11

सिंघां दी बैरक विच संतरी दी दाहड़ी खुल्ल्ही सी। वरदी दी थां उस नें हलके नीले रंग दा कुड़ता-पजामा पाइआ होइआ सी। पैरीं तिल्लेदार जुत्ती सी। उह ख़ाली हत्थ सी। बैरक विच संतरी दा अते संतरी कोल बंदूक दा होणा ज़रूरी सी। इह संतरी सी जां कोई सिंघ, मीता इह समझण दा यतन करन लग्गा।

संतरी नें मीते नूं गेट कोल खहड़ाइआ अते आप काग़ज़-पत्तर लै के मुनशी दे दफ़तर जा वड़िआ।

विहला खड़ा मीता आपणी नवीं रिहाइश दा जाइज़ा लैण लग्गा।

हुण तक मीता कई जेल्हां गाह चुक्का सी। बहुतीआं बैरकां दे विहड़े विरान अते रड़े मैदान हुंदे सन। विहड़े बणदे तां कैदीआं दे सैर-सपाटे अते खेल-कुद्द लई सन, पर सहूलतां दी घाट कारन उह इह कंम घट्ट-वध्ध ही आउंदे सन।

पर इस अहाते दे रंग निआरे सन। बैरकां वाली बाही नूं छड्ड के तिंनां पासिआं दीआं दीवारां दे नाल छांदार दरख़्ख़त सन। दरख़्ख़तां दे नाल-नाल सैर लई तिंन फ़ट्ट चौड़ी सीमिंट दी पटड़ी सी। बाकी बचदे विहड़े विच अमरीकन घाह सी। घाह दे मैदान नूं दो हिस्सिआं विच वंडिआ गिआ सी। इक हिस्से विच वालीबाल दा नैट्ट सी अते दूजे विच बैडमिंटन दा। इक कोने विच कुशती लई छोटा जिहा अखाड़ा सी।

आरज़ी रसोईआं वाले कमरिआं नूं बतौर सटोर वरतिआ जा रिहा सी। सटोरां विच देसी घिओ दे पीपे, सुक्के दुध्ध दे डब्बे, आटे दे गट्टे, वेसण दीआं थैलीआं, मसालिआं दे पैकट अते होर निक्क-सुक्क पिआ सी।

 

कुझ देर बाअद संतरी मुड़िआ अते बाहों फड़ के उस नूं मुनशी कोल लै गिआ।

पीले पटके, खुल्ल्ही दाहड़ी अते सरबलोहे दे मोटे कड़े वाले मुनशी दीआं अख्खां सूहीआं सन। पारखूआं वांग उह मीते नूं सिर तों पैरां तक घोखण लग्गा।

अजीब ढंग नाल हो रही इस पड़ताल नें मीते नूं धुर अंदर तक हिला दित्ता। कड़िक्की विच फसिआ उह मन ही मन लाभ सिंघ नूं गाल्हां कढ्ढण लग्गा।

“अछ्छा, तूं हैं मीता) फिरौती वसूलण लई बच्चिआं नूं अगवा करन वाला। फिरौती नां मिलण ’ते उहनां नूं मारन वाला। इक ख़ूंख़ार अत्तवादी। सानूं पता है, नां तूं बंटी नूं अगवा कीता है, नां उस नूं मारिआ है। सानूं इह वी पता है, तूं साडा सिंघ नहीं, पर किउंकि अदालत नें तैनूं सिंघ घोशित कीता है, इस लई इस बैरक विच तेरा सवागत है।”

खड़ा हो के पहिलां मुनशी नें मीते दी पिठ्ठ थापड़ी, फेर हत्थ फड़ के उस नूं बैरक अंदर लै गिआ।

बैरक अंदरला माहौल इक चंगे गुरदुआरे नाल मिलदा-जुलदा सी। ताज़ी होई सफ़ैदी कारन कंधां चमक रहीआं सन। सारीआं कंधां उपर गुरूआं दीआं वड्डीआं फ़ोटोआं लग्गीआं होईआं सन। विचकारली ख़ाली थां उपर गुरबाणी दीआं तुकां उक्करीआं होईआं सन। किधरे ‘जबै बाण लागिओ तबै रोस जागिओ’, किधरे ‘सवा लाख से एक लड़ाऊं’ अते किधरे, ‘पुरजा पुरजा कटि मरे कबहू नां छाडै खेत’ दा महांवाक हवालातीआं नूं संघरश लई प्रेर रिहा सी।

बैरक दे इक थहड़े उपर दरीआं विछीआं होईआं सन। दरीआं उपर सफ़ैद चादरां सन। चादरां उपर गावे सन। थहड़े दे अख़ीर ’ते गद्दी सी। गद्दी उपर जथेदार बैठासी।

जथेदार संतां वाले भेस विच सी। उस दे चिहरे उपर शांती अते अख्खां विच नूर सी। मीता कौण है अते उस नूं इस बैरक विच किउं भेजिआ गिआ है? इस बारे उस नूं पहिलां ही पता सी।

सतिकार वजों मीते नें जथेदार अग्गे सिर झुकाइआ।

आपणा सज्जा हत्थ उतांह चक्क के जथेदार नें उस नूं अशीरवाद दित्ता।

“जेल्ह वालिआं नें तैनूं इथे मुशक्कती बणा के भेजिआ है, पर असीं तैनूं मुशक्कती नहीं समझदे। तूं साडा भरा हैं। असीं सरकार दे फ़ैसले ’ते फुल्ल चहड़ावांगे। तैनूं पूरा सिंघ सजावांगे। तेरे हत्थ सटेनगंन फड़ावांगे।”

“पहिलां आपणीआं भैड़ीआं आदतां छड्ड। नितनेम करना सिख्ख। हाले तूं लांगरी नाल रहि। जो आखे उह कर।”

“सति बचन” आख के मीते नें हुकम सवीकार कीता।

जथेदार दा हत्थ हेठ हुंदिआं ही उस कोल बैठा इक सिंघ उठिआ अते मीते नूं लंगर वल्ल लै तुरिआ।

 

जदों उह लंगर विच वड़े, लांगरी भांडे मांज रिहा सी।

मीते दे खानिउं गई। जापदा सी लंगर मसताना हो चुक्का है।

लांगरी दा हुलीआ देख के मीता इक वार फेर भंबल-भूसे विच पै गिआ।

उस दी उमर चाली दे करीब सी। शकल सूरत तों उह निपाली जापदा सी। मूंह ’ते दाहड़ी मुछ्छ नहीं सी, पर सी उह पूरन सिख्खी बाणे विच।

“पहेलीआं फेर बुझ्झ लवांगे। पहिलां पेट दी अग्ग बुझाईए।”

सोचदे मीते नें आपणी जाण-पहिचाण कराउण वरगी कोई उपचारकता निभाए बिनां लांगरी कोल अरज़ोई कीती।

“बाबिओ, भुख्ख लग्गी है। कुझ खाण नूं मिलू?”

“ज़रूर मिलू। आपां हुणे बणाउंदे हां। ओना चिर आह कड़ाह प्रशाद छको।”

आखदे लांगरी नें सटील दे इक वड्डे डोलू दा ढक्कण खोल्हिआ, उस विचों कड़ाह प्रशाद कढ्ढ के लोहे दे इक बाटे विच पाइआ अते उस अग्गे परोस दित्ता।

बाटे ’ते टुट्टण तों पहिलां मीते नें दोवें हत्थ जोड़ के रब्ब दा शुकर कीता।

ढिड्ड भरन बाअद उस नें रब्ब जिंना ही लाभ सिंघ दा धंनवाद कीता। उसे दी किरपा नाल अज्ज उस नूं ज़िंदगी विच पहिली वार छत्ती प्रकार दा भोजन नसीब होइआ सी।

 

 

12

भुख्ख नालों वध्ध खा जाण कारन पाले नूं भस्स डकार लग्गे होए सन। फेर वी उह, उस अपार किरपा लई लाभ सिंघ नूं असीसां दे रिहा सी। नौकरां वाले कमरे ’च, साफ़-सुथरे बिसतरे ’ते पिआ उह मीते नूं वी याद कर रिहा सी। कल्ल्ह चक्कर विच उस नूं लाभ सिंघ नें ठीक ही किहा सी। “रात नूं जदों ढिड्ड भर के सौवांगे तां तुहानूं असीसां देवांगे।”

पाला कई बैरकां विच पैड़ां पा चुक्का सी, पर जेल्ह विच कोठी अते कोठी विच महाराजिआं वरगे कैदी उस नें पहिली वार देखे सन।

पुछ्छण ’ते पता लग्गा कि इस कोठी दा निरमाण, ऐमरजैंसी दे दिनां विच फड़े उच्चकोटी दे नेतावां नूं नज़रबंद करन लई कीता गिआ सी। नेतावां दी सुविधा नूं धिआन विच रख्खदिआं इस इमारत नूं बैरकां दे शोर-शराबे तों दूर इक नुक्कर विच बणाइआ गिआ सी। महिमान कैदीआं दे फ़रार होण दा कोई ख़तरा नहीं  सी, इस लई कोठी दी बाहरली चारदीवारी नौं दी थां चार फ़ुट्ट उच्ची रख्खी गई सी। चिंतन अते खाधा पीता हज़म करन लई नेतावां दा चहिल-कदमीं करना ज़रूरी सी। इस लई कोठी दे बाहर लंबे चौड़े लाअन बणाए गए सन। लाअनां विच गद्देदार घाह अते वंन-सुवंने फुल्ल उगाए गए सन। धुप्प सेकण लई बांस दीआं कुरसीआं सन, जो सारा दिन लाअन विच पईआं रहिंदीआं सन।

कोठी विच चार बैड्डरूम सन।

हर बैड्डरूम विच बाथरूम सी। बाथरूम विच गरम पाणी लई गीज़र सी। नहाउण लई टब्ब अते शावर सी।

इक सांझा डराइंग रूम सी। उस विच तिंन-तिंन सीटां वाले चार सोफ़े सन। विचकार शीशे दा वड्डा मेज़ सी। मेज़ उप्पर ताज़े फुल्लां दा गुलदसता सी। इक पासे शीशिआं वाली अलमारी सी। अलमारी विच सोहणीआं-सोहणीआं जिलदां वालीआं सैंकड़े किताबां सन। अख़बार सन, रसाले सन। दीवार उपर नहिरू, गांधी अते सुभाश दीआं तसवीरां सन।

 

कईआं सालां तों राजनीतिक माहौल शांत सी। नेतावां दी फड़-फड़ाई बंद सी। उचित कैदीआं दे नां होण कारन कोठी बंद सी। कदे-कदे इस नूं सटोर दे तौर ’ते वरत लिआ जांदा सी।

मुख्ख मंतरी दी पारटी दे इक विधाइक नूं कतल केस विच सज़ा होई सी। हुण उस दी रिहाई होण वाली सी। मुख्ख मंतरी चाहुंदा सी कि रिहाई तों पहिलां विधाइक नूं घर वरगा माहौल मिलणा चाहीदा है।

लोकां नूं शक्क सी कि उस नूं जेल्ह मुख्ख मंतरी नें ही पहुंचाइआ सी।

नछत्तर सिंघ पहिली वारी विधाइक बणिआ सी। उस दे मन विच लोकां दी सेवा करन दी रीझ सी। उस दा हलका पछ्छड़िआ होइआ सी। दसां पिंडां पिछ्छे मसां इक सकूल सी। सकूल सी तां अधिआपक नहीं सन। इहो हाल हसपतालां दा सी। बिजली सी, टिऊबवैल्लां लई कुनैकशन नहीं सन। “उह सत्ताधारी पारटी दा विधाइक सी। उस दे कंम पहिल दे आधार ’ते होणे चाहीदे सन।” इह उस दी सोच सी।

उतशाह नाल भरिआ उह नवीआं-नवीआं योजनावां घड़दा अते सरकार अग्गे जा धरदा। बहुतीआं योजनावां बाबूआं दे मेज़ां उपर दम तोड़ जांदीआं। जुत्तीआं घसा के कोई योजना किसे मंतरी दे मेज तक पुज्जदी तां आने-बहाने मंतरी टाल दिंदा।

इह समस्सिआ इकल्ले नछत्तर सिंघ दी नहीं सी, उस वरगे कई होर विधाइक वी सन। कईआं नूं तां अगलीआं चोणां जित्तणीआं असंभव लग्गण लग्ग पईआं सन।

सरकार उपर दबाअ पाउण लई इहनां विधाइकां नें इक धड़ा बणा लिआ। एके दा विखावा करन लई इक-दूजे दे घर चाह जां खाणे ’ते इकठ्ठे होण दा प्रोगराम बणा लिआ। विधान सभ विच उह सरकार विरुध्ध दब्बवीं सुर विच बोलदे। पारटी मीटिंगां विच सुर उच्ची हो जादी। सांझी सुर रंग लिआउण लग्गी। मंतरीआं दे हलकिआं लई मनज़ूर होए सकूल अते हसपताल खिसक के इहनां विधाइकां दे हलकिआं विच आउण लग्गे। पहे, पक्कीआं सड़कां विच बदलण लग्गे।

“साडी बिल्ली, सानूं मिआउं।” धड़े दी वधदी ताकत मुख्ख मंतरी नूं ख़तरे दी घंटी जापण लग्गी। सप्प नूं खुड्ड विचों निकलण तों पहिलां ही नप्प देण लई उचित मौके दी तलाश होण लग्गी।

कुझ महीनिआं बाअद बटेरा आपे पैर हेठ आ गिआ।

विधाइक चुणे जाण तों पहिलां नछत्तर सिंघ दस साल पिंड दा सरपंच रिहा सी। सरपंच उह गिल्लां दी हमाइत अते उहनां दीआं वोटां दे सिर ’ते बणदा सी।

अहिसान दा बदला चुकाउण लई पंचाइत दी वीह एकड़ ज़मीन उस नें गिल्लां नूं ठेके उपर दे रख्खी सी। सरपंच दी गल्ल मोड़न दी किसे विच हिंमत नहीं सी। सौ दो सौ रुपए वध्ध के बोली हर साल गिल्लां दे हक्क विच टुट्ट जांदी सी।

पिछलीआं चोणां विच नछत्तर सिंघ दे पिंड दी सरपंची दलितां लई राखवीं हो गई। उस दी ढाणी विच सरपंच दी चोण जित्तण वाला इक वी दलित नहीं सी। आपणी हार दा बदला लैण लई लंबड़ां नें पूछ चुक्क लई। उहनां नें आपणी सारी ताकत माड़ा सिंघ पिछ्छे झोक दित्ती।

सरपंची दे नाल-नाल माड़ा सिंघ नें इक होर सहुं चुक्की।

“चोण मैं नहीं, लंबड़ां नें जित्ती है। मैं उहनां दी रबड़ दी मोहर हां। जिथे आखणगे अख्खां मीच के अंगूठा ला देवांगा।”

लंबड़ां दीआं अख्खां विच गिल्लां वाली ज़मीन रड़कदी सी।

गिल्लां नूं काग़ज़ीं-पत्तरीं होई बोली दा पता उदों ही लग्गा, जदों लंबड़ां दे टरैकटर ज़मीन विच भड़थू पाउण लग्गे।

उस समें गिल्ल चप्प रहे। विधाइक बाहर गिआ होइआ सी। उस दी ग़ैर-हाज़री विच मौका संभालणा मुशकिल सी।

नछत्तर दे पिंड वड़दिआं ही उहनां ज़मीन विच आपणे हल चला दित्ते।

दोवें धिरां आपणा-आपणा कबज़ा जताउण लग्गीआं।

लंबड़ां दे नाल-नाल नछत्तर सिंघ नूं नवें सरपंच नाल गिला सी। उह बिनां मतलब पारटीबाज़ी नूं शहि दे रिहा सी। जे बोली सत्थ विच होई हुंदी तां विधाइक आपे गिल्लां तों कबज़ा लै के दिंदा। धोखा उस नूं मनज़ूर नहीं सी।

ज़मीन हत्थों खुस्सदी देख के लंबड़ां नें मसले नूं नवां रंग चाहड़ दित्ता। पिंड दे नाल-नाल उह अख़बारां विच भंडी प्रचार करन लग्गे।

“नछत्तर सिंघ तों दलित सरपंच बरदाशत नहीं हो रिहा। उस नूं नीचा दिखाउण लई उह पंचाइत दे सरबसंमती नाल होए फ़ैसले लागू नहीं होण दिंदा। उह सरपंच नूं गद्दीउं लाहुण लई मनसूबे घड़ रिहा है।”

तैश विच आए माड़ा सिंघ नें आपणे भाईचारे नूं उस दी हमाइत ’ते आउण अते विधाइक विरुध्ध मोरचा लाउण दा सद्दा दे दित्ता।

विरोधी धिर नूं सरकार नूं घेरन दा मौका मिल गिआ। विरोधी धिर दे नेता नें प्रैस्स कानफ़रंस बुलाई अते दलित सरपंच दी हमाइत दा ऐलान कर दित्ता।

मुख्ख मंतरी दी हालत पहिलां ही पतली सी। मुफ़त विच विरोधी धिर दे हत्थ मज़बूत हुंदे उस तों बरदाशत नां होए। उस नें झट्ट नछत्तर सिंघ नूं राजधानी बुलाइआ। आपणे समरथकां कोलों झट्ट ज़मीन ख़ाली कराउण दा हुकम सुणाइआ।

नछत्तर सिंघ लई इह कंम ओना आसान नहीं सी, जिंना मुख्ख मंतरी समझ रिहा सी। गिल्ल हमेशा उस नाल सज्जी बांह बण के खड़दे रहे सन। चोणां समें पैसा पाणी वांग वहाउंदे सन अते वोटां कोल खहड़-खहड़ पवाउंदे सन। नछत्तर तक्क उहनां नूं पहिली वारी कंम पिआ सी। उह उहनां नूं पिठ्ठ नहीं सी दिखा सकदा।

उह किसे अजिहे हल्ल दी तलाश विच सी जिस नाल सप्प वी मर जावे अते लाठी वी नां टुट्टे।

मित्तर नूं कुड़िक्की विच फसिआ देख के गिल्लां नें ख़ुद हल्ल लभ्भिआ। उह चार सिआड़ां दे भुख्खे नहीं सन। सवाल पग्ग नूं पए हत्थ दा सी। उह ज़मीन नूं अध्धो-अध्ध करन लई राज़ी हो गए।

समझौते दी पेशकश नूं विरोधी आपणी जित्त समझण लग्गे। उह पूरी ज़मीन ख़ाली कराउण लई अड़न लग्गे।

विधाइक नें कच्चीआं गोलीआं नहीं सन खेडीआं। उस नें माड़ा सिंघ दे समरथक कुझ पंचां नूं टोहणा शुरू कर दित्ता। दो पंच उस दी तजवीज़ नाल सहिमत हो गए। तजवीज़ सिध्धी सी। गिल्लां दी गल्ल मंन के दुबारा बोली करवा लई जावे। गिल्ल बोली विच हिस्सा नहीं लैणगे। ज़मीन आपे लंबड़ां कोल रहि जाएगी। सभ दी इज़्ज़त बच जाएगी।

समझौते नूं अंतिम छोहां देण लई पंचाइत दी मीटिंग बुलाई गई। दोहां धिरां दे समरथक बिनां बुलाए आ गए।

कुझ पंचां नूं नाल लै के विधाइक पंचाइत घर दे बंद कमरे वच आख़री गेड़ दी गल्ल करन लग्गा। कुझ सांझे बंदे उस दे नाल चले गए।

ऐन आख़री समें लंबड़ां नूं होण जा रहे फ़ैसले दी भिणक पै गई। उहनां नूं  ग़ुस्सा चहड़ गिआ। “अज्ज विधाइक नें कुझ पंच तोड़े हन। कल्ल्ह नूं पंचाइत तोड़ देवेगा। समझौता टलणा चाहीदा है।”

पंचाइत दे किसे सिट्टे ’ते पुज्जण तों पहिलां लंबड़ां नें सरपंच नूं उंगल ला दित्ती। कुझ पंचां दी ग़दारी दी सूचना वी दे दित्ती। सरपंची खुस्सदी देख के माड़ा सिंघ दे सत्तीं कप्पड़ीं अग्ग लग्ग गई।

लंबड़ां नें मिंटां विच माहौल बदल दित्ता।

नवीं घड़ी योजना तहित इक पंच नें गिल्लां वल्लों कीती जा रही देरी ’ते इतराज़ प्रगट कीता। इक होर पंच नें बिनां शरत ज़मीन ख़ाली करन दी मंग रख्ख दित्ती।

लंबड़ां दे समरथकां नें इहनां पंचां दे हक्क विच नाअरे मार दित्ते।

कावां-रौली पै गई। कोई लंबड़ां दे हक्क विच बोलण लग्गा, कोई गिल्लां दे। किसे नें सरपंच नूं बुरा-भला कहिणा शुरू कर दित्ता अते किसे नें नछत्तर नूं।

वधदा-वधदा तकरार विधाइक दे बंद कमरे विचों बाहर आउण अते समझौते दीआं शरतां जनता साहमणे रख्खण विच बदल गिआ।

