सतवें दहाके दे अंत उत्ते चल्ली नकसलबाड़ी लहिर नें समुच्चे भारत दे चेतंन अते जोशीले मध्ध-वरगी गभ्भरूआं नूं आपणे कलावे विच्च लै लिआ। हुण तक्क आज़ादी नाल जुड़े सुपनिआं तों जन-साधारन दा मोह-भंग हो चुक्का सी। सिआसी-समाजी जीवन विच्च नित्त फ़ैलदे जा रहे भ्रिशटाचार अते आदरश-विहीणता तों लोक दुखी सन। ‘इनकलाब’ लई तुरीआं पारटीआं ‘बुनिआदी सिध्धांतक वखरेविआं’ कारन पहिलां ही अड्डो-पाटी हो चुक्कीआं सन।

नकसलबाड़ी अंदोलन नें ‘तेज़-गती’ नाल ‘दौड़ के’ इनकालब तक्क पहुंचण लई जो नाअरा दित्ता उह सुपनशील दिलां लई हुलारा बण गिआ। इस लहिर नाल जुड़े आगू वी वधेरे प्रतीबध्ध, ईमानदार अते कुरबानी वाले जापदे सन। किसे शौक नूं तां नहीं सन उह सथापती दा तशद्दद सहिण लई तिआर होए! पंजाब विच्च नौजवान लेखकां दा इक्क वड्डा वरग इस विचारधारा वल्ल आकरशित होइआ। इह महिसूस कीता जाण लग्गा कि इहनां समिआं विच्च बुनिआदी सिआसी परिवरतन ही पहिली अते प्रमुख्ख लोड़ है। इस लोड़ दी फ़ौरी पूरती वासते साहित नूं इक्क हथिआर वजों वरतिआ जाणा चाहीदा है। लिख़तां राहीं सिआसी विचारधारा दा प्रचार वी होणा चाहीदा है ते लोकां अते पाठकां नूं इस ‘विशेश लहिर’ हित सरगरमी नाल कंम करन लई लामबंद कीता जाणा चाहीदा है।

इस वेले तक्क मेरा मारकसवाद दा कोई डूंघा मुतालिआ नहीं सी। लोक-संघरश लड़दे कमिऊनिसट मैनूं शुरू तों ही आपणे लग्गदे रहे सन पर मैं किसे इक्क पारटी नाल नहीं सां जुड़िआ होइआ। ‘सज्जे-खब्बे’ दोवें ही मेरे आपणे सन। पर जदों हुण उहनां विच्चों निकली ‘तीजी धिर’ वल्लों दस्सिआ गिआ कि ‘इह दोवें पारटीआं तां इनकलाबी पैंतड़े तों उख्खड़ के पारलीमैंटरीवाद दे औझड़े राह ‘ते पै गईआं अते इनकलाब दीआं भगौड़ीआं हन’ तां मेरे जोशीले मन नूं वी इह गल्लां ठीक लग्गण लग्गीआं।

इस तों पहिलां वी मैं प्रगतीवादी विचारधारा तों प्रभावित तां सां ही अते मेरीआं लिखतां विच्च इक्क आदरश वी विदमान हुंदा सी। अजे पिछले साल ही मेरी इक्क कहाणी ‘अख्खां विच्च मर गई ख़ुशी’ ‘प्रीत-लड़ी’ विच्च छपी सी। उस कहाणी विच्च जन-सधारन दीआं ‘अख्खां विच्च मर गई उस खुशी’ दा दुखांत सिरजिआ गिआ सी, जिहड़ी ख़ुशी यूनीअन जैक दे उत्तरन अते तिरंगे झंडे दे लहिराउण नाल साधारन लोकां दीआं अख्खां विच्च चमक उठ्ठी सी। मेरी इस कहाणी बारे नवतेज सिंघ नें मैनूं बड़ी ही हुलारा देण वाली पिआरी चिठ्ठी लिख के मेरी कहाणी-कला अते उस विच्च पेश द्रिशटीकोण दी सराहणा कीती। उस कहाणी बारे प्रीत-लड़ी दी मारफ़त आईआं कुझ्झ चिठ्ठीआं वी नवतेज सिंघ नें मैनूं भेजीआं। इहनां चिठ्ठीआं विच्चों मिली प्रसंसा अते प्रेरना नें वी मैनूं अहिसास दुआइआ कि ‘राजसी दिख्ख’ वाली कहाणी लिखणा समें दी लोड़ है। राजसी तबदीली इस समें दी मुख्ख ज़रूरत समझ लई जाण करके मेरीआं कहाणीआं दा आदरश ‘इनकलाब’ हो गिआ। जिहड़ी लिख़त लोक-घोलां नूं तिख्खा अते उतशाहित नहीं करदी उह मेरे अते मेरे समभावी लोकां लई गौण-महत्तव दी धारनी समझी जाण लग्गी। ‘प्रीत-लड़ी’ विच्च छप जाण कर के हुण तां मेरे अंदर ‘कहाणीकार’ बण जाण दा भरोसा वी पैदा हो गिआ सी।

इहनां दिनां विच्च ही लुधिआणे तों छपदा मासिक पत्तर ‘हेम-जयोती’ वी इक्क दम आपणा ‘रंग’ बदल गिआ। इसदा संपादक ‘सुरेंदर’ साहितक अते सुहजातमक रुचीआं वाला विअकती सी। उसने कुझ्झ साल पहिलां जदों ‘हेमजयोती’ परचा शुरू कीता तां इस विच्चों उसदीआं इहनां रुचीआं दा झलकारा मिलदा सी। कला, साहित, खेडां अते बच्चिआं नूं समरपित इस परचे विच्च तसवीरां वी छपदीआं। उस वेले तक्क इस परचे दी ज़ाहिरा तौर ‘ते कोई राजसी रंगत नहीं सी। पर हुण इह बदले होए रंग विच्च सिआसत अते साहित दे नेड़ले संबंधां नूं प्रगटाउण दा वाहण हो निब्बड़िआ। इस विच्च लेखकां नुं उचेची वंगार दित्ती हुंदी सी कि उह समें दे हाणी हो के वकत दे शेर दीआं अख्खां विच्च झाकण दी जुरअत्त करन ते इहो जिहीआं जानदार लिख़तां लिखण जिहड़ीआं ‘इनकलाब’ लई लड़ी जा सकण वाली वड्डी छाल वासते पड़ुल्ल बणन। साडे लई वरतमान समें विच्च लड़ी जाण वाली वड्डी सिआसी लड़ाई हित पाठकां नूं प्रभावित अते प्रेरित करना ही साहित दा मुख्ख मनोरथ हो गिआ।

