41

अज्ज गऊ-पूजा दा तिउहार सी।

छड़िआं दी बैरक विच चहिल-पहिल दी थां मातम छाइआ होइआ सी। कैदीआं नूं इस दिन दी उडीक गिआरां महीने उनत्ती दिन रहिंदी सी।

इस बैरक दा चीफ़ वारडर हरी ओम गऊ भगत सी। हर रोज़ सवेरे उठ्ठ के उह पहिलां गऊशाला जांदा सी। गऊआं दे पैरीं हत्थ ला के उहनां नूं पठ्ठे पाउंदा सी। फेर मंदर जा के पूजा करदा सी, फेर कंम ’ते आउंदा सी।

तिउहार तों इक हफ़ता पहिलां उस नूं चाअ चहड़ जांदा सी। कोल खड़ो के उह सारी बैरक दी सफ़ाई कराउंदा सी। नाई बुला के कैदीआं दी शेव अते हजामत कराउंदा सी। सवेरे ही पंडत आ जांदा सी। पाठ-पूजा हुंदी सी। भजन कीरतन हुंदा सी। हवन हुंदा सी। फेर खीर कड़ाह वरतदा सी। मुशक्कत तों छोट हुंदी सी। कैदीआं लई इह दिन विआह वरगा हुंदा सी।

इस वार जदों आख़री दिन तक वी कोई हलचल नज़र नां आई तां कैदीआं नूं लग्गा दाल विच कुझ काला है। उह कालख़ लभ्भण दा यतन करन लग्गे।

गांधी नूं लग्गा, जदों दा मोदन इस बैरक विच आइआ सी, हरी ओम उदों दा गुंम-सुंम सी।

छड़िआं दी बैरक विच बंद बहुते कैदीआं दे जुरम इको जिहे सन। सीते नें चार साल दी बच्ची नाल बलातकार कीता सी। गांधी नें पैहठां सालां दी बुढ्ढी नाल। दीसे नें बारहां सालां दे नौकर नूं हट्टी विच ढाहिआ सी अते हमीर नें खुसरिआं दी कंध टप्पीसी।

मोदन दा जुरम सभनां नालों घिनाउणा ज़रूर सी पर रब्बों निआरा नहीं सी। कट्टीआं-वछ्छीआं नाल खेह खाण दीआं ख़बरां पहिलां वी अख़बारां विच छपदीआं रहिंदीआं सन।

मोदन नूं इक कट्टी नाल कुकरम करन दे जुरम विच सज़ा होई सी।

इक जानवर नाल कुकरम करन कारन हरी ओम मोदन नाल एना नाराज़ होवे, इह गल्ल दिल नहीं सी लग्ग रही।

इक कट्टी नाल कुकरम करन करके कट्टी दे मालक नें परचा दरज कराइआ होवे। पुलिस नें उस दी गल्ल मंन के तफ़तीश कीती होवे, अगांह मामूली जिही गल्ल ’ते जज्ज नें सज़ा सुणाई होवे, इह गल्ल वी मंनणयोग नहीं सी।

मतलब इह कि मोदन इक बुझारत सी,। बुझारत बुझ्झी जाणी चाहीदी सी। सच्च दी खोज लई उह मोदन दुआले हो गए।

मोदन नें बिनां किसे लुक-लुका दे आपणी राम-कहाणी सुणा दित्ती।

उह पैंती कु सालां दा निक्के झिऊर दा मुंडा है। उह घर विच सभ तों वड्डा है। छोटा भरा मासटर है। भरजाई बी.डी.ओ. दे दफ़तर विच कलरक है।

सुरत संभालण तों पहिलां इक वार मोदन नूं बुख़ार चहड़िआ सी। झाड़-फूक वाले दे पिछ्छे लग्ग के उस दी मां नें मूंह-हनेरे उस नूं छप्पड़ विच नुहा दित्ता। आथण तक बुख़ार होर विगड़ गिआ। उस दी खब्बी लत्त मारी गई। ढूही विच रसौली बण गई। पिठ्ठ विच कुब्ब पै गिआ। उह मुंडा घट्ट अते जानवर वध्ध जापदा। मुंडे उस नूं ‘बोता’ आख-आख चिड़ाउण लग्गे। मुंडिआं दे पिछ्छे लग्ग के मासटरां नें वी उस नूं ‘बोता’ कहिणा शुरू कर दित्ता। हौली-हौली सारे पिंड विच इहो नां प्रचलित हो गिआ। हुण उस नूं लोक मोदन दे नां नाल घट्ट अते बोते दे नां नाल वध्ध जाणदे सन।

मोदन दा बाप पिंड दा चौकीदार सी। कदे-कदे दिहाड़ी लाउण वी चला जांदा सी। विहले समें सरदारां दे डंगरां नूं कख्ख वी पा आउंदा सी। उस दी मां दिने कख्ख-कंडा चुगण खेतां विच जांदी सी। शाम नूं भठ्ठी ’ते दाणे भुंनदी सी। विआह-शादीआं विच विआह वाले घरां विच भांडे मांजदी सी। औखे-सौखे दिन-कटी हो रही सी।

आम बापां वांग मोदन दा बाप उस नूं पहड़ाउणा चाहुंदा सी। डंडे-झिड़कां खांदा मोदन पंज जमातां पास कर गिआ। छेवीं विच जा के बरेक लग्ग गई। पहड़ाई दीआं बरीकीआं उस नूं समझ नहीं सन आउंदीआं। इस विच उस दा कसूर नहीं सी। बुख़ार नें सरीर दे नाल-नाल दिमाग़ नूं वी बुरी तरहां प्रभावित कीता सी।

मन मसोस के बापू नें उस नूं सकूलों हटा लिआ। लत्तों आहरा होण कारन उह दिहाड़ी दप्पे दे वी योग नहीं सी। पंज पहड़े नूं नौकरी तां मिलणी ही नहीं सी।

पटवारी दी सलाह मंन के मोदन नूं भोले दरज़ी नाल बिठा दित्ता। साल विच उह काज करने ते बटन लाउणे सिख्ख गिआ। होर दो साल धक्के खा के उस नूं सिऊण मारनी आ गई। दिमाग़ नें इथे वी पुआड़ा पाइआ। उह चंगा कारीगर बणनों पछ्छड़ गिआ।

मोदन दा छोटा भरा वड्डा होण लग्गा। उस दा सरीर तकड़ा अते दिमाग़ तेज़ सी। बाप नूं आपणे सुपनिआं दी मंज़िल उस विचों दिखाई देण लग्गी। मोदन दी थां उह उस वल्ल धिआन देण लग्गा।

छोटे भरा नें जे.बी.टी. कर लई। साल भर प्राईवेट सकूल विच पहड़ाइआ, फेर सरकारी नौकरी मिल गई।

छोटे भरा नूं रिशते आउण लग्गे।

बाप अते भरा कहिंदे, “पहिलां वड्डे नूं विआहांगे, फेर छोटे दी गल्ल छेड़ांगे।”

हाहड़ी साउणी जे मोदन नूं कोई देखण आउंदा तां ‘विंगे तड़िंगे इस अशटावकर जिहे नाल कुड़ी विआहुण नालों उस नूं खूह विच धक्का देणा चंगा।’ आख के दस्स पाउण वाले नूं उलांभा दे के मुड़ जांदा।

छोटा भरा वड्डा होण लग्गा। “जे साल दो साल होर ज़िद्द फड़ी रख्खी तां तूं वी कुआरा रहि जाएंगा।” लोक छोटे नूं नसीहतां देण लग्गे।

बाप नें दिल ’ते पत्थर रख्खिआ। वड्डे नालों पहिलां छोटे नूं विआह लिआ।

मोदन नूं छड़ा रहि जाण दा दुख्ख होइआ पर कुझ ढारस वी बझ्झी। औरत तां घर विच आई। बज़ुरग कहिंदे हन, “इक दे विआह होण नाल सभ दा कंम सर जांदा है।”

पिंड विच प्रचलित दंद-कथावां अते साथीआं दे धक्के-धकाए मोदन नें भरजाई दे अग्गे-पिछ्छे कट्टे-वछ्छे बंनहे। नेड़े लाउणा तां दूर, उह घुंड चुक्कण नूं वी तिआर नहीं सी। हिंमत कर के इक दिन उस नें वख्खी विच चूंडी वढ्ढी। उह सूई बघिआड़ी वांग पई। पैरीं पै के ते कंनां नूं हत्थ ला के मोदन नें मसां जान छुडाई।

औरत कोलों छित्तर खाण दा इह उस दा पहिला मौका नहीं सी।

पहिली वारी उस नें शमीज़ सिवाउण आई गेलो दीआं नाप दे बहाने छातीआं घुट्टण दी हिंमत कीती सी। मोदन नें सुण रख्खिआ सी कि इह ‘इहो जिही’ ही सी। इको समें कईआं नाल इशक लड़ा रही सी। मोदन नाल वी हस्स-हस्स के बोल रही सी। मोदन नूं हाले छातीआं दे गुदगुदेपण दा सुआद आउण वी नहीं सी लग्गा कि करारे थप्पड़ नें उस दी गल्ल्ह नूं झरण-झरण करन ला दित्ता सी।

“कंजरा) आपणी नारदमुनी जिही बूथी कदे सीशे विच देखी है। इह शकल इशक लड़ाउण वाली है?”

आखदी गेलो उस दे मन नूं वलूंधर के रख्ख गई सी।

 

मुड़ पराई औरत वल्ल झाकण दी मोदन दी हिंमत नहीं सी पई।

जदों ‘आपणी’ नें इज़त लाह दित्ती तां दूजी तों की आस। उस नूं यकीन हो गिआ, औरत-छोह मेरी किसमत विच नहीं है।

सबर दा घुट्ट भरी उह दिन-कटी करदा रिहा।

भरा-भरजाई नौकरी ’ते चले जांदे। मोदन घरे बैठा कप्पड़े सिऊंदा रहिंदा।

आम दिनां वांग उस भैड़े दिन वी उह वरांडे विच बैठा कप्पड़े सिऊं रिहासी।

सबात दे दरवाज़े उपर बैठा चिड़े-चिड़ी दा जोड़ा उस दा धिआन खिच्चण लग्गा। दोवें पिआर कलोलां कर रहे सन। चिड़ा कई वार चिड़ी उपर चहड़ जांदा सी। खंभ झाड़ के चिड़ी मुड़ ‘चिड़ा-चिड़ा’ करन लग्ग पैंदी सी। कुझ देर दम मार के चिड़ा मुड़ चिड़ी उपर आ चहड़दा सी।

मोदन दे हत्थों हत्थी छुट्ट गई। उस दा सारा सरीर हरकत विच आ गिआ। नसां विच ख़ून तेज़ दौड़न लग्गा। मन मसती नाल भर गिआ। उस दा मन चिड़ा बण के चिड़ी ’ते चहड़न नूं करन लग्गा।

अजिहे मौके पहिलां कई वार आए सन। गली विच फसे कुत्ता-कुत्ती जां डंगरां दे हसपताल दे विच नवें दुध्ध हुंदी गां-मझ्झ देख के उस नूं घर भज्जणा पैंदा सी। कदे गुसलख़ाने वड़ के अते कदे कुत्ती कट्टी फड़ के काम-त्रिपती करनी पैंदी सी। कई वार उस नूं कट्टी तों सट्ट ते कुत्ती तों दंदी वढाउणी पई सी। पर मिली सरीक अते मानसिक त्रिपती अग्गे सट्ट निगूणी हुंदी सी।

 

मोदन नें बाहर निकल के गली विच नज़र मारी। गुआंढीआं दी कंध नाल इक कट्टी पिठ्ठ रगड़ रही सी। मोदन कट्टी नूं पुचकार के अंदर लै आइआ।

मोदन नूं झउला जिहा पिआ। शाइद गली विच पैड़-चाल हो रही है। जिवें उस दे घर अग्गे घुसर-मुसर हो रही है।

कट्टी काबू नहीं सी आ रही। बाहर दी बिड़क लैण दी उस कोल विहल नहीं सी। उह मसती नाल आपणे कंम विच लग्गा रिहा।

मोदन नूं सथिती दी गंभीरता दा पता उस समें लग्गा जदों गुआंढणां नें उस दे विहड़े धावा बोल दित्ता। मोदन नूं कछ्छ पाउण दा मौका वी नां दित्ता।

पहिलां छड़े दी विहड़े विच छितरौल होई। फेर पंचाइत नें लाह-पा कीती। फेर पुलिस नें धौड़ी लाही।

दो दिन बाअद पिंड वालिआं दा ग़ुस्सा ठंढा होण लग्गा। नक्क नाल लकीरां कढवा के गुआंढीआं नें उस नूं मुआफ़ कर दित्ता। पंज सौ रुपिआ दंड ला के पंचाइत नें उस नूं सुधर जाण दा मौका दे दित्ता।

पुलिस की जुरमाना करे? इह सोच विचार हो रही सी कि उधर ख़बरां अख़बारां विच छप गईआं?

ख़बरां पहड़ के ‘पशूआं नाल पिआर करन’ वाली इक संसथा नें रौला पा दित्ता। पिंड आ के उहनां नें मोदन दे घर अग्गे धरना दित्ता। शहिर विच जलूस कढ्ढिआ। पुलिस कपतान नूं मंग-पत्तर दित्ता। परचा दरज होइआ, मुकद्दमा चल्लिआ अते उस नूं सज़ा हो गई।

मोदन दी गल्ल सुण रहे कैदी वी छड़े सन। उस तों वध्ध तजरबेकार सन। कहाणी बणी नहीं। मोदन ज़रूर कुझ छुपा रिहा है।

उह ठीक सोचदे सन।

मोदन नें कुकरम कट्टी नाल नहीं, वछ्छी नाल कीता सी। उस विरुध्ध जह्हाद शिव सैना नें छेड़िआ सी। लोकां दीआं धारमिक भावनावां नूं ठेस नां पुज्जे, इस डरों जज्ज नें उस नूं सज़ा सुणाई सी।

इह झूठ मोदन नें आपणी मरज़ी नाल नहीं सी बोलिआ। इंझ कन लई पहिलां डिउड़ी विच उस नूं बुढ्ढे वारडर नें अते फेर चक्कर विच मुनशी नें आखिआ सी।

“तैनूं छड़िआं दी बैरक विच भेजिआ जावेगा। उथों दा चीफ़ वारडर हरी ओम भला बंदा है, पर गऊ भगत होण कारन तेरे ’ते कड़ाका चाहड़ सकदा है। जे बुरा-भला कहे दड़ वट्ट लईं। मार पए सहि लईं। हौली-हौली आपे उस दा ग़स्सा ठंढा हो जाएगा।”

पर शिव सैना वाले जिवें मोदन दी जान लैण ’ते तुले होए सन। गऊ भगत होण कारन उहनां दा हरी ओम नाल संपरक सी। उहनां नें उस तक पहुंच कीती। “कानूंन नें मोदन नाल नरमी वरती है। तिंन साल दी कैद कोई सज़ा हुंदी है? अजिहे महांपापी नूं फ़ांसी लग्गणी चाहीदी है। तूं इस दी ज़िंदगी नूं नरक बणा के होर पापीआं लई उदाहरण बणा दे।” इह हदाइत कीती।

हरी ओम नें उहनां दे हुकम ’ते फुल्ल चहड़ाउण दा मन बणाइआ।

उंज मोदन नूं छड़िआं वाली बैरक विच ही भेजिआ जाणा सी। हरी ओम तों डरदा उह किधरे होर बैरक अलाट नां करवा लए, इस लई हरी ओम ख़ुद चक्कर गिआ।

मोदन दे मत्थे लग्गण तों पहिलां हरी ओम दा पारा बहुत चहड़िआ होइआ सी। कलपना विच उस नें मोदन दी शकल इक हट्टे-कट्टे, काले-कलोटे दैंत वरगी चितवी सी। उस नें सवेरे ही रूल नूं तेल ला लिआ सी। उस दी सलाह सी कि उह पापी नूं चक्कर विच नंगा करेगा। उस दीआं हड्डीआं-पस्सलीआं तोड़ेगा। चीकां मारदे नूं बैरक तक लिजाएगा। पुछ्छण ’ते लोकां नूं उस दे जुरम बारे दस्सेगा।

पर किसमत दे मारे, सुक्कीआं-विंगीआं हड्डीआं दे ढांचे नूं देख के उस दा अध्धा ग़ुस्सा लहि गिआ। फेर वी मोदन दा पाप बख़शिआ जाण वाला नहीं सी।

चक्करों कढ्ढ के हरी ओम नें मोदन नूं नंगा कीता। घोखवीं नज़र नाल सारे सरीर दा मुआइना कीता। उस नूं इक वी थां सबूती नां मिली, जिथे रूल चला सके।

खिझे हरी ओम नें उस दे मूंह ’ते करारे-करारे थप्पड़ जड़े। हेठ डिग्गी पग्ग नूं पैरां हेठ लिताड़िआ। उस नें सोचिआ सी कि मोदन दे केस रख्खे होणगे। उह केस पुट्टेगा पर पग्ग हेठों बोदीआं निकल आईआं। हरी ओम नें बोदीआं अते दाहड़ी पुट्टी, ठुड्डे मारे। नेड़े-तेड़े कालख़ नहीं सी, नहीं मूंह वी काला करदा।

मोदन चुप्प-चाप मार सहिंदा रिहा। उह ख़ुद गऊ नूं मां समझदा सी। उस दिन पता नहीं उस उपर किहड़ा भूत सवार हो गिआ सी। उस तों पाप होइआ सी। पाप दी जिंनी सज़ा मिले, थोहड़ी सी।

मोदन नूं मार पैंदी देख के चक्कर दा मुनशी अते वारडर भज्जे आए। हरी ओम ग़ुस्सा करन वाला नहीं सी। मोदन तों की ग़लती हो गई, उहनां नूं समझ नहीं आई।

“इस हरामज़ादे नें गऊ माता दी इज़्ज़त लुट्टी है, मैं इसनूं मार देणा है।”

हफ़िआ हरी ओम आपणे ग़ुस्से दा कारन समझाउण लग्गा। मुनशी नें भज्ज के पाणी लिआंदा। हरी ओम नूं पिलाइआ तां उस दे साह विच साह आइआ।

“तुसीं मेरी इज़्ज़त रख्खणी है। इस पापी दे पाप दी गल्ल किसे होर कोल नहीं करनी। इहो आखणा इस नें कट्टी नाल खेह खाधी है।”

चक्कर दे करमचारीआं नें मोदन दा वी मूंह बंनहिआ।

मोदन पहिलां ही डर रिहा सी। शिव सैना वालिआं नें उस नूं जेल्ह पहुंचा दित्ता है। उहनां वरगा कोई होर जे जेल्ह विच होइआ तां उस नूं नरक पहुंचा देवेगा।

उस नें मोन रहिण दी सहुं खाधी।

मोदन नें कहाणी विच रद्दो बदल कर के आपणा उहो बचन निभाइआ सी।

मोदन वरगे महांपापी दे हुंदिआं बैरक विच गऊ-पूजा नहीं सी हो सकदी। इहो सोच के हरी ओम नें इस वार तिउहार नां मनाउण दा फ़ैसला कीता सी।

कैदीआं नूं कोई भुलेखा नां रहे, इस लई मुनसी नें रात ही ऐलान कर दित्ता सी, “कल्ल्ह नूं जेल्ह दी कारवाई आम दिनां वांग चल्लेगी।”

इह ऐलान हुंदिआं ही कैदीआं दे चिहरे उत्तर गए। उहनां नूं डर लग्गण लग्गा। जशन बिनां कारन मुलतवी नहीं होइआ। कोई भाणा वरतण वाला है।

सारी रात उह घुसर-मुसर करदे रहे। सवेरे हुंदिआं ही दिल फड़ के बैठ गए।

अग्गे हरी ओम सवेरे-सवेरे बैरक विच आउंदा सी। उस दे मत्थे ’ते वड्डा सारा तिलक अते चिहरे ’ते नूर हुंदा सी।

अज्ज उह दुपहिर दी बंदी वेले आइआ। उस दे चिहरे ’ते  ग़ुस्सा अते अख्खां विच लाली सी।

उह सिध्धा बैरक विच वड़ गिआ। आराम कर रहे मोदन ’ते इल्ल वांग झपटिआ। उस नूं बोदिउं फड़ के उठाइआ। घड़ीसदा-घड़ीसदा विहड़े विच लै आइआ। इको झटके नाल उस दा कुड़ता पाड़ दित्ता। कछ्छनी लाह दित्ती।

अलफ़ नंगा होइआ मोदन थर-थर कंबण लग्गा। उस विच आपणा कसूर पुछ्छण  दी हिंमत वी नहीं सी।

डरे सहिमे बाकी कैदी लुक-छिप के बैठ गए।

हरी ओम कड़क के बोलिआ,

“आओ, सारे बाहर आओ। सुणो इस नें की जुरम कीता है? फेर देखो इस दे पाप दी सज़ा।”

हुकम दे बझ्झे कैदी बाहर आ गए। हत्थ जोड़ के खड़ो गए।

“इस कंजर नें मेरी इशट गऊ माता दी इज़्ज़त लुट्टी है। इह नरकां दा भागी है। कैद इस जुरम दी सही सज़ा नहीं है। इस दे पाप दी सज़ा इह है।”

आखदे हरी ओम नें ठिब्बी ला के मोदन नूं ज़मीन ’ते सुट्टिआ। ठुड्डा मार के पुठ्ठा कीता। फेर दोहां हत्थां नाल आपणे रूल नूं उस दी गुदा विच खोभ दित्ता।

मोदन मछ्छी वांग तड़फिआ। चीक-चिहाड़ा पाइआ, पर कोई उस दी मदद ’ते नां आइआ।

हौली-हौली मोदन शांत हो गिआ।

ज़मीन ख़ून नाल लत्थपत्थ हो गई।

हरी ओम दीआं अख्खां विचली लाली घटण लग्गी। दिल दी धड़कण थां सिर होण लग्गी। मन शांत होण लग्गा।

जेतूआं वांग उस नें बाकी कैदीआं वल्ल तक्किआ। सभ सिर झुकाई खड़े सन।

हरी ओम नूं होर राहत मिली।

हरी ओम पहिले दिन तों मोदन ’ते चिड़ रिहा सी। उह चाहुंदा सी कि मोदन दा गला घुट्ट देवे। उस दे सरीर नूं विचकारों चीर देवे, गऊ माता दी बेइज़ती करन वाला लिंग कट्ट देवे।

