ओ सिख रूप वाले वीरा! ओ सिख अखवाण वाले वीरा! दरबार साहिब दी पूजा छड्ड के देख; तेरा आतम रस दा सिर जुदा हो जासी। समें दा परिवरतन, तेरीआं दलीलां, अपीलां, तजवीज़ां, बनावटां, सलाहां, मशवरिआं, तरकीबां, अकलां, असूलां नूं खा जासी। तेरीआं बणाईआं सुसाइटीआं सभावां विच की रख्खिआ है? काल दे चक्करां नें बुध्ध जिहिआं दीआं जथेबंदीआं, ईसा जिहिआं दीआं उपदेशक टोलीआं दा अंग अंग कर सुट्टिआ। आ! समझ जा! कौमां की ते आदमी की, टब्बर की ते मुलक की, आतमा दा बचाऊ तां केवल धिआन विच है; मंनण विच है, विशवास विच है; इकागरता विच है; पिआर विच है; दरशन विच है। जीवन खुल्ल्हदा मरकज़ वल्ल निगाह करन नाल है। जीवन दे आदरशां, भेतां दा पता ते जीवन दा अनंत विसतार मरकज़ दे प्रकाश नाल हुंदा है। साडीआं चलाकीआं मौत हन। साडी अकल कंध थीं बाहर नहीं देख सकदी। असीं बिनां कलग़ीआं वाले दे धिआन दे की कर लैणा है? तूं, तूं, तूं, तूं! दरबार साहिब थीं विछ्छड़, ते देख; औह तूं सतिगुरां दी झोल विच्चों टुट्टा, ढठ्ठा ते औह हेठ रसातल। कौम! कौम! इह केही बेमाअने कूक है? सतिगुरां दा धिआन दिल थीं बाहर ते कौम दा ख़िआल? हां जी, ख़िआल मातर दा शनय धिआन हर इक दे दिल विच? याद रख्ख! सिख्खी तेरे दिल विच्चों उठी जाण। जद `कौम` तरफ़ वड़िआ, `वाहिगुरू दे सिंघासन नूं चुक्किआ जाण। हरिमंदर दा पिआर उठ्ठण दी देर है ते बस; जाह! गठ्ठे बंनह कौमां दे। पर अख्ख खोहलसैं तां देखसैं कि पत्थरां दी मुठ्ठ नूं रेत दी रस्सी नाल बंनह रिहा एं, होर कुझ नहीं। धिआन बिनां मनुख्ख बावला है। इह बावला कदी कुत्तिआं नाल, कदी कंडिआं नाल आपणे आप नूं लड़ा लड़ा आपणे रूह नूं फाड़दा है। कलगीआं वाले नें सिख्खां नूं हरिमंदर दे धिआन अर पिआर विच बध्धा है। छोछी दलीलबाज़ी आई ते हरिमंदर इक संगमरमर दी इमारत रूप दिसी। पुरातन इतिहास विच साडे वड्डिआं नें इस दे पिआर विच की की नहीं वारिआ? उह वारता चेते कर, इक सिंघणी भुझंगी नूं नाल लिआ रही है, दीवान कौड़ा मल्ल जी वरजदे हन :
“माई! नां जा, मारी जासें; तुरकां नें अज्ज सभ सिंघ, जो इथे इकठ्ठे होणगे, मार देणे हन।”
“वीरा! वरज नां, रसता छड्ड; मर जासा तां भला होसी, जिंद सतिगुरां दी हज़ूरी विच भेट हो जासी; इस नकारे सरीर दी ख़ातर बेमुख होवां?”
“माई! तैनूं आपणे आप नाल तां पिआर नहीं, पर इस बच्चे पर तां तरस कर, इह तां मसूम बालक है।”
“वीरा! तरस कीता है तां ही नाल लै के आई हां, इह मेरे नालों विछ्छड़ के बेमुख हो जावे, सच्चखंड विच नां जा सके?”