कोई वी वडेरी घटना, दुरघटना जां सिआसी हलचल सभ तों पहिलां कविता विच्च ही अभिविअकत हुंदी है। कहाणी जां नावल लिखण लई प्रचलित वरतारे तों थोहड़ी साहितक वित्थ दरकार हुंदी है तां कि लेखक समें दी वित्थ तों वख्ख अते उच्चा हो के समुच्चे वरतारे नूं निहार अते पड़ताल सके। उसदीआं गुंझलां, परतां अते पेचीदगीआं नूं समझ सके अते रचना विच्च संतुलत ‘साहितक तरक’ सिरज सकण दे समरत्थ हो सके। समकाली घटनावां दे वहिण विच्च वहिंदिआं लेखक दे इक्क-पासड़, उलार अते अंतरमुखी हो जाण दी शंका अते संभावना बणी रहिंदी है। इसे लई इस समें पैदा होई इस साहितक-सिआसी लहिर नूं सभ तों वध्ध भरवां हुंगारा कवीआं वल्लों मिलिआ। साहितक चितर-पट्ट उत्ते पाश, अमरजीत चंदन, हरभजन हलवारवी, लाल सिंघ दिल, संत संधू, दरशन खटकड़ आदि कवीआं दा उदै होइआ।

‘हेम-जयोती’ विच्च छपदे कवीआं अते होर लेखकां दीआं लिखतां ‘चों तां ततकालीन साहितक-सिआसी चिंता दा प्रगटावा हुंदा सी, पर पाठक मंग कर रहे सन कि कहाणी दे खेतर विच्च अजिही साहितक-सिआसी सोच दा प्रगटावा किउं नहीं हो रिहा! अजिही मंग करदीआं चिठ्ठीआं वी परचे विच्च छप रहीआं सन। मेरा अंदर वी इस लोड़ नूं शिद्दत नाल महिसूस कर रिहा सी। समें दे रुझान मुताबक मैं जुझारू कवितावां वी लिख रिहा सां अते उस वेले दे अठ्ठ-दस चंगे शाइरां दी सूची विच्च पिछे जिहे कर के मेरा नां वी छपदा हुंदा सी। इहनां दिनां विच्च इनकालबी लेखकां दीआं कानफ़रंसां अते कवी-दरबार वी होण लग्गे। मैं इहनां कानफ़रंसां विच्च वी हाज़र हुंदा। कवी-दरबारां विच्च कवितावां पहड़दा। चारे पासे जोश अते उतशाह दा वातावरण सी अते कुझ्झ कर गुज़रन दी प्रबल ख़ाहिश। उस समें छपे चोणवें कावि-संग्रहिआं ‘आरंभ’ अते ‘असीं जिऊंदे असीं जागदे’ आदि विच्च वी मेरीआं कवितावां वी शामिल कीतीआं गईआं सन। कुझ्झ कवितावां दे अनुवाद तां उस वेले दे प्रसिध्ध हिंदी सपताहिक ‘धरम-युग’ विच्च वी छपे सन।

पर मैं कहाणी लेखक वजों इनकलाबी रंग दी कहाणी लिखण वाला पहिला लेखक बणना चाहुंदा सां। इहनां दिनां विच्च इक्क नौजवान नूं पुलिस नें झूठे पुलिस मुकाबले विच्च मार दित्ता। उस बारे परैस्स विच्च खासा रौला पिआ। नवतेज सिंघ नें ‘प्रीत-लड़ी’ विच्च ‘मेरी धरती मेरे लोक’ कालम विच्च इस अणमनुख्खी कतल बारे आपणा रंज अते रोस वी प्रगाटाइआ। उस होणहार नौजावान दी मौत नूं, विचारधारक फ़रक दे बावजूद, सारे अगांहवधू हलकिआं विच्च निंदिआ गिआ। दुख्ख अते रंज विच्च भरे मेरे मन नूं लग्गा कि मैनूं उसदी मौत ‘ते साहितक-हाउका ज़रूर भरना चाहीदा है। मैं कहाणी लिखी, ‘लोहे दे हत्थ’। जदों इह कहाणी ‘हेम-जयोती’ विच्च छपी तां इसदी बड़ी सराहना होई। सुरेंदर हेमजयोती नें मैनूं लिखिआ कि, “लोहे दे हत्थ’ वरगी कहाणी लिखण वाले तेरे हत्थ चुंम लैण नूं जीअ करदा है!”

इसे समें जदों मेरीआं कुझ्झ होर कहाणीआं ‘हेम जयोती’ विच्च छपीआं तां लेखकां-पाठकां वल्लों इहनां नूं भरपूर हुंगारा मिलण लग्गा। ‘हेम-जयोती’ विच्च छपीआं अते मैनूं आईआं चिठ्ठीआं नें इह दस्सिआ कि मैं ‘समें दे हाण’ दी कहाणी लिख रिहा हां। बेशक्क मैं कवितावां वी लिख रिहा सां पर पहिले अते इको इक्क ‘इनकलाबी’ कहाणीकार दे तौर ‘ते मेरी पछाण होणी शुरू हो गई सी। 1970 दे ख़तम हुंदिआं अगले साल विच्च उभर रहीआं नवीआं साहितक संभावनावां वजों ‘हेमजयोती’ दे संपादकी विच्च लिखिआ गिआ, “पाश, लाल सिंघ दिल, दरशन खटकड़ अते वरिआम संधू 1971 दा इकरार हन।”

