ਆਖਦੇ ਨੇ ਆਪਣੇ ਭਾਵੇਂ ਸੱਤ ਸਮੁੰਦਰ ਪਾਰ ਵੀ ਜਾ ਵਸਣ ਪਰ ਜਦੋਂ ਕਿਤੇ ਵੇਲੇ ਦੇ ਝੱਖੜ ਯਾਦਾਂ ਦੀ ਅਟਾਰੀ ਦਾ ਭਿੱਤ ਧੱਕੋ ਜ਼ੋਰੀ ਖੋਲ੍ਹ ਦੇਣ ਤਾਂ ਅਪਣਿਆਂ ਦੇ ਹਸਦੇ ਰਸਦੇ ਮੁਖੜੇ ਅੱਖਾਂ ਸਾਂਹਵੇਂ ਆਣ ਕੇ ਕਲੋਲ ਕਰਨ ਲੱਗ ਜਾਂਦੇ ਨੇ। ਅਪਣੀ ਜੱਦ ਨਸਲ ਦੀ ਤਾਂ ਗੱਲ ਹੀ ਵੱਖਰੀ ਏ। ਇੱਕ ਪਿਓ ਦਾਦੇ ਦੀ ਅਨਸ ਭਾਵੇਂ ਕਿਤੇ ਵੀ ਜਾ ਵੱਸੇ, ਭਾਵੇਂ ਕਿਸੇ ਵੀ ਧਰਮ ਦੀ ਧਾਰਨ ਵਿੱਚ ਤੁਲਦੀ ਰਵੇ੍ਹ ਪਰ ਮੇਰੇ ਮਾਨਜੋਗ ਮਿੱਤਰ ਇਹਸਾਨ ਬਾਜਵਾ ਹੋਰੀਂ ਆਖਦੇ ਨੇ, ਯਾਰ ਧਰਮ ਬਦਲਿਆਂ ਲਹੂ ਦਾ ਗਰੁਪ ਤਾਂ ਨਈਂ ਬਦਲਦਾ, ਅਪਣਿਆਂ ਦਾ ਹੇਜ ਨਈਂ ਘਟਦਾ। ਓਹੋ ਈ ਗੱਲ ਮੇਰੇ ਨਾਲ ਹੋਈ ਜਦੋਂ ਲਾਹੌਰੋਂ ਨਾਰੋਵਾਲ ਜਾਂਦਿਆਂ ਮੈਂ ਇਹਸਾਨ ਬਾਜਵਾ ਦੇ ਪਿੰਡ