फेर किसे तत्ते नें नछत्तर सिंघ नूं कमरे विचों कढ्ढ लिआउण दा सुझाअ दित्ता। किसे होर नें उस दा विरोध कीता। हुल्लड़बाज़ी शुरू हो गई।

भीड़ दो धड़िआं विच वंडी गई। इक पासे सरपंच दे समरथक सन। दूजे पासे विधाइक दे।

किसे पासिउं आइआ इक रोड़ा सरपंच समरथकां उपर आ डिग्गा। झट्ट रोड़िआं दी बरसात शुरू हो गई। कुझ नें विच बचाअ करन दी कोशिश कीती। विचे उहनां दी छतरौल हो गई।

भीड़ नूं हिंसक हुंदा देख के गंनमैनां नूं आपणा फ़रज़ याद आइआ। उहनां नें बंद कमरे दे दरवाज़े अग्गे खड़ के पोज़ीशनां लै लईआं।

गंनमैनां दीआं तणीआं बंदूकां देख के कईआं मछ्छ चहड़ गई। मछरे लोक पुलिस नूं गाल्हां कढ्ढण लग्गे। इक नें गंनमैनां वल्ल जुत्ती वगाह दित्ती। दूजे नें ‘चुक्क दिओ’ दा ललकारा मार दित्ता।

गंनमैनां नूं आपणी जान ख़तरे विच दिस्सी। उहनां नें लोकां नूं खिंड जाण दी चितावनी दित्ती। खिंडण दी थां लोक होर भड़क गए। बंदूकां खोहण दे इरादे नाल गाल्हां कढ्ढदे उह सिपाहीआं वल्ल वधण लग्गे।

घबराए सिपाहीआं नें पहिलां हवाई फ़ाइर कीते।

जदों डांग इक गंनमैन दे सिर विच पई तां दूजे नें हमलावर ’ते गोली चला दित्ती। उह थाएं चित्त हो गिआ। कुझ भीड़ पिछांह नूं भज्जी। कुझ अगांह वधी। अगांह वधण वालिआं नूं रोकण लई गंनमैनां नें फ़ाइर पैरां वल्ल कीते। पैर अगांह वधणों रुक गए।

गोली दी आवाज़ सुण के नछत्तर बाहर निकलिआ।

उस समें तक भाणा वरत चुक्का सी।

गंनमैनां नें विधाइक नूं घेरे विच लिआ। हुशिआरी नाल गड्डी विच बिठाइआ अते आपणा फ़रज़ निभाउंदे होए विधाइक नूं ख़तरे विचों कढ्ढ के लै गए।

लंबड़ां दे घुग्गी लोट आ गई। मरन वाला दलित सी। समरथकां समेत उह धरने ’ते बैठ गए। “जिंना चिर गंनमैनां नूं शहि दे के गोली चलवाउण वाले विधाइक विरुध्ध कतल दा मुकद्दमा दरज नहीं हंदा, असीं लाश नहीं चुक्कण देणी।” इह मंग  लै के उह नाअरेबाज़ी करन लग्गे।

मौके ’ते हाज़र लोकां नें लंबड़ां दी इस मंग दा विरोध कीता। नछत्तर सिंघ तां बेकसूर सी, गंनमैनां नें वी गोली मजबूरी विच चलाई सी, पर उहनां दी गल्ल वल्ल किसे  नें धिआन नां दित्ता।

पुलिस नूं सूचना मिली। “गुआंढी पिंड दे दलित टरक्कां टरालीआं विच बैठ-बैठ के पिंड वल्ल कूच करन लग्गे हन। परचा दरज होण ’च होर देर होण लाल हालात विगड़ सकदे हन।”

मौका संभालण लई पुलिस नूं परचा कट्टणा पिआ। विचे विधाइक नूं घड़ीसणा पिआ। पुलिस अधिकारीआं दा विचार सी, पिछ्छों विधाइक आपे मौका संभाल लएगा।

विधाइक मुख्ख मंतरी ’ते ज़ोर पाउण लग्गा, “मैं बेकसूर हां। पुलिस नूं आख के मुकद्दमे विचों मेरा नां कढवाइआ जावे।”

“कानूंन सभ लई बराबर है।” आखदा मुख्ख मंतरी मांह दे आटे वांग आकड़िआ रिहा।

उलटा उह नछत्तर सिंघ नूं बहादरी दिखा के पेश होण दी सलाह देण लग्गा। नाल मिठ्ठी गोली देण लग्गा, “तेरे पेश हुंदिआं ही लोकां दा ग़ुस्सा ठंढा हो जावेगा। मसला ठंढा हुंदिआं ही तेरी ज़मानत करवा देवांगा अते केस विचों कढवा देवांगा।”

विधाइक धड़ा इस सलाह नाल सहिमत नहीं सी, उहनां नूं दाल विच काला नज़र आउण लग्गा। नछत्तर दे ईन मंन लैण नाल धड़े दा वजूद ख़तरे विच पै जाणा सी। फेर इक-इक करके इह भाणा सभ नाल वरतणा सी।

धड़े दी सलाह मंन के नछत्तर सिंघ नें पेशगी ज़मानत लई दरख़ासत ला दित्ती।

पुलिस अते सरकारी वकील नें अड्डी चोटी दा ज़ोर ला के दरख़ासत रद्द करवा दित्ती।

मजबूर होए विधाइक नूं पुलिस अग्गे पेश होणा पै गिआ।

सालां विच लटकण वाला मुकद्दमा कुझ महीनिआं विच ही निब्बड़ गिआ।

लोकां नूं आस सी कि विधाइक बरी होएगा। उस दे विरुध्ध केवल दो गवाह भुगते सन हक्क विच चाली। विधाइक दे समरथकां नें जज्ज तक पहंच कीती। उह इहो आखण लग्गा, “मैनूं चाली गवाहां दी मंनणी पएगी।”

फ़ैसला करदे समें जज्ज नूं पता नहीं किहड़ा सप्प सुंघ गिआ। उस नूं सरकारी गवाहां दी गवाही ज़िआदा वज़नदार लग्गी। गंनमैनां दे नाल उस नें विधाइक नूं सज़ा सुणा दित्ती।

नछत्तर दे सज़ा हुंदिआं ही धड़े दे बाकी विधाइकां नूं कंन हो गए। मुकद्दमे दीआं तंदां किथों शुरू हुंदीआं अते किथे मुक्कदीआं सन, सभ नूं दिखाई देण लग्गा। कईआं नूं लग्गा, जिवें इह कतल किसे ख़ास साज़िश तहित होइआ सी।

जेल्ह पल्ले पैंदी देख के विधाइक चाह पीणी छड्ड गए। धड़े दा नां लैणों हट गए।

विधाइक दा धड़ा खेरूं-खेरूं हुंदिआं ही मुख्ख मंतरी पईआं तरेड़ां भरन लग्गा।

मुख्ख मंतरी दी इसे नवीं योजना तहित, जेल्ह प्रशासन नूं, विधाइक नूं ‘घर वरगीआं सहूलतां’ उपलबध कराउण दी हदाइत होई सी।

जेल्ह अधिकारी पहिलां ही अजिहे किसे मौके दी तलाश विच सन।

जेल्ह विभाग दा मुखी कई महीनिआं तों जेल्ह सुपरडैंट ’ते ज़ोर पा रिहा सी। किसे नां किसे बहाने सालां तों बंद पई कोठी नूं कैदीआं लई खोल्हिआ जावे।

इंसपैकटर जनरल दा बैच मेट अते गूहड़ा मित्तर डी.आई.जी. सतिंदर कुमार इहनीं दिनीं इसे जेल्ह विच बंद सी। उह आपणे मित्तर नूं घर वरगा माहौल देणा चाहुंदा सी। इह कोठी दे खुल्ल्हण नाल संभव होणा सी।

कुझ साल पहिलां जदों सतिंदर कुमार माइआ नगर विच ताइनात सी, उस दा भारत सुंदरी नादीआ नाल इशक हो गिआ सी।

जदों उस दे गरभवती होण दीआं ख़बरां अख़बारां विच छपीआं तां कई होरां दे नाल-नाल सतिंदर कुमार दी नींद वी हराम हो गई। किसे अख़बार नें सतिंदर नूं बच्चे दा बाप घोशित कर दित्ता अते किसे नें इक नौजवान केंदरी राज मंतरी नूं।

सतिंदर दी पतनी कालज विच प्रोफ़ैसर सी। बेटी बी.ए. विच पहड़दी सी। बेटा बारहवीं विच। सारे अख़बार पहड़दे सन। नादीआ दे किस्से अख़बारां विच छपदिआं ही घर विच तनाअ रहिण लग्गा। बोलदा भावें कोई कुझ नहीं सी, पर रोस छुपाए छुप नहीं सी रिहा।

नादीआ कहिंदी सी, “तूं मेरे बच्चे दा बाप हैं।”

सतिंदर नूं उह झूठी जापदी सी। ‘हर औरत आपणी वफ़ादारी सिध्ध करन लई इंझ ही आखदी है।’ सतिंदर गरभ गिराउणा चाहुंदा सी। नादीआ बच्चा पैदा करना चाहंदी सी। नादीआ नूं विआह कराउण दा लालच नहीं सी। उह बच्चे नूं बाप दा नां देणा चाहुंदी सी।

सतिंदर नूं बुरे दिन दिखाई देण लग्गे। “जे मसला हुणे नां नजिठ्ठिआ तां घर टुट्ट जाएगा” सोचदे सतिंदर नें दो भाड़े दे टट्टूआं दा प्रबंध कीता अते नादीआ नूं हमेशा लई चप्प करवा दित्ता। मातहित पुलिस करमचारीआं नें हत्तिआ नूं आतम- हत्तिआ गरदान के मामला रफ़ा-दफ़ा कर दित्ता।

कंम मुका के पुलिस कपतान सुख दी नींद सौं गिआ। केदरी मंतरी दी नींद हराम हो गई। सुपनिआं विच आ के नादीआ उस नूं मिहणे मारन लग्गी, “मैं तेरी सी अते बच्चा वी। साडा दोहां दा कतल होइआ है। तैनूं बदला लैणा चाहीदा है।”

भाड़े दे टट्टूआं दी शनाख़त होण तक मंतरी नें ख़ुफ़ीआ विभाग नूं भड़थू पाई रख्खिआ।

कातल फड़े गए। पत्तरकारां साहमणे पेश कीते गए। साज़िश नंगी कराई गई तां मंतरी नूं चैन आइआ।

मुकद्दमे दी सुणवाई शुरू होण दी उडीक विच सतिंदर जेल्ह दी हवा खा रिहा सी। पिछले तिंन महीनिआं विच आई.जी. जेल्ह दे तिंन दौरे कर चुक्का सी। हर वार सतिंदर दा इको गिला हुंदा, “बी कलास विच मैनूं अट-पटा महिसूस हुंदा है।”

आई.जी. मित्तर दी हर मदद लई तिआर सी, पर हाले केंदरी मंतरी उस ’ते अख्ख रख्ख रिहा सी। रात कटाउण लई सतिंदर नूं नां किसे अफ़सर दी कोठी लिजाइआ जा सकदा सी, नां जेल्हों बाहर कढ्ढिआ जा सकदा सी।

सारीआं समस्सिआवां दा इको हल्ल सी। किसे नां किसे ढंग नाल कोठी खुल्हवाई जावे। कोठी विच फेर मुजरे होण जां ज़िंदा डांस। इस दी सूह मंतरी नूं तां की जेल्ह दे संतरी तक्क नूं नहीं सी मिलणी।

आई.जी. जेल्ह सुपरडैंट उपर ज़ोर पा रिहा सी। उह कोठी खोल्हण दी सिफ़ारश भेजे। बाकी उह आपे संभाल लएगा।

जेल्ह सुपरडैंट ख़ुद इहो चाहुंदा सी। आपणे बच्चिआं नूं टिऊशन पहड़ाउण लई उस नूं प्रोफ़ैसर नूं सवेरे शाम बैरकों बाहर कढ्ढणा पैंदा सी। इस ’ते दूजे कैदी इतराज़ करदे सन।

प्रोफ़ैसर नें सुपरडैंट उपर बहुत वड्डा अहिसान कीता सी, उस नें उस दे नलाइक भाणजे नूं पहड़ा-पहड़ा के तोता बणा दित्ता सी। जिस मुंडे नूं पलस्स-टू जमात पास करन लई चार साल लग्गे सन, उह पहिले साल ही दाख़ला टैसट पास कर के ऐम.बी.बी.ऐस. विच दाख़ल हो चुक्का सी।

 

 

सुपरडैंट प्रोफ़ैसर नूं कोठी लिजाणा चाहुंदा सी। उथे नां बैरक सी, नां जिंदा। नां मुनशी, नां रोज़नामचा। कैदी जदों मरज़ी, जिथे मरज़ी आवे-जावे।

जेल्ह अधिकारीआं नें मौके दा भरपूर फ़ाइदा उठाइआ।

कोठी खोल्हे जाण दे नाल सुपरडैंट नें जेल्ह विभाग नूं इक सुझाअ भेजिआ।

“कोठी पहाड़ जिड्डी है, उथे इक कैदी नूं बंद करना है, उस नूं तनहाई कैद विच रख्खण वांग है। इह जेल्ह नियमां दे विरुध्ध है। दिल-प्रचावे लई विधाइक दे नाल कुझ होर कैदीआं नूं रख्खण दी इजाज़त दित्ती जावे।”

मुखी नें झट्ट सुझाअ नूं प्रवानगी दे दित्ती।

विधाइक दे नाल सतिंदर कुमार अते प्रोफ़ैसर दे दिन वी तीआं वांग निकलण लग्गे।

लाभ सिंघ दी किरपा नाल इस सवरग दे कुझ झूटे पाले नूं वी नसीब होण लग्गे।

कोई कहिंदा सी, “कदे इस कोठी विच जै प्रकाश नराइण बंद रिहा है।” कोई चंदर शेख़र दा नां लैंदा सी।

इथे कौण-कौण बंद रिहा, इस नाल पाले नूं कोई मतलब नहीं सी।

उस नूं फ़ख़र सी, भावे मुशक्कती बण के ही सही, हुण इस कोठी विच उह रहि रिहा सी।

 

 

13

अदालत पाले होरां नाल इंनी बेरहिमी नाल पेश आएगी, इस दी संमती नूं उक्का आस नहीं सी। पुलिस वल्लों रख्खे कई गवाहां नूं मुकरा के अते कई पतवंते गवाहां नूं सफ़ाई विच भुगता के संमती वालिआं नें सोचिआ सी, उहनां नें पाले होरां नूं निरदोश सिध्ध करन दा आपणा टीचा प्रापत कर लिआ है, पर अदालत नें उहनां दी इक नहीं सी सुणी। सरकार वल्लों पेश कीते गए गवाहां नूं सही मंन के मीते अते पाले नूं बंटी दा कातल गरदान के दोहां नूं उमर कैद दी सज़ा सुणा दित्ती सी।

 

संमती वाले हताश हो के घर बैठण वालिआं विचों नहीं सन।

संघरश तेज़ करन लई अग्गों की नीती अपणाई जावे? इह विचारन लई संमती दे कारकंनां दी विशेश मीटिंग बुलाई गई।

“गुरमीत सिआं) बड़ा अजीब है बई तुहाडा कानूंनी ढांचा। झूठे गवाहां नूं सच्चे मंन के जज्ज नें निरदोशां नूं सज़ा सुणा दित्ती। पुलिस दी ग़लत कारवाई ’ते मोहर ला दित्ती। पुलिस हुण चुप्प कर के घर बैठ जाएगी। असल मुलज़मां वल्ल मूंह करन दी किसे नूं लोड़ नहीं पएगी। उह बिनां थाणा कचहिरी देखे बरी हो गए।”

बाबा पहिलां आए गुरमीत नाल कानूंनी ढांचे दीआं ख़ामीआं विचारन लग्गा।

“तसवीर दा दूजा पासा वी ओना ही घिनाउणा है। “मामला शक्की जापदा है।” आख के असल दोशी बरी कर दित्ते जांदे हन। पुलिस फेर चुप्प कर के बैठ जांदी है। रोंदी-कुरलाउंदी पीड़त धिर पछ्छदी है, “साडे बंदे दा कतल होइआ है। जे इह नहीं, फेर असल मुलज़म कौण हन? उहनां नूं कौण फड़ेगा? गूंगा कानूंन इस प्रशन दा कोई उत्तर नहीं दिंदा।”

गुरमीत दी इस टिप्पणी नें बाबे दे फ़िकरां विच होर वाधा कर दित्ता।

“मतलब इह कि साधारन बंदे नूं मौजूदा निआं-प्रबंध कोलों इनसाफ़ दी उमीद नहीं रख्खणी चाहीदी?”

‘इंझ ही समझ लओ।”

“जदों धक्केशाही सारे हद्दां-बंने टप्प जावे तां लोक अदालत दा दरवाज़ा खड़काउंदे हन। जापदा है लोकां दी आख़री आस दी लोअ वी धुंदली पै गई है। बाबा जी, कुझ करो।’

गुरमीत तों बाअद आइआ शामू, कुझ करन लई काहला पैण लग्गा।

“पाले मीते नूं बरी कराउण नाल समस्सिआ हल्ल नहीं होणी। सानूं आपणे संघरश दा घेरा वसीह करना चाहीदा है।”

नौजवान सभा दा करता-धरता अशोक आउंदे ही बहिस विच कुद्द पिआ।

“इकल्ले कानूंनी ढांचे दे सुधरन नाल कुझ नहीं संवरना। समस्सिआ समुच्चा राजसी ढांचा बदल के हल्ल होणी है।”

*तीकारी फ़रंट दे रजिंदर नूं समस्सिआ दी जहड़ दा पता सी, उह इह जताउण लग्गा।

“तुसीं सभ ठीक कहिंदे हो। चिंता नां करो। आपां ठीक राह तुर रहे हां। पाले मीते लई संघरश कर के असीं  निआं-प्रबंध दे लोक-विरोधी ख़ासे नूं नंगा कर रहे हां। निआं-प्रबंध सरकार दा मोहरा है। निआं-प्रबंध विरध्ध लड़ के असीं सरकार विरुध्ध ही लड़ रहे हां। उचित मौके ’ते उचित कदम चुक्किआ जाएगा। हाल दी घड़ी असीं उहनां औकड़ां बारे सोचीए, जिनहां नूं दूर करन लई असीं इकठ्ठे होए हां।”

सारे कारकुंनां दे आउण बाअद बाबे नें गल्लबात दा रुख़ अज्ज दे एजंडे वल्ल मोड़िआ।

रजिंदर कहिंदा, “पाले मीते नूं सज़ा होण नाल लोकां अते संमती दे सधारन समरथकां दा मनोबल गिरिआ है। मनोबल उच्चा चुक्कण लई दोशीआं दी ज़मानत होणी ज़रूरी है। सानूं पाले मीते दी ज़मानत दा हीला करना चाहीदा है।”

गुरमीत नूं इंनी जलदी ज़मानत मनज़ूर हुंदी नज़र नहीं सी आ रही। दरख़ासत किउं रद्द होएगी, उस इस दे कारन गिणाउण लग्गा।

पुलिस नें इस वारदात नूं ‘अत्तवादी कारवाई’ कहि के प्रचारिआ है। इह है वी अत्तवादी कारवाई। पाला मीता अत्तवादी नहीं हन। इस गल्ल दा जज्ज नूं पता है। उहनां नूं निधड़क हो के सज़ा सुणाउण दा इहो कारन है। अख़बार अते सरकार जज्ज दी दलेरी दे सोहले गा रहे हन। ‘बाकी जज्ज उस दे राह ’ते चल्लणगे।’ इह आस ला रहे हन। पाले अते मीते दी झट्टपट ज़मानत मनज़ूर कर के हाई कोरट जज्जां दे मनोबल नूं ढाह लाउण दा ज़ोख़म नहीं उठाएगी।

इस वारदात विच कतल इक मासूम बच्चे दा होइआ है। अदालत बच्चे दे कातलां नूं राहत देण तों झिजकेगी।

पाले मीते दा पिछोकड़ उहनां दी ज़मानत मनज़ूर होण विच रोड़ा अटकाएगा।उहनां दीआं दस-दस साल पुराणीआं मिसलां नूं कबर विचों कढ्ढ लिआ जाएगा।

मुदई्ई धिर दी पैरवी कर रहे युवा संघ अते सरकार वल्लों वी इस कंम विच पूरी टंग अड़ाई जाएगी।

संमती दे सारे कारकुंन वकील दीआं दलीलां नाल सहिमत हो गए। पाले अते मीते दी ज़मानत कराउण दा ख़िआल तिआग दित्ता गिआ।

“इस फ़ैसले विरुध्ध अपील करांगे। अपील दी वारी दस साल बाअद आएगी। की ओना चिर असीं हत्थ ’ते हत्थ धर के बैठ जाईए। संघरश संमती भंग कर देईए? संघरश ठप्प कर देईए?”