इहनां विचों पहिले तिंन तां कवी सन- केवल मैं ही इकल्ला संबंधत विचारधारा दे साहितक आगूआं दीआं नज़रां विच्च, कुझ्झ ‘नवां कर सकण वाला’ कहाणीकार सां। इहनां ही दिनां विच्च मैनूं हरभजन हलवारवी अते अमरजीत चंदन आ मिले। उहनां दी सोच मुताबक मैं उहनां दा संगी-साथी बणन वाला बड़ा योग विअकती सां। हलवारवी उस वेले नकसलबाड़ी लहिर नाल संबंधत राजसी परचे ‘लोक-युध्ध’ दा संपादक अते पारटी दी सूबा कमेटी दा मैंबर सी पर उह अमरजीत चंदन नाल मिल के ‘साहितक फ़रंट’ नुं उसारन अते मज़बूत करन लई वी योगदान पा रिहा सी। चंदन नूं मैं पहिलां वी इक्क दो मीटिंगां विच्च वेखिआ अते मिलिआ होइआ सां। साडी इह मिलणी अंम्रितसर दे हाल-बाज़ार दे बाहर किसे चाह दी दुकान उत्ते होई। इस उचेची मिलणी दा मकसद ज़ाहिर सी कि मैं उहनां दे ‘संघरश’ विच्च उहनां दा साथी बणां!

उह दोवें उस तों बाअद मेरे कोल मेरे पिंड वी आउण लग्गे। अमरजीत चंदन घट्ट बोलण वाला पर तिख्खी विअंगमई गल्ल कर के टेढे रुख़ मुसकराउंदा; जद कि हलवारवी वधेरे बेबाक अते खुल्ल्ह के निरछल हासा हस्सण वाला विअकती सी। दोवें ही उस वेले अंडरगराऊंड सन। दोवां नाल ही मेरी नेड़ली सांझ सी। दोवें ही मैनूं पिआर करदे। मेरे मां-पिओ उहनां नूं आपणे पुत्तरां वांग रख्खदे। मेरे मापिआं नूं इह वी लग्गदा कि मावां दे इह लाडले पुत्त घर-घाट छड्ड के, सिर ‘ते खफ्फण बंनह के भगत सिंघ वांग कुरबान होण लई मैदान विच्च नित्तरे होए हन।

अगले दिनां विच्च मैं हलवारवी नाल कुझ्झ वधेरे खुल्ल्ह गिआ। उह मेरे लई भारे-गौरे चिहरे वाला, गिण-मित्थ के सोच सोच के गल्ल करन वाला राजसी आगू नां रहि के, अपणत्त-भाव नाल भरिआ, सरल शख़सीअत वाला मोह-वंता इनसान बण गिआ। कहिंदे हन जदों तुसीं किसे नाल पिआर अते लिंग-संबंधां दे मुआमले विच्च आपणे भेद सांझे करन लग्ग जावो तां तुहाडी आपस विचली अहुदे जां दरजे दी पहिल-दूज ख़तम हो जांदी है अते तुसीं इक्क दूजे नाल बराबर दी धिर वजों विचरना शुरू कर दिंदे हो। साडे नाल वी इंज ही होइआ। इस विशे उत्ते साडे कोल भावें बहुता कुझ्झ दस्सण-सुणन लई है नहीं सी पर जिंनां वी सी, उह असीं इक्क दूजे नाल सांझा करन लग्ग पए। साडी इह सांझ निरोल राजसी सांझ नां रहि के मानवी सांझ बण गई। पर राजसीपण इस विच्चों ग़ैरहाज़र नहीं सी। हलवारवी नें मेरा हुण तक्क दा लिखिआ सारा साहित पहड़िआ। मेरे चंगे लिखे दी प्रसंसा कीती अते कच्ची लिख़त उत्ते असीं दोहवें रल के हस्सदे वी।

आपणी लिख़त नूं इंज दूरी तों वेख के उस उत्ते हस्स सकणा अते उसनूं रद्द कर सकणा उस लेखक लई बहुत ज़रूरी है जो अग्गे कुझ्झ नवां करना चाहुंदा है। मैं किउंकि इस समें कुझ्झ नवां, वख्खरा अते विशेश लिखणा अते दिसणा चाहुंदा सां, इस लई मैनूं आपणे पुराणे लिखे तों इक्क दम नाता तोड़न दी लोड़ वी महिसूस होई। रोमांटिक-इनकलाबी ते सुधारवादी रंग तां भावें मेरीआं पहिलां लिखीआं कहाणीआं विच्च वी सी तद वी उहनां विचों कुझ्झ कहाणीआं मनोविगआनक रंगण वालीआं यथारथक ते कलातमक कहाणीआं वी सन। पर हुण सिआसी विचारधारा नाल प्रतीबध्ध हो के निसचित सिआसी मकसद दी पूरती लई लिखणा मेरा उदेश हो गिआ। जीवन दे विभिंन रंगां नूं पहड़न ते पछानण वाली साहितक नज़र नूं मैं ‘लाल रंग’ वालीआं ऐनकां ला के ओहले विच्च कर लिआ। मैनूं केवल ते केवल इक्क रंग ही दिखाई देण लग्गा। लग्गदा, दूजे रंगां नाल खेडणा झख्ख मारन बराबर है।

हुण तक्क दा मेरा जो कुझ्झ वी छपिआ सी उह सारा ही आपणी मां नूं चुल्ल्हे विच्च अग्ग बालण लई दे दित्ता। हुण मैं बीते दीआं लिख़तां तों सुरख़रू हो गिआ सां। इहो ही कारन सी कि जदों मैनूं आखिआ गिआ कि पहिला कहाणी-संग्रहि छपवाउण लई आपणीआं चोणवीआं कहाणीआं दा खरड़ा तिआर करां तां मैनूं मसां दस कहाणीआं लभ्भ सकीआं, जिहड़ीआं मुशकिल नाल किताब दे अस्सी कु पंनिआं तक्क ही फ़ैल सकीआं। 1971 विच्च छपे इस संग्रुहि ‘लोहे दे हत्थ’ नूं छपाउण दा सारा उद्दम अमरजीत चंदन नें कीता। इसतों कुझ्झ चिर पहिलां नाटककार गुरशरन सिंघ नवें सथापत कीते प्रकाशन-घर ‘बलराज साहनी पुसतकाला’ वल्लों पाश अते संत संधू दे कावि-संग्रहि ‘लोह-कथा’ अते ‘सीस तली ‘ते’ छाप चुक्का सी। मेरा कहाणी-संग्रहि वी गुरशरन सिंघ वल्लों ही छापिआ गिआ पर इस उत्ते सुरेंदर हेमजयोती नाल संबंधत ‘देवदूत पबलिशरज़, लुधिआणा’ दा नाम प्रकाशक वजों छापिआ गिआ।

