गुरू नानक देव अते समुंदरी मलाह वासको डा गामा हाणो-हाणी सन। दोहां दा जनम 1469 ईसवी विच्च होइआ सी। 1969 विच्च दोहां दीआं पंजवींआं जनम शताबदीआं धूमधाम नाल मनाईआं गईआं। पुरतगाल दी सरकार नें वासको डा गामा दी याद विच्च यादगारी सिक्के कढ्ढे सन। पंजाब सरकार नें गुरू नानक देव दे नां उत्ते अंम्रितसर विच्च यूनीवरसिटी सथापित कीती सी। समें दा गेड़ वेखो कि पूरब वल्लों गुरू नानक देव 1496 विच्च उदासीआं दे पंध पए अते पछ्छम वल्लों वासको डा गामा 1497 विच्च पुरतगाल तों इंडीआ नूं ठिल्ल्हिआ।

गुरू नानक देव पूरब विच्च राइ भोइ दी तलवंडी (ननकाणा साहिब) विच्च जनमे सन जद कि वासको डा गामा पछ्छम विच्च पुरतगाल दे शहिर साईनज़ विच्च जंमिआ सी। दोहां नें दुनीआ दा लंमा चौड़ा सफ़र कीता। इक्क नें पैदल ते दूजे नें समुंदरी बेड़िआं उत्ते। अणजाणे राहां दा उह सफ़र हज़ारां कोहां दा सी। विचारन वाली गल्ल है कि उनहां दे औझड़ पैंडिआं दा उदेश की सी? उनहां दे अनुआईआं नें उनहां दे उदेश उत्ते किंना कु अमल कीता? हुण जदों गुरू नानक देव जी दा 550वां प्रकाश पुरब मनाइआ जा रिहा है, उनहां दीआं उदासीआं दे उदेश नूं अपनाउण दी किते वध्ध लोड़ है।

बाल नानक पांधे अते मौलवी तों अख्खर पहड़ के डंगर चारन लग्गे सन। डंगर चारदिआं धुप्पे हि अख्ख लग्ग गई। मझ्झां राए बुलार दी पैली विच्च वड़ गईआं। उलांभे आउण लग्गे। पिता महिता कालू नें आपणे पुत्तर नूं लीह उत्ते पाउण लई वीह रुपईए दे के किहा, “जाह नानक, सौदा पत्ता कर, खट्ट कमा।”

उदों दे वीह रुपईए हुण दे लख्खां रुपईआं बराबर सन।

गुरू नानक नें उनहां रुपईआं दा भुख्खे साधूआं नूं यानी लोड़वंदां नूं अंन पाणी छका दित्ता। आपणे जाणे सच्चा सौदा कर लिआ। कारल मारकस दी विचारधारा ‘योगता अनुसार कंम अते लोड़ अनुसार वसत’ बाअद विच्च आई। गुरू नानक दी सच्चे सौदे वाली मिसाल नाल लोड़वंद लोकां नूं खाणा खुआउण दी पिरत पै गई जिस नूं गुरू दे सिख्खां नें ‘गुरू का लंगर’ नां दे दित्ता। शुकर है उह पिरत अज्ज वी काइम है। पदारथवाद दे बेरुखे वरतारिआं समें वी गुरदवारिआं विच्च लोड़वंदां नूं मुफ़त खाणा परोसिआ जांदा है। उत्थे जात बरादरी नहीं वेखी जांदी, ऊच नीच नहीं परखी जांदी। फिर वी सभ थांईं सभ कुझ अछ्छा नहीं। गुरू दे सिख्खां नूं आपणी अंतर आतमा अंदर झात मारन दी लोड़ है।