रजिंदर नूं संघरश दे मठ्ठा पैण दा डर लग्गा होइआ सी। उस नें आपणी चिंता प्रगटाई।

मीटिंग शुरू होण तों पहिलां बाबे अते गुरमीत विचकार कुझ विचार-वटांदरा होइआ सी। उस समें तों बाबे दे मन विच इक विचार उसलवट्टे लै रिहा सी। बाबे नूं महिसूस हो रिहा सी कि संमती कोलों इक वड्डी ग़लती होई है। हुण तक संमती इक-पासड़ लड़ाई लड़दी रही है। पाले मीते नूं निरदोश सिध्ध करन दी लड़ाई। संमती नूं पता है कि बंटी दे कातल होर हन। पाले मीते सिर दोश महड़ के पुलिस आपणी असल ज़िंमेवारी तों भज्ज गई है। इह कंम संमती नूं करना चाहीदा सी। असल कातल लभ्भ के लोकां अते अदालत साहमणे पेश करने चाहीदे सन।

हाले वी डुल्ल्हे बेरां दा कुझ नहीं सी विगड़िआ। संमती नूं अज्ज तों इह यतन आरंभ कर देणे चाहीदे हन। इंझ होण नाल संमती-समरथकां दा घेरा वधेगा, पुलिस अते निआं-पालिका दी पोल ख्ल्हेगी।

संघरश लई नवें राह खोल्हदे बाबे दे इस सुझाअ नूं झट्ट प्रवान कर लिआ गिआ। सरब-संमती नाल फ़ैसला होइआ कि संमती दे कारकुंन हुणे तों असल कातलां नूं लभ्भण लई सिरतोड़ यतन आरंभ देणगे।

पिआरे लाल वकील नें इक होर सुझाअ दित्ता, “जिंना चिर असल कातलां दा खुरा नहीं खोज लिआ जांदा, ओना चिर पाले मीते विरुध्ध भुगते गवाहां नूं प्रेरिआ जावे। गवाहां नूं ग़लती दा अहिसास कराइआ जाए। जे उह मंन जाण कि उहनां कचहिरी विच झूठ बोलिआ है तां सच्च बिआनदे उहनां दे हलफ़ीआ बिआन हासल कीते जाण। इहनां तत्थां दे आधार ’ते पुलिस नूं दुबारा तफ़तीश करन अते हाई कोरट नूं दोशीआं नूं बरी करन लई मजबूर कीता जावे।

इह सुझाअ वी परवान हो गिआ।

मेघ राज चाहंदा सी, लोकां विच जागी चेतना नूं मठ्ठा नां पैण दित्ता जावे। पाले अते मीते वरगे बहुत लोक कानूंन दी जाहड़ हेठ आए होए हन। उहनां लई वी कुझ कीता जावे।

इस सुझाअ उपर किंतू-परंतू दी कोई संभावना नहीं सी। झट्ट फ़ैसला हो गिआ, “कल्ल्ह तों संमती नवें केस फड़ने शुरू करेगी।”

मीटिंग दे अंत विच बाबे नें ऐलान कीता।

“पाले मीते नूं होई इस नाजाइज़ सज़ा विरुध्ध कल्ल्ह नूं वड्डा रोस मुज़ाहरा कीता जाएगा। घसे-पिटे अते लोक-विरोधी कानूंनी ढांचे विरुध्ध लोकां नूं जागरूक कीता जाएगा। इस बहाने सरकार विरुध्ध घोल विढ्ढे जाण दा ऐलान कीता जाएगा। लोकां नूं संमती दे नवें फ़ैसलिआं बारे जाणू करवाइआ जाएगा।”

उतशाह नाल भरे नौजवान हुणे तों कंमां विच जुट्ट जाण लई उठ्ठ खड़ोते।

 

 

14

इस बैरक विच मीते दा अज्ज पंदरहवां दिन सी। नां उस नूं सिंघां दी बैरक विच जाण दी इजाज़त सी, नां जथेदारां दीआं कोठड़ीआं विच।

उस नूं रसोई विच सौण दा हुकम होइआ।

बचपन तों मीता टुंड-मरुंड सी। जेल्ह उस दे बाहरले घर वांग सी। इस लई नां उस नूं जेल्ह तों डर लग्गदा सी, नां इकल्ले रहिण तों।

मीते दा धंदा ही अजिहा सी। उस नूं उल्लूआं वांग रात नूं जागण दी आदत पई होई सी, पर जदों तों उह बैरक विच आइआ सी, उस दी अख्ख सूरज चहड़न बाअद खुल्ल्हदी सी।

रात उह सिंघां लई विशेश तौर ’ते बणदा ‘केसर वाला दुध्ध’ पीणा भुल्ल गिआ सी। शाइद इसे लई अज्ज उस दी अख्ख अध्धी रात नूं खुल्ल्ह गई सी।

जेल्ह रोही बीआबान विच सी। थक्के-हारे कैदी घूक सुत्ते पए सन। जेल्ह अंदर बींडिआं अते गिद्दड़ां दीआं आवाज़ां सुणाई देणीआं चाहीदीआं हन, पर संगीत दीआं धुंनां दे नाल-नाल कुझ होर आवाज़ां आ रहीआं सन। उह आवाज़ां उस नूं  भै-भीत कर रहीआं सन।

मीता कई साल चोरीआं करदा रिहा सी। चोरी लई घर नूं पाड़ लाउंदा सी। खुरपिआं, छैणीआं अते सब्बलां दीआं आवाज़ां नूं साधारन आवाज़ां विच रलगड्ड करना उस नूं चंगी तरहां आउंदा सी।

मीते दा तजरबा आख रिहा सी। हुण वी उहो कुझ हो रिहा सी।

इह पाड़ किथे लग्ग रिहा है? पाड़ कौण ला रिहा है? मीते दे ज़िहन विच इह प्रशन उठ्ठण लग्गे।

जदों दा उह इस बैरक विच आइआ सी, उदों दा अजिहे अजीब-अजीब प्रशनां नाल घिरिआ होइआ सी।

पिछले कुझ सालां तों अगवा, डकैती अते कतलां दीआं वारदातां विच कई गुणां वाधा होइआ सी। सभ नूं पता सी कि इह वारदातां सिंघ करदे सन। सिंघां दे हौसले बहुत बुलंद सन। इको झटके विच उह सैंकड़े लोकां नूं मौत दे घाट उतार दिंदे सन। नां उहनां नूं पुलिस फड़दी सी, नां अदालत सज़ा करदी सी। नां उहनां नूं हथिआरां दी घाट सी, नां पैसे दी।

मीते दा ख़ूंख़ार तों ख़ूंख़ार मुजरम नाल वाह रिहा सी। उहनां विचों इक वी सिंघां जिंना बहादर नहीं सी।

इह सिंघ कौण हन, इहनां कोल हथिआर किथों आउंदे हन, इह मासूमां नूं किउं मारदे हन, जुरम कर के किथे छुपदे हन? मीते नूं की, किसे नूं पता नहीं सी। मीते दा बहुत दिल करदा सी कि उह किसे सिंघ नूं मिले, बैठ के उस नाल ढेर सारीआं गल्लां करे, पर लख्ख यतनां दे बावजूद उस दा किसे सिंघ नाल टाकरा नहीं सी होइआ।

सिंघां दी बैरक विच आ के उस नूं लग्गा सी, उस दे सारे प्रशन हल्ल हो जाणगे।

पर सुलझण दी थां, मसला उलझदा जा रिहा सी।

मीते नें सिंघां नूं रावण दी फ़ौज दे भिआनक राख़शां वरगा किआसिआ सी, पर इस बैरक विच बंद सिंघां विचों इक वी उस दी कलपना नाल मेल नहीं सी खांदा। इह सभ शांत-चित्त अते सारा दिन भजन-बंदगी करन वाले सन।

बैरक विच बंद नौं सिंघां विचों चार वख्ख-वख्ख जथेबंदीआं दे मुखी सन। हर जथेदार उपर वीह-वीह मुकद्दमे दरज सन।

सरकार नूं जैला सिपाही सभ तों वध्ध कट्टड़ ख़िआलां दा जापदा सी। उस दी जथेबंदी नें सूबे विचों हिंदूआं दा बी नाश करन दा बीड़ा चुक्किआ होइआ सी। रेल गड्डीआं विच फ़ाइरिंग अते बस्सां विचों हिंदूआं नूं उतार के इहो मारदे सन। होर मुकद्दमिआं दे नाल-नाल जैले  उपर सी.आर.पी. दी वैन नूं बारूद नाल उडा के छे जवान शहीद करन दा दोश वी सी।

सुख्खे जरनैल दी जथेबंदी मित्तर मुलकां नाल संपरक सथापित करदी सी। उहनां कोलों हथिआर मंगवाउंदी सी। असले लई पैसा जुटाउण लई बैंक लुट्टदी सी। नौजवानां नूं जथेबंदी विच भरती कर के सिखलाई कैंपां विच भेजदी सी। किसे ज़िल्हे दी पुलिस नें उस कोलों ए.के. संताली राइफ़लां फड़न दा दाअवा कीता सी, किसे नें आर.डी.ऐकस. बारूद अते किसे नें विदेशी पिसतौलां दा भंडार।

दानेवालीए दी जथेबंदी सनअतकारां, डाकटरां अते वकीलां नूं अगवा करन अते फेर उहनां कोलों भारी फिरौती वसूलण विच माहिर सी। उस उपर अजिहे मुकद्दमे दरज सन।

चीफ़ कमांडर मिठ्ठे दी जथेबंदी विरोधी सुर नूं दबाउण दा कंम करदी सी। झूठे पुलिस मुकाबलिआं विच सिंघां नूं शहीद करन वाले थाणेदारां तों लै के पुलिस कपतानां तक नूं इहनां नें सोधिआ सी। पुलिस हमाइती दो मैजिसट्रेट, चीफ़ नें भरी कचहिरी विच भुंने सन। सिंघां नूं सज़ा करन दी ताक विच बैठे, इक सैशन जज्ज दी कलम नूं नकारा कीता सी। जथेबंदी नें जिउं ही इक केंदरी मंतरी दे जवाई नूं सोधण दा मता पकाइआ, सूबे दी सारी पुलिस हत्थ धो के उस दे पिछ्छे पै गई। केंदरी मंतरी नूं सीखां पिछ्छे पहुंचा के उस नूं नींद आई।

कई-कई साल जेल्ह विच बंद रहिण दे बावजूद जथेदार आपणी-आपणी जथेबंदी दे मुखी बणे होए सन। सूबे दा कोई अजिहा ज़िल्हा नहीं सी, जिथे उहनां ’ते मुकद्दमा नहीं सी चल्लदा। सत्तां विचों छे दिन, पेशीआं भुगतण, उह बाहर जांदे सन। ख़ुफ़ीआ एजंसीआं दी नज़र उहनां दा पिछ्छा करदी सी। फेर वी अख्ख बचा के उह आपणे समरथकां नाल संपरक सथापित कर के, सूचनावां दा आदान-प्रदान कर लैंदे सन। सूबे विच होण वालीआं वारदातां दी ओनी जाणकारी ख़ुफ़ीआं विभाग नूं नहीं सी हुंदी, जिंनी सिंघां नूं हुंदी सी।

जेल्ह दे बाहर जथेबंदीआं ख़ुद-मुख़तिआर सन। उह आपणे मुखी दा कहिणा मंनदीआं सन। जेल्ह अंदर जथेदारां नें सुख्खे नूं आपणा मुखी थाप रख्खिआ सी। जदों किसे मसले ’ते सरब-संमती नहीं सी हुंदी तां उसे दा हुकम चल्लदा सी।

सरकार सिंघां नूं ज़ालम आखदी सी। बोलचाल अते कार-विहार तों उह मीते नूं भोले-भाले जापदे सन। जथेबंदी विच जिंना उस दा रुतबा उच्चा सी, ओना उस दा किरदार सुच्चा सी।

सरकार सच्च बोलदी सी जां मीते दीआं अख्खां? मीते तों इह पहेली बुझ्झी नहीं सी जा रही।

चारे जथेदारां दीआं शकलां-सूरतां इको जिहीआं सन। उहनां विचों सुख्खा किहड़ा है, जैला किहड़ा है? इस दी मीते नूं उक्का पछाण नहीं सी।

पछाण होवे वी किस तरहां? पेशीआं भुगतण दे चक्कर विच दिने उह जेल्हों बाहर रहिंदे सन। रात नूं आपणीआं-आपणीआं कोठड़ीआं विच वड़ जांदे सन।

सिंघ जिनहां कोठड़ीआं विच रहिंदे सन, उहनां दी गिणती छे सी। कोठड़ीआं दे बाहर तिंन फ़ुट्टा वरांडा सी। वरांडा इक पासिउं बंद सी। दूजा पासा उस नूं बैरक दे मुख्ख वरांडे नाल जोड़दा सी। दोहां वरांडिआं दे विचकार लोहे दा इक वड्डा गेट सी जो अकसर बंद रहिंदा सी। इह गेट कोठड़ीआं विच बंद कैदीआं नूं आम कैदीआं नालों विछोड़दा सी।

कोठड़ीआं बणीआं तां शरारती कैदीआं नूं बंद करन लई सन, पर जदों तों सिंघ इस बैरक विच आए सन, इहनां दी वरतों नहीं सी होई।

सिंघां नें जेल्ह प्रशासन कोल मंग रख्खी सी कि घट्टो-घट्ट जथेदारां नूं कोठड़ीआं विच रहिण दी इजाज़त दित्ती जावे।

थोहड़ी जिही आना-कानी बाअद दरोग़े नें सिंघां दी मंग मंन लई।

जथेदारां नूं कोठड़ीआं विच सज़ा देण लई बंद नहीं सी कीता गिआ। इस गल्ल नूं धिआन विच रख्खदिआं बंदी बाअद, उहनां दीआं कोठड़ीआं नूं जिंदा नहीं सी वज्जदा। उहनां नूं वरांडिआं विच टहिलण अते इक-दूजे दी कोठड़ी विच आउण- जाण दी खुल्ल्ह सी।

सिंघां दी धारमिक बिरती नूं धिआन विच रख्ख के अदालत नें उहनां नूं गुरबाणी सुणन दी इजाज़त दे रख्खी सी। कोठड़ीआं विच बलब तां सन, पर पलग्ग नहीं सन। सिंघां दा टेप रिकारड अते गुरबाणी वालीआं कैसटां बेकार होईआं पईआं सन। उहनां नवीं मंग रख्खी। उहनां दीआं कोठड़ीआं विच पलग्ग लगवा के दित्ते जाण। तार दा प्रबंध उहनां आप कर लिआ। पलग्ग लगवा के देण दा हुकम अदालत नें दे दित्ता। रस-भिंना गाइन कोठड़ीआं नूं पवित्तर करन लग्गा।

नितनेम लई सिंघ साजरे उठ्ठदे सन। बैरक दी रसोई कोठड़ीआं नालों फ़रक नाल सी। इह औकड़ दूर करन लई इक कोठड़ी लांगरी नूं दित्ती गई। दूजी विच आरज़ी रसोई बणाई गई।

लांगरी सारा दिन जथेदारां विच रहिंदा सी। उस नूं पता होणा चाहीदा सी कि दानेवालीआ किहड़ा है अते मिठ्ठा किहड़ा है।

लांगरी नें झोटे वांग सिर फेर दित्ता, “इक जथेदार दूजे दा नां लै के नहीं बुलाउंदा।”

लांगरी सच्च बोल रिहा सी जां झूठ? मीते तों इह प्रशन हल्ल नहीं सी हो रिहा।

लांगरी नें जथेदारां दे पिछोकड़ बारे कुझ नहीं सी दस्सिआ। आपणे बारे दस्सण लग्गिआं कुझ नहीं सी छुपाइआ।

कतल केस विच फसण तों पहिलां लांगरी माइआ नगर दे इक तीजे दरजे दे होटल विच कुक्क सी। जदों रसोई विच कंम नहीं सी हुंदा, उदों उह वेटर दे फ़रज़ निभाउंदा सी। होटल दी आमदन दा मुख्ख सरोत, उह जोड़े सन जो अय्याशी करन होटल आउंदे सन। मालक नें कमरे दा किराइआ जाण-बुझ के घट्ट रख्खिआ सी। भांगा, सोडे, विसकी अते भुरजी दे रेटां विच कढ्ढ लिआ जांदा सी। बिल्ल नूं लै के मालक अते गाहक विचकार अकसर झगड़ा हुंदा रहिंदा सी। सिआणा गाहक सबर दा घुट्ट भर लैंदा सी। कुझ कमले हत्थो-पाई ’ते उत्तर आउंदे सन। होटल विच हुंदीआं गतीविधीआं दी पुलिस नूं सूह सी। मालक दी पुलिस नाल बुक्कल सांझी सी। झगड़ा कर के गाहक दे पल्ले कुझ नहीं सी पैंदा। नमक-हलाल पुलिस मालक दा पख्ख पूरदी सी। लोड़ पैण ’ते वेटरां नूं गाहकां दी लाह-पाह अते छतरौल करनी पैंदी सी।

जदों मालक दो घुट्ट वध्ध पी लैंदा तां जोड़े दे रंग विच भंग पा दिंदा। पराई औरत नाल ज़बरदसती करदा। बहुती वार गाहक झुक जांदे। पता सी, झगड़ा होइआ तां पुलिस आएगी। पुलिस आई तां पग्ग गाहक दी रुलेगी।

इक रात मालक दा झगड़ा कुझ ज़िआदा वध गिआ। गाहक दुहाई दे रिहा सी, “इह औरत बज़ारू नहीं है। मेरी मंगेतर है।” मालक कहिंदा सी, “हर मरद इसे तरहां आखदा है।”

इज़्ज़त बचाउंदी औरत नें कमरे विच पिआ जग्ग चुक्क के मालक दे मौरां विच जहड़ दित्ता। गाहक दे मालक ’ते भारू होण तों पहिलां वेटरां नूं झगड़े दी ख़बर मिल गई। डंडे अते राड चक्क के उह मालक दी हिफ़ाज़त लई आ गए। आपणे बचाअ लई पिछ्छे हटदा-हटदा गाहक बालकोनी विच चला गिआ। गरिल्ल विच अटक के हेठां डिग्ग पिआ। डिग्गदे दी धौण टुट्ट गई।

मंगेतर दे बिआन ’ते परचा दरज हो गिआ।

मालक दे कहिण ’ते पुलिस नें पाणी लांगरी वल्ल नूं रोहड़ दित्ता। नाल नौकर दे सिर कोई जादू धूड़ दित्ता। वड्डीआं-वड्डीआं फहड़ां मारीआं।

“मैं तेरे लई वड्डा वकील करांगा। गवाहां नूं मुकरा देवांगा। महीने दे अंदर-अंदर तैनूं बरी करवा देवांगा।”

वफ़ादारी दे नशे विच चूर होए लांगरी नें जुरम दा इकबाल कर लिआ।

चलान अदालत विच पेश हुंदिआं ही मालक नें मूंह फेर लिआ। वकील जां गवाहां ’ते ख़रच की करना सी, उह कदे मुलाकात करन तक नां आइआ।

कतल दी दफ़ा टुट्ट गई। गंभीर सट्टां मारन दे दोश विच उह साल सज़ा भुगत रिहा सी।

निपाली दा लांगरी होणा उस लई लाभकारी सिध्ध होइआ। चंगा खाणा बणाउण वाले दी जेल्ह विच बहुत मंग रहिंदी है। निपाली नूं आपणा मुशक्कती बणाउण लई कैदीआं विचकार बोली होण लग्गी। सिफ़ारशां जेल्ह मंतरी तक गईआं। कैदी भलाई बोरड दे मैंबर ख़ुद चल्ल के जेल्ह आए।

जित्त सिंघां दी होई। उहनां दा हुकमनामा जारी हुंदिआं ही बोली अते सिफ़ारशां बंद हो गईआं। लांगरी इस अहाते विच पुज्ज गिआ।

दो साल तों उह सिंघां दा लंगर तिआर कर रिहा सी।

थोहड़ी बहुत पंजाबी उस नूं पहिलां आउंदी सी। बाकी सिंघां कोलों सिख्ख लई। दाहड़ी मुछ्छां उग्गीआं नहीं सन। केस उस नें पूरे वधा लए। सिंघां दे अहिसान अते प्रभाव हेठ अंम्रित छक के पिछले साल उह पूरन सिंघ बण गिआ। हुण उह लांगरी नहीं रणजीत सिंघ सी।

“जेल्ह विच सिंघां दी जेल्ह मंतरी नालों वध्ध चल्लदी है।” लांगरी दी इह फहड़ मीते दे हज़म नहीं सी हो रही।

उंझ सी इह सच्च। इसे लई जेल्ह दा कोई काइदा-कानूंन इस अहाते ’ते लागू नहीं सी। नां इथे सवेरे शाम गिणती हुंदी सी, नां बैरक नूं जिंदा लग्गदा सी। इस बैरक दा संतरी सिंघ सी अते मुनशी वी।

हफ़तावारी दौरे ’ते आइआ दरोग़ा बस ज़ाबता पूरा करदा सी। अहाते दे गेट ’ते खड़ो के उह सिंघां दा हाल-चाल पुछ्छदा सी। दुख्ख-तकलीफ़ सुण के उस नूं दूर करन दा भरोसा दे के तुर जांदा सी।