अज्ज मसां उस दी तमंना पूरी होई सी।

मन दी मुराद पूरी होण तों बाअद उस नें मोदन दी गुदा विचों रूल कढ्ढिआ, रुमाल नाल साफ़ कीता अते कप्पड़े झाड़दा बैरक विचों बाहर निकल गिआ।

 

 

42

हफ़ते भर तों सारी जेल्ह विच इको चरचा हो रही सी, “ज़नाना वारड दी सभ तों सोहणी कैदण हेमा गरभवती है।” उस दी कुख्ख विच किस दा बच्चा है? इह अंदाज़ा लाउणा मुशकल नहीं  सी।

हाइक दरोगे संतोख सिंघ दा नां कैदीआं नें सरकारी सानह रख्खिआ होइआ सी। ज़नाना वारड विच आदमीआं दे जाण ’ते सख़त मनाही सी। किसे ख़ास कंम लई जे किसे नूं जाणा पवे तां वीह अफ़सरां तों मनज़ूरी लैणी पैंदी सी। सौ थाईं दसतख़त हुंदेसन।

संतोख सिंघ नूं जिवें पक्का पास मिलिआ होइआ सी। उह जद चाहे हिणहिणाउंदा ज़नाना वारड विच जा सकदा सी। संतोख सिंघ हर पंदरीं दिनीं ऐलान करदा सी, “मैं आह कैदण फसाई है। इस वार आह।”

दो तिंन महीने बाअद उह फेर ऐलान करदा, “मैं उस जट्टी, बनिआणी जां खत्तराणी नूं गरभवती कर दित्ता है।”

उस दीआं फहड़ां नूं जे दस फ़ीसदी सच्च मंन लिआ जावे तां उस नूं सैंकड़े बच्चिआं दा बाप होणा चाहीदा सी।

उह सच्च कोल रिहा सीजां झूठ, कैदीआं नूं इस नाल मतलब नहीं सी हुंदा। उहनां नूं उस दीआं सवादलीआं अते करारीआं गल्लां विच दिलचसपी हुंदी सी, जिनहां दी जेल्ह विच हमेशा घाट महिसूस कीती जांदी सी।

संतोख सिंघ कद्द दा लंबा अते सरीर नरोआ सी। आपणे इसे गुण दे आधार ’ते उह दसवीं पास करदिआं ही जेल्ह विच वारडर भरती हो गिआ सी।

पहड़ाई दा शौक उस नूं बचपन तों सी। नाले नौकरी करदा रिहा, नाले पहड़दा रिहा। उधर बी.ए. दी डिगरी हत्थ लग्गी, इस तरक्की कर के चीफ़ वारडर बण गिआ। सहाइक दरोग़ा बणन लई बी.ए. पास होणा ज़रूरी सी। दलितां लई राखवीआं कई आसामीआं इसे कारन ख़ाली सन। संतोख सिंघ इह दोवें शरतां पूरीआं करन वाला पहिला दलित वारडर सी। तिंन सालां बाअद उह सहाइक दरोग़ा बण गिआ। जलदीही उस नें डिपटी बण जाणा सी। लोकां दा अंदाज़ा है, उह सुपरडैंट बण के रिटाइर होवेगा।

संतोख सिंघ नें हर खेतर विच बेमिसाल तरक्की कीती सी। उस दे सलीके नाल पहिने कप्पड़िआं अते बोलचाल दे अंदाज़ नूं देख के कोई इह अंदाज़ा नहीं ला सकदा कि कदे उह आपणी मां नाल खेतां विच घाह खोतण जांदा रिहा सी।

संतोख सिंघ नें आपणा सारा पिछोकड़ भुला दित्ता है, पर इक गल्ल उस दा पिछ्छा करदी है। जवानी समें उस दी मां दी हवेली विच अते भैण दी खेतां विच इज़्ज़त लुट्टदी रही है। वड्डा हो के उस नूं समझ आई है, “दलित औरतां सेठां अते ज़िमींदारां दीआं भोग वालीआं वसतूआं होइआ करदीआं सन। उह उहनां दा सवाद जदों चाहे चख्ख सकदे हन।”

संतोख दे सीने विच सारा दिन बदले दी अग्ग जलदी रहिंदी सी। काम त्रिपती लई नहीं, उह उस अग्ग नूं बुझाउण लई ज़नाना वारड जांदा सी। उच्ची जात दीआं औरतां दीआं इज़्ज़तां नाल खिलवाड़ कर के उस नूं लग्गदा सी कि उह आपणे पुरखिआं दीआं रूहां नूं शांती पहंचा रिहा सी।

हिसटरी टिकट विच हेमा दा नां हेमा मालिनी दरज सी। उंझ उह हेमा शरमा अखवाउंदी सी।

हुण तक संतोख हर जात दी आकड़ भंन चुक्का सी। बस्स पंडितां दी इज़्ज़त लाहुणी बाकी सी। मसां पंडताणी हत्थ आई सी। मछ्छी नूं जाल विच फसाउण लई उह तरलो-मछ्छी होण लग्गा।

हेमा शरमा नूं माइआ नगर विच चकला चलाउण दे जुरम विच पंज साल कैद होई सी। डेढ साल तों उस दी अपील हाई कोरट विच लटक रही सी। सुणवाई हुंदिआं ही उस नें बरी हो जाणा सी। हेठली अदालत विच हेमा नें आपणे विरुध्ध इक वी गवाह भुगतण नहीं सी दित्ता। सभ नूं मुकरा दित्ता सी पर कुरसी ’ते बैठा जज्ज आपणे आप नूं धरम पत्तर समझदा सी। हर पेशी उह हेमा उपर भाशन झाड़दा सी। हेमा उस दा उपदेश इक कंन पाउंदी, दूजे कढ्ढ दिंदी। हेमा वी आपणी मजबूरी बारे लंबा चौड़ा भाशन दे सकदी सी, पर उह चुप्प रहिणा चंगा समझदी सी। मझ्झ अग्गे बीन वजाउेण दा कोई फ़ाइदा नहीं सी। जदों जज्ज नूं आपणे उपदेश दा हेमा उत्ते असर हुंदा नज़र नां आइआ तां उह खिझण लग्ग पिआ। कानूंन दे मापदंडां अनुसार उह दोशण सिध्ध नहीं हुंदी, नां होवे। जज्ज दीआं अख्खां अते कंन खुल्ल्हे सन। सारे माइआ नगर नूं पता सी कि उह भोलीआं-भालीआं कुड़ीआं नूं वरगलाउंदी है अते अनैतिक कंमां लई प्रेरदी है। इख़लाकी तौर ’ते उह सज़ा दी हक्कदार सी। इधरों-उधरों मसाला इकठ्ठा कर के उस नें हेमा नूं पंज साल दी सज़ा सुणा दित्ती। बरी हुंदे-हुंदे नानी याद आ जाएगी।

हेमा नूं सच्चमुच्च नानी याद आई पई सी।

हेमा दा सारा धंदा चौपट हो चुक्का सी। होरां नें उस दीआं कुड़ीआं नूं वगरलाके आपणी चाट ’ते ला लिआ सी। जे हेमा नूं इक साल होर अंदर रहिणा पै गिआ तां बाहर निकल के उस नूं किसे मंदर मसीत दे बाहर ठूठा लै के बैठणा पैणा सी।

साथण कैदणां नें हेमा नूं समझाइआ, “संतोख सिंघ असर-रसूख़ वाला अफ़सर है। उस दी भूआ दा पुत्त हाई कोरट विच वकील है। हर हफ़ते मुकद्दमे लैण जेल्ह ’च आउंदा है। संतोख आपणे भरा दी मदद करदा है। जिहड़ी कैदण उस नूं वकील कर लैंदी है, उस दा बेड़ा पार हो जांदा है।”

हेमा चालीआं नूं ढुकी होई सी। उस दी चमड़ी लटकण लग्ग पई सी। सफ़ैद लटां झातीआं मारन लग्ग पईआं सन। पर हेमा नूं बण-ठण के रहिण अते आपणी उमर लुकाउण दी जाच आउंदी सी। इसे हुशिआरी दा उह खट्टिआ खा रही सी। दरोग़े नूं आपणे वल्ल खिच्चणा उस दे खब्बे हत्थ दी खेड सी।

अग्ग नूं घिओ भज्ज के मिलिआ।

वकील नाल सलाह करन दे बहाने सहाइक दरोग़ा हर हफ़ते हेमा नूं आपणे दफ़तर बुलाउंदा। उथों आपणे कुआरटर लै जांदा।

हेमा आपणे धंदे दी माहिर सी। आपणी इक वी कुड़ी कदे उस नें गरभवती नहीं सी होण दित्ती।

आप पता नहीं किस तरहां फस गई।

चार महीने उस नें किसे कोल भाफ़ नां कढ्ढी। उह जक्को-तक्की विच सी। कदे मन करदा बच्चा जंम लए। पहिले दस साल उस नें आपणे गरभ ठहिरण नहीं सी दित्ता। इंज धंदे ’ते असर पैंदा सी। फेर कुदरत रुस्स गई। यतन करन ’ते वी अगले दस साल गरभ नां ठहिरिआ। हुण जे रब्ब नें दात दित्ती सी, तां उह दात खिड़े मत्थे कबूल करे।

बच्चा पैदा करन दा इह सभ तों वधीआ मौका सी। कैद दौरान बच्चा पैदा हो जाणा है। बाहर किसे नूं ख़बर तक नहीं सी होणी। रिहाअ होण तक हेमा नें फिर कुड़ी-चिड़ी बण जाणा सी।

हेमा उस दा असल नां नहीं सी। धंदे दा नां सी। लोकां नूं भरमाउण लई उह वीह नां रख्खदीआं सन। कदे साधना, कदे हेमा अते कदे बौबी बणदीआं सन। उस दा असल नां राम दुलारी सी। जेल्ह दे रिकारड मुताबक बच्चा हेमा मालिनी दे पैदा होणा सी। किसे नूं पता नहीं लग्ग सकदा कि बच्चा किस हेमा मालिनी नें जंमिआ सी।

बस्स इको तौख़ला सी। पेट विच किधरे कुड़ी नां होवे। कुड़ी नूं आपणे धंदे विच पाउणा नहीं सी चाहंदी। धंदा छड्ड के गुज़ारा नहीं सी होणा।

इशक-मुशक वांग हेमा दे गरभवती होण दी ख़बर सारी ज़नाना जेल्ह विच फैल गई। सभ पासिउं वधाईआं मिलण लग्गीआं।

वधाईआं मिलण ’ते पहिलां उह शरमसार होई। इह उह की कर बैठी। फेर मन त्रिपती नाल भर गिआ। मां बणन दी ख़ुमारी चहड़ गई। डोलदा मन सथिर हो गिआ। उस नें मन बणा लिआ कि लोक कुझ वी आखण, उह मथुरा दी इस जेल्ह विचों *शन दी दात लै के जाएगी।

जदों संतोख नूं ख़बर मिली, उह भज्जा-भज्जा ज़नाना वारड विच आइआ। हेमा नें ख़बर दी पुशटी कर दित्ती।

कई दिन संतोख हाथी वांग बिनां मतलब सारी जेल्ह घुंमदा रिहा। कैदीआं नूं ‘इक पंडताणी नूं गभ्भण करन’ दे किस्से सुणाउंदा रिहा।

अचानक मसती ग़मी विच बदलण लग्गी। अफ़वाह फैली कि “संतोख दी शिकाइत होई है। मुख्ख दफ़तर नें पड़तालीआ अफ़सर नियुकत कर दित्ता है। किसे वी दिन पड़ताल हो सकदी है। हेमा दे बच्चे दा डी.ऐन.ए. टैसट हो सकदा है।”

संतोख फेर हेमा वल्ल भज्जा, “पड़तालीआ अफ़सर दे आउण तों पहिलां-पहिलां गरभपात होणा चाहीदा है।” उह हुकम सुणाउण लग्गा।

हेमा कलेश पा के बैठ गई। उह सवेरे-शाम बच्चे नाल गल्लां करदी सी। भविख्ख दे सुपने बुणदी सी। उह बच्चा नहीं गिरा सकदी।

उह कहिण लग्गी, “मैं पड़तालीआ अफ़सर कोल बिआन देवांगी। मैनूं किसे नें नहीं वरगलाइआ। नां मेरे नाल ज़बरदसती कीती है। बच्चा मैं आपणी मरज़ी नाल जंम रही हां। इह बच्चा तेरा है, मैं किसे नूं इह नहीं दस्सांगी।”

संतोख नूं हेमा कोलों इह उमीद नहीं सी। उस नें उस नूं फेर समझाइआ, “पड़तालीआ अफ़सर नें पुछ्छणा है, जेल्ह विच बैठी नाल किस नें संभोग कीता? लोकां  नें झट्ट मेरा नां लै देणा है। मैं फस जावांगा।”

पर हेमां टस तों मस नां होई।

संतोख डाकटर कोल गिआ। डाकटर नूं ज़नाना वारड बुला के हेमा दा डाकटरी मुआइना कराइआ। डाकटर कहिंदा, “गरभ छे महीने दा हो चुक्का है। बच्चा अते जच्चा दोहां नूं ख़तरा है।”

संतोख नें डाकटर दे हाहड़े कढ्ढे, जेब विच नोटां दी गुट्टी पाई। दोसती दा वासता पाइआ।

“पहिलां वी आपां कई गरभपात कर चुक्के हां। सभ घोड़े वरगीआं हन। जे हेमा मर गई फेर वी फ़ाइदा है। उस दे गरभवती होण दा सबूत वी नाल ही सड़ जाएगा।”

संतोख दी नौकरी बचाउण लई डाकटर आपणी नौकरी ख़तरे विच नहीं सी पा सकदा।

“जिस सूहीए नें तेरी शिकाइत कीती है, उह मेरी वी कर सकदा है।” आखदे डाकटर नें उस नूं सलाह दित्ती।

“तूं हेमा नूं सिवल हसपताल लै जा। उथे हर तरहां दे माहिर डाकटर मौजूद हन। उह तेरी बीमारी दा इलाज कर देणगे।”

डाकटर नें संतोख दी होर मदद कीती। हेमा नूं टाईफ़ाइड बुख़ार नाल सख़त बीमार घोशित कीता। उचित इलाज लई सिवल हसपताल लिजाण दा मशवरा दित्ता।

हेमा नें विरोध कीता, “मैं ठीक हां। मैनूं सिवल हसपताल किउं लिजाइआ जा रिहा है?”

अग्गों सिवल हसपताल दे डाकटरां नें वी शकती कुमार वाली राइ दित्ती, “मरीज़ दी सहिमती बिनां गरभपात नहीं हो सकदा। हेमा इस दा विरोध कर रही है। जे ज़बरदसती कीती तां उह तेरे नाल सानूं वी फसा देवेगी। गरभपात दे निशान जलदी नहीं मिटदे।”

उहनां नें इक राइ दित्ती, “महीना उडीक कीती जावे। सतमाहा बच्चा पैदा कीता जावे। हेमा नूं बचाइआ जावे, बच्चा टिकाणे लाइआ जावे।”

संतोख नूं सुझाअ जच्च गिआ।

उस नें मुख्ख दफ़तर नाल गल्ल कीती। पड़ताल दो महीने लई टाल दित्ती।

हुण सारी जेल्ह विच चरचा है, “अगले महीने धक्के नाल हेमा नूं हसपताल लिजाइआ जाणा है। सतमाहा बच्चा पैदा कर के उस नूं मरवाइआ जाणा है। फेर संतोख नूं बचाइआ जाणा है।

 

 

43

हाकम ’ते दूजी बैरक दे कैदीआं नूं बिनां मतलब मिलण ’ते पाबंदी सी। नां उस नूं किसे दा अरज़ी-पत्तर लिखण दी इजाज़त सी, नां किसे दा पख्ख पूरन दी।

फेर वी जेल्ह विच हुंदी हर चंगी माड़ी घटना दी ख़बर उस नूं मिलदी रहिंदीसी।

हाकम नूं पता सी, मोदन नाल वापरी घटना दी ख़बर इक दम सारी जेल्ह विच फैल गई सी। हरी ओम दी मदद लई वारडर तों लै के सुपरडैंट तक हसपताल वल्ल दौड़ पए। हर कोई इको रट ला रिहा सी।

“हरी ओम ’च कीड़ी मारन दी हिंमत नहीं। जिस तरां काम-वस्स मोदन तों कुकरम हो गिआ सी, उसे तरहां धारमिक भावनावां विच वहि के हरी ओम तों वड्डी ग़लती होई सी। उह मुआफ़ी दा हक्कदार है।”

डाकटर शकती कुमार दी साली दा विआह सी। उह तिंन दिन दी छुट्टी ’ते सी। उस दी थां डिऊटी देण आइआ डाकटर बहुत डरिआ होइआ सी। उह रिकारड विच भंन-तोड़ करन नूं तिआर नहीं सी। जेल्ह सुपरडैंट चाहुंदा सी, डाकटर मोदन नूं लक्कड़ां ’ते डिग्गा दिखावे। डाकटर मंन नहीं सी रिहा। मरीज़ दी हालत गंभीर सी। कुझ वी हो सकदा सी। उह कोई ज़ोख़म उठाउण नूं तिआर नहीं सी।

डाकटर नें मोदन नूं लग्गीआं सट्टां दी रिपोरट तिआर कीती अते योग कारवाई लई थाणे भेज दित्ती। दो दिन मरीज़ नें होश विच नहीं सी आउणा। होश आउण तक डाकटर शकती नें आ जाणा सी। फेर डाकटर शकती जाणे, मोदन जाणे।

डाकटर नें सप्प गलों लाह के पुलिस दे गल पा दित्ता।

थाणेदार नूं जेल्ह करमचारीआं नें विराइआ। पुलिस कपतान नाल संपरक रणधीर सिंघ नें कीता। इक कैदी ख़ातर इक जेल्ह करमचारी दा नुकसान नहीं होणा चाहीदा। नाले जेल्ह सुपरडैंट नें कपतान नूं यकीन दिवाइआ “कैदी दे होश विच आउंदे ही मैं मामला रफ़ा-दफ़ा करवा देवांगा।”

पुलिस अते जेल्ह वालिआं दा घिओ-खिचड़ी वाला रिशता है। हर रोज़ इक दूजे नाल वाह पैंदा है। पुलिस नें मोदन दे बिआन देण दे योग होण तक मामला लटका दित्ता।

महिंगीआं अते तेज़ दवाईआं दे के डाकटर नें मोदन नूं नौ-बर-नौ कर दित्ता। महीने दा ‘रैसट’ दे दित्ता। कंम तों छोट दिवा दित्ती।

हरी ओम नें ढिल्ले जिहे मंह नाल मुआफ़ी मंग लई। मोदन दा ग़ुस्सा लहि गिआ।

फेर पुलिस बिआन लैण आई। उस नें झट्ट लिखवा दित्ता, “लंगर लई लक्कड़ां लैण गए दा मेरा पैर फिसल गिआ। इक सिध्धी खड़ी खलपाड़ मेरे अंदर धस्स गई।”

डाकटर नें मोदन दे बिआन दी पुशटी कर दित्ती। ‘सट्ट लक्कड़ धसण कारन वज्जी है। घटना कुदरती घटी है।”

मामला रफ़ा-दफ़ा हो गिआ।

जेल्ह दा कंम-काज आम दिनां वांग चल्ल रिहा है।

आपणी बैठक विच बंद हाकम मोदन नाल होई बेइनसाफ़ी ’ते तड़फ रिहा सी। “कानूंन दी नज़र विच सभ पशू बराबर हन। कट्टी, वछ्छी विच कोई फ़रक नहीं। जो जुरम उस नें कीता सी, उस दी सज़ा उह भुगत रिहा सी। हरी ओम नूं उस नूं वाधू सज़ा देण दा कोई हक्क नहीं सी।

“हरी ओम नें जुरम कीता है। उस दी सज़ा उस नूं मिलणी चाहीदी है।”

हाकम मामला उच्च अधिकारीआं नाल उठाउणा चाहुंदा सी। पहिले हालात विच उस नें मामला ख़ुद ही उठा लैणा सी। मौजूदा हालात विच मुदई्ई दे सुसत हुंदिआं गवाह चुसत नहीं सी बण सकदा।

हाकम केवल दंद करीच सकदा सी। सारा दिन उह इही करदा रहिंदा सी।

फेर उस नूं हेमा कांड दी सूह मिल गई। इक पासे उह ख़ुश सी। इतिहास नूं पुठ्ठा गेड़ा देण दा यतन करदे अते औरत नूं खिडौणा समझदे संतोख नूं आख़र आटे-दाल दा भाअ पता लग्ग गिआ सी।

उह उदास वी सी। जे हेमा उस नाल संपरक करे तां उह बच्चा अते जच्चा दोहां नूं बचा देवे।

हाकम वांग हेमां चारदीवारी विच बंद अते लाचार सी।

हेमां वांग हाकम वी हउका भरन तों सिवा कुझ नहीं सी कर सकदा।

44

मुख्ख मंतरी डाढे फ़िकरां विच सी। ताणी दिनो-दिन उलझदी जा रही सी। गुपतचर विभाग नें सपश्शट शबदां विच कहिणा शुरू कर दित्ता सी।

“किसे नां किसे ढंग नाल संमती नूं नत्थ पाओ। संमती जे आपणीआं गतीविधीआं बिलकुल ठप्प नहीं करदी तां मठ्ठीआं ही करे, नहीं तां मुख्ख मंतरी समेत सत्ताधारी पारटी दा चोण जित्तणा असंभव है।”

इहनां चोणां विच मुख्ख मंतरी नूं दूहरा नुकसान हो रिहा सी। बंटी नूं कतल होइआं अठ्ठ-नौं वरहे हो गए सन। लाला जी पख्खी लोक बंटी नूं भुल्ल-भुला चुक्के सन। लाला जी ख़ुद मंजे नाल लग्गे पए हन। युवा संघ दीआं सरगरमीआं ठप्प हो चुक्कीआं हन। जदों दी संमती नें असल कातल नामज़द कर के पुलिस तफ़तीश दा भांडा भंनिआ सी, उदों तों युवा संघ दे बचदे-खुचदे कामे वी मुख्ख मंतरी दा पख्ख पूरनों हट गए सन।

पिछलीआं चोणां विच बंटी दे कातलां नूं झट्टपट फड़न अते फेर उहनां नूं सज़ा कराउण दा मुद्दा मुख्ख मंतरी दे ख़ूब कंम आइआ सी। उस समें नां संमती बहुती ताकतवर सी, नां लोक पाले मीते दे बेकसूर होण दी गल्ल मंन रहे सन।