गुरू नानक देव जी दा उदेश सी, पराइआ हक्क नां मारना, माइआ नाल मोह नां करना, माइआ विच्च खचत नां होणा, माइआ इकठ्ठी करन लई किरतीआं अते उपजाऊ साधनां दी लुट्ट खसुट्ट नां करनी अते सारी उमर माइआ ख़ातर ही पापड़ नां वेली जाणे। माइआ दे माड़े रोल बारे गुरू नानक देव जी नें बहुत कुझ लिखिआ जिसदा तत्तसार है: पापा वाझहु होवे नाही मुइआ साथि न जाई। सरल अरथ हन: पापां बिनां यानी लुट्ट खोह करे बिनां माइआ इकठ्ठी नहीं हुंदी। जिहड़े फिर वी इकठ्ठी करनो नहीं टलदे, मरन वेले उह उनहां दे नाल नहीं जांदी। चंगा रहे जे बंदा किरत करे, वंड छके ते नाम जपे। सरबत्त दा भला इसे विच्च ही है। इस उदेश दे परचार लई गुरू नानक देव जी नें चार उदासीआं भाव चार लंमे सफ़र कीते। बाणी रची, गाई, गोशटां कीतीआं अते कहीआं गल्लां उत्ते ख़ुद अमल कर के विखाइआ।

सवाल पैदा हुंदा है कि की गुरू दे सिख्ख गुरबाणी ’ते ख़ुद अमल कर रहे हन? किते पाखंड तां नहीं कर रहे? गुरां दा बचन है: छोडीले पाखंडा ...।

दूजा पासा देखो। वासको डा गामा अणगौलिआ बच्चा सी। उहदी जनम तारीख दा अजे वी पक्का पता नहीं। इंना कु पता लग्ग सकिआ कि उह 1460विआं विच्च जंमिआ सी। उहदा जनम साल अटेसटे नाल ही 1469 लिखिआ गिआ जो सबब्ब नाल गुरू नानक देव दा असली जनम साल है। मलाहगीरी उहदा शौक सी। जान जोखों वाला सी। ख़तरे सहेड़न वाला। जुआन होइआ तां पुरतगाल दे बादशाह नें उस नूं समुंदरी बेड़ा दे के इंडीआ लभ्भण लई भेजिआ। उस दा उदेश सी, नवां मुलक लभ्भणा, वणज वपार करना अते दौलत नाल मालामाल होणा। इह उदेश गुरू नानक देव जी दे उदेश दे बिलकुल उलट सी।

वासको डा गामा नें इंडीआ नूं पहिला समुंदरी बेड़ा 8 जुलाई 1497 नूं ठेल्हिआ। उह 20 मई 1498 नूं कालीकट पुज्जा। गुरू नानक देव वांग नां किसे नाल गोशट कीती, नां जीवन दा उदेश दस्सिआ, नां जीवन दी बंदखलासी दा राह दस्सिआ। इंडीआ पहुंचा ते मसालिआं दे बेड़े भर के यूरप विच्च महिंगे भाअ वेचण लई लै गिआ। गुरू नानक दा उदेश माइआ तों मुकत सचिआरा जीवन जिऊणा सी जद कि वासको डा गामा नूं भेजण वाले बादशाह दा मंतव बहुती माइआ इकठ्ठी करना सी। वासको डा गामे नें चार गेड़े लाए ते चौथा गेड़ा लाउंदिआं 24 दसंबर 1524 नूं इंडीआ दे शहिर कोची विच्च चलाणा कर गिआ। उस दी देह दफना के पहिलां उहदी कबर कोची विच्च ही बणाई गई, फिर 1939 विच्च देह पुरतगाल लिजा के दफनाई गई। गुरू नानक देव जी नें वी चार उदासीआं भाव चार चक्कर लाए। फिर करतारपुर वसाइआ, ख़ुद खेती कीती, लंगर लाए अते 1939 विच्च करतारपुर विखे जोती जोत समाए जित्थों दे लांघे दीआं गल्लां अज्ज कल्ल्ह चरचा दा विशा हन।