जेल्ह अधिकारीआं ’ते सिंघां दा छप्पा उंझ नहीं सी पै गिआ, इस लई उहनां नूं लंमा संघरश करना पिआ सी।

पहिलां-पहिल इक्का-दुक्का सिंघ फड़िआ जांदा सी। उस नूं सरकार दा दुशमण नंबर इक समझिआ जांदा सी। सिंघ उपर पूरी सख़ती हुंदी सी। बैरक दी थां सिंघां नूं कोठड़ीआं विच बंद कीता जांदा सी। हत्थकड़ीआं अते बेड़ीआं विच जकड़िआ जांदा सी। भुख्खा-तिहाइआ रख्खिआ जांदा सी। सारी-सारी रात सौण नहीं सी दित्ता जांदा।

सिंघां दी गिणती वधण नाल जेल्ह प्रशासन दीआं प्रेशानीआं वधण लग्गीआं। वख्ख-वख्ख बैरकां विचों कढ्ढ के उहनां नूं इक बैरक विच लिआंदा गिआ। बैरक दे बाहर अते छत्त उपर हथिआरबंद पहिरा लाइआ गिआ।

नित्त दीआं वधीकीआं तों तंग आए सिंघां नें फ़ैसला कीता, “शहीदी लई तिआर रिहा जावे। किसे नां किसे बहाने प्रशासन नाल आढा ला के उस नूं सबक सिखाइआ जावे।”

गुरपुरब तों इक हफ़ता पहिलां उहनां मंग रख्खी, “इस वार गुरपुरब असीं जेल्ह दे गुरदुआरे जा के मनावांगे।”

जेल्ह सुपरडैंट नूं इह मंग प्रवान नहीं सी। सिंघां दी बैरक अते गुरदुआरे विच अध्धा किल्लोमीटर दा फ़रक सी। साधारन कैदीआं नें वी गुरदुआरे आउणा सी। सिंघां नूं साधारन कैदीआं नाल रलाउण विच ख़तरा ही ख़तरा सी।

सिंघां नें यकीन दिवाइआ, “गुरपुरब वाले दिन नां असीं कोई गड़बड़ करांगे, नां किधरे भज्जांगे।”

पर दरोग़े दे कंन ’ते जूं नां सरकी।

सारी रात बैरक विच नाअरेबाज़ी हुंदी रही। सवेरे भुख्ख-हड़ताल शुरू हो गई।

घबराए दरोग़े नें मामला इंसपैकटर जनरल दे धिआन विच लिआंदा। उह मरिआ सप्प गल पाउण नूं तिआर नहीं सी। इक-इक सिंघ उपर वीह-वीह मुकद्दमे दरज सन। मुकद्दमिआं दी सुणवाई जे पूरी तेज़ी नाल होवे अते हर मुकद्दमे विच उह बरी होण तां वी उहनां नूं दस-पंदरां साल जेल्ह विच सड़ना पैणा सी। सिंघ आपणे आप नूं ‘बब्बर शेर’ अखवाउंदे सन। पिंजरे विच चूहा रहि के राज़ी नहीं। दुशमण ’ते भरोसा नहीं कीता जा सकदा। दुशमण नूं भज्जण दा मौका नहीं दित्ता जा सकदा। सोच-विचार के इंसपैकटर जनरल नें दरोग़े नाल सहिमती प्रगटा दित्ती।

गुरदुआरे जा के गुरपुरब मनाउण दी मनाही दीआं ख़बरां मिसलां विचों निकल के सारे सूबे विच फैल गईआं। बाकी जेल्हां विच बंद सिंघां नें वी भुख्ख हड़ताल कर दित्ती।

मानव-अधिकार संसथावां नें हवालातीआं दे धारमिक हक्कां उपर छापा मारन वाले इस हुकम दी सख़त निंदा कीती।

कुझ सिख्ख जथेबंदीआं नें काला दिवस मनाउण दा सद्दा दे दित्ता।

ख़ुफ़ीआ विभाग नें सरकार नूं सावधान कीता, सुलगदी अग्ग नूं भांबड़ बणन तों रोकिआ जावे। हालात नूं काबू करन लई विचकारला राह लभ्भिआ गिआ।

सिंघां नूं गुरदुआरे जाण दी इजाज़त दित्ती गई। नाल इक शरत रख्खी गई कि इकल्ला-इकल्ला सिंघ गुरदुआरे जाएगा। रसते विच सिंघां नूं हत्थकड़ी पहिनाई जाएगी।

सिंघां नूं इह शरत मनज़ूर नहीं सी।

मुख्ख मंतरी दे दख़ल ’ते मसला सुलझाइआ गिआ।

आम कैदीआं नूं बैरकां विच बंद कीता गिआ। जेल्ह दे अंदर अते बाहर नीम-फ़ौजी दसते ला के सुरख्खिआ प्रबंध सख़त कीते गए। सिंघां नूं बंद गड्डीआं विच बिठा के गुरदुआरे लिआंदा गिआ। उसे तरहां वापस पहुंचाइआ गिआ।

“बिनां मतलब सरकार नूं सिंघां अग्गे झुकणा पिआ। सरकार दी मुफ़त विच बदनामी होई।”

दरोग़े नूं अयोग प्रबंधक ठहिरा के उस दा तबादला कीता गिआ। सिंघां दे पैर हेठ बटेरा आ गिआ। नवें दरोग़े दे रिटाइर होण विच इक साल रहिंदा सी। नौकरी दा बाकी रहिंदा समां सुख-सांद नाल लंघाउण दे इरादे नाल उह सिंघां नूं रिआइतां ’ते रिआइतां देण लग्गा।

बदल के गिआ दरोग़ा जेल्ह अंदर सुक्के दुध्ध दा डब्बा तक नहीं सी आउण दिंदा। नवें दरोग़े नें इह सख़ती नरम कीती। पहिलां उह चीज़ां लिआउण दी इजाज़त मिली जिहड़ीआं जेल्ह दे गोदाम विच नहीं सन मिलदीआं। कड़ाह प्रशाद लई देसी घिओ, काजू अते बदाम आए। फेर कणक दा आटा अते वेसण लिआउण दी खुल्ल्ह मिली। फेर फ़ल-फ़रूट, शरबत अते मुरब्बे दी।

पता वी नां लग्गा कदों साल लंघिआ अते कदों दरोग़ा रिटाइर होइआ।

उस दी थां ’ते आइआ दरोग़ा दो साल मुअत्तल रहि के मसां-मसां बहाल होइआ सी। उस दी पहिली जेल्ह विच बंद सिंघां नें अठ्ठ फ़ुट्ट डूंघी अते तीह फ़ुट्ट लंबी सुरंग पुट्ट लई सी। कई टरक्क मिट्टी इधर-उधर खप गई सी। सुरंग पट्टदे समें सिंघां तों इक ग़लती हो गई। उहनां नूं नहीं सी पता कि जेल्ह दी बाहरली कंध दी नींह पंदरहां फ़ुट्ट डूंघी है। अख़ीर ’ते आ के उहनां दीआं आसां ’ते पाणी फिर गिआ। उहनां नें सुरंग बंद वी कर दित्ती। इस घुग्गू नूं फिर वी पता नां लग्गा।

दुध्ध दा फूकिआ दरोग़ा लस्सी नूं वी फूकां मार रिहा सी। पहिली जेल्ह विच सुरंग पुट्टण दा सामान घिओ दे पीपिआं अते कणक दीआं बोरीआं विच छुप के आइआसी।

नवां दरोग़ा सिंघां दी बैरक विच सामान लिजाण ’ते पाबंदी लाउणा चाहुंदासी।

वारडर तों लै के डिपटी तक इस फ़ैसले दा विरोध करन लग्गे। तरक उह इह दिंदे सन कि इस बैरक विच बंद सिंघ बहुत ख़तरनाक हन। रब्ब-रब्ब कर के उह मसां दिन-कटी कर रहे हन। सिंघां नाल पंगा लै के उहनां दीआं जानां नूं ख़तरे विच नां पाइआ जावे।

दरोग़ा उहनां दी शरारत समझदा सी। उहनां दे विरोध दा असल कारन होर सी। सिंघां दे शरधालूआं दी कमी नहीं सी। डेरिआं, गुरदुआरिआं विचों टैंपू भर-भर राशन दे आउंदे सन। सिंघां दे नाल-नाल जेल्ह करमचारीआं नूं मौजां लग्गीआं होईआं सन। पहिलां करमचारी बचिआ राशन लिजांदे सन। फेर पहिलां ही हिस्से पैण लग्गे। पहिलां छोटे करमचारी सामान लिजांदे सन। फेर सवाद वड्डे अधिकारीआं नूं पै गिआ। काजूआं, बदामां दे पैकट अते देसी घिओ दे पीपे उपर तक जाण लग्गे।

करमचारी इस सहूलत तों वांझा नहीं सन होणा चाहुंदे। प्रबंध नूं सुचज्जता नाल चलाउण लई अमले फैले दा सहियोग ज़रूरी सी।

मन ’ते पत्थर रख्ख के दरोग़े नें आपणे हुकम विच सोध कीती।

“अग्गों तों ओना राशन बैरक विच जाएगा, जिंना खपत हुंदा होएगा। अंदर आउण वाली तीलां दी डब्बी तक दी तलाशी होएगी। उह वी दरोग़े दी हाज़री विच।”

खिझे करमचारीआं नें सिंघां कोल मुख़बरी कीती, “किसे वी समें बैरक दी तलाशी हो सकदी है। बैरक बदली जा सकदी है।”

सिंघां नूं फ़िकर लग्गा। जे इंझ हो गिआ तां उहनां दी साल दी मिहनत ’ते पाणी फिर जाएगा। जलदी रिहाअ होण दे सुपने चूर हो जाणगे।

“बैरक दी तलाशी रुकणी चाहीदी है अते बैरक वी इहो रहिणी चाहीदी है।” पर इह कारवाई रुके तां किस तरहां? इह हल्ल लभ्भण लई जथेदारां विचकार कई दिन बहिस हुंदी रही।

अगले हफ़तावारी दौर ’ते आए दरोग़े नूं सिंघां नें धमकाइआ, “सानूं राशन पाणी दी तलाशी मनज़ूर नहीं है। इह साडी बेइज़्ज़ती है। साडी तौहीन बंद कर। नहीं तां नतीजिआं लई तिआर रहि।”

दरोग़ा पता नहीं किस मिट्टी दा बणिआ होइआ सी। धमकीआं उस नें इक कंनों सुणीआं अते दूसरिउं कढ्ढ दित्तीआं।

उस तों अगले दौरे ’ते ख़ुद जथेदार नें उस नूं ललकारिआ।

“असीं बाहरले सिंघां नूं हुकमनामा भेज रहे हां। सुधर जा नहीं तां सोध दित्ता जावेंगा।”

इस दौरे दे तीसरे दिन भाणा वरत गिआ।

पेशी भुगतण गए दो सिंघ रसते विच शहीद हो गए। अगले दिन अख़बारां विच ख़बरां छपीआं, “हाजत मिटाउण दे बहाने सिंघां नें डरेन दे पुल लागे वैन रुकवाई। हत्थकड़ीआं समेत मुक्के मार-मार सिपाहीआं नूं फट्टड़ कीता। फेर फ़रार होण लई कोल खड़ी जीप विच बैठ गए। चौकस पुलिस नें उहनां दी योजना नाकाम कर दित्ती। पुलिस अते जीप विच बैठे सिंघां विचकार दो घंटे गोली चल्ली। दुवल्ली गोलीबारी विच फस के दोवें सिंघ शहीद हो गए। जीप वाले सिंघ भज्जण विच कामयाब हो गए।”

शहीद होए सिंघ बाहरले सिंघां लई हुकमनामा लै के जा रहे सन। जथेदारां नूं शक्क होइआ। दरोग़े नूं इस दी भिणक पै गई होवेगी। इह कारवाई उसे नें करवाई होएगी।

सिंघां दे भोग तों पहिलां-पहिलां चीफ़ कमांडर नें भाजी मोड़ दित्ती।

बाहरले सिंघां नें पेशी भुगतण आए चार सिंघां नूं गोलीआं दी बुछाड़ कर के कचहिरी विच ही छुडा लिआ। इह असल मुकाबला सी। इस मुकाबले विच सिंघां दी थां पुलिस वाले मरे सन।

सिंघां दे फ़रार हुंदिआं ही दरोग़े दे घर मातम छा गिआ। वारदात दे दो घंटिआं बाअद दरोग़े दी कोठी फ़ोन खड़कण लग्गे। “दरोग़ा अते परिवार वाले उप्पर जाण लई तिआर रहिण।”

गल्ल आई-गई करन वाली नहीं सी। धमकीआं नूं नशर करना वी सिआणप नहीं सी। दरोग़े नें उच्च अधिकारीआं नाल गल्ल कीती।

उस दा भला चाहुण वाले अधिकारीआं नें चौकस रहिण, सिंघां कोलों मुआफ़ी मंगण अते सुलाह-सफ़ाई दी सलाह दित्ती।

धक्कड़ अफ़सरां नें कोठी पहिरा बिठाउण अते गंनमैनां दी गिणती वधाउण दी सलाह दित्ती।

जेल्ह सुपरडैंट नूं कोई वी राए पसंद नां आई। उह राजपूत सी। मुआफ़ी मंगणा उस दे सुभाअ विच नहीं सी। उुह मर सकदा सी, पर झुक नहीं सी सकदा। चेतावनीआं गिद्दड़-भबकीआं नहीं सन। किसे वी समें सच्च विच बदल सकदीआं सन। वधी सुरख्खिआ नें कंम नहीं सी आउणा।

दरोग़े दे रिशतेदार नें हल्ल सुलझाइआ।

“हुण भीड़ पै चुक्की है। सरकार जां अफ़सरां वल्ल झाकण दी लोड़ नहीं। सरकार कोलों झूठे वाअदिआं तों सिवा कुझ नहीं मिलणा। चुप्प कर के, समेत परिवार कैनेडा चलिआ जा। कैनेडा विच बथेरे रिशतेदार हन। हत्थां ’ते चुक्क लैणगे। हालात हमेशा इको जिहे नहीं रहिंदे। अत्तवाद ढहिंदी कला वल्ल जा रिहा है। हालात दे सुधरदे ही मुड़ आउणा।”

दरोग़े दे परिवार समेत रूपोश होण ’ते कई तरहां दीआं अफ़वाहां फैलीआं। किसे नें उस नूं काइर अते भगौड़ा आखिआ। किसे नें किहा सिंघां नें उस नूं मार के खपा दित्ता है। सरकार जाण-बुझ के उस दे मरन दी ख़बर छुपा रही है, तां जो जेल्ह अधिकारीआं दा मनोबल नां गिरे।

जेल्ह अधिकारीआं दा मनोबल डिग्गणों बचिआ जां नां, इस बारे कुझ नहीं आखिआ जा सकदा, पर इह गल्ल यकीनी हो गई कि सिंघ उन्नी करन जां इक्की, उहनां नूं टोकण वाला कोई नहीं सी रिहा अते हुण अध्धी रात नूं सिंघ उहो उन्नी-इक्की कर रहे सन। रसोई विच इकल्ले पए मीते दा मन शांत होण लग्गा। सथिती सपश्शट होण लग्गी। जेल्ह नूं पाड़ लग्ग रिहा सी। भज्जण दे इरादे नाल सिंघ सुरंग पुट्ट रहे सन।

मीते नूं आपणे प्रशनां दे उत्तर मिलण लग्गे। बैरक दीआं सैलफ़ां उपर अते परदिआं पिछ्छे पईआं बोरीआं विच की है? सवेरे अखाड़े विच नवीं गिल्ली मिट्टी किथों आउंदी है? शाम नूं सुक्की मिट्टी किथे चली जांदी है? जथेदारां दीआं कोठड़ीआं वाली फ़लश्श दी वरतों वार-वार किउं हुंदी है? रात नूं लांगरी आपणी कोठड़ी विच जलदी किउं चला जांदा है? सारा दिन उह सुत्ता किउं रहिंदा है? जलदी ही आपणे देश पुज्जण दे सुपने किउं लैंदा है? मीते नाल आपणे देश दी सैर कराउण दे वाअदे किउं करदा है?

प्रशनां दे उत्तर मिलण ’ते मीते नूं कांबा छिड़न लग्गा।

सिंघां नाल रल के उह जेल्हों भज्जे तां सिंघां कोलों खहिड़ा छुडाउण लई बैरकों भज्जे।

पैदा होए इस नवें प्रशन दा उह उत्तर सोचण लग्गा।

 

 

15

सवेर तों जथेदारां दी पंचाइत जुड़ी होई सी। ख़ास मसले विचारे जा रहे सन। उहनां विचों दो दा मीते नूं पता सी।

इक मामला मीते नाल संबंधित सी।

पिछले हफ़ते जथेदार नें घोशणा कीती सी।

“सानूं पता है तुसीं बेकसूर हो। इह सच्च दा पता लोकां नूं लग्गणा चाहीदा है। मैं आपणे बाहरले सिंघां नूं हुकमनामा जारी कीता है। उह बंटी दे असल कातलां दे खुरे खोजणगे।”

बंटी दे कातलां दे नां पते आ गए होणगे। उहनां नाल किस तरहां नजिठ्ठणा है? इक इह फ़ैसला होणा सी।

दूजा मामला डेरे दे इक साध दा सी। इक सेवादारनी नाल बलातकार करन दे दोश विच उस नूं दस साल कैद दी सज़ा होई सी।

पहिले दिन तों साध जेल्ह अधिकारीआं ’ते ज़ोर पा रिहा सी।

“मैं धारमिक विअकती हां, मैनूं सिख्खी माहौल वाली बैरक विच भेजिआ जावे।”

पर जथेदारां नूं उस दी बेनती प्रवान नहीं सी। साध उपर जे सौ कतलां दे दोश हुंदे ता वी उस नूं बैरक विच पनाह दे दिंदे, पर बलातकार वरगे अनैतिक दोश विच सज़ा होए साध नूं उह मूंह लाउण लई तिआर नहीं सी।

“मैं बेकसूर हां।” साध वार-वार इहो गुहार ला रिहा सी।

उह कहिंदा सी, “विरोधीआं नें मैनूं झूठी साज़िश तहित फसाइआ है।”

आपणे तप-तेज दे सहारे उस नें भूतां दे वास वाले इक वीरान शमशान नूं रमणीक डेरे विच बदल लिआ सी। लख्खां शरधालू पैदा कर लए सन। डेरे विच हर संगरांद अते मस्सिआ नूं अंम्रित प्रचार हुंदा सी। कई विदेशी शरधालू डेरे आउण लग्गे सन। उहनां नें संगत दी सहूलत लई आधुनिक सहूलतां वाले लंगर अते कीरतन लई दो विशाल हाल उसार दित्ते सन। डेरे दी ज़मीन अते आमदन विच दिनो-दिन वाधा हो रिहा सी। इस विसाखी नूं इक माई नें कार देणी सी। साध दा वीज़ा लग्ग चुक्का सी। धरम-प्रचार लई उस दा अमरीका, कैनेडा जाण दा प्रोगराम बण रिहा सी।

साध दी चहड़त विरोधीआं दे सीने सूलां चोभण लग्गी। उह साध नूं डेरिउं कढ्ढण दीआं साज़िशां घड़न लग्गे।

पहिलां पिंड दे सरपंच नाल मिल के उहनां नें डेरे दे प्रबंध लई पंज मैंबरी कमेटी बणाई। पहिली बैठक विच ही कमेटी नें मते पास कर दित्ते। “कमेटी गोलक नूं आपणा जिंदा लाएगी। चहड़ावे दा हिसाब-किताब रख्खिआ जाएगा। ज़मीन ठेके ’ते दित्ती जाएगी।”

साध दे शरधालू वी घट्ट नहीं सन। बंदूकां लै के डेरे दे दरवाज़े ’ते खड़ो गए। डरदे विरोधीआं दी डेरे दे अंदर दाख़ल होण दी हिंमत नां पई।

साध नूं बदनाम करन लई नवीं साज़िश घड़ी गई।

नोटां नाल जेब भर के डेरे दे डराईवर नूं ख़रीदिआ गिआ। नाल उस दी पतनी नूं कुकरम विच शामिल कीता गिआ।

घड़ी साज़िश मुताबक रात नूं डराईवर दी पतनी नें शोर मचाइआ, “वे लोको, मैनूं छुडाओ। आपणे सथान ’ते बुला के साध मेरी इज़्ज़त लुट्ट रिहै।”

शहिर गिआ डराईवर अचानक घर मुड़ आइआ। पतनी दी दुहाई सुण के उह सथान वल्ल दौड़िआ। मसां उस नें पतनी नूं साध हेठों कढ्ढिआ।

परचा दरज हुंदिआं ही पुलिस नें साध नूं ग्रिफ़तार कर लिआ। विरोधीआं नें झट्ट डेरे ’ते कबज़ा कर लिआ।