इस वार इहो मुद्दा सत्ताधारी पारटी दे गल दी हड्डी बणिआ होइआ सी।

चोण रैलीआं संमती दे रास आ रहीआं सन। भांत-भांत दे लोकां नूं सटेज ’ते लिआ के उह सरकार दा पूरा जलूस कढ्ढ रही सी। सत्ताधारी पारटी दे नेतावां नूं लोकां नूं मूंह दिखाउणा मुशकल होइआ पिआ सी। जे वोटां वाले दिन तक इहो सथिती बणी रही तां सिट्टे उहो निकलणगे जो गुपतचर विभाग कहिंदा सी।

मुख्ख मंतरी दे सिआसी सलाहकारां नें सलाह दित्ती।

“सानूं लोकां दे रुख़ नूं पहिचानणा चाहीदा है। पहिलां लोक बंटी दे कातलां नूं फड़न अते फाहे लवाउण दी मंग करदे सन। असीं मंग पूरी कीती। भारी वोटां नाल जित्ते। हुण जे लोक उहनां नूं रिहाअ कराउणा चाहुंदे हन तां रिहाअ कर देवो। लोकां दे दिल जित्त के इक वार फेर चोण जित्त लवो। बंटी दे समरथक आटे विच लूण जिंने वी नहीं रहे। इस सौदे विच फ़ाइदा ही फ़ाइदा है।”

सलाहकारां दी सलाह मंन के मुख्ख मंतरी नें संमती नाल संपरक सथापित कीता। आपणीआं तजवीज़ां भेजीआं।

“सोडीआं सारीआं मंगां जाइज़ हन। दोबारा सत्ता विच आउंदे ही पहिला बिल्ल कानूंन ’च सोध लई असैंबली विच पेश होएगा। पाले अते मीते नूं बेकसूर घोशित कीता जावेगा। उहनां उपर झूठा मुकद्दमा चलाउण वाले पुलिस अफ़सरां विरुध्ध सख़त कारवाई होएगी। होई मानहानी बदले उहनां नूं भारी मुआवज़ा दित्ता जावेगा। नाले सरकारी नौकरी मिलेगी।

“फ़ौरी राहत दे तौर ’ते संमती दोशीआं दी ज़मानत दी अरज़ी हाई कोरट विच लाए। सरकार सरकारी वकील नूं हदाइत करेगी। उह दरख़ासत दा विरोध नां करे। उलटा ज़मानत मनज़ूर होण विच मदद करे।”

संमती इहनां लूंबड़-चालां तों चंगी तरहां वाकिफ़ सी। मतलब निकलदे ही ‘तूं कौण, मैं कौण’ हो जाणा सी।

नाले संमती दा संघरश किसे विशेश विअकती विरुध्ध नहीं सी। संमती नूं पता सी, कुरसीआं उपर बैठे बंदिआं दे बदलण नाल समुच्चा ढांचा बदलण वाला नहीं सी। उहनां दा संघरश आपणे आख़री टीचे दी प्रापती तक जारी रहिणा सी।

संमती नें मोड़वां वार कीता।

“मुख्ख मंतरी जे संमती दीआं मंगां प्रती इंना सुहिरद है तां पाले मीते नूं तुरंत रिहआ करे। वोटां वाले दिन तों पहिलां असल कातलां नूं फड़े।”

पर मुख्ख मंतरी जंग दे मैदान विच घोड़े बदलण लई तिआर नहीं सी।

मुख्ख मंतरी अते संमती दे सिंग फसे देख के विरोधी धिर नें संमती नाल संपरक कीता।

“उंज तुहाडा संघरस पहिलां ही साडे हक्क विच भुगत रिहा है पर जे तुसीं नंगे-चिट्टे हो के साडे नाल आ खड़ो तां साडे बेड़े बंने लग्ग जाण।”

बदले विच पेशकशां वी होईआं। संमती दे नुमाइंदिआं नूं कानूंन सोध कमेटीआं विच लिआ जाएगा। जेल्ह भलाई बोरड विच उहनां दा बोलबाला होएगा। पाले मीते नूं सरकार दे सहुं चुक्कदिआं ही छड्ड दित्ता जाएगा।

संमती नें विरोधी धिर नूं समझाइआ। संमती चोणां विच हिस्सा नहीं लै रही। उह आपणी लड़ाई आप लड़े।

चोणां दौरान संमती दे उदेश दी पूरती होण लग्गी। कानूंन दे समां विहाअ चुक्का होण अते इस नूं लोक-पख्खी बणाउण दा मुद्दा पूरी तरहां भख्ख गिआ। हर सिआसी पारटी इस मुद्दे नूं अपणाउण लग्गी।

हर चोण रैली विच हर पारटी वल्लों कानूंन सोधण दे वाअदे कीते जाण लग्गे।चोण मनोरथ पत्तरां विच इह वाअदे मुख्ख थां लैण लग्गे।

चोण प्रचार दी समापती वाले दिन विरोधी पारटी नें ऐलान कीता।

“सत्ता ’च आउंदे ही सभ तों पहिलां असीं पाले मीते नूं रिहाअ करांगे। असैंबली दे पहिले सैशन विच कानूंन सोध बिल्ल पेश करांगे।”

अजिहे मन लुभाउणे अते भुलेखा पाऊ वाअदिआं तों प्रभावित होए बिनां संमती आपणे कंम विच जुटी रही।

 

 

45

मुख्ख मंतरी वी बुरी तरहां हारिआ अते उस दी पारटी वी।

संमती नाल जुड़ीआं कुझ संसथावां दी नवें मुख्ख मंतरी दी पारटी नाल नेड़ता सी। चोणां दौरान इसतरी सभा अते हैलपलाईन दे कुझ नेतावां नें संमती अग्गे सुझाअ रख्खिआ सी, “संमती विरोधी धिर दा समरथन करे। बदले विच पारटी सत्ता विच आउण ’ते संमती दीआं मंगां मंनेगी।” पर संमती नें समझा-बुझा के उहनां नूं किसे वी धिर नाल खड़ोन तों रोक दित्ता सी।

इहनां जथेबंदीआं नें भावें खुल्ल्ह के मुख्ख मंतरी दी हमाइत कीती सी पर फेर वी उहनां दे मन उस नाल जुड़े होए सन। उहनां नूं आस सी, सत्ता विच आ के उह आपणे वाअदे पूरे करेगा।

इहनां समरथकां नें मुख्ख मंतरी दे अहुदे दी सहुं चुक्कण दी रसम साह रोक के देखी। उहनां नूं विशवास सी कि उह सहुं चुक्कदिआं ही पाले मीते नूं रिहाअ करन दा ऐलान करेगा।

जदों इंज नां होइआ तां उह निराश होण लग्गे। बाबा गुरदित्त सिंघ नें उहनां नूं समझाइआ।

“भलिओ लोको) चौणां दौरान मुख्ख मंतरी नें सौ तों वध्ध चोण हलकिआं विच प्रचार कीता सी। हर हलके दीआं आपणीआं समस्सिआवां हुंदीआं हन। हर थां उस नें इको मुहारनी पहड़ी सी। सहुं चुक्कदिआं ही तुहाडी मंग पूरी करांगा। ‘सहुं चुक्कदिआं ही मंग पूरी करना’ सिआसी लोकां दा इक मुहावरा है। तुसीं सबर रख्खो। मुख्ख मंतरी नें सैंकड़े वाअदे पूरे करने हन। वाअदे जिउं-जिउं याद आउंदे रहिणगे, तिउं-तिउं पूरे हुंदे रहिणगे।”

फेर अख़बारां विच ख़बरां छपण लग्गीआं।

“नवें मुख्ख मंतरी दे विधाइक र्से फिरदे हन। मंतरी पद थोहड़े हन, दाअवेदार वध्ध। इक अनार नूं मुख्ख मंतरी किंने कु बीमारां विच वंडे?”

इह समस्सिआ सुलझाउंदिआं मुख्ख मंतरी नूं इक महीना लग्ग गिआ।

मंतरी मंडल बणदे ही फेर रौला पै गिआ। हर मंतरी पैसा कमाउण वाला विभाग मंग रिहा सी। इह मसला सुलझाउंदिआं इक महीना होर लग्ग गिआ।

उस दे समरथकां नें फेर टी.वी. वल्ल देखणा शुरू कर दित्ता। अख़बारां दा अख्खर-अख्खर पहड़ना शुरू कर दित्ता। मुख्ख मंतरी दीआं सारीआं समस्सिआवां हल्ल हो चुक्कीआं सन। हुण उह किसे वी समें पाले मीते नूं रिहाअ करन अते कानूंन विच अहिम सोधां करन दा ऐलान कर सकदा सी।

भोले पंछीआं नूं इह नहीं सी पता कि पहिली सरकार नें ख़ज़ाने दी थां आपणीआं जेबां भरन ’ते ज़ोर दित्ता सी। नवीं सरकार नूं विरासत विच करोड़ां रुपए दा घाटा अते करज़ा मिलिआ सी। सरकार साहमणे पहिली चुणौती ख़ज़ाना भरन दी सी जे चार पैसे पल्ले होणगे तां ही कोई गल्ल सुझेगी। फेर ही विकास बारे सोचिआ जा सकेगा।

“लोकां उपर किहड़े नवें टैकस लाए जाण?” मुख्ख मंतरी इह सुझाअ इकठ्ठे करन विच रुझ्झा होइआ सी। कानूंन जां कैदीआं वरगे फ़ज़ूल विशे बारे सोचण दा हाले उस कोल वकत नहीं सी।

उंज मुख्ख मंतरी नूं वाअदे भुल्ले नहीं सन। उह वाअदे पूरे वी करना चाहुंदा सी, पर हर कंम दा इक वकत हुंदा है। लोकां दी याददाशत बहुत कमज़ोर हुंदी है। जे उस नें वाअदे हुणे पूरे कर दित्ते तां अगलीआं चोणां तक उह उहनां नूं भुल्ल जाणगे। सरकार कोलों जे कोई ग़लती हो गई तां उह याद रहेगी। वाअदे उह चोणां दे नेड़े पूरे करेगा। लोकां दी वाह-वाह खट्टेगा। वाह-वाह दा मुल्ल वट्टेगा। वैसे ही अड्डीआं रगड़ा-रगड़ा कंम करन दी ज़िआदा वुक्कत हुंदी है।

मुख्ख मंतरी उचित समें दी उडीक विच सी।

जदों मुख्ख मंतरी दे समरथकां नूं कुझ पल्ले पैंदा नज़र नां आइआ तां उहनां नें हथिआर सुट्ट दित्ते। संमती नें आपणीआं सरगरमीआं फेर तेज़ कर दित्तीआं।

संमती नें मुख्ख मंतरी वल्लों कीते वाअदिआं नूं वड्डे-वड्डे पोसटरां उत्ते छपवाइआ अते लोकां दी याददाशत ताज़ा करन लई उहनां नूं पिंड-पिंड, शहिर-शहिर चिपकाइआ।

संमती नूं मुख्ख मंतरी दा जेल्ह यातरा दा भरपूर तजरबा सी। आपणे जेल्ह तजरबिआं बारे उस नें इक किताब लिखी सी। उस किताब विच उस नें कैदीआं दी तरसयोग हालत दा विसतार नाल वरणन कीता सी। पता नहीं किउं उह जीवन हुण उस नूं असुखावां लग्गणों हट गिआ सी?

उह अख़बारां विच लेख लिखण लग्गे। पुसतक विचों हवाले दे के मुख्ख मंतरी कोलों पुछ्छण लग्गे। जेल्ह जीवन नूं सुधारन लई उह किउं नहीं कुझ करदा?

मुख्ख मंतरी संमती दीआं गतीविधीआं तों अवेसला नहीं सी।

संमती दीआं सरगरमीआं तेज़ हुंदीआं देख के मुख्ख मंतरी नें उस दे जोश नूं ठंढा करन दी योजना बणाई।

सत्ताधारी पारटी वल्लों संमती वालिआं दे शहिर विच इक वड्डी रैली रख्खी गई। “रैली दौरान मुख्ख मंतरी वल्लों विशेश ऐलान होणगे।” अख़बारां विच वड्डे-वड्डे इशतिहार छाप के लोकां नूं दस्सिआ गिआ।

मुख्ख मंतरी दे नुमाइंदिआं नें संमती वालिआं नाल संपरक कीता अते समझाइआ।

“मुख्ख मंतरी साहिब कानूंनी सोधां बारे नवीं नीती घड़न जा रहे हन। संमती की चाहुंदी है? इह लिखती रूप विच देवे। सोधां सुझाउण लई कमेटीआं बणनगीआं। उहनां कमेटीआं लई संमती आपणे नुमाइंदिआं दी सूची देवे।”

संमती मुख्ख मंतरी दी चाल समझ गई। ‘पंचाइत दा किहा सिर मत्थे, पर परनाला उथे दा उथे।’ सरकार कमेटीआं दा गठन कर के मसला लटकाउणा अते वकत टपाउणा चाहुंदी है।

संमती नें सुझाअ दित्ता।

“नवीआं कमेटीआं दी कोई ज़रूरत नहीं। पहिलां कई वार कमेटीआं बणीआं हन। उहनां दीआं रिपोरटां उपर जंमी धूड़ झाड़ लवो। समां ख़राब नां करो। जो करना है तुरंत करो।”

मुख्ख मंतरी नूं इह सुझाअ परवान नहीं सी। उह पहिलीआं सरकारां दे कंम नूं मानता किउं देवे? उह आपणे कंम दा सिहरा आपणे सिर बंनहणा चाहुंदा सी।

“संमती जे सहियोग नहीं दिंदी तां नां देवे। वाअदे मैं लोकां नाल कीते सन, संमती दे कुझ नेतावां नाल नहीं।”

आखदे मुख्ख मंतरी नें संमती नूं नज़र-अंदाज़ कर दित्ता।

योजना अनुसार शहिर विच वड्डा इकठ्ठ कीता गिआ। कानूंन मंतरी वल्लों कानूंन  विच सोधां दी लोड़ बारे लंबा-चौड़ा भाशण दित्ता गिआ।

लोकां दीआं ताड़ीआं दी गूंज विच मुख्ख मंतरी नें ऐलान कीते।

उस नें लोकां नूं समझाइआ। कानूंन विच सोधां करनीआं एनीआं आसान नहीं हन। अंगरेज़ां नें जदों भारतीआं लई कानूंन घड़े सन, वीह साल सोच-विचार ’ते लाए सन। बहुते कानूंन केंदर सरकार दे बणाए होए हन। उहनां विच सोध उही सरकार करेगी। कानूंन सोधण तों पहिलां कानूंनी माहिरां दी सलाह लैणी बहुत ज़रूरी है।

इस लोड़ नूं मुख्ख रख्खदिआं सरकार वल्लों नवें लाअ कमिशन दे गठन दा ऐलान कीता गिआ। हाई कोरट दे इक रिटाइर जज्ज नूं इस दा चेअरमैन बणा के उस नूं कैबनिट मंतरी दे बराबर दीआं सहूलतां देण दा ऐलान कीता गिआ। कमिशन दे होर किहड़े-किहड़े मैंबर होणगे, इह वी दस्सिआ गिआ। कमिशन नूं हदाइत होई, हर हाल विच उह आपणी रिपोरट इक साल दे अंदर-अंदर देवे।

सरकार नूं सलाह देण लई इक सलाहकार कमेटी दा गठन कीता गिआ। इस कमेटी लई सरकारी अधिकारीआं दे नाल सिआसी अते समाज-सेवी संसथावां दे नुमाइंदे नामज़द कीते गए। इहनां मैंबरां दी किंनी महत्तता है, इह दरसाउण लई उहनां नूं सरकारी अफ़सरां दे बराबर दीआं सहूलतां देण दा ऐलान कीता गिआ। कमिशन अते सलाहकार कमेटी वल्लों आउण वाले सुझावां उपर विचार करन लई कैबनिट कमेटी बणाई गई।

तिंन साल दे अंदर-अंदर सारे कानूंनां नूं सोधण दा ऐलान होइआ।

पाले मीते नूं फ़ौरी रिहाअ नां कर सकण ’ते मुख्ख मंतरी नें मुआफ़ी मंगी। फेर आपणी मजबूरी दस्सी। सैशन कोरट उहनां नूं दोशी ठहिरा चुक्की है। मामला हाई कोरट दे विचार अधीन है। अदालत दे कंम विच दख़ल देणा सरकार दे आधार-खेतर तों बाहर है।

फेर वी बंटी कतल केस दे नवें सिरिउं तफ़तीश करन लई आई.जी. (कराईम) दी निगरानी हेठ इक विशेश टीम बणाई गई। टीम नूं हदाइत होई कि उह तिंन महीने दे अंदर-अंदर सभ तत्थां दी घोख करे।

संमती नूं हदाइत होई। उह पाले मीते दे निरदोश होण अते हरमनबीर होरां दे कातल होण दे सबूत टीम अग्गे पेश करे।

मुख्ख मंतरी नें इक वार फेर आपणा वचन दुहराइआ।

“इह टीम जो सिफ़ारश करेगी, उस उपर फ़ौरी अमल होएगा। पहिले मुख्ख मंतरी वांग मसला लटकाइआ नहीं जाएगा।”

 

 

46

जेल्ह नियम कहिंदे सन, हर महीने हर बैरक दी तलाशी लई जावे। इंज ग़लत अनसर सुचेत रहिंदे सन।

अमलीआं दी बैरक दी तलाशी लैणी ख़तरे भरी सी। इथों कुइंटलां ’च भुक्की,  किल्लोआं ’च अफ़ीम अते डब्बिआं दे डब्बे गोलीआं, टीकिआं दे मिलणे सन। इस नाल कैदीआं अते अधिकारीआं दोहां दी बदनामी होणी सी।

दोहां धिरां दी बदनामी तों बचाउण लई गुरनाम अते प्रशासन विचकार समझौता होइआ-होइआ सी। प्रशासन तलाशी दी अगाऊं सूचना गुरनाम नूं देवेगा। गुरनाम आपणे बंदिआं नूं सुचेत करेगा। बंदे अमलीआं नूं बचाउणगे। फेर वी जे किसे कोलों कुझ फड़िआ जावे तां इस दा ज़िंमेवार उह ख़ुद होवेगा।

अज्ज चाह वाले देगचिआं दे नाल पोटलीआं नहीं सन आईआं। इशारा साफ़ सी। किसे वी समें बैरक दी तलाशी हो सकदी सी।

इशारा समझ के अमली आपणे-आप नूं सुरख्खिअत करन विच जुट्ट गए।

साधू सिंघ आपणे कोल वाधू माल रख्खदा सी। उस नूं हर रोज़ दा हिसाब-किताब रख्खणा नहीं सी आउंदा। हर हफ़ते उस दी घरवाली मुलाकात करन आउंदी सी। होर निक्क-सुक्क दे नाल पंज सौ दा नोट वी फड़ा जांदी सी। उह इकठ्ठी भुक्की ख़रीद के रख्ख लैंदा सी। हौली-हौली फक्का मारदा रहिंदा सी। हाले कल्ल्ह उस नें भुक्की ख़रीदी सी। बहुत माल वाधू पिआ सी। साधू नूं माल टिकाणे लाउण दा फ़िकर होइआ। साथीआं नूं दित्ता तां उहनां पैसे नहीं सन देणे। वारडर नूं फड़ाइआ तां उस नें मुड़ के राह नहीं सी देणा। गटर विच सुट्टिआ तां भंग दे भाड़े जाणा सी। उस नें नंदू वरगे चार अमली लभ्भे अते जिस भाअ माल विकिआ, वेच दित्ता।

नंदू नशा वध करदा सी। जिंना मिलदा ओना हड़प्प जांदा सी। अक्के घरदिआं नें उस दा कोटा बंनह दित्ता। बस्स कोटे अनुसार उस नूं सवेरे पोटली मिल जांदी। रात तक उह पोटली मुका लैंदा। उस नूं सवेर मसां आउंदी। तलाशी वाला दिन उस लई सभ तों वध्ध कशट वाला हुंदा। चाह नाल नशा नां खाण कारन उस नूं डोबू पैण लग्गदे, ढिड्ड विच मरोड़ उठ्ठण लग्गदे। उबासीआं आउण लग्गदीआं। दिल घबराउण लग्गदा। सारा दिन कंम नां हुंदा। मुशक्कत पूरी नां होण कारन कुट्ट पैंदी। कोठी बंद होण दी सज़ा मिलण दा ख़तरा खड़ा हो जांदा। वीह सिआपे पैंदे। तलाशी होण दी मनहूस ख़बर सुण के उस नें हत्थ-पैर मारने शुरू कर दित्ते। साथी कैदीआं दे हाड़े कढ्ढे, “दिहाड़ी जोगा नशा दिओ। दग्गणा-तिग्गणा जो मरज़ी भाअ लओ।” साधू नें उस दा मसला हल्ल कीता। नंदू नें अध्धा माल अंदर सुट्ट लिआ। अध्धा खीसे विच पा लिआ। अधिकारीआं दे अहाते विच वड़न दा खड़ाक सुणदे ही उह बाकी माल दा फक्का मार लएगा। इंज नाले तलाशी तों बच जाएगा, नाले नशे दी तोट तों।

दरावड़ दी टोली दी वारडर नाल अट्टी-सट्टी सी। उहनां नें आपणीआं गोलीआं अते टीके इक झोले विच पाए, झोले उपर आपणा नां लिखिआ अते झोला वारडर दे हवाले कर दित्ता। बला टलण तों बाअद उह आपणा माल वापस लै लैणगे।

जिनहां दा माल नां विकिआ, नां छुपिआ, उहनां वड्डे-वड्डे फक्के मार लए। “भोरा-भोरा खाधे नशे दा सुआद नहीं आउंदा।” अज्ज उह सारा दिन मसती विच रहिणगे अते उपरले नाल लिव लाउणगे।

घंटे दे अंदर-अंदर सारी बैरक साफ़ हो गई।

सारी जेल्ह नूं पता सी बसंत नशा नहीं करदा। फेर वी उस दा दिल सभ तों वध्ध धड़क रिहा सी। उस नूं जाप रिहा सी कि इकठ्ठ साध दी भूरी उप्पर हो रिहासी।

बसंत नूं आपणे टरक्क विच भुक्की ढोण दे जुरम विच दस साल दी कैद होई सी। सत्त साल उह कट्ट चुक्का सी। चंगे चाल-चलण अते साऊ सुभाअ कारन तिंन साल कैद मुआफ़ हो गई सी। उस दी रिहाई किसे दिन वी हो सकदी सी। बस्स उपरों हुकम आउण दी उडीक सी।