इह माई दरबार साहिब नूं मंदिर जाण के नहीं जा रही सी, पर उथे भरे आतम रस दी भंवर हो के लिवलीन होण जा रही सी। पिआर नाल मुकाबला करो तां अंम्रितसर नूं छड्ड के बिनां किसी खोह दे, बिनां किसी डब्ब दे, गोते दे, अग्गे पिछ्छे गड्डी गड्डे विच बैठे असीं चले जांदे हां। गुरू दा पिआर, दरबार साहिब दी भगती साडे शबदां दे ख़ाली जैकारिआं ते घुण खाधीआं अरदासां तक है। साडा असली पिआर सुक्कीआं इट्टां नूं सिख भरा आख आख के गले लाउण दा पिआर है। आपणी अकल दी नींह `ते इक नवीं कौम सुरजीत करन दा भूत सिर `ते चहड़ रिहा है। अकल प्रधान है। मनमुख्खता पीर है, ते सभ्भ थीं वध्ध हासे दी गल्ल इह है कि असां सारिआं नूं आपणी अकल दे बणाए बुत्तां दे पिआर भगती ते धिआन दे नाना रंग सिख्खी दिस रही है। भाई गुरदास दी आवाज़ दी थावें अज्ज अणजाण मुंडे प्रधान हन। हर कोई आपणी अकल नूं अमली तरहां सभ थीं वड्डा गिण रिहा है। धरम पर आप खड़े होण दी थां धरम नूं आपणी अकल दी चुंझ पर ठहिराउण दी कर रहे हां। मैं इस गल्ल दे कहिण विच बिलकुल माफ़ी नहीं मंगदा कि `सिंघां दे अज्ज कल्ल्ह दे निंदा ते दलीलबाज़ी ते आपणी अकल दी सिख्खी ते भरोसे थीं साफ़ लभ्भदा है कि असां उपर अज्ज-कल्ल्ह उस नीचता दी जित्त है चुक्की जापदी है, जिस दा नां लैण `ते रूह नहीं करदा। जे इही हाल रिहा ते असीं नां संभले, तद जाणो असीं मोए, बेहोश होए, अज्ज भी नहीं ते कल्ल्ह भी नहीं।
सिख दा दिल तां आतमिक सुहणप्प दा भुख्खा है ते उस दी भुख्ख अनंत है। सारी कुदरत ते उस दीआं सारीआं सुहणीआं मूरतां उस नूं रिझा नहीं सकदीआं। हे वीरो! दरबार साहिब अदब नाल आओ, आतम रंग माणो। हुण वाली अभगत ते अशरधक यातरा दा तिआग करो। बाज़ां वाले मालक दा इह मंदिर है। इथे उस दी लोअ है। इह तुसाडी तवारीख़ी अमर दुनीआ है। साडी माली गरीबी अथवा आतमिक बेहोशी करके जो गुरदुआरा समाइआ, उह हरी मंदिर आइआ। जद कदी अनंदपुर साहिब दी कोई इट्ट गिरी, उह इथे आण लग्गी। जद कदी सतिगुरां दे चरन रज दी पवित्तर धरती लोप होई, ओह इस हरी मंदिर विच आण प्रगटी। साडा सभ कुछ जे गंम हो जावे, तद इथे मिल पवेगा। हां जी! इथों तक कि सतिगुरां दस जामे जिहड़े बाबा जी नें पाए ते उतारे ते साडी द्रिशटी थीं ग़ाइब होए, उह इथे मिलदे हन। सतिगुरां दी नित्त अवतारी देह दे दीदार इथे हुंदे हन।
इह साडा वतन है; हरी मंदिर साडा सच्चा देश है। साडा घर है। किसी नूं कौम इकठ्ठ दी ख़ुशी, किसी नूं मुलकगीरी दा कंम, किसी नूं मंदिर-माड़ीआं उसारन दी चाह, धन दे अंबारां दा लालच, किसी नूं ज़मीनां दा चाअ, खेती दी मलकीअत दा भरोसा, किसी नूं हुकम दा नशा। पर साडा सभ कुछ इह हरी मंदिर, इस विच वस्सदे प्रभाव दे असीं भौरे। बस, इहो साडी आतम जाइदाद, सभ दी इकठ्ठी, सांझी ते मुड़ मुड़ आपणी। बस असीं इस निक्की जिंद दी टुकड़ी करके अमीर-फ़कीर, साडा लोक-प्रलोक इह, साडी कौम इह, साडा दिल इह। हरिमंदर दा पिआर, हरिमंदर दे आतमिक झंडे दी मानसिक ताबेदारी, इह साडा राह, जप, पाठ पूजा ते ‘वाहिगुरू’ ‘वाहिगुरू’ करना इह साडा जीवन मनोरथ है। पंछी नां किसी दे वैरी ते नां किसे दे मित्तर। कणक दे दाणे साडा खाणा है ते हरी कीरतन, नेक किरत, शुकर: निरवैर, निरमोह, सभ दी सेवा इह साडी दिन चरिआ। कलग़ीआं वाले दे गगन विच दिन रात उडारी, इह साडा चाअ, अहंकार, कौमीअत। बाकी इनहां आदरशां थीं छुट्ट साडे लई सभ कूड़। इह अवसतू सच्ची ते माइआ आछादित मन दीआं मंनीआं ठोस वसतू सभ कूड़, अवसतू।