डेरे दी कमाई नाल पुलिस अते जज्ज नूं ख़रीदिआ गिआ। कूड़ दे सहारे उस नूं जेल्ह पहुंचा दित्ता गिआ।

आपणी सफ़ाई पेश करदा साध आखदा सी।

“सथान अते डराईवर दे कुआरटर विच पंज किल्लिआं दा फ़रक है। अध्धी रात नूं मुटिआर सथान ’ते किउं आई? शहिर डेरे तों वीह मील दूर है। वापरन वाली घटना दी डराईवर नूं पहिलां आकाशबाणी किवें होई? सारी कहाणी मनघड़त है।”

दुनिआवी अदालत नें साध दी इक नहीं सुणी। हुण उह ‘हक्क सच्च’ दी अदालत विच फ़रिआद लै के आइआ सी। उस नूं इनसाफ़ चाहीदा सी।

जथेदारां नूं साध दीआं गल्लां सच्चीआं लग्गीआं। उहनां नें साध नूं यकीन दिवाइआ, “असीं बाहरले सिंघां तों रिपोरट मंगी है। जे तूं निरदोश होइआ, तैनूं बरी करवावांगे अते कबज़ा वी दिवावांगे।”

बाहरले सिंघां नें दुध्ध दा दुध्ध अते पाणी दा पाणी कर के भेजिआ सी।

इस रिपोरट उपर विचार होणी सी।

अहाते दे विहड़े विच बैठा मीता डर रिहा सी। उस नूं लग्ग रिहा सी, जिवें इक फ़ैसला होर होण वाला सी। सिंघां दा हुकम नां मंनण कारन उस नूं बैरक विचों कढ्ढिआ जाण वाला सी।

सिंघां नें पहिले दिन उस नूं आखिआ सी कि उह सिंघ सज्ज जावे, पर मीते नें गल्ल आई-गई कर दित्ती सी।

हुण जदों तों मीते दी लांगरी नाल बुक्कल खल्ल्ही सी, उह वी उहो रट ला रिहासी।

“सिंघ सजण दा सद्दा दे के सिंघां नें तेरे ’ते मिहर कीती है। उहनां दी गल्ल मंन। झट्टपट्ट सिंघ सज जा। सिंघ बणिआ देख के जज्ज तैनूं उंझ ही बरी कर देणगे। जेल्ह विच किउं सड़ना है? बाहर जा के कौम दी सेवा करीं। ग़रीब-ग़ुरबिआं दीआं जेबां कट्टण दी थां सेठां दे ख़ज़ाने लुट्टीं। ज़ालम पुलसीआं दे ढिड्ड पाड़ीं। जिऊंदा रिहा तां सवरग भोगेंगा, मर गिआ तां कौम दा शहीद अखवाएंगा। इतिहास विच तेरा नां आएगा। संमती वालिआं दा खहिड़ा छड्ड। उहनां पिछ्छे लग्ग के तूं जुरम करने छड्डे, पर खट्टिआ की? उमर कैद। उह वी झूठे केस विच। वध्धो-वध्ध अपील दे फ़ैसले तक उह तेरे नाल खड़ोनगे। फेर किसे होर दे केस दी पैरवाई विच रुझ जाणगे। तैनूं भुल्ल जाणगे।”

लांगरी दीआं गल्लां सुण के मीते नूं लग्गदा सी कि उह सच्च आखदा सी। हक्क-सच्च दी कमा के खाण वाले दी समाज विच कोई थां नहीं है। फेर उह नाली दा कीड़ा बण के किउं जीवे? मरना सभ नें है। उह खांदा-पींदा अते बहादरां वाली मौत किउं नामरे?

लांगरी दा दूजा अखाण वी सच्च सी। साध महीने तों इस बैरक विच आउण लई सिंघां दे हाड़े कढ्ढ रिहा सी। बैरक विच आउणा तां दूर दी गल्ल सी, हाले तक उस नूं सिंघां दे दरशन तक नहीं सन होए।

मीते नूं सिंघ सजण दा सद्दा सिंघां नें ख़ुद दित्ता सी। उह सद्दे दी प्रवाह नहीं सी कर रिहा।

मीते नूं लांगरी दी तीजी गल्ल ’ते किंतू सी। संमती वालिआं दे उस उपर बहुत अहिसान सन। जे उह भीड़ समें मीते पाले दी बांह नां फड़दे तां उह कदों दे फांसी चहड़ गए हुंदे। संमती वाले उहनां दा साथ छड्डण वाले नहीं सन। हाई कोरट उहनां नें अपील कर दित्ती सी। कहिंदे सी, “हर हीले रिहाअ करा के छड्डांगे।” उह जो कहिंदे हन, उस ’ते फुल्ल चहड़ाउंदे हन।

मीता जक्को-तक्की विच सी। उह सिंघां वांग तत्ता वगे जां संमती वालिआं वांग ठरंहमे नाल चल्ले। उह जेलोहं भज्जे जां बाइज़्ज़त बरी हो के बाहर निकले। उह आपणे वरगिआं नाल हुंदे धक्के दा बदला सटेनगंन नाल लवे जां संमती वालिआं वांग लोक-राए बणा के राज पलटा लिआए।

उह किधर जावे? मीता इह सिट्टा नहीं सी कढ्ढ सकिआ।

पर जथेदार सिट्टे कढ्ढ च्के सन।

इक सिंघ नूं साध नूं बुलाउण लई छड़िआं दी बैरक भेजिआ गिआ।

साध नें पैर जुत्ती नां पाई। उस नूं यकीन सी, फ़ैसला उस दे हक्क विच होएगा।

बाहरले सिंघां नें जो रिपोरट भेजी सी, पहिलां उह पहड़ के सुणाई गई।

“इह साध नहीं, पखंडी है। कांगड़े दी अदालत विच चल्लदे इक कतल केस विच भगौड़ा है। रूपोशी दे दिनां विच तिंन साल इह इक डेरे विच लुकिआ रिहा। उथे इस नें लोकां दीआं धारमिक भावनावां नाल खेडणा सिख्ख के लोकां नूं ख़ूब लुट्टिआ है। पशू बिरती इस दा खहिड़ा नहीं छड्ड रही। डराईवर दी पतनी ही नहीं, इस नें होर सेवादारनीआं दी इज़्ज़त वी ख़राब कीती है। डराईवर दे मौके ’ते पज्जण वाली गल्ल झूठी है। पुलिस नें डराईवर कोलों इह झूठ केस नूं मज़बूत करन लई बुलवाइआ सी। साध नूं गुरबाणी दी इक तुक तक नहीं उचारनी आउंदी, गुरबाणी दी विआखिआ करनी तां दूर दी गल्ल है। पिंड वाले सही हन। उहनां जो कीता है, ठीक कीता है।”

बाहरले सिंघां दी राए सी कि लोकां नूं गुंमराह करन वाले इस पाखंडी नूं जेल्ह विच ही सोध दित्ता जावे।

आपणा कच्चा चिठ्ठा सुण के साध थर-थर कंबण लग्गा। पैरीं पै-पै माफ़ीआं मंगण लग्गा।

पहिलां उस दा मूंह काला कीता गिआ। फेर छित्तर मार के उस नूं बैरक विचों भजाइआ गिआ।

मीते नूं लग्गण लग्गा, हुकम-अदूली कारन उस नाल वी उहो जिहा सलूक होण वाला है।

ग़ुस्से दी थां पिआर नाल उस नूं कोल  बुलाइआ गिआ। मुख्ख सेवादार वल्लों ख़ुद उस नूं समझाइआ गिआ।

“बंटी दे कातल बड़े हुशिआर हन। पिछ्छे कोई सुराग़ नहीं छड्ड के गए। जापदै वारदात पुलसीआं नें कीती है, पर तूं घबरा नां। सिंघ उहनां नूं लभ्भ के छड्डणगे। हाईकोरट विच पेश कर के उहनां तों जुरम दा इकबाल कराउणगे। उहनां नूं जेल्ह अते तुहानूं रिहाअ कराउणगे।”

जथेदार दे इस थापड़े नें मीते नूं दोचित्ती विचों कढ्ढ दित्ता। उस नें मन ही मन फ़ैसला कीता, “अज्ज तों केस पतित करने बंद। नितनेम शुरू। मैं पूरन सिंघ बण के रहांगा।”

 

 

16

मंतरी-मंडल दी मीटिंग देर रात तक चल्लदी रही। फ़ैसले दी जाणकारी मिलदिआं ही सुपरडैंट भज्जा-भज्जा आइआ। नछत्तर सिंघ नूं कच्ची नींदों जगाइआ। फेर मंतरी-मंडल वल्लों लिआ गिआ फ़ैसला उस नूं सुणाइआ। नाले सरकार वल्लों यकीन दिवाइआ, “इह कारवाई गुपत रख्खी गई है। तुहाडी रिहाई तक फ़ैसले दी किसे नूं भिणक नहीं पएगी। हुकम विशेश दूत राहीं आएगा। बस्स, रिहाई लई तिआररहो।”

इस समें कोठी विच चार कैदी बंद सन। विधाइक अते प्रोफ़ैसर। रामू लांगरी अते पाला। प्रोफ़ैसर अते रामू दी रिहाई नछत्तर नाल जुड़ी होई सी। सुपरडैंट दे जाण बाअद विधाइक नें इह ख़ुशख़बरी उहनां नूं वी सुणा दित्ती।

ख़ुश होण दी थां उस समें तों चारे कैदी आपणे-आपणे बिसतरिआं विच पए उस्सलवट्टे लै रहे सन।

विधाइक नूं लग्ग रिहा सी कि मुख्ख मंतरी नें हाले उस नूं मनों मुआफ़ नहीं कीता। नछत्तर सिंघ दीआं अख्खां पूंझण लई उह रिहाई दे हुकम जारी कर दिंदा है। फेर किसे नां किसे बहाने रोड़ा अटका दिंदा है। दो वार पहिलां इंझ हो चुक्का है। उसनूं जाप रिहा सी, इस वार वी इंझ ही होणा है।

इहो जिहा कुझ लांगरी रामू सोच रिहा सी। उह मुलज़म नहीं सी। उस नूं उच्च वरग दे लोकां दी पसंद दा खाणा बणाउणा अते फेर ढंग नाल वरताउणा आउंदा सी। इसे कसूर कारन उस नूं जेल्ह विच सुट्टिआ गिआ सी।

जेल्ह मुखी दे दौरे समें सतिंदर कुमार इको गिला करदा सी, “मैनूं चंगा लांगरी दिओ।”

सुपरडैंट नें इक-इक करके वीह लांगरी उस दी सेवा विच हाज़र कीते। इक वी उस दे नक्क हेठ नां आइआ। किसे नूं टरेअ फड़नी नहीं सी आउंदी, किसे नूं गलास ढक्कणा नहीं सी आउंदा। किसे नूं साहिब नाल गल्ल करन दी सूझ नहीं सी, किसे नूं साहिब दे कमरे अंदर वड़न दी। किसे नूं सूप नहीं सी बणाउणा आउंदा, किसे नूं बरिआनी।

इह पुलिस लाईन दी मैस्स नहीं, जेल्ह सी। लांगरी कैदीआं विचों लाइआ जाणा सी। साहिब दी पसंद दा कैदी किथों लिआंदा जावे? सुपरडैंट नूं समझ नहीं सी आरही।

अख़ीर मसला सुलझाउण लई पुलिस कपतान दी मदद लई गई।

पुलिस नें इक दरमिआने होटल ’ते छापा मारिआ। बिनां मज़दूरी तों शराब पिआ रहे मैनेजर अते वेटर नूं फड़िआ। मैनेजर अग्गे शरत रख्खी, “जे मुकद्दमे विचों निकलणा है तां कुझ महीनिआं लई वेटर नूं भुल्ल जा।”

मैनेजर हत्थ जोड़ के खड़ो गिआ, “मेरे कोल इस वरगे वीह वेटर हन। इस नूं जिंना चिर मरज़ी रख्खो।”

रामू मन ला के कंम करे, इस लई सुपरडैंट नें उस नूं भरोसा दित्ता, “साहिब कुझ दिनां दे महिमान हन। जे ख़ुश हो गए तां तैनूं नाल लै जाणगे। पुलिस विच भरती करवा देणगे।”

जलदी मुकती अते पुलिस दी नौकरी दे सुपने लैंदा रामू दिन रात साहिब दी सेवा करदा रिहा।

उस दे माड़े भागां नूं सतिंदर दी रिहाई दे हुकम विधाइक नालोंपहिलांआगए।

रामू दा कंम नछत्तर नूं वी पसंद सी।

“मेरी रिहाई वी होण वाली है। दो-चार दिनां लई नवां खसम किथों करांगे। कुझ दिन औखे कट्ट लै। मैं तैनूं आपणे कोल रख्ख लवांगा।”

आखदे विधाइक नें सतिंदर कोलों रामू दा रस्सा फड़ लिआ। ‘कुझ दिन’ कई महीनिआं विच बदल गए। नां नछत्तर दा खहिड़ा छुट्टा, नां रामू दा।

रामू नूं लग्ग रिहा सी, खहिड़ा इकल्ले नछत्तर दा छुट्टेगा। रामू दा रस्सा कोई होर ज़ोरावर कैदी फड़ के लै जाएगा।

पाले दा फ़िकर उहनां नालों वख्खरा सी। उह उमर कैद कट्ट रिहा सी। बाकीआं दी रिहाई नाल उस दा कोई लैणा-देणा नहीं सी। लाभ सिंघ नां दे इक महांरिशी नें उस नूं चूहे तों राजकुमार बणा दित्ता सी। सवरग भोगण लई इथे भेज दित्ता सी। बेफ़िकरी अते खुल्ल्हा खाण-पीण कारन उस दी गोगड़ वध गई सी, गरदन मोटी हो गई सी। विधाइक दे रिहाअ हुंदिआं ही उस दा सवरग उज्जड़ जाणा सी।

राजकुमार तों मुड़ चूहा बणन दा ख़िआल आउंदे ही उस नूं कांबा छिड़ जांदासी। आपणे बिसतरे विच पिआ पाला, विधाइक दी रिहाई रोकण लई सुख्खां सुख्खण लग्गा।

पाले नें कई जेल्हां देखीआं सन। सैंकड़े जेल्ह करमचारीआं नाल वाह पिआ सी। उह सभ ख़ूंख़ार सन, पर इस कोठी दी हद्द विच पता नहीं किसे की जादू धूड़िआ सी। कोठी दे गेट कोल पुज्जदे ही अफ़सर मोम वांग नरम हो जांदे सन, जानवरां वांग पूछ मारन लग्गदे सन।

लोक कोठी नूं भागां वाली समझदे सन। सालां बाअद इह इक-अध्ध वार खुल्ल्हदी सी। जदों खुल्ल्हदी सी, कई रंकां नूं राजे बणा दिंदी सी।

ऐमरजैंसी दे दिनां विच इथे शेख़र बाबा बंद रहे सन। जेल्ह दा इक डिपटी उहनां दा उपाशक सी। सरकार दीआं हदाइतां नूं छिक्के टंग के, आपणी नौकरी नूं ज़ोख़म विच पा के उस नें नेता जी दी ख़ूब सेवा कीती। ऐमरजैंसी ख़तम हुंदिआं ही राज-पलटा आ गिआ। शेख़र साहिब बहुत वड्डी कुरसी ’ते जा बैठे। भीड़ विच कंम आइआ मित्तर उहनां नूं याद आइआ। सहुं चुक्कदिआं ही उहनां नें हुकम जारी कीता। तरक्की दे के उस नूं डिपटी तों सुपरडैंट बणाइआ। फेर विशेश तरक्कीआं दे के जेल्ह विभाग दा मुखी बणाइआ। रिटाइर होण लग्गा तां दो साल होर बख़श दित्ते। जिंना चिर सेख़र साहिब हेठ कुरसी रही, डिपटी मौजां माणदा रिहा।

फेर कई सालां बाअद इह कोठी बरनाला साहिब लई खुल्ल्ही। उहनां दा दिल लगाउण लई इक मख़ौलीए कैदी नूं कोठी भेजिआ गिआ। गल्लां मार-मार कैदी नें बरनाला साहिब दा मन जित्त लिआ। बाहर जा के पहिलां उहनां गालड़ी नूं विधाइक बणाइआ। फेर जदों उहनां दी सरकार बणी, उहनां उस नूं मंतरी बणा दित्ता। अज्ज- कल्ल्ह गालड़ी साहिब दी सूबे दी सिआसत विच आपणी थां है। कईआं सालां बाअद कोठी नूं भाग लग्गे सन। जेल्ह अधिकारीआं नें इतिहास तों सबक सिख्ख रख्खिआ सी। किसे दा मन मंतरी बणन नूं करदा सी, किसे दा विभाग दा मुखी।

जिंना चिर नछत्तर हुरां दे सितारे गरदिश विच रहे, मुलाज़म उहनां कोलों पासा वट्टदे रहे। गड्डी दे लीह ’ते आउंदिआं ही उहनां कांटे बदल लए। कोठी खुल्ल्हण दा हुकम मिलदे ही सुपरडैंट नें ताड़ लिआ। ‘गुरू चेले विचकार संबंध सुधर गए हन।’ सभ नूं पता है, विधाइक नूं सज़ा मुख्ख मंतरी दे इशारे ’ते होई सी। हाई कोरट दे अध्धे जज्ज मुख्ख मंतरी दे लाए होए हन। नज़र सवल्ली हुंदे ही उस नें विधाइक नूं बरी करवा देणा सी। नछत्तर सिंघ नौजवान  सी, सिआसत विच हाले उस नें होर तरक्की करनी सी।  दूर-अंदेश सुपरडैंट उस नूं हुण तों मंतरी मंन के चल्लण लग्गा।

इसे तरहां सतिंदर कुमार पुलिस विभाग दा वड्डा अफ़सर  सी। माड़े दिनां नें लंघ ही जाणा है। उह किसे वी दिन विभाग दा मुखी बण सकदा  सी। इस समें वी  उस दी बहुत चल्लदी सी।  छोटे करमचारीआं दे वारे-निआरे उह जेल्ह ’च बैठा कर सकदा  सी।  भविख्ख दे मुखी नूं ख़ुश रख्खणा छोटे करमचारीआं दा फ़रज़ सी।

सिआसी कैदी उडारी मारन ही वाले सन। जेल्ह सुपरडैंट इक मिंट वी अजाईं  नहीं सी गवा रिहा।

कोठी दे पिछवाड़े मुलाज़मां दे कुआरटर सन। कुआरटरां अते कोठी विचकार इक कंध सी। मुलाज़मां दे आउण-जाण लई कंध विच इक छोटा जिहा दरवाज़ा सी।

सुपरडैंट इस दरवाज़े दा भरपूर फ़ाइदा उठा रिहा सी।

दफ़तर जांदा-जांदा पहिलां उह कोठी दे दरवाज़े ’ते दसतक दिंदा। तिंनें कैदीआं नूं गड्ड-मारनिंग आखदा। “रात कोई दिक्कत पेश तां नहीं आई।” इह पछ्छदा, फेर आप सारी कोठी दा मुआइना करदा। सफ़ाई ठीक होई है? इह देखदा। “रसोई विच किसे चीज़ दी कमी तां नहीं?” लांगरी कोलों पुछ्छदा। दोहां मुशक्कतीआं नूं ताड़दा।  “साहिब लोकां दी सेवा विच कमी रहि गई तां कोठी बंद कर दऊं।”

डिऊटी ख़तम होण बाअद, घर मुड़दा वी इंझ ही करदा। नहा-धो के फेर कोठी आ धमकदा। गप्प-शप्प हंदी। गलासीआं खड़कदीआं। शाइरो-शाइरी हुंदी।

 

जेल्ह फेर वी जेल्ह सी। वधीआ खाण-पीण सभ कुझ नहीं हुंदा। दिन घुंमदे-फिरदे, मुलाकातीआं नाल गप्पां मारदे लंघ जांदा सी। रात पैंदिआं ही हौल पैण लग्गदे सन। कदे अख्खां भरी बीवी साहमणे आ खहड़दी, कदे गोदी चहड़न लई उतावले पए बच्चे। कदे बाप दे हउके सुणाई दिंदे, कदे मां दे कीरने। कदे उजड़ी फ़सल दिखाई दिंदी, कदे धुंदला पैंदा जा रिहा सिआसी भविख्ख।

विधाइक दा मन जेल्हों निकलण लई काहला पैण लग्गदा।

“तुहाडे मेरे उपर पहिलां ही बहुत अहिसान हन। इक अहिसान होर कर देवो। कोई हीला-वसीला कर के मेरी पक्की रिहाई दा इंतज़ाम कर दिओ।”

विधाइक नें सुपरडैंट कोल मिंनत कीती। नाल जेल्ह मंतरी तों इशारा कराइआ, “जे तजवीज़ आएगी, उस ’ते फुल्ल चहड़नगे।”

जेल जुपरडैंट झट्ट दिमाग़ दे घोड़े दुड़ाउण लग्गा।

कैदीआं दीआं समस्सिआवां नूं समझणा अते फेर उहनां दे हल्ल सुझाउणे जेल्ह विभाग दा कंम है। आपणा फ़रज़ निभाउण लई जेल्ह सुपरडैंट नें नियमां दा डूंघा अधिऐन कीता। फेर सिट्टा कढ्ढिआ।