हुकम दी थां मुख्ख दफ़तर दे बाबूआं दे सुनेहे आउण लग्गे, “बसंत नूं आखो, जलदी चाह-पाणी भेजे।”

बाबूआं दा विचार सी, “कैदी नूं इह दिन सौ सुख्खां सुख्खण बाअद मसां नसीब हुंदा है। ख़ुशी दी इस घड़ी विच असीं वी शरीक होणा है। मूंह कौड़ा मिठ्ठा करन लई पंज हज़ार रुपिआ भेजो।”

डिपटी सुपरडैंट कदे उह सुनेहा बसंत कोल पुज्जदा कर दिंदा अते कदे दड़ वट्ट लैंदा।

रणजीत सिंघ बसंत दे पोतड़िआं तक्क तों वाकिफ़ सी। उस दे अग्गे-पिछ्छे कोई नहीं सी। तिंन साल तों उस नूं कोई मिलण नहीं सी आइआ। उह इंनी रकम जुटाउण दी समरत्था विच नहीं सी।

बसंत जेल्ह दीआं रवाइतां तों अणभिज्ज नहीं सी। उस नूं कैद दे आख़री दिनां विच पैसिआं दी पैण वाली लोड़ दा पता सी। इसे लोड़ नूं पूरा करन लई उह कईआं सालां तों पैसे जोड़ रिहा सी। पर इह जेल्ह सी। इथे पैसे बणदे नहीं, ख़रच हुंदे हन।

बसंत कोल इक छोटा जिहा हुनर सी। जवानी दे दिनां विच उस नें मालिश करनी सिख्ख लई सी। इसे हुनर नाल उस नें आपणे उसताद नूं ख़ुश कीता सी। दस सालां विच सिख्खिआ जाण वाला कंम उस नें तिंन साल विच सिख्ख लिआ सी। मालशां कर-कर के उस नें जेल्ह करमचारी ख़ुश कीते सन। उहनां दी किरपा नाल कदे-कदे उह बी-कलास बैरक विच चक्कर मार आउंदा। पंज-दस रुपए कमा लिआउंदा सी। कुझ ख़रच हो जांदे, कुझ बच रहिंदे।

पूरी कंजूसी कर के उस तों मसां अठारां सौ जुड़िआ सी। उह सारी रकम उस नें डिपटी अग्गे ढेरी कर दित्ती सी। इंनी कु रकम बाबूआं दे नक्क हेठ नां आई।

जेल्ह नियमां अनुसार मिसल दे मुख्ख दफ़तर पुज्जण दे इक महीने दे अंदर-अंदर रिहाई दा हुकम होणा ज़रूरी सी। बाबूआं नें मोटे शीशिआं वालीआं ऐनकां ला के मिसल घोखी। बसंत दा रिकारड शीशे वांग साफ़ सी। उस दे हिसटरी टिकट  उपर इक वार वी लाल सिआही दा प्रयोग नहीं सी होइआ। बाबूआं दे सिरतोड़ यतनां दे बावजूद मिसल सारीआं औकड़ां पूरीआं कर के आई.जी. साहिब दी मेज़ तक पहुंच गई सी। साहिब नें कोई नख़रा नहीं सी करना। घुग्गी मार के मिसल वापस भेज देणी सी। इंज कैदी नें बिनां बाबूआं दी सेवा करे रिहाअ हो जाणा सी। बाबूआं नूं डर सहे दा नहीं, पहे दा सी। इंज मुफ़त रिहाईआं होण लग्गीआं तां बाबूआं नूं मत्था टेकण किसे नहीं सी आउणा। महिंगाई दे इहनां दिनां विच उहनां भुख्खे मर जाणा सी।

बाबूआं नें मता पकाइआ, “आपणी रोज़ी-रोटी बचाउण लई सानूं रिहाई विच कोई नां कोई रोड़ा अटकाउणा चाहीदा है।”

आख़री मौका देण लई बाबूआं नें इक वार फेर डिपटी सुपरडैंट नाल संपरक कीता। अग्गे मिसल पिछ्छों आउंदी सी। कैदी दे वारिस पहिलां पुज्ज जांदे सन। बहुते केसां विच लैण-देण डिपटी राहीं हुंदा सी। उह आपे पैसे उगराह के उहनां तक्क पुज्जदे कर दिंदा सी। इस वार उह चुप्प सी।

डिपटी नें कैदी दा पख्ख पूरिआ। उस कोल जो सी उह भेज चुक्का सी। “सत्त घर डैण वी छड्ड दिंदी है। गऊ ’ते रहिम करो। अगले महीने दे अख़ीर कैदीआं दी रिहाई होण वाली है। मैं भांगा उथों कढवा देवांगा।”

बाबू पता नहीं किस मिट्टी दे बणे होए सन। टस्स तों मस्स नां होए।

“बाबू जानण, कैदी जाणे।” सोच के डिपटी चुप्प कर के बैठ गिआ।

रणजीत सिंघ मनों चाहुंदा सी कि बसंत दी रिहाई हो जावे। बसंत नूं बहुतीआं मुआफ़ीआं उसे नें दित्तीआं सन। उसे नें उस दी अगाऊं रिहाई दी सिफ़ारश कीती सी। उह चाहुंदा सी कि घट्टो-घट्ट पैसे दी घाट कारन कोई अड़िक्का नां लग्गे।

रणजीत सिंघ तों चुप्प नां बैठिआ गिआ। आथण-उग्गण उह बसंत नूं आपणे कोल बुलाउंदा। उस नूं समझाउंदा, “इह बाबू बड़ी माड़ी कौम है। किधरे कोई पंगा नां पा देवे।”

बसंत उस नाल सहिमत हुंदा। पैसे देणा चाहुंदा, पर पैसे आउण कित्थों?

इक वार बसंत नें अख्खां भर के पुछ्छिआ सी, “की मैं आपणी किडनी जां अख्ख वेच सकदा हां।”

उस दे इस प्रशन अग्गे निरउत्तर होए डिपटी दे वी गलेडू भर आए सन।

उस दिन तों दोहां नें डोरी रब्ब उत्ते छड्ड दित्ती।

जदों रणजीत सिंघ वी घेसल वट्ट गिआ तां बाबूआं नें फेर मीटिंग बुलाई।

दफ़तर दा प्रबंधकी अफ़सर, बज़ुरग अते सभ तों वध तजरबेदार सी। सोच-विचार बाअद उस नें सुझाअ दित्ता।

“बसंत कोलों पूरी कैद कटाउण दा इको राह है। उस नूं किसे नवें मुकद्दमे विच उलझाइआ जावे। उह लड़न-झगड़न वाला नहीं है। इस लई किसे वफ़ादार कैदी नूं उस नाल लड़ा के बैरक विच दंगा कराउणा मुशकल है। जेल्ह विच नशा-पत्ता आम विकदा है। उस दी जेब विच अफ़ीम पवाई जावे। इंज होण नाल इको तीर नाल दो निशाने फुंडे जाणगे। नशा-पता अंदर लिआउणा जेल्ह अपराध बणदा है। इस तहित कैदी नूं पहिलां मिलीआं रिआइतां बंद हो सकदीआं हन। नशीले पदारथ कबज़े विच रख्खणा इक वख्खरा जुरम है। नशीले पदारथां दी तसकरी नाल नजिठ्ठण वाले कानूंन तहित इस नूं मुड़ सज़ा कराई जा सकदी है।”

बाबूआं दी योजना नूं सिरे चहड़ाउण लई मुड़ रणजीत सिंघ नूं चुणिआ गिआ। उह धक्कड़ किसम दा अफ़सर सी। बसंत वरगा कैदी सालां बाअद उस दी दइआ-द्रिशटी दा पातर बणदा सी। बहुतिआं उपर उह अत्तिआचार ही करदा सी। उस दीआं शिकाइतां मुख्ख दफ़तर पुज्जदीआं ही रहिंदीआं सन। जे साडी उस ’ते मिहर नां होवे तां उह आथण नूं घर पुज्ज जावे। उस नूं अहिसान चुकाउण लई आखिआ जावे।

पहिलां रणजीत सिंघ नें आना-कानी कीती। जदों बाबू आपणी ज़िद्द ’ते अड़ गए तां रणजीत नूं अड़ छड्डणी पई। “बाबू ठीक कहिंदे हन। इहनां दी किरपा नाल मैं सूबे दी सभ तों वध्ध कमाऊ जेल्ह विच टिकिआ होइआ हां। नाले बक्करे दी मां कदों तक सुख्ख मनाएगी। बाबू आपणी आई ’ते आए होए हन। बसंत नें वढ्ढिआ ही जाणा है। मैं नहीं तां कोई होर हूला फक्कांगा। इह कौड़ा घुट्ट मैनूं ही भरना पएगा। आपणा वढ्ढेगा तां छावें सुट्टेगा।”

बाबूआं दी योजना नूं सिरे चाहड़न लई अमलीआं दी बैरक दी तलाशी दी योजना बणी सी।

बसंत कबूतर वांग अख्खां मीच के बिल्ली दे झपटण दा इंतज़ार करन लग्गा।

दुपहिर दी बंदी समें उहो होइआ, जिस दी पहिलां सूचना मिली सी।

दगड़-दगड़ करदे चार-पंज वारडर, दो सहाइक दरोग़े अते डिपटी बैरक विच आ धमके। आउंदे ही कैदीआं नूं हुकम होइआ।

“जिथे हो उथे ही हत्थ खड़े कर के खड़े हो जावो।”

कैदी खड़े हो गए।

वारडर बैरक विच जा वड़े। टरंक, पीपे अते झोले ढेर कर लए। किधरों कुझ  नहीं सी मिल रिहा।

इक कैदी दे झोले विचों नूतन दी फ़ोटो वाला गोल शीशा मिलिआ। चीफ़ वारडर नें उह ज़बत कर लिआ। “शीशे नूं तोड़ के दूजे कैदीआं नूं सट्ट मारन लई इस दी वरतों हो सकदी है।” इस दा कारन उस नें इह दस्सिआ।

इक कैदी कोल पग्ग हेठले वाल ठीक करन वाला बाज सी। “बाज ढिड्ड पाड़न लई वरतिआ जा सकदै।” इह आख के दूजे वारडर नें बाज ज़बत कर लिआ।

घंटा तलाशी हुंदी रही। कोई वी इतराज़ योग वसतू नां मिलण कारन मुहिंम असफ़ल हुंदी नज़र आउण लग्गी।

डिपटी नूं हेठले सटाफ़ ’ते ग़स्सा चहड़िआ। उहनां नूं गाल्हां कढ्ढदा उह ख़ुद तलाशी करन लग्गा।

पहिले हल्ले ही शिकार हत्थ लग्ग गिआ।

बसंत नें आपणे पजामे दे नेफ़े विच मोमी काग़ज़ दी लंबी टिऊब छुपा रख्खी सी। टिऊब दी घोख होई। उस विचला मादा अफ़ीम सी।

“लओ, मुख़बर झूठ नहीं सी बोल रिहा। फड़ी गई नां अफ़ीम।”

आखदा रणजीत बसंत नूं गलों फड़ के डिउड़ी वल्ल लै तुरिआ।

“मैं निरदोश हां। तुहानूं पता है मैं नशा नहीं करदा। इह बहुत महिंगा है, मेरी पहुंच तों बाहर है।”

उस दी पुकार नां किसे सुणनी सी, नां सुणी।

“फड़े जाण ’ते हर मुलज़म इह आखदा है”, आखदा डिपटी पुलिस नूं जेल्ह बुलाउण लई फ़ोन करन लग्गा।

पुलिस नाल जाण तों पहिलां बसंत डिपटी दे पैरां वल्ल झुक के इक वार फेर गिड़गिड़ाइआ।

“तुहानूं पता है मैनूं किउं फसाइआ जा रिहा है? मेरे ’ते रहिम करो।”

“पता है। पर मैं की करां हुकम दा बझ्झा हां।” गला भर आउण कारन इस तों वध्ध डिपटी तों कुझ नां बोलिआ गिआ।

दूसरे मुलाज़म रणजोध सिंघ दी कमज़ोरी नां भांप लैण, इस लई खंघण दे बहाने उस नें मूंह रुमाल नाल ढक्क लिआ।

हवालात विच पिआ बसंत सारी रात आपणे-आप नाल घुलदा रिहा। “तूं शराफ़त विचों की खट्टिआ।” आपणे आप तों पुछ्छदा रिहा।

बसंत नूं हुणे-हुणे बरी हो के गए भोलू पहिलवान दी याद आउण लग्गी। उह सोचण लग्गा, उस नूं वी भोलू पहिलवान वांग खुल्ल्ह के कंम करना चाहीदा सी। दो-चार बोरीआं दी थां टरक्क भर के लिआउणा चाहीदा सी। पुलिस कोलों लुकण दी थां उस नाल वंड के खाणा चाहीदा सी। फेर उह वी भोलू वांग वीह टरक्कां, कोठी, कार अते फ़ारमां दा मालक हुंदा। उस दे बच्चे वी अंगरेज़ी सकूलां विच पहड़दे। पतनी दिओर नाल भज्जण दी थां कालीआं ऐनकां ला के कलब्बां विच जांदी। आपणा हिस्सा-पत्ती लैण आए थाणेदार दरां ’ते खड़े रहिंदे। नां किसे पुलिस वाले दी मुकद्दमा करन दी हिंमत पैंदी, नां किसे जज्ज दी सज़ा करन दी।

जेल्ह वालिआं वी शराफ़त दा की मुल्ल पाइआ? मिल्ली मुआफ़ी किसे कंम नां आई। होरां वांग उस नें वी जेल्ह अंदर गुंडागरदी कीती हुंदी, नशे-पते वेचे हुंदे तां मौज रहिंदी। घुग्गू बण के रहिण दी थां उह किसे बदमाश दा चेला बणदा, किसे सिखांदरू दा गुरू। पहिलां किसे वड्डे गिरोह दा मैंबर बणदा, फेर सरगना। भुख्ख नंग जरन दी ज़रूरत नां पैंदी। चेले आपे ज़मानत करवा दिंदे। आपे बरी करवा दिंदे। जेल्ह ’च रहिण कारन कुझ देर लई रुकिआ कंम फेर चलवा दिंदे।

बसंत नूं लग्गा, रिहाई रुकण नाल चंगा ही होइआ। पिंड गए दे उस दे टिच्चरां अते मिहणे ही पल्ले पैणे सन। पिंड विच हुण नां ज़मीन सी, नां घर ते नां घरवाली।

“बस्स) बहुत हो गई शराफ़त।” सारी रात वाधिआं-घाटिआं बाअद बसंत इस सिट्टे ’ते पुज्जा, “हुण मैनूं इस मुकद्दमे विच नवें सिरिउं जेल्ह जाणा पएगा। इस वार नवां बसंत जेल्ह जाएगा। बसंत दा बदलिआ रूप बाहर आएगा।”

सप्प वांग पुराणी कुंज लाह के नवां नरोआ बसंत मैजिसट्रेट अग्गे किस तरहां पेश होणा है, इस दी तिआरी करन लग्गा।

इस वार मैजिसट्रेट कोल अरज़ करन तों पहिलां बसंत नें नां गल विच पल्लू पाइआ, नां हत्थ जोड़े। उस नें हिक्क अकड़ा के गरजवीं आवाज़ विच आखिआ, “जनाब, मैं इक अरज़ करनी चाहुंदा हां।”

“करो।” मैजिसट्रेट जो जेल्ह विच कैदी कोलों अफ़ीम फड़े जाण ’ते ख़ुद हैरान हो रिहा सी, नें झट्ट उस नूं बोलण दी इजाज़त दे दित्ती।

“जनाब, मैं सत्त साल तों जेल्ह विच बंद हां। चार साल हो गए मेरा फ़ैसला होए नूं। उस दिन तों बाअद मैं इक वार वी जेल्हों बाहर नहीं निकलिआ। तिंन साल तों कोई मेरी मुलाकात लई नहीं आइआ। फेर इस अती सुरख्खिअत जेल्ह दे अंदर अफ़ीम आई तां किथों?”

“तूं ही दस्स किथों आई?” मैजिसट्रेट इसे प्रशन दे उत्तर दी तलाश विच सी।

निधड़क होए बसंत नें जेल्ह अंदर हुंदे सारे काले कारनामिआं दी कथा सुणा दित्ती।

“मेरी इक होर अरज़ है।”

“उह वी दस्स।”

“मैं चाहुंदा हां, जेल्ह विच थोक दे भाअ विकदे नशिआं-पत्तिआं दी उच्च-पध्धरी जांच होवे। उस जांच विच मैनूं शामिल कीता जावे।”

मैजिसट्रेट वी इहो चाहुंदा सी।

झट्ट उस नें बसंत दा बिआन लिखिआ। उस उपर उस दे दसतख़त कराए। फेर उस आपणी टिप्पणी कीती।

“मामला बहुत गंभीर है। उच्च-पध्धरी जांच होणी चाहीदी है। उचित कारवाई लई मामला सैशन जज्ज साहिब कोल भेजिआ जांदा है।”

मोदन अते हेमा दे मामलिआं दे नाल-नाल हुण सारी जेल्ह विच इह वी चरचाहै।

“इस मामले दी सैशन जज्ज वल्लों वड्डे पध्धर ’ते पड़ताल होण वाली है।”

 

 

47

इक हफ़ते अंदर सैशन जज्ज दे नां आइआ इह तीजा ख़त सी। पहिले दो ख़तां विच कैदीआं नें आपणे दुखड़े रोए सन। तीजे विच उहनां नें हिरदेपाल उपर ही चिक्कड़ सुट्ट दित्ता सी।

इस विच कसूर कैदीआं दा नहीं सी। मित्तर-मोह वस्स सैशन जज्ज नें आपणे फ़रज़ां तों कुताही कीती सी।

जेल्ह अंदरों नशा-पत्ता जां चाकू बरामद होणा आम जिही घटना सी। मुकद्दमे दरज हुंदे सन अते रफ़ा-दफ़ा हो जांदे सन।

इह पहिली वार सी जदों इक कैदी सारे कांड दी जांच दी पड़ताल लई अड़िआ होइआ सी। उह कहिंदा सी।

“जेल’ दे चप्पे-चप्पे उप्पर सुरख्खिआ दसते लग्गे हुंदे हन। जेल्ह अधिकारीआं दी मरज़ी तों बिनां जेल्ह अंदर चिड़ी वी पर नहीं मार सकदी। फेर अंदर अफ़ीम पुज्जी तां किस तरहां?”

माइआ नगर दे सैशन जज्ज हिरदेपाल नें जदों इह पड़ताल आपणे हत्थ लई सी तां उस समें उस दा मकसद आपणे मित्तर जेल्ह सुपरडैंट नूं किसे संकट विचों बचाउणासी।

उह अते रणजोध सिंघ लंगोटीए यार सन। दोवें शिकार दे शौकीन सन। हफ़ता-हफ़ता इकठ्ठे शिकार खेडण जांदे सन। परिवारिक संबंध सथापित हो चुक्के सन। महीने विच घट्टो-घट्ट इक वार इकठ्ठे खाणा खांदे सन। कदे इधर, कदे उधर।

हिरदेपाल जाणदा सी कि इस कांड विच जेल्ह सुपरडैंट दी कोई भूमिका नहीं सी। फेर वी मातहित दी बेवकूफ़ी कारन उस दी प्रबंधकी कारज-कुशलता उपर धब्बा नहीं सी लग्गणा चाहीदा।

किसे दा चुक्किआ बसंत पड़ताल दी मंग कर रिहा सी। सैशन जज्ज नूं पड़ताल करनी पैणी सी। जे पड़ताल सही ढंग नाल होई तां अधिकारीआं दा बचणा मुशकल सी।  इसे मुशकल नूं हल्ल करन लई हिरदेपाल नें जेल्ह प्रशासन नूं अगाऊं सुचेत करदिआं आखिआ सी।

“मामला गंभीर है। सिआणप नाल नजिठ्ठो।”

मसला सुलझाउण लई जेल्ह सुपरडैंट नें इक हफ़ते दा समां मंगिआ। नाले यकीन दिवाइआ।

“हफ़ते दे अंदर-अंदर मैं बसंत दी रिहाई मनज़ूर करवा देवांगा अते उस नूं समझा-बुझा के शिकाइत वी वापस करवा देवांगा।”

हफ़ता लंघाउण लई सैशन जज्ज नें जेल्ह प्रशासन नूं कारन दस्सो नोटिस जारी कीता। सपश्शटीकरन देण लई दसां दिनां दा वकत दित्ता।

हिरदेपाल नें सोचिआ सी कि इंज कर के उह आपणे कानूंनी अते इख़लाकी फ़रज़ां तों मुकत हो गिआ है।

पर अगले दिन उस नूं इक होर समस्सिआ नें आ घेरिआ।

सैशन जज्ज दी अदालत दे बाहर रख्खे शिकाइतां वाले डब्बे विच इक दरख़ासत आ डिग्गी।

“छड़िआं दी बैरक दे इंचारज वारड नें इक वड्डा जुरम कीता है। दोशी नूं सज़ा देण दी थां जेल्ह सुपरडैंट, डाकटर अते पुलिस नें मिल के कैदी तों ज़बरदसती हरी ओम दे हक्क विच बिआन दिवा दित्ता है। उस झूठे बिआन दे आधार ’ते पुलिस नें केस रफ़ा-दफ़ा कर दित्ता है। सैशन जज्ज दख़ल देवे। हरी ओम उपर मुकद्दमा दरज होवे। उस नूं सज़ा मिले।”

भोलेपण विच हिरदेपाल नें इस शिकाइत बारे वी आपणे मित्तर नूं दस्स दित्ता। नाल सलाह दित्ती।

“कोई घर दा भेती लंका ढाहुण ’ते तुलिआ होइआ है। जलदी तों जलदी भबीशन दी पहिचाण करो। नहीं तां लंका अते लंकेश दोहां दा विनाश तैअ है।”

रणजोध सिंघ नें इस शिकाइत दी कोई प्रवाह नहीं सी कीती। मोदन कदों दा भाणा मंन चुक्का सी। उस नें कदे वी हरी ओम दी शिकाइत नहीं सी कीती। इह शिकाइत किसे शरारती कैदी नें कीती सी जां हरी ओम नाल साड़ा करन वाले किसे जेल्ह करमचारीने।

“इस शिकाइत दी जदों मरज़ी पड़ताल करो। पहाड़ हेठों चूहा वी नहीं निकलणा।”