किताब छप गई तां गुरशरन सिंघ नें मुख़तार गिल्ल दे हत्थ इसदीआं सौ कापीआं मैनूं भेजीआं। इस विच्च पछ्छमी निक्की कहाणी दे अकादमिक बंधेज अनुसार निक्के आकार दीआं कहाणीआं शामल सन। इहनां कहाणीआं विच्च आरथक काणी-वंड अते ग़रीबी दा संताप, प्रापत आज़ादी दा खोखलापण, सथापत ताकतां दा जबर-ज़ुलम वी सी अते इस ज़ालम अते जाबर निज़ाम नूं तबदील करन दी वंगार सी। ‘जेब कतरे’ अते ‘लोहे दे हत्थ’ विच्च तां इस सथापत नज़ाम नूं तबदील करन हित अंध-विशवास तिआग के विगिआनक सोच दे लड़ लग्गण, हथिआरबंद हो के संघरश करन अते आपणे निशाने लई कुरबान हो जाण दा साहितक सद्दा वी दित्ता गिआ सी। इस घोल नूं पंजाब दे गौरवमई इतिहासक-संघरश नाल जोड़ के वेखण दा यतन वी इहनां कहाणीआं विच्चों नज़र आउंदा सी।

इस पुसतक विचलीआं बहुतीआं कहाणीआं तां पहिलां ही ‘हेम-जयोती’, ‘आरसी’ अते ‘प्रीत-लड़ी’ आदि विच्च छप के प्रसंसा हासल कर चुक्कीआं सन पर किताबी रूप विच्च छप के आउण उत्ते इह पाठकां दे वड्डे दाइरे तक्क पुज्ज गईआं अते प्रसंसा दीआं पातर बणीआं। ख़ास तौर उत्ते कालज दे विदिआरथीआं वल्लों पाश दी ‘लोह कथा’, संत संधू दी ‘सीस तली ‘ते’ अते मेरी पुसतक ‘लोहे दे हत्थ’ उचेच नाल ख़रीदीआं अते पहड़ीआं जाण लग्गीआं। कुझ्झ नवें छपदे परचिआं विच्च इह कहाणीआं पुनर-प्रकाशित वी होईआं। वख्ख-वख्ख कालज-मैग़ज़ीनां विच्च इहनां विच्चों बहुतीआं कहाणीआं विदिआरथीआं वल्लों आपणे नावां उत्ते छपाईआं होईआं मैं आप वेखीआं। साडे पिंड लागले कालज बीड़ बाबा बुढ्ढा साहिब विखे दसंबर 1971 विच्च सुरजीत पातर ते जोगिंदर कैरों वल्लों करवाए गए कवी-दरबार विच्च हिस्सा लैण गिआ तां वेखिआ कि कंधां उत्ते काले पेंट नाल मोटे अख्खरां विच्च लिखिआ होइआ सी, ‘लोहे दे हत्थ’ किताब मारकीट विच्च आ गई है, ‘लोहे दे हत्थ’ पहड़ो, आदि।”

राम सरूप अणखी नें इस कहाणी-संग्रहि बारे अजीत अख़बार विच ् इक्क कालम विच्च लिखिआ सी कि जे इस वकत तक्क छपे सारे कहाणी-संग्रहि तक्कड़ी दे इक्क पल्लड़े विच्च रख्ख दित्ते जाण ते दूजे पलड़े विच्च ‘लोहे दे हत्थ’ निक्की जिही पुसतक रख्ख दित्ती जावे तां ‘लोहे दे हत्थ’ वाला पलड़ा भारी होवेगा।

‘तीसरी अख्ख’ नाम दे कालम हेठ ‘सरदल’ दे अकतूबर 1972 दे अंक विच्च गुरशरन सिंघ नें लिखिआ, “‘लोहे दे हत्थ’ संग्रहि दी इक्क इक्क कहाणी, ‘काली धुप्प’, ‘नंगा सूरज’, ‘सांझ’, ‘पुछ्छणा’, ‘अख्खां विच्च मर गई ख़ुशी’, ‘दुखांत दा सफ़र’, ‘राखा’, ‘अनोखा राही’, ‘जेब कतरे’, ‘लोहे दे हत्थ’, संघरशशील-साहित दे मिथे होए टीचे ‘ते पूरी उत्तरदी है। - ‘लोहे दे हत्थ’ संग्रहि दीआं इह कहाणीआं कहाणी कला दी हर परख़ ते पूरा उत्तरदीआं हन अते आम कहे गए इस कथन नूं कि नवें लेखकां विच्च साधना दी घाट है, झुठलाउंदीआं हन। इस लेखक कोलों इह उमीद कीती जा सकदी है कि उह आपणे राह ‘ते चल्लदा होइआ संजीदा साहित सिरज सकेगा।”

नौजवान वरग ते तबदीली दी ख़ाहश रख्खण वाले लेखकां विच्च इस कहाणी-संग्रहि नें मैनूं उचेची पछाण अते प्रसिध्धी दित्ती। पर कुझ्झ होर हलकिआं वल्लों ‘विचारां सदका कला नूं कुरबान करन’ दे मेरे साहितक वतीरे दी आलोचना वी होई। उहनां लेखकां-आलोचकां वल्लों लोक-पीड़ नूं सुहिरदता नाल अनुभव कर के लिखीआं गईआं इहनां कहाणीआं दी दिशा नूं तां सलाहणयोग आखिआ गिआ पर नाल ही इह वी किहा कि मैनूं भविख्ख विच्च वधेरे सफ़ल अते प्रभावशाली कहाणीआं सिरजण लई ‘असुभावकता अते उपभावकता’ तों छुटकारा पाउणा पवेगा। मेरीआं कहाणीआं विच्च ‘बलवान समाजक चेतना’ दी प्रसंसा करदिआं इस विचले ‘भाशणकारी अते नाअरेबाज़ी वाले अंश’ नूं तिआगण दी सलाह वी दित्ती गई। प्रेम प्रकाश नें ‘नवीं सूझ’ वालीआं अते ‘नवें लेखकां नूं नवां राह दस्सण वालीआं’ इहनां कहाणीआं दी प्रसंसा वी कीती पर नाल ही मैनूं सेखों, विरक, धीर वाली प्रंपरा अनुसार ‘पुराणे नुसख़िआं नूं वरतण वाला कहाणीकार’ वी आखिआ। ईशर सिंघ अटारी नें लिखिआ: ‘काली धुप्प’, ‘सांझ’ अते ‘राखा’ वरगीआं सुंदर कहाणीआं लिखण वाला संधू, ‘लोहे दे हत्थ’ वरगी निपट प्रचार वाली अते नाअरे-बाज़ी वाली कहाणी तक्क पुज्ज के कला दे तराज़ू उत्ते जिंना नीवां गिआ है, ‘कला प्रचार लई’ दे उदेश विच्च ओना ही उच्चा उठ्ठ गिआ है।