“पहिले समिआं विच कैदी नूं चार-दीवारी पिछ्छे रख्खण दा उदेश उस नूं तसीहे देणा सी। अज्ज-कल्ल्ह कैद दा उदेश उस दीआं भैड़ीआं आदतां नूं सुधारना अते चंगे शहिरी बणन विच उस दी मदद करना है। इस उदेश दी पूरती लई कैदीआं दीआं समाजिक, मानसिक अते सरीरक समस्सिआवां नूं समझणा अते सुलझाउणा ज़रूरी है।”

“परिवार अते समाज नालों लंमा समां वख्ख रहिण कारन कैदीआं दीआं मानसिक गुंझलां पीडीआं हो जांदीआं हन। संतुलन बणाई रख्खण लई कैदी नूं घर जाण दा वध्ध तों वध्ध मौका देणा चाहीदा है।”

इह मौका, किस नियम विच, किहड़ी-किहड़ी सोध कर के दित्ता जा सकदा है, फेर प्रशासन नूं इह सुझाइआ।

मौजूदा नियमां अनुसार कैदी नूं इक साल कैद कट्टण बाअद इक महीने दी छुट्टी मिलदी है। हवालातीआं नूं इह सहूलत वी उपलबध नहीं है। ग्रिफ़तारी वाले दिन तों लै के फ़ैसले तक उस नूं जेल्ह विच सड़ना पैंदा है। कचहिरीआं मुकद्दमिआं नाल भरीआं पईआं हन। सुणवाई मुकंमल होण नूं कई-कई साल लग्गदे हन। कई वार इह उडीक दस-दस, बारां-बारां साल तक्क चल्लदी है।

कैदीआं दे नाल-नाल छुट्टी दी सहूलत हवालातीआं नूं वी दित्ती जावे। इक साल कैद कट्टण बाअद छुट्टी मिलण वाली शरत नरम कीती जावे। कैदी नूं किसे वी समें छुट्टी जाण दी खुल्ल्ह होवे। इक महीने दी छुट्टी घट्ट है। इस नूं छे महीने तक वधा दित्ता जावे। कैदी नूं पूरी सज़ा तां कट्टणी ही पैणी है। जे वध्ध छुट्टी जाण नाल कैदी दी रिहाई लटकदी है तां इस नाल सरकार नूं की फ़रक पैंदा है।

प्रशासन वल्लों इक होर नियम नूं सोधण दी मंग कीती गई। अज्ज-कल्ल्ह कैदी नूं केवल आपणा इलाज कराउण लई छुट्टी मिलदी है। छुट्टी दी इस सहूलत दा घेरा वधाइआ जावे। नज़दीकी रिशतेदारां दा ख़िआल रख्खणा वी कैदी दा फ़रज़ है। नज़दीकी रिशतेदारां दे बीमार होण ’ते वी इह छुट्टी दित्ती जावे।

अजिहीआं खुल्ल्हां नाल कैदी दे मन विचों कुड़त्तण निकल जावेगी। उस दे सुधरन दी आस वध जावेगी। जेल्ह विभाग दे मुखी दी नज़र आपणे हवालाती मित्तर उपर सी। हवालातीआं नूं छुट्टी मिलण दी तजवीज़ मनज़ूर हुंदिआं ही सतिंदर कुमार नें छुट्टी ’ते चले जाणा सी। छुट्टी दौरान उस नें रुस्से बास नूं मना लैणा सी ते छुट्टी ख़तम होण तों पहिलां-पहिलां बरी हो जाणा सी।

सुझाअ नाल सहिमती प्रगटा के झट्ट उस नें मिसल जेल्ह मंतरी दे मेज़ ’ते पहुंचा दित्ती।

जेल्ह मंतरी दी नज़र आपणे मित्तर उपर सी। सोध दे प्रवान हुंदिआं ही नछत्तर सिंघ नूं लंबी छुट्टी मिल जाणी सी। रिशतेदारां नें बीमार हुंदे रहिणा है। हर रिशतेदार दे इलाज लई छुट्टी मनज़ूर करन लई जेल्ह मंतरी लई राह पध्धरा हो जाणा सी। अपील दे मनज़ूर होण तक नछत्तर सिंघ नें छुट्टी ’ते रहिणा सी।

सारीआं उपचारकतावां मुकंमल करवा के जेल्ह मंतरी नें मिसल मुख्ख मंतरी दे दफ़तर पहुंचा दित्ती। मुख्ख मंतरी नें आपणी मोहर ला दित्ती। मंतरी मंडल दी सहिमती लई तजवीज़ मीटिंग दे एजंडे विच पवा दित्ती।

एजंडे दी कापी मुलज़मां हत्थों सताए लोकां दे हक्कां दी राखी करन वाली इक ‘पीड़त भलाई संसथा’ नां दी जथेबंदी दे हत्थ लग्ग गई। जथेबंदी नें सोधां विरुध्ध प्रचार करना शुरू कर दित्ता। कहिंदी, “इकल्ले मुलज़मां दी भलाई दा ख़िआल किउं रख्खिआ जावे? उहनां अनाथ बच्चिआं दे हंझूआं वल्ल किउं नां तक्किआ जावे जिनहां दे मापिआं नूं इहनां नें दिन-दिहाड़े कतल कीता है? उहनां मुटिआरां दे उजड़े भविख्ख नूं धिआन विच किउं नां रख्खिआ जावे, जिनहां दीआं इज़्ज़तां सत्थां विच लुट्टीआं गईआं हन, जिहड़ीआं नां घर दीआं रहीआं हन, नां घाट दीआं। मानसिकता पीड़त धिर दी वी हुंदी है। मुजरमां दे जेल्ह जांदिआं ही वापस आ जाण ’ते उहनां दे सीनिआं ’ते सप्प नहीं लिटणगे? मनमरज़ी दी छुट्टी दा अधिकार मिलण बाअद कैदी दा मरन तक जेल्ह जाण नूं दिल नहीं करना। छुट्टी नूं कदों तक वधाउंदे रहोगे। हवालाती बाहर आ के गवाहां नूं धमकाउणगे। कामयाबी नां मिली तां गड्डी चहड़ा देणगे। किंने मुकद्दमिआं विच उहनां नूं जुरम करन दी छुट्टी देवोगे। निज्जी फ़ाइदिआं लई मुजरमां नूं सज़ावां देण अते जेल्हीं सुट्टण पिछ्छे कंम करदे सिधांतां दी खिल्ली नां उडाओ।”

संसथा वल्लों पीड़तां दे हक्कां विच पेश कीते तरकां नें कई होर संसथावां दे रौंगटे खड़े कर दित्ते। सोधां विरुध्ध थां-थां मते पास होण लग्गे।

आलोचना तों डरी सरकार नूं हत्थ पिछांह खिच्चणा पिआ। ‘अजिही कोई तजवीज़ नहीं’ दा बिआन दाग़ के मुख्ख मंतरी नूं सोधां वाली मिसल नूं ठंढे बसते विच सट्टणा पिआ।

इक तीर दे निशाने तों खुंझ जाण नाल जेल सुपरडैंट दा तरकश ख़ाली होण वाला नहीं सी। उस नें नवां तीर कढ्ढ लिआ।

सरकार नूं जे नियमां विच सोध करनी मुशकल जापदी है तां उह मुशकल विच नां पवे। वरतमान नियमां दा सहारा लै के आपणे चहेते कैदीआं दी मदद करे।

लोक राए नछत्तर सिंघ दे हक्क विच सी। उस नूं रिहाअ करन दी मंग लै के लोक आए दिन जलसे करदे अते जलूस कढ्ढदे सन। सरकार ख़ुफ़ीआ पड़ताल करवा चुक्की सी। कतल गंनमैनां नें आपणी मरज़ी नाल कीता सी। विधाइक दी उस विच कोई भूमिका नहीं सी। लोकतंतर विच लोकां दी राए बहुत अहिमीअत रख्खदी है। सरकार लोक राए अग्गे सिर झुकाए। लोक हित्त नूं धिआन विच रख्ख के मुकद्दमा वापस लए।

सरकार नें इस उदेश दी पूरती लई हाईकोरट विच अरज़ी लाई। अरज़ी दी सूह गंनमैनां दे वकीलां नूं लग्ग गई। उहनां नें वंझ गड्ड दित्ता। ‘सरकार दा रवई्ईआ पख्खपाती है’ आख के दरख़ासत दा विरोध करना शुरू कर दित्ता। गंनमैनां नें आपणा फ़रज़ निभाइआ है। उह बेकसूर हन। सारा मुकद्दमा वापस लिआ जावे जां सारे मुलज़मां नूं इको अख्ख नाल देखिआ जावे।

हाईकोरट गंनमैनां दे वकीलां नाल सहिमत हो गई।

अदालत दी दख़ल-अंदाज़ी कारन रिहाई इक वार फेर टल गई।

इसे दौरान सतिंदर कुमार दा पासा सिध्धा पै गिआ। मिंनत-तरला कर के उस नें केंदरी मंतरी नाल सुलाह कर लई। मंतरी दे तेवर ढिल्ले पैंदे ही जज्ज गठ्ठिआ, ज़मानत मनज़ूर कराई अते पत्तरे वाच गिआ।

इकल्ले रहि गए नछत्तर नूं जेल्ह होर वढ्ढ-वढ्ढ खाण लग्गी। मन जलदी रिहाअहोण लई काहला पैण लग्गा। उह जेल्ह मंतरी राहीं जेल्ह प्रशासन ’ते दबाअ वधाउण लग्गा।

जेल्ह सुपरडैंट नें किंग बरूस वाली कहाणी नूं चंगी तरहां घोटा लाइआ होइआ सी। उह विधाइक दी रिहाई लई नवें सिरिउं यतन करन लग्गा।

सुपरडैंट नें सरकार नूं याद कराइआ। संविधान नें उस नूं हर तरहां दे कैदी दी, हर तरहां दी सज़ा मुआफ़ करन दा अधिकार दित्ता होइआ है। भावें इह अधिकार मिलिआ अजिहीआं प्रसथितीआं नूं नजिठ्ठण लई है, जिथे कैदी नाल घोर अनिआं होइआ होवे अते कानूंनी अड़चनां कारन, चाहुंदे होए वी अदालत इनसाफ़ नां कर सकी होवे, पर सरकार वल्लों इस अधिकार दी बहुती वरतों आपणे हमाइतीआं दे भले लई ही हो रही है।

सुपरडैंट नें अजिहे कुझ केसां दा हवाला दित्ता, जिनहां विच इस अधिकार दी वरतों सफ़लतापूरवक हो चुक्की सी।  संगीन जुरमां दे मुजरम चुप्प-चाप घरां नूं तुर गए। उहनां दे रिहाअ होण दी सूह नां किसे संसथा नूं मिली, नां किसे अदालत नूं।

संजे ख़ान उपर दो विदिआरथीआं दे कतल दा केस सी। बुढ्ढे मां-बाप दा उह इकलौता पत्तर सी। पिछ्छे उहनां दी देख-भाल करन वाला कोई नहीं सी। इस बहाने उस दी सज़ा मुआफ़ कीती गई सी।

बच्चे चुक्क के उहनां नूं मंगते बणाउण वाले गरोह दे सरगने प्रताप सिंघ दी पतनी सख़त बीमार सी। उह किसे वी समें दम तोड़ सकदी सी। उस दा दम आपणी पती दी गोद विच निकल सके, इस लई सरकार नें इस अधिकार दी वरतों कीतीसी।

 

विधाइक दा पख्ख इहनां सभ नालों मज़बूत सी। उस नूं सज़ा सिआसी कारनां करके होई सी। दोहां धिरां विच हुण समझौता हो चुक्का सी। पिंड विच अमन-चैन सी। अमन-चैन नूं सथाई रूप देण लई लोकां विच उहनां दे नुमाइंदे दा होणा ज़रूरी सी। इस आधार ’ते विधाइक दी रहिंदी सज़ा मुआफ़ होणी चाहीदी है।

 

सज़ा मुआफ़ी दे हुकम उपर राजपाल दे दसतख़त होणे सन। राजपाल तक पुज्जण तों पहिलां मिसल नूं हज़ारां चोटीआं सर करनीआं पैणीआं सन। प्रोफ़ैसर दी पैरवी करन वाले एने हिंमती नहीं सन। हुशिआरी नाल सुपरडैंट नें उस दी मिसल विधाइक दी मिसल नाल बंनह दित्ती। जदों हाथी लंघ गिआ तां पूछ वी लंघ जावेगी अते रातीं सुपरडैंट हाथी अते पूछ दोहां दे लंघ जाण दी ख़बर सुणा के गिआ सी।

इस ख़बर ’ते किसे नूं बहुती ख़ुशी नहीं सी होई। उहनां दा मन आखदा सी, इस वार मिहनत पल्ले पएगी। दिमाग़ आखदा सी, इह हुकम वी छलावा है। पूरी सज़ा भुगतणी पएगी।

दुचित्ती विच पए उह दुपहिर दा इंतज़ार करन लग्गे।

दुपहिर आई। हुकम दी थां भैड़ी ख़बर लिआई।

“घर दे किसे भेती नें फेर लंका ढाह दित्ती सी।  गुपत दसतावेज़ पीड़त भलाई संसथा कोल पुज्ज चुक्के हन। संसार दे अहुदेदार हाईकोरट ’च बैठे हन। उह रिट दी तिआरी कर रहे हन। उहनां नूं गिला है। सरकार आपणे अधिकार दी दुरवरतों कर रही है। आपणा पख्ख मज़बूत करन लई उहनां नें अंकड़े जुटा लए हन। उहनां नूं पता लग्ग चुक्का है   संजे ख़ान नें इक राहगीर दे पेट विच ख़ंजर मार दित्ता है। उह  जेल्ह दी हवा खा रिहा है। प्रताप सिंघ दे घर नूं जिंदा लग्गा होइआ है। उह बच्चे चुक्कण दिल्ली-दख्खण वल्ल निकलिआ होइआ है। संसथा सहे दी थां पहे तों डर रही है। बीसीआं होर ख़ानां अते प्रताप सिंघां दी रिहाई दी योजना बण रही है। उमर कैद वाले ख़तरनाक मुजरमां नूं छे महीने बाअद रिहाअ कर के सरकार नाले अदालतां दा मज़ाक उडा रही है, नाले लोकां दी सुरख्खिआ लई ख़तरा खड़ा कर रही है। अजिहीआं पख्खपाती रिहाईआं ’ते रोक लग्गणी चाहीदी है।”

इह ख़बर सुण के नछत्तर होरां दे चिहरिआं ’ते हवाईआं उड्डण लग्गीआं। नछत्तर प्रोफ़ैसर कोल जा बैठा अते रामू पाले कोल।

रामू रीं-रीं करन लग्गा।

“मेरे घर बच्चा होण वाला है। मैं बड़े सुपने लए सन। हर महीने, पतनी दी जांच डाकटर कोलों करवावांगा। उस नूं वधीआ तों वधीआ ख़ुराक देवांगा। पतनी नूं ख़ुश रख्खांगा। मेरीआं सारीआं योजनावां धरीआं-धराईआं रहि गईआं। इकल्ली बैठी मेरी पतनी सारा दिन रोंदी रहिंदी है। होटल वालिआं नें उधार देणा बंद कर दित्ता है। कोठीआं विच सफ़ाई कर के उह मसां पेट पालदी है।”

रामू डर रिहा सी। उस दी ग़ैर-हाज़री लंबी होण नाल उस दा बच्चा मर सकदा है, पतनी ’ते कोई डोरे पा सकदा है, वस्सिआ-वसाइआ घर उज्जड़ सकदा है। रामू दीआं गल्लां सुण के पाला विधाइक ’ते खिझण लग्गा, “आपणी रिहाई लई तरलो-मछ्छी हो रहे विधाइक नूं रामू दे मन दी पीड़ दी समझ किउं नहीं आ रही? जेल्ह विच रहिणा विधाइक दी मजबूरी है। उह सज़ा भुगत रिहा है। रामू दी रिहाई विच कोई कानूंनी अड़चन नहीं है। बस्स, विधाइक दा इशारा चाहीदा है। नछत्तर नूं किसे दी आज़ादी नालों पता नहीं जीभ दा सुआद किउं पिआरा है?

पाला रामू वांग झूर सकदा सी, उह झूरण लग्गा।

बाअद दुपहिर फेर ख़बर आई, “इस समें सुणवाई हो रही है। संगीन जुरमां दे कैदीआं दी थोक दे भाअ हो रही रिहाई ’ते हाई कोरट हैरान हो रही है।

रामू मंह सिर लपेट के पै गिआ। पाला छोटे-मोटे कंम विच रुझ्झ गिआ।

शाम नूं उहो ख़बर आई जिस दा डर सी, “इस आप-हुदरेपण ’ते सरकार नूं ख़ूब झिड़कां पईआं। हाल दी घड़ी हाई कोरट नें होर रिहाईआं ’ते पाबंदी ला दित्ती है। पिछले तिंन सालां विच किनहां-किनहां कैदीआं नूं, किस-किस बहाने छड्डिआ गिआ है? अगले तिंन महीनिआं विच किस-किस नूं छड्डण दा इरादा है। इस दी विसतरित रिपोरट मंगी गई है।

बाकीआं लई इह ख़बर माड़ी सी पर पाले लई चंगी। कुझ दिन कोठी होर खुल्ल्ही रहेगी। कुझ दिन पाले नूं होर मौजां बणीआं रहिणगीआं।

सवेरे भावें पाले नें इहो सुख्ख सुख्खी सी, पर रामू दा उतरिआ मूंह देख के हुण उस नूं आपणी सुख्ख पूरी होण ’ते दुख्ख हो रिहा सी।

 

 

17

इक पासे थाणे विच नफ़री घट्ट सी, दूजे पासे ख़ुफ़ीआ विभाग नें सख़त ताड़ना कीती सी, “जलसा अत्तवादीआं दे हक्क विच हो रिहा है। जोश ’च आई भीड़ कुझ वी कर सकदी है। सथानक पुलिस पूरी चौकस रहे।”

जलसे ’ते नज़र रख्ख रही पुलिस पारटी दी अगवाई मुख्ख अफ़सर ख़ुद कर रिहा सी। उह कई दिनां बाअद बिसतरे विचों उठ्ठिआ सी। हाले वी गला ख़राब सी, निछ्छां आ रहीआं सन अते हड्ड टुट्ट रहे सन। धप्प अते धूड़ हाल नूं होर बेहाल कर रही सी।

सरीरक दे नाल-नाल उह मानसिक तनाअ विच वी सी। जिस बंटी कतल केस दी गुत्थी सूबे दी सारी पुलिस तों दो साल तक नहीं सी सुलझी, उह इकल्ले मनिंदर नें सुलझा लई सी। कातल फड़ वी लए सन अते जुरम दा इकबाल वी करवा लिआ सी। शाबाश, तरक्की अते इनाम देण दी थां नाले अफ़सरां नें उस दी खुंभ ठप्पी, नाले कातल छड्ड दित्ते।

इह गल्ल कई महीने पुराणी सी। हाले तक मनिंदर दा ग़ुस्सा ठंढा नहीं सी होइआ। उस नें मन विच ठाण रख्खी सी, “मैं कातलां नूं फड़वा के छड्डांगा।” उस नूं किसे अजिहे उचित बंदे दी तलाश सी, जिहड़ा मुख़बर दा नां वी ज़ाहर नां करे, अते मुलज़मां नूं हत्थ वी पा लए।

संमती वालिआं नें पता नहीं किंने कु बुलारे बुलाए सन। जलसा हनूंमान दी पूछ वांग वधदा जा रिहा सी।

बुड़-बुड़ करदा मनिंदर कार दी पिछली सीट ’ते लुटक गिआ अते नीम-बेहोशी दी हालत विच जलसा ख़तम होण दा इंतज़ार करन लग्गा।

आख़र सटेज सकत्तर नें ऐलान कीता, “अंतिम बुलारा लोकां दे सनमुख हो रिहाहै।”

बाबा गुरदित्त सिंघ जदों बोलदा सी, लोकां दे रौंगटे खड़े हो जांदे सन। मनिंदर सिंघ उस दे विचारां नाल बहुता सहिमत नहीं सी, पर बाबे दीआं करारीआं-करारीआं गल्लां सुण के उस नूं आनंद आउंदा सी। हिंमत बटोर के उह बाबे दीआं गल्लां वल्ल धिआन देण लग्गा।

‘लोटू सरकार’, ‘लुट्टे जा रहे लोक’ इह टोटके उह कई वार सुणा चुक्का सी। घसिआ-पिटिआ विशा उस नूं अकाउण लग्गा।

मनिंदर मुड़ अख्खां मीचण ही लग्गा सी कि बाबा ऐलान करन लग्गा।

“संमती कोलों इह भुल्ल होई है। असीं उह भुल्ल सोधांगे। बंटी दे असल कातल लभ्भांगे। फेर उहनां नूं लोक-कचहिरी विच पेश करांगे।”