उस नें सोचिआ, “अगले हफ़ते जेल्ह दे दौरे ’ते चल्लांगे। पड़ताल दी उपचारिकता निभा के दरख़ासतां खारज कर आवांगे। इधर मुकद्दमिआं दी बक-बक तों बच जावांगे, उधर जेल्ह विच बैठ के मौज मेला करांगे।”

जेल्ह दौरे दी तारीख़ निशचित होण तों पहिलां ही डाकीआ इक रजिसटरी फड़ा गिआ।

इह फ़रिआद ज़नाना जेल्ह विच बंद कैदण हेमा शरमा वल्लों सी।

“बरी कराउण दा झांसा दे के सहाइक दरोग़े संतोख सिंघ नें मैनूं फुसलाइआ। फेर गरभवती कीता अते सारी जेल्ह विच बदनाम कीता। मैं बच्चा जंमणा चाहुंदी सी, उह गरभ गिराउणा चाहुंदा सी। मैं दरख़ासत राहीं ज़िल्हा मैजिसट्रेट कोल दुहाई पाई। दरख़ासत दी सूह मिलदिआं ही संतोख सिंघ नें सिवल हसपताल दे डाकटरां नाल मिली-भुगत कीती। बच्चा सतवें महीने पैदा करवा के मरवा दित्ता। तिंनां दिनां बाअद छुट्टी करवा के मैनूं हनेरी कोठड़ी विच सुट्ट दित्ता। मेरे ज़ख़म अल्ल्हे हन। अंदरों ख़ून वहिंदा है। मख्खीआं, मछ्छर अते खटमल मैनूं चैन नहीं लैण दिंदे। दवाई बूटी नहीं हो रही। पहिलां मेरे गरभ दा सबूत मिटाइआ गिआ। हुण मैनूं मिटाउण दा यतन हो रिहा है। दरोग़ा कहिंदा है, ‘नां रहेगी हेमा, नां रहेगा कोई सबूत।’ *पा करके मेरी जान बचाई जावे”

फ़रिआद पहड़ दे हिरदेपाल नें मन बणाइआ।

“इस शिकाइत बारे नां जेल्ह अधिकारीआं नूं सूचित करना उचित है नां पड़ताल नूं लटकाउणा।”

उह तुरंत कारवाई करन बारे सोच ही रिहा सी कि शिकाइतां वाले डब्बे विचों नवां सप्प निकल आइआ।

कुझ गुंमनाम कैदीआं वल्लों जज्ज दे नां ख़त लिखिआ गिआ सी।

“मुजरम नूं कीते गुनाहां दी सज़ा भुगतण अते सुधरन दा मौका देण लई जेल्ह भेजिआ जांदा है। कैद हो के मुजरम पूरी तरहां सरकार दा ग़ुलाम नहीं बण जांदा। कैद दौरान उस दे कुझ मुढ्ढले अधिकार ही खुस्सदे हन। उस दी मनमरज़ी खुस्सदी है, समाज अते परिवार नालों संबंध टुट्टदे हन, मनमरज़ी दा कंम करन दा अधिकार नहीं रहिंदा। इस सभ कुझ दे बावजूद उस दा पहड़न-लिखण, आपा प्रगटाउण, कित्ता योगता हासल करन, पाठ पूजा करन अते धारमिक रसमो-रिवाज निभाउण दे अधिकार सुरख्खिअत रहिंदे हन। कैदी दे इहनां अधिकारां दी रख्खिआ करना सरकार दा फ़रज़ है। बदकिसमती नाल जे सरकार दे नुमाइंदे जेल्ह अधिकारी ही इहनां हक्कां ’ते छापे मारन तां अदालतां नूं मूक दरशक बण के तमाशा नहीं देखदे रहिणा चाहीदा। उहनां नूं जेल्ह प्रशासन विच दख़ल देणा चाहीदा है। जेल्ह प्रशासन नूं कैदी नाल आपणी मरज़ी नाल जिऊण अते बाहरी दख़ल उपर पाबंदी दा सिधांत कदों दा समां विहा चुक्का है। अदालतां नूं कसूरवार जेल्ह अधिकारीआं दे कंन खिच्चण दा अधिकार है। कुंभकरनी नींद सुत्तीआं सरकारां कोल कैदीआं दी सार लैण अते नियमां विच सोध करन दा वकत नहीं है। पर अदालतां नूं आपणे फ़रज़ पहिचानणे चाहीदे हन। समें दी लोड़ अनुसार पुराणे नियमां दी विआखिआ कर के नवें समाज दे निरमाण विच भूमिका निभाउणी चाहीदी है। जेल्हां उच्चीआं दीवारां अते लोहे दीआं सलाख़ां वाले ख़ामोश खित्ते हन। नां इहनां अंदर बाहरों कोई झाक सकदा है, नां अंदरला आपणी चीख़-पुकार बाहरलिआं नूं सुणा सकदा है। बहुते कैदी अनपहड़, ग़रीब अते वकत दे मारे होए हन। इहनां गूंगे-बहिरे, अनाथां दी पुकार अदालत नूं सुणनी चाहीदी है। मुजरम नूं जे बंदा नहीं बणाउणा तां नां बणाओ पर घट्टो-घट्ट हैवान तां नां बणाओ।

“सानूं आस है, तुहानूं अंतर-राशटरी कानूंन, कैदीआं दे हक्कां संबंधी होईआं कौमांतरी कनवैशनां विच पास कीते मतिआं, समाज सुधारकां अते जराइम विगिआनीआं वल्लों पेश कीते सिधांतां दा गूहड़ा गिआन होएगा। इह सुधार लागू नहीं कर सकदे नां करो। घट्टो-घट्ट सवा सौ साल पहिलां अंगरेज़ हकूमत वल्लों आपणे ग़ुलामां नूं काबू रख्खण अते आपणे हित्तां दी हिफ़ाज़त लई बणाए कानूंन अते जेल्ह मैनूअल ही पहड़ लओ। जेल्ह दा दौरा सैशन जज्ज लई महिज़ उपचारिकता जां सैर-सपाटे लई नहीं है। सैशन जज्ज नें कैदीआं दीआं बैरकां, खाणे, कप्पड़े अते कंम-काज वालीआं थावां दा निरीखण करना हुंदा है। कैदीआं दीआं मानसिक अते सरीरक लोड़ां दा धिआन रख्खणा हुंदा है। उहनां नाल हुंदे धक्के अते पख्खपात नूं दूर करना हुंदा है।

“हुण तक कीते दौरिआं दौरान तुसीं इहनां विचों इक वी फ़रज़ नहीं निभाइआ। तुहाडी दौरे ’ते आउण दी तारीख़ जेल्ह अधिकारीआं नूं पहिलां पता हुंदा है। हफ़ता पहिलां जेल्ह नूं विआह मंडप वांग सजाउणा शुरू कर दित्ता जांदा है। छिड़का कीता जांदा है। चूना पाइआ जांदा है। पख़ाने साफ़ कीते जांदे हन। कीटनाशक दवाईआं छिड़कीआं जांदीआं हन। विहड़े विच तंबू लाए जांदे हन। महाराजे वांग तुहानूं वड्डी कुरसी ’ते बिठाइआ जांदा है। दरबारीआं वांग अफ़सर तुहाडे चारे पासे पहिरा देण लग्गदे हन। कोई कैदी आपणी फ़रिआद करे तां किस तरहां? तुहानूं उहो कैदी मिलाए जांदे हन, जिनहां नूं अधिकारी मिलाउणा चाहुंदे हन। तुहानूं उसे बैरक विच लिजाइआ जांदा है जिथे उह लिजाणा चाहुंदे हन। उहनां फ़रिआदीआं नूं तुहाडे अग्गे पेश कीता जांदा है जिनहां नूं अधिकारी रिआइतां दवाउणीआं चाहुंदे हन। अधिकारी जो सुझाअ दिंदे हन तुसीं झट्ट मंन लैंदे हो।

“तुहाडे सभ तों पहिले दौरे दौरान तुहानूं डाइनिंग हाल विच बिठा के छत्ती प्रकार दा भोजन कराइआ गिआ। सुआदी भोजन खा के तुसीं रसोईआं ’ते ख़ुश हो गए। रसोईआं दीआं ज़मानतां मनज़ूर कर दित्तीआं। तुहानूं परोसिआ गिआ खाणा कैदीआं नूं दित्ते जांदे खाणे दा नमूना नहीं सी। अध्धा खाणा होटल विचों आइआ सी, अध्धा जेल्ह सुपरडैंट दी कोठीओं। तुहाडे साहमणे पेश कीते गए रसोईए दिन-रात लंगर विच ढूहीआं दूहरीआं करन वाले लांगरी नहीं सन। उहनां विचों इक टरैवल एजंट सी जिस नें दरजनां नौजवानां नूं विदेश भेजण दा झांसा दे के कंगाल कीता सी। दूजा बीसीआं कुड़ीआं नूं ऐकटरैसां बणाउण दे सुपने दिखा के कोठिआं ’ते पहुंचाउण वाला दल्ला सी। इहनां मुलज़मां दे पिछोकड़ अते कारनामिआं नूं धिआन विच रख्खदिआं सुपरीम कोरट नें इहनां दी ज़मानत मनज़ूर नहीं सी कीती। जेल्ह अधिकारीआं नें ज़मानत कराउण दे इवज़ विच उहनां कोलों मोटी रकम वसूली सी। तुहानूं किंना हिस्सा पज्जा, इह तुसीं जाणो।

“जे असलीअत देखणी है तां इस वार जेल्ह दी रसोई विच जाणा। सालां तों भठ्ठ झोक रहे लांगरीआं नूं मिलणा। उहनां दी सेक नाल काली पै चुक्की चमड़ी नूं घोखणा, धूंएं नाल मध्धम पै चुक्की अख्खां दी जोत नूं परखणा। आटे दा नमूना देखणा। बारां महीने तीह दिन वरताई जांदी दाल दा सवाद चख्खणा। होर सच्च जानणा है तां अनाज वाले गुदाम विच चले जाणा। गली-सड़ी कणक, कौडीआं दे भाअ सरकारी गुदामां विचों चुक्क लिआंदी गई है। हफ़ते विच इक दिन आलू बणदे हन। उहनां दी शकल देख लैणा। मटरां दे दाणिआं जिड्डे, काले अते गले होए। मसालिआं दी घोख कर लैणा। बू-दार मास देखणा, पुछ्छणा, कट्टे दा है जां वछ्छे दा।

“फेर कैदीआं नूं दित्ती जांदी ख़ुराक दा मिलान जेल्ह मैनूअल ’च दरज दित्ते जाणे चाहीदे राशन नाल कर लैणा। बिल्ली आपे बोरे विचों बाहर आ जाएगी।

“उस तों अगले दौरे विच तुहानूं फ़ैकटरी दा शोअ-रूम दिखाइआ गिआ सी। दो कारीगरां नूं मिलाइआ गिआ सी। उहनां दुआरा बणाए गए शालां, ग़लीचिआं अते मेज़ां दा गुणगाण कीता गिआ सी। कला-किरतां नें तुहानूं ख़ुश अते हैरान कीता सी। तुहाडी पसंद ’ते फुल्ल चहड़ाउंदिआं उह सभ चीज़ां झट्ट तुहाडे लई पैक करवा दित्तीआं गईआं सन। शाइद तुहानूं पता नहीं है। उहनां कारीगरां नें कदे तेसी आरी दा मूंह नहीं देखिआ। ख़ुश हो के तुसीं कारीगरां दीआ अपीलां मनज़ूर कर के बाकीआं दीआं सज़ावां मुआफ़ कर दित्तीआं। उहनां विचों इक नाजाइज़ कबज़े करन वाले गिरोह दा सरगना दीपा सी। दूजा सरकारी लाटरीआं दे जाअली टिकट तिआर कर के सरकार नूं करोड़ां दा चूना लाउण वाला नंद लाल। शाल अते ग़लीचे बाहरों आए सन। बिल्ल दीपे अते नंद लाल नें चुकाए सन। बाहर जांदिआ ही उहनां नें मुड़ जाल विछा लए हन। नवीआं घुग्गीआं फसा रहे हन।

“जे आपणा सही फ़रज़ निभाउणा है तां जेल्ह दे आरे विच जाओ। सालां तों भारे-भारे शतीर ढोंदे-ढोंदे मोढे घसा चुक्के कैदीआं नूं मिलो। उहनां दी विथिआ सुणो। दरीआं खेस बुणदीआं बुढ्ढीआं नूं मिलो। कोई राहत देणी है तां उहनां नूं दिओ। लक्कड़ दा सामान बणाउण वाले शैड्ड विच जाओ। आरीआं, रंदिआं नाल उंगलां छिलाई बैठे कैदीआं दे ज़ख़मां ’ते मल्हम लाओ।

“आपणे आख़री दौरे विच तुसीं ज़नाना वारड दे दौरे दी इछ्छा प्रगटाई सी। शाइद) तुसीं सोचिआ होवेगा, उथे जीनां अते सकरटां पाउण वालीआं काल-गरलज़ बंद होणगीआं। उह मुसकरा-मुसकरा के तुहाडा सवागत करनगीआं। तुसी गोपीआं विच *शन बण के सारा दिन बंसरी वजाउगे। तुहाडी नीअत भांप के जेल्ह सुपरडैंट नूं चिंता लग्ग गई सी। सौ सवा सौ कैदणां विचों हेमा वरगीआं मसां छे-सत्त उस दे हत्थ लग्गीआं सन। उहनां नूं बण-संवर के रहिण लई विशेश हदाइतां दित्तीआं होईआं सन। उहनां नूं सवेरे ही खुल्ल्हे पाणी विच नुहाइआ गिआ सी। केसां विच कंघी कराई गई सी। बिंदी सुरख़ी लवाई गई सी। तुहानूं जाण बुझ के बैरक विच नहीं सी लिजाइआ गिआ। उहनां नूं ही दफ़तर बुला लिआ गिआ सी।

‘चिहरिआं उपर जंमे पाऊडर करीमां वी हेठां दब्बे फ़िकरां नूं नहीं सी दबा सके। तुसीं झट्ट उपराम हो गए सी अते पंजां मिंटां बाअद उठ्ठ के तुर पए सी।

“इस वार बाकी कैदणां नूं देखणा। किसे दी पिठ्ठ बाहर नूं निकली होएगी, किसे दा ढिड्ड वधिआ होएगा। किसे दे चिहरे ’ते छाईआं होणगीआं। किसे दे कोइआं विच कालख़। किसे दे मूंह विचों हवाड़ मारेगी अते किसे दे दंदां ’ते जिलब जंमी होएगी। किसे दे चड्डिआं ’च ख़ुरक पई होएगी किसे दे सिर विच जूंआं दा घर। कोई टी.बी. दा शिकार होएगी, कोई दमे दी। कोई पाग़लां वांग रोंदी होवेगी, कोई किसे नूं गाल्हां कढ्ढ रही होएगी। कोई आपणी घरों भज्जी धी दा दुख्ख छेड़ दे बैठ जावेगी, कोई कतल होए जवान पुत्त दा।

“ज़रा बैरक दे अंदर जा आउणा। मुरदिआं वांग पईआं कैदणां नूं झंजोड़ना। कोठड़ीआं विच झाती मारना, कैदणां दे मन विच झाती मारना।

“इक अरज़ होर। जेल्ह दी नुक्कर विच बणीआं तनहाई कोठड़ीआं विच ज़रूर जाणा। उहनां कैदीआं नूं मिल लैणा, जिनहां दे हत्थकड़ीआं लग्गीआं अते बेड़ीआं पईआं होईआं हन।

“इहनां कैदीआं दे हिसटरी टिकटां नूं घोखणा। देखणा उह जेल्ह कट्टण किनहां जुरमां कारन आए हन? पुछ्छणा, हत्थकड़ीआं अते बेड़ीआं दी सज़ा किनहां जुरमां कारन मिली है?

“तुहाडी जाणकारी लई उहनां कोठड़ीआं विच बंद कुझ कैदीआं दी जाण-पहिचाण कराउंदे हां।

“अमरनाथ नूं पंदरां दिन लई तनहाई विच रख्खण दी सज़ा सुणा के उस नूं कोठड़ी नंबर इक विच बंद कीता गिआ है। उस उपर बैंक तों जाअली काग़ज़ां उपर करज़ा मनज़ूर कराउण अते करज़े दी रकम नूं हड़प्पण दा दोश सी। उस दी पतनी वी मुलज़म है। उह ज़नाना वारड विच बंद है। रिटाइर होण तों पहिलां अमरनाथ प्राइमरी अधिआपक सी। सारी उमर धक्के खा के वी उह इक कच्चा कोठा खड़ा नहीं सी कर सकिआ। मसां दाल-फुलका चल्लदा सी। नौकरी दीआं तंगीआं-तुरशीआं तों तंग आए अमरनाथ नें आपणे मुंडे नूं कारोबार विच पाउण दा मन बणाइआ सी। पल्ले बहुती पूंजी नहीं सी। जिहड़ी पैनशन गरैचुटी मिली सी, उह धी दे विआह ’ते लग्ग गई सी। दोसतां-मित्तरां दे आखण अते अख़बारां विच ससते विआज़ दरां ’ते मिलदे करज़े नूं इशतिहार पहड़ के उस नें बैंक तों करज़ा मनज़ूर करवा लिआ अते मुंडे नूं साबण दा कारख़ाना खुल्हवा दित्ता। तजरबे अते पूंजी दी घाट कारन उतपादन शुरू करन तों पहिलां कारख़ाना बंद हो गिआ। बैंक दीआं किशतां टुट्ट गईआं। लैणदारां दी नित्त दी अकाबाज़ी तों तंग आ के मुंडे नें गड्डी हेठां सिर दे दित्ता। मूल नां मुड़दा देख के बैंक वालिआं नें अमरनाथ अते उस दी बीवी उपर धोखाधड़ी दा परचा दरज करवा दित्ता। हुण मीआं बीवी दोवें जेल्ह विच हन। दोहां जीआं नूं पहिलां ही वीह-वीह बीमारीआं नें घेरिआ होइआ है। उपरों बदनामी, जवान मुंडे दी मौत अते जेल्ह दे सख़त जीवन। दुख्ख-सुख करन दी सांझ वी जांदी रही। दोवें नीम पाग़ल हुंदे जा रहे हन। अमरनाथ नें जेल्ह अधिकारीआं नूं दरख़ासत दित्ती। उस नूं ज़नाना वारड दे नाल लग्गदे वारड विच बदल दित्ता जावे। मीआं-बीवी नूं इक घंटे लई हर रोज़ मिलण दित्ता जावे। पहिलां कई कैदी जोड़िआं नूं इह सहूलत हासल सी। सहाइक दरोग़े नें लंबीआं-चौड़ीआं मंगां रख्ख दित्तीआं। जे पैसे हुंदे तां इह दिन किउं देखणे पैंदे। घर नूं बैंक नें जिंदा ला दित्ता सी। धी-जवाई थोहड़ी देर पैरवी करदे सन। उहनां दी माली हालत अमरनाथ वरगी सी। आख़र उह उसे दे धी-जवाई हन। उंझ वी अमरनाथ धी दे घर दा पैसा ख़रचाउण लई तिआर नहीं सी। अक्क के अमरनाथ नें पिछली पेशी ’ते जज्ज नूं दरख़ासत दे दित्ती। जज्ज नें दरख़ासत मनज़ूर कर दित्ती। दोहां जीआं नूं दो घंटे हर रोज़ मिलण दी इजाज़त मिल गई। सहाइक दरोग़े दे सीने ’ते सप्प लिटण लग्गा। अदालतां दे हुकम नाल मुलाकातां होण लग्गीआं तां उहनां नूं कौण पुछ्छेगा? झट्ट उस नें योजना घड़ी। चौथे दिन अमरनाथ उपर आपणी पतनी राहीं मरद कैदीआं दे ज़नाना कैदीआं नूं गुपत सुनेहे भेजण दा दोश लग्ग गिआ। दोश साबत हो गिआ। कई गवाह अमरनाथ दे उलट भुगते। पहिलां उस दीआं मुलाकातां बंद कीतीआं गईआं। उस नें लग्गे दोशां दा विरोध कीता तां सटाफ़ नाल वध्ध-घट्ट बोलण अते होर कैदीआं नूं दंगे लई उकसाउण दा यतन करन कारन उस नूं तनहाई विच रहिण दी सज़ा दित्ती गई है।

“दो दिनां बाअद अमरनाथ दी कोठड़ी विचों अजीब-अजीब आवाज़ां सुणाई देण लग्गीआं सन। पहिलां उह आपणे मोए पुत्त नूं याद कर-कर के कीरने पाउंदा सी। हुण आपणे आप नूं गाल्हां कढ्ढदा है कि मैं मुंडे नूं अमीर बणाउण दा सुफ़ना देखण दा अपराध कीता। मुंडे दी मौत लई मैं ज़िंमेवार हां। कदे उह सहाइक दरोग़े नूं गाल्हां कढ्ढदा है। कदे आपणी पतनी नूं हाकां मारदा है। तूं मेरा ‘कहिणा नहीं मंनदी’ आख के उस नूं गाल्हां कढ्ढदा है।

“तिंन दिनां विच उस दा इह हाल है। पंदरां दिनां बाअद कोठड़ी विचों की निकलेगा? सैशन जज्ज नूं किआस ला लैणा चाहीदा है।

“मोठू नूं जेल्ह तोड़ के भज्जण दी तिआरी करन दे संगीन जुरम विच दस दिनां लई तनहाई कोठड़ी विच बंद कीता गिआ सी। इक हफ़ता पहिलां चीफ़ वारडर  नें तलाशी दौरान उस दे पीपे विचों इक पेचकस्स अते इक लोहा कट्टण वाला बलेड बरामद कीता सी।

“बंत सिंघ उपर कतल दा दोश है। पंदरां दिनां बाअद उस दे केस विच गवाहीआं होणीआं हन। सलाह-मशवरे लई वकील नूं जेल्ह आउणा पैंदा सी। वकील उस नूं इकांत विच मिलणा चाहुंदा सी। इह उस दा कानूंनी अधिकार सी। किसे तीजे विअकती वल्लों सुणीआं गल्लां बंत सिंघ लई घातक सिध्ध हो सकदीआं सन। मुलाकाती डिउड़ी वाला वारडर वकील दी गल्ल नहीं सी मंन रिहा। उह कुरसी डाह के पिछ्छे जा बैठदा सी। कंन ला के गल्लां सुणन दा यतन करदा सी। बंत नें मोटी रकम दी पेशकश वी कीती पर उस दे कंन ’ते जूं नां सरकी। बंत नूं शक्क हो गिआ कि उह दूजी धिर नाल मिलिआ होइआ है। उंज वी उह उस उपर सख़ती वरतदा  सी। वकील चाहुंदा तां अदालत कोलों इकांत विच गल्लबात करन दा हुकम करवा सकदा सी, पर उह आपणे साइल नूं वाधू प्रेशानी विच नहीं सी पाउणा चाहुंदा। नराज़ होए वारडर नें उस नूं तंग-प्रेशान करना सी। सबर दा घुट्ट भर के उह हर वार बेरंग मुड़दा रिहा। सोचदा सी दो-चार दिनां बाअद उस दी डिऊटी बदल जाएगी। उह केस दी तिआरी फेर कर लएगा, पर तारीख़ दे सिर ’ते आउण तक वी जदों वारडर नें पिछ्छा नां छड्डिआ तां हिरखे वकील नूं कानूंनी चाराजोई करनी पई। अदालत दी दख़ल अंदाज़ी नाल वकील दा मकसद हल्ल हो गिआ पर जेल्ह अधिकारीआं नूं वट्ट चहड़ गिआ। वारडर नें सहाइक दरोग़े दे कंन भरे, दरोग़े नें डिपटी दे। डिपटी नें सुपरडैंट कोल मुख़बरी कीती। ‘इस वार पेशी ’ते गए बंत नें वापस नहीं मुड़ना। उह बख़शी-ख़ानिउं भज्जण दीआं तिआरीआं कर रिहा है। वकील उस नाल मिलिआ होइआ है। योजना सिरे चाहड़न विच मदद कर रिहा है।’ डिपटी नें समस्सिआ दा हल्ल पेश कीता, ‘बंत नूं हत्थकड़ीआं दे नाल बेड़ीआं पाउण दा हुकम फ़रमाइआ जावे।

“हत्थकड़ीआं अते बेड़ीआं विच जकड़े बंत दी हालत तरसयोग है।

“किस-किस दी विथिआ सुणाई जावे?