जिहड़े लोक इहनां कहाणीआं विच्च प्रचार दे अंश दा ज़िकर कर के इहनां कहाणीआं दा कलातमक कद्द घट्ट दस्सणा लोड़दे सन, उहनां दी राइ नाल मैनूं इख़तलाफ़ नहीं, किउंकि इहनां विच्चों कुझ्झ कहाणीआं वाकिआ ही निसचित विचारधारा दे प्रचार हित लिखीआं गईआं सन, पर अजिहा नहीं कि सारीआं कहाणीआं ही सुट्ट पाउण वालीआं सन। इहनां विच्च ‘काली धुप्प’, ते ‘नंगा सूरज’, तां अनुवादित हो के उस समें दे हिंदी दे चरचित परचिआं विच्च वी छपीआं। ‘काली धुप्प’ नाम दी निक्की कहाणी तां हिंदी दे ततकालीन प्रसिध्ध परचे ‘सारिका’ विच्च थोहड़े थोहड़े समें बाअद दो वार छपी अते इसदी सूख़मता अते कला दी दाद मैनूं हिंदी–जगत वल्लों वी प्रापत होई। ‘अख्खां वच्च मर गई ख़ुशी’ तां अजे कुझ्झ ही साल होए हिंदी दे इक्क होर प्रसिध्ध परचे विच्च प्रकाशित होई है, शाइद इस करके कि इसदा सुनेहा अज्ज वी भारती जन-मानस लई कोई अरथ रख्खदा है। ‘अनोखा राही’ डेढ कु दहाके तों पंजाब सकूल बोरड दी अठ्ठवीं श्रेणी दी पंजाबी दी पाठ-पुसतक विच्च शामिल है। पर सथापत नज़ाम प्रती संघणी नफ़रत अते इसनूं बदलण दा सुनेहा कुझ्झ कहाणीआं विच्च मेरे अंदरले सेक कारन कुझ्झ वधेरे फ़ैल गिआ अते कला दे घेरे तों बाहर हो गिआ। कुझ्झ कहाणीआं दे अंत उत्ते अजिही मरोड़ी देण दा यतन वी दिखाई दिंदा सी, जिस तों मैं ‘आपणे सिध्धांत’ दा ज़ाहिरा प्रचार करदा जापदा सां।

‘लोहे दे हत्थ’ कहाणी दा नाइक झूठे पुलिस मुकाबले दा शिकार होइआ इनकलाबी नौजवान सी। उसनूं पुलिस नें कोह कोह के मारिआ सी। कबड्डी ते वालीबाल दे प्रसिध्ध खिडारी, इस दरशनी जवान, दे कुरबान हो जाण पिछ्छों उहदी लाश दा ससकार करन मौके रिशतेदार, आम-लोक, हमदरद अते उहदे साथी दुखांतक अते भावक पलां विच्च इकठ्ठे हुंदे हन। उसदे हत्थां ‘ते बध्धीआं पट्टीआं खोल्ह के वेखदे हन तां कहाणी अनुसार::

-- पर हत्थ बोलदे पए सन, “सानूं मुकाबले तों पहिलां इक्क रेलवे शटेशन तों फहड़ के हत्थकड़ी लाई गई सी ते पुछ्छ-पड़ताल दा केंदर इक्क उजाड़ बण गई सी।”

हत्थां दीआं तलीआं विचले लहू रंगे निशान चीक रहे सन, “इस ईसा नूं अपणे ईमान तों डुलाउण लई इसदीआं तलीआं विच्च किल्ल ठोके गए।” पर उह तां सभ सूलीआं नाल समझौते करी बैठा सी ते जो सूलीआं नाल समझौता कर लवे, उह ज़िंदगी विच्च कदी समझौता नहीं करदा।

उसदीआं उंगलीआं ‘ते कोई साबत नहुं नहीं सी। ते उह लंमीआं पतलीआं उंगलीआं कहि रहीआं सन, “जद इह मनी सिंघ आपणे आदरश तों नां डोलिआ तां इहदा इकल्ल्हा इकल्ल्हा नहुं जंबूरां नाल खिच्च खिच्च के लाहिआ गिआ।

ते फिर छाती उतले लहू दे सुरख़ निशान बोल उठ्ठे, “जद कोई पेश नां गई तां बड़ी ‘बहादरी’ नाल इसदी छाती विच्च गोली मारी गई ते फिर इहनां ज़ख़मी हत्थां विच्च रीवालवर पकड़ाइआ गिआ। ते मुकाबले दी ख़ूबसूरत कहाणी पूरी हो गई।

“इह किल्लां दे निशान हन तलीआं ‘ते। इसदे नहुं कित्थे हन?” उसदे कालज दे संगी-साथी चीक उठ्ठे।

“इह ज़ुलम होइऐ, इह अनरथ होइऐ।” आवाज़ां दा इक्क तूफ़ान उठ्ठ खड़ा होइआ।

ते ‘अज्ज दे रखवालिआं’ नें छेती छेती देह चुक्क के आपे महड़ी ‘ते रख्ख के अग्ग ला दित्ती।