इह ऐलान सुण के मनिंदर दा मन गुलाब वांग खिड़ गिआ। उस दी हड्ड-भंनणी दूर हो गई। उह इंझ नौं-बर-नौं महिसूस करन लग्गा, जिवें संजीवनी बूटी सुंघ लई होवे।

अजिहे उचित मौके ’ते अजिही संसथा दी उस नूं तलाश सी।

इस शुभ कंम लई बाबे नें लोकां कोलों सहियोग दी मंग कीती। “मैं फड़ावांगा तुहानूं असल कातल।” मनिंदर योगदान पाउण दा मन बणाउण लग्गा।

“अग्गे लोक पुलिस कोल मुख़बरी करदे हन। अज्ज पुलिस लोक-नुमइंदे कोल मुख़बरी करेगी। सोचदा मनिंदर जलसे दे ख़तम होण दा इंतज़ार करन लग्गा।

“मुख़बर नूं मुलज़म फड़ाउण दी तड़प इकल्ली पैसा कमाउण लई नहीं हुंदी, इस पिछ्छे उस दी शुभ भावना वी कंम कर रही हुंदी है।” इह सूरत मनिंदर नूं ख़ुद मुख़बर बणन बाअद समझ आइआ।

शाइद अजिहे ही तीबर जज़बे तहित मनिंदर दा मुख़बर उस दे पिछ्छे पिआ होइआ सी, “ढाबे ’ते छापा मारो। नाले उथे नशा विकदा है, नाले धंदा हुंदा है।”

ढाबा मनिंदर दे इक मित्तर दे रिशतेदारां दा सी। “किधरे सिर मुनाउंदे ही औले नां पै जाण।” ढाबे दे महूरत वाले दिन मित्तर उस कोल सिफ़ारश कर गिआसी।

तिंन दिन मनिंदर मुख़बरी दी तसदीक करदा रिहा।

दो सिपाहीआं नूं ढाबे दुआले गेड़ा देण ’ते लाइआ। सोचिआ सी, पुलिस घुंमदी देख के मालक इशारा समझ जाणगे। गाहक सथिती दी गंभीरता समझ के इथे आउणों हट जाणगे।

पर मालकां अते गाहकां नूं आपणे आप ’ते पता नहीं किंना कु भरोसा सी। उहनां दे कंन ’ते जूं तक नां सरकी।

मनिंदर मुख़बर नूं नराज़ नहीं सी कर सकदा। उह मनिंदर नूं बहुत कंम दिंदा सी। जे मनिंदर नें छापा नां मारिआ तां उस नें किसे होर कोलों छापा मरवा देणा है। मनिंदर नें सोचिआ, छापा मार लैंदे हां। फड़-फड़ाई कर के, लै-दे के छड्ड देवांगे। दोहां पासिउं रहि जाएगी। दिहाड़ी बणा के मुख़बर पिछ्छों लहि जाएगा।

अग्गे चंगा मुरग़ा हत्थ लग्ग गिआ।

फड़िआ गिआ आशक, धागा मिल्ल दे मालक दा शहिज़ादा सी।

पहिरावे अते मेकअप तों कुड़ी चंगे घर दी जापदी सी, पर खोदिआ पहाड़ निकली चूही। उह सांसीआं दी तारो सी। इधर-उधर जाण दा तिंन सौ लैंदी सी।

दो थप्पड़ खा के मुंडे नें जो सच्च उगलिआ, पहिले हल्ले मनिंदर नूं उस ’ते यकीन नां आइआ। लग्गा, पुलिस तों डरदा अते नशे दी लोर कारन ऊल-जलूल बोल रिहाहै।

तसदीक करन लई उस नें दो डराईवर दे जड़ीआं। उह वी जुरम कबूल कर गिआ।

होर पक्का होण लई काका जी दे निपाली नौकर नूं चुक्क लिआ। उह वी जुरमां विच वध्ध चहड़ के हिस्सा लैंदा रिहा सी। उस नें वी हामी भर दित्ती।

मनिंदर नें ढाबे दे मालकां तों पंज सौ रुपिआ फड़िआ। मुख़बर नूं फड़ाइआ। तारो नूं झिड़कां मारीआं, फेर दोहां नूं छड्ड दित्ता। उस दे हत्थ गुपत ख़ज़ाना लग्ग चुक्का सी। उस नें अवारागरदी दे टुट्टे जिहे मुकद्दमे तों की लैणा सी।

इह तिंने बंटी दे अगवाकार सन अते कातल वी। हरमनबीर नें इह कारा पैसिआं दी तोट कारन नहीं सी कीता। पैसे उहनां कोल अग्ग लाइआं नहीं सन मुक्कदे। लाड पिआर अते पैसे दी खुल्ल्ह नें उस नूं विगाड़िआ सी। वपार विच रुझ्झे बाप अते समाज सेवा विच मसत मां नूं मुंडे कोल बैठण दी विहल नहीं सी। उहनां नूं पता नां लग्गा कदों मुंडा समें तों पहिलां जवान होइआ। कदों कालज दी थां होटल, टिऊशन दी थां कलब्ब जाण लग्गा। कदों उस दा बीअर तों शुरू होइआ सफ़र हैरोइन ’ते पुज्जा। कदों ‘खुस्सी ताकत हासल करन’ लई उह नशे दे अड्डिआं ’ते जाण लग्गा।

हरमनबीर दे देर रात तक बाहर रहिण विच नौकर अड़िक्का बणदे सन। हौली-हौली इह अड़िक्का दूर कर लिआ। पहिलां कलब्ब दे बाहर खड़ी गड्डी विच बैठा डराईवर उच्ची चारदीवारी अंदर हुंदीआं रंगरलीआं दी केवल कलपना करदा सी। हरमनबीर उस नूं नाल लिजा के उस दे सुपने साकार करन लग्गा।

थापा बीअर दा शौकीन सी। पहिलां उह बीअर दीआं बोतलां विच बचदी तुपका-तुपका बीअर इक्कठी कर के आपणा शौक पूरा करदा सी। हरमनबीर  उस नूं बीअर दी थां विदेशी सकाच दा सवाद चखाउण लग्गा।

अहिसान दे दब्बे नौकर उस दे ग़ुलाम बण गए। कठ्ठपुतलीआं वांग उस दे इशारे ’ते नच्चण लग्गे।

शौक पूरे करन लई हरमन नूं पैसे दी घाट नहीं सी, पर पैसा हासल करन लई उस नूं कई हत्थां वल्ल झाकणा पैंदा सी। पहिलां पापा तों पैसिआं दी मनज़ूरी लैणी पैंदी सी, फेर मैनेजर कोल जा के परची लैणी पैणी सी, फेर कैशीअर कैश दिंदा सी। एना कुझ करदे हरमन नूं शरम आउंदी सी।

हरमन नें आपणा ख़रचा आप कढ्ढण दी योजना बणाई अते आपणे साथीआं नाल विचारी। ग़ुलामां दा फ़रज़ सोच-विचार करना नहीं, हुकम मंनणा सी। उह झट्ट सहिमत हो गए।

अगले दिन डराईवर अते थापे नें योजना सिरे चाहड़ दित्ती। अमीरां दे बच्चिआं दे सकूल अग्गों इक बच्चा खिसका लिआए। नौकर उस नूं मिल्ल अंदरले आपणे कुआरटर विच लै गिआ। डराईवर नें टुट्टी-भज्जी पंजाबी विच चिठ्ठी लिखी अते वारिसां तक पुज्जदी कर दित्ती। घंटे दे अंदर-अंदर रकम मिथी थां ’ते पुज्ज गई।

‘आपणी कमाई’ नाल तिंनां नें हफ़ता सवरग भोगिआ।

पैसे ख़तम हुंदिआं ही उहनां इह कारवाई दुहरा दित्ती। कामयाबी नें इक वार फेर पैर चुंमे। पैसा चंगा मिलिआअते किसे नूं कनसोअ वी नां होई।

तिंनां दे हौसले बुलंद हो गए। अगले हफ़ते उह बंटी नूं चुक्क लिआए।

बंटी दे वारसां नूं कहाणी दी समझ नां आई। अणजाण-पुणे विच उह पुलिस नूं इतलाह दे बैठे। पुलिस हरकत विच आ गई। शहिर विच करफ़िऊ लग्गा, घर-घर दी तलाशी होई।

कुड़िक्की विच फसे हरमन नूं कई दिन बंटी नूं थापे दे कुआरटर विच लुकाउणा पिआ। मिल दी बाहरली चारदीवारी दस फ़ुट उच्ची सी। कंध दे उपर दो फ़ुट्ट उच्ची कंडिआली तार सी। किसे अगवाकार दा सणे बच्चे कंध टप्प के अंदर आ जाणा असंभव सी। मिल्ल दे दो गेट सन। दोहां उपर चौवी घंटे पहिरा रहिंदा सी। हर अंदर जाण वाले दी तलाशी हुंदी सी अते रजिसटर विच इंदराज हुंदा सी।

इहनां कारनां कर के पुलिस नें शहिर दा चप्पा-चप्पा छाणिआ, पर मिल्ल अंदर नां वड़ी। इह किसे दे चित्त-चेते नहीं सी कि काले शीशिआं वाले मिल्ल दी गड्डी विच मिल्ल दा मालक ख़ुद बंटी नूं अंदर लै गिआ होवेगा।

बाप दी चंगी पहड़त नें हरमन नूं रंगे हत्थी फड़े जाण तों बचा लिआ सी।

बंटी दे रोण दी आवाज़ नाल दे कुआटरां वालिआं नूं नां सुणे, इस लई बंटी नूं नशा खुआ के बेहोश रख्खिआ गिआ। नशे अते भुख्ख कारन बंटी दम तोड़ गिआ।

मौका ताड़ के लाश उहनां नें मिल दे बाहर खतानां विच सुट्ट दित्ती अते अज्ज तक ढोल ढक्किआ रिहा। अज्ज वी भांडा हरमनबीर नें ख़ुद भंनिआ सी। अगली कारवाई लई मनिंदर उहनां नूं थाणे लै गिआ। पिछ्छे ही मिल्ल दा मैनेजर आ गिआ। किसे नें बंबे बैठे अरोड़ा साहिब नूं हरमनबीर दे शराबी हालत विच फड़े जाण दी सूचना दे दित्ती सी।

अरोड़ा साहिब दी उपर तक पहुंच सी, पर माड़ी जिही गल्ल ख़ातर उह किसे दा अहिसान नहीं सी लैणा चाहुंदा। बंबे बैठिआं ही उस नें मैनेजर नूं हदाइत कीती, “लै-दे के मामला रफ़ा-दफ़ा करो।”

महिंदर अहिसान-फ़रामोश नहीं सी। मिल्ल वल्लों पुलिस नूं बझ्झवां महीना आउंदा सी। वेले-कुवेले वाधू वगार वी मिल्ल झल्लदी सी, पर जो जुरम हरमन नें कीते सन, उहनां विचों बरी करना उस दे वस्स विच नहीं सी।

जुरमां दा ख़ुलासा सुण के मैनेजर दे पैरां हेठों ज़मीन खिसक गई। झट उस नें मालक नाल संपरक कीता। मालक नें मनिंदर दी मिंनत कीती, पर मनिंदर नूं पैसे नालों आपणी तरक्की अते मैडल वध्ध पिआरा सी। उह टस्स तों मस्स नां होइआ।

जदों मनिंदर काबू नां आइआ तां अरोड़ा साहिब नें उपर तक्क फ़ोन खड़काए। झट्ट नतीजे निकलण लग्गे।

कपतान किसे ज़रूरी मीटिंग विच बैठा सी। झट्ट उस नूं मीटिंग विचों उठाइआ गिआ। कपतान वल्लों मनिंदर नूं हुकम सुणाइआ गिआ, “हालात दा जाइज़ा लैण लई मैं शहिर पुज्ज रिहा हां। मेरे पुज्जण तक कोई कारवाई नां कीती जावे।”

कपतान नें मनिंदर नूं पुत्तां वांग समझाइआ, “बंटी कतल केस दी सुणवाई मुकंमल हो चुक्की है। अदालत फ़ैसला सुणा चक्की है। सारे गवाहां नें पाले अते मीते नूं कातल ठहिराइआ है। लड़ाई दे मैदान विच घोड़े बदलणे बेवकूफ़ी हुंदी है। पाले मीते नूं निरदोश ठहिराउण नाल पुलिस दे नाल-नाल सरकार ’ते थू-थू होएगी। पहिले पुलिस अफ़सरां दी खिचाई होएगी। कईआं नूं नौकरी तों हत्थ धोणे पैणगे। संमती वालिआं नें सरकार अते पुलिस दे पहिलां ही नक्क विच दम कर रख्खिआ है। उहनां नूं लोकां नूं भड़काउण दा मौका मिल जाएगा। मुख्ख मंतरी ख़ुद इस केस उपर नज़र रख्ख रहे हन। उहनां नें ग्रिफ़तारी दी इजाज़त नहीं देणी।

“अरोड़ा साहिब सभ दे मूंह मत्थे लग्गदे हन। उस दी इज़्ज़त दा सवाल है। असीं उहनां नूं नाराज़ नहीं कर सकदे।”

कपतान नें मातहित नूं समझाउण दा आपणा फ़रज़ निभाइआ।

अगली किसे कारवाई लई उस नूं मनिंदर दी सहिमती दी ज़रूरत नहीं सी।

जदों मनिंदर नें चुप्प नां तोड़ी तां खिझे कपतान नें दोशीआं नूं आपणे कोल बुलाइआ। समझा-बुझा के मैनेजर दे हवाले कर दित्ता।

रात नूं मैनेजर मनिंदर दे कुआरटर आइआ। उस दे हत्थ विच पंजाह हज़ार दी गुट्टी सी। मनिंदर दा माण-ताण करन दा हुकम कपतान नें सुणाइआ सी।

कपतान नाराज़ नां होवे, इस गल्लों डरदा मनिंदर कोई हिल्ल-जुल नां कर सकिआ।

पर ज़ख़मी सप्पणी वांग अज्ज तक उह अंदर ही अंदर विश घोलदा रिहा सी। डंग मारन दा अज्ज वधीआ मौका सी।

 

 

18

असल मुलज़मां दी शनाख़त होण दा ऐलान करन तों पहिलां संमती आपणे तौर ’ते तत्थां दी पुशटी करन लग्गी।

साजरे ही बाबा, शंकर दास आहड़तीए दे घर जा वड़िआ। पहिलां उस दे पोते नूं अगवा कीता गिआ सी।

कोई होर इस वारदात बारे पुछ्छदा तां शंकर दास झोटे वांग सिर मार दिंदा। बाबे अग्गे झूठ बोलण दी हिंमत नां पई।

घर मुड़ के बच्चे नें अगवाकारां बारे जो वेरवे दित्ते सन, उह हरमनबीर होरां दे अगवाकार होण दी पुशटी करदे सन। टीटू नूं इक काले शीशिआं वाली कार विच बिठा के लिजाइआ गिआ सी। कार नूं इक सरदार चला रिहा सी। उस दे नाल बैठा बंदा मोना सी। उस नूं जिथे बंद कीता गिआ, उह किसे नौकर दा कुआरटर जापदासी।

शाइद कदे मुलज़म फड़े जाण। इस आस नाल शंकर दास नें अगवाकारां वल्लों लिखे ख़त संभाल रख्खे सन। उह उस नें बाबे दे हवाले कर दित्ते।

बैंक मैनेजर दा दरवाज़ा जीवन आहड़तीए नें खड़काइआ। उस दा खाता मैनेजर दे बैंक विच सी। दोहां दा दोसताना वी सी। उस नें वी तत्थां दी पुशटी कर दित्ती।

हत्थ-लिखत माहिरां कोलों दोहां चिठ्ठीआं दा मिलान कराइआ गिआ। दोवें पत्तर इको विअकती दे लिखे होए सन। इस रिपोरट बाअद कड़ी नाल कड़ी जुड़न लग्गी।

असल मसला तां हल्ल हुंदा जे बंटी दे घरदिआं नूं लिखीआं गईआं चिठ्ठीआं सुरख्खिअत हुंदीआं। असल धमकी-पत्तरां नूं पुलिस नें मिसल नालों लाह लिआ सी। उस दी थां पाले कोलों नवीआं चिठ्ठीआं लिखवा के मिसल नाल ला दित्तीआं सन।

सिट्टे ’ते पुज्जण लई संमती नूं होर मिहनत दी लोड़ महिसूस होई।

रजिंदर नें धागा मिल्ल विच कंम करदे टरेड यूनीअन दे नेतावां नूं चौकस कीता। “तुसीं तिंनां दोशीआं दीआं गतीविधीआं उत्ते नज़र रख्खो। समें-समें संमती नूं सूचित करो।”

तिंन दिनां बाअद संमती नूं मुढ्ढली जाणकारी मिल गई।

कोठी अंदर कंम करदे नौकरां नें दस्सिआ, “हरमनबीर दो महीने तों ग़ाइब है। पहिलां उस नूं दिल्ली भेजिआ गिआ। उथों बाहरले मुलक लई जहाज़ चहड़ा दित्ता गिआ। उह किस देश अते किस रिशतेदार कोल ठहिरिआ है, इस दा पता लाउण दा यतन कीता जा रिहा है।

मिल्ल मालक काके नूं पुठ्ठे राह पाउण वाले नौकरां ’ते डाढा दुखी  सी। जुत्तीआं मार के दोहां नूं नौकरीउं कढ्ढिआ जा च्किआ सी।

मालक वल्लों अफ़वाह फैलाई गई  सी, “निपाली निपाल नूं दौड़ गिआ है।” पर इह सच्च नहीं सी। मालक नें थापे नूं दिल्लीउं लिआंदा सी। उस नूं उथे ही पहुंचाइआ गिआ है। थापे दे रिशतेदारां नूं ताड़ना कीती गई  सी, “जलदी इस नूं अग्गे पिछ्छे कर दिउ। पुलिस किसे वी समें इस नूं फड़न आ सकदी  सी।” हुकम मंन के रिशतेदारां नें थापे नूं किधरे दूर-दुराडे भेज दित्ता सी। यूनीअन वालिआं दा उस नाल संपरक सथापत होण वाला सी।

नशिआं दी तोट कारन अध्ध-मोइआ होइआ डराईवर सरकारी हसपताल दे नशा-छुडाऊ वारड विच पिआ मौत नाल जूझ रिहा सी।

पैरा-मैडीकल साथीआं दी सहाइता नाल उस दी हत्थ-लिखत दा नमूना हासल कीता गिआ।

“शंकर दास अते मैनेजर कोलों मिलीआं चिठ्ठीआं डराईवर दीआं लिखीआं होईआं सन।”

इह रिपोरट मिलदिआं ही संमती वालिआं नें प्रैस कानफ़रंस बुलाई अते समेत सबूतां दे बंटी दे कातलां दे नां नशर कर दित्ते।

 

 

19

 

सुंदर होरां नूं रात नूं पता लग्ग गिआ सी। उहनां दी गिणती विच वाधा होण वाला सी।

जेल्ह अधिकारी इस बैरक विच बंद कैदीआं नूं बदमाश आखदे सन। इस लई जेल्ह रिकारड विच इस बैरक दा नां ‘बदमाशां वाली बैरक’  सी। सुंदर होरीं आखदे सन, उहनां नूं कैद बहादरी वाले कंम कारन होई है। उह आपणे आप नूं सूरमे समझदे  सन। इस लई जेल्ह दे बाकी कैदी इस नूं ‘बहादरां वाली बैरक’ आखदे    सन।

“उहनां दी बैरक विच आउण वाले पाले नें किहड़ीआं-किहड़ीआं मल्लां मारीआं  सन? उह किथों दा सूरमा है?” सवेर तों सिर जोड़ के उह सोच रहे हन।

तिंन महीने तक कोठी विच बंद कैदीआं नूं इह सोचण दी विहल नहीं सी मिली कि उहनां दे मुशक्कती दा पिछोकड़ की  सी? उहनां लई बस्स एना ही काफ़ी सी कि उह भलामाणस सी। अते उहनां दी दिलों सेवा कर रिहा सी।

जदों विधाइक नूं पता लग्गा, उहनां दा मुशक्कती अत्तवादी है तां उस दा दिल धड़कण लग्गा। उह इक सिंघ कोलों जुत्तीआं पालश कराउंदा है, लत्तां घुटवाउंदा है, इह जाण के कोई अत्तवादी जथेबंदी भड़क नां जावे। उस विरुध्ध हुकमनामा जारी नां कर देवे। इह मुख्ख मंतरी दी कोई नवीं शरारत नां होवे। ‘इस दे अत्तवादीआं नाल संबंध हन’ इस बहाने रिहाई नां रुकवाउणी होवे। उस दी पैरवाई लोक संघरश संमती नां दी कोई संसथा कर रही है। विधाइक नूं जेल्ह अंदर पंज सितारा सहूलतां मिलदीआं हन, कदे उस नूं इह पता नां लग्ग जाए।

डरदे विधाइक नें जेल्ह सुपरडैंट कोल गिला कीता, “तूं जाण-बुझ के मैनूं ख़तरे विच पाइआ है।”