“तुहाडे ’ते शाइद इस विथिआ दा कोई असर नां होवे। तुहाडा झुकाअ फ़रज़ां दी थां आपणे मित्तरां वल्ल है। तुसीं आईआं फ़रिआदां दी सूचना उहनां नूं पहुंचा दित्ती है। उहनां नें कैदीआं दीआं वागां कस्स दित्तीआं हन। जेल्ह अधिकारी चुकंने हो गए हन। हरी ओम नें मोदन कोलों हलफ़ीआ बिआन तसदीक करवा के कोल रख्ख लिआ है। हसपताल दा रिकारड बदल चुक्का है। हेमा मरन किनारे है। उस दे मरन बाअद जेल्ह ’च की करन आउगे? बसंत नूं लालच दित्ते जा रहे हन। की उस दे मुकरन दा इंतज़ार कर रहे हो?

“किरपा कर के आपणे फ़रज़ां नूं पछाणो। मूक दुखड़े सहिंदे कैदीआं दे दसौंदे कट्टो।”

हिरदेपाल नें ख़त कई वार घोखिआ। लिखण वालिआं दा नां-पता किधरे दरज नहीं सी।

इक वार उस नूं लग्गा इह ख़त किसे कैदी नें उस नूं उकसाउण अते जेल्ह अधिकारीआं विरुध्ध भड़काउण लई लिखिआ है। कैदीआं नाल एना धक्का नहीं हो सकदा।

फेर उस दी सोच बदली। ख़त विच कैदीआं दे नां, कीते जुरमां अते मिलीआं सज़ावां दा पूरा वेरवा दरज है। उस दे आपणे दौरिआं बारे वी टिप्पणीआं सन जो दरुसत सन। हिरदेपाल कारवाई करन तों पहिलां तत्थां दी घोख कर सकदा सी। उस नूं सद्दा वी तत्थ घोखण दा दित्ता गिआ सी।

फेर उस नूं समझ आई। लिखण वाले नें आपणा नां जाण-बुझ के गुपत रख्खिआ है। मतलब उह कोई कैदी है। आपणी पहिचाण दस्स के उह बला गल नहीं पा सकदा।

हिरदेपाल नूं होर समझ आई। लिखण वाला कोई वी होवे, है लोक-हिताइशी। ख़त पहड़ के हिरदेपाल नूं आपणी अणगहिली ’ते शरम आई। उह सैशन जज्ज बण चुक्का है। कई वार जेल्ह दा दौरा कर चुक्का है। उस नूं पता ही नहीं कि इहनां जेल्ह दौरिआं दा मकसद की है? कैदीआं दीआं समस्सिआवां अते जेल्ह प्रबंध दीआं बारीकीआं नूं समझण लई गहिर-गंभीर अधिऐन की करना सी, उस नें हाले तक जेल्ह मैनूअल तक नहीं पहड़िआ।

“मैनूं आम लोकां दी ज़िंदगी बारे बहुता गिआन नहीं।” उस नूं आपणी घाट महिसूस होई।

उह अमीर घर जंमिआ है। सुरत संभालदे ही पहड़न लई सनावर सकूल चलिआ गिआ। बाकी पहड़ाई दिल्लीउं कीती। वकालत चंडीगहड़ों। मामा हाई कोरट दा जज्ज सी। जज्जी उस नें भाणजे नूं तशतरी विच परोस के दित्ती। अज्ज तक उह गोल-मटोल मुंडिआं अते सुनख्खीआं इसतरीआं विच घिरिआ रिहा। साउण दे अंनहे वांग उस नूं हर थां हरा नज़र आउंदा है। अज्ज तक उस नें किसे औकड़ दा साहमणा नहीं कीता। इसे लई उस नूं दूजिआं दीआं औकड़ां दा अहिसास नहीं। नां उह कदे किसे पिंड रिहा है, नां उस नें किसे मज़दूर किसान नूं मिट्टी नाल मिट्टी हुंदे देखिआ है।

शाइद उस दी किसे अगिआनता दा जेल्ह अधिकारीआं नें फ़ाइदा उठाइआ है। उस नूं धोखे विच रख्ख के मनमरज़ी कीती है।

हिरदेपाल नें फ़ैसला कीता। उह कल्ल्ह ही जेल्ह जाएगा। पहिलां वाले सैशन जज्ज वांग नहीं, इक नवें अवतार विच।

फेर हिरदेपाल नें दफ़तर दे सुपरडैंट नूं बुलाइआ। उस नूं हुकम सुणाइआ।

“तूं तुरंत लाइबरेरी जा। जेल्ह मैनूअल दे नाल-नाल जेल्ह सुधारां संबंधी सारीआं किताबां कढवा लिआ। मैं कुझ अधिऐन करना है।”

फेर उस नें आपणे मित्तर जेल्ह सुपरडैंट नूं फ़ोन कीता।

“कल्ल्ह नूं ऐतवार है। सारा दिन मेरे लई ख़ाली रख्खणा। नाशता मेरे नाल करना। फेर आपां इक मिशन ’ते निकलांगे।”

फेर उह अगले दिन दी तिआरी विच रुझ गिआ।

 

 

48

जेल्ह सुपरडैंट नूं सैशन हाऊस आइआं इक घंटा हो गिआ सी। नाशता ख़तम हो चक्का सी। इस समें दौरान हिरदेपाल नें चुप्प धार लई सी। पहिलां वांग इक वार वी उह खुल्ल्ह के नहीं सी हस्सिआ। रणजोध सिंघ नूं उब्बलचित्ती लग्ग गई। आख़र माजरा की है?

आने-बहाने उस नें कई वार अगले प्रोगराम बारे पुछ्छिआ, पर कुझ पल्ले  नां पिआ। घर बैठण दी तिआरी नहीं सी जापदी। नां लाल बत्ती वाली कार गैरजों बाहर निकली सी, नां किधरे डराईवर नज़र आउंदा सी।

“अज्ज किधर चहड़ाई करनी है?” जदों रणजोध सिंघ दे सबर दे कड़ पाट गए तां उस नें सिध्धा ही पुछ्छ लिआ।

“अज्ज आपां तेरी जेल्ह दा ग़ैर-रसमी दौरा करांगे। अंदर की वापरदा है? मैं इह जानणा चाहुंदा हां। इस खोज विच मेरी मदद कर। मेरे नाल वाअदा कर, किसे करमचारी नूं दौरे दी सूचना नहीं देवेंगा। कोई तिआरी नहीं करेंगा। जो मैं पुछ्छांगा उस दा सही-सही उत्तर देवेंगा।”

मित्तर दे ज़ोर पाउण ’ते हिरदेपाल नें रहस्स खोल्हिआ।

“कोई नवां पुआड़ा पै गिआ?” मन दा तौख़ला दूर करन लई रणजोध सिंघ नें सपश्शटीकरन मंगिआ।

“नहीं, अजिही कोई गल्ल नहीं। कल्ल्ह जेल्ह जीवन बारे मेरे हत्थ इक किताब लग्गगई। उस किताब विच जेल्ह अंदर वापर रहे घिनाउणे सच्च नूं विसथार नाल चितरिआ गिआ है। मैनूं उहनां गल्लां ’ते यकीन नहीं आ रिहा। बस्स कुझ तत्थां दी परख करनी है। नाले जिहड़ीआं शिकाइतां आईआं होईआं हन, उहनां दा निपटारा कर देवांगा।’

रणजोध सिंघ वाअदा करन तों सिवा कुझ नहीं सी कर सकदा। मजबूरी-वस्स उस नें हत्थ मिलाइआ।

आम शहिरीआं वांग उहनां नें जेल्ह विच प्रवेश कीता।

उस समें कैदीआं लई सवेर दा खाणा लिजाइआ जा रिहा सी। इस कंम लई साईकल रेहड़ीआं दी वरतों हो रही सी।

सैशन जज्ज दे आखण ’ते जेल्ह सुपरडैंट नें इक रेहड़ी रुकवा लई।

रेहड़ी विच मण-मण दी समरत्था वाले दो दुध्ध वाले ढोल सन। ढोलां विच दाल सी। नाल दो-दो लोहे दीआं बालटीआं सन। बालटीआं विच कड़छे सन। अहाते विच जा के दाल नूं पहिलां बालटीआं विच पलटिआ जाणा सी, फेर कड़छिआं राहीं कैदीआं नूं वरताइआ जाणा सी। ढोलां दे नाल इक दूजे उपर रख्खे टोकरे सन। नाल छिक्कू सन।

पहिलां जदों उह दौरे ’ते आउंदा सी तां कैदीआं नूं वरताए जांदे खाणे दी पड़ताल वख्खरे ढंग नाल कराई जांदी सी। जेल्ह दे वड्डे विहड़े विच इक मेज़ सजाइआ जांदा सी। मेज़ उपर दो वड्डे सटील दे डब्बे रख्खे जांदे सन। इक विच दाल, दूजे विच सबज़ी हुंदी सी। नाल साफ़-सुथरे पोणे विच लपेटीआं रोटीआं पईआं हुंदीआं सन। कोल तक्कड़ी हुंदी सी। तक्कड़ी दे इक पल्लड़े विच वट्टे हुंदे सन। इह दौरे ’ते आए अफ़सर लई इशारा हुंदा सी। जे शक्क होवे तां उह रोटी दा वज़न कर सकदा सी। कैदी नूं चार रोटीआं मिलदीआं हन। हर रोटी दा भार सौ गराम हुंदा है।

पिछले दौरे समें सुपरडैंट नें आपणे हत्थीं कौलीआं विच दाल सबज़ी पाई सी। रोटी दी इक बुरकी ख़ुद खाधी सी। दूजी सैशन जज्ज नूं पेश कीती सी।

दाल सबज़ी दा रंग, उपर तरदा घिओ अते मसालिआं दी महिक सुआद दीसूह देण लई काफ़ी सी। रोटी साफ़-सुथरी अते पूरी तरहां सिकी होई सी। वज़न वी पूरासी।

हिरदेपाल बिनां सवाद चख्खिआं नमूना पास करना चाहुंदा सी, पर लोकां विच इक मित्थ प्रचलित है कि ‘मौका मिलदे ही जेल्ह दी रोटी खा लैणी चाहीदी है।’ कहिंदे हन, इस तरहां करन नाल किसमत विच लिखीआं जेल्ह दीआं रोटीआं दी गिणती घट जांदी है।

रणजोध सिंघ नें उस नूं दूसरी बुरकी तोड़दे नूं रोक के आखिआ सी, “इस नूं छड्डो। तुहाडे खाणे दा प्रबंध वख्खरे तौर ’ते कीता गिआ है।”

हुण सथिती होर सी। उस दे मन विच ख़त विच दरज दाल रोटी दा द्रिश घुंम रिहा सी।

उस दे साहमणे पईआं रोटीआं इक पुराणे मैले अते दाल दे छिट्टिआं नाल डब्ब-खड़ब्बे होए कप्पड़े नाल ढक्कीआं होईआं सन। कप्पड़े उपर बैठीआं सैंकड़े मख्खीआं हमले लई तिआर सन।

सच्च तों परदा चुक्कण लई हिरदेपाल नें रोटीआं उपर पिआ कप्पड़ा हटा दित्ता। रोटीआं नूं हत्थां विच चुक्क के उलटिआ पलटिआ। कोई रोटी कच्ची सी, कोई जली होई। किसे दा भार अध्धा सी, किसे दा पौणा। कई रोटीआं दे कंढे सख़त सन जिवें बासीआं होण।

“ज़रा दाल दे दरशन कराओ।”

झिजकदे कैदी नें ढोल दा ढक्कण खोल्ह दित्ता। विचों पीला पाणी निकलिआ।

“दाल कढ्ढो।”

कैदी नें ढोल दे थल्ले तक दाल दी भाल कीती। मसां अध्धा कड़छा दाल दा भरिआ।

“दूजे ढोल विच की है?”

“उह वी दाल है।”

“सबज़ी नहीं बणाई?”

“नहीं जनाब, बस्स दाल ही बणदी है।”

“ठीक है।” आख के सैशन जज्ज नें कैदी नूं रेहड़ी अग्गे लिजाण दा हुकम दित्ता।

“इस दाल विच दाल दे दाणे तां ल्भे ही नहीं। सारा साल दाल ही बणाई जांदी है? हरी सबज़ी कदे नहीं बणदी? जेल्ह मैनूअल हर रोज़ हरी सबज़ी पकाउण दा हुकम दिंदा है।”

“मुढ्ढ तों इहो रुटीन चलिआ आ रिहा है।”

“जेल्ह फ़ारम विच पैदा हुंदी सबज़ी किथे जांदी है?”

“मैं सच्च बोलण दा बचन दित्ता है। इस लई झूठ नहीं बोलांगा। अध्धी सबज़ी मुलाज़मां दे घर जांदी है, बाकी सबज़ी मंडी। आमदन वंडी जांदी है।”

“बहुत ख़ूब।” खिझे हिरदेपाल नें सुचज्जे प्रबंध लई सुपरडैंट नूं दाद दित्ती।

पिंड दी पहिचाण गोहारिआं तों हो जांदी है। रसोई विच की पक्क रिहा होएगा? इस दा अंदाज़ा हिरदेपाल नूं लग्ग चुक्का सी। फेर वी हिरदेपाल सभ कुझ अख्खीं देखणा चाहुंदा सी।

“पहिलां लंगर वल्ल चल्लीए?”

होए कुशगन ’ते रणजोध सिंघ नमोशी महिसूस कर रिहा सी। अग्गों की होण वाला है, उस नूं पता सी। उह किसे नां किसे बहाने जेल्ह विचों भज्जणा चाहुंदा सी। पर हाल दी घड़ी संभव नहीं सी।

सुसत कदमीं उह हिरदेपाल नूं लंगर वल्ल लिजाण लग्गा।

टीन दीआं चादरां हेठ बणे इक वड्डे सारे बरांडे उपर ‘रसोई घर’ बोरड लटक रिहा सी। धूएं कारन बोरड दा रंग पीला पै चुक्का सी। सैशन जज्ज नें मुशकल नाल कालख़ हेठ छुपे अख्खर उठाए।

बरांडे दे चारे पासे चार फट्ट उच्चीआं जालीदार कंधां सन। विचकार कंधोली कर के बरांडे नूं दो हिस्सिआं विच वंडिआ गिआ सी। खब्बे पासे विच सीमिंट दा टुट्टा-फट्टा फ़रश लग्गा सी। फ़रश उपर चार टब्ब पए सन। हर टब्ब विच मण दे लगभग गुंनहिआ होइआ आटा सी। पंजवें विच आटा गुंनहिआ जा रिहा सी। टब्ब विच वड़े दो कैदी  आटे नूं पैरां नाल इउं गुंनह रहे सन जिवें गारे दी घाणी रला रहे होण। कैदीआं दीआं तेड़ां विच मैल नाल भरे कछ्छे सन। गलां विच पसीने विच गच खद्दर दीआ बनैणां। चुल्ल्हिआं दी तपश अते कड़ी मिहनत कारन उहनां दे मत्थे तों लै के लक्क तक पसीना वहि रिहा सी। कई वार पसीने दे तुपके आटे विच वी जा रलदे सन। इक बालटी विच आटे विच पाउण लई पाणी पिआ सी। पाणी लंगर दी नुक्कर विच बणी डिग्गी तों लिआंदा गिआ सी। हिरदेपाल नें डिग्गी वल्ल नज़र दौड़ाई। डिग्गी दीआं कंधां मैले हत्थ लग्ग-लग्ग कालीआं होईआं पईआं सन। जापदा सी डिग्गी दी कदे सफ़ाई नहीं होई। थां-थां हरी काई इस विचार दी पुशटी कर रही सी। दो चिड़ीआं डिग्गी दी मण ’ते बैठीआं पिआस बुझा रहीआं सन। गलहिरी हुणे-हुणे पंज इशनानां कर के गई सी।

छेवें टब्ब विच आटा ढेरी कीता जा रिहा सी।

अगांह वध के हिरदेपाल नें आटे दी मुठ्ठी भरी अते हथेली उपर खिंडा लई। आटे विच फिरदी सुसरी उस दे गुट्ट थाणीं हो के कूहणी वल्ल वधण लग्गी। हिरदेपाल नें आटा उलटिआ तां मेंगणां आपणी पहिचाण कराउण लग्गीआं। आटे विचों हवाड़ आ रही सी। इह किस चीज़ दी हवाड़ है? इह घोखण लई उह आटा आपणे नक्क कोल लै गिआ। उस नूं हवाड़ दे दो कारन समझ आए। इक कारन कणक दा सड़ी होणा सी। दूजा कीटनाशक दवाईआं दी वरतों। आटा पीसण तों पहिलां कणक नूं नां धोता गिआ सी, नां साफ़ कीता गिआ सी।

खब्बे पासे दा जाइज़ा लैण बाअद हिरदेपाल सज्जे पासे नूं होइआ।

दो चुल्ल्हिआं उपर कुइंटल-कुइंटल दे देगचिआं विच दाल रिझ्झ रही सी। कालख़ अते कंढिआं उपर दी डुल्ल्ह रही दाल कारन इह अंदाज़ा नहीं सी लग्ग रिहा कि उह पित्तल दे हन जां लोहे दे। जापदा सी जदों दे इह बणे सन, चुल्ल्हे उपर ही पए सन। अगले दो चुल्ल्हिआं उपर दो वड्डीआं-वड्डीआं तवीआं सन। उहनां उपर रोटीआं सेकीआं जा रहीआं सन। तवीआं उपर रोटीआं सुट्टण वाले चार सन। उहनां नूं थल्लण वाला इक। थल्लण वाले दे रोटीआं काबू नहीं सन आ रहीआं। बाकीआं दे कदम नाल कदम मिलाउण दी काहल कारन कदे कच्ची रोटी चुक्क के टब्ब विच सुट्ट दिंदा सी, कदे धिआन दूजे पासे होण कारन रोटी मच्च जांदी सी। रोटी कच्ची रहिंदी है जां सड़दी है, जापदा सी इस दा कैदी नूं फ़िकर नहीं सी। उस नूं इको चिंता सी कि टब्ब जलदी तों जलदी रोटीआं नाल भर जावे।

हिरदेपाल नें लांगरीआं दीआं शकलां सूरतां दा जाइज़ा लिआ। सच्चमुच्च उह उहो जिहीआं सन जिहो जिहीआं ख़त विच दरज सन।

लंगर दे नाल ही अनाज भंडार सी। लग्गदे हत्थ हिरदेपाल नें उस विच वी झात मारनी ठीक समझी।

भंडार दा जिंदा खुल्ल्हदे ही बीसीआं चूहिआं नें उहनां दा सवागत कीता। कोई चूहा बोरी कुतरन विच मसत सी, कोई डल्ल्ही कणक दा आनंद मानण विच।

भंडार विच पई दाल दी सथिती उहो सी, जो ख़त विच दरज सी।

“ज़रा दालां विच पाए जाण वाले गरम मसाले तां दिखाओ।”

हिरदेपाल नूं ख़त पहड़न बाअद पता लग चुक्का सी। मसालिआं दे नां ’ते नमक, हलदी अते मिरच दा प्रयोग हुंदा सी। धनीए, ज़ीरे, सुंड दा नां-निशान नहीं सी लभ्भणा।

“जनाब उह अज्ज ही ख़तम होए हन।” गुदाम दे मुनशी नें घड़िआ-घड़ाइआ उत्तर सुणाइआ।

“गुड़ अते भुज्जे छोले किथे हन?”

“इह मैं गुदाम विच कदे नहीं देखे।” मुनशी इक साल तों इथे डिऊटी दे रिहा सी। तिंन साल तों सज़ा कट्ट रिहा सी। कैदीआं नूं गुड़ अते छोले दित्ते जांदे हन, इह उह पहिली वार सुण रिहा सी।

“की कहिंदा है इह?” हैरान होए हिरदेपाल नें सुपरडैंट कोलों पुछ्छिआ।

“ठीक कहिंदा है। छोले बदामां दे भाअ हो गए हन। इह कदों जेल्ह आउणे बंद होए हन, मैनूं नहीं पता। मैनूं एना पता है कि मेरी नौकरी दौरान इह इक वार वी गुदाम ’च नहीं आए।”

“गुड़ अते छोले कैदीआं नूं ताकत दिंदे हन अते वेले-कुवेले लग्गी भुख्ख वी मिटाउंदे हन। कोई बदलवां प्रबंध कीता गिआ होणा है?”

