पंजाब दे पुलिस विभाग नें दाअवा कीता है कि पिछले दस महीनिआं विच्च 13.62 करोड़ दी डरग्ग मनी फड़ी गई है। नशा तसकरी दा धंदा करन वालिआं दी 200 करोड़ दी संपती ज़बत कीती गई है। 7086 तसकरां उत्ते केस दरज करके उनहां नूं जेल्ह भेजिआ गिआ है। 780 किलोग्राम हैरोइन, 860 ग्राम अफीम, 357 कुइंटल भुक्की अते 290 करोड़ दीआं नशीलीआं दवाईआं फड़के नशिआं दी रोकथाम लई यतन कीता गिआ है।

गंभीर प्रशन साडे साहमणे आउंदा है कि इक्क पासे तसकरां दी ग्रिफतारी अते उनहां कोल बरामद नशिआं दे अंकड़े साहमणे आउंदे हन, पर दूजे पासे औसतन हर छे घंटिआं बाअद इक्क नशई दा सिवा बलदा है। पीड़त लोक दुहाईआं पा रहे हन कि नशिआं दी शरेआम विकरी नें जित्थे सिविआं दी अग्ग नूं प्रचंड कीता है, उत्थे ही लोकां दे चुल्ल्हे ठंढे, चिहरिआं दी रौणक गुंम अते सत्थां सुंनीआं हो रहीआं हन। जेकर पंजाब दे विहड़े सुख्ख हुंदी तां लोकां दे चिहरिआं ते चिंता दीआं रेखावां नां हुंदीआं। नशे दी ओवरडोज़ नाल किते झाड़ीआं विच्च डिगी नौजवान दी लाश, किते खेड सटेडीअम विच्च नशिआं दी भेंट चहड़िआ नौजवान गभ्भरू, किते मापिआं दा इकलौता पुत्त पिंड दी फिरनी ’ते मूधे मूंह डिगिआ पिआ, किते बाथरूम विच्च नशे दी सरिंज नाल विंनहिआ बेहोश नौजवान ज़िंदगी अते मौत विचकार लटक रिहा है। मारू दुखांत इह वी है कि पंजाब दीआं बहुत सारीआं कुड़ीआं वी नशे दी लत दा शिकार होके बरबादी दे राह तुर पईआं हन। इस पख्ख तों सोशल मीडीआ अते प्रिंट मीडीआ विच्च प्रकाशित खबरां मन नूं झंजोड़ दिंदीआं हन।

दुखांतक पख्ख इह वी है कि नशा राजसी लोकां लई सत्ता प्रापती दा साधन ही बणिआ है। हर इक्क राजनीतक पारटी नें विधान सभा दीआं चोणां विच्च मुद्दा बणा के उभारिआ अते सत्ता प्रापती लई साधन बणाके लोकां दीआं भावनावां नाल खेडिआ। अंदाज़न साढे चार दहाकिआं तों पंजाब दे लोक नशे दा संताप झल्ल रहे हन अते राजसी आगू वाअदिआं अते लारिआं नाल राज सत्ता दे पाविआं नूं मज़बूत कर रहे हन। भारत दे प्रधान मंतरी हुरां नें वी 2014 विच्च ‘मन की बात’ रेडीओ वारता समें पंजाब दी इस दुखदी रग्ग नूं छेड़के चिंता दा प्रगटावा कीता सी। पर उस समें राज सत्ता ’ते काबज़ पारटी नें इस चिंता नूं गंभीरता नाल नां लैंदिआं नशा सपलाई लई बी.ऐस्स.ऐफ्फ नूं दोशी ठहिराउंदिआं केंदर सरकार प्रती रोस दा प्रगटावा करदिआं सरहद्द ’ते धरना दे दित्ता। दलील इह दित्ती गई कि नशा सरहद्द पार तों आउंदा है अते इसदी रोक थाम बी.ऐस्स.ऐफ्फ नें करनी है। किउंकि बी.ऐस्स.ऐफ्फ केंदर सरकार दे अधीन है, इस लई पंजाब विच्च नशिआं दी सपलाई रोकणा केंदर सरकार दी ज़िंमेवारी है। राज सत्ता वाली पारटी नें नशे दे मुद्दे ते गेंद केंदर सरकार दे पाले विच्च सुट्ट दित्ती, पर विरोधी धिर नें उनहां दे धरने दा सिआसी लाहा लैंदिआं इह नाअरा बुलंद कर दित्ता:

जो धरना लाउंदे बारडर ’ते,

उह नशा वेचदे आरडर ते।

दोनां राजसी पारटीआं नूं पंजाब दे लोकां दी कख्खों हौली अते पाणीउं पतली सथिती दी कोई चिंता नहीं, नशिआं कारन जवानी दे घाण दा कोई फिकर नहीं। पंजाब दी आरथिक, समाजिक, मानसिक अते बौधिक कंगाली प्रती गंभीर होके सोचणा वी मुनासिब नहीं समझिआ। हां, वोट बैंक किंज पक्का करना है, इसदी विउंतबंदी करदे रहे। मरहूम शाइर सुरजीत पातर नें इनहां काविक बोलां राहीं सिआसी सोच वालिआं दी सही तरज़मानी कीती है:

चोण निशान सिवा है साडा,

इस नूं बुझण नां देईए।

जदों तक उह लाशां गिणदे नें,

आपां वोटां गिणीए।

सिआसी लोक इस गंभीर मुद्दे ’ते सिआसी रोटीआं सेकदे रहे, पर लोकां दे घरां अंदर विछे सत्थरां ’ते इह प्रशन धुखदे रहे कि इह किहो जिहा विकास है, जिस नें लोकां दे अत्थरूआं विच्च वाधा करन दे नाल नाल सिविआं वल्ल जांदी भीड़ विच्च निरंतर वाधा कीता है। 2017 विच्च पंजाब दीआं विधान सभा चोणां विच्च कैपटन सरकार नें इस मुद्दे नूं उभारिआ। गुटका साहिब ’ते हत्थ धरके पंजाब नूं नशा मुकत करन दा द्रिहड़ संकलप दुहराइआ। सता प्रापती उपरंत उनहां अपरैल 2017 विच्च ऐस्स. टी.ऐफ्फ दा गठन कीता। छत्तीसगहड़ तों विशेश तौर ’ते इस मंतव लई इमानदार पुलिस अधिकारी श्री हरप्रीत सिध्धू नूं लिआके ऐस्स.टी.ऐफ्फ दा मुखी लाइआ। उसने कुझ महीनिआं अंदर ही नशा तसकरी करन वाले वड्डे मग्गरमछ्छां नूं ग्रिफतार कर लिआ। पर जदों उस दी कारगुज़ारी विच्च पुलिस दे वड्डे अधिकारी अते सिआसतदान साहमणे आए तां इक्क खलबली जिही मच्च गई। नशे दे वड्डे तसकर, राजसी नेता अते कुझ पुलिस अधिकारीआं दी मिलीभुगत नाल श्री हरप्रीत सिंघ सिध्धू नूं ऐस्स.टी.ऐफ्फ दे मुखी वाली पोसट तों लांभे कर दित्ता गिआ। इंज नशिआं दा लक्क तोड़न दी थां लक्क नूं होर मज़बूत करन वाला इह कदम पंजाबीआं लई ‘काले दिन’ वजों याद रहेगा। हरप्रीत सिध्धू दी कारगुज़ारी चार सीलबंद लिफाफिआं विच्च सिमट के रहि गई।

2022 दीआं विधान सभा चोणां विच्च इह मुद्दा फिर उभ्भरिआ। लोक भ्रिशटाचार अते नशे दे मुद्दे कारन कांगरस पारटी अते अकाली पारटी तों दुखी वी सन अते निरास वी। लोकां दीआं दुखी भावनावां नूं वाअदिआं, दाअविआं अते गरंटीआं राहीं तीजी पारटी आम आदमी पारटी नें कैश करन विच्च कोई कसर नहीं छड्डी। तिंन महीनिआं विच्च पंजाब नूं नशा मुकत करन, भ्रिशटाचार दीआं जहड़ां पुट्टण अते नौजवानां नूं रुज़गार देण दीआं गरंटीआं दे झांसे विच्च लोक फिर आ गए। आम आदमी पारटी नूं भारी बहुमत नाल जिताइआ गिआ। आम आदमी पारटी दी सरकार नूं होंद विच्च आइआं अंदाज़न तिंन साल हो चल्ले हन। इक्क पासे पंजाब सिर करज़े दी पंड होर भारी होई है अते दूजे पासे नशे समेत बहु-पख्खी समस्सिआवां कारन पंजाब दी सथिती इंज है जिवें गुबारा अणगिणत सूईआं दी नोक ’ते खहड़ा होवे। करज़ाई पंजाब सरकार आपणे खरच दा 11-12% सिख्खिआ ’ते खरच कर रही है जदों कि दूजे सूबे औसतन 15-16% इस अहिम कारज ’ते खरच कर रहे हन। बज्जट विच्च सिहत सेवावां लई कुल्ल बज्जट दा 4% रख्खिआ गिआ है, जदों कि दूजे सूबे औसत 5.5% खरच कर रहे हन। पेंडू खेतरां दे विकास लई पंजाब सरकार वल्लों 2-3% बज्जट रख्खिआ है, जदों कि इस खेतर विच्च होरां सूबिआं वल्लों बज्जट दा औसत 6-7% रख्खिआ गिआ है। इस तरहां ही सड़कां अते पुलां दे निरमाण लई कुल्ल बज्जट दा 1-2% रख्खिआ गिआ है पर दूजे सूबिआं नें इस कारज लई बज्जट दा औसत 4-5% रख्खिआ गिआ है। मौजूदा सरकार समें पंजाबीआं सिर हर साल अंदाज़न तीह हज़ार करोड़ दा करज़ा चहड़ रिहा है।