जेल्ह सुपरडैंट नें सहुंआं खाधीआं, “पाला ख़तरनाक बंदा नहीं है। उस दा अत्तवादीआं नाल कोई लैणा-देणा नहीं है। उस दे केस कट्टे होए हन, इस दा इहोसबूत बथेरा है। जे उह अत्तवादी हुंदा तां उस नूं सिंघां वाली बैरक विच नां भेजदे? फेरवी गोली किहदी, गहिणे कीहदे। जे कोई शक्क है तां हुणे उस नूं इथों भजा दिंदा हां।”

“पाले नूं किस बैरक विच भेजिआ जावे?” सुपरडैंट नें कोठी बैठे-बैठे ही हिसाब ला लिआ।

पाले दे साथी पंछीआं वाली बैरक विच बंद हन, पर इस वार उस नूं सज़ा चोरी जां जेबां कट्टण दे जुरम विच नहीं सी होई। इस लई उस नूं पंछीआं वाली बैरक विच नहीं सी भेजिआ जा सकदा। अदालत नें उस नूं अत्तवादी आखिआ सी, पर सिंघां नें उस नूं आपणी बैरक विच वड़न नहीं सी देणा। इस कातल लई बदमाशां वाली बैरक ठीक रहिणी सी।

उसे हुकम दी पालणा लई पाला बहादरां दी बैरक विच आ रिहा सी।

सोच-विचार बाअद सुंदर होरां नें सिट्टा कढ्ढिआ, “पाले होरां नें किसे अमीर घर नाल पंगा नहीं सी लिआ। रकम वी मामूली जिही मंगी सी। किसे अत्तवादी धड़े नें नां इस वारदात दी ज़िंमेवारी लई सी, नां उहनां नूं कबूलिआ सी। इस लई पाला अत्तवादी नहीं सी।”

फेर वी उह कोई बला ज़रूर सी। उहनां कारन शहिर दो धड़िआं विच वंडिआ जा चुक्का सी। मुख्ख धड़ा उहनां दी पिठ्ठ ’ते सी। उहनां नूं निरदोश सिध्ध करन लई सिरतोड़ यतन कर रिहा सी।

सुंदर होरीं दोचित्ती विच पै गए। समझ नहीं आई, उह पाले नूं बहादर मंन के उस दा सवागत करन जां चोर-उचक्का समझ के उस तों वगार लैण।

बहादरां विचों सुंदर सभ तों वध्ध चुसत-चलाक सी। उसे दी डिऊटी लाई गई। उह पाले नूं पैरों कढ्ढे।

इह बैरक छोटी सी अते कैदीआं दी गिणती वी थोहड़ी सी। खुड्डा लभ्भण लई पाले नूं कोई दिक्कत पेश नहीं आई।

आसन लाउण बाअद, बैरक दा जाइज़ा लैण लई पाले नें इधर-उधर नज़र दौड़ाई।

दोवें चबूतरे रंग-बरंगे विछौणिआं नाल ढक्के होए सन। इंज जापदा सी जिवें कोई गलीचा विछिआ होवे।

शैलफ़ां कीमती समान नाल तुंनीआं होईआं सन।

इह सुख्ख-सहूलतां देख के पाले नूं सुख्ख दा साह आइआ। इस बैरक के बशिंदे खांदे-पींदे घरां दे अते असर-रसूख़ वाले सन। इथे वी दिन चंगे निकलणगे। पाले नें सोचिआ।

विहला हो के उस नें अंगड़ाई भंनी ही सी कि सुंदर होरां नें आ घेरिआ।

“तूं बहादर किवें होइआ? तूं इक बच्चे नूं मारिआ है। उह वी सिरफ़ पंज हज़ार ख़ातर।”

“मैं किसे नूं नहीं मारिआ। मैनूं झूठा फसाइआ गिआ है।”

अचानक बाहों फड़ के झंजोड़े जाण कारन डरे पाले नें सफ़ाई पेश कीती।

“मैं कतल नहीं कीता, मैं बेकसूर हां। बेवकूफ़) इह पाठ वकील अदालत विच सुणाउण लई पहड़ाउंदे हन। हुण तूं अदालत विच नहीं, जेल्ह विच खड़ा एं। इथे हर कोई सच्च बोलदा है। सच्च बोलण ’ते दुबारा सज़ा नहीं होण लग्गी। तेरा डर दूर करन लई पहिलां मैं आपणे कारनामिआं बारे दस्सदा हां। हुण तक मैं तिंन कतल कर चुक्का हां। दो दी अजे तक मुशक नहीं निकली, तीजे विच फसिआ हां।”

आखदा सुंदर आपणी बहादरी दे किस्से सुणाउण लग्गा।

सुंदर नें पहिला कतल इक सेठ तों सुपारी लै के कीता सी। सेठ नें आपणा सांढू मरवाइआ सी। दोहां दा वपार सांझा सी। वपार विचों चोखा पैसा बण गिआ सी। दोहां नूं वाधू पैसा हज़म करना औखा हो रिहा सी। दोहां विच तकरार रहिण लग्गा। तकरार वध के इक-दूजे दे ख़ून दे पिआसे होण तक पुज्ज गिआ। इस तों पहिलां कि दूजा पहिले दी जान लैंदा, पहिला सुंदर दी शरन आ गिआ। किसे नूं अज्ज तक पता नहीं लग्गा, सीवरेज दे गटर विच सांढू अचानक डिग्गा सी जां किसे नें डेगिआ सी।

दूजे कतल दा पिछोकड़ वी पहिले वरगा सी। उथे झगड़ा मालक अते किराएदार दा सी

अख़ीर मालकां नूं कौड़ा घुट्ट करना पिआसी। अज्ज तक किसे नूं पता नहीं लग्गा, उस उपर टरक्क अचानक आ चहड़िआ सी जां किसे नें जाण-बुझ के चहड़ाइआ सी।

जदों सुंदर फसण ’ते आइआ तां उंझ ही फस गिआ।

कैनेडा तों आई इक कुड़ी नें पिंड दे मुंडे नाल इशक-पेचे पा लए। कुड़ी नूं सैर कराउण लई रिशतेदारां नें इक महीने लई टैकसी करा दित्ती। मुंडा टैकसी डराईवर सी। कुड़ी नूं मुंडे दी ज़िंदादिली पसंद आ गई। उस नें कैनेडा दीआं रंगीनीआं नूं भुला के मुंडे नाल विआह करवा लिआ। कैनेडा बैठे कुड़ी दे मापिआं नूं कुड़ी दे इस कारनामे ’ते नमोशी होई। उथे बैठिआं ही इधरले रिशतेदारां राहीं उहलां नें मुंडे विरुध्ध कुड़ी नूं वरगलाउण अते विआह कराउण लई उकसाउण दा मुकद्दमा दरज करवा दित्ता। कुड़ी नें मापिआं दी योजना सिरे नां चहड़न दित्ती। कचहिरी आ के उस नें बिआन दे दित्ता, “मैं मरज़ी नाल मुंडे नाल विआह करवाइआ है।” विदेशी कुड़ी दे बिआनां नूं नज़रअंदाज़ करना जज्ज लई औखा हो गिआ। मुकद्दमा खारज हो गिआ। मुंडे-कुड़ी दे रिशते उपर कानूंन दी मोहर लग्ग गई। कुड़ी दे मापिआं दे सत्तीं कप्पड़ीं अग्ग लग्ग गई। बदला लैण लई उहनां नें सुंदर नाल संपरक कीता। दो कतल करन कारन सुंदर दे हौसले बुलंद सन। मोटी रकम लै के उस नें तीजा ख़ून वी कर दित्ता। इधरली पुलिस नें मामला रफ़ा-दफ़ा कर दित्ता, पर कैनेडा सरकार दी पैरवी कारन पुलिस नूं कातल दा खुरा लभ्भणा पिआ। पैड़ दब्बदी-दब्बदी पुलिस सुंदर तक अप्पड़ गई।

पर उस नूं कोई पछतावा नहीं सी। घटना दा कोई चशमदीद गवाह नहीं सी। अख़ीर उस नें बरी हो जाणा सी। बाहर जा के फेर इहो जिहे कारे करने सन।

“लै मैं तिंनां कतलां दा जुरम कबूल कर लिआ, जिस नें मेरा फनूं पट्टणा है, पट्ट लए।”

सुंदर नें हिक्क थापड़ के आखिआ।

“इकल्ला मैं ही नहीं, इथे सभ आपणी बहादरी दे किस्से सुणाउंदे हन। लै इहनां दे मूंहों ही सुण, किस नें की चंन चाहड़िआ है।”

 

सीतल नें लोक भलाई दा कंम कीता सी। आपणे पिंड दे बदमाश नूं सत्थ विच ढाह के पहिलां उस दे मूंह विच पिशाब कीता सी। दाहड़ी मुंनी, फेर डक्करे कीते। बदमाश नें दस साल तों अत्त चुक्की होई सी। धी-भैण दा बाहर निकलणा दुभ्भर होइआ पिआ सी। बदमाश दे कतल वाली रात सारे पिंड विच दीपमाला होई। हुण पेशी वाले दिन सारा पिंड सीतल नूं मिलण कचहिरी आउंदा  सी। उस दी बहादरी दे सोहले गाउंदा सी। पिंड दे एके तों डर के चशमदीद गवाहां नें पुलिस अनुसार बिआन देणों नांह कर दित्ती। किसे वी दिन उह बरी हो सकदा सी।पिंड वालिआं नें फ़ैसला कीता  सी कि सीतल नूं उह जलूस दी शकल विच पिंड लिजाणगे। अगली वार सरब-संमती नाल सरपंच चुणनगे। सीतल नूं उस दिन दी बेसबरी नाल उडीक सी।

रहिमान होरां नूं दोहरे कतल ’ते कोई पछतावा नहीं। अहिमदीए मुसलमानां दा बोलबाला वधदा जा रिहा सी। दिनां विच उहनां नें इलाके विच दो मसीतां अते तिंन मदरस्से उसार लए सन। उहनां दे पैरोकारां दी गिणती वधदी जा रही सी। रहिमान होरां लई अहिमदीए काले नागां वांग ख़तरनाक सन। उहनां दा अमाम सपोलीआं दे सिर जलदी तों जलदी कलम करन लई आखदा सी। मौका ताड़ के उहनां दो सपोलीए मसीत विच चुक्क लिआंदे। कुट्ट-कुट्ट उहनां नूं दोज़ख़ विच पहुंच दित्ता।

रहिमान दे नाल-नाल उहनां दी जमात नूं उहनां दे इस कारनामे ’ते फ़ख़र है। जुमें दी नमाज़ वाले दिन उहनां दी बहादरी दा गुण-गाण हुंदा है। होर नौजवानां लई उह प्रेरना-स्रोत हन।

“कंजरा, हुण तां मंन जा कि कतल मैं कीता है। असीं तैनूं बहादर मंनीए अते आपणे भाईचारे विच शामल कर लईए।”

सच्च उगलाउण लई सुंदर हर हीला वरत रिहा सी।

“मैं सच्च कहिंनां भाअ जी, मैं कतल नहीं कीता। पहिलां मैं छोटे-मोटे जुरम करदा हुंदा सी, हुण उह वी छड्डे होए हन।”

“नहीं कीता तां हुण कर। छोटे-मोटे जुरमां विच कुझ नहीं पिआ। वड्डे जुरम कर के वड्डीआं रकमां वसूल। तूं मेरी ढाणी विच रल जा। बिनां कतल कीतिआं तैनूं सज़ा हो गई। फेर देखीं। भरी सत्थ विच कतल कर के वी बरी होएंगा। लिआ कढ्ढ हत्थ।”

पाला सुंदर नाल हत्थ मिलाउण दे हक्क विच नहीं सी। नांह कर के मगरमछ्छ नाल दुशमणी वी मुल्ल नहीं सी लई जा सकदी।

पाले नें चप्प वट्ट लई।

सुंदर नें वी घाट-घाट दा पाणी पीता होइआ सी। झट्ट ताड़ गिआ। “पाला साधारन बंदा नहीं है। गुझ्झी शैअ है। तां ही कई-कई धड़िआं नाल पिठ्ठ जोड़ी फिरदाहै।”

हाल दी घड़ी सुंदर नूं चुप्प रहिण विच ही भलाई लग्गी।

“चंगा, सोच के दस्सीं।”

आखदे सुंदर नें दड़ वट्ट लई।

 

 

20

बंटी दे असल कातलां दे नां उजागर हो चुक्के सन। संमती नें हरमनबीर होरां विरुध्ध जो सबूत इकठ्ठे कीते सन, उह लोकां सामहणे पेश हो चुक्के सन। असल मुजरमां नूं फड़न दी मंग तेज़ हो रही सी। दिनो-दिन संमती नाल सहिमत होण वाले लोकां दी गिणती वधदी जा रही सी।

लोकां विच इक धारना बणन लग्गी, “इक दिन पुलिस नूं असल दोशीआं नूं फड़ना पैणा है। अदालत नूं पाले मीते नूं बरी करना पैणा है। फेर संमती वालिआं नें उहनां विरुध्ध भुगते गवाहां नूं कटहिरे विच खड़े करना है।”

जिहड़े गवाहां नें युवा संघ दी प्रेरना अते पुलिस दे दबाअ हेठ आ के गवाही दित्ती सी, उहनां नूं भाजड़ां पै गईआं।

संमती इक शरत ’ते झूठ बोलण वाले गवाहां दी भुल्ल बख़शण लई तिआर सी। उह आपणी ग़लती मंनण अते झूठ बोलण दा इकबाल कर के संमती नूं हलफ़ीआ बिआन देण। संमती दी नीती सपश्शट सी। उहनां दी लड़ाई किसे विअकती नाल नहीं, प्रबंध नाल सी।

युवा संघ अते उस दे वकील गवाहां नूं अजिहा करन तों रोक रहे सन, नाले डरा रहे सन, “अदालत वल्लों तुहाडे बिआनां नूं सच्च मंनिआ जा चुक्का है। तुहाडे बिआनां दे आधार ’ते मुलज़मां नूं सज़ा सुणाई जा चुक्की है। पाले मीते नूं बचाउण लई संमती नें इह झूठी कहाणी घड़ी है। बंटी तों पहिलां नां कोई बच्चा अगवा होइआ सी, नां किसे नें फिरौती दित्ती सी। बैंक मैनेजर अते शंकर दास दो साल चुप्प किउं रहे? सच्च इह है कि नशिआं दी तोट कारन डराईवर तड़फ रिहा है। उस दी मजबूरी दा नाजाइज़ फ़ाइदा उठा के संमती नें उस नूं ख़रीद लिआ है। उस कोलों पिछलीआं तरीकां विच धमकी-पत्तर लिखवा लए हन। पैसे बटोरन लई शहिर दे सभ तों अमीर बंदे नूं डराइआ-धमकाइआ जा रिहा है। सरकार संमती दीआं बांदर-घुरकीआं तों डरन वाली नहीं। संमती दीआं गल्लां विच आ के किधरे हलफ़ीआ बिआन नां दे देणा। आपणे लई आप ही फ़ांसी दा फंदा तिआर नां कर लैणा।”

घबराए गवाहां नूं समझ नहीं सी आ रही, उह किस धिर नाल खड़ोण।

पुलिस नें पाले अते मीते नूं दोशी सिध्ध करन लई बहुत गवाहां दे बिआन लिखे सन। उहनां विचों बहुते पहिलां ही सच्च बोल गए सन। उहनां नें हिक्क ठोक के आखिआ, “इस वारदात विच पाले मीते दा हत्थ नहीं है।”

चार गवाहां नें गवाही पुलिस मुताबिक दित्ती सी।

उहनां विचों राम सरूप युवा संघ दा प्रधान सी। लाला जी दा अंनहा भगत सी। उसे दी अगवाई विच युवा संघ नें पहिलां बंटी दे कातलां नूं फड़न ते फेर उहनां नूं फाहे लाउण दी मंग नूं लै के लंबा संघरश कीता सी। पाला मीता सच्चे फसे जां झूठे, इस नाल उस नूं कोई मतलब नहीं सी। उह आपणे पहिले सटैंड ’ते काइम सी।

आपणे बचाअ लई किहड़ा रसता अपणाइआ जावे? जदों इह विचारन लई बाकी गवाहां नें राम सरूप नाल संपरक कीता तां उस नें कोरा जवाब दे दित्ता। कहिंदा नां मैं किसे तों डरदा हां, नां मैं कोई बचाअ करना है।

रहिनुमाई लई बाकी दे गवाहां नें लाला जी नाल संपरक कीता। उह वी दुबिधा विच सन। ‘सच्च दे चंगी तरहां नित्तर जाण तक इंतज़ार करन दी’ उहनां सलाह दित्ती।

गवाह कारोबारी बंदे सन। बहुती देर खज्जल-ख़ुआर नहीं सन हो सकदे। उपरों संघरश संमती वाले उहनां दे पिछ्छे पए होए सन। ‘जलदी कोई फ़ैसला करन लई’ आख रहे सन।

पहिलां तफ़तीश दौरान अते फेर गवाहीआं समें उहनां नूं कई पुलिस अफ़सरां अग्गे पेश कीता गिआ सी। हर इक नें हिक्क थापड़ के आखिआ सी, “निधड़क हो के गवाही दिउ, कोई सोडी वा वल्ल नहीं झाक सकदा।”

उह सारे अफ़सर इथों बदल चुक्के सन। कोई राजधानी जा लग्गा सी अते कोई सरहद्दी ज़िल्हे विच।

पहिलां उह तफ़तीशी अफ़सर नूं मिलण सरहद्द ’ते गए। दो दिन उस नें डाह नां दित्ती। मिलिआ तां पहिचानणो नांह कर दित्ती। कहिंदा, “मैं सैंकड़े केसां विच तफ़तीश कीती है। हज़ारां गवाहां दे बिआन लिखे हन। किस-किस दा नां याद रख्खां।”

जदों नां-पते याद कराए तां भज्ज के पिआ। कहिंदा, “इस केस नें मैनूं मुसीबत विच पाइआ होइआ है। जे केस खुल्ल्ह गिआ तां सभ तों पहिलां रस्सा मेरे गल विच पएगा। मैं आपणी जान छुडावां जां तुहाडी।”

कपतान तों सहाइता लैण उह राजधानी गए।

कपतान नें उहनां नूं पहिचाणिआ वी अते ठंढा-तत्ता वी पिआइआ। फिर सलाह दित्ती, “तुहानूं मौजूदा कपतान नूं मिलणा चाहीदा है। सुरख्खिआ लई उस कोलों गंनमैन लैणे चाहीदे हन।” हमदरदी वजों उस नें कपतान नूं फ़ोन कीता।

शहिर वापस आ के उह मौजूदा कपतान नूं मिले। उस नें वी मजबूरी ज़ाहर कीती।

“सैंकड़े केसां विच हज़ारां गवाह भुगतदे हन। हर गवाह नूं विरोधी धिर दे ग़ुस्से दा शिकार होणा पैंदा है। सोनूं गवाह बणन तों पहिलां सोचणा चाहीदा सी। मैं किस-किस दी सुरख्खिआ दी ज़िंमेवारी लवां। मैं इक कंम कर सकदा हां। बाडीगारडां दा इंतज़ाम तुसीं करो। असले अते लाइसैंसां दा प्रबंध मैं कर दिंदा हां।

तिंने गवाह धरमी-करमी बंदे सन। गवाही देण तों पहिलां तिंनां नूं परमातमा नूं हाज़र-नाज़र मंन दे सच्च बोलण दी सहुं खाधी सी। लोक उहनां दे धरमी-करमी होण ’ते उंगल उठाउण लग्ग पए सन।

इस विच कोई शक्क नहीं सी कि उहनां नें झूठ बोलिआ सी, पर इह वी सच्च सी कि झूठ उहनां धोखे विच आ के बोलिआ सी।

गवाहां दी आतमा लाहनतां पाउण लग्गी। हो सकदा है पाला मीता कातल होण, पर उहनां नें उहनां नूं कतल नाल संबंधित कोई कंम करदिआं नहीं सी देखिआ। उहनां नें अदालत विच जो आखिआ सी, उह झूठ सी। अदालत नें झूठ नूं सच्च मंन लिआ सी। उहनां दे झूठ नें दो बंदिआं नूं सज़ा करवा दित्ती सी। जे संमती दे आखण अनुसार उह निरदोश होए तां होई सज़ा दा पाप उहनां नूं लग्गेगा।

गवाहां नें फ़ैसला कीता कि उह आपणे मनां ’ते बोझ नहीं रख्खणगे।

आपणे पाप दा पछतावा करन लई उह कचहिरी गए, सच्च बिआनदे हलफ़ीआ बिआन तसदीक कराए।

हलफ़ीआ बिआन संमती हवाले करदिआं उहनां वाअदा कीता, “सारीआं धिरां नाल इनसाफ़ होणा चाहीदा है। साडी ग़लती लई सानूं जे कोई सज़ा भुगतणी पए, उस लई असीं तिआर हां।”

आपणे मनां तों बोझ लाह के गवाह इनसाफ़ दी उडीक करन लग्गे।