“मेरे धिआन विच नहीं।”

“ठीक है।” आखदा हिरदेपाल मुड़ लंगर वल्ल आ गिआ।

“तूं किंने चिर तों एथे हैं?” उस नें आटा गुंनह रहे इक नौजवान कैदी कोलों पुछ्छिआ।

“जी, इक साल तों।”

“किंने वजे डिऊटी ’ते आउंदा हैं?”

‘जी, सवेरे चार वजे आउंदा हां। रात नूं गिआरां वजे जांदा हां। सारा दिन लंगर चल्लदा जो रहिंदा है।”

“तूं किंना पहड़िआ हैं?”

“जी, बी.ए. पास हां।”

“इस तों कोई होर कंम किउं नहीं लैंदे? इक ग्रैजूएट नूं भठ्ठ झोकण ’ते किउं लाइआ होइआ है?”

हिरदेपाल नूं पहिली वार खिझ चहड़ी सी। आपणी खिझ्झ नूं छुपाउण विच असफ़ल रहिण कारन उह खिझ्झ के बोलिआ।

हिरदे नूं ख़त विच दरज उस मुंडे दी विथिआ याद आई जिस नें अठ्ठ महीने भठ्ठ झोकण बाअद आपणी डिऊटी बदलण दी बेनती कीती सी। बेनती नूं गुसताख़ी समझ के उस नूं हत्थकड़ी पहिना दित्ती गई। उह मुंडा ऐम.ए. पास सी अते  उस नूं इंनी सख़त मिहनत दी आदत नहीं सी।

“हुणे बदल दिंदे हां।” रणजोध सिंघ कोल कोई ढुक्कवां उत्तर नहीं सी। खहिड़ा छुडाउण लई उस नें हथिआर सुट्टणे ठीक समझे।

“सड़िआ-बलिआ अनाज किउं ख़रीददे हो? फ़ारम विच पैदा हुंदा अनाज किथे जांदा है?”

“मंतरीआं अते वड्डे अफ़सरां दे घर।” खिझिआ रणजोध सिंघ सच्च उगलण लग्गा।

“होर कुझ नहीं दे सकदे, घट्टो-घट्ट अनाज तां साफ़-सुथरा दिओ।” लंगर दे प्रबंध तों निराश होए सैशन जज्ज नें आपणी नराज़गी प्रगटाई।

“मेरे हत्थ बझ्झे होए हन। मैं उहो वरत सकदा हां जो मैनूं मिलदा है।”

लंगरों बाहर निकलदा रणजोध सिंघ आपणी सफ़ाई देण लग्गा।

 

 

49

“हुण कोई होर बैरक दिखाओ।”

“दस्सो किहड़ी बैरक चल्लणा है?‘

“छड़िआं दी बैरक चल्लदे हां। नाले मोदन दा बिआन लिख लवांगे।”

“जिवें तुहाडी मरज़ी।”

लंगर तों छड़िआं दी बैरक अध्धा किलोमीटर दूर सी। जेल्ह सुपरडैंट चाहुंदा सी जीप विच चल्लिआ जावे। हिरदेपाल पैदल जाणा चाहुंदा सी। जीप ’च चहड़न नाल उहनां दे दौरे ’ते निकलण दा रौला पै सकदा सी। पैदल जांदिआं रसते विच बहुत कुझ सिख्खण अते समझण नूं मिलणा सी।

रणजोध सिंघ नूं घबराहट होण लग्गी। ऐतवार होण कारन अज्ज छुट्टी सी। दिन दा समां सी। विहड़िआं विच बैठे कैदी मसती कर रहे होणगे। उस दा मन करन लग्गा, आपणा वाअदा तोड़ के उह दौरे ’ते निकलण वाला घंटा वजा देवे। वारडरां ते मुनशीआं नूं चौकंने कर देवे। बैरकां विच ‘सफ़ाई’ करवा देवे। झट्ट जेल्ह सुपरडैंट दी सोच नें पलटा खाधा। “इस विच डरन वाली किहड़ी गल्ल है? सूबे दी हर जेल्ह विच इहो जिहा माहौल है। किसे कोताही लई मैं निज्जी ज़िंमेवार नहीं हां। जे इक सैशन जज्ज सच्च जाणना चाहुंदा है तां उह खुल्ल्ह के उस दे साहमणे आउणा चाहीदा है। इस विच सभ दा भला है।”

रणजोध सिंघ दी बारां साल दी नौकरी हो गई सी। गहिराई नाल उस नें कदे वी जेल्ह जीवन दा अधिऐन नहीं सी कीता। उह जदों दौरे ’ते निकलदा सी, घंटीआं खड़कवा के निकलदा सी। उह जो देखदा सी उह हेठले मुलाज़मां वल्लों पहिलां लिपिआ-पोचिआ हुंदा सी। उस नें हाले लंबा समां नौकरी करनी सी। उस नूं वी सच्च दा गिआन होणा चाहीदा सी।

एना सोचण बाअद जेल्ह सुपरडैंट सैशन जज्ज दा तनदेही नाल साथ देण लग्गा।

अहाते दे मुख्ख गेट कोल पज्ज के सैशन जज्ज नें हदाइत कीती, “हाले गेट नां खुल्हवाइआ जावे। कुझ देर गेट पिछ्छे छुप के अंदर हो रहीआं गतीविधीआं नूं इंन-बिंन देखिआ जावे।”

जेल्ह सुपरडैंट झट्ट इस तजवीज़ नाल सहिमत हो गिआ। लंगर खाधा जा चुक्का सी। दुपहिर दी बंदी विच कुझ समां बाकी सी। इह समां कैदीआं दे खरमसतीआं करन दा सी। उह उहो कर रहे सन।

विहड़े विच रौणकां लग्गीआं होईआं सन। टोलीआं विच वट्टे कैदी आपणे-आपणे कंम विच रुझ्झे होए सन।

निंदे नंबरदार दी टोली ताश कुट्ट रही सी। नाले जूआ खेड रही सी। पिड़ विच पिआ नोटां दा ढेर दूरों दिखाई दे रिहा सी। कुझ नोट खिडारीआं नें पैरां अते गोडिआं हेठ नप्पे होए सन। उहनां उपर झुके उहनां दे हमाइतीआं विच चप्प छाई होई सी। सभ दा धिआन चल्ली जाण वाली अगली चाल उपर सी।

“जेल्ह मैनूअल अनुसार जेल्ह अंदर नकदी नहीं आ सकदी। जापदा है इथे कोई कमी नहीं है। नकदी अंदर किस तरहां आ गई?”

सैशन जज्ज नें भावपूरत पहिला प्रशन प्छिआ।

“सरकार दे कई नियम बड़े बेतुके हन। उहनां विचों इक इह है। अंदर नकदी आवे जां कूपन, इस नाल की फ़रक पैंदा है?”

सैशन जज्ज निरउत्तर हो गिआ।

दूजी टोली दा मुखी साधू पंजा इंचारज सी। वड्डी पतीती विच भुक्की उबाल के उस नें विचकार रख्खी होई सी। बारा सिंघ खब्बे कंन ’ते हत्थ रख्ख के उच्ची हेक विच मिरज़ा गा रिहा सी। बाकी मैंबर नाले मिरज़े दा अनंद लै रहे सन, नाले भुक्की दा।

 

अगले द्रिश नें सैशन जज्ज नूं झंजोड़ना शुरू कर दित्ता।

इक हट्टा-कट्टा कैदी इक माड़चू जिहे मुंडे नूं जफ्फी पाई खड़ा सी। मुंडा कुड़िक्की विच फसी चूही वांग तड़फ रिहा सी। मुशटंडा होर चांबल रिहा सी। उह मुंडे नाल अशलील हरकतां कर रिहा सी।

हिरदेपाल हैरान होण लग्गा। इस हरकत नूं कोई वी कैदी गंभीरता नाल नहीं सी लै रिहा। वारडर नें इक वार उपर तक्किआ अते फेर नीवीं पा लई।

“इह की हो रिहा है? इक छोकरे नूं पेशेवर मुजरमां विच किउं बंद कीता होइआ है?” कैदीआं दा वरगीकरन किउं नहीं करदे?”

हिरदेपाल नूं जेल्ह प्रशासन दी इस लाप्रवाही ’ते ग़ुस्सा आ रिहा सी।

“इस विच साडा कोई कसूर नहीं। समरत्था नालों दुग्गणे कैदी इथे ताड़े होए हन। वाधू कैदी इहनां बैरकां विच ही तुंने जाणे हन। मुंडे कैदीआं दी गिणती थोहड़ी है। उहनां नूं किसे बैरक विच तां रख्खणा ही है। चिड़ीआं नूं बाज़ हर बैरक विच झपटणगे।”

“इह मसला आसानी नाल हल्ल हो सकदा है। मुंडिआं अते बज़ुरगां नूं इक बैरक विच बंद कर देवो। नाले इक दूजे दे कंम आउणगे, नाले योन शोशन तों बचणगे।”

“तुसीं ठीक कहिंदे हो। इह सुझाअ हुणे लागू कर दिंदा हां।”

हिरदेपाल दे इस सुझाअ ’ते रणजोध सिंघ हैरान होण लग्गा। सैशन जज्ज रातो-रात सिआणा हो गिआ जापदा सी।

शेर बक्करी नूं जबाड़े विच फसा के गुफ़ा वल्ल लिजाण दा यतन करन लग्गा। दो ज़िंमेवार अफ़सर आपणे निज्जी फ़ाइदे लई बक्करी दी बोटी-बोटी हुंदी नहीं सन देख सकदे।

मुंडे दे बैरक विच धूहे जाण तों पहिलां सुपरडैंट नें आपणे दौरे ’ते आउण दी सूचना दित्ती। फेर संतरी नूं मुख्ख दरवाज़ा खोल्हण दा हुकम सुणाइआ।

कैदीआं नूं अचिंते बाज़ आ गए सन। हफड़ा-दफड़ी विच हत्थला समान थाएं छड्ड के उह बैरक वल्ल दौड़ पए।

पिछ्छे रहि गिआ भुक्की वाला पतीला, जरदा, अफ़ीम दीआं छोटीआं पोटलीआं, करद, ताश अते निंम हेठ पिआ अमली।

वारडर नें निक्क-सुक्क इकठ्ठा कीता अते मेज़ उपर सजा दित्ता। सैशन जज्ज दे हुकम ’ते बैरक दी तलाशी होई। मिंटां विच ढेर सारा नशा-पता बाहर आ गिआ।

“इंनी मातरा विच वरजित सामान जेल्ह विच किस तरहां आ जांदा है?”

हिरदेपाल नें दूजा भावपूरत प्रशन पुछ्छिआ।

“कुझ नां प्छो। समगलरां दे हत्थ बहुत लंमे हन। उह मुख्ख मंतरी तक पहुंच रख्खदे हन। जिहड़ा अफ़सर इस बुराई नूं रोकण दा यतन करे उस दे गल नूं हत्थ पा लैंदे हन। बिल्ली नूं देख के जिस तरहां कबूतर अख्खां बंद कर लैंदा है, उसे तरहां सानूं करना पैंदा है।”

रोण-हाका होइआ रणजोध सिंघ सपश्शटीकरन दिंदा शरम महिसूस करन लग्गा।

“फेर ग़रीब बसंत नूं झूठे मुकद्दमे विच किउं अड़ंगिआ है? मैं आपणी पहिलीपड़ताल मुकंमल कर लई है। उस दा पिट्टणा वी सच्चा है अते उह बेकसूर वी है।”

“मैं पहिलां ही ग़लती मंन चुक्का हां। मेरे सटाफ़ वालिआं नें अनाड़ीपुणा कीता है। मैं उस दी रिहाई दी सिफ़ारश कर दित्ती है। कसूरवार मुलाज़मां नूं सज़ा दित्ती जावेगी।”

“बसंत नूं बुलाओ। मैं उस नूं आपणी पड़ताल दा नतीजा दस्स देवां। इह वी दस्स देवां कि मैं उस उपर दरज होए मुकद्दमे नूं ख़ारज करन दी सिफ़ारश कर रिहाहां।”

“किधरे साडे मुंडे तां नहीं खिच्चे जाणगे?”

“नहीं। उस दा हल्ल मैं सोच रख्खिआ है। मैं जांच पड़ताल लई तिंन मैंबरी कमेटी बणावांगा। इक मैंबर मेरा मैजिसट्रेट होएगा। इक मैंबर डी.सी. साहिब कोलों नामज़द करवावांगे। तीजे मैंबर तुसीं होवोगे। तुसीं हफ़ते दे अंदर-अंदर पड़ताल मुकंमल करना। सिट्टा इह कढ्ढणा कि पेशी भुगतण गिआ इक हवालाती बाहरों अफ़ीम लै आइआ। उह बसंत नाल खार खांदा सी। बसंत दी अगाऊं रिहाई रोकण लई उह अफ़ीम उस नें बसंत दे सामान विच लुका दित्ती। फेर आप ही जेल्ह सटाफ़ कोल मुख़बरी कर दित्ती। तुसीं बसंत नूं बेकसूर ठहिरा देणा। किसे पेशेवर मुजरम नूं बली दा बक्करा बणा देणा। मैं तुहाडी रिपोरट नाल सहिमत हो जावांगा। पुलिस कपतान नूं मुकद्दमा खारज करन दी सिफ़ारश कर देवांगा। सभ दे हड्ड छुट्ट जाणगे।”

हुण तक रणजोध सिंघ नूं लग्ग रिहा सी जिवें हिरदेपाल उस नाल सख़ती नाल पेश आ रिहा सी। पहिली वार उह उस नूं आपणा-आपणा लग्गा।

“उह झोटे जिहे नूं मुंडे नाल बदफैली करन दा यतन करन बदले सख़त सज़ा दे के कीती कारवाई दी रिपोरट मैनूं भेज।”

“हुण उस सूर नूं तनहाई कोठड़ी विच बंद करदा हां। आपे हफ़ते विच सिरों काम उत्तर जू। मुड़ सारी उमर ज़नानी वल्ल झाकण जोगा नहीं रहिणा, मुंडिआं दी गल्ल छड्डो।”

“हुण मोदन नूं बुलाओ। उस दा बिआन वी कलम-बंद कर लईए।”

मोदन नें उहो रटी-रटाई मुहारनी पहड़ दित्ती।

छड़िआं दी बैरक तों बाहर निकलदा रणजोध सिंघ हलका फुल्ल महिसूस करन लग्गा।

दुपहिर ढलण वाली सी। हाले तक उहनां अंदर पाणी दी घुट्ट तक नहीं सी गई।

इस विच कसूर दोहां दा सी।

हिरदेपाल नूं आपणा कंम निबेड़न दी काहल सी। आपणे मिशन विच उह काफ़ी हद्द तक कामयाब हो चुक्का सी। हुण थोहड़ा जिहा सुसताउण विच कोई हरज नहीं सी। ठंडा-तत्ता लिआ जा सकदा सी।

पहिलां रणजोध सिंघ तनाअ विच सी। उस दे मन विच धुड़कू सी। जेल्ह प्रशासन उपर गंभीर दोश लग्गे हन। सैशन जज्ज गुपत पड़ताल कर रिहा है। खुरचण ’ते वी कुझ दस्स नहीं सी रिहा। उस नूं आउण वाली मुसीबत दी चिंता खा रही सी।

हुण उस नूं यकीन हो गिआ सी कि सैशन जज्ज सच्चमुच्च आपणी जाणकारी विच वाधा कर रिहा सी। मनों उह जेल्ह प्रशासन पख्खी ही सी।

फ़िकरां तों सुरख़रू होण बाअद रणजोध सिंघ नूं महिमान-निवाज़ी दे आपणे फ़रज़ दी याद आई।

“चल्लो, कोठी चल्लदे हां। बीअर-शीअर पींदे हां। चेअरमैन तुहानूं याद करदा रहिंदा है। उस नाल गप्प-शप्प करदे हां।”

अज्ज-कल्ल्ह कोठी विच चेअरमैन अते चठ्ठा बंद सन।

चेअरमैन नें आपणे कारज-काल दौरान ठेकेदार नाल मिल के हज़ारां कीमती  दरख़्ख़त कटवा दित्ते सन ते करोड़ां रुपिआ डकार लिआ सी। नवीं सरकार नें चौकसी विभाग राहीं सारे सबूत इकठ्ठे कर लए सन। इहनां दोशां तहित उस उपर मुकद्दमा चल्ल रिहा सी।

कोठी विचले मुलज़म तेज़ी नाल बदलदे रहिंदे सन। कोठी दा सभिआचार उहो पुराणा सी।

पिछले दौरे समें सैशन जज नें इस कोठी विच खाणा खाधा सी। शाम तक महिफ़ल जंमी सी। महिमान-निवाज़ी दा उस नें ख़ूब अनंद माणिआ सी।

जेल्ह सुपरडैंट इक वार फिर उसे कोठी नूं रंग-भाग लाउणा चाहुंदा सी।

सुपरडैंट इतिहास कोलों सबक सिख्खे जां नां, सैशन जज्ज सबक सिख्ख चुक्का सी।

उस नूं आपणी पहिली ग़लती दा अहिसास हो चुक्का सी। उह आपणे मन नाल फ़ैसला कर चुक्का सी कि अग्गों तों जेल्ह दौरे मनोरंजन दी थां फ़रज़ां दी पूरती लई होणगे।

“नहीं, इक कप्प चाह अते कुझ नमकीन बिसकुट काफ़ी हन।”

“हुण ज़नाना वारड वल्ल चल्ल।”

ताज़ा दम होइआ हिरदेपाल नवें पड़ाअ ’ते पुज्जण लई काहला पैण लग्गा।

“उथे की है? हेमा बीमार है।”

तोरे-फेरे अते तनाअ कारन रणजोध सिंघ थक्किआ पिआ सी। उह होर खिच्चोताण तों बचणा चाहुंदा सी। टालण लई उस नें बहाना घड़िआ।

“उसे दी सिहत दा पता करना है।”

बिनां किसे उत्तर दी उडीक कीते, सैशन जज्ज ज़नाना वारड वल्ल जांदी सड़क ’ते जा खलोता।

“हेमा दी बीमारी दा पता करना है? मतलब इस नूं उस दे बीमार होण दा पता है। फेर इह वी पता होएगा कि उह किउं बीमार है?”

सोचदा रणजोध सिंघ फेर बेचैन होण लग्गा।

“थक्क गए हां। हुण गड्डी विच चल्लांगे। जिपसी मंगवा।”

हिरदेपाल नूं पता सी कि इथों ज़नाना वारड किल्लोमीटर दूर है। तुर के जाण ’ते घंटा लग्गणा सी। हुण उह घंटा बरबाद करन दे रौंअ विच नहीं सी।

“साला। मेरे नाल चलित्तर खेड रिहा है। सिध्धा आख ज़नाना वारड छापा मारना है।”

“अज्ज कोई सिआपा पै के रहेगा।” कलपदा रणजोध सिंघ डराईवर वाली सीट ’ते जा बैठा।

“सुणिआ है कदे इथे इक वकील बंदा हुंदा सी। कहिंदे हन उस नें बहुत कैदीआं नूं रिहाअ करवाइआ सी। अज्ज-कल्ल्ह उह कित्थे है?”

ख़त पहड़न बाअद सैशन जज्ज नें अंदाज़ा लाइआ सी कि इह किसे कानूंन दे डूंघे जाणकार दा लिखिआ होइआ है। नाले उह जेल्ह अंदर वापर रहीआं घटनावां दा वी जाणकार है। उस दा मन आखदा सी कि इह ख़त उसे वकील दा लिखिआ होइआ है। वहिम दूर करन लई उस नें पुछ्छिआ।

“होई नां उहो गल्ल। हुण इह आखेगा उस नूं बुलाओ। आ के उह नवां पंगा पाएगा। जेल्ह अधिकारीआं दे कच्चे चिठ्ठे खोल्हेगा।”

सोचदे रणजोध सिंघ दा दिल ज़ोर-ज़ोर दी धड़कण लग्गा।

“उह पैरोल ’ते गिआ होइआ है।” मुसीबत खड़ी करन नालों रणजोध सिंघ नें झूठ बोलणा ठीक समझिआ। सैशन जज्ज किहड़ा सच्च बोल रिहा सी।

हाकम दे जेल्हों बाहर होण दी गल्ल सुण के हिरदेपाल नूं राहत महिसूस होई।

पड़ताल बाअद रिपोरट उस नें आपणे मित्तर दे हक्क विच करनी सी। इंझ करन लई उस नूं झूठ दा सहारा लैणा पैणा सी। उह डर रिहा सी कि हाकम किधरे उस नूं पख्खपाती आख के उस दी शिकाइत नां कर देवे।

हाकम वल्लों निशचिंत हो के सैशन जज्ज ज़नाना वारड दा निरीखण करन लग्गा।

नियमां अनुसार जदों किसे मरद अफ़सर नें ज़नाना वारड विच प्रवेश करना हुंदा है तां दस मिंट पहिलां घंटी खड़का के इस दी सूचना कैदणां दित्ती जांदी है। पर इह वड्डे अफ़सर सन। कानूंन दी उलंघणा कर के, अचानक बैरक अंदर आ धमके सन। राणी नूं अग्गा ढक्कण लई कौण कहि सकदा है?

हुण तक औरतां आज़ादी नाल घुंम रहीआं सन। किसे नें इकल्ला पेटीकोट पाइआ होइआ सी, किसे नें सलवार। किसे दे केस खुल्ल्हे सन। किसे दा बलाऊज़। कैदणां नूं आपणा आप संभालण दा मौका नां मिलिआ।

सैशन जज्ज नें कैदणां दे सरीरां नूं गहु नाल तक्किआ। काम-वाशना दी पूरती लई नहीं। ख़त विच दरज तत्थां नूं परखण लई। साहमणे नज़र आउंदे कढ्ढवें सरीर तां औरत अखवाउण दे वी हक्कदार नहीं सन।

हिरदेपाल नूं कचिआण आउण लग्गी। पर अज्ज उह आपणे फ़ैसले ’ते द्रिहड़ सी। उस नें आपणी घोख पड़ताल जारी रख्खी।

अहाते अंदर घुंमण वालीआं औरतां दी गिणती थोहड़ी सी। बहुतीआं बैरक अंदर पईआं सन।

सैशन जज्ज नें बैरक अंदर जाणा चाहिआ।

रणजोध सिंघ नें झट्ट वरज दित्ता।

“साहिब जी, बहुते आदरशवादी नां बणो। अध्धीआं नालों वध्ध कैदणां छूत दीआं बीमारीआं दीआं शिकार नें। वी.डी. कईआं नूं है। हो सकदा है इक-दो नूं एडज़ वी होवे। किसे बीमारी दा शिकार हो गए तां किस दी मां नूं मासी आखांगे। कई नीम पाग़ल हन। कोई गाल्ह कढ्ढ सकदी है, कोई गल ’च हत्थ पा सकदी है। आपणी इज़्ज़त बचाओ। कईआं नूं नींद दे टीके ला के मसां सुलाइआ है। जाग पईआं तां सारी रात मुसीबत खड़ी करी रख्खणगीआं। कुझ देखणा है तां खिड़की राहीं देख लओ। इसे लई खिड़कीआं वड्डीआं रख्खीआं हन।”

जेल्ह सुपरडैंट दी चितावनी सुण के सैशन जज्ज ठठंबर गिआ।

जाली राहीं उह अंदरले द्रिश दा जाइज़ा लैण लग्गा।

हिरदेपाल नूं लग्गा, जेल्ह दी थां उह नरकां विच खड़ा सी। चारे पासे बू सी, रोण-धोण सी। सिसकीआं सन, बीमारी ते भुख्खमरी सी।

“अध्धीआं औरतां दे कप्पड़े ख़ून नाल लिब्बड़े पए हन। महांवारी दे दिनां विच काटन वग़ैरा नहीं दिंदे?”