महड़ी विचों लाटां उच्चीआं होईआं। काले दिन विच्च चानण मघ उठ्ठिआ। जनता दीआं अख्खां अग्गे उह सोहणा जवान घुंम रिहा सी। उसदे ज़ख़मी हत्थ दिस रहे सन; जिनहां हत्थां नाल उह कबड्डी खेडदिआं जफ्फा पाउंदा हुंदा सी, जिनहां हत्थां नाल उह वालीबाल नूं धफ्फा मारदा ते इंज लग्गदा जिवें बाल पाट गिआ होवे।। खेड दे मैदान दा हीरो अज्ज ज़िंदगी दे सच्च दी खेड, खेड गिआ सी। अज्ज उसने इह किहो जिहे बाल नूं धफ्फा मारिआ सी! इह रबड़ दा बाल तां नहीं सी। इह तां लोहे दा बाल सी जिस नाल खेडिआं उसदे हत्थ ज़ख़मी हो गए सन।

भीड़ दीआं छातीआं विच्च अग्ग बल रही सी। साहमणे बल रही चिता दीआं लाल सुरख़ लाटां उहनां सभ दीआं सुरख़ अख्खां वल्ल वेखदिआं जिवें वंगार दे रहीआं होण, “वीरो! सच्च दी खेड लोहे दे गेंद नाल खेडण लई तुसीं आप ही सोचो कि हुण किनहां हत्थां दी लोड़ है?”

ते उसदे नौजवान साथीआं नें धरती दी मिट्टी नूं मुठ्ठां विच्च भर लिआ। उहनां दे होठां ‘ते कसमां सन। उहनां आपणीआं मीचीआं होईआं मुठ्ठां वल्ल तक्किआ ते उहनां नूं लग्गा जिवें उहनां दे हत्थ लोहे दे हो गए होण। -

अज्ज मैनूं पिछलीआं सतरां विच्च दित्ती ‘वंगार’ अते कहाणी दे अंत उत्ते लिखिआ वाक कहाणी नाल ख़ाहमख़ाह इक्क माटो वांग टंगिआ नज़र आउंदा है। कहाणी विच्च जे पिछलीआं पंज छे सतरां नां वी हुंदीआं तां कहाणी दा कुझ्झ विगड़ना नहीं सी सगों कुझ्झ सौरना ही सी।

इंज ही उहनां समिआं विच्च ‘लोहे दे हत्थ’ वांग मेरी इक्क होर कहाणी ‘जेब-कतरे’ वी काफ़ी चरचा विच्च रही सी। कहाणी दा मुख्ख-पातर प्राईवेट सकूल दा अधिआपक अति दे आरथक संकट समें किसे हमदरद दोसत कोलों बड़ी आस नाल पैसे उधार लैण जांदा है पर जांदिआं नूं उसदे उस इनकलाबी दोसत नूं पुलिस ग्रिफ़तार कर के लै जांदी है। निरास हो के वापस आउंदिआं राह विच्च उसनूं आपणे सकूल दी प्रबंधक कमेटी दे आगू मिल जांदे हन जिहड़े हलके दे नवें जित्ते ऐम ऐल ए नूं थैली भेट करन लई उगराही कर रहे हन। सकूल दी प्रबंधक कमेटी दे प्रधान आपणे ‘रिज़क-दाते’ नूं नांह कर सकणी उसदे वस्स विच्च नहीं। उह उसदी जेब विचली पहिलां तों ही मौजूद थोहड़ी जिंनी राशी वी उगराही दे रूप विच्च “कर कर जेब ढिल्ली, विंहदा की एं?” कहि के कढवा लैंदा है। आपणे साले दे विआह ‘ते जाण लई सिर पई आरथक लोड़ नूं पूरी करन लई पहिलां तों मौजूद थोहड़ी जिही राशी वी उस कोलों खोह लई गई। असलों ही खाली हत्थ हो के घर परते नाइक नूं उसदी पतनी ‘लोड़ पूरी हो गई’ दी कलपना करदी उतेजित हो के पैसे मिल जाण दी पुशटी करन लई रसोई विच्चों सबज़ी चीरदी बाहर आउंदी है। सबज़ी चीरन वाली छुरी उसदे हत्थ विच्च फहड़ी होई है। कहाणी अनुसार:

“सुणाओ सर गिआ? मैनूं पता है उह आप भावें किंनां गरीब है पर जदों वी साडा हत्थ तंग होइआ, उसने साडी मदद ज़रूर कीती।” ते फिर उह उतसुक नज़रां नाल पती वल्ल वेखण लग्गी।

“हां सर तां गिआ सी पर राह विच्च मेरी जेब कट्टी गई।” उसने धाह मारन वांग अध्धा सच्च ते अध्धा झूठ रला के किहा।

मेरे अंदरले अज्ज दे कहाणीकार नूं जापदा है कि कलातमक पध्धर ‘ते कहाणी इत्थे ख़तम हो गई सी, अते इह आपणे आप विच्च मुकंमल कहाणी सी पर उस वेले दी सिआसी सोच नाल मेरी प्रतीबध्धता नें नाइक दी पतनी कोलों- जिहड़ी रसोई विच्चों सबज़ी चीरदिआं बाहर आई सी अते सबज़ी चीरन वाली छुरी जिसदे हत्थ सी- इह अखवाउणा ज़रूरी समझिआ। :

“जे मैनूं जेब कतरे दा पता लग्ग जे तां मैं इह छुरी उसदे ढिड्ड विच्च खोभ दिआं!”

