह जाणदे ही नहीं सन।

घर विच्च जदों वी असीं रसोई दा कंम करनां तां उस नें कहिणा पुत्त तूं शबज़ी बणा लै मैं दुध्ध रिड़क के मख्खण कढ्ढ लैंदी हां। जेकर रोटी पकाउणी तां उस नें कहिणा पुत्त तूं रोटीआं वेल-वेल के तवी उत्ते पाई जा मैं इनहां नूं राहड़ी जांदीआं। साडे घर खेती दा कंम काफी हुंदा सी सो सानूं रसोई दा कंम बहुत करना पैंदा सी। पर बी जी नें कंम तों कदे वी मत्थे वट्ट नहीं सी पाइआ।

इक्क वार मेरी बेटी बी जी नूं कहिंदी बी जी मैं तुहाडा संदूक वेखणा है कि इस विच्च की है। बी जी कहिण लग्गे कि बेटा इस विच्च तां खेस चादरां ही हन। मेरे कोळ किहड़ा कोई टूमां हन। मैं कोळों बैठी बोल पई कि किओं बी जी तुहाडे कोळ गहिणे किओं नहीं हन? तां उह कहिंदी मेरीआं सारीआं टूमां मेरी सस्स नें लै लईआं सन। जदों छोटे दिउर दा विआह होइआ कहिंदी इह सारीआं उस दी घर वाळी नूं पाउणीआं हन। मुड़ के मैं किसे गहिणे दा मूंह नहीं देखिआ।

मैनूं बड़ा दुख्ख लग्गा। मैं इस गल्ल नूं दो तिंन दिन सोचदी रही ते फेर मैं किहा बी जी तुहानूं किहो जिहीआं चूड़ीआं जां वाळीआं चाहीदीआं हन? आपां नवीआं करवा लैंदे हां। मैनूं कहिंदी पुत्त अजे आपां नवें-नवें अड्ड होए हां। तुसीं आपणी कबीलदारी देखो। कोई नहीं जदों चरन दा हत्थ सौखा हो जाइगा इह वी बण जाणगीआं। फेर जदों वड्डी भैण दे बच्चिआं दा विआह आइआ असीं उत्थे नानक छक्क जाणा सी। बी जी दी फरमाइश सी कि आपां वधीआ जेही नानक छक्क लैके जाणी है। मैं किहा बी जी हुण तुसीं वी चूड़ीआं करवा लवो। बी जी कहिंदे ठीक है। पर किसे मंग लई उस नें कदे वी सानूं तंग नहीं कीता। बाकी जो कुझ्झ वी हुंदा सी साडी दोहां दी रजामंदी नाळ ही हुंदा सी।

इक्क वार मैनूं कहिंदे पुत्त आह अलमारी खोल्ह। खोल्ही तां उस विच्च काफी सारे नोट पए सन। मैं सारे कढ्ढ के अते तरतीब विच्च कर के उनहां नूं दे दित्ते। मैनूं कहिंदे इह तूं रख्ख लै। मैं किहा बी जी इह तुसीं ही रख्खो। भैणां (मेरीआं नणदां) तुहानूं मिलण आउंदीआं हन, इनहां विच्चों उनहां नूं दिंदे रिहा करो। कहिंदे कि पुत्त! नूंहां, धीआं नाळों बहुतीआं पिआरीआं अते नेड़े हुंदीआं हन। मैं हैरान रहि गई। जीवन विच्च इह मैं पहिली वेर सुण रही सां कि नूंहां धीआं नाळो …।

बी जी सारिआं दी ही बहुत इज्जत करदे सन। चाहे उह मेरे रिशतेदार होण जां दूर नेड़े दे कोई होर। मैनूं बी जी मेरे पती दी मां नहीं सगों मेरी आपणी मां ही लग्गदे सन। मेरे पती दा सुभाअ कुझ्झ सखत ते टोका टोकी करन वाळा है। उह मैनूं इकल्ली नूं ही नहीं टोकदे, सगों बी जी नूं वी कुझ्झ नां कुझ्झ बोल दिंदे सन। जदों मैं अते बी जी नें इकठ्ठीआं बैठे होणा जा कुझ्झ करदे होणा ते मेरे पती नें उत्थे आ जाणा तां मैं कहिणा लउ बी जी आपणी दोहां दी सस्स आ गई। बी जी नें अग्गों हस्सण लग्ग जाणा।

जदों मैनूं, मेरे पती अते दोवें बच्चिआं नूं पुआइंट सिसटम दे अधीन कैनेडा दी पी.आर मिळ गई। मेरे कहिण उत्ते असीं नाळ बी जी दा वी विजटर बीज़ा लवा लिआ ते उह साडे नाळ ही कैनेडा आ गए। बी जे नूं मेरे बेटे नें कैनेडा विच्च चंगा घुमाइआ फिराइआ। इक्क दिन बेटे दा पेपर सी। बी जी नूं मै ् इकल्ली ही सटोर लै गई। बी जी कहिंदे मेरे कोळों तुरिआ नहीं जाणा। कुदरती गेट उत्ते इक्क गोरी आपणी जौब उत्ते खहड़ी सी। मैं उस नूं बेनती कीती तां उस नें सानूं इक्क वहील चेअर लिआ दित्ती। सारा सटोर चंगी तरहां नाळ असीं घुंम फिर के देखिआ जो समान लैणा सी लिआ। उसे गेट ते आ के उसे गोरी कोळ असीं वहील चेअर वापिस कर दित्ती ते बी जी उस नूं कहिंदे, “आप का बहुत धंनवाद”। मैं हस्स के किहा कि बी जी इह गोरी है इह तुहाडी भाशा नहीं समझदी। तां कहिंदे चल्ल पुत्त कोई नां मेरी भावना उसनूं जरूर समझ आ गई होवेगी। कुझ्झ समें पिछ्छों असीं दोवें ही इंडीआ वापिस आ गईआं।

साडे बापू जी (मेरे सहुरा साहब) सुभाअ पख्खों कौड़तूंबे दे वड्डे भरा सन। बस्स, इक्क करेला दूजा निंम चहड़िआ। मैं कई वार पुछ्छणा कि बी जी तुहाडा रिशता इनहां नाळ किस नें करवाइआ सी? उनहां दस्सणा कि मेरी भैण नें पुत्त, तुहाडी मासी नें। नाळ ही इह वी सुणा देणा कि आप तां डुब्बी सी नाळ मैनूं वी लै बैठी बेहे पाणी विच्च। उस नें इह मुहावरा आम ही वरतणा, ‘तंग जुत्ती नाळों नंगी चंगी, कब्बे खसम नाळों रंडी चंगी।’ फेर असीं दोहां नें हस्स पैणा। मैं सोचणा कि बी जी नें आपणे पती नाळ किहड़े हाळीं वकत-कटी कीती होवेगी?

सच्ची गल्ल तां इह है कि मैनूं बी जी दा पिआर बहुत मिलिआ ते रज्ज के मिलिआ। 2013 विच्च उह थोहड़ा बीमार रहिण लग्ग पए। कुझ्झ कु दिनां पिछ्छों उनहां नूं आकसीजन देण दी लोड़ पै गई। थोहड़े दिन हसपताल रख्खण पिछ्छों डाकटर कहिंदे इनहां नूं घर लै जावो उत्थे ही आकसीजन ला दिआ करो। हुण इह अग्गे नाळों ठीक हन। मैनूं उनहां दिनां विच्च आपणी बेटी दे बच्चे संभालण लई कैनेडा जाणा पै गिआ। मजबूरी बस मैनूं जिआदा समां कैनेडा विच्च ही लग्ग गिआ। मैं तां छेती तों छेती आपणी बीमार बी जी कोळ मुड़ आउणा चाहुंदी सी। पर नां मुड़ होइआ। इसे समें विच्च बी जी पूरे हो गए। मैनूं कैनेडा फोन आइआ मैं बहुत रोई। वड्डा दुख्ख तां मैनूं इसे गल्ल दा सी कि अखीरले समें मैं बी जी दे कोळ नहीं सी। मैं किहा कि मेरे इंडीआ आई बिनां बी जी दा ससकार नां करिओ।

मैं गई तां उनहां दा ससकार होइआ। बी जी तों बिनां मेरा दिल बिलकुल्ल नां लग्गिआ करे। मैं इकल्ली बैठी नें रोंदे रहिणा। इक्क दिन मेरा पती कहिंदा कि मैं किओं रोई जांदी हां। रोण नाळ किहड़ा बी जी नें मुड़ आउणा है। सगों तूं आपणे सरीर नूं वी कोई रोग ला लवेंगी। मैं किहा कि बी जी मेरीआं सोचां तों पल भर लई वी दूर नहीं हुंदे। की करां। इह किहड़ा मेरे बस विच्च है। मेरे पती नें मैनूं मैडीसन लिआ के दित्ती तां किते जा के मैनूं थोहड़ा चैन आइआ। मैं तां सदा इहो ही अरदास करदी हां कि बी जी दा वासा सुवरगां विच्च होवे।

मैं लोकां नूं बहुत वेर कहिंदिआं सुणिआ है कि जे फेर जनम मिळे तां मैनूं मेरे इस पती वरगा ही फेर पती मिळे। पर मैं अरदास करदी हां के मैनूं जे फेर जनम मिळे तां मैनूं मेरी इसे बी जी वरगी ही सस्स मिळे। हुण जदों कि मैं इह सतरां लिख रही हां तां मुड़ के बी जी दा वैराग जाग पिआ है। मेरीआं अख्खां बे रोक परल-परल वग रहीआं हन। थंमण दा नां ही नहीं लै रहीआं…। ओह बी जी!