“प्रशासन नंग-मलंग है। पैसा ज़हिर खाण नूं नहीं है।”

“होर नहीं तां फटे-पुराणे कप्पड़िआं दा प्रबंध कर दिआ करो। किसे कबाड़ीए कोलों सौ रुपए ’च पंड लीरां दी मिल जांदी है।”

“जेल्ह सुपरडैंट नूं इक रुपिआ वी आपणी मरज़ी नाल ख़रचण दा अधिकार  नहीं है। सौ-सौ रुपए वालीआं अजिहीआं पंजाह चीज़ां दी लोड़ पैंदी है। लीरां दी पंड किथों आवे?”

“किसे समाज-सेवी संसथा नूं प्रेर लवो।”

“कैदीआं वल्ल कोई मूंह नहीं करदा। उह इहनां नूं समाज ’ते कलंक समझदे हन। फेर वी सुझाअ चंगा है। कोशिश करांगे।”

“कैदी ’ते कैदी चहड़ा रख्खिआ है। घट्टो-घट्ट औरतां नूं तां खुल्ल्ही थां विच रख्खो।”

“दफ़तर चल्लो। मैं आपणी फ़ाईल दिखाउंदा हां। हर महीने सरकार नूं लिखीदा है। मीटिंगां विच सुझाअ देईदा है। जे नवीआं जेल्हां नहीं बणा सकदे, इहनां विच ही नवीआं बैरकां बणा दिउ। सरकार उहो रोणा रोण लग्गदी है, बजट दी घाट।”

“उंझ कैदीआं दीआं इहनां समस्सिआवां लई सरकार दे नाल-नाल अदालतां वी ज़िंमेवार हन।”

रणजोध सिंघ जज्ज दीआं टिप्पणीआं सुण-सुण अक्क चुक्का सी।

मौका मिलदे ही उस नें मोड़वां वार कीता।

“वीह-वीह साल मुकद्दमे लटकदे रहिंदे हन। मुलज़म जेल्हां विच रुलदे रहिंदे हन। कैदख़ाने भरदे जांदे हन।

“कसूर साडा नहीं, कानूंनी ढांचे दा है। नियमां दी पालणा करदे देर हो जांदीहै।”

“बस्स इसे तरहां साडीआं मजबूरीआं हन। कसूर नां साडा है, नां सोडा। कसूरवार कौण है, असीं सभ जाणदे हां।”

“इह गल्लां फेर करांगे। इह दस्स हेमां किहड़ी कोठड़ी विच बंद है?”

सूरज ढलण लग्ग पिआ सी। हिरदेपाल नूं कंम निपटाउण दी काहल होण लग्गी।

“उह किथे है?  उस नूं की होइआ है? इह सभ तुहानूं पता है। मेरे मातहित नूं बचाओ। मैनूं की हुकम है, इह दस्सो।”

“तैनूं पता है? तेरे मातहित दरोग़े नें किड्डा वड्डा अपराध कीता है। हिरासत विच रहि रही औरत नूं वरगला के गरभवती करना बहुत वड्डा अपराध है। सतमाहा बच्चा पैदा करना अते फेर उस नूं मारना कतल दा हुकम है। सख़त बीमार बंदे नूं दवाई-बूटी नां देणा अते मरन लई छड्ड देणा फेर कतल दा अपराध है। पिछले दो जुरम विच तूं वी बराबर दा भाईवाल हैं। इहनां जुरमां दी की सज़ा है? इह तैनूं पता है।”

“मैं पहिलां वी दस्सिआ सी कोई तुहाडे पिछ्छे लग्गा होइआ है। तुहाडी हर बुराई ’ते नज़र रख्ख रिहा है। पहिलां उस भैड़े अनसर दी पछाण करो। उस तों खहिड़ा छुडाओ। नहीं तां मेरी मदद कोई कंम नहीं आएगी। उलटा मैनूं वी उलझा लएगी।”

“मैनूं तुहाडी नसीहत पूरी तरहां याद है। कांगिआरी लभ्भ लई गई है। उस नूं मलीआमेट करन दा इंतज़ाम हो रिहा है।”

“मैनूं लग्गदा है तूं लोड़ों वध्ध आपणे मातहितां ’ते भरोसा करदा हैं। जो कहिंदे हन करी जांदा हैं। तां ही आपणे लई मुसीबत सहेड़ लैंदा हैं। कोई कदम चुक्कण तों पहिला मामला ख़ुद घोखिआ कर।”

घबराए मित्तर दा हौसला वधाउण लई उस दी पिठ्ठ थापड़दा सैशन जज्ज नसीहतां देण लग्गा।

“पंदरां सौ कैदी हन। हर कैदी इक समस्सिआ है। पूरी घोख पड़ताल नहीं हो सकदी। मुलाज़मां ’ते विशवास करना पैंदा है। जेल्ह करमचारी ख़तरनाक हालतां विच विचरदे हन। हर समें जान तली ’ते रख्खणी पैंदी है। कोई पता नहीं कदों छुरा ढिड्ड विच आ वज्जे। कदों कोई कैदी फ़रार हो जावे ते परचा दरज हो जावे। मुलाज़मां दा मनोबल उच्चा चुक्कण अते कैदीआं उपर उहनां दा दबदबा बणाई रख्खण लई करमचारीआं दी चंगी-मंदी राइ मंनणी पैंदी है। फेर वी अग्गों तों धिआन रख्खांगा।”

“चंगा। हुण ऐंबूलैंस मंगवा। हेमा नूं सिवल हसपताल दाख़ल करवा। डाकटरां नूं आख के उस दा चंगा इलाज करवा। नाले मैनूं मिला। कुझ उस नूं मैं हुण समझावांगा, कुझ हसपताल जा के। फेर उस तों तुहाडे हक्क विच बिआन दिवावांगा। फेर तुहाडा इस बला कोलों खहिड़ा छुडावांगा।”

सैशन जज्ज दी तजवीज़ ’ते ख़ुश होइआ जेल्ह सुपरडैंट हेमा नूं हसपताल भेजण दे इंतज़ाम विच रुझ गिआ।

सैशन जज्ज हेमा तों उस दा दुखड़ा सुणन विच।

दोवें यार ख़ुश सन। उह इक-दूजे दे किंना कंम आ रहे सन।

 

 

50

कुझ ख़ास मुद्दे विचारन लई जेल्ह सुपरडैंट वल्लों आपणे मातहितां दी हंगामी मीटिंग बुलाई गई।

सभ तों पहिलां सैशन जज्ज दे धंनवाद दा मता पास कीता गिआ। सभ नूं पता सी जे हिरदेपाल सुपरडैंट दा यार नां हुंदा अते जे उह आपणे वकार नूं दाअ ’ते ला के उहनां दी खल्ल्ह के मदद नां करदा तां हुण तक सारे जेल्ह करमचारीआं उत्ते मुसीबत दा पहाड़ टुट्ट चुक्का हुंदा।

पहिलां उस नें बसंत दी शिकाइत दी पड़ताल कमेटी बणाई। कमेटी विच आपणे बंदे नामज़द कीते। मामले नूं किस तरहां नजिठ्ठणा है, सभ नूं इह समझाइआ। फेर रिपोरट नाल सहिमती प्रगटाई। बसंत विरुध्ध होए मुकद्दमे नूं ख़ारज करन दी सिफ़ारश कीती। पुलिस कपतान नूं आख के मुकद्दमा ख़ारज कराइआ। जेल्ह विभाग पहिलां वांग टंग नां अड़ाए इस लई इंसपैकटर जनरल नूं ख़त लिखिआ। बसंत दी तुरंत रिहाई दी सलाह दित्ती। डरे बाबूआं नें बिनां चांदी दे पहीआं दे मिसल इको दिन विच सारे मेज़ां उपरों घुमा दित्ती। घर जाण तों पहिलां बसंत सुपरडैंट दे घर आइआ। पैरीं पै के उस नें मुआफ़ी मंगी। उस दे सारे गिले-शिकवे दूर हो गए।

हेमा नूं सिवल हसपताल विच दाख़ल करवा के दम नहीं लिआ। सिवल सरजन दे कंन खिच्चे। हर रोज़ मरीज़ दी सिहत दी ताज़ा रिपोरट मंगदा रिहा। दो वार मरीज़ दा पता लैण हसपताल गिआ। घंटा-घंटा हेमा नाल गल्लां कीतीआं। गल्लीं-गल्लीं उस नूं समझाइआ।

“रब्ब जो करदा है, ठीक ही करदा है। जेल्ह आ के तेरा बच्चेदानी वाला नुकस निकल गिआ। अग्गों तों बच्चा पैदा करन दे योग हो गई। किसे दा पाप किउं जंमे? रिहाअ हो के विआह करा। रब्ब कोलों दात प्रापत कर।”

हेमा नूं सैशन जज्ज दी गल्ल जच गई। ख़ुशी दे लोर ’च उस नें सभ दे गुनाह मुआफ़ कर दित्ते।

हेमा नूं कोई फेर नां भड़का देवे, इस लई बीमारी नूं जहड़ों पुट्टण दे इरादे नाल हिरदेपाल नें हाई कोरट नूं चिठ्ठी लिखी।

“हेमा सख़त बीमार है। उह आपणी मरज़ी दे हसपताल विच इलाज कराउणा चाहुंदी है। इह खुल्ल्ह उस नूं मिलणी चाहीदी है। अपील दी सुणवाई तक उस नूं ज़मानत ’ते छड्ड देणा चाहीदा है।”

सैशन जज्ज दी सिफ़ारश मनज़ूर हो गई। नवीं ज़िंदगी शुरू करन दे सुपने लैंदी हेमा जेल्ह विचों उडारी मार चुक्की है।

मोदन दी शिकाइत दा पहिलां ही कोई मूंह-मत्था नहीं सी। डाकटर रिकारड विचली कमी-पेशी दूर कर चुक्का सी। भुल्ले-चुक्के कोई मुरदा फेर नां उखाड़ लए अते रिकारड दा नुकस नां फड़िआ जा सके, इस लई नवें बणे रजिसटरां उपर उस नें सही पा दित्ती।

सैशन जज्ज दी सलाह ’ते हत्थकड़ीआं अते बेड़ीआं विच जकड़े कैदीआं नें मुआफ़ीनामे लिख दित्ते। चितावनी दे के सुपरडैंट नें उहनां दीआं हत्थकड़ीआं लाह दित्तीआं। तनहाई चक्कीआं विच बंद कैदीआं दी बाकी रहिंदी सज़ा मुआफ़ करा के उह वी वापस बुला लए।

इस तरहां जेल्ह प्रशासन नूं सारीआं मुसीबतां तों राहत दिवा के सैशन जज्ज नें आपणी मित्तरता निभाई सी। उह जेल्ह प्रशासन दे विशेश धंनवाद दा पातर सी।

उस दी नसीहत उपर फुल्ल चहड़ाउण दी हुण जेल्ह प्रशासन दी वारी सी।

शिकाइतां हाकम नें कीतीआं सन। इह भेत किसे कोलों गुझ्झा नहीं सी। अग्गों तों मुसीबत तों बचण लई इस गंदे आंडे दी खुंब ठप्पणी ज़रूरी सी।

खुंब किस तरहां ठप्पी जावे? विचार वाला दूजा मुद्दा इह सी।

इस वार सुपरडैंट अते मातहितां विचकार कोई मतभेद नहीं सी।

अफ़सर सिर जोड़ के आपणे-आपणे विचार पेश करन लग्गे।

इस घटना चक्कर विच सभ तों वध्ध बदनामी संतोख दी होई सी। किसे नें उस दी घरवाली दे कंन भर दित्ते सन। उस दिन तों उह मूंह मोटा करी फिरदी सी। पिठ्ठ दूजे पासे कर के सौंदी सी। झगड़ा खड़ा करन दा बहाना भालदी रहिंदी सी। संतोख दी चंगी किसमत) उस दे सहुरे कमज़ोर सन, नहीं तां उह कदों दी पेकीं जा बैठी हुंदी।

उह ज़हिर दी इस गंदल नूं जहड़ों पुट्टण लई काहला सी। उस नें सलाह दित्ती, “निंमे वांग किउं नां इस नूं वी ठिकाणे ला दित्ता जावे?”

कुझ वरहे पहिलां निंमे नूं वी हाकम वाली बीमारी लग्ग गई सी। उस नूं कैदीआं दा ‘डान’ बणन दा भूत सवार होइआ सी। बिनां कारन माड़े कैदीआं नूं कुट्ट दिंदा सी। वारडरां नाल वी बदतमीज़ी करदा सी। आपणी सरदारी काइम करन लई इक डिपटी दे गलमे नूं हत्थ पा लिआ। उस समें संतोख चीफ़ वारडर सी। उस तों आपणे साहिब दी बेइज़्ज़ती सहार नां होई। बेइज़्ज़ती दा बदला लैण दा प्रबंध उस नें रातो-रात कर दित्ता।

सवेरे निंमे दी लाश, लंगर बाहरली निंम नाल लटकदी मिली सी।

सभ नूं पता सी निंमे नें ‘ख़ुदकुशी’ किउं कीती है? पर किसे दी ज़बान खोल्हण दी हिंमत नहीं सी पई।

महीना कु निंमे दे वारसां नें रौला पाइआ। पड़तालीआ अफ़सर नियुकत कराइआ। कुझ दिन पड़तालीआ अफ़सर नें जेल्ह दे चक्कर कट्टे। जदों कुझ पल्ले नां पिआ तां रिपोरट कर दित्ती, “निंमे नें ख़ुदकुशी कीती है। इस विच किसे दा कोई हत्थ नहीं।”

मुड़ कई साल जेल्ह विच अमन रिहा।

मुड़ अमन बहाल कराउण लई इस वार वी उह बीड़ा चुक्कण लई तिआरसी।

“मैं तिआरी करी बैठा हां। बदमाशां दी बैरक वाला नीटा गरुप्प इह कंम सिरे चाहड़ेगा। मौका मिलदे ही उह हाकम नूं घेर लैणगे, बिनां मतलब झगड़ा करनगे  अते फेर उस दा सिर खख्खड़ी-खख्खड़ी कर देणगे। बस्स मैनूं अफ़सरां दे इशारे दा इंतज़ारहै।”

लाल-पीला हुंदे संतोख नें आपणी योजना पेश कीती।

रणजोध सिंघ हाले इंना सख़त कदम चुक्कण दे हक्क विच नहीं सी।

कईआं सालां तों हाकम सिंघ साधारन कैदीआं वांग विचर रिहा सी। नवें कैदी उस दा नां तक नहीं जाणदे। पुराणे वाकफ़ वी उस नूं भुल-भुला चुक्के हन। इस लई जेल्ह दे अंदरों हाकम दे हक्क विच आवाज़ बुलंद होण दा कोई ख़तरा नहीं सी।

पर पहिलां जिहड़े सैंकड़े कैदीआं नूं उस नें राहत दिवाई सी, उहनां विचों कुझ कैदी गाहे-बगाहे मिलण आउंदे हन। उह अंदरले हालातां दे भेती हन। हाकम नूं वड्डा नुकसान पुज्जण ’ते उह पंगा पा सकदे हन।

इस लई रणजोध सिंघ खूह विचों निकल के खाते विच नहीं सी डिग्गणा चाहुंदा। उस नें सलाह दित्ती।

“इह पहड़िआ-लिखिआ कैदी है। इस दा मानसिक संतुलन विगाड़ो। अंगरेज़ां दे ‘परज़रव दा बाडी, करश दा माईंड’ (Preserve the body, crush the mind) दे फ़ारमूले दी वरतों करो। हौली-हौली आपे बिल्ले लग्ग जाएगा।”

इस उदेश विच किस तरहां कामयाब होइआ जावे, फेर उह इह समझाउण लग्गा।

“हाकम सिंघ जेल्ह मैनूअल दे हवाले देण दा आदी है। उसे मैनूअल दा हवाला दे के पहिलां उस नूं मिलण आउंदे बंदिआं दी गिणती सीमत कीती जावे। उस दी मुलाकात लई मित्तर जां रिशतेदार नहीं आउंदे। चोर-उचक्के आउंदे हन। साबका कैदीआं नूं मुलाकात दी इजाज़त नां दित्ती जावे। उहनां दे इरादे ख़तरनाक हन।उहजेल्ह तोड़ के कैदीआं नूं भजाउण दी योजना बणाउण आउंदे हन। इस बहानेमुलाकात दी मनज़ूरी रद्द कीती जावे। धक्के खा-खा मुलाकाती आउणों बंद हो जाणगे। इस नूं इकल्लेपण दा अहिसास होवेगा। आपे लोक-भलाई दा भूत सिरों लहि जाएगा।

“छुट्ट के गए कैदीआं दे इस नूं बहुत चिठ्ठी-पत्तर आउंदे हन। उह इस नूं रब्ब वांग पूजदे हन। चिठ्ठीआं पहड़ के इह नवें पंगे लैण लई प्रेरित हुंदा है। अग्गों तों चिठ्ठीआं उपर सैंसर लाओ। महीने विच इक-दो पत्तर ही पुज्जदे करो। इंज वी इस नूं इकल्लेपण दा अहिसास होवेगा अते इस दे हौसले पसत होणगे।

बी-कलास दे कैदीआं नूं समझाओ। आने-बहाने इस नाल मूंह मोटा कर लैण। बोल-चाल, सांझा खाण-पीण अते सैर-सपाटा बंद कर देण। कंधां नाल गल्लां कर-कर आपे पाग़ल हो जावेगा।”

“कल्ल्ह तों इंझ ही होएगा।” मातहितां नें अफ़सर दी सुर विच सुर मिलाई।

“किसे नां किसे ढंग नाल इस तों बी-कलास खोहवो। इह मौजां वी मारदा है अते रोहब वी।”

डिपटी सुपरडैंट नूं इंना कुझ होण दे बावजूद वी उस दे बी-कलास विच रहिण ’ते इतराज़ सी।

“इस तों वी ज़रूरी है इस नूं दफ़तरों कढ्ढणा। सारे दिन विच इह चार अख्खर नहीं लिखदा। उलटा विहला होण कारन साडीआं गतीविधीआं ’ते नज़र रख्खदा है। मौका मिलदे ही छुरली छड्ड दिंदा है।”

सहाइक दरोग़े नूं उस दे दफ़तर विच कंम करन ’ते इतराज़ सी।

“कुझ दिनां लई इस नूं मेरे नाल फ़ैकटरी विच भेजो। जे तुक्के वांग सिध्धा नां कर दिआं। आपे शरारतां भुल्ल जाएगा।”

फ़ैकटरी इंचारज धरमपाल उस नूं सबक सिखाउण लई काहला पैण लग्गा।

“इस विच किहड़ी मुशकल है। पहिलां उस उपर कोई गंभीर दोश लाईए। पड़ताल कराईए, पड़ताल विच दोशी पाईए। इको तीर नाल दो शिकार फुंड लवांगे। बी-कलास वी खोह लवांगे अते दफ़तरों वी कढ्ढ देवांगे।”

जेल्ह सुपरडैंट नें हल्लाशेरी दित्ती।

हाकम उपर की दोश लाए जाण? फेर इह विचारां होण लग्गीआं।

कई सुझाअ आए। प्रवानगी दफ़तर दे सहाइक दरोग़े किशोर कुमार दी तजवीज़ नूं मिली।

उस दी सलाह सी कि जिनहां कैदीआं नूं अगाऊं रिहाई लई सिफ़ारश करउणलई पूरा नज़राना नां चहड़ाइआ होवे अते इस कारन जेल्ह प्रशासन उहनां दी रिहाई नां चाहुंदा होवे, उहनां कैदीआं दीआं मिसलां दा बंडल बणा के खूंजे सुट्टदित्ता जावे। हो रही देरी कारन जदों कैदीआं विच हाहाकार मच्चे तां मिसलां दे चोरी होण बारे थाणे रिपोरट दरज कराई जावे। कुझ दिनां बाअद उह मिसलां बी-कलासदे कूड़ेदान विचों बरामद कराईआं जाण। चोरी दा दोश हाकम ’ते लग्गे। इक कैदी कोलों मिसल तिआर करन बदले हाकम वल्लों पैसे मंगण दा दोश लगाइआजावे। दूजे कोलों उस नूं ‘मैं मिसलां नूं कूड़ेदान विच सुट्टदे देखिआ है’ इह अखवाइआ जावे।

तजवीज़ दे पास हुंदिआं ही इस नूं सिरे चाहड़न लई अधिकारी आपणीआं सेवावां पेश करन लग्गे।

किशोर कुमार पहिलां मिसलां हाकम दे नां चहड़ाएगा, फेर गुंम कराएगा।

कूड़ेदान विच मिसलां संतोख सुटवाएगा। फेर रणजीत सिंघ नूं नाल लिजा के बरामद कराएगा।

जेल्ह सुपरडैंट घटना दी पड़ताल लई कमेटी बणाएगा। मुखी रणजीत सिंघ होवेगा। गवाह किशोर कुमार भुगताएगा।

हफ़ते दे अंदर-अंदर रिपोरट सुपरडैंट अग्गे पेश होएगी।

सुपरडैंट रिपोरट नाल सहिमती प्रगटाएगा। हाकम नूं दफ़तरों कढ्ढ के मुशक्कत लई फ़ैकटरी जाण दा हुकम सुणाएगा। तां किते जा के हाकम नूं सबक सिखाउण दा सिलसिला शुरू होएगा।