समें दा गेड़ वेखो, वासको डा गामा नूं बिखड़े पैंडिआं उत्ते पाउण वालिआं दे लोटू टोले समें नाल गलोबलाईजेशन तक पुज्जदिआं मलटीनैशनल कंपनीआं बणा के कुल्ल दुनीआ दी दौलत लुट्ट रहे हन ते माइआ इकठ्ठी करन डहे हन। माइआ इकठ्ठी करन लई उह जंगी हथिआर बणा रहे, मुलकां नूं पाड़ रहे, आपस विच्च लड़ा रहे, मारू नशे चला रहे, दहिशत फैलाअ रहे, वड्डे मौल बणा रहे, वणज वपार वधा रहे, करंसी दी खेड खेड रहे अते लोकराजां दी पट्टी मेस करन लई वोटां वेच वट्ट रहे नें! लोकाई बलदी दे मूंह दे रख्खी है उनहां नें।

इध्धर गुरू नानक देव जी दे पैरोकारां वल्ल नज़र मारो। की उह आपणे गुरू दे दरसाए मारग उत्ते चल्ल रहे नें जां उह वी वासको डा गामे दे चेले बण गए होए नें! किते ‘राज नहीं सेवा’ दे नां उत्ते नोटां नाल राज लैण ते राज नाल नोट इकठ्ठे करन दा डरामा तां नहीं करी जा रहे?

कुझ साल पहिलां मैं सिआटल कबड्डी टूरनामैंट दी कुमैंटरी करन गिआ। कुमैंटरी करदिआं मैथों किहा गिआ कि कंपिऊटर साफटवेअर वाला बिल्ल गेटस इसे शहिर दा ही है। उह सभ तों वड्डा इंपलाइर है। उहदी सालाना आमदन 90 बिलीअन डालर तों वध्ध ऐ। इक्क बंदा मेरे कोल आइआ ते आखण लग्गा, “बिल्ल गेटस नहीं, सभ तों वड्डा इंपलाइर ऐ गुरू ग्रंथ साहिब। साडा महाराज। उहदी सालाना आमदन दे तां बिल्ल गेटस पा पासक वी नहीं।”

मैं किहा, “महाराज तां माइआ तों मुकती दा मारग दस्सदे नें। मैंनूं तुहाडी गल्ल दी समझ नहीं आई।”

उस नें गल्ल समझाई - अखे साडे महाराज दे वी अनेकां एजंट नें, जिनहां वासको डा गामा वांग वपारी बण के गुरबाणी ही वेचणी ला छड्डी ऐ! वेख लओ हज़ारां गुरदवारे जथेदारां ते सेवादारां नें कमाई दे सटोर बणा छड्डे नें। उत्थे पाठ विकदे नें, कीरतन विकी जांदा है, कथा विकदी ऐ, कार सेवा विकदी है, की नहीं विकदा उत्थे? अगलिआं नें अरदास दी वी भेटा/फीस ला रख्खी ऐ। ढोलकीआं वाजे, ढड्ड सारंगीआं, गल्ल की सारे साज़ बाज ई पौंड पौंड, डालर डालर कूकी जांदे नें। दरबार साहिब जा के देख लओ। घट्ट माइआ नाल मत्था टेको तां चल्लो अगांह। वध माइआ नाल मत्था टेको तां अगले सिरोपे बख़शदे नें!

कौण पुछ्छदा है कि गुरू नानक देव जी नें तां मलक भागो दे माल्ह पूड़िआं दी थां भाई लालो दी कोधरे दी रोटी नूं पहिल दित्ती सी। उनहां शबद उचारिआ सी:

नीचा अंदरि नीच जाति नीची हू अति नीचु।।

नानकु तिन कै संगि साथ वडिआ सिउ किआ रीस।।

 

जिथै नीच समालीअनि तिथै नदरि तेरी बखसीस।।

अजे वी वेला है पाखंड छड्डण दा, आपणे गुरू दे लड़ लग्गण दा, नां कि गुरू नानक तों बेमुख हो के वासको डा गामा दे पिछलग्ग बणन दा, अते माइआ दे टेटे चहड़ के खज्जल खुआर होई जाण दा। नहीं तां फिर असीं गुरू नानक दे की लग्गदे हां?