ਚਿਰ ਹੋਇਆ ਨੈਸ਼ਨਲ ਜੁਗਰਾਫੀਏ ਵਿਚ ਪੜ੍ਹਿਆ ਸੀ ‘ਸਿੰਘ ਨੂੰ ਕੋਈ ਮਸ਼ੀਨ, ਜਿਹੜੀ ਉਹਨੇ ਕਦੀ ਦੇਖੀ ਵੀ ਨਾ ਹੋਵੇ, ਦੇ ਦਿਉ, ਉਹ ਉਹਨੂੰ ਚਲਾ ਲਵੇਗਾ’। ਮੈਨੂੰ ਕਿਰਪਾਲ ਸਿੰਘ ਪੰਨੂੰ ਹੋਰਾਂ ਨੂੰ ਮਿਲ ਕੇ ਕੁਝ ਏਦਾਂ ਦਾ ਹੀ ਅਨੁਭਵ ਹੋਇਆ ਸੀ, ਜਿਸ ਨੇ ਆਪਣੇ ਫੌਜੀ ਜੀਵਨ ਵਿੱਚ ਕੰਪਿਊਟਰ ਕਦੀ ਵਰਤਿਆ ਹੀ ਨਹੀਂ ਸੀ ਫਿਰ ਵੀ ਉਹ ਇਸ ਖੇਤਰ ਵਿੱਚ ਏਡੀਆਂ ਮੱਲਾਂ ਮਾਰ ਗਿਆ ਕਿ ਵੱਡੇ-ਵੱਡੇ ਧੁਨੰਤਰ ਮਾਤ ਹੋ ਗਏ।

ਪੰਨੂੰ ਬਹੁਤ ਘੱਟ ਬੋਲਦਾ ਹੈ। ਚੁੱਪ ਚਾਪ ਸਿਰੜ ਨਾਲ ਕਾਢਾਂ ਕੱਢੀ ਜਾਣੀਆਂ ਤੇ ਅੰਦਰੋ ਅੰਦਰੀ ਮੁਸਕਰਾਣਾ ਅਨੰਤ ਦੀ ਸੰਤੁਸ਼ਟੀ ਤੇ ਖੁਸ਼ੀ ਜੋ ਹਰ ਕਲਾਤਮਕ ਰਚਨਾ ਕਰਨ ਵਾਲੇ ਨੂੰ ਹੁੰਦੀ ਹੈ, ਨੂੰ ਉਹ ਮਾਣਦਾ ਹੈ।