अज्ज मैं सोचदां इह ‘छुरी’ असल विच्च कहाणी दे ढिड्ड विच्च वज्जी सी। जे इह वाक नां वी लिखदा तां बाकी कहाणी, कला दे तकाज़िआं ‘ते पूरी उत्तरदी सी। इहो कारन है कि जदों मेरीआं हुण तक्क दीआं समुच्चीआं कहाणीआं दी पुसतक ‘तिळ-फुल्ल’ प्रकाशत होई तां मैं इस कहाणी दे अख़ीर ‘ते टंगी इह सतर कट्ट दित्ती।

असल विच्च ‘लोहे दे हत्थ’ विचलीआं इह कुझ्झ कहाणीआं विशेश राजसी मंतव नूं मुख्ख रख्ख के लिखीआं गईआं सन। उदों लग्गदा सी कि ‘इनकलाब’ तां औह नेड़े ही दिसदा पिआ है। जिवें वी होवे इसनूं खिच्च नें छेती तों छेती होर नेड़े कर लिआ जावे। जिवें किसे सांझे दुशमण नूं मारन लई घर जां पिंड दे सारे जीअ जो वी छोटा-मोटा डंडा-सोटा जां हथिआर उहनां दे हत्थ आवे, लै के भज्ज उठ्ठदे हन, इंज ही साडे हत्थ उदों साहित वी इक्क हथिआर सी अते असीं इसनूं वरतणा समें दी लोड़ समझदे सां। ज़ाहिर सी कि इस सथिती विच्च मंतव नूं वड्डी पहिल मिल गई सी ते कला किते किते उसदे अधीन हो के वगण लग्गी सी।

इहनां दिनां विच्च केंदरी पंजाबी लेखक सभा ‘ते कबज़ा करन दी लड़ाई वी शुरू हो चुक्की सी। गरम लहू वाले ‘इनकलाबी’ लेखकां नूं सभा दी संचालक सथापत लेखकां दी पुराणी टीम वेला-विहा चुक्की, इनकलाब दी लीहों-लत्थी अते ‘सरकारू’ हो गई लग्गदी सी। सभा ‘ते कबज़े दी लड़ाई विच्च नवें-पुराणे लेखकां दे जाभां दे भेड़ सुणन मैं वी जांदा। इसतों इलावा गरम-ख़िआली लेखकां वल्लों आयोजित कीते जाण वाले वख्ख-वख्ख सैमीनारां, समागमां अते कानफ़रंसां विच्च वी लगातार जाणा जारी रख्खिआ। ओथे गरमा-गरम विवाद-संवाद सुणन नूं मिलदे। मैं वी आपणे अंदर नूं रिड़कदा। साहित, साहित-सिध्धांत अते मारकसवाद दा मुतालिआ करदा अते इहनां दी अंतरीव-आतमा नूं समझण दी कोशिश करदा रहिंदा। इह तां नहीं कहि सकदा कि मैनूं सभ कुझ्झ साफ़ साफ़ दिखाई देण लग्ग पिआ सी पर मेरे अंदर साहित अते सिआसत बारे इक्क सहिज-लिशक पैदा होणी शुरू हो गई सी। मैनूं ‘जमाती दुशमणां’ दी सफ़ाए दी मुहिंम तों शुरू कर के ‘बेस एरीए’ बनाउण ते पौड़ी-दर-पौड़ी इनकलाब तक्क पहुंचण दा सुपना, यथारथक घट्ट अते ख़िआली वधेरे लग्गण लग्गा। इह वी जापदा कि जिंनां चिर किसे लहिर विच्च जन सधारन अपणत्त-भाव नाल शामल नहीं हुंदा, उसदी सफ़लता यकीनी नहीं हो सकदी। लोक लहिरां उसारन तों बिनां इनकलाब दे दरां तक्क पुज्जणा असंभव है।

इक्क तां मेरे सुभाअ विच्च ही है कि मैं किसे नाल लंमीआं बहिसां विच्च नहीं पैंदा। आपणे ही मन विच्च सुणीआं, पहड़ीआं अते जाणीआं गल्लां दा तरक-वितरक उसार के किसे निरणे उत्ते पुज्जदा हां। लंमीआं बहिसां विच्च पै के आपणा निरणा अगले नूं मनवाउण दी मेरी रुची नहीं। उंज वी कई वार भावें मेरे कोल दस्सण समझाउण लई पूरा तरक नां वी होवे मेरे अंदरों किसे मसले दे ठीक जां गलत होण दा जो झळकारा वज्जदा है, उस तों प्रापत सहिज-सोझी नूं वी मैं घट्ट महत्तवपूरन नहीं समझदा।

पारटी फ़रंट उत्ते कंम करन वाले जिहड़े आगू मेरे कोल आउंदे मैं उहनां दी ठाहर ते रोटी-पाणी समेत होर सरदी-बणदी सेवा करदा। कदी कदी मीटिंगां दा प्रबंध वी कर-करा दिंदा। मुंडिआं नूं आख के रात-बराते कंधां उत्ते पारटी दे इशतिहार वी लगवा दिंदा। पर मेरे अंदरली लिशक दस्सदी पई सी कि इस औझड़े राहे तुर के मंज़िल उत्ते पहुंचणा मुमकिन नहीं। कदी कदी मेरे कोल आउण वाले आगूआं विचों मैं किसे नाल आपणे मन दी दुबिधा सांझी नां कीती। आपणे सुभा अनुसार मैं किसे नाल बहिस विच्च वी नहीं सां पैणा चाहुंदा। इस पिछ्छे शाइद इक्क कारन इह वी सी कि उहनां वल्लों आम लाए जांदे दूशण मुताबक किते मैं आपणे ‘मध्ध-वरगी ख़ासे अनुसार इनकलाब दा भगौड़ा’ नां समझ लिआ जावां! इस पख्खों मैं कमज़ोर वी नहीं सां दिस्सणा चाहुंदा। तद वी जदों इक्क पारटी आगू नें मैनूं मेरे पिंड अते इलाके विच्च भावें ऐवें हासे-हासे विच्च किसे ‘जमाती दुशमण’ दी निशानदेही करन लई आखिआ तां मैं उसनूं कोरा जवाब दिंदिआं आखिआ कि पारटी दे निसचित माप-दंड अनुसार इत्थे कोई इस तरहां दा वड्डा जागीरदार, सूदखोर जां ‘सफ़ाएयोग’ विअकती नज़र नहीं आउंदा। उसने अग्गों इक्क तरहां मेरा मज़ाक उडाउंदिआं विअंग नाल आखिआ, “इस हिसाब नाल तां इस इलाके विच्च समाजवाद आ गिआ होइऐ!”

मैं उस नाल वी गल्ल नूं लमकाउणा चंगा नां समझिआ।

उंज वी मैं पारटी दा कोई बाकाइदा मैंबर नहीं सां। केवल हमदरद सां। पर हुण मेरी हमदरदी मेरे अंदरों उठ्ठदे प्रशनां विच्च ही घिरदी जांदी जापदी सी। मैं देश-विदेश विच्च लोक-साथ तों विरवीआं अजिहीआं भूमी-गत दहिशतपसंद लहिरां दा इतिहास अते होणी जाण समझ चुक्का सां। अजीब गल्ल इह होणी शुरू होई कि इस लहिर विच्च छेती ही कई तरहां दे वख्खो-वख्खरे गुट्ट बणने शुरू हो गए। मैनूं हैरानी हुंदी सी कि मैं तां भला अजिहीआं लहिरां नाल संबंधत इतिहास बहुता पहड़िआ नहीं सी होइआ पर सारा कुझ्झ जाणदे समझदे होए वी इह आगू निक्के निक्के सिध्धांतक मुद्दिआं उत्ते अड्डो-पाटी किउं होए फ़िरदे नें? की इसदा कारन उहनां दी विअकतीगत हउमै ही तां नहीं? जिनहां लोकां लई अते जिनहां लोकां राहीं इनकलाब आउणा है, उहनां तक्क तां इहनां दी पहुंच ही कोई नहीं। इह लहिर तां बहुती मध्ध-वरग दे पहड़े-लिखे नौजवानां तक्क सीमत है। मैं अंदरे-अंदर इस सिआसी-सोच तों किनारा करदा जा रिहा सां पर मेरे कोल आउण वाले सिआसी-दोसतां नाल भरप्पण वाला रिशता बण जाण करके उहनां नूं दो-टुक्क जवाब दे के उहनां तों असलों ही अलग्ग हो जाण दी दलेरी करनी मैनूं औखी लग्गदी सी।

आपणे मन दे इह शंके मैं हरभजन हलवारवी नाल सांझे कर सकदा सां किउंकि उसदा ते मेरा रिशता ‘सिआसी’ नालों ‘साहितक’ वधेरे सी। असीं सिआसत दीआं बहुतीआं गल्लां वी नहीं सां करदे सगों साडी चरचा दा केंदर आम तौर ते साहित ही हुंदा। मौजूदा लिखे जा रहे पंजाबी-हिंदी साहित तों गल्ल शुरू हो के संसार-साहित ते फिर अकसर महान रूसी गलप-साहित ‘ते जा के ख़तम हुंदी। कदी कदी असीं आपणे निज्ज दीआं सांझां, तांघां अते त्रिपतीआं-अत्रिपतीआं वी इक-दूजे नाल सांझीआं कर लैंदे। इस लई उस नाल आपणी अते उसदी वरतमान सिआसी सथिती बारे गल्ल करनी नां औखी सी ते नां ही ओपरी। दोसती दे बण गए नेड़ले रिशते विचों ही मैं उसनूं किहा कि पारटी दी मौजूदा लाईन अनुसार इक्का-दुक्का ऐकशन करके अते रात-बराते कंधां ‘ते इशतिहार ला के जां नाअहरे लिख के रोमांचक-सुंनसुनी तां पैदा कीती जा सकदी है पर लोकां नाल लोक-लहिर उसारन वाला राबता हरग़िज़ नहीं बण सकदा। उह मेरीआं गल्लां नाल मुतफ़िक नज़र आइआ। उसने वी मंनिआं कि लोकां नूं नाल जोड़न लई जनतक-जथेबंदीआं उसारन दी बहुत ज़रूरत है।

कुझ चिर बाअद हलवारवी नें दस्सिआ कि उह अते उहदे साथी नागी-रैडी गरुप्प नाल जा रहे हन अते इस गरुप्प दी लाईन जनतक जत्थेबंदीआं उसार के अग्गे वधण दी है। मैनूं इह गल्ल आपणी सोच अनुसार कुझ्झ कुझ ठीक लग्गी। पर मैं मन विच्च पक्के तौर ते निरणा कर लिआ कि इक्क सीमत हद्द तक्क ही सहियोग देणा है। मैं हाल दी घड़ी सिआसी कारकुन वजों विचरन दा इरादा तां असलों ही तिआग दित्ता। सोचिआ; जिंनां कु हो सकिआ नौजुआन भारत सभा जां मुलाज़म-मुहाज़ ‘ते सहियोग दे दिआंगा, पर मेरी सुरत अते अमल दा खेतर केवल ते केवल साहित ही होवेगा। नां ही मैं आपणे तों कोई वड्डी आस रख्खे जाण दा हक्क किसे नूं देण लई तिआर सां अते नां ही किसे वड्डी आस ते पूरा उत्तरन जां नां उत्तरन लई जुआबदेह होण लई तिआर सां।

मैं हुण तक्क आपणे आप नूं टोह के वेख लिआ सी। सरगरम सिआसी बंदिआं वांग सिआसत विच्च भाग लैण वाला मेरा सुभा ही नहीं सी। भावें नागी-रैडी गरुप्प वल्लों जनतक जथेबंदीआं उसारना ‘हां-मुख़ी’ कदम सी, पर अनेकां गरुप्पां विच्च वंडी कमिऊनिसट लहिर तों किसे तण-पत्तण लग्ग सकण दी आस हुण मैनूं नहीं सी रही। मैं आपणे आप नूं निरोल साहितक गतीविधीआं दे घेरे विच्च रख्खण दा निरणा कर लिआ। इस मकसद लई हलवारवी अते उसदे साहितक-साथीआं वल्लों साहितक-मसलिआं अते रचनावां नूं घोखण-वाचण लई कदी कदी हुंदीआं मीटिंगां विच्च शामिल होणा मैनूं प्रवान सी। इह मेल-मिलाप बणाई रख्खण पिछ्छे वड्डा कारन इह वी सी कि मैं इहनां साहितक-मित्तरां दी संगत दे मोह-जाल विच्च वी फसिआ होइआ सां। इसे मोह सदका अते कुझ्झ चंगा ते सारथिक करदे रहिण दी तांघ कारन ही मैं आपणे पिंड विच्च विशेश तौर ‘ते अते आपणे इलाके विच्च आम कर के नौजवान भारत सभावां नूं उसारन विच्च योगदान दित्ता अते गौरमिंट टीचरज़ यूनीअन विच्च ‘नागी रैडी’ गरुप्प दी लाईन लागू करवाउण लई सरगरम रोल वी अदा कीता।