8 नवंबर, 2024 नूं लुधिआणा लागे पंजाब दे 19 ज़िल्हिआं दे 10,031 सरपंचां नूं सहुं चुकाउंदिआं आम आदमी पारटी दे सुपरीमो नें आपणे संदेश विच्च पंजाब विच्च नशिआं दी गंभीर समस्सिआ नूं हल्ल करन लई सरपंचां नूं प्रेरना दिंदिआं किहा है कि उह इस गंभीर समस्सिआ ’ते काबू पाउण लई अग्गे आउण अते नशा मुकत समाज सिरजण लई सिरतोड़ यतन करन। जदों स्री केजरीवाल इह शबद बोल रहे सन, उस समें घुसर-मुसर इह वी शुरू हो गई सी कि जेकर सरपंचां ’ते ही इह ज़िंमेवारी पाउणी है, फिर 2022 विच्च कीता गरंटी वाला इह वाअदा कि तिंन महीनिआं दे अंदर-अंदर पंजाब विच्चों नशा खतम कीता जावेगा, उस वाअदे दा की बणिआ? दूजे पासे 15 अकतूबर, 2024 दीआं पंचाइत चोणां विच्च सरपंची प्रापत करन लई दो दो करोड़ दी बोली, धक्केशाही, सिआसी दख़ल अंदाज़ी, उमीदवारां दे चोणां नाल संबंधित कागज़ पाड़ने, ऐन्न.ओ.सी. देण विच्च सरकारी रुकावटां, लुट्ट तंतर, कुट्ट तंतर अते कूटनीतक तंतर भारू रिहा। अठ्ठ सौ तों वध्ध पटीशनां हाई कोरट विच्च पाईआं गईआं। हुण मानयोग सुपरीम कोरट दी इह टिप्पणी कि पंजाब विच्च अंदाज़न तिंन हज़ार सरपंचां दा सरबसंमती नाल चुणे जाणा ‘हैरानीजनक’ है। 21.11.24 नूं विजीलैंस बिउरो फिरोज़पुर नें इस शहिर दे नहिरी विभाग दे ऐस्स.डी.ओ. अते खेतीबाड़ी विभाग दे सबइंसपैकटर नूं ग्रिफतार कीता है, जो पंचाइत चोणां विच्च करमवार रिटरनिंग अफसर अते सहाइक रिटरनिंग अफसर वजों नियुकत सन। दोनां नें इक्क पिंड दे सरपंची दे उमीदवार तों पंदरां लख्ख रुपए रिशवत वजों लए सन। भला इहो जिहे सरबसंमती नाल जां वोटां राहीं चुणे गए सरपंच पिंड दा मूंह मत्था संवारन दे नाल नाल नशा मुकत समाज सिरजण लई किहो जिही भूमिका निभाउणगे? इह इक्क गंभीर प्रशन है। हां, पंजाब दीआं कुझ पंचाइतां नें आपणे आपणे पिंडां नूं नशा मुकत करन लई द्रिहड़ संकलप दा प्रगटावा कीता है अते इह इक्क शुभ संकेत है।

जेकर लोकां दे भरवें सहियोग, पंचाइतां दी सुहिरद भावना अते सरकार दी द्रिहड़ इछ्छा शकती दा आपस विच्च सुमेल नां होइआ तां नशिआं कारन सिविआं दी प्रचंड अग्ग मध्धम होण दी थां होर तेज़ होवेगी। रब्ब ख़ैर करे